السلام فيهو كلام

[المسافر]

طبعا عندنا نحن كسودانيين خصوصية في سلامنا وتحياتنا ، عندما نلتقي مع بعضنا نقوم نسلم على بعض بعنف شوية لدرجة الضرب على الضهر ( لبع ساااااااااي ) ، وهذا في فهم ورأي الكثيرين منا دليل على قوة الشوق وحرارة الترحيب ، مع أني شايف أنو هذه الطريقة برغم الحميمية الفيها تعتبر غير حضارية ، لكن ياهو سلامنا .

لكن نوعية السلام الجديدة بين النسوان السودانيات والشفتها قدام عيني في مطار أبوظبي من أسبوع خلتني محتار ولغاية هسه في حالة إنبهار ومهجوم عديل كده ، بجد شفت سلام فيهو كمية من البوس والقُبل وأكرر قُبل حريمية معززة ( بوس في الشفايف يعني ) بطريقة عنيفة جدا ، وبجد لا يوجد أي عذر مهما كانت صلة القرابة بين هؤلاء النسوة فهذا ليس بسلام أو حميمية شوق ولقاء ، إنما فعل فاحش بكل معنى الكلمة ، حتى أنهن لم يراعن مشاعر الكميات الكبيرة من الناس الموجودة في المطار وجعلن من أنفسهن أضحوكة وأعجوبة ، وأكيد ده ما قاصدين بيهو ( سلام الله والرسول).

عارف السودانيات المغتربات مفلهمات ومقندفات وشايفات نفسهن شوية ، لكن لدرجة يطلعن تقليعات غريبة كدة وبعيدة كل البعد عن أي تقاليد أو أعراف بين أفراد البشر ، ودائماً ( شطحاتن ) بتكون أكبر وأعور وخصوصا لمان يلقن فرصة .

أها بعد موضة ( سلام القُبل دي ) تاني حتجي ياتو تقليعة ؟ الظاهر عليهن خلصن أي شيء في الدنيا من تقاليع وموضات في الملابس والميك أب والتسريحات والعبارات الغريبة والعجيبة ولم يتبقى إلا تقليعة السلام.

[مدناوية]

حبوبة ما كضبت لمن قالت ...

نحيا ونشوف ،، عرس الجدادة للخروف ..


غايتو يالمسافر نقول شنو غير ربنا يحفظنا ويحفظ بناتنا ..

ويسترنا دنيا وأخرة ...

[المسافر]

حبوبة ما كضبت لمن قالت ...
نحيا ونشوف ،، عرس الجدادة للخروف ..
غايتو يالمسافر نقول شنو غير ربنا يحفظنا ويحفظ بناتنا ..
ويسترنا دنيا وأخرة ...




أخلاق الناس بقت دنيوية جدا أختي مدناوية
نسيت يوم الحساب والرجوع إلى الله

بس أعتقد أن زي السلام ده ممكن
نسميهو ( كية في الرجولة ) لأني
وحسب فهمي المتواضع بأن عزوف
الشباب عن الزواج ترك فرصة ومساحة
لمثل هذه الأفعال .

[مايسة]

عارف السودانيات المغتربات مفلهمات ومقندفات وشايفات نفسهن شوية ، لكن لدرجة يطلعن تقليعات غريبة كدة وبعيدة كل البعد عن أي تقاليد أو أعراف بين أفراد البشر ، ودائماً ( شطحاتن ) بتكون أكبر وأعور وخصوصا لمان يلقن فرصة .


[/COLOR]


صباحكم شباب

يعني دي حاجة فعلا غريبة جدا - وزاتو يدرجوها تحت اي مسمى هسه :confused:

يعني لو كان في مووضة في الدول المتقدمة - والما فاكنها في حاله - كان ممكن نقول تقليد - لكن دي ما عندها اسم غير انها سلوك - غير سوي -
غايتو يا المسافر - ما اشوفك جبته زوجتك هنا - لانها حا تبقى مغتربة ومقندله ومتفلهمة :cool::p

[الجندي المجهول]

الاخلاق والدين والتربية ،،،،،

احييك اخي المسافر على هذه الروح ....

