isamzaki1978
09-10-2010, 08:37 AM
يا حبايبنا سلامات ، كيفكم فى الزمن الصعب دا والجو الدرجة حرارتو زى فرم فى مصنع حديد ، قاعد منتظر ود المطامير شارينى شرة بنطلون جنز فى يوم خريف ، وكل ما اتصل عليه يقول لى جمبك يا اللخو ، لولا انو شابكنى الموضوع صعب وضرورى كان زمان شتتا خليتو لكن الموضوع قال ما بستحمل ، لسه نحن مع حكايات ابو العلاعل و ابو الثعالب واى واحد عامل فيها اشفت من التانى ونحن المساكين الاجاويد حلالين المشاكل ونحن مشاكلنا ما قادرين نحلها وزى ما قال هناى فى التلفون
بلا عمك بلا بطيخ نحن نقابلو هو ولا نقابل اولادنا ، هسه نحن نقابل ابو العلاعل وابو الثعالب ولا نقابل اولادنا ،
لكن نعمل شنو عشان اولادم الهم ما عملوا حسابن نحن نضحى نشيل مشاكلم فى راسنا و
الشايل هموم الناس همو العندو قالبو يشيلو ،
كدى النلكز ود المطامير بى تلفون انا عارفو بمروحنى
الووووووووو، يا ود المطامير انت وين
جمبك يا اللخو ، اسمع يا فردة انت قريب ولا امشى اشرب لى كباية جبنة ، اشرب كباية الجبنة ساى يا اللخو،
انا عارفو ها يشرنى ما قلت ليكم
خلاص يا فردة تعال لى جمب عشة شمارات ، مية مية يا اللخو
عشة يا عشوشة ، يا مهترش كيف ، تمام ، الليلة وين الشباب ، ود المطامير جاى فى السكة ، وابو النور بعمل فى بروفه لغنيتو الجديد فى البحر والغنية طبعا من تأليف مودى ولانو ابو النور عاوز يغنيها فى عرس همسات وانت عارفه عرس همسات قرب ، وابو الامجاد ساكينو ناس عاوزة اجوز وهو ما شاء الله بطل المرسون ،ومحمد سعيد داخل المعمل بتاعو ومولع النور الاحمر ما عارفو بكتشف لينا فى شنو قال ما عاوز دوشة ، وبت مرنجان ومشروع الجزيرة عندهم كلام فى السر عن الحاصل فى بركات ،ود نقد دا خلو فى حالو هو زاتو ما عارف يعمل شنو انا قلت ليهو كان عمى محجوب ما حله ليك مشكلتك دى يحلك الحلة بلة ، اما ود البلال من جنو رجع ليه العربية بعد الحادث ما شفناه ، يكون زعلان خربنا ليه عربيته المارسيدس والشمار الجانى قالوا قال جابو لى استك عادى وانا استك تيوبلس تانى خلى واحد يجى يقول عند مشوار،
وين جنو ؟ جنو الليلة احنس فيهو من الصباح قال ماداير معانا و ماشى الخور
انت زعلتو فى شنو يا مهترش ؟
ما زعلان منى زعلان من ود المطامير قال كان مواعدو يمشى معاه البنك عاوز ليه سلفية ومدير البنك صاحب ود المطامير ، ود المطامير يشيل ويزوغ منو وفى الحقيقة ود المطامير كلمنى قال لى يا مهترش انا محرج مع جنو لكن ما قادر اقول حاجة وانت شايف الشيكات والعملت فينا دعوات الناس ساى تغطس حجرنا لى يوم الدين هسه نحن مشاكل ابو العلاعل وابو الثعالب ما قادرين نحلها .
هو القروش داير بيها شنو جنو؟ قال داير يبقى مرطب
انت يا عشوشة ما عاوزة تبقى مرطبة ؟
لا مرطبة لا تجينى رطوبة انا زى ما قالوا البلابل
لا بتغرينا قصور من نور ولا ببهرنا حرير مبهور
نحن هدفنا الكلمة الطيب زى ما الدنيا دور بندور
وزى ما قال الخواجة طالما فى موت مافى حاجة سمحة عندى ، وانت قايل الحاجة السمحة الاسمح منها شنو تشوف الحاجة السمحة عن الغير وتدعى ليهم عشان الحاجة السمحة حقت الناس كلهم ، لما تجمل قدام بيتكم بحديقة حلوة بزهر الريحان تكون جملت الفريق يعنى جملة المدينة يعنى الحديقة دي حقتك وحقت ناس المدينة شفت الحاجة الحلوة حقت الناس كلهم ، ما تشوف الحاجة السمحة وتقول لازم يكون عندى زيها قالو دا يا مهترش مرض نفسى اسمو حب امتلاك لا يباح إلا فى الحب وانت عارف الحب فى القلب زى عضة الكلب ، هاهاها
قت شنو الحب فى القلب زى عضة الكلب انت بس اوع تكونى ضقتى عضة الكلب ؟، خليوة الكلب ، شابكنى نمشى نشرب كباية عصير اقول لية الناس ما بتريح ، يقول لى من اشتغل بالناس مات هماً ومن أكل القرين زاد دماً ، وعصير القرين دا أحلى منو مافى وزاغ هو وبقى مافى
والله يا عشوشة امثالك دى دايرة عمى محجوب ، يعنى فى النهاية دقسك واختفى ، بعد شرب العصير ، وانا دفعت حقو يا مهترش ، ربنا يعوضك يا عشوشة قالو العترة بتصلح المشى ،
انت يا مهترش قايلنى زعلانه على قروش العصير القروش دى ما كل شى القروش دى معاها شيطان وبتخرب بين الاخوان انا ما بهتمة بيها، ما تسمع لى الموهمين البقول القروش هى كل شى و الكاش يقلل النقاش و الكاش يحسم النقاش انا معاهم هو بحسم النقاش لكن ما بشترى الفرح، والسعادة ما بتقاس بالكنجال السعادة فى راحة البال وراحة البال فى ا لايمان والرضاء بالمقسوم،
يا اللخو سلام عليكم
ما بدرى يا حبيبنا ، بدرى من عمرك ، اه مالك متلتلنى وشابكنى موضوع ضرورى وما بتأجل وجاينى بعد عشرة ساعات ، شوف المحن الوقعنا فيها ؟ محن شنو يا حبيبنا ، شكيت محنك ، والله يا مهترش انا جاى من ابو الثعالب وحالف يمين ما يخلى ابو العلاعل ، يا حبيبنا انت السخانة مؤثرة معاك وضاربة سلوكك كلها وخالاك ما مجمع قصدك جاى من ابو العلاعل وحالف ما يخلى ابو الثعالب ، لا يا اللخو جاى من ابو الثعالب وحالف ما يخلى ابو العلاعل وقال لازم ابو العلاعل يديهو النص من القروش الجمعوها ليه حسب الاتفاق بالاضافة لى انو اجتهد وكمل العملية براهو وبرضو داير حقو بتاع السمسرة لانو هو الجاب التاجر بتاع تندلتى الفكاهو من السجن ، وابو العلاعل قال مسكين البدأ يأمل ، انا الاتو عندى اسيك، وهسة النار ولاعت وما عارفين الحل شنو ، والله يا حبيبنا دى يحلها الشربكة .
هع يا اللخو انا راجيك فى الهترشة الجاية
ونواصل فى الهترشة الجاية
بلا عمك بلا بطيخ نحن نقابلو هو ولا نقابل اولادنا ، هسه نحن نقابل ابو العلاعل وابو الثعالب ولا نقابل اولادنا ،
لكن نعمل شنو عشان اولادم الهم ما عملوا حسابن نحن نضحى نشيل مشاكلم فى راسنا و
الشايل هموم الناس همو العندو قالبو يشيلو ،
كدى النلكز ود المطامير بى تلفون انا عارفو بمروحنى
الووووووووو، يا ود المطامير انت وين
جمبك يا اللخو ، اسمع يا فردة انت قريب ولا امشى اشرب لى كباية جبنة ، اشرب كباية الجبنة ساى يا اللخو،
انا عارفو ها يشرنى ما قلت ليكم
خلاص يا فردة تعال لى جمب عشة شمارات ، مية مية يا اللخو
عشة يا عشوشة ، يا مهترش كيف ، تمام ، الليلة وين الشباب ، ود المطامير جاى فى السكة ، وابو النور بعمل فى بروفه لغنيتو الجديد فى البحر والغنية طبعا من تأليف مودى ولانو ابو النور عاوز يغنيها فى عرس همسات وانت عارفه عرس همسات قرب ، وابو الامجاد ساكينو ناس عاوزة اجوز وهو ما شاء الله بطل المرسون ،ومحمد سعيد داخل المعمل بتاعو ومولع النور الاحمر ما عارفو بكتشف لينا فى شنو قال ما عاوز دوشة ، وبت مرنجان ومشروع الجزيرة عندهم كلام فى السر عن الحاصل فى بركات ،ود نقد دا خلو فى حالو هو زاتو ما عارف يعمل شنو انا قلت ليهو كان عمى محجوب ما حله ليك مشكلتك دى يحلك الحلة بلة ، اما ود البلال من جنو رجع ليه العربية بعد الحادث ما شفناه ، يكون زعلان خربنا ليه عربيته المارسيدس والشمار الجانى قالوا قال جابو لى استك عادى وانا استك تيوبلس تانى خلى واحد يجى يقول عند مشوار،
وين جنو ؟ جنو الليلة احنس فيهو من الصباح قال ماداير معانا و ماشى الخور
انت زعلتو فى شنو يا مهترش ؟
ما زعلان منى زعلان من ود المطامير قال كان مواعدو يمشى معاه البنك عاوز ليه سلفية ومدير البنك صاحب ود المطامير ، ود المطامير يشيل ويزوغ منو وفى الحقيقة ود المطامير كلمنى قال لى يا مهترش انا محرج مع جنو لكن ما قادر اقول حاجة وانت شايف الشيكات والعملت فينا دعوات الناس ساى تغطس حجرنا لى يوم الدين هسه نحن مشاكل ابو العلاعل وابو الثعالب ما قادرين نحلها .
هو القروش داير بيها شنو جنو؟ قال داير يبقى مرطب
انت يا عشوشة ما عاوزة تبقى مرطبة ؟
لا مرطبة لا تجينى رطوبة انا زى ما قالوا البلابل
لا بتغرينا قصور من نور ولا ببهرنا حرير مبهور
نحن هدفنا الكلمة الطيب زى ما الدنيا دور بندور
وزى ما قال الخواجة طالما فى موت مافى حاجة سمحة عندى ، وانت قايل الحاجة السمحة الاسمح منها شنو تشوف الحاجة السمحة عن الغير وتدعى ليهم عشان الحاجة السمحة حقت الناس كلهم ، لما تجمل قدام بيتكم بحديقة حلوة بزهر الريحان تكون جملت الفريق يعنى جملة المدينة يعنى الحديقة دي حقتك وحقت ناس المدينة شفت الحاجة الحلوة حقت الناس كلهم ، ما تشوف الحاجة السمحة وتقول لازم يكون عندى زيها قالو دا يا مهترش مرض نفسى اسمو حب امتلاك لا يباح إلا فى الحب وانت عارف الحب فى القلب زى عضة الكلب ، هاهاها
قت شنو الحب فى القلب زى عضة الكلب انت بس اوع تكونى ضقتى عضة الكلب ؟، خليوة الكلب ، شابكنى نمشى نشرب كباية عصير اقول لية الناس ما بتريح ، يقول لى من اشتغل بالناس مات هماً ومن أكل القرين زاد دماً ، وعصير القرين دا أحلى منو مافى وزاغ هو وبقى مافى
والله يا عشوشة امثالك دى دايرة عمى محجوب ، يعنى فى النهاية دقسك واختفى ، بعد شرب العصير ، وانا دفعت حقو يا مهترش ، ربنا يعوضك يا عشوشة قالو العترة بتصلح المشى ،
انت يا مهترش قايلنى زعلانه على قروش العصير القروش دى ما كل شى القروش دى معاها شيطان وبتخرب بين الاخوان انا ما بهتمة بيها، ما تسمع لى الموهمين البقول القروش هى كل شى و الكاش يقلل النقاش و الكاش يحسم النقاش انا معاهم هو بحسم النقاش لكن ما بشترى الفرح، والسعادة ما بتقاس بالكنجال السعادة فى راحة البال وراحة البال فى ا لايمان والرضاء بالمقسوم،
يا اللخو سلام عليكم
ما بدرى يا حبيبنا ، بدرى من عمرك ، اه مالك متلتلنى وشابكنى موضوع ضرورى وما بتأجل وجاينى بعد عشرة ساعات ، شوف المحن الوقعنا فيها ؟ محن شنو يا حبيبنا ، شكيت محنك ، والله يا مهترش انا جاى من ابو الثعالب وحالف يمين ما يخلى ابو العلاعل ، يا حبيبنا انت السخانة مؤثرة معاك وضاربة سلوكك كلها وخالاك ما مجمع قصدك جاى من ابو العلاعل وحالف ما يخلى ابو الثعالب ، لا يا اللخو جاى من ابو الثعالب وحالف ما يخلى ابو العلاعل وقال لازم ابو العلاعل يديهو النص من القروش الجمعوها ليه حسب الاتفاق بالاضافة لى انو اجتهد وكمل العملية براهو وبرضو داير حقو بتاع السمسرة لانو هو الجاب التاجر بتاع تندلتى الفكاهو من السجن ، وابو العلاعل قال مسكين البدأ يأمل ، انا الاتو عندى اسيك، وهسة النار ولاعت وما عارفين الحل شنو ، والله يا حبيبنا دى يحلها الشربكة .
هع يا اللخو انا راجيك فى الهترشة الجاية
ونواصل فى الهترشة الجاية