المساعد الشخصي الرقمي

مشاهدة النسخة كاملة : شلاقه


الصفحات : [1] 2 3
ود المطامير
20-10-2010, 03:32 AM
ناس فريقنا هنى مسمينى شلاقه
لكن أنا بعتبرها حساده منهم ساااى لأنى بطبعى بحب الإستطلاع والإستكشاف
والإستطلاع دا هم فسروهو شمشره وسموهو شلاقه

مره ... دخلت موقع وجاتنى رساله تحزير بتقول لى .. هذا الموقع قد يضر بجهاز الكمبيوتر ..
لولحت راسى وقلت فى نفسى والله ديل كضابين كضب يا حولااا
كيف يعنى يضر ؟ ح يعمل ليهو شنو يعنى ؟ قلت ها زول ها دا كلام ذى حق التلفونات القالوا بتكتل
ودخلت الموقع وفتح ذى الورد ، رجعت بكرسى ورا وأنا أضحك وأقول لنفسى والله كضابين كضب
هع هع هع .. وهع هع هع دى ماتت لى فى خشمى لمّا شفت الشاشه قعدت تبقبق ذى الفانوس الجازو كمل والشاشه بقت تلخبط والكمبيوتر بقى يجقلب وجاب ليهو صوت التقول على
كان بقول .. مصارينى ... وبعد شويه صمت بالطريقه الصاح ورقد تلاته أيام فى طاولة محمد كوتى الصلاح وتلاته أيام أنا خارج الشبكه ورجعتو ولسه بيعانى وصوت مروحتو بقى أكبر من صوت التلاجه وتقيل التقول بابور حراته

مره .. عمرو .. جاب لى البلاى ستيشن حقوا وقال لى يا أبوى شوفو مالو ؟ بقى ماشغال
عاينت ليهو كدا وكدا وقلت ليهو جيب لى كيس المفكات ، قامت شجن أختو الكبيره قالت ليهو .. بلحّقو ليك أمات طه ، إنحرقت منها ومسكتها وأنا زعلان وقلت ليها
إتى بتعرفى طه ؟ خافت ولولحت رأسها يعنى لا ، طيب بتعرفى أماتو ؟ تانى لولحت رأسها يعنى لا
وقلت ليها وكت مابتعرفيهم بتتحشرى مالك ودفرتها وقلت ليها يلا أمشى الغرفه التانيه
وقعدنا أنا وولى العهد حقى والنصيبه دا بيناتنا وفكيناهو رفعت الغطا كدا أكان كم ياى طارو هناااك
أكانو وين ما عارف .. غايتو .. ساعه شغالين وأنا شابك عمرو جيب المفك .. أدينى السكين
لحدما غايتو جمّعناهو ووصلّناهو الكهربه وشغالناهو .. وحاتكم الساعه القال تشششش تشتششش
والدخاخين رقدت هبطرش ، غايتو .. الحمد ليك يا الله صندوق التحكم بالكهربه حقت البيت كلو كان قريب ، عملت للمفتاح الرئيس أوف
وجات أم عمرو وشجن أدتها الشمار ( ما شمتانه فينى ) وأم عمرو وقعت ليك فى عمرو لبع جد وهى تكورك فيهو ، أبوك ما غلطان غلطان إتا يعنى ما شايف المسجلات ولأ التلفزيونات الرميناها الخربها أبوك ؟ إتا ما عارف أبوك يدينو ماكلاتنو ؟

دا كلو كوم .. وقبل كم يوم قريت فى النت معلومات من ضمنها .. قالوا الزول لمّا يعطس بقفل عيونو
بتلقائه وقالوا .. لو الزول ماقفل عيونو وهو بيعطس عيونو بتطرشق
أهاااا .. الكلام دا من قريتو وهو معشعش لى فى رأسى
وخايف تجينى عطسه وأجرب الكلام دا وبعدين أقول ليهم ... الطفا النور منو ؟
isamzaki1978
20-10-2010, 05:11 AM
الله يغربلك يا عروة جبت لى صداع من الضحك
isamzaki1978
20-10-2010, 05:18 AM
شلاقه
لكن أنا بعتبرها حساده منهم ساااى لأنى بطبعى بحب الإستطلاع والإستكشاف
والإستطلاع دا هم فسروهو شمشره وسموهو شلاقه
خلاص يا محمد سعيد
مره ... دخلت موقع وجاتنى رساله تحزير بتقول لى .. هذا الموقع قد يضر بجهاز الكمبيوتر ..

قامت شجن أختو الكبيره قالت ليهو .. بلحّقو ليك أمات طه ،
الله يديك العافية يا شجن عارفاه بتاع محن

وقعدنا أنا وولى العهد حقى والنصيبه دا بيناتنا وفكيناهو رفعت الغطا كدا أكان كم ياى طارو هناااك
أكانو وين ما عارف .. غايتو .. ساعه شغالين وأنا شابك عمرو جيب المفك .. أدينى السكين
لحدما غايتو جمّعناهو ووصلّناهو الكهربه وشغالناهو .. وحاتكم الساعه القال تشششش تشتششش
والدخاخين رقدت هبطرش ، غايتو .. الحمد ليك يا الله صندوق التحكم بالكهربه حقت البيت كلو كان قريب ، عملت للمفتاح الرئيس أوف
وجات أم عمرو وشجن أدتها الشمار ( ما شمتانه فينى ) وأم عمرو وقعت ليك فى عمرو لبع جد وهى تكورك فيهو ، أبوك ما غلطان غلطان إتا يعنى ما شايف المسجلات ولأ التلفزيونات الرميناها الخربها أبوك ؟
لكن ولى العهد غلطان ،" علىّ بى كل المهترشين انت بقيت واحد منهم"
إتا ما عارف أبوك يدينو ماكلاتنو ؟

دا كلو كوم .. وقبل كم يوم قريت فى النت معلومات من ضمنها .. قالوا الزول لمّا يعطس بقفل عيونو
بتلقائه وقالوا .. لو الزول ماقفل عيونو وهو بيعطس عيونو بتطرشق
أهاااا .. الكلام دا من قريتو وهو معشعش لى فى رأسى
وخايف تجينى عطسه وأجرب الكلام دا وبعدين أقول ليهم ... الطفا النور منو ؟
قايتو بتاعت العيون دى كان جربتها
بجد بتكون شلاقه ، بعدين دى يا فردة ما فيها مفتاح تعمل ليهو اوف
mahagoub
20-10-2010, 06:44 AM
شلاقتك يا ابو العريف ما بعدها شلاقه
جرب العطسه وكان طفا النور بنولعه ليك
مفروض يسموك غزونا
ود المطامير
20-10-2010, 07:13 AM
الله يغربلك يا عروة جبت لى صداع من الضحك
هع هع هع هع هع
ود المطامير
20-10-2010, 07:14 AM
شلاقتك يا ابو العريف ما بعدها شلاقه
جرب العطسه وكان طفا النور بنولعه ليك
مفروض يسموك غزونا
خلاص

البتجيهو عطسه الأول يجرب إتفقنا ؟
مدناوية
20-10-2010, 07:53 AM
كتال الكدايس .. كدي جرب الحركة حقت العطسة دي ..

وورينا بحصل ليك شنو يا شلاقة ..

عشان نعمل حسابنا ياااااخ ...
ود المطامير
20-10-2010, 07:56 AM
كتال الكدايس .. كدي جرب الحركة حقت العطسة دي ..

وورينا بحصل ليك شنو يا شلاقة ..

عشان نعمل حسابنا ياااااخ ...

لقيتهم كضابين ساااى

أكان ما مصدقانى جربى إنتى
isamzaki1978
20-10-2010, 10:32 AM
لقيتهم كضابين ساااى

أكان ما مصدقانى جربى إنتى
اسمع يا اللخو انا ما مصدق لكن ما بجرب وتبقى على قصة
مره ... دخلت موقع وجاتنى رساله تحزير بتقول لى .. هذا الموقع قد يضر بجهاز الكمبيوتر ..
لولحت راسى وقلت فى نفسى والله ديل كضابين كضب يا حولااا
كيف يعنى يضر ؟ ح يعمل ليهو شنو يعنى ؟ قلت ها زول ها دا كلام ذى حق التلفونات القالوا بتكتل
ودخلت الموقع وفتح ذى الورد ، رجعت بكرسى ورا وأنا أضحك وأقول لنفسى والله كضابين كضب
هع هع هع .. وهع هع هع دى ماتت لى فى خشمى
ام رغد
20-10-2010, 11:12 AM
الشلاقة تفوتك تمشى وين لكن؟؟؟؟؟
ود المطامير
20-10-2010, 11:20 AM
الشلاقة تفوتك تمشى وين لكن؟؟؟؟؟
يا حولا

الحاله دى إنتى أختى الكبير ؟ ;)
isamzaki1978
20-10-2010, 11:23 AM
يا حولا

الحاله دى إنتى أختى الكبير ؟ ;)
قلت شنو خربت برضو مسجلات وبلى استاشنات
مدناوية
20-10-2010, 12:05 PM
لقيتهم كضابين ساااى

أكان ما مصدقانى جربى إنتى






أمي قالت لي ما تباري الجِداد ...
ود المطامير
20-10-2010, 12:21 PM
مره كان معانا فى جزيرتى دى سودانى مكنيكى ( الله يطراهو بالخير )

أهااا .. واحد من مكيفاتنا قعد ينونى وجاب هوا سموم بس

قام شال شاكوش وطلع بره وجا للمكيف بالخلف والمكيف شغال ولطش الكمبريسر ( مُش دا إسمو ؟ )

لطشو لطشه واحده بس والله المكيف دا فتح بالطريقه الصاح وجاب هوا باااارد

أهااا .. الطريقه دى عجبتنى وكيفتنى كيف شديد وقال لى البساتم كانت ماسكه ، ومشيت البيت ماسكانى أم هلا هلا

أقيف جمب المكيف وأقول لأم عمرو

_ المكيف دا شكلو ما تمام ، صاح عليك الله ؟
_ يا راجل هوووى ذح منو والله شغال ذى الورد

ومرت فتره طويله ونسيت الموضوع ، أكان قبل كم يوم تجينى أم عمرو وتقول لى مكيف غرفة الأولاد بقى ما تمام
وبدون ما أشعر نطيت فوووق وشلت ليك الشاكوش قامت أم عمرو وقفت فى طريقى
وشبكتنى ليك .. ها راجل داير تعمل شنو ؟ قلت ليها ما داير أعمل حاجه
بس لطشه صغيرونه علمنى ليها عبدالله المكنيكى
وقعدت تكورك ، مكيف كيف تضربو بشاكوش شيلو وديهو لدكان الهندى
قلت ليها الهندى أحسن منى بشنو ؟ ولأ هو أشطر من عبدالله المكنيكى وبقينا ندافر وتحجز فينى من المكيف ، وطلعت وأم عمرو طلعت بوليداتها بره ( نظام خايفه يعنى )

وجيت ليك للمكيف من ورا ونيشت الكمبريسر تمام ولطشتو بطريقه ما صاح
جات بالجمبه والشاكوش جا فى المروحه وأضانك ما تسمع إلا كررب كررو كللعع
وأنا نطيت هناك ماسك يدى والدم يكب جررر
ود المطامير
20-10-2010, 12:27 PM
أمي قالت لي ما تباري الجِداد ...




هع هع هع هع هع
;););););)
ود المطامير
20-10-2010, 12:41 PM
مره والمرات كتيره .. زمان كنت بسجر 2 علبه بينسون فى اليوم
ويوم ركبت مع صديق فى سيارتو
وطلعت سجاره ودست ولاعة السجاير
وسيارات السودانيين هنى ( زمان ) من بعيد تعرفها أمّات ألف وخمسميه وكدا
أهااا ... دست الولاعه ومستنيها تقول تِك يعنى سخّنت وجات طالعه وحاتك لا قالت تِك ولا يحزنون
صاحبى قال لى إنت منتظر شنو ؟ ما تشيل الولاعه
قلت ليهو ياخى ما قالت تِك ولا جات طالعه ، لوّى لى بوزو وقال لى لو منتظرها تعمل كدا رجع سجارتك صندوقها ، قمت سحبت الولاعه وعاينت ليها الدنيا كانت نهار ولا شفت جمره ولا بطيخ
وقلت ليهو ياخى ما ولعت قال لى ياخى مولعه

وقلت ليهو مولعه وين ؟ أها شوف ووضعت أصبعى على الولاعه
ورفعته لكن خليت بصمة إبهامى ملصّقه عليها
mohd saeed magazoub
20-10-2010, 01:18 PM
والله ياود المطامير انت فلم

وقصة المكيف دي بالغت فيها;)
ود المطامير
20-10-2010, 01:20 PM
الموبايل حقى جديد وسمح خلاص
قمت إشتريت ليهو وصله بتاعة usb .. بقيت خترلى صح ؟

المهم ويارب توصلنى الجزيره ومن الباب شغلت الكمبيوتر ووصلت الموبايل
وطيران على مكتبة الأغانى السودانيه وتحميل من طرف ماخليت ود اللمين ولا حمد الريح
وندى القلعه إلا حنان سكليب اللى ما لميت فيها المهم الموبايل شبع ذى شبعتى بالطريقه الصاح

أهااا .. قمت عترت لى فى برنامج إسمو ovi خطير لموبايلات النوكيا
طوالى خشيت فيهو شمال ومسكت ليك موبايلى من خشيمو وقلت ليهو يلا ألهط
وقعد يلهط بالطريقه البتكيفنى والبرنامج يقول لى عندنا وعندنا وعندنا ذى جرسون المطعم وأنا أقول ليهو أيوه أديلو ، أحشاهو ، تندل ليهو ، كيل ليهو ، دا يا معلم نوكيا ، قام البرنامج جاب لى صفحه كدا باللنقليزى ، الشهاده لله غير غير ( داون لود )
اللى حافظها صورياً ساااااى بالشكل بس هع هع مافرزت شئ لكن عجبتنى الألوان والزخرفه
قلت يا ود .. دا يكون برنامج رهيييييييييب دودو لود حنانو ذاتو
وضغطت على داون لود وقال كدا البرنامج بقى يرشح وحكمة الله خطّين كل خط يسابق خط لمّا أنا إتكيفت شديد ومره مره يجيب لى رساله باللنقليزى مابفرز منها إلا ( يس ولأ نو )
وطوالى أدوس ليك ( يس ) وأنا أقول ليهو يسيس حان حنانو ذاتو وأررررررررر
الخطين الكانو ماسكين فرامل يفرنبو من جديد ، يازول نص ساعه
وأكتر شئ كيفنى شاشة الموبايل مره مره تفتح براها وحاجات تمش وحاجات تجى
وأنا متكيف ، بعداك البرنامج كتب لى فى شاشة الكمبيوتر إنقليزى هبطرش وفى النهايه تحت لقيت قال لى ( فنش ) وفنش دى حافظها .. أهاا .. طلعت موبايلى وفتحتو

أول شئ لقيتو قلب إنقليزى طوالى مشيت للغات ولا لقيت عربى ولا بطيخ
ولا أسماء ولا رسائل ولا صور ولا أغانى بس بقى فاوا سااااى
وإستغربت ، شوف عينى دا كان بلهط بالطريقه الصاح الحشو دا كلو مشى وين ؟

وبعد كم يوم وفى محل للموبايلات السورى قال لى
_ الموبايل دا إنت عملت ليهو تحديث لكن ما عملت ليهو نسخ إحتياطى صح ؟
_ والله ما عارف ، قبل يومين لقيت لى برنامج فى النت وقعد يرضع لى منو ذى الشافع
ود المطامير
20-10-2010, 01:21 PM
والله ياود المطامير انت فلم

وقصة المكيف دي بالغت فيها;)
الحبيب

والله مشتاااااقين

وحات الله من الصباح نعاين ليك
mahagoub
20-10-2010, 07:52 PM
لقيتهم كضابين ساااى

أكان ما مصدقانى جربى إنتى
داير يورطك
اعملى حسابك
وامشى شمال
mahagoub
20-10-2010, 07:54 PM
مره كان معانا فى جزيرتى دى سودانى مكنيكى ( الله يطراهو بالخير )

أهااا .. واحد من مكيفاتنا قعد ينونى وجاب هوا سموم بس

قام شال شاكوش وطلع بره وجا للمكيف بالخلف والمكيف شغال ولطش الكمبريسر ( مُش دا إسمو ؟ )

لطشو لطشه واحده بس والله المكيف دا فتح بالطريقه الصاح وجاب هوا باااارد

أهااا .. الطريقه دى عجبتنى وكيفتنى كيف شديد وقال لى البساتم كانت ماسكه ، ومشيت البيت ماسكانى أم هلا هلا

أقيف جمب المكيف وأقول لأم عمرو

_ المكيف دا شكلو ما تمام ، صاح عليك الله ؟
_ يا راجل هوووى ذح منو والله شغال ذى الورد

ومرت فتره طويله ونسيت الموضوع ، أكان قبل كم يوم تجينى أم عمرو وتقول لى مكيف غرفة الأولاد بقى ما تمام
وبدون ما أشعر نطيت فوووق وشلت ليك الشاكوش قامت أم عمرو وقفت فى طريقى
وشبكتنى ليك .. ها راجل داير تعمل شنو ؟ قلت ليها ما داير أعمل حاجه
بس لطشه صغيرونه علمنى ليها عبدالله المكنيكى
وقعدت تكورك ، مكيف كيف تضربو بشاكوش شيلو وديهو لدكان الهندى
قلت ليها الهندى أحسن منى بشنو ؟ ولأ هو أشطر من عبدالله المكنيكى وبقينا ندافر وتحجز فينى من المكيف ، وطلعت وأم عمرو طلعت بوليداتها بره ( نظام خايفه يعنى )

وجيت ليك للمكيف من ورا ونيشت الكمبريسر تمام ولطشتو بطريقه ما صاح
جات بالجمبه والشاكوش جا فى المروحه وأضانك ما تسمع إلا كررب كررو كللعع
وأنا نطيت هناك ماسك يدى والدم يكب جررر

انت شلاقاتك دى ما بتخليها
ابو العرييف اخير تمسك شمالك
mahagoub
20-10-2010, 07:56 PM
الموبايل حقى جديد وسمح خلاص
قمت إشتريت ليهو وصله بتاعة usb .. بقيت خترلى صح ؟

المهم ويارب توصلنى الجزيره ومن الباب شغلت الكمبيوتر ووصلت الموبايل
وطيران على مكتبة الأغانى السودانيه وتحميل من طرف ماخليت ود اللمين ولا حمد الريح
وندى القلعه إلا حنان سكليب اللى ما لميت فيها المهم الموبايل شبع ذى شبعتى بالطريقه الصاح

أهااا .. قمت عترت لى فى برنامج إسمو ovi خطير لموبايلات النوكيا
طوالى خشيت فيهو شمال ومسكت ليك موبايلى من خشيمو وقلت ليهو يلا ألهط
وقعد يلهط بالطريقه البتكيفنى والبرنامج يقول لى عندنا وعندنا وعندنا ذى جرسون المطعم وأنا أقول ليهو أيوه أديلو ، أحشاهو ، تندل ليهو ، كيل ليهو ، دا يا معلم نوكيا ، قام البرنامج جاب لى صفحه كدا باللنقليزى ، الشهاده لله غير غير ( داون لود )
اللى حافظها صورياً ساااااى بالشكل بس هع هع مافرزت شئ لكن عجبتنى الألوان والزخرفه
قلت يا ود .. دا يكون برنامج رهيييييييييب دودو لود حنانو ذاتو
وضغطت على داون لود وقال كدا البرنامج بقى يرشح وحكمة الله خطّين كل خط يسابق خط لمّا أنا إتكيفت شديد ومره مره يجيب لى رساله باللنقليزى مابفرز منها إلا ( يس ولأ نو )
وطوالى أدوس ليك ( يس ) وأنا أقول ليهو يسيس حان حنانو ذاتو وأررررررررر
الخطين الكانو ماسكين فرامل يفرنبو من جديد ، يازول نص ساعه
وأكتر شئ كيفنى شاشة الموبايل مره مره تفتح براها وحاجات تمش وحاجات تجى
وأنا متكيف ، بعداك البرنامج كتب لى فى شاشة الكمبيوتر إنقليزى هبطرش وفى النهايه تحت لقيت قال لى ( فنش ) وفنش دى حافظها .. أهاا .. طلعت موبايلى وفتحتو

أول شئ لقيتو قلب إنقليزى طوالى مشيت للغات ولا لقيت عربى ولا بطيخ
ولا أسماء ولا رسائل ولا صور ولا أغانى بس بقى فاوا سااااى
وإستغربت ، شوف عينى دا كان بلهط بالطريقه الصاح الحشو دا كلو مشى وين ؟

وبعد كم يوم وفى محل للموبايلات السورى قال لى
_ الموبايل دا إنت عملت ليهو تحديث لكن ما عملت ليهو نسخ إحتياطى صح ؟
_ والله ما عارف ، قبل يومين لقيت لى برنامج فى النت وقعد يرضع لى منو ذى الشافع

شكيت محنك من 7 صباحا
وانا عندى مغص من الضحك
خيالك واسع ولا دى حقايق
mahagoub
20-10-2010, 07:58 PM
والله ياود المطامير انت فلم

وقصة المكيف دي بالغت فيها;)

فلم ساى ده فلم هندى ابيض واسود
mahagoub
20-10-2010, 07:59 PM
أمي قالت لي ما تباري الجِداد ...




خايفه عليك بعد رقبتك الطويله دى
ولا جدادك بنقد
ود المطامير
20-10-2010, 09:46 PM
انت شلاقاتك دى ما بتخليها
ابو العرييف اخير تمسك شمالك
يا فرده

الحاله دى أنا ماسك شمال ;)
ود المطامير
20-10-2010, 10:59 PM
مره .. كانت عندى سياره ألتيما حلوه وظريفه ويوم جبتها فريقنا هنى
السودانيين كلهم شهقو فيها ، وكل يوم أغسلها تمام وألمعها وغايتو حاجه بهجه

فى المنطقه الصناعيه اللى تابعه لينا عندى صاحبى مكنيكى من أبناء رفاعه بمشى مرات أتونس معاهو ، ومره مشيت ليهو ولقيتو مفكفك ليهو كربريتر ، قعدنا نتونس وهو يظبط فى الكربريتر
الخلاهو ذى عضام جداده إتغدوا بيها عزابه ، وبعد عمل فيهو اللى عاوزو ربطو فى المكنه
وشغل السياره والله صوت المكنه بس نشيد طابور الصباح حق المدرسه الثانويه بنات

أهااا .. طبعاً آكولة الشلاقه إشتغلت فى أصابعينى وقلت ليهو ياخ سيارتى بقت تصرف بترول
رأيك شنو نفك الكربريتر ننضفو ؟ عاين لى كدا وقال لى
_ أهااا الكاروشه قامت ؟ أوعك تهبشو ، سيارتك الوحيده المابتصرف بترول
وسكت ويارب توصلنى البيت ، ومن وصلت لبست ليك ترينق ويا الكربريتر جاك بلا
أربعه صواميل فرفرتهن ودقايق مافى كان الكربريتر فى يدى ، ودخلت البيت وختيتو على الطاوله وفرتقه بالطريقه الصاح ، طبعاً الكربريتر قسمين وبيناتهم قازقيت وكان ماسك ، رقدو على الطاوله ولبعه لبعتين إنقسم نصين ، وبدأت الإجراءات الفنيه ، شئ يايات دُقاق وشئ بلالى صغيره وغايتو
وفكفكتو حتّه حتّه ، وبعد مرحلة التلميع والنضافه جمّعتو ومشيت ركبتو فى المكنه
وبسم الله الرحمن الرحيم .. ودورتها .. جابت ليها شخشخه ، قلت عادى .. ما كربريتر طالع من عمرة معلم ، وبعد تعب دورت ، ودقيت ليك الدركسون كدا وأنا أشكّر فى نفسى

بعد شويه أم عمرو قالت لى عاوزه حاجات من الدكان ، قلت تمام بالمره أعمل تيست للسياره
الشهاده لله ، من مسكت الشارع الحال ما عاجبنى ، أبنص فرش وهى ماشه ذى حمار جدى والغريبه مرات بتديها نطّه نطّتين ومرات تقرّب تحرن غايتو وصلت السوق يا الله ويامين
والسوق كان زحمه مبالغه هنود وبنغاله وبتان ، وقفتها ودخلت الدكاكين ولقطّت حاجاتى وجيت
قعدت ودخلت المفتاح ونقرتها
أقسم بالله الحق الساعه التسمع ليك تللللللل .. وحات ربنا السوق كلو قعد يتجارا وأنا المعاى كلها كملت وبقيت ذى الغنمايه الضاربها مطره وبعد شويه الناس إتلموا فينى وأنا كريعاتى ماشايلاتنى من الخُلعه ، والبلد دى فيها تحريات قويّه جدا دقايق مافى الونانات إشتغلن وجونى وسألونى وقلت ليهم
والله ما عارف الحاصل ، جيت أدورها قامت علبة العادم الأخيره طرشقت
المهم .. إتأكدوا من كلامى وقالوا لى ما تحركها جيب ليها سيارة تحميل وفعلاً حملتها على سياره ومشيت الصناعيه ، وقفنا قدام ورشة أبوالكلام البنغالى صاحبى متخصص عوادم سيارات ومن شافنا جانا وقال لى خير
قلت ليهو .. ياخى جيت أدورها قامت العلبه الأخيره حقت العادم قامت بالسياره كلها
عاين ليها كدا وهى مرفوعه على سيارة التحميل وقال لى
_ رفيق .. ميه ميه فى مشكله فى الكربريتر .. ودى مكنيكى أول
عاينت ليهو كدا وقلت ليهو
_ عليك النبى ؟
mohd saeed magazoub
20-10-2010, 11:11 PM
الحبيب

والله مشتاااااقين

وحات الله من الصباح نعاين ليك


تشتاق ليك العافية

وتسلم يالحبيب

يوميات مطاميرو

رائعة والسرد اروع

حولها على الثقافي عشان نصوت ليك
ود المطامير
20-10-2010, 11:23 PM
تشتاق ليك العافية

وتسلم يالحبيب

يوميات مطاميرو

رائعة والسرد اروع

حولها على الثقافي عشان نصوت ليك

الحبيب

تسلم والله

والغريبه يوم أمشى الثقافى بتبكم هع هع

لكن مافى طريقه أحولها .. أبوالنور حبيب قلبى بقول عاوز حق التحويل ;)
نزار حسن محمد
20-10-2010, 11:34 PM
ود المطارش الله يطرطشك ذى ما طرتشتنى ..خليتنى اضحك ذى المجنون
واتلفت يمين وشمال والمكتب الجنبى كله بنات ..قالوا الزول جن ..
وانا عامل فيها ما سامع...
الرسول فيك جيب العيال وتعال على
ابو عبد الرحمن
20-10-2010, 11:45 PM
مأقسم بالله الحق الساعه التسمع ليك تللللللل .. وحات ربنا السوق كلو قعد يتجارا وأنا المعاى كلها كملت وبقيت ذى الغنمايه الضاربها مطره وبعد شويه الناس إتلموا فينى وأنا كريعاتى ماشايلاتنى من الخُلعه ، والبلد دى فيها تحريات قويّه جدا دقايق مافى الونانات إشتغلن وجونى وسألونى وقلت ليهم
والله ما عارف الحاصل ، جيت أدورها قامت علبة العادم الأخيره

وحات الله شليق ؟؟
وكمان شفقان ؟؟؟
سببك عليها شنو ؟؟
انت بتاع تماسيح وحيوانات
وحاجات حلوة حامياني ؟؟
مالك ومال الكربريتر .
ود المطامير
21-10-2010, 12:15 AM
ود المطارش الله يطرطشك ذى ما طرتشتنى ..خليتنى اضحك ذى المجنون
واتلفت يمين وشمال والمكتب الجنبى كله بنات ..قالوا الزول جن ..
وانا عامل فيها ما سامع...
الرسول فيك جيب العيال وتعال على
أبوسفروق حبيب قلبى

تسلم لى إنت

والله ليك على نجيك تب

لكن الإسبوع دا جاينى ضيوف من بدع زايد

لكن ليك على نجيك تب
ود المطامير
21-10-2010, 12:17 AM
وحات الله شليق ؟؟
وكمان شفقان ؟؟؟
سببك عليها شنو ؟؟
انت بتاع تماسيح وحيوانات
وحاجات حلوة حامياني ؟؟
مالك ومال الكربريتر .
هع هع هع هع

شلاقه منى سااااى يا حبيب قلبى
حنونة.
21-10-2010, 12:29 AM
دا كلو كوم .. وقبل كم يوم قريت فى النت معلومات من ضمنها .. قالوا الزول لمّا يعطس بقفل عيونو
بتلقائه وقالوا .. لو الزول ماقفل عيونو وهو بيعطس عيونو بتطرشق
أهاااا .. الكلام دا من قريتو وهو معشعش لى فى رأسى
وخايف تجينى عطسه وأجرب الكلام دا وبعدين أقول ليهم ... الطفا النور منو ؟[/color][/size][/quote]

ود المطامير سلامااات ياخى انت زول لذيذ وظريف واكتر من كده مابقدر اقول عشان مانزعل ام عمر مننا ياخى يارب يخليك ليهم
أحمد عمر ( MOODY )
21-10-2010, 12:29 AM
يعني
الشلاقة ذاااااااااتها .. حقّو يسمّوها ود المطامير
أحمد عمر ( MOODY )
21-10-2010, 12:43 AM
أبوسفروق حبيب قلبى

تسلم لى إنت

والله ليك على نجيك تب

لكن الإسبوع دا جاينى ضيوف من بدع زايد

لكن ليك على نجيك تب


بس .. الله يقدِّرك و نسمع بيك
جيت قاطع فينا .. و مشيت لي أبو سفروووق
ود المطامير
21-10-2010, 01:07 AM
زماااان .. أيام الشباب .. هع هع وأنا جديد فى البلد دى ، كنت ساكن فى مدينه إسمها مصفح وهى على مشارف أبوظبى
ويوم كنت فى أبوظبى حايم سااااى فى الكورنيش وفى ذلك الزمان كان الكورنيش عمران بالعصافير السودانيه ، أيام كان الدفاع كلو سودانيين والشرطه والبلديه ، أها .. حمت لمّا قلبى إنقطع وقلت يا ود أرجع مصفح الدنيا فللت ، وجيت محطة المواصلات ، وهى تنقسم لقسمين ، قسم للمواصلات داخل أبوظبى وقسم للمواصلات خارج أبوظبى والإتنين داخل سور واحد ، أها جيت مارى بموقف المواصلات الخارجيه .. دبى الشارقه وعجمان وكدا ، وسواقين التكاسى والمينى بص من شافونى قعدوا يكركوا فينى .. دبى .. دبى ... الشارقه ... عجمان وأنا شاقيهم سااااى وساكت ، قام بتانى سايق تاكسى وقف فى دربى وأشر على التاكسى حقو وقال لى
دبى نفر واحد ، وخلاص داير أديهو فى حنكو لكن صبرت لما عاينت للتاكسى ولقيت مكان النفر الواحد دا فى الكرسى الورا ، والكرسى الورا قاعده فيهو بت مغربيه آيه من الجمال
رائعة الحُسن لدرجة قف تأمل وقول ما شاء الله ، وفى أقل جزء من الثانيه حسبتها وأنا عارف
حسبتى بايظه ، المشوار لدبى ب 20 درهم وحكمة الله كان عندى 20 درهم ونص
وطولى دخلت وركبت التاكسى جمب المغربيه ، وأنا أقول فى سرى ربك بفرجها

وتحرك التاكسى ، بالله العظيم من طلعنا من أبوظبى ومسكنا شارع دبى
أكان المغربيه إتكرفست فى الزاويه وتكلت رأسها على الكورنه مقابله الشارع ونامت
وأنا مسكتنى أم هلا هلا .. وقعدت أجقلب ، دى ورطة شنو دى ؟ وأقول فى سرى
معقوله تنومى ! يا بت الناس أنا خليت القدامى والوراى وضحيت بفرد عشرين درهم كانو معاى تقومى تنومى ؟ ياخى أصى وحنك حنكين ساااى أعوّض بيهم شلاقتى دى
وهى فى سابع نومه ، قحقحت بطول حسى ، وبرضو ما نفع إتملمت ساااى وعوينتها القدر الفنجان مل ما فتحتهم ، ومن أبوظبى لحد دبى .. أنا ألعن فى ود المطامير
أهااا ... وصلنا الموقف فى دبى ونزلنا وكانت الساعه 12 بالليل ، ويلا الجقلبه صحى صحى بدت
هسى أنا أرجع كيف ؟ ولأ أمشى وين ؟ والزمن داك التلفونات عند المواطنين بس ، الله يقطع المغاربه جت ، أها .. قلت يا ود مافى حل غير أقعد هنى لحد ما يجى سودانى وأشحدو 20 درهم
والله بس يقدرنى وأشحد ، لكن أسوى شنو مجبور ، ولأن الدنيا منتصف ليل الحركه قلّت وبقيت قاعد ، وجيعان جوعه بالطريقه الصاح حتى السفه بقت فى تلتله
وطلعت الشمش وأنا قاعد والناس بقوا يجوا المحطه وأنا أعاين لناس بلدى اللى تقول اليوم داك حرشوهم ولا عمّه ما جات حايمه ، وغايتو ذى الساعه 10 صباحاً أشوف ليك زول لابس طاقيه وعراقى وسديرى وشايل عكاز وكيس ولونو إحيمر شويه ، أها .. من جا جمبى طوالى عرفتو سودانى وسلمت عليهو وقلت ليهو .. أنا ماشى أبوظبى وعاوز لى 20 درهم حق التزكره
عاين لى كدا قوّى بعيون مليانه مشاعر مفعمه وقال لى
_ الكترابل ، أنا معاى 20 درهم بس ، على الطلاق أمس بالليل جازفتها من نفرين
قلت ليهو ما مشكله وسألنى عن حكايتى وحكيتها ليهو بحزافيرها وهو مييييت من الضحك
قام قال لى خلاص شيل عشرينى دى وأمش إتا وأنا بمسك الدوريه .. هع هع .. قلت ليهو لا والله مستحيل وقال لى قلت كدا ؟ طب أمسك لى عكازى والكيس دا أنا ماشى الحمامات

مشى وبعد فتره جانى شايل سندوتشات وبارد وقلت ليهو دا شنو دا ؟ قال لى
_ إت ماك نصيح ؟ أفوتك كيف وإت بالحاله دى ؟ كدى هاك أنجم بالبارد دا وأكل قوّى عضمك
وخلينا نمسك الدوريه سوا
إبتسمت وقعدنا نلهط وهو مره مره يعاين لى ويضحك ويقول لى .. الحلبيه .. عملتها فيك ويفقعها ضحكه بأعلى صوت
بعد شويه وقفت سياره ونزل منها سودانى آثار النعمه والترطيبه باااديه عليهو
لكزنى وقال لى .. فرجت .. وقام لحق السودانى لحد شباك التزاكر وسلم حليهو وشفتو أشّر على
وجونى الإتنين وركبنا الحافله سوا
قعدنا جمب بعض ومن الحافله مسكت شارع أبوظبى إتلفت على صاحبى وقال لى

_ آجنا .. عليك الله أحكى لأبو الشباب دا حكايتك مع الحلبيه

وفقعها ضحكه بالطريقه الصاح خلّت ناس الحافله كلهم يعاينو ليهو .
ود المطامير
21-10-2010, 01:16 AM
دا كلو كوم .. وقبل كم يوم قريت فى النت معلومات من ضمنها .. قالوا الزول لمّا يعطس بقفل عيونو
بتلقائه وقالوا .. لو الزول ماقفل عيونو وهو بيعطس عيونو بتطرشق
أهاااا .. الكلام دا من قريتو وهو معشعش لى فى رأسى
وخايف تجينى عطسه وأجرب الكلام دا وبعدين أقول ليهم ... الطفا النور منو ؟[/color][/size]

ود المطامير سلامااات ياخى انت زول لذيذ وظريف واكتر من كده مابقدر اقول عشان مانزعل ام عمر مننا ياخى يارب يخليك ليهم [/quote]
الله يسلمك أختنا حنونه
وزارتنا البركه والله

ويديك العافيه

وأم عمرو تسعد بشهادتك الغاليه دى

تسلمى والله
ود المطامير
21-10-2010, 01:17 AM
يعني
الشلاقة ذاااااااااتها .. حقّو يسمّوها ود المطامير
;););););););)
ود المطامير
21-10-2010, 01:18 AM
بس .. الله يقدِّرك و نسمع بيك
جيت قاطع فينا .. و مشيت لي أبو سفروووق
أفووو
أنا أخوك إت

حرّم أكسر ملف ليك وأبوسفروق ذاتو إمكن أجليهو

هع هع هع
ود المطامير
21-10-2010, 01:24 AM
قايتو بتاعت العيون دى كان جربتها
بجد بتكون شلاقه ، بعدين دى يا فردة ما فيها مفتاح تعمل ليهو اوف
النبى كان تجربها لينا ;)
ود المطامير
21-10-2010, 01:38 AM
شكيت محنك من 7 صباحا
وانا عندى مغص من الضحك
خيالك واسع ولا دى حقايق
هع هع هع

والله يا الجاك

ممكن تمزج الإتنين ;)
naz_imam
21-10-2010, 02:31 AM
حبيب قلبي كيفنك

والله انا من امس بقراء وبضحك غالبني ارد عليك ........ شكيت محنك يالممسوخ برجع ليك بي رواقة مع شوية شلاقة
ناجى بشير
21-10-2010, 03:18 AM
والله يا ود المطامير بالغت عديل كدة
الشلاقة ليك شنو؟؟
ربنا يحفظك بي شلاقتك دي وماتصيبك عيون
سواااح
21-10-2010, 03:58 AM
الجميل عروة ..
وللجمال دوماً في وجودك
وجود مختلف وانيق ...
كما للشلاقة في حضرتك
معني من معاني الحياة.
كن دوماً بخير.
ابوالنور
21-10-2010, 04:02 AM
انتو هنا في شنو ؟
وهناك في شنو ؟
mahagoub
21-10-2010, 07:05 AM
حلاوتك وانت ساكى الجكس
يا شاب ما تبطل الشلاقه وتركز
بالجد من اول البوست لاخره
الواحد مصمص حرف حرف
يديك العافيه
isamzaki1978
21-10-2010, 10:11 AM
ود المطارش الله يطرطشك ذى ما طرتشتنى ..خليتنى اضحك ذى المجنون
واتلفت يمين وشمال والمكتب الجنبى كله بنات ..قالوا الزول جن ..
وانا عامل فيها ما سامع...
الرسول فيك جيب العيال وتعال على
يا حبيبنا نزار الزول دا حالف يكتلنا بالضحك
قول ليه يا اخى شوية شوية علينا كدا هانموت من الضحك
isamzaki1978
21-10-2010, 10:20 AM
زماااان .. أيام الشباب .. هع هع وأنا جديد فى البلد دى ، كنت ساكن فى مدينه إسمها مصفح وهى على مشارف أبوظبى
ويوم كنت فى أبوظبى حايم سااااى فى الكورنيش وفى ذلك الزمان كان الكورنيش عمران بالعصافير السودانيه ، أيام كان الدفاع كلو سودانيين والشرطه والبلديه ، أها .. حمت لمّا قلبى إنقطع وقلت يا ود أرجع مصفح الدنيا فللت ، وجيت محطة المواصلات ، وهى تنقسم لقسمين ، قسم للمواصلات داخل أبوظبى وقسم للمواصلات خارج أبوظبى والإتنين داخل سور واحد ، أها جيت مارى بموقف المواصلات الخارجيه .. دبى الشارقه وعجمان وكدا ، وسواقين التكاسى والمينى بص من شافونى قعدوا يكركوا فينى .. دبى .. دبى ... الشارقه ... عجمان وأنا شاقيهم سااااى وساكت ، قام بتانى سايق تاكسى وقف فى دربى وأشر على التاكسى حقو وقال لى
دبى نفر واحد ، وخلاص داير أديهو فى حنكو لكن صبرت لما عاينت للتاكسى ولقيت مكان النفر الواحد دا فى الكرسى الورا ، والكرسى الورا قاعده فيهو بت مغربيه آيه من الجمال
رائعة الحُسن لدرجة قف تأمل وقول ما شاء الله ، وفى أقل جزء من الثانيه حسبتها وأنا عارف
حسبتى بايظه ، المشوار لدبى ب 20 درهم وحكمة الله كان عندى 20 درهم ونص
وطولى دخلت وركبت التاكسى جمب المغربيه ، وأنا أقول فى سرى ربك بفرجها

وتحرك التاكسى ، بالله العظيم من طلعنا من أبوظبى ومسكنا شارع دبى
أكان المغربيه إتكرفست فى الزاويه وتكلت رأسها على الكورنه مقابله الشارع ونامت
وأنا مسكتنى أم هلا هلا .. وقعدت أجقلب ، دى ورطة شنو دى ؟ وأقول فى سرى
معقوله تنومى ! يا بت الناس أنا خليت القدامى والوراى وضحيت بفرد عشرين درهم كانو معاى تقومى تنومى ؟ ياخى أصى وحنك حنكين ساااى أعوّض بيهم شلاقتى دى
وهى فى سابع نومه ، قحقحت بطول حسى ، وبرضو ما نفع إتملمت ساااى وعوينتها القدر الفنجان مل ما فتحتهم ، ومن أبوظبى لحد دبى .. أنا ألعن فى ود المطامير
أهااا ... وصلنا الموقف فى دبى ونزلنا وكانت الساعه 12 بالليل ، ويلا الجقلبه صحى صحى بدت
هسى أنا أرجع كيف ؟ ولأ أمشى وين ؟ والزمن داك التلفونات عند المواطنين بس ، الله يقطع المغاربه جت ، أها .. قلت يا ود مافى حل غير أقعد هنى لحد ما يجى سودانى وأشحدو 20 درهم
والله بس يقدرنى وأشحد ، لكن أسوى شنو مجبور ، ولأن الدنيا منتصف ليل الحركه قلّت وبقيت قاعد ، وجيعان جوعه بالطريقه الصاح حتى السفه بقت فى تلتله
وطلعت الشمش وأنا قاعد والناس بقوا يجوا المحطه وأنا أعاين لناس بلدى اللى تقول اليوم داك حرشوهم ولا عمّه ما جات حايمه ، وغايتو ذى الساعه 10 صباحاً أشوف ليك زول لابس طاقيه وعراقى وسديرى وشايل عكاز وكيس ولونو إحيمر شويه ، أها .. من جا جمبى طوالى عرفتو سودانى وسلمت عليهو وقلت ليهو .. أنا ماشى أبوظبى وعاوز لى 20 درهم حق التزكره
عاين لى كدا قوّى بعيون مليانه مشاعر مفعمه وقال لى
_ الكترابل ، أنا معاى 20 درهم بس ، على الطلاق أمس بالليل جازفتها من نفرين
قلت ليهو ما مشكله وسألنى عن حكايتى وحكيتها ليهو بحزافيرها وهو مييييت من الضحك
قام قال لى خلاص شيل عشرينى دى وأمش إتا وأنا بمسك الدوريه .. هع هع .. قلت ليهو لا والله مستحيل وقال لى قلت كدا ؟ طب أمسك لى عكازى والكيس دا أنا ماشى الحمامات

مشى وبعد فتره جانى شايل سندوتشات وبارد وقلت ليهو دا شنو دا ؟ قال لى
_ إت ماك نصيح ؟ أفوتك كيف وإت بالحاله دى ؟ كدى هاك أنجم بالبارد دا وأكل قوّى عضمك
وخلينا نمسك الدوريه سوا
إبتسمت وقعدنا نلهط وهو مره مره يعاين لى ويضحك ويقول لى .. الحلبيه .. عملتها فيك ويفقعها ضحكه بأعلى صوت
بعد شويه وقفت سياره ونزل منها سودانى آثار النعمه والترطيبه باااديه عليهو
لكزنى وقال لى .. فرجت .. وقام لحق السودانى لحد شباك التزاكر وسلم حليهو وشفتو أشّر على
وجونى الإتنين وركبنا الحافله سوا
قعدنا جمب بعض ومن الحافله مسكت شارع أبوظبى إتلفت على صاحبى وقال لى

_ آجنا .. عليك الله أحكى لأبو الشباب دا حكايتك مع الحلبيه

وفقعها ضحكه بالطريقه الصاح خلّت ناس الحافله كلهم يعاينو ليهو .
والله يا زميل شكيت محنك بالطريقة الصاح
الحلبية العملت فيك زى ما قالت شجن
isamzaki1978
21-10-2010, 10:21 AM
النبى كان تجربها لينا ;)
طيب نشوف الله يقدرنى عليها
mahagoub
22-10-2010, 07:20 AM
طيب نشوف الله يقدرنى عليها

ان شا الله خير
غمض عيونك وسويها
اهم حاجه ما تمط رقبتك
isamzaki1978
22-10-2010, 10:32 AM
ان شا الله خير
غمض عيونك وسويها
اهم حاجه ما تمط رقبتك
زى رقبت هناى
المكاشفى
22-10-2010, 02:00 PM
ود عمـــــــــــــــــــــــــــى الكلس
ليك وحشه والله انت وشلاقاتك
بجيك بى رواقه والله اليومين دى
عندى ضبانه كابسه فى اضانى الله يستر بس
ود المطامير
24-10-2010, 08:22 AM
حبيب قلبي كيفنك

والله انا من امس بقراء وبضحك غالبني ارد عليك ........ شكيت محنك يالممسوخ برجع ليك بي رواقة مع شوية شلاقة
قريبى

مشتااااقين والله

يديك العافيه يا الحبيب
ود المطامير
24-10-2010, 08:24 AM
والله يا ود المطامير بالغت عديل كدة
الشلاقة ليك شنو؟؟
ربنا يحفظك بي شلاقتك دي وماتصيبك عيون
حبيبنا ناجى

تسلم يا راقى

أسعدنى ردك جدا
ود المطامير
24-10-2010, 08:26 AM
الجميل عروة ..
وللجمال دوماً في وجودك
وجود مختلف وانيق ...
كما للشلاقة في حضرتك
معني من معاني الحياة.
كن دوماً بخير.
سواح

نجم الزمن الجميل وكل الأزمنه

تحياتى وأشواقى العطره

كم أنا سعيد بحروفك النديّه
ود المطامير
24-10-2010, 08:27 AM
انتو هنا في شنو ؟
وهناك في شنو ؟
يا فرده

هنا الخير كل الخير

وهناك الخير كل الخير
ود المطامير
24-10-2010, 08:28 AM
حلاوتك وانت ساكى الجكس
يا شاب ما تبطل الشلاقه وتركز
بالجد من اول البوست لاخره
الواحد مصمص حرف حرف
يديك العافيه
هع هع هع

قلنا .. زمان .. يعنى زمن الشباب

هع هع
تسلم يا الجاك
mahagoub
24-10-2010, 08:28 AM
زى رقبت هناى

بى لحما وشحما
ود المطامير
24-10-2010, 08:29 AM
يا حبيبنا نزار الزول دا حالف يكتلنا بالضحك
قول ليه يا اخى شوية شوية علينا كدا هانموت من الضحك
فردتى

والله مشتاااق ليك كيف أسكت سااى

يديك العافيه والله
ود المطامير
24-10-2010, 08:30 AM
والله يا زميل شكيت محنك بالطريقة الصاح
الحلبية العملت فيك زى ما قالت شجن
;););););););)
mahagoub
24-10-2010, 08:31 AM
هع هع هع

قلنا .. زمان .. يعنى زمن الشباب

هع هع
تسلم يا الجاك

عينى بارده لسه شباب
خلينا نحنا فى التشبب
ود المطامير
24-10-2010, 08:31 AM
ود عمـــــــــــــــــــــــــــى الكلس
ليك وحشه والله انت وشلاقاتك
بجيك بى رواقه والله اليومين دى
عندى ضبانه كابسه فى اضانى الله يستر بس
ود عمّى

ياخى والله شوفتك ترد الروح

أهاا ... الضبانه عملت شنو ؟ ما تكون بقت إذاعه ;)
ود المطامير
24-10-2010, 08:34 AM
عينى بارده لسه شباب
خلينا نحنا فى التشبب
هع هع

مره مودى كان ماشى معاى بالشارع

وأنا مشيت أشحد لى سفه من سودانى ما بعرفنا شفت بدردم فيها

قام مودى ينادى لى قام السودانى قال لى

عمك داك ينادى ليك ;)
ود المطامير
24-10-2010, 11:29 AM
مره .. كنت جائ من أبوظبى آخرالليل وبرااى ، قمت كسرت ملف يمين ووقفت فى مطاعم ( مدينة طريف )
على الشارع الدولى اللى يربط الإمارات مع السعوديه
صليت العشاء وشلت لى كباية شاى تقيل عشان تصحصح بى بقية الشارع
قعدت أشرب فى الشاى فى راكوبة المطعم بره أتفرج على صف الشاحنات الواقفه القدامى الماشه السعوديه ، بعد شويه جا سواق طالع من المطعم وبعد شويه أشوفه ليك شايل شاكوش وبدا يلبع فى اللساتك لستك بعد لستك
( نظام يتأكد منها مليانه هوا ولأ لا )
وإتكيفت ليك للشغالانه دى كيف شديد وبقيت أعاين ليهو ، كملت ليك شاهينى تمام وأديتها ليك سفّه بالطريقه الصاح ، ومشيت ليهو وقلت ليهو ،، عليك الله أدينى شاكوشك دا دقيقه ،،
قال لى عندك شاحنه قلت ليهو لا لكن عاوزو وأدانى الشاكوش
وجيت لسيارتى كوريلا 99 وقعدت ليك على راس أصابعينى وإتكيت بيدى الشمال وتل بالشاكوش فى اللستك ، ما شاء الله تبارك الله اللستك مليان هواء فُل لدرجة إنو الشاكوش
تنقز بالطريقه الصاح ولطشنى فى جبهتى والحمد لله اللطشه كانت بجمبة الجبهه أعلى العين ومشيت أديتو شاكوشو وأنا أدعك فى جبهتى ومقطّع الألم فى حنان حنانى

عاينت لجبهتى فى المرايه ولقيتها مجروحه جرحه صغيروووونه وما إهتميت بيها ووصلت البيت
من أم عمرو شافتنى ( وثبت كالغزال .. ما شاء الله .. هع هع ) وشبكتنى ليك
وب على وكُر على جبهتك ماله ؟ بينى وبينكم إتكيفت تمام وقلت لنفسى .. أحيّّّ أنا دى الريده ولأ بلاش ، جريحه قدر التساليه تخليها تنخلع وتخاف على الخوف دا كلو ؟ وقلت ليها
مافى شى ضربنى باب السياره ضربه بسيطه .. يعنى أقول ليها السالفه علشان تقول على إتا الشلاقه ليك شنو ؟
أهااا .. قالت لى كل دا وصغيره ، تانى قلت لنفسى .. أموووووووت فيك يا أم عمرو .. والوكت داك مريت جمب المرايه ، أكان إنخلعت وأنا أشوف ليك جبهتى بقت ذى وحيد القرن

مكرضمه كرضمّه قدر كرضمّة الشاكوش الورانيه ، وغايتو قعدت أم عمرو جمبى ومسكت ليك راسى من ورا بيدها الشمال وقعدت تدعك فى الكرضمه بيدها اليمين وأنا أقطّع فى الألم فى حنان حنانى ، وأسب وألعن فى الشاحنات ولساتكها والشواكيش
تانى يوم الصباح مشيت الصلاه ودخلت المسجد وفى السجده الأولى لقيت ليك الحكايه ما بتجى وبعد مجازفات سجدّت بالجمبه
أكان أشوف ليك البنغالى الجمبى عاوج ريقبتو وبعاين لى بطرف عينو ،
وكررها معاى ، قلت ود الذين دا جائ يصلى ولأ يحاكينى ؟ اليطلع بره بأدبو
وجيت الجزيره ، والجزيره أى حد يلاقينى يسألنى مالك وأنا كل واحد أطلع بيهو الجو

يعنى أقول ليهم ضربت نفسى بالشاكوش ؟ هع يلقوها عند الغافل

بعد كم شهر كنت جائ من أبوظبى بالليل وكسرت ملف فى نفس المطاعم فى ( مدينة طريف )
وصليت العشاء وشلت لى كباية شاى وقعدت بيها فى الراكوبه حقت المطعم بره
بعد شويه جا واحد وسلم على وبعد شويه أشوفو ليك شايل شاكوش وبدا يلبع لساتك الشاحنه
لبع الأول والتانى وطوالى قمت على حيلى وجريت كرسى وأديتو ضهرى وأنا أقول ليهو فى نفسى

_ جربتها ، ألعب غيرها ، قال السلام عليكم قال .
المكاشفى
24-10-2010, 03:03 PM
ود عمّى

ياخى والله شوفتك ترد الروح

أهاا ... الضبانه عملت شنو ؟ ما تكون بقت إذاعه ;)

هيع
ازاعه بس؟؟
باين عليك ماقاعد تمش العام
منكسر هنا فى النفاج ده تشيل وتبكى
شوفتك شفا يا ابو عمروا التحايا ليهم
الا النسعلك ات خالد اخوك( القلع) عرس ياخوى ولا حلمان انا
mahagoub
24-10-2010, 07:48 PM
هع هع

مره مودى كان ماشى معاى بالشارع

وأنا مشيت أشحد لى سفه من سودانى ما بعرفنا شفت بدردم فيها

قام مودى ينادى لى قام السودانى قال لى

عمك داك ينادى ليك ;)

عاوز يتخارج منك
أحمد عمر ( MOODY )
24-10-2010, 07:52 PM
هع هع

مره مودى كان ماشى معاى بالشارع

وأنا مشيت أشحد لى سفه من سودانى ما بعرفنا شفت بدردم فيها

قام مودى ينادى لى قام السودانى قال لى

عمك داك ينادى ليك ;)



يععععععععععععععععععع
إنت بتسف .. كُنت قايلك شين ساي

:p :p :p :p :p
mahagoub
24-10-2010, 07:53 PM
كويس انو بتدى نفسك شواكيش
احسن مما تجيك من حيث تدرى ولا تدرى
وبرضك شلاقه
ود المطامير
24-10-2010, 11:50 PM
عاوز يتخارج منك
هع هع هع هع هع
ود المطامير
24-10-2010, 11:52 PM
يععععععععععععععععععع
إنت بتسف .. كُنت قايلك شين ساي

:p :p :p :p :p

وبالطريقه الصاح ;)
ود المطامير
24-10-2010, 11:53 PM
كويس انو بتدى نفسك شواكيش
احسن مما تجيك من حيث تدرى ولا تدرى
وبرضك شلاقه
أنا فضيحه مُش ؟ ;)
mahagoub
25-10-2010, 06:37 AM
أنا فضيحه مُش ؟ ;)

فضيحه بت الناس دى
انا بقيت افتح الماسوره
تجينى طالعه شلاقه
mahagoub
25-10-2010, 06:40 AM
يععععععععععععععععععع
إنت بتسف .. كُنت قايلك شين ساي

:p :p :p :p :p
شين وبسف وشليق
البركه انو معرس
كان اهلو يقبلو بيه وين
ود المطامير
25-10-2010, 07:30 AM
شين وبسف وشليق
البركه انو معرس
كان اهلو يقبلو بيه وين
هع هع هع هع
;););););)
isamzaki1978
25-10-2010, 07:38 AM
شين وبسف وشليق
البركه انو معرس
كان اهلو يقبلو بيه وين
يا جماعة هوىىىىىىىىىى انا فردتى ما برضى فيه
اعمل حسابكم والله يقوم يقبل عليكم بى شلاقتو دى كان تعرفوا حاجة
ود المطامير
25-10-2010, 07:46 AM
يا جماعة هوىىىىىىىىىى انا فردتى ما برضى فيه
اعمل حسابكم والله يقوم يقبل عليكم بى شلاقتو دى كان تعرفوا حاجة
آااااى

الماعندو أخو يعمل ليهو أخو
isamzaki1978
25-10-2010, 08:34 AM
آااااى

الماعندو أخو يعمل ليهو أخو
والله يا فردة انا قاعدة اضحك فى شلاقتك دى
يا اخى انت من شدة ما شليق اديت نفسك شاكوش
ود المطامير
25-10-2010, 08:37 AM
والله يا فردة انا قاعدة اضحك فى شلاقتك دى
يا اخى انت من شدة ما شليق اديت نفسك شاكوش
هع هع هع هع
;););););)
mahagoub
25-10-2010, 08:23 PM
هع هع هع هع
;););););)

ها ها ها ها ها هاى
محمد الجزولى
25-10-2010, 11:03 PM
ود المطامير كيفنك يا اخوي
تعرف البوست ده جاني فى الايميل بتاعي مع دعوه ظريفه جدا لمشاهدته بمنتديات ود مدني
هههههه شفت كيف يا اخوي الغرباء يدعونا لى بوستاتنا
اها يا اخي اول شيء جيت اسلم واستمتع بالبوست ده
وتاني حاجه نشوف قصة حبيبنا ابو عبد الرحمن ده اصلو قالو كل ما يجي يفتح باب النفاج وينوى يمشى الثقافى شويه الباب يتقفل عليهو من جوه وما يقدر يطلع ( ههههههههههه)
ود المطامير
25-10-2010, 11:25 PM
ود المطامير كيفنك يا اخوي
تعرف البوست ده جاني فى الايميل بتاعي مع دعوه ظريفه جدا لمشاهدته بمنتديات ود مدني
هههههه شفت كيف يا اخوي الغرباء يدعونا لى بوستاتنا
اها يا اخي اول شيء جيت اسلم واستمتع بالبوست ده
وتاني حاجه نشوف قصة حبيبنا ابو عبد الرحمن ده اصلو قالو كل ما يجي يفتح باب النفاج وينوى يمشى الثقافى شويه الباب يتقفل عليهو من جوه وما يقدر يطلع ( ههههههههههه)
حبيب قلبى

ياخى الشوووووق بحور

قلت البوست حقنا عزموك عليهو هع هع هع

تعرف ؟ الجماعه هنى قالوا لى وديهو الثقافى وبنرشحوا ليك ;)

وحبيب قلبى أبوعبدالرحمن أنا زمان دردقتو وجبتو النفاج لإحساسى بيهو زول مرح بشكل مفرط ( مكتشف لعيبه وكدا) وسقيناهو موية السكر ;)

ونسى درب الثقافى ;);)
ابو عبد الرحمن
25-10-2010, 11:39 PM
حبيب قلبى

ياخى الشوووووق بحور

قلت البوست حقنا عزموك عليهو هع هع هع

تعرف ؟ الجماعه هنى قالوا لى وديهو الثقافى وبنرشحوا ليك ;)

وحبيب قلبى أبوعبدالرحمن أنا زمان دردقتو وجبتو النفاج لإحساسى بيهو زول مرح بشكل مفرط ( مكتشف لعيبه وكدا) وسقيناهو موية السكر ;)

ونسى درب الثقافى ;);)

نسي الثقافي براهو نسي الثقافي والعام ونسي الاسلامي
ونسي ( عبد الرحمن وام عبد الرحمن هههههههههه )
ونسي حاجات كتيرة خلاص ...
أسمع يا ود المطامير ( إنذار وإنذار اخير وبدون هزار ) زي
ما جبتني ترجعني وخلال يومين .........................)
ود المطامير
26-10-2010, 12:03 AM
نسي الثقافي براهو نسي الثقافي والعام ونسي الاسلامي
ونسي ( عبد الرحمن وام عبد الرحمن هههههههههه )
ونسي حاجات كتيرة خلاص ...
أسمع يا ود المطامير ( إنذار وإنذار اخير وبدون هزار ) زي
ما جبتني ترجعني وخلال يومين .........................)
قال ليك يا فرده

فى هندى شغال فى مطار أبوظبى بنضّف الطيارات
يوم فى كابينة الطياره لقى ليهو كتيب يعلم قيادة الطياره
وصاحبنا الهندى ما كضب طوالى قعد فى كرسى الكبتن وعشّق الطياره وقام بيها
وبقى يحوم فوق أبوظبى وبعد زهج قال يرجع وقلب الصفحه حقت الكتيب ولقى مكتوب فيها

تعليم طريقة النزول فى العدد القادم ;)
أحمد عمر ( MOODY )
26-10-2010, 12:18 AM
قال ليك يا فرده

فى هندى شغال فى مطار أبوظبى بنضّف الطيارات
يوم فى كابينة الطياره لقى ليهو كتيب يعلم قيادة الطياره
وصاحبنا الهندى ما كضب طوالى قعد فى كرسى الكبتن وعشّق الطياره وقام بيها
وبقى يحوم فوق أبوظبى وبعد زهج قال يرجع وقلب الصفحه حقت الكتيب ولقى مكتوب فيها

تعليم طريقة النزول فى العدد القادم ;)



و الله بي شلاقتك دي .. ما بعيد تكون ده إنت
قال هندي قال
ود المطامير
26-10-2010, 12:24 AM
و الله بي شلاقتك دي .. ما بعيد تكون ده إنت
قال هندي قال
هع هع هع

أنا مطار أبوظبى دا 24 سنه دخلتو تلاته مرات
والباقى بره بره بس ، يا مسفّر زول يا متلقى زول بس

يكون دا المسافر ؟
ابو عبد الرحمن
26-10-2010, 12:40 AM
قال ليك يا فرده

فى هندى شغال فى مطار أبوظبى بنضّف الطيارات
يوم فى كابينة الطياره لقى ليهو كتيب يعلم قيادة الطياره
وصاحبنا الهندى ما كضب طوالى قعد فى كرسى الكبتن وعشّق الطياره وقام بيها
وبقى يحوم فوق أبوظبى وبعد زهج قال يرجع وقلب الصفحه حقت الكتيب ولقى مكتوب فيها

تعليم طريقة النزول فى العدد القادم ;)

والله دي شبكة عجيبة ( اخوك ما شي السودان بعد يومين )
لمن نجي بالسلامة ان شاء الله نلقي لها حل المخارجة )
ود المطامير
26-10-2010, 01:01 AM
أنا وأم عمرو .. الحمد ليك يا رب .. حب وريده للطيش
لكن أخوكم مرات مرات بعاندها حتّى ولو كانت هى على حق فى الإمور البسيطه
من ضمنها .. أنا متعود طوالى الموبايل يكون فى جيبى وبدخل بيهو حتّى الحمام ( الله يكرم السامعين ) ، وهى طوالى بتقول لى .. يا راجل ما تشيل معاك التلفون الحمام ، هسى أكان وقع منك ؟
وأقول ليها ، يقع منى كيف هو أنا شافع يعنى ؟
وفى يوم دخلت الحمام ( مقعد أفرنجى ) وفى جيبى موبايل آى ميت رهييييييييييييييييييييب أبوقلم
وطوالى بقشر بيهو فى المحلات الكُبرى فى أبوظبى وأكون قاعد فى كرسى وأم عمرو ووليداتها يلقطو فى حاجاتهم وأنا بالقلم آخر قشره فى الماسنجر والناس تعاين لى وأنا مبسوط .

دخلت الحمام وكالعاده أم عمرو .. كوركت فينى .. وجريت ليك فيها نور قوووووى حق زعل .. خافت وسكتت وقفلت الباب

أقسم بالله العظيم دقيقتينى مافى التلفون ضرب ولقيتو أبوى من السودان وحق الله وسلامات وغايتو بعد المكالمه ختيت الموبايل فى عِبّى وسرحت فى كلام أبوى الداير قروش مستعجله
وبقيت أضرب فى حساباتى وكدا وما ظبطت وقمت
قمت والله الحق الموبايل التقول بقى سمكه أووووور جمّبلق جوه المقعد الأفرنجى
عاينت ليهو كدا مفزوع وموجوع وهو يبقبق ويبقبق وأنا ما عارف أعمل شنو ؟
بعدما إستوعبت الحاصل بقيت أحنّس فى نفسى أدخل يدى وأطلعو ، وأرجع أقول لنفسى أطلّعو كيف وهو بين الهوامير ديل بقى قدر الساردين ، تانى أرجع أقول لنفسى .. ياخى الهوامير ديل ما حقاتى مافيها شئ وبعدها أغسل يدى بالصابون وأديها ريحه وخلاص
وتانى أرجع أقول لنفسى .. حقاتى ولأ ما حقاتى خلّى ولى
وأنا بشاور فى نفسى قام الموبايل طفى مره واحده ( نظام إتأخرت عليهو )
أهااا ... قمت شفطّت السايفون تلاته مرات والهوامير سافرو وهو قاعد وجبت كيس ولفيت يدى الشمال وطلعت موبايلى وكابست الهدوم المعطونه فى الغساله ودخلت الموبايل فى جيب بنطلونى
وردمت عليهو الهدوم .

ودخلت الغرفه عاااادى كأنو ما حصل شئ .. وبقيت أهظّر مع أم عمرو والشفّع

يعنى أكلمها عشان تلقى فينى فرصه ؟ لا والله يفتح الله

أهاااا .. بعد وكت جاتنى أم عمرو مدنقره راسها وقعدت تتمتم وهى تكب لى فى الحنان
_ أبو عمرو .. حبيبى .. أبو أولادى دايره أقول ليك شئ لكن ما تزعل منى

قلت ليها عيونى ليك وقالت لى
_ أنا رميت بنطلونك فى الغساله من غير ما أفتش جيوبو
_ أهااا .. أوع تقولى لى المحفظه كانت فيهو

لولحت راسها يعنى لا وقالت لى ، الموبايل كان فيهو
نطيت فوووووق نطّه بالطريقه الصاح لمّا هى خافت وقلت ليها

_ الحاله دى إتى كل يوم بتوصينى ما أشيلو الحمام ! هسى هو وينو؟

أدتنى ليهو وفرتقتو وشريتو فى الشمش 3 ساعات وجمّعتو وأم عمرو قاعده جمّبى وهى
تتمتم بالدعاء إنو يشتغل .. يارب يشتغل .. يارب يشتغل
وفتحت الموبايل وبقبق مرتين وكضم الكضمه اللى إياها

وعاينت ليها قوووووى ، خافت زياده وضميتها على وقلت ليها

_ الموبايل فداك يا حبيبتى .

وبعد داك إرتاحت .
ود المطامير
26-10-2010, 01:14 AM
والله دي شبكة عجيبة ( اخوك ما شي السودان بعد يومين )
لمن نجي بالسلامة ان شاء الله نلقي لها حل المخارجة )
ما شاء الله

سوقنى معاك ياخ إن شاء الله أشيل ليك الشنط

تصل بالسلامه وتلقى كل الأهل بخير وعافيه

وترجع لينا بالسلامه إن شاء الله وأنت كبيييير النفاجين
mahagoub
26-10-2010, 01:54 AM
انت لمان خواف بتجر نور عالى ليه
تقوم تجنن المسكينه دى
اعترف ودقه تفوت ولا حد يموت
isamzaki1978
26-10-2010, 11:24 AM
انت لمان خواف بتجر نور عالى ليه
تقوم تجنن المسكينه دى
اعترف ودقه تفوت ولا حد يموت
يا عم انت صدقت نور شنو ليهو ، الكلام دا علينا نحن
وسأل بعد الموبايل حصل شنو
ود المطامير
26-10-2010, 11:30 AM
يا عم انت صدقت نور شنو ليهو ، الكلام دا علينا نحن
وسأل بعد الموبايل حصل شنو
نور ولمبات ليزر كمان

أها شنو ليك ؟ ;)
isamzaki1978
26-10-2010, 11:41 AM
نور ولمبات ليزر كمان

أها شنو ليك ؟ ;)
عليّ انا الكلام دا يا اللخو
ود المطامير
26-10-2010, 12:44 PM
عيد الأضحى على الأبواب ( أعاده الله علينا وعليكم بالخير والبركه )
زمان .. كنا نحنا فى جزيرتى دى عزابه كتااار وقبل كم يوم من أعياد الأضحى قالو لى الشرامه
ياخى أعمل لينا شربوت كاااارب نهضم بيهو لحم العيد ( الوكت داك مافى أم عمرو ولا عمرو وأخوانو ) أهااا .. قلت ليهم إتو تأمرو بس .. ومشيت القصور حيث أجود أنواع التمور
وخميت شوالين وجيت ومعاى صاحبى وغسلناهو تمام وجبنا جركانة مياه الواحه الكبيره
وكبينا التمر والبهارات والخميره كيلنها كيل وأربعه سفن أب من الحجم العائلى ( لشئ فى نفس يعقوب )
وقفلناها وختيناها فى المخزن
بعد كم يوم قبل العيد بيومين جانى صاحبى جارى وقال لى وهو يلهث
_ ألحق والله والله الجركانه وقفت لمبّه بس
ومشينا ولقيتها ليك بقت شحمانه ورقبتها إختفت وقال لى الحل شنو ؟ دى أكان طرشقت بتغرق الجزيره كلها ، ياخى خلاص نصفّيهو . قلت ليهو لا نغطيها بخيش وكل فتره نرشو بالمويه
قال لى إتا قايلها تلج ؟ المهم .. قلت ليهو ياخى بتتحمل لحد بكره
وبكره المغيرب جيناها .. صاحبى قال لى لو فتحناها مره واحده بدق فى العرش
قلت ليهو خلاص جيب شاكوش ومسمار وجابهن وقديتها قد صغير وساعه وهى شغاله تنفس
وصفيناهو تمام وختيناهو فى التلاجه ، بعد صلاة العشاء ، قلت لصاحبى تعال نجربو نشوفو كيف ؟
ويلا كل واحد فينا قطع كوره كبيره .. كان طعمو لذيذ شديد .. قام صاحبى قال لى ياخى كهربه مافيهو .. قلت ليهو .. الفن هنى .. الطريقه دى بتخلى كهربتو ذى كهربة المطامير بتجى سرسار سرسار، وقطعنا الكوره التانيه ، وبعد شويه عيونات صاحبى بقن يرمشن أتومتيك ومره مره
يمسح بطرف سبابته نخيراتو . قلت فى نفسى .. عشره على عشره
ومشينا قعدنا مع الشباب فى المجلس ، وبعد صلاة العشاء بجونا سودانين كبار فى السن والوظائف
دكتور عيادة الجزيره .. كابتن باخرة الجزيره وهو مطوّع بالطريقه الصاح ، ضابط فى الجيش ، مدير مكتب صاحب السمو الشيخ زايد ( الله يرحمه )

ديل بجونا بعد صلاة العشاء وبتونسوا معانا لحد الساعه 12 وبشتتو سكنهم وبنفضل نحنا الرمتاله
ناس البلديه
يوم العيد بالليل كان عشاء جماعى وأكلنا وقالوا جيبوا الشربوت .. كان كتير يكفّى حِلّه كامله
والجماعه من ضاقوهو ولقوهو لذيذ وقعوا فيهو كوره ورا كوره
وعمّنا الشيخ يعاين ويبلع فى ريقو وقام سأل
_ الشربوت دا فيهو خميره ؟
قالو ليهو أسأل ود المطامير وسألنى وقلت ليهو ( حاجه بيسطه لا تذكر ) قال لى أملى الكوره النجربو ، وهنى حانت لحظه ( حاجه فى نفس يعقوب ) ( السفن أب )
رشف رشفه كدا ومررها على لهاتو وفوق اللسان وتحت اللسان وإبتسم وقام بالكوره
وكوره ورا كوره الجماعه شغالين شفط بالطريقه الصاح ، شراب منعش ولذيذ وما فيهو شئ

بعد فتره ، اللقلقه بدأت ، والصوت عِلا فى نقاش سياسى بخصوص الترابى ودا دار بين الصفّوه
وبهناك الرمتاله بتاعنى كواريكهم وقفت عُصار و مغالطه فى الكتشينه
وأنا عيونى ما رفعتها من شيخنا الكابتن اللى كان ماسك السبحه وهو يسبح
بعد فتره أشوف ليك السبحه تقع منو ويقعد يكابس ليها ويرفعها بعد تعب ، وتانى تقع منو وتانى يجاهد ويرفعها ، قمت لكزت ليك صاحبى وقلت ليهو
_ والله الله يحاسبك بيهو
_ أنا ؟؟ هوووووى يا ود المطامير أوعك تجيب سيرتى
_ بالله ؟ مالك ماغسلت معاى التمر ؟ ولأ ما دفعت معاى حق السفن أب ولأ ما صفيتو معاى ؟
_ خلاص أسكت ما تفضحنا ياخ أنا الودانى أباريك إتا شنو ما عارف
وضحكت وما كملت ضحكتى أكان نشوف ليك الكابتن وقف على حيلو بعد تعب وقال بلسان تقيل

_ إتو كيف ترضو بباكستانى ما بعرف عربى يبقى ليكم إمام مسجد ؟
كلنا سكتنا .. والشرامه يعفصو فى الضحك عفص عشان ما يطلع ،

قام صاحبنا الكابتن قعد وقال لينا
_ رأيكم شنو نمشى نعمل رحله بالباخره حولين الجزيره هسى ؟

طوالى رد عليهو الدكتور وقال ليهو
_ والله بحالتك دى تمرقنا فى الهند ، أقعد .. أقعد
ود المطامير
26-10-2010, 03:20 PM
عيد الأضحى على الأبواب ( أعاده الله علينا وعليكم بالخير والبركه )

مره .. زمان قبل عيد الضحيه بيوم مشيت الزرايب وحجزت لى خروف تمام
بالله الساعه اللى يقدل ليك كدا فى الزريبه أسد بس ، ودفعت فيهو دم قلبى ووسمّتو ومشيت
تانى يوم و بعد صلاة العيد سقت معاى عمرو وأخوانو ومشينا الزرايب ، من وقفت عربيتى كدا أكان الخروف حقى جا جمب السور وقعد يقلّب لى فى عيوناتو وقبلت منو كدا علشان ما يحننى
وبعد تعب سيد الزريبه ( سودانى ) قبضو وختيناهو فى الضهريه وفى اللحظه اللى قفلت
باب الضهريه ود الذين مد كراعو بره والباب إنقفل عليها لمّا سمعنا طق والكراع بقت مدلدله بره ذى الدلقان ، سيد الزريبه والحاضرين كلهم ختّوا يديهم فى راسهم

وأنا بقيت فاتح خشمى ومقهى فى النصيبه الحصلت دى ، فتحت الضهريه ورميناهو فى الواطه
سيد الزريبه المجاوره كان شمتان علشان أبيت أشترى منو ، قال لى والله يا اللخو ضحيتك طرشقت
أكان أسمع ليك الخروف يقول .. باع .. هعهو .. باع
ومن المغسه إتخيلتو بقول لى كلام الزول دا صاح وطوالى مشيت عليهو أديتو ليك كفين بالطريقه الصاح
وقعدت ألبع فيهو لمّا الجماعه حجزونى ، ولأن معظم تجار البهائم هنى سودانيين إتلمو وقعدو
يشرّعو لى ، على شاكلة .. الخروف دا خلاص مابضحى .. الخروف دا تشوف ليهو مباصره تانيه لكن للضحيه ما بنفع ، وسيد الزريبه قال لى بديك فيهو 200 درهم وأنا مشتريهو منو أمس ب 800 درهم ، وعاينت للخروف لقيتو يتبسّم ( نظام مبسوط )
وطوالى مشيت عليهو وأديتو كفين بالطريقه الصاح وعمار الصغيرونى طالع لأبوه قعد يشلّت فيهو
وهو ما فاهم الحاصل شنو ؟
قام سيد الزريبه قال لى ... خلاص بديك فيهو 300 درهم وهوذاتو داير شهرين يأكل ويشرب عشان يبقى كويس وإمكن يموت ، قلت ليهو أقول ليك حاجه ؟ قال لى قول وقلت ليهو
_ على الطلاق لو أجلّى الضحيه ود الكلب دا السكين راكباهو راكباهو ، أرفعو ياخ

ورفعو وتانى ختيناهو فى الضهريه ، صاحبنا إتكرفس هنااااك جوّه الضهريه ولمّ كريعاتو عليهو
عاينت ليهو وقلت ليهو وأنا ممغوص منو
_ مِدّها .. مِدها تانى .. مِدّها
وبالحرقه جريت كراعو الورانيه بره الضهريه علشان أقفلها عليها قام نتلها منى وقلت ليهو
_ والله الليله يا ود الكلب ببقن عليك إتنين كسرة كراع وضبح

ومشينا المسلخ .. وكان زحمه شديده ونزلتو من ضهرية السياره وهو ماشى وكراعو القداميه مدلدله وتلولح ذى الهبابه وكل زول شافو يقول لى .. يا زول الخروف دا ما بضحى
يقوم الخروف يعاين لى علشان يسمع ردى وأنا ساكت ولا كلمه
لحدّ ما جا دورى .. دكتور المسلخ فلسطينى وصاحبى .. قال لى
_ يا أبو عمرو الخروف دا مابيصلح للأضحيه

قام الخروف فرفر ووقف على حيلو ، عاد ما كلام دكاتره .. يعنى خلاص فُرجت
وقلت للدكتور
_ طيب ... ضحيه ما بيضحى لكن لو ضبحناهو ممكن ناكلو ؟
قال لى عادى طبعاً ، طوالى قلت للجزار الماسكو
_ أضبحو وعليك الله قبلما تضبحو أديهو طعنه طعنتين بالسكين .

وضجّ المسلخ بالضحك .
mahagoub
26-10-2010, 08:04 PM
ما اديتنا نفس
قصتين ورا بعض
هسع تلحق مولانا
ولا خروفك ابو تلاته كرعين
لكن روعه وددت ان لا تخلص الصفحه
يديك العافيه
وكل سنه وانت طيب
المره الجايه اضبح فى الزرايب قبلك
وما تشد شربوت تاخد ذنب الجماعه
كفايه كرستان
ود المطامير
26-10-2010, 08:07 PM
ما اديتنا نفس
قصتين ورا بعض
هسع تلحق مولانا
ولا خروفك ابو تلاته كرعين
لكن روعه وددت ان لا تخلص الصفحه
يديك العافيه
وكل سنه وانت طيب
المره الجايه اضبح فى الزرايب قبلك
وما تشد شربوت تاخد ذنب الجماعه
كفايه كرستان
الحبيب
يديك العافيه

وكن مطمئن لا هذا ولا ذاك والحمد ليك يا رب
الجندي المجهول
27-10-2010, 01:38 AM
يا ود المطامير انا البوست دا جاااااااااب لي صداع من الضحك يااااااااخ

غايتو الكلام دا خيال خيالك خصب للغاية وشمروع مؤلف

ولو حقيقة تبقى انت اكبر (مصيبة)

متعك الله بالصحة والعافية ،،،،

تخريمة تحذيرية : اهو بقول ليكم من هسع لو في زول زار ود المطامير ،،،،

يعمل حسابووووووووو
تغريدا
27-10-2010, 01:56 AM
أنا وأم عمرو .. الحمد ليك يا رب .. حب وريده للطيش
لكن أخوكم مرات مرات بعاندها حتّى ولو كانت هى على حق فى الإمور البسيطه
من ضمنها .. أنا متعود طوالى الموبايل يكون فى جيبى وبدخل بيهو حتّى الحمام ( الله يكرم السامعين ) ، وهى طوالى بتقول لى .. يا راجل ما تشيل معاك التلفون الحمام ، هسى أكان وقع منك ؟
وأقول ليها ، يقع منى كيف هو أنا شافع يعنى ؟
وفى يوم دخلت الحمام ( مقعد أفرنجى ) وفى جيبى موبايل آى ميت رهييييييييييييييييييييب أبوقلم
وطوالى بقشر بيهو فى المحلات الكُبرى فى أبوظبى وأكون قاعد فى كرسى وأم عمرو ووليداتها يلقطو فى حاجاتهم وأنا بالقلم آخر قشره فى الماسنجر والناس تعاين لى وأنا مبسوط .

دخلت الحمام وكالعاده أم عمرو .. كوركت فينى .. وجريت ليك فيها نور قوووووى حق زعل .. خافت وسكتت وقفلت الباب

أقسم بالله العظيم دقيقتينى مافى التلفون ضرب ولقيتو أبوى من السودان وحق الله وسلامات وغايتو بعد المكالمه ختيت الموبايل فى عِبّى وسرحت فى كلام أبوى الداير قروش مستعجله
وبقيت أضرب فى حساباتى وكدا وما ظبطت وقمت
قمت والله الحق الموبايل التقول بقى سمكه أووووور جمّبلق جوه المقعد الأفرنجى
عاينت ليهو كدا مفزوع وموجوع وهو يبقبق ويبقبق وأنا ما عارف أعمل شنو ؟
بعدما إستوعبت الحاصل بقيت أحنّس فى نفسى أدخل يدى وأطلعو ، وأرجع أقول لنفسى أطلّعو كيف وهو بين الهوامير ديل بقى قدر الساردين ، تانى أرجع أقول لنفسى .. ياخى الهوامير ديل ما حقاتى مافيها شئ وبعدها أغسل يدى بالصابون وأديها ريحه وخلاص
وتانى أرجع أقول لنفسى .. حقاتى ولأ ما حقاتى خلّى ولى
وأنا بشاور فى نفسى قام الموبايل طفى مره واحده ( نظام إتأخرت عليهو )
أهااا ... قمت شفطّت السايفون تلاته مرات والهوامير سافرو وهو قاعد وجبت كيس ولفيت يدى الشمال وطلعت موبايلى وكابست الهدوم المعطونه فى الغساله ودخلت الموبايل فى جيب بنطلونى
وردمت عليهو الهدوم .

ودخلت الغرفه عاااادى كأنو ما حصل شئ .. وبقيت أهظّر مع أم عمرو والشفّع

يعنى أكلمها عشان تلقى فينى فرصه ؟ لا والله يفتح الله

أهاااا .. بعد وكت جاتنى أم عمرو مدنقره راسها وقعدت تتمتم وهى تكب لى فى الحنان
_ أبو عمرو .. حبيبى .. أبو أولادى دايره أقول ليك شئ لكن ما تزعل منى

قلت ليها عيونى ليك وقالت لى
_ أنا رميت بنطلونك فى الغساله من غير ما أفتش جيوبو
_ أهااا .. أوع تقولى لى المحفظه كانت فيهو

لولحت راسها يعنى لا وقالت لى ، الموبايل كان فيهو
نطيت فوووووق نطّه بالطريقه الصاح لمّا هى خافت وقلت ليها

_ الحاله دى إتى كل يوم بتوصينى ما أشيلو الحمام ! هسى هو وينو؟

أدتنى ليهو وفرتقتو وشريتو فى الشمش 3 ساعات وجمّعتو وأم عمرو قاعده جمّبى وهى
تتمتم بالدعاء إنو يشتغل .. يارب يشتغل .. يارب يشتغل
وفتحت الموبايل وبقبق مرتين وكضم الكضمه اللى إياها

وعاينت ليها قوووووى ، خافت زياده وضميتها على وقلت ليها

_ الموبايل فداك يا حبيبتى .

وبعد داك إرتاحت .





الأخ الكريم ود المطامير بين قوسين أبو عمرو قسم بالله أنت مالمفروض يسموك شلاقة أنت يسموك ملك الضحك والفرفشة ويعينوك طوالى أمييييييييير النفاج (حسى الجماعة يجوا يقولوا مكنات) لكن والله حق متعك الله بالصحة والعافية وأدام عليك روح الفاكاهة والضحك وعاد أم أعمرو تلقاها تتضحك اليوم كله هنيئاً لكم
mohd saeed magazoub
27-10-2010, 02:09 AM
يومياتك ابداع وشلاقة ماتخلص

لكن ماجهجت الجماعة بشربوتك دا

اها السنة دي ماناوي تعملوا ...

11023

وكان نفسي اشوفك وانت بتاكل في لحمة الخروف دا

وانت زعلان ... اكيد بالطريقة الصاح

11022
ود المطامير
27-10-2010, 02:31 AM
يا ود المطامير انا البوست دا جاااااااااب لي صداع من الضحك يااااااااخ

غايتو الكلام دا خيال خيالك خصب للغاية وشمروع مؤلف

ولو حقيقة تبقى انت اكبر (مصيبة)

متعك الله بالصحة والعافية ،،،،

تخريمة تحذيرية : اهو بقول ليكم من هسع لو في زول زار ود المطامير ،،،،

يعمل حسابووووووووو
حبيب قلبى ( وحات الله ريده ليك كيييييييف ؟ ) http://www.ii1i.com/uploads6/cff5b2ec43.gif (http://www.ii1i.com)
يديك العافيه يا الحبيب

ويا الحبيب فى كل قصه بكون فى جزء صغير جداً حقيقى
أهااااا ... بقوم أنا أديها كوز http://www.ii1i.com/uploads6/cff5b2ec43.gif (http://www.ii1i.com)

ياخ ما تخوّف الجماعه دا أنا منتظرهم وأنت أول واحد
ود المطامير
27-10-2010, 02:36 AM
الأخ الكريم ود المطامير بين قوسين أبو عمرو قسم بالله أنت مالمفروض يسموك شلاقة أنت يسموك ملك الضحك والفرفشة ويعينوك طوالى أمييييييييير النفاج (حسى الجماعة يجوا يقولوا مكنات) لكن والله حق متعك الله بالصحة والعافية وأدام عليك روح الفاكاهة والضحك وعاد أم أعمرو تلقاها تتضحك اليوم كله هنيئاً لكم
الأخت العزيزه تغريد عبدالعظيم

تسلمى والله ودى شهاده أعتز بها وأشكرك عليها جداً

وحات الله يا تغريد كتير بكون بتونس مع أم عمرو وتقعد تضحك لحدّ ما نفسها يكتم

وأقرب واحد من شفعها يجرى يجيب ليها كباية مويه

http://www.ii1i.com/uploads6/cff5b2ec43.gif (http://www.ii1i.com)http://www.ii1i.com/uploads6/cff5b2ec43.gif (http://www.ii1i.com)
ود المطامير
27-10-2010, 02:45 AM
يومياتك ابداع وشلاقة ماتخلص

لكن ماجهجت الجماعة بشربوتك دا

اها السنة دي ماناوي تعملوا ...

11023

وكان نفسي اشوفك وانت بتاكل في لحمة الخروف دا

وانت زعلان ... اكيد بالطريقة الصاح

11022

حبيب قلبى ود السيد بتاع المحن http://www.ii1i.com/uploads6/cff5b2ec43.gif (http://www.ii1i.com)

تسلم والله ويديك العافيه

والشربوت غايتو الجندى قال جاينى وأكان جا بعملو بالطريقه الخترلّى ;)

ولحم الخروف قرمشنا عضامو وتشوفنى أدق العضم علشان أطلّع المخ

أقرّب أقد الصحن

قال يمد كراعو قال ;)
mahagoub
27-10-2010, 03:33 AM
ولا يزال مسلسل ودالمطامير مستمر
تابعوه على القناه الرابعه
الساعة الرابعه يوميا
من اخراج ود الجاك
تأليف ودالمطامير
الموسيقى مدناويه
مساعد محرج الجندى
ديكور همسات
الحبكه الدراميه ابوعبدالرحمن
اضاءه بت ام درمان
الاشراف الفتى عصام
قايد الاوكسترا ابو النور
ملابس مرام
الحبكه الفتيه ودنقد
مساد مخرج نزار احمد
تمثيل : بطل المسلس ابوحمزه
وشلركه التمثيل
محمد عبدالل /احمد عمر
العاقب / ابونوره
ياسر 123/ / ودالطاهر
ودام تريبات / المسافر
ود المطامير
27-10-2010, 03:38 AM
ولا يزال مسلسل ودالمطامير مستمر
تابعوه على القناه الرابعه
الساعة الرابعه يوميا
من اخراج ود الجاك
تأليف ودالمطامير
الموسيقى مدناويه
مساعد محرج الجندى
ديكور همسه
الحبكه الدراميه ابوعبدالرحمن
اضاءه بت ام درمان
الاشراف الفتى عصام
تمثيل :: فى العدد القادم
الجاك

شباك التزاكر عامل كيف ؟

وارى تمام ؟
عثمان جلالة
27-10-2010, 03:39 AM
ود المطاريش هههههههه الله يجازي محنك آآآآ ود عمي قطعت مصاريني بالضحك .. بوستك دا بقينا نقراهو الصباح الصباح قبل الجبنه يعلم الله :):D;):o
ود المطامير
27-10-2010, 03:43 AM
ود المطاريش هههههههه الله يجازي محنك آآآآ ود عمي قطعت مصاريني بالضحك .. بوستك دا بقينا نقراهو الصباح الصباح قبل الجبنه يعلم الله :):D;):o
ود عمّى

وحات الله يا حبيب قلبى

كلامك دا خلانى أحس كأنى تخرجت من الجامعه

شهاده غاليه أفتخر بها جداً

( الهمباتى النبيل ) تسلم والله ومشتاااااااقين
تغريدا
27-10-2010, 05:11 AM
الأخت العزيزه تغريد عبدالعظيم

تسلمى والله ودى شهاده أعتز بها وأشكرك عليها جداً

وحات الله يا تغريد كتير بكون بتونس مع أم عمرو وتقعد تضحك لحدّ ما نفسها يكتم

وأقرب واحد من شفعها يجرى يجيب ليها كباية مويه

http://www.ii1i.com/uploads6/cff5b2ec43.gif (http://www.ii1i.com)http://www.ii1i.com/uploads6/cff5b2ec43.gif (http://www.ii1i.com)






دى شهادة تستحقها يأخى العزيزودالمطامير على روحك الفكاهية الشفافة وخلاص عاد تانى حتلقانى هنا زبونة دائمة وبخت كبايتى حقت الموية للضمان وياسيدى ربنا يديم عليك نعمة السعادة وأدخال الفرح فى قلوب الآخرين وكل تحايا الود لأم عمرو
ابو عبد الرحمن
27-10-2010, 05:22 AM
ولا يزال مسلسل ودالمطامير مستمر
تابعوه على القناه الرابعه
الساعة الرابعه يوميا
من اخراج ود الجاك
تأليف ودالمطامير
الموسيقى مدناويه
مساعد محرج الجندى
ديكور همسات
الحبكه الدراميه ابوعبدالرحمن
اضاءه بت ام درمان
الاشراف الفتى عصام
قايد الاوكسترا ابو النور
ملابس مرام
الحبكه الفتيه ودنقد
مساد مخرج نزار احمد
تمثيل : بطل المسلس ابوحمزه
وشلركه التمثيل
محمد عبدالل /احمد عمر
العاقب / ابونوره
ياسر 123/ / ودالطاهر
ودام تريبات / المسافر

والله يا محجوب دي قلبته فوقها هوبه
يكون يا ربي ......................... الله يضب الشينة
ود المطامير
27-10-2010, 05:44 AM
دى شهادة تستحقها يأخى العزيزودالمطامير على روحك الفكاهية الشفافة وخلاص عاد تانى حتلقانى هنا زبونة دائمة وبخت كبايتى حقت الموية للضمان وياسيدى ربنا يديم عليك نعمة السعادة وأدخال الفرح فى قلوب الآخرين وكل تحايا الود لأم عمرو
أختنا العزيزه .. تغريد عبدالعظيم ..

تسلمى والله وفى ميزان حسناتك الدعاء الطيب

ومرحب بيك فى أى وقت وحضورك يشرفنى جداً

وربنا يجعلك دائماً سعيده وهانئة البال
ود المطامير
27-10-2010, 05:45 AM
والله يا محجوب دي قلبته فوقها هوبه
يكون يا ربي ......................... الله يضب الشينة
بسسسسس إياها ذاتها

دا الجاك يا اللخو ;)
ابو عبد الرحمن
27-10-2010, 06:16 AM
بسسسسس إياها ذاتها

دا الجاك يا اللخو ;)

عليك الله يا ود المطامير ،،، ،،،
هههههههههههههههههههه
و ما تقول الليلة الخميس
mahagoub
27-10-2010, 06:36 AM
[quote=ود المطامير;542946]الجاك

شباك التزاكر عامل كيف ؟
[SIZE="5"]شباك التذاكر ماسكنه
تغريد وجلاله وعبدالحمن مدثر
اسألهم عن الماليه
mahagoub
27-10-2010, 06:39 AM
والله يا محجوب دي قلبته فوقها هوبه
يكون يا ربي ......................... الله يضب الشينة

ياها ذاتا الله يكضب الشينه
mahagoub
27-10-2010, 06:42 AM
عليك الله يا ود المطامير ،،، ،،،
هههههههههههههههههههه
و ما تقول الليلة الخميس

قولا عديل ما تخجل
ليله خميس
انت الفار وودالمطامير الكديس
توم اند جيرى
mahagoub
27-10-2010, 06:44 AM
بسسسسس إياها ذاتها

دا الجاك يا اللخو ;)

لو ما كنت الجاك
لتمنيت ان اكون الجك
عايز زياده ولا كفاك
ود المطامير
27-10-2010, 07:28 AM
عليك الله يا ود المطامير ،،، ،،،
هههههههههههههههههههه
و ما تقول الليلة الخميس
الليله الخميس !!!!!

هى السعوديه سابقانا بيوم ولأ شنو ؟ ;)
ود المطامير
27-10-2010, 07:29 AM
لو ما كنت الجاك
لتمنيت ان اكون الجك
عايز زياده ولا كفاك
كتر .. كتّر .. كتر
همسات
27-10-2010, 08:03 AM
شلاااااااااااااااقه
ودالمطامير شكيت محنك
والله قدر ماادخل البوست ده
اموت بالضحك وامرق
التعليق بغلبني
لكن بجيك تاني
ود المطامير
27-10-2010, 08:07 AM
شلاااااااااااااااقه
ودالمطامير شكيت محنك
والله قدر ماادخل البوست ده
اموت بالضحك وامرق
التعليق بغلبني
لكن بجيك تاني
هييييييييييع

صفقوا لى ... صفقوا لى

حيرت ليكم أم أطول لسان

تسلمى والله

على فكره .. أنا هسى جيت جارى جرى من الثقافى

جايب شمار لناس عبدالرحمن
ابو عبد الرحمن
27-10-2010, 08:10 AM
قولا عديل ما تخجل
ليله خميس
انت الفار وودالمطامير الكديس
توم اند جيرى

والله يا محجوب شرقتني من الضحك
ود المطامير
27-10-2010, 08:12 AM
والله يا محجوب شرقتني من الضحك
دا الجاك يا اللخو

لو قبل علينا يحلنا الله
ابو عبد الرحمن
27-10-2010, 08:13 AM
هييييييييييع

صفقوا لى ... صفقوا لى

حيرت ليكم أم أطول لسان

تسلمى والله

على فكره .. أنا هسى جيت جارى جرى من الثقافى

جايب شمار لناس عبدالرحمن

الحقني بالشمار سلم لسانك ويدك ورجلاك
وزادك علما ... الحق يا مطاميرو قبل ام رقبة تجي
ما احلا الشمار لمن يكون حار
كأنه فولة من كشك وسط النهار
ود المطامير
27-10-2010, 08:17 AM
الحقني بالشمار سلم لسانك ويدك ورجلاك
وزادك علما ... الحق يا مطاميرو قبل ام رقبة تجي
ما احلا الشمار لمن يكون حار
كأنه فولة من كشك وسط النهار
رأيت والعهده على عيونى

فى الثقافى همسات على المسرح وغنا بالطريقه الصاح

أمشى شوف
ابو عبد الرحمن
27-10-2010, 08:17 AM
الليله الخميس !!!!!

هى السعوديه سابقانا بيوم ولأ شنو ؟ ;)


يا مطاميرو انت ساقط رياضيات ولا شنو
الليلة تفرق من اليوم ؟؟؟؟؟؟؟؟؟؟؟؟؟؟؟؟؟؟
الحق الشمار الله يخلك
بجي اسي مليون هوي مودي
ام رقبة وام لسان وام ...
ود المطامير
27-10-2010, 08:20 AM
يا مطاميرو انت ساقط رياضيات ولا شنو
الليلة تفرق من اليوم ؟؟؟؟؟؟؟؟؟؟؟؟؟؟؟؟؟؟
الحق الشمار الله يخلك
بجي اسي مليون هوي مودي
ام رقبة وام لسان وام ...
مودى رسلوهو يجيب الرقيف

ومشى وهو يطنطن
ود المطامير
27-10-2010, 08:22 AM
يا مطاميرو انت ساقط رياضيات ولا شنو
.
على الطلاق فى إمتحان الشهاده الثانويه

جبت فى الرياضيات 2 فقط وبس وأونلى ;)
همسات
27-10-2010, 10:38 AM
هييييييييييع

صفقوا لى ... صفقوا لى

حيرت ليكم أم أطول لسان

تسلمى والله

على فكره .. أنا هسى جيت جارى جرى من الثقافى

جايب شمار لناس عبدالرحمن



تستاهل الصفقه
وربنا يديك العافيه
اخي دوما ولك كل الاحترم والتقدير
كان كدي ارح عليهو
ود المطامير
27-10-2010, 10:41 AM
تستاهل الصفقه
وربنا يديك العافيه
اخي دوما ولك كل الاحترم والتقدير
كان كدي ارح عليهو

ويعافيك يا رب

ويحقق كل أمانيك

خلاص أرح
ود المطامير
27-10-2010, 11:38 AM
زماااان .. وأنا فى المطامير .. وأنا صغير ، أبوى رسل لينا أول ما هيه من أبوظبى
قمت إتعلقت ليك فى أمى وجوعرت فيها بطول حسى عشان تدينى عشره جنيه
والوكت داك كانت العشره جنيه توديك بورسودان وترجعك ، وعشره جنيه فى المطامير
أكان تشوفها عند سيد الدكان ، زمن كان الدولار أقلّ من الجنيه وجوز الحمام تلاته
جوعرت فى أمى وإدردقت بالواطه ودموعى جرررر ومناخيرى سايلات والساعه اللى
أقلب ضهر يدى وأمسحها وهى تتمطّ معاى وما تنقطع إلا جمب كوعى هع هع هع

وقامت أمى شافت البهدله وما عجبتها قامت مدت لى العشره جنيه ورقه واحده
وحات إسم الله أنا بقلب فيها وقلبى شغال دل .. دلل .. دل
وختيتها فى جيبى ومشيت أحوم وأنا معكّم جيبى بالطريقه الصاح ، والله الجيب مكرفس التقول ماضغاهو غنمايه ، عشره جنيه على النعمه رجال كبار ينتلوا فيها شهر
وتنوم معاى وتقوم معاى ، ومن جيب لجيب ، ومرات أتلفت ولمّا ما أشوف زول
أطلعها وأفرها براحه وأعاين ليها وأشمشمها وأديها بوسه كااااربه وتانى أطبقها وأرجعها جيبى

شهر .. شهر كامل .. وأنا وهى حب للطيش .. ريده بت كلب .. ولما أجى أنوم بزحها شويه
عشان ما أعفصها ، غايتو ، فرحتى بيها لا توصف .
بعد الشهر .. يوم كدا أمى وقدام ناس البيت وواحد صاحبى قالت لى ، ديّنى العشره جنيه حقاتك يومين تلاته المصاريف بتجى وبرجعها ليك ، نطيت نطة الزول القرصتو عقرب
ومسكت ليك الشارع بنمره خمسه وإتعترت وإنبرشت وحات الله الظلطه فى ركبتى ليوم الليله قاعده

ومشيت قيفة الخور وصاحبى معاى وسألنى .. إتا عندك عشره جنيه ؟ قلت ليهو آااى
قال لى عاوز تشترى بيها شنو ؟ قلت ليهو والله يا عبدالرحمن مُش عارف
قال لى أشترى ليك مسجل ، قلت ليهو أنا فلاتى ؟
غايتو .. بديت أفكر ، أول شئ أمى ختّ عينها عليها وتانى شئ أذاعت الخبر مين عارف
بكره البشوفنى كلو يقول لى دينى ، أحسن حاجه بكره أمشى مدنى وأشترى عجله وبس

جيت البيت ، ودخلت الله يكرم السامعين .... غريق وريحتو ترمى الصقر
وقبلما أقعد أكان أشوف ليك العشره جنيه تعمل كدا وتتلولو فى الهوا وأنا عيونى قدر الفنجان وأرازى معاها وأرازى معاها لحد ما غابت من عيونى فى الضُلمّه
وقعدت أنطط وأنطط وإنبطحت على بطنى ودخلّت راسى فى الفتحه الصغيرونه
أقسم بالله الحق لفحنى ليك هوا حاااار عفن بشكل لا يوصف ، جب رفعت راسى
ومطيت رقبتى فوق وجريت نفس طويل وكتمتو وغطّست راسى تانى وشويه شويه الضُلمه بدت تروح وأشوفها ليك رااااقده على صفحتها ، قمت ومشيت جبت لى حبل طويل
وربطّت فى طرفو سلكه وجبت لى بطاريه وعضيتها ورقدت على بطنى تانى ، والريحه الكريهه
بقيت ما شغال بيها ، ونزلت الحبل وأحاول وأحاول لمّا ريالتى سالت من مسكة البطاريه بسنونى

قمت قلت يا ولد .. السلكه ما بتجيبها .. وجاتنى فكره .. نشلت الحبل وطبعاً الحبل ما قصر جاب معاها حترب جد قشيتو فى بنطلونى هع هع .. وجبت لى كوره وقيدتها بالجمبتين ذى المشلعيب
وتانى رقدت ودخلت رويسى فى الفتجه ، أول شئ أديتها لبعتين على سطح الروث
وبليت قعرها تمام وبقيت أنزلها على العشره جنيه عشان تلصق فيها وأرفع شويه وهى تقوم مع الكوره
وتانى تقع .. ما هى من تحت رويانه .. وبقيت أعصر فيها بالكوره وأرفع
أتارى كترة عصر الكوره عمل جُمّامه هع هع هع .. وإتى يا العشره جنيه تغطسى أكان يظهر منك طريف صغيرونى .
رميت الحبل وقمت وجبت لى حجر كبير وإتكيت جمب الفتحه ونيشتها تمام وردمتها بالطريقه الصاح
وبعد داك شميت ريحة العيفونه ماسكه فى خياشيمى وعوووووووووووووووووع مليت الواطه
ابو عبد الرحمن
27-10-2010, 12:00 PM
والله شلاقة ؟ اسلم حلل بالنسبة للجميع انك تعرس ، أم لسان
همسات ، عشان تعقل انت وهي ،، يا عقلتو الاتنين ،، يا جنيتو
الجن الصاااح صاااح ،،، والله صحي شلاقة ................
mahagoub
27-10-2010, 08:05 PM
على الطلاق فى إمتحان الشهاده الثانويه

جبت فى الرياضيات 2 فقط وبس وأونلى ;)

2 دى ادوك ليها عشان حافظت على الورقه بيضا
mahagoub
27-10-2010, 08:16 PM
والله شلاقة ؟ اسلم حلل بالنسبة للجميع انك تعرس ، أم لسان
همسات ، عشان تعقل انت وهي ،، يا عقلتو الاتنين ،، يا جنيتو
الجن الصاااح صاااح ،،، والله صحي شلاقة ................

يعنى قلت دى احسن طريقه ترتاح منهم الاتنين
على مثل اشغل اعداى بانفسهم
mahagoub
27-10-2010, 08:18 PM
زماااان .. وأنا فى المطامير .. وأنا صغير ، أبوى رسل لينا أول ما هيه من أبوظبى
قمت إتعلقت ليك فى أمى وجوعرت فيها بطول حسى عشان تدينى عشره جنيه
والوكت داك كانت العشره جنيه توديك بورسودان وترجعك ، وعشره جنيه فى المطامير
أكان تشوفها عند سيد الدكان ، زمن كان الدولار أقلّ من الجنيه وجوز الحمام تلاته
جوعرت فى أمى وإدردقت بالواطه ودموعى جرررر ومناخيرى سايلات والساعه اللى
أقلب ضهر يدى وأمسحها وهى تتمطّ معاى وما تنقطع إلا جمب كوعى هع هع هع

وقامت أمى شافت البهدله وما عجبتها قامت مدت لى العشره جنيه ورقه واحده
وحات إسم الله أنا بقلب فيها وقلبى شغال دل .. دلل .. دل
وختيتها فى جيبى ومشيت أحوم وأنا معكّم جيبى بالطريقه الصاح ، والله الجيب مكرفس التقول ماضغاهو غنمايه ، عشره جنيه على النعمه رجال كبار ينتلوا فيها شهر
وتنوم معاى وتقوم معاى ، ومن جيب لجيب ، ومرات أتلفت ولمّا ما أشوف زول
أطلعها وأفرها براحه وأعاين ليها وأشمشمها وأديها بوسه كااااربه وتانى أطبقها وأرجعها جيبى

شهر .. شهر كامل .. وأنا وهى حب للطيش .. ريده بت كلب .. ولما أجى أنوم بزحها شويه
عشان ما أعفصها ، غايتو ، فرحتى بيها لا توصف .
بعد الشهر .. يوم كدا أمى وقدام ناس البيت وواحد صاحبى قالت لى ، ديّنى العشره جنيه حقاتك يومين تلاته المصاريف بتجى وبرجعها ليك ، نطيت نطة الزول القرصتو عقرب
ومسكت ليك الشارع بنمره خمسه وإتعترت وإنبرشت وحات الله الظلطه فى ركبتى ليوم الليله قاعده

ومشيت قيفة الخور وصاحبى معاى وسألنى .. إتا عندك عشره جنيه ؟ قلت ليهو آااى
قال لى عاوز تشترى بيها شنو ؟ قلت ليهو والله يا عبدالرحمن مُش عارف
قال لى أشترى ليك مسجل ، قلت ليهو أنا فلاتى ؟
غايتو .. بديت أفكر ، أول شئ أمى ختّ عينها عليها وتانى شئ أذاعت الخبر مين عارف
بكره البشوفنى كلو يقول لى دينى ، أحسن حاجه بكره أمشى مدنى وأشترى عجله وبس

جيت البيت ، ودخلت الله يكرم السامعين .... غريق وريحتو ترمى الصقر
وقبلما أقعد أكان أشوف ليك العشره جنيه تعمل كدا وتتلولو فى الهوا وأنا عيونى قدر الفنجان وأرازى معاها وأرازى معاها لحد ما غابت من عيونى فى الضُلمّه
وقعدت أنطط وأنطط وإنبطحت على بطنى ودخلّت راسى فى الفتحه الصغيرونه
أقسم بالله الحق لفحنى ليك هوا حاااار عفن بشكل لا يوصف ، جب رفعت راسى
ومطيت رقبتى فوق وجريت نفس طويل وكتمتو وغطّست راسى تانى وشويه شويه الضُلمه بدت تروح وأشوفها ليك رااااقده على صفحتها ، قمت ومشيت جبت لى حبل طويل
وربطّت فى طرفو سلكه وجبت لى بطاريه وعضيتها ورقدت على بطنى تانى ، والريحه الكريهه
بقيت ما شغال بيها ، ونزلت الحبل وأحاول وأحاول لمّا ريالتى سالت من مسكة البطاريه بسنونى

قمت قلت يا ولد .. السلكه ما بتجيبها .. وجاتنى فكره .. نشلت الحبل وطبعاً الحبل ما قصر جاب معاها حترب جد قشيتو فى بنطلونى هع هع .. وجبت لى كوره وقيدتها بالجمبتين ذى المشلعيب
وتانى رقدت ودخلت رويسى فى الفتجه ، أول شئ أديتها لبعتين على سطح الروث
وبليت قعرها تمام وبقيت أنزلها على العشره جنيه عشان تلصق فيها وأرفع شويه وهى تقوم مع الكوره
وتانى تقع .. ما هى من تحت رويانه .. وبقيت أعصر فيها بالكوره وأرفع
أتارى كترة عصر الكوره عمل جُمّامه هع هع هع .. وإتى يا العشره جنيه تغطسى أكان يظهر منك طريف صغيرونى .
رميت الحبل وقمت وجبت لى حجر كبير وإتكيت جمب الفتحه ونيشتها تمام وردمتها بالطريقه الصاح
وبعد داك شميت ريحة العيفونه ماسكه فى خياشيمى وعوووووووووووووووووع مليت الواطه

مما اتشاقيت كدى
انا كنت متصور انك تفقدا
لكن ما بالطريقه دى
كانت بكرت ولا اتنين
mahagoub
27-10-2010, 08:24 PM
دا الجاك يا اللخو

لو قبل علينا يحلنا الله
ده انا غلبان
لا بهش ولا بنش
الزونية
27-10-2010, 10:22 PM
معقولة...
دي عملية تعملها فيني ياود المطامير..
الستة صفحات قريتم حسي..!!!!
موتني بالضحك..
الناس كانوا متابعين البوست
والضحك كل يوم حبة..
أنا البوست شلته حتة واااحدة..
موت عديل..
ناس المكتب فهمو شي غايتو...
وانا مالي بيهم..
الله يسعدك كما أدخلت البسمة فينا....

البوست رائع بحق..
واصل خلينا نفطس.
ياسر123
27-10-2010, 10:31 PM
نور ولمبات ليزر كمان

أها شنو ليك ؟ ;)

بابا يغسل العدة
ود المطامير
27-10-2010, 11:26 PM
والله شلاقة ؟ اسلم حلل بالنسبة للجميع انك تعرس ، أم لسان
همسات ، عشان تعقل انت وهي ،، يا عقلتو الاتنين ،، يا جنيتو
الجن الصاااح صاااح ،،، والله صحي شلاقة ................
فردتى


مالك على

أنا لسه صغير وجاهل ;)
ود المطامير
27-10-2010, 11:28 PM
2 دى ادوك ليها عشان حافظت على الورقه بيضا
الجاك

أمى قالت لى

يكون أدوك ليها عشان

إسمك وإسم أبوك هم الوحيدين

اللى كتبتهم صاح فى ورقة الإمتحان
تغريدا
27-10-2010, 11:35 PM
زماااان .. وأنا فى المطامير .. وأنا صغير ، أبوى رسل لينا أول ما هيه من أبوظبى
قمت إتعلقت ليك فى أمى وجوعرت فيها بطول حسى عشان تدينى عشره جنيه
والوكت داك كانت العشره جنيه توديك بورسودان وترجعك ، وعشره جنيه فى المطامير
أكان تشوفها عند سيد الدكان ، زمن كان الدولار أقلّ من الجنيه وجوز الحمام تلاته
جوعرت فى أمى وإدردقت بالواطه ودموعى جرررر ومناخيرى سايلات والساعه اللى
أقلب ضهر يدى وأمسحها وهى تتمطّ معاى وما تنقطع إلا جمب كوعى هع هع هع

وقامت أمى شافت البهدله وما عجبتها قامت مدت لى العشره جنيه ورقه واحده
وحات إسم الله أنا بقلب فيها وقلبى شغال دل .. دلل .. دل
وختيتها فى جيبى ومشيت أحوم وأنا معكّم جيبى بالطريقه الصاح ، والله الجيب مكرفس التقول ماضغاهو غنمايه ، عشره جنيه على النعمه رجال كبار ينتلوا فيها شهر
وتنوم معاى وتقوم معاى ، ومن جيب لجيب ، ومرات أتلفت ولمّا ما أشوف زول
أطلعها وأفرها براحه وأعاين ليها وأشمشمها وأديها بوسه كااااربه وتانى أطبقها وأرجعها جيبى

شهر .. شهر كامل .. وأنا وهى حب للطيش .. ريده بت كلب .. ولما أجى أنوم بزحها شويه
عشان ما أعفصها ، غايتو ، فرحتى بيها لا توصف .
بعد الشهر .. يوم كدا أمى وقدام ناس البيت وواحد صاحبى قالت لى ، ديّنى العشره جنيه حقاتك يومين تلاته المصاريف بتجى وبرجعها ليك ، نطيت نطة الزول القرصتو عقرب
ومسكت ليك الشارع بنمره خمسه وإتعترت وإنبرشت وحات الله الظلطه فى ركبتى ليوم الليله قاعده

ومشيت قيفة الخور وصاحبى معاى وسألنى .. إتا عندك عشره جنيه ؟ قلت ليهو آااى
قال لى عاوز تشترى بيها شنو ؟ قلت ليهو والله يا عبدالرحمن مُش عارف
قال لى أشترى ليك مسجل ، قلت ليهو أنا فلاتى ؟
غايتو .. بديت أفكر ، أول شئ أمى ختّ عينها عليها وتانى شئ أذاعت الخبر مين عارف
بكره البشوفنى كلو يقول لى دينى ، أحسن حاجه بكره أمشى مدنى وأشترى عجله وبس

جيت البيت ، ودخلت الله يكرم السامعين .... غريق وريحتو ترمى الصقر
وقبلما أقعد أكان أشوف ليك العشره جنيه تعمل كدا وتتلولو فى الهوا وأنا عيونى قدر الفنجان وأرازى معاها وأرازى معاها لحد ما غابت من عيونى فى الضُلمّه
وقعدت أنطط وأنطط وإنبطحت على بطنى ودخلّت راسى فى الفتحه الصغيرونه
أقسم بالله الحق لفحنى ليك هوا حاااار عفن بشكل لا يوصف ، جب رفعت راسى
ومطيت رقبتى فوق وجريت نفس طويل وكتمتو وغطّست راسى تانى وشويه شويه الضُلمه بدت تروح وأشوفها ليك رااااقده على صفحتها ، قمت ومشيت جبت لى حبل طويل
وربطّت فى طرفو سلكه وجبت لى بطاريه وعضيتها ورقدت على بطنى تانى ، والريحه الكريهه
بقيت ما شغال بيها ، ونزلت الحبل وأحاول وأحاول لمّا ريالتى سالت من مسكة البطاريه بسنونى

قمت قلت يا ولد .. السلكه ما بتجيبها .. وجاتنى فكره .. نشلت الحبل وطبعاً الحبل ما قصر جاب معاها حترب جد قشيتو فى بنطلونى هع هع .. وجبت لى كوره وقيدتها بالجمبتين ذى المشلعيب
وتانى رقدت ودخلت رويسى فى الفتجه ، أول شئ أديتها لبعتين على سطح الروث
وبليت قعرها تمام وبقيت أنزلها على العشره جنيه عشان تلصق فيها وأرفع شويه وهى تقوم مع الكوره
وتانى تقع .. ما هى من تحت رويانه .. وبقيت أعصر فيها بالكوره وأرفع
أتارى كترة عصر الكوره عمل جُمّامه هع هع هع .. وإتى يا العشره جنيه تغطسى أكان يظهر منك طريف صغيرونى .
رميت الحبل وقمت وجبت لى حجر كبير وإتكيت جمب الفتحه ونيشتها تمام وردمتها بالطريقه الصاح
وبعد داك شميت ريحة العيفونه ماسكه فى خياشيمى وعوووووووووووووووووع مليت الواطه







كنج النفاج أبو عمروا صبحك الله بالخير ياخوى لكين لقيت شليق شلاقة أووووووه لكن شلاقه مرحة بقيت أول حاجة من مادخل المنتدى أدخل طوالى على شلاقة علشان الواحد يبتسم قبال يدخل الأقسام التانية وتعااااااااال انت ياخوى عمرك كم من زمن العشرة جنيه ماتكون غشيت أم عمرو بالكلام الناعم ودقستها
mohd saeed magazoub
27-10-2010, 11:40 PM
كنج النفاج أبو عمروا صبحك الله بالخير ياخوى لكين لقيت شليق شلاقة أووووووه لكن شلاقه مرحة بقيت أول حاجة من مادخل المنتدى أدخل طوالى على شلاقة علشان الواحد يبتسم قبال يدخل الأقسام التانية وتعااااااااال انت ياخوى عمرك كم من زمن العشرة جنيه ماتكون غشيت أم عمرو بالكلام الناعم ودقستها

بيني وبينك ياتغريد بعملها

ماااااااااااااااشليق

11047
تغريدا
27-10-2010, 11:52 PM
بيني وبينك ياتغريد بعملها


ماااااااااااااااشليق



11047







معقول يامحمد :d:dمش الواحد لما يكبر ويتعدى مرحلة الطفولة ويعمل ليه عمل مخالف بيقولوا دا لسه قايم بجهله أها أخونا كنج النفاج أبو عمرو الله يديه العافية قايم بشلاقته على وزن الكلام دا:d:d
ود المطامير
28-10-2010, 12:01 AM
مما اتشاقيت كدى
انا كنت متصور انك تفقدا
لكن ما بالطريقه دى
كانت بكرت ولا اتنين
تلاته سفّات ونص http://www.ii1i.com/uploads6/1d61894d01.gif (http://www.ii1i.com)
ود المطامير
28-10-2010, 12:02 AM
ده انا غلبان
لا بهش ولا بنش

الجااااااااااااك
ود المطامير
28-10-2010, 12:05 AM
معقولة...
دي عملية تعملها فيني ياود المطامير..
الستة صفحات قريتم حسي..!!!!
موتني بالضحك..
الناس كانوا متابعين البوست
والضحك كل يوم حبة..
أنا البوست شلته حتة واااحدة..
موت عديل..
ناس المكتب فهمو شي غايتو...
وانا مالي بيهم..
الله يسعدك كما أدخلت البسمة فينا....

البوست رائع بحق..
واصل خلينا نفطس.

ملكة الأسرار

مشتاقين ليكم وللحبيب الخواض وأبوحمزه

قلتى لى دخلتى سينما رودى دى وجريتى الشريط من أولو ؟ ;)

تسلمى والله يا أختنا وربنا يديك العافيه

وربنا يجعلك دائماً سعيده
ود المطامير
28-10-2010, 12:07 AM
بابا يغسل العدة
هع هع هع هع
http://www.ii1i.com/uploads6/1d61894d01.gif (http://www.ii1i.com)http://www.ii1i.com/uploads6/1d61894d01.gif (http://www.ii1i.com)
;);););););)

شكيت محنك والله
ود المطامير
28-10-2010, 12:11 AM
كنج النفاج أبو عمروا صبحك الله بالخير ياخوى لكين لقيت شليق شلاقة أووووووه لكن شلاقه مرحة بقيت أول حاجة من مادخل المنتدى أدخل طوالى على شلاقة علشان الواحد يبتسم قبال يدخل الأقسام التانية وتعااااااااال انت ياخوى عمرك كم من زمن العشرة جنيه ماتكون غشيت أم عمرو بالكلام الناعم ودقستها
أختنا الرائعه تغريد عبدالعظيم

مساء الخير

أول شئ .. تسلمى على الشعور النبيل

وتانى شئ أنا صغّير وجاهل

وبعدين شكلى من النوع الما بكبر كلو كلو

وحات الله نسوان فريقنا هنى بقولن لأم عمرو

راجلك حلاتو صغيرونى ;)

يديك العافيه والله
ود المطامير
28-10-2010, 12:13 AM
بيني وبينك ياتغريد بعملها

ماااااااااااااااشليق

11047
هع هع هع هع

يا فرده مشتااااقين والله

دنا غلباااااااااان
ود المطامير
28-10-2010, 12:16 AM
معقول يامحمد :d:dمش الواحد لما يكبر ويتعدى مرحلة الطفولة ويعمل ليه عمل مخالف بيقولوا دا لسه قايم بجهله أها أخونا كنج النفاج أبو عمرو الله يديه العافية قايم بشلاقته على وزن الكلام دا:d:d
هع هع هع هع

والله يا تغريد

أنا لمّا مشيت أزوج

يوم العرس كنت كاتل حيلى بس غنمايه ضارباها مطره

وأهل أم عمرو .. قالوا ليها .. والله راجلك دا مسكين مسكنه شديده

أم عمرو .. قالت ليهم بكره ما تشتكوا منو ;)
ياسر123
28-10-2010, 01:40 AM
ده انا غلبان
لا بهش ولا بنش

و الله سفتك دي بتذكرني عمي ما عندو اسنان لمن تشوفو سافي و تقول ليهو السلام عليكم ما يقدر يفتح خشمو برفع ليك يدو بس
ياسر123
28-10-2010, 01:41 AM
هع هع هع هع

والله يا تغريد

أنا لمّا مشيت أزوج

يوم العرس كنت كاتل حيلى بس غنمايه ضارباها مطره

وأهل أم عمرو .. قالوا ليها .. والله راجلك دا مسكين مسكنه شديده

أم عمرو .. قالت ليهم بكره ما تشتكوا منو ;)

شكلك بقول ان أكال جنس أكل لمن المرة تشكو منك و اكيد ظالما لان لقمتك كبيرة
لقمتك راس كديس
زي واحد قال لي عمتو عمتي دي السدادة قالت ليهو يا ولدي شغلك كلو سدادات
أحمد عمر ( MOODY )
28-10-2010, 01:43 AM
حبيب قلبى ( وحات الله ريده ليك كيييييييف ؟ ) http://www.ii1i.com/uploads6/cff5b2ec43.gif (http://www.ii1i.com)
يديك العافيه يا الحبيب

ويا الحبيب فى كل قصه بكون فى جزء صغير جداً حقيقى
أهااااا ... بقوم أنا أديها كوز http://www.ii1i.com/uploads6/cff5b2ec43.gif (http://www.ii1i.com)

ياخ ما تخوّف الجماعه دا أنا منتظرهم وأنت أول واحد




ده كُلّو .. كوز موية
يا أخوي ده أظنو كوز من الشربوت العملتو داك
ياسر123
28-10-2010, 01:44 AM
ملكة الأسرار

مشتاقين ليكم وللحبيب الخواض وأبوحمزه

قلتى لى دخلتى سينما رودى دى وجريتى الشريط من أولو ؟ ;)

تسلمى والله يا أختنا وربنا يديك العافيه

وربنا يجعلك دائماً سعيده

انت من زمن رودي الناس تطورت
ام رغد
28-10-2010, 11:28 AM
يعني
الشلاقة ذاااااااااتها .. حقّو يسمّوها ود المطامير
اؤيد بشدة جدا جدا جدا..... بس باقى ليك ما بنكون ظلمنا الشلاقة؟؟؟؟؟؟؟
zoolfrda
29-10-2010, 11:21 AM
.............شلاقة..............
مستر دقشة
29-10-2010, 02:21 PM
والله شلاقتك شلاقه لاكين الله أعين الأولاد ديل
mahagoub
29-10-2010, 07:40 PM
والله شلاقتك شلاقه لاكين الله أعين الأولاد ديل

ومنو تستفيدوا
شفت خياله واسع كيف
mahagoub
29-10-2010, 07:43 PM
ده كُلّو .. كوز موية
يا أخوي ده أظنو كوز من الشربوت العملتو داك
قال كوز مويه
قول جردل عديل
هو الشربوت الفات لى هسع قاعد
العيد على الابواب
دايرين الخلطه الجديده
ود المطامير
30-10-2010, 03:13 AM
و الله سفتك دي بتذكرني عمي ما عندو اسنان لمن تشوفو سافي و تقول ليهو السلام عليكم ما يقدر يفتح خشمو برفع ليك يدو بس
هع هع هع هع

شكيت محنك والله
ود المطامير
30-10-2010, 03:14 AM
شكلك بقول ان أكال جنس أكل لمن المرة تشكو منك و اكيد ظالما لان لقمتك كبيرة
لقمتك راس كديس
زي واحد قال لي عمتو عمتي دي السدادة قالت ليهو يا ولدي شغلك كلو سدادات
يا فرده

أنا وتامر صلاح الدين قرينا سوا
;)
ود المطامير
30-10-2010, 03:16 AM
ياتو ياااا فرده ؟

هع هع هع
ود المطامير
30-10-2010, 03:19 AM
ده كُلّو .. كوز موية
يا أخوي ده أظنو كوز من الشربوت العملتو داك

داك ياتوووو ؟ http://www.ii1i.com/uploads6/5582777060.gif (http://www.ii1i.com)
ود المطامير
30-10-2010, 03:20 AM
اؤيد بشدة جدا جدا جدا..... بس باقى ليك ما بنكون ظلمنا الشلاقة؟؟؟؟؟؟؟
وأنا ... أحتج .. أدين .. أشجب .. جدا جدا جدا ;)
ود المطامير
30-10-2010, 03:25 AM
.............شلاقة..............

يا فرده يا زول فرده

أموت وأعرف المع أبو الدقيق دا منو ؟
http://www.ii1i.com/uploads6/bf63535613.jpg (http://www.ii1i.com)
ود المطامير
30-10-2010, 03:27 AM
والله شلاقتك شلاقه لاكين الله أعين الأولاد ديل
حبيبنا .. دقشه

الله يعينى أنا منهم

ديل ختريييين

شرفتنا والله
ود المطامير
30-10-2010, 03:29 AM
قال كوز مويه
قول جردل عديل
هو الشربوت الفات لى هسع قاعد
العيد على الابواب
دايرين الخلطه الجديده
الجاااااك

مشتااااااقين والله

الخلطه الجديده تحت التجربه

بجربها ليك فى بابو الهندى ونشوف النتايج ;)
أحمد عمر ( MOODY )
30-10-2010, 07:38 PM
الجاااااك

مشتااااااقين والله

الخلطه الجديده تحت التجربه

بجربها ليك فى بابو الهندى ونشوف النتايج ;)



أُممممممممممممممممممممممممممك
بابو الهندي .. ياااااا حليلو
دقس .. و إتلحس
ود المطامير
30-10-2010, 11:25 PM
أُممممممممممممممممممممممممممك
بابو الهندي .. ياااااا حليلو
دقس .. و إتلحس
هع هع هع
;););););)
ياسر123
30-10-2010, 11:47 PM
يا فرده

أنا وتامر صلاح الدين قرينا سوا
;)

شهادة عربية وين ؟
و الله انت من زمن الدبلان و شنطة الدمورية و مسوح الزيت من الغبشة الشتاء على الابواب
ود المطامير
31-10-2010, 01:38 AM
شهادة عربية وين ؟
و الله انت من زمن الدبلان و شنطة الدمورية و مسوح الزيت من الغبشة الشتاء على الابواب
هع هع هع هع
;););););)

دا إتا طلعت هولنا تب وقربى كمان

يديك العافيه ضحكتنى من القلب والله
ياسر123
31-10-2010, 01:54 AM
هع هع هع هع
;););););)

دا إتا طلعت هولنا تب وقربى كمان

يديك العافيه ضحكتنى من القلب والله

عندنا زريبة و غنيمات و بقرات
طيب انا ما ممكن اكون شهادة عربية كدا؟
طلال الصول
31-10-2010, 01:38 PM
خلاص

البتجيهو عطسه الأول يجرب إتفقنا ؟

ود المطامير الله يجازيك داير تطفي الراجل معاك كمان


.... كدي اكان جربتها ادينا خبرها ...........
ود المطامير
31-10-2010, 01:59 PM
عندنا زريبة و غنيمات و بقرات
طيب انا ما ممكن اكون شهادة عربية كدا؟
هع هع هع

شكيت محنك والله
ود المطامير
31-10-2010, 02:02 PM
ود المطامير الله يجازيك داير تطفي الراجل معاك كمان


.... كدي اكان جربتها ادينا خبرها ...........
مييييييييييييييين ؟

الحبيب طلال الصول ؟

والله ما مصدق عيونى

زارتنا البركه ياخ

مشتاااقين والله

تصدق من كتبت الكلام دا بقيت فى اليوم بعطس كم مره

وكل مره أقول أجربها تانى أتراجع وأقول بجربها العطسه الجايه

هع هع هع هع
mahagoub
31-10-2010, 07:43 PM
مييييييييييييييين ؟

الحبيب طلال الصول ؟

والله ما مصدق عيونى

زارتنا البركه ياخ

مشتاااقين والله

تصدق من كتبت الكلام دا بقيت فى اليوم بعطس كم مره

وكل مره أقول أجربها تانى أتراجع وأقول بجربها العطسه الجايه

هع هع هع هع

العطسه الما تفكها ام فتفت
mahagoub
31-10-2010, 07:44 PM
ود المطامير الله يجازيك داير تطفي الراجل معاك كمان


.... كدي اكان جربتها ادينا خبرها ...........

هو ما طفاه وانتهى
والراجل مقطعا فى مصارينو
ود المطامير
31-10-2010, 07:45 PM
العطسه الما تفكها ام فتفت
كدى جربها يا الجاك

وأينا خبر
طلال الصول
31-10-2010, 07:57 PM
مييييييييييييييين ؟

الحبيب طلال الصول ؟

والله ما مصدق عيونى

زارتنا البركه ياخ

مشتاااقين والله

تصدق من كتبت الكلام دا بقيت فى اليوم بعطس كم مره

وكل مره أقول أجربها تانى أتراجع وأقول بجربها العطسه الجايه

هع هع هع هع

ليك وحشة والله يا مطاميرو
كدي العطسة حسي خليها وين شربوت السنة الفاتت دا العيد قرب
طلال الصول
31-10-2010, 07:59 PM
هو ما طفاه وانتهى
والراجل مقطعا فى مصارينو

وانا اقول الشيبات ديل من وين

اتاريه حقل تجارب وكاتلها وساكت
mahagoub
31-10-2010, 08:11 PM
وانا اقول الشيبات ديل من وين

اتاريه حقل تجارب وكاتلها وساكت

البقع فى ود المطامير
يتشهد ويتمدد
نزار احمد كوارتي
01-11-2010, 04:15 AM
يخسي عليكم
انا زعلان
ما بتفقدوني مالكم
الفيكم إتعرفت
ومكانتي عندكم إتعرفت
وكان علي مطاميرو ده
الفيه إتعرفت من يوم الخميس الفات
لكن في ناس كده إنصدمته فيهم

هي هي هي إنصدمته دي لذيذة والله
ود المطامير
01-11-2010, 04:32 AM
ليك وحشة والله يا مطاميرو
كدي العطسة حسي خليها وين شربوت السنة الفاتت دا العيد قرب
بالأكتر يا حبيب

حق السنه اللى فاتت دى بقى دقّه قديمه

هسى فى واحد موديل 2010 بجربو فى بابو الهندى

وأشوفو كيف وبديك خبر يا حبيبنا http://www.ii1i.com/uploads6/7897560faa.gif (http://www.ii1i.com)
ود المطامير
01-11-2010, 04:33 AM
وانا اقول الشيبات ديل من وين

اتاريه حقل تجارب وكاتلها وساكت
http://www.ii1i.com/uploads6/7897560faa.gif (http://www.ii1i.com)http://www.ii1i.com/uploads6/7897560faa.gif (http://www.ii1i.com)
ود المطامير
01-11-2010, 04:34 AM
البقع فى ود المطامير
يتشهد ويتمدد
يا عمك

أنا الغنمايه بتاكل عشاى
ود المطامير
01-11-2010, 04:37 AM
يخسي عليكم
انا زعلان
ما بتفقدوني مالكم
الفيكم إتعرفت
ومكانتي عندكم إتعرفت
وكان علي مطاميرو ده
الفيه إتعرفت من يوم الخميس الفات
لكن في ناس كده إنصدمته فيهم

هي هي هي إنصدمته دي لذيذة والله
الخميس اللى فات كنت فى إجتماع مغلق مع / السيد نائب رئيس الجمهوريه

هع هع هع

لكن إنصدمته دى رهييييييييبه لقيتها وين عليك الله ؟ http://www.ii1i.com/uploads6/7897560faa.gif (http://www.ii1i.com)
طلال الصول
01-11-2010, 05:37 AM
ياني الفاتح خشمي وقاعد ليك
ود المطامير
01-11-2010, 03:23 PM
أم عمرو .. قصتى معاها أشبه بحكايات ألف ليله وليله

فى إجازتى التانيه للسودان من تلاته إجازات فقط خلال 24 سنه
دخلت بيت ناس حبوبتى ( الله يرحمها ) وكلهم كانو قاعدين .. حبوبتى وأمى وأخوانى وخالاتى وكان معاى أحد
الأصدقاء ، سلمت على دا ودا ودا وإتلفت كدا .. أكان أشوفها ليك
وحات الله من عيونى شافوها قلبى دا قال شحححححححححححححح وأنا قلت إنقسم على نصين
وصوت أنفاسى بقى مسموع وحالتى بقت حاله
هى وقفت علشان تسلم على وجريت كريعاتى جر ووقفت قدامها ، وأنا لا عارف هى منو ولا حصل شفتها قبل كدا ولا مديت ليها يد ولا سلمت عليها وبس قلت ليها

_ مخطوبه ؟ ولأ مرتبطه ؟ ولأ أتقدم ؟

هى الروووب وقعت فى كرسيها من الدهشه وناس البيت التقول صبت فيهم مطره
وبعد شويه أمى قالت لى ولا دا ولا داك أتقدم ساااى وأخطبها منى أنا

ومرّ الزمن ودارت أحداث الناس سموها الفلم الهندى ، وبعد سنوات من ذاك اللقاء
عقدوا لى عليها وأنا هنى ويلا رتبت إمورى للسفر وإشتريت كل حاجه بمساعدة بعض الأخوات
قامو الشرامه بتاعنى قالوا لى ، بعد كدا باقى ليك بدلة العرس
وقلت ليهم بدلة شنو ؟ بدله ؟ هووووووى أى شئ ولا لبس ناس الخرطوم دا
قالو لى إتا جنيت الزمن دا لازم بلده للعرس غايتو أقنعونى وقبل السفر بيوم مشيت محل
فى شارع حمدان وإخترت بدله تقول يا غربتى وإشتريت معاها جنيّاتها جت

وصاحب المحل سورى إختار لى كرفته لونها مناسب مع البدله وقلت ليهو
_ لو سمحت دى بالذات أدينى ليها سفرى
عاين لى كدا وقال لى سفرى يعنى شنو ؟ وقلت ليهو يعنى ظبّتها وكرّبها وأدينى ليها جااااهزه
إبتسم وقال لى تعال ، ووقف قدامى ولفّاها حولين رقبتى وبقى يخلف الطرفين مع بعض بس حبوبتى ( الله يرحمها )
تعمل فى سعف المصلايه .
دخل طرف بهنى ودخل عليها الطرف التانى بتحت وشربكك شربكك وفى النهايه زنّقها تمام
وتانى رخاها شويه وطلّعها براسى وأدانى ليها
عاينت ليها كدا لقيتها ليك ميه الميه والعقده حقتها مثلثه ودينى ولا كرفتة راغب علامه
وسافرت وجيت قريتنا وجيت بيتنا واليوم الأول كلو سلام وحمد لله على السلامه وكدا
وأخوكم طبعاً عامل حالة طوارى وحمايه مشدّده للكرفته ، علشان ما يجى زول يفرتقها
ويجهجهنى ، يعنى لو لمّ فيها زول وفرتقها ما واطاتى أصبحت
وبعدين كمان مستحيل أنا مغترب لى 13 سنه أمشى لزول وأقول ليهو عليك الله أربط لى الكرفته دى ، لا ... لا ما بتجى والله ( عليكم الله بتجى آجماعه ؟ )

تلاته أيام وأخوكم ربطة الكرفته عامله لى هوس ، وفى اليوم بفقدها مية مره
ومرات أمشى مشوار زياره لناس وبالى معاها وأقوم وأعتزر ليهم وهم يقولى لى بدرى ياخ
و أنا أقرب أقول ليهم ... معليش .. الكرفته خليتها براها .

غايتو .. همها ضعّفنى عديل كدا لحد ما جا يوم العرس ، وجات لحظة لبستها ..
طلعتها براحه .. ودخلّت راسى فيها براااااااحه برااااحه وأنا عامت العقده عشان الطرف التانى ما يتملص ، وظت جبتها ليك رقبتى وبقيت أزنّق فيها شويه شويه .. حبّه حبّه وظبطت تمام
علشان بعداك جريت نفس كبيييييييييييير وقلت الحمد لله

وقعدت ليك جمب أم عمرو فى الحفله وأنا أتكشم ومبسوط من كل النواحى
وإنكبو ليك فى الأهل والأصدقاء يباركو لينا

وقعد جمبى واحد من أعمامى الكبار ومسك الكرفته من طرفها وقال لى

_ قادر الله ، دى أبوظبى خلّتك تربط التِكّه فى الرقبه ؟ ها جنا هسى كان شاكلك زول سااااى ما بخنقك بيها

نفضّت ليك يدو هنااااك وقلت ليهو

_ عليك الله يا عم فكّها ما تقوم تفرتق لينا ربطة الوكاله وتفضحنى قدام الناس ديل .
mahagoub
01-11-2010, 07:19 PM
كدى جربها يا الجاك

وأينا خبر

جربتها وطلعت اشاعه

بينى وبينك خلى الجماعه اليتورطوا
ياسر123
01-11-2010, 09:40 PM
ياني الفاتح خشمي وقاعد ليك

اعمل حسابك ما تخش فيهو ضبانة
ياسر123
01-11-2010, 09:41 PM
جربتها وطلعت اشاعه

بينى وبينك خلى الجماعه اليتورطوا

هم الجماعة متورطين متورطين
بس شوف بعد دا بحصل شنو
ياسر123
01-11-2010, 09:50 PM
الخميس اللى فات كنت فى إجتماع مغلق مع / السيد نائب رئيس الجمهوريه

هع هع هع

لكن إنصدمته دى رهييييييييبه لقيتها وين عليك الله ؟ http://www.ii1i.com/uploads6/7897560faa.gif (http://www.ii1i.com)

كدي وريني ناقشتو شنو
سرك في بير ما بكلم زول
حتى المعارضة ما بكلما و لا قناة الجزيرة ما بديها الاجتماع دا
بس كلمني
أحمد عمر ( MOODY )
01-11-2010, 10:51 PM
يا عمك

أنا الغنمايه بتاكل عشاى


يعني الشرك .. عاملوا ليها في العشا
أحمد عمر ( MOODY )
01-11-2010, 10:55 PM
يخسي عليكم
انا زعلان
ما بتفقدوني مالكم
الفيكم إتعرفت
ومكانتي عندكم إتعرفت
وكان علي مطاميرو ده
الفيه إتعرفت من يوم الخميس الفات
لكن في ناس كده إنصدمته فيهم

هي هي هي إنصدمته دي لذيذة والله




يا نزار يا أخوي كلّنا إنصدمنا
لكن نحنا تأمينّا ضد الغير
و الفاتك ... كْنتِك ليهو .. و إتخطّاهو
بتلاقيهو قدّام ... المحطّة الجاية
ياسر123
01-11-2010, 11:13 PM
يخسي عليكم
انا زعلان
ما بتفقدوني مالكم
الفيكم إتعرفت
ومكانتي عندكم إتعرفت
وكان علي مطاميرو ده
الفيه إتعرفت من يوم الخميس الفات
لكن في ناس كده إنصدمته فيهم

هي هي هي إنصدمته دي لذيذة والله

معليش يا اخوي يا نزار لك العتبى حتى ترضى
بس انا زيك بجي يوم بغيب يومين تلاتة
mahagoub
02-11-2010, 12:25 AM
هم الجماعة متورطين متورطين
بس شوف بعد دا بحصل شنو

قحه قحتين
وبعدين تستعدل
ياسر123
02-11-2010, 12:55 AM
قحه قحتين
وبعدين تستعدل

القحة و لا صمة الخمش
طلال الصول
02-11-2010, 01:36 AM
والله يا مطاميرو شوقتنا نشوف الكرفته دي ......

كمل يا اخوي باقي ايام ونحصلك غايتو اتخلعنا واشترينا لكن الكرفته ما علمونا ليها بالغصب هنا علشان كدا شوف لي اشغل بالي بشنو تاني
طلال الصول
02-11-2010, 01:38 AM
اعمل حسابك ما تخش فيهو ضبانة

بي فيلتر يا ياسر واحد اتنين تلاته
ياسر123
02-11-2010, 01:50 AM
والله يا مطاميرو شوقتنا نشوف الكرفته دي ......

كمل يا اخوي باقي ايام ونحصلك غايتو اتخلعنا واشترينا لكن الكرفته ما علمونا ليها بالغصب هنا علشان كدا شوف لي اشغل بالي بشنو تاني

ألبس عراقي و صديري و مركوب و عكاز و طاقية حمراء و امشي إتصور
نزار احمد كوارتي
02-11-2010, 02:50 AM
ألبس عراقي و صديري و مركوب و عكاز و طاقية حمراء و امشي إتصور

جنب ست الشاي وقول ياااااا خلف الله عزبتنا
نزار احمد كوارتي
02-11-2010, 02:58 AM
الخميس اللى فات كنت فى إجتماع مغلق مع / السيد نائب رئيس الجمهوريه

هع هع هع

لكن إنصدمته دى رهييييييييبه لقيتها وين عليك الله ؟ http://www.ii1i.com/uploads6/7897560faa.gif (http://www.ii1i.com)

الغلقو منو ما غلقتو براكم
كان تكلمونا كنا بنتعشي ونجي
ولا بنجيب عشانا معانا
بعدين انا طوبتك رميته لكن المحيرني
المسافر أخوي ده بقيت ألاوذ منو عديييييل كده
يوم يكتب بي غادي كلام معارضات معارضات
وفجأة كده نسمع بية متعشي مع نائب الرئيس
غايتو طلعنا مساكين أنا ومودي بس

بالزقاق كدة:-

شفته مودي ده بريئ كيف
هِع هِع هِع يا قولك
ياسر123
02-11-2010, 03:02 AM
جنب ست الشاي وقول ياااااا خلف الله عزبتنا

بس ما ينسى العطر عشان الصورة ما تتحرق اقصد ما تتطلع شينة
نزار احمد كوارتي
02-11-2010, 03:11 AM
يا نزار يا أخوي كلّنا إنصدمنا
لكن نحنا تأمينّا ضد الغير
و الفاتك ... كْنتِك ليهو .. و إتخطّاهو
بتلاقيهو قدّام ... المحطّة الجاية


كان ده كلامك طيب قول لي مطاميرو هاك التكنتكات ديل وابقي لاقيني في محطة طريف

http://www.bh30.com/msn/rmoz/SugarwareZ-076.gif
نزار احمد كوارتي
02-11-2010, 03:