نقلاً عن جريدة المشاهير ،، ادخل وشوف واستغفر بك

[الجندي المجهول]

http://i56.tinypic.com/a14pe.jpg
أقر المغني حمادة بحري أن لقب (حمادة بت) يعد ملكاً حصرياً عليه وإن من أتوا من بعده لا يعدون سوى مقلدين له ليس الإ متبرئاً في ذات الوقت مما يأتون به من أفعال قائلاً أن ما يأتي به هؤلاء الحمادات أنا بريء منه تماما مشيرا في ذات الوقت بأنه معروف عالميا وإنه مقتنع بالدرب الذي يمضي فيه وقال انه يحمل سوط عنج يضرب به أي شخص يناديه بحمادة بت ونفي أن يكون قد إستعمل اي نوع من الكريمات المبيضة للبشرى وقال إنه عندما زار موسيقار أفريقيا محمد وردي في منزله قال إنه طلب منه ترديد أغنية راجل المرأة ووعده وردي بمنحه عدد من الالحان بعد إشادته بصوته.

تخريمة :

يعني (لقب بت) عاجبوا وعمل ليهو ملكية فكرية و (حصرية) غايتو خسارة لو اسمك ( محمد أو أحمد او محمود ) ...
لن الومك فهذا زمن المهازل ،،،، فدعوها تمرح كيفما شاءات ولا حول ولا قوة إلا بالله

استغفر الله العظيم واتوب اليه ،، اللهم اسالك الستر فوق الارض وتحت الارض ويوم العرض

مع اللفة : صوت العنج عندك لكن ،،،،

[مدنيّة]

غايتو يا الجندي انا من امبارح بضحك في الكلام دا

وقت الاسم خاص وحصري الجلد لزومه شنوووو ؟!!!

[محمد حسين (المميز)]

اريتـه يايمـّــه راجـل السـرووووور
:D:p:D










تخــ :- انت يا الجندي لمن كنت صغير بدلعوك بقولو ليك شنو:confused::o:confused:

[محمود (أبو وضاح)]

ما قلت ليك يا الجندى أخوى أنه وبفضل الفضائيات ونحمد الله الذي لا يحمد على مكروه سواه، فقد حققنا الاكتفاء الذاتي من أهل الطرب، وتمكنّا بعون الله من تخصيص فنان وفنانة أو مداحة لكل مواطن ، ودقى يا مزيكة ، لا تستعجب من حمادة بت أو حنان مس كول ، فالآتى سيكون أفظع بعد الحفلة إياها لعارضى الأزياء الشهيرة بالعاصمة المثلثة والمكياج وكوى الشعر لدى الرجال وأحمر الشفاه ، تقول لى حمادة بت يعترض !!!

[مدنيّة]

اريتـه يايمـّــه راجـل السـرووووور
:D:p:D










تخــ :- انت يا الجندي لمن كنت صغير بدلعوك بقولو ليك شنو:confused::o:confused:

اسمح لي اقوليك يا "محمد" انت زول بتاع مشاكل ههههههههههههههههههههههههه

[الجندي المجهول]

غايتو يا الجندي انا من امبارح بضحك في الكلام دا

وقت الاسم خاص وحصري الجلد لزومه شنوووو ؟!!!



اختنا الغالية صباح الخير،،

بالجد كلام يضحك ،،، انا مستغرب في صوت العنج بتاعوا دا

تخريمة : باقي ليك الزول دا لو في زول كورك ليهو (يابت) وهو قام شحطوا بالسوط الضربة بتكون (حارة) الله اعلم !!1

[الجندي المجهول]

اريتـه يايمـّــه راجـل السـرووووور
:D:p:D










تخــ :- انت يا الجندي لمن كنت صغير بدلعوك بقولو ليك شنو:confused::o:confused:

راجل السرور دا اخو (كانون السرور)

تخريمة :
انت تعرف اكثر من غيرك القابي في حدود ( باكا ) + (ودو ) + (ود اللمين) واحمد الله على ذلك وعلى نعمة الاسم (محمد )

[الجندي المجهول]

ما قلت ليك يا الجندى أخوى أنه وبفضل الفضائيات ونحمد الله الذي لا يحمد على مكروه سواه، فقد حققنا الاكتفاء الذاتي من أهل الطرب، وتمكنّا بعون الله من تخصيص فنان وفنانة أو مداحة لكل مواطن ، ودقى يا مزيكة ، لا تستعجب من حمادة بت أو حنان مس كول ، فالآتى سيكون أفظع بعد الحفلة إياها لعارضى الأزياء الشهيرة بالعاصمة المثلثة والمكياج وكوى الشعر لدى الرجال وأحمر الشفاه ، تقول لى حمادة بت يعترض !!!

حبيبنا محمود ابو وضاح ... صباح الخير

والله كلامك اصاب كبد الحقيقة .. لكن ماذا نعمل في زمن حتى قنواتنا الفضائية اصبحت جل برامجها (الاغاني )

تخريمة : حنان مس كول دي ( معتزالريح عندو عنها فكرة )
سؤال برئ : لماذا سميت بهذا الاسم

[تغريدا]

الجندى المجهول نهارك سعيد ياخوى تجيب المحن بالله دا حقيقة وفى سودانا دا؟؟؟؟؟؟؟؟؟ ياربى سترك فى الدنيا والآخرة شئ يضحك وشئ يبكى

[ABUZAID]

السؤال المطروح

حمادة ( بت ) . . .

( بت ) بكسر التاء من ( بنت ) ؟ ؟ ؟

ام انها . . .
( بت ) من الانكليزية ( petrol) ؟ ؟ ؟

اوعة تكون . . . . . .

نسأل الله السلامة . . . وسرعة الجرى

[الجندي المجهول]

الجندى المجهول نهارك سعيد ياخوى تجيب المحن بالله دا حقيقة وفى سودانا دا؟؟؟؟؟؟؟؟؟ ياربى سترك فى الدنيا والآخرة شئ يضحك وشئ يبكى

وأنت نهارك اسعد يا اختنا

والله انا خجلان للكلام البيحصل دا ...

نسال الله السلامة

[الجندي المجهول]

السؤال المطروح

حمادة ( بت ) . . .

( بت ) بكسر التاء من ( بنت ) ؟ ؟ ؟

ام انها . . .
( بت ) من الانكليزية ( petrol) ؟ ؟ ؟

اوعة تكون . . . . . .

نسأل الله السلامة . . . وسرعة الجرى

الحبيب تكعيب

والله الجري زاتو بقى ما بحل !!!!

ياخ الاوبئة بقت كتيرة خلاص ...

شي سوق مواسير وزيادة اسعار وناس حماة بت

دا ياهو الابتلاء زاتو يطل بوجه اخر ( القمل والضفادع )

[تغريدا]

والله محنتنى بحمادة دا أمشى واجى راجعة أعاين ليه وبقول فى نفسى ياربى الشخص دا او الزول او الواحد دا ماعارفه زاتو أنعتوا بالمزكر ولا المؤنث قلبه بقوليه شنو مافى حته زرة من الايمان مافى ذكرى للموت وتانى ارجع اقول لنفسى هه دا كان عندو قلب أساساًألمتنى جداً ياالجندى وأحبطنى وللاسف البعض يفتكر أنه دا الرقى والحضارة وآآآآآآآآآآآآآأسفاه الله يهدي الجميع

[بت أم درمان]

يا جماعة الزول دا مريض عيان يعني
الحاجة دي ما بتشفع ليهو ؟

[نزار احمد كوارتي]

هذا زمانُكِ يا مهازِلَ فَمرحي

[محمود (أبو وضاح)]

المهازل تبرأ وتستبرأ من حمادة دا !! أو حمادة بت !! أنتو ما سمعتوا بغنى :
لاقانى باللفه وباسنى بالسفة !!!

[بورتبيل]

(هو بالجد في فنان اسم كدا ..!!؟؟؟)

ولله تبقى دي مصيبة

طبعا انا بعيد خالص من الفنانين والنعاقيين والحمير التي تهري المسامع

بلد فيه من المغنواتية والموسيقين ما يفوق عدد الذين يعلمون في القوات النظامية

استغفر الله

[moh_alnour]

لا تتعجب فأنت في بلاد المليون مُغني و مطرب
أه لو أه تفيد موجوع
نسأل الله السلامة و العافية

[ahmed algam]

لاحول الله يارب

ويفتخر ويشاكل كمان

والله كلام غريب

[الجابرابى]

لااستغرب مادام هناك اسر تحضره فى اعراسه ويتمايل وسط النساء

[moh_alnour]

مع اللفة : صوت العنج عندك لكن

مع اللفة : سوط دي لو شافا مودي بكشف حالك :p

[ZANOON]

ياجماعه اقول شنو؟
البت (دا) ابعيدوهو من هنا

[ZANOON]

يالجابرابي نوم قفا
وفر ليك حق العساكر

[ZANOON]

ياود علقم خليك عاقل
اسي دا لو قالو ليك بشاكل بتصدق
انا مااااااابصدقكم

[ZANOON]

يانيزو رسل ليو واحد من الشوايقه بلدياتكم
عشان يعرف سوط العنج جدجد
بس اوع تنسئ

[مدناوية]

نسأل الله السلامة .. والعفو والعافية ..

والسترة في الدارين ..






مشاققة .. دي دعوة حبوبتي المفضلة لما تسمع ليها كلام ما يعجبها ...

[أحمد (الغالي)]

إنا لله و إنا إليه راجعون
نسأل الله السلامة و العافية
لو لم يكن الإسم حصرياً عليه .. لحصر الإسم نفسه عليه

[ضياء الدين احمد]

انتو طيب ياجماعة الخير الزول القالو مجنون وطعن الرائع خوجلي عثمان ده وين ؟؟؟؟؟؟؟؟؟؟؟؟؟؟؟؟؟ مالو مابشوف زي ناس حمادة بت ديل وبيني وبينكم هو حمادة بت ده ماتشيلوا حسو براهو الزيو كتيريين يعني انا في نظري اي فنان لابس سلسل يمثل حماده بت وست الجيل بل يمثل بنات حواء كلاااااام يا.....!!!!!

[أحمد عمر ( MOODY )]

مع اللفة : سوط دي لو شافا مودي بكشف حالك :p



ود الجاك .. تعوّذ من إبليس ياخ
الجندي ما غلتان في صوت .. الجندي قاصد صوت الغنج
و نسى النقطة في الغين .. عشان يستقيم المعنى
و تبقى صوت الغنج ( الدلال ) ... و المعنى وااااااضح

قولتوا لي .. هو سيد أغنية راجل المَرَة






مقددددددددددددددددددددرة

[بنت الرفاعي]

المُشكلة يا جماعة في أن أشباههُ كُثُر، بل هناك من هُم أسوأ منه بكثير، وهُناك من هم على الدرب سائرون!!!!:(
نسأل الله لهم الهداية ولنا أجمعين.