تخريمة : رسالتك وصلت وقريتها واشكرك بحرارة (اتصلت عليك جوالك مغلق)

مشتاااقين

[محمد حسين (المميز)]

( بوس في الشفايف يعني )




:eek::eek::eek::eek:




هـــاااااا زول هـــاااااا

دحيــن ده قلت لي ســلام بتاع مره مع مره:eek:


والله ياها زااااتها تجي ولا نجي في مطـار ابوظبي;)

[بت مارنجان]

شنو ياخوانا يمكن بحبو بعض
يمكن حرارة الشوق
هع هع هع هع هع هع علي قولت اخونا الارهابي

اللهم احفظنا واستر علينا يارب

[ود المطامير]

مسافر محن

مشتاااااقين والله

أخير نحنا كضابين 10 مرات

لكن ما بنعمل جنس دا

[ود المطامير]

شنو ياخوانا يمكن بحبو بعض
يمكن حرارة الشوق
هع هع هع هع هع هع علي قولت اخونا الارهابي

اللهم احفظنا واستر علينا يارب

هع هع هع هع

[بت أم درمان]

شنو ياخوانا يمكن بحبو بعض
يمكن حرارة الشوق
هع هع هع هع هع هع علي قولت اخونا الارهابي

اللهم احفظنا واستر علينا يارب

هع هع هع
دا كلام شنو يا بت امي

غايتو في حاجات كدا بيشوفها المسافر براااهو

[بنت الرفاعي]

:eek::eek::eek::eek::eek:
:confused::confused::confused::confused::confused:

لا حول ولاقوة إلا بالله.

[esmat]

يا حبيبنا المسافر
الناس مشتاقة لي بعض والغربة ليها اثر كبير
وثقافة البلاد الاخرى اثرت في ثقافة البلد
بما انو الناس معظمها عايشة برة - فعادي -

[عبدالرحمن مدثر]

حبيبنا المسافر

انا طبعا بكررره الغربة والمطارااات والناس البغتبرو وبطولو

وبفقدو حاجات كتيرة بسبب الغياب

لكن ذكرتنى بصاحبى محمد ونحن بنسميهو (كلالة )

اها كلالة دا شوقوا غريب

لمن تشوفو جاى عليك هااشى باش بتشيل هم

ياخ دا عندو يد انسى بس

والغريبة بركز فى حتة واحدة فى الضهر لمن تلتهب

انه ليع غريب ياصديقى

يوم العيد

لمن تقابل كلالة

اصلو مافى زول بقول ليهو عيد سعيد

وعفو وعافية .. والحاجات البتتقال فى المناسبات الرسمية

اهم كلمة بعد ان يقالدك

كلالة عليك براحة على الضهر ياااااااااااااااااخ

[عبدالرحمن مدثر]

انا اخدت زاوية اللبع دى وركزت فيها

فمعليش اذا انحرفت بمسار البوست

[بت أم درمان]

انا اخدت زاوية اللبع دى وركزت فيها

فمعليش اذا انحرفت بمسار البوست

ولا يهمك
انحرف ياخ زي ما عايز
البوست بوستيك
اما حكاية اللبيع دي شفناها
صوت اللبعة براهو يخليك تشيل هم
تعمل اهتزاز في الامعاء الرئوية :)

[mahagoub]

ياا خوانا انا بشوفها دى حساده من المسافر
وامكن اتمنى الشى ده لمن شاف الشى ده
هى امكن ام بتسلم على بنتا او بت بسلم على امها
امك دى ياما سلمت عليك فى فمك وفى خدودك بس المكان ليهو احتراموا وتقديروا
اما سلام اللبع البوقف القلوب ده والله انا محتار فيه بحاول بكل الامكان ابعد نفسى منه
بعدين حتقول لى بالنسبه للسلام الاول ديل شابات
لكن بقول ليك الزمن ده البت بقت قدر امها والام قدر بتها يعنى فى اغلب الاحيان
مابتحس فى فرق بين الام والبنت
لكن برضو برجع بقول نفس كلامك دى مامن عاداتنا
ولاشنو ............................

[ابوالنور]

السلام عليكم يا شخص

[mahagoub]

السلام عليكم يا شخص

شخص محمد عبدالقادر