غايتو الما عندو ضهر يتصل بي !!!!!!!

[الجندي المجهول]

السلام عليكم ورحمة الله وبركاته ،،،احبتي صباح الخير

وقبل ان اخوض في (........ )

اقص عليكم قصة المرأة المخزومية :

أن قريشا أهمهم شأن المرأة التي سرقت في عهد النبي صلى الله عليه وسلم في غزوة الفتح فقالوا من يكلم فيها رسول الله صلى الله عليه وسلم فقالوا ومن يجترئ عليه إلا أسامة بن زيد حب رسول الله صلى الله عليه وسلم فأتي بها رسول الله صلى الله عليه وسلم فكلمه فيها أسامة بن زيد فتلون وجه رسول الله صلى الله عليه وسلم فقال أتشفع في حد من حدود الله فقال له أسامة استغفر لي يا رسول الله فلما كان العشي قام رسول الله صلى الله عليه وسلم فاختطب فأثنى على الله بما هو أهله ثم قال أما بعد فإنما أهلك الذين من قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد وإني والذي نفسي بيده لو أن فاطمة بنت محمد سرقت لقطعت يدها ثم أمر بتلك المرأة التي سرقت فقطعت يدها قال يونس قال بن شهاب قال عروة قالت عائشة فحسنت توبتها بعد وتزوجت وكانت تأتيني بعد ذلك فأرفع حاجتها إلى رسول الله صلى الله عليه وسلم

مع اللفة : حد يذكرني انا عاوز اوصل ياتو فكرة ،،،،

تخريمة : الريدة الكتلت سيدا .......

وباذن الله بجيكم راجع ( غايتو جايب ليكم جنس لغم )

كم اتمنى ان لا يقرأ (.........) هذا البوست !!!!! ولا احد يسألني عن السبب ؟

[moh_alnour]

منتظرين يا حبيب
همسة : يا جندينا المصريين مسمنها الكوسة

[الجندي المجهول]

منتظرين يا حبيب
همسة : يا جندينا المصريين مسمنها الكوسة

حباب الحبيب
معلومة جميلة وجديدة (ليه ما ورتيني ليها من زمان ) غايتو جنس غتاتة

تخريمة : انا باذن الله جاي بس عاوز تعهد من انت والعمة (مدنية) ما تجو تقولوا لي ( العبارة ديك ..... بتاعت الكوب) لانو الموضوع ما بتسحمل

تعالوا اتعهدوا وانا بجيكم باذن الله ،،،

[abomazeen]

كم اتمنى ان لا يقرأ (.........) هذا البوست !!!!! ولا احد يسألني عن السبب ؟




السبب شنو يا الجندي ...؟

[بت أم درمان]

( غايتو جايب ليكم جنس لغم )



بانتظار اللغم

[الجندي المجهول]

السبب شنو يا الجندي ...؟



حبيبنا ،،،
صباحات شوقنا بي خير

جيب اضانك ،،،

[الجندي المجهول]

بانتظار اللغم

بووووووووووووووووووووووووم

[ود المطامير]

انا باذن الله جاي بس عاوز تعهد من انت والعمة (مدنية) ما تجو تقولوا لي ( العبارة ديك ..... بتاعت الكوب)

واصل يا الحبيب

الكوب بقى ما عندو نصّين

[بت أم درمان]

واصل يا الحبيب

الكوب بقى ما عندو نصّين

هومش انكسر من زماااااااااان الكوب دا

[moh_alnour]

تخريمة : أنا باذن الله جاي بس عاوز تعهد منك إنت والعمة ( مدنية )
ما تجو تقولوا لي ( العبارة ديك ..... بتاعت الكوب )
لأنو الموضوع ما بتسحمل ، تعالوا إتعهدوا و أنا بجيكم باذن الله

يا زول أخد راحتك للأخر ، معتز الريح معانا و العمة ما هامانا :p

[ABUZAID]

واصل بدون فواصل يا جيش

[ود المطامير]

هومش انكسر من زماااااااااان الكوب دا
شوف أضانى

حبيب قلبى الجندى دا

يقول إحم تجى عمتنا تخت ليهو الكبايه وتقول ليهو شوف النص المليان

يقبل كدا يقول بقم

يجيهو فردتنا دا ويخت ليهو كبايه ويقول ليهو شوف النص المليان دا

قام يوم زهج وقلب الصنيه ;)

[أحمد عمر ( MOODY )]

غايتو .. للضماااااااااااان كده
الما عندو ضهر .. يجهِّز ليهو مرتبة بتاعت قروش
عشان ينجلِد في جيبو

[بت أم درمان]

شوف أضانى

حبيب قلبى الجندى دا

يقول إحم تجى عمتنا تخت ليهو الكبايه وتقول ليهو شوف النص المليان

يقبل كدا يقول بقم

يجيهو فردتنا دا ويخت ليهو كبايه ويقول ليهو شوف النص المليان دا

قام يوم زهج وقلب الصنيه ;)


هههههههه
الحمدلله
انا ما كنت حاضرة الموقف دا
لكن سمعت ساي
وحسه انت أكدت لي
شكرن جزيلن

[mohd saeed magazoub]

( غايتو جايب ليكم جنس لغم )





اخونا الجندي

نحن من المواسير للالغام مافي خيار تالت

اتربطنا وقاعدين وفي انتظار اللغم

نحن تعودنا على الحاجات دي

[مدنيّة]

منتظرين اللغم ياابوحمزة

[مدنيّة]

يا زول أخد راحتك للأخر ، معتز الريح معانا و العمة ما هامانا :p

معقولة بث يامحمد ، تشمت الجندي فيني ؟!! "وش مسكييييييييييييين"

[بنت الرفاعي]

اخونا الجندي


نحن من المواسير للالغام مافي خيار تالت


اتربطنا وقاعدين وفي انتظار اللغم



نحن تعودنا على الحاجات دي




:):):)
:d:d:d
في الدنيا دي
كل شيء أصبح عادي يا أخوي!!!
وعادي
عادي.:)

[الجندي المجهول]

تنفرد الصدى بنشر التقرير المالي الذي قدمه أمين خزينة الاتحاد العام لمجلس الإدارة في اجتماعه الأول، وقد أوضح التقرير المذكور أن العجز المالي للاتحاد بلغ سبعمائة سبعة وستين ألف جنيه خلال شهرين، ووصلت فاتورة الصرف المالي للاتحاد مليون وستمائة ألف جنيه (مليار وستمائة ألف جنيه بالقديم) بينما بلغت قيمة الإيرادات 881 ألف جنيه، وفاقت فاتورة معسكر المنتخب الأولمبي في بيت الشباب بالخرطوم قيمة استضافة بعثة المنتخب الفلسطيني في برج الفاتح، حيث زعم التقرير الغريب أنها بلغت ستة وستين ألف جنيه، في حين تجمدت فاتورة استضافة المنتخب الفلسطيني في فندق خمسة نجوم عند سقف ستين ألف جنيه فقط، وأوضح محمد حسن محمد مدير بيت الشباب للصدى أن قيمة استضافة المنتخب الأولمبي بلغت أربعة آلاف وأربعمائة ألف جنيه فقط، حيث بلغت قيمة إقامة الفرد الواحد 25 جنيهاً فقط لا غير.


وادعى التقرير أن قيمة استضافة بعثة منتخب الكنغو في فندق الفردوس بلغت 163 ألف جنيه، في حين قدم الفندق نفسه عرضاً لنادي المريخ لاستضافة بعثة الجيش النيجري (ثلاثون شخصاً لمدة خمسة أيام) بحوالي سبعة وثلاثين ألف جنيه فقط، كما زعم التقرير الخطير أن قيمة معسكر المنتخب الوطني في أحد فنادق السوق العربي بلغت 136 ألف جنيه!!


واتضح من التقرير أن الاتحاد مدين لأمين ماله أسامة عطا المنان بقرابة الثلاثمائة ألف جنيه، وأن فاتورة التسيير والاجتماعات والمرتبات وصلت 360 ألف جنيه في شهرين، وبلغت كلفة التسيير وحدها 93 ألف جنيه، وتم صرف مبلغ 52 ألف جنيه على الاجتماعات، في حين بلغت قيمة الصرف على الجمعية العمومية 148 ألف جنيه.
منقوووووووووووول : السرقة هي كيف يا اخوانا ولا زال مسلسل اهدار المال العام يتواصل ......

تخريمة : غايتو النص المليان هنا (تعادلنا مع غانا على ارضها )
مع اللفة : الموضوع غير رياضي معني فقط باهدار المال العام ... (للمعلومية )

واللغم في الجقم والجيتار بدون اوتار وراجع باذن الله ،،،،

[moh_alnour]

معقولة بث يا محمد ، تشمت الجندي فيني ؟ " وش مسكيييييين "

ما عاش ولا كان البشّمِت فيك يا مدون
أنا بث قلتا أكتل للجندي الدُش في يدو عشان ما يجي يغني لينا الموال بتاعو داك
( أنا ما سياسي ولا معارض و لا شيوعي و لا عندي مصلحة مع الحكومة و ما بعرف ليك شنو ) :p



تخريمة : غايتو النص المليان هنا ( تعادلنا مع غانا على أرضها )

لو غلبنا غانا في كوماسي كان الكوب إتملا و دفق الباقي يا جندينا :cool:

[ابو لوزة]

ابو حمزة والله كنت فاكر انو الموضوع
خطير جدا لدرجة قلت الراجل ان شاء الله يغيير رايه
وما يقول المصيبة العايز يقولها دي
الموضوع ده عادي يا باش في ظل الظروف التي نحن بها
يعني خلاص بقت علي الاتحاد العام المسروق كتير الحايتسرق اكتر
وربنا يكون في عون المواطن الغلبان