مشاهدة النسخة كاملة : بعض مزايا ومحاسن وفوائد قطوعات الكهرباء
okasha
21-09-2010, 09:34 AM
طبعا كل الناس مستغربين من العنوان مزايا ومحاسن وفوائد قطوعات الكهرباء لكن انا جااااااادى فى العنوان
يعنى اليومين ديل مدنى فى حالة قطوعات مستمرة والناس زهجانة وقرفانة واخلاقها فى نخرتا الناس دى ما فاهمة حاجة سااااااى وما فاهمين بالجد لانو اى زول يشتكى ويسب ويلعن فى الادارة دا زول مافاهم لانو لو عرف بعض مزايا ومحاسن وفوائد قطوعات الكهرباء ما كان قال البنسمع فيهو اليومين ديل
على العموم نخش ونمسك بعض الحاجات الفوق
اولا فى قطع الكهرباء ترشيد ليها الناس الجاهلة ديل لانو المواطن ما فاهم ويستغل الكهرباء استغلال خاطئ تماما والجماعة لمن يقطعو الكهرباء حريصين على مصلحة المواطن لانو المواطن بشترى الكهرباء بالشئ الفلانى وعشان قروشو ما يضيعها سااااااااى فى التكيف وتشغيل تلاجات البيت والفرن والغسالة والمكوة والسخان والديجتال وال دى فى دى و البلى ستيشن الكمميوتر والمراوح وال .....
عشان كدا الناس ديل قلبهم عليك انت يا مواطن يا مغفل يا بليد يا مبذر
okasha
21-09-2010, 09:45 AM
تانى حاجة يا مواطن يا بليد ياغبى فى قطع الكهرباء حرص على حياتك ما نحتار موش لمن تقطع الكهرباء السلوك الموصلة فى الشارع ما بكون فيها كهرباء
اها يا مواطن لمن الكهرباء تكون موصلة فى السلوك دى والسلك يقع ما بكون فيهو خطر عليك وعلى ناس بيتكم خصوصا الاطفال يعنى موووووووووووت طوالى اها السلوك البتقع براها فجأة سااااى من غير سبب او السلك فتر من التعليق فى الهواء لمن يقرر يقع ما خطر بالله
يعنى الناس ديل حريصين يقطعوالكهرباء حرص على سلامتك اكتر منك انت تجازيهم بالسب واللعن والماعارف شنو داك .........حرام عليك يا مواطن
صابرحسين
21-09-2010, 10:33 AM
أخي عكاشة كل سنة وأنت طيب
أتمنى يصلك مكتوبي هذا والكهرباء ما قاطعة ههههههه
فعلاً مسألة تحير أنا في رمضان كنت في السودان وكل يوم الكهرباء مقطوعة وبالذات في حي المزاد، وين السد يا عكاشه نريد الرد يا عكاشه..... بس ما تقول لي نحن في مدني كهربتنا ما من السد ... ولا تقول لي الناس ما بتسدد فواتير الكهرباء مما أدى لعدم تطوير هذا المرفق الهام والحيوي لأن الكهرباء أصبحت بالكاش ......
الجندي المجهول
21-09-2010, 08:34 PM
حبيبنا عكاشة كل سنة وانت طيب ،،
اوزن المعدالات التالية ولك جائزة
اكبر ارض خصبة في العالم ومياه
سعر الطماطم غالي والليومن زاتو ( اتعزز)
عندنا بترول
سعر الجالون 7.500
وزاتو ممحوق تمشي بيهو اقل مشوار ( بتقطع)
عندنا مجموع ة من السدود والخزانات ( الروصيرص + سنار + مروي +بري الحرارية)
والكهرباء ( غالية + مقطوعة)
عندنا مصانع سكر كتيرة ( وناسنا زاتهم سكر)
بس الشوال وصل رقم خيالي
اها احسب ليك ولا كدا كفاية
اها نسيت والله
حكومة تقول انا اسلامية
وتجد ...........
الباقي تموا خيال ......
okasha
23-09-2010, 09:02 AM
استاذنا صابر كل عام وانت بخير
وعلى الطلاق قااااااااااااااطعة
قلت لى حى المزاد كهربتو مالها
ياخى والله حى البنك وحى الكاش بقو كهربتهم قاطعة تقولى حى المزاد اديك مبالغة..... حى السد بقى يقطع
وكان الله فى العون يا مواطن
okasha
23-09-2010, 09:25 AM
وانت انشاء الله السنة الجاية بالف خير يا الجندى وتترقى تبقى جندى معروووووف
وتبطل البتعمل فوقو دا لحدى ما بقيت مجهول
يا زول والله انا بتاع رياضيات مالى ومال المعادلات شوف لينا تاريخ ولا جغرافيا ولا طب مالك داير تودينا فى ستين داهية
لكن معادلاتك عندنا زيها كتيييير يا مواطن فى العسكرية بحلها ليك على الطلاق
موش انا محامى وجزار
خالد أحمد الصول
23-09-2010, 09:51 AM
بالله اسع قطعت الكهرباء و شغال بي اللاب توب يا صبر لمان اتم المشاركة يا قفل ... نسوي شنو يا ناس ... فلس و حر و قطع موية و كمان قطع كهرباء ... قادر الله
okasha
23-09-2010, 09:55 AM
نرجع تانى يا مواطن يا ما واعى لمزايا ومحاسن وفوائد قصع الكهرباء
فى قطع الكهرباءوخصوصا باليل فائدة للتعليم وللمجتمع قولو لى كيييييف ؟؟؟؟
موش لمن تقطع الكهرباء باليل الطلاب ما بزاكروا ؟؟؟؟
اها دى ما فائدة للمجتمع والتعليم
بكل بساطة عشان ترحم الطالب من المزاكرة 24 ساعة بالليل وبالنهار واندمس ينوم من بدرى فى الباعوضة بعدين طلاب الزمن دا شطاااااار وقراييين ما بحتاجو للبش فى امتحانات الشهادة لا فى عربى ولا غيرو لانو بقرو طول اليوم باليل والنهار همهم القراية بس وبيجيببو نسب ومعدلات كويسة وكل يوم زايدين وعينى باردة عليهم ...
اها لمن الكهرباء تقطع يرتاح وياخد نفسو وما يتعقد من القراية الكتيرة ويطلع لينا شخص للمجتمع معقد ومريض نفسانى ولا شنو يا جماعة ؟؟؟
شفتو الناس ديل همهم على المجتمع كيف
okasha
23-09-2010, 10:01 AM
اها يا استاذ خالد اديتنا فائدة تانى ...
فى حتات الكهرباء لمن تقطع بتقطع معاها الموية وفى قطع الموية تعليم للناس الصبر وترشيد للموية عشان النيل ما يكمل برضو ل المواسير اللبتتكسر فى الشوارع من غير سبب لمن تقطع الموية بتكون فاضية وما بتعمل الخمج البحصل دا .....ولا شنو يا استاذنا ؟؟؟؟
okasha
23-09-2010, 10:05 AM
اقسم بالله ثلاث ...وانا بكتب فى المشاركة القبل السابقة قطعت الكهرباء واتخيلو لمن يكون كمبيوتر وانت بتكتب فى كلام كتييير والكهرباء قطعت اكيد فى فائدة بس انت ما عارفها حاقولها ليكم بعد ما نشوف رايكم شنو يا مواطنين ؟؟؟؟
خالد أحمد الصول
23-09-2010, 12:46 PM
والله يا عكاشة ما في فايدة لي قطع الكهرباء إلا بس كان توفر الكيلوهات في العداد
إنت أسع الكهرباء ما قاطعة ما تنوم ولا احسن تقعدوا برة في المصلي بتاعكم تتونسوا دي زاتها ما علاقات إجتماعية مية المية
يا زول أقول ليك قوله ... الاجتماع تأجل لي يوم الاحد في مكتب جنابو علي النعيم ... تعال بدري أغشاني تفطر سمك!!!! أخير ليييييييك
okasha
26-09-2010, 08:35 AM
خلاص يا استاذ خالد اكون طالبك فطور سمك
ودى واحدة من فوائد قطع الكهرباء جابت لى عزومة سمك
كتير خير الناس القطعو لينا الكهرباء
okasha
26-09-2010, 08:40 AM
نرجع يا جماعة لموضوعنا
من الفوائد فائدة اجتماعية واخلاقية ...الا وهى لمن تقطع الكهرباء المواطنين يقوموا يفضو الفريزرات والتلاجات من اللحوم والاسماك والفراخالمكدسة بالاضافة للفواكه من تين وتفاح وعنب ومانجو وغيرها وناس تاكلها بدل تكدسها وتخزنها ولمن تقطع الكهرباء وتكون فى الفريزرات والتلاجات يتبوظ ....
اها بالله دى ما فائدة انو الناس اليومين ديل يتغذوا
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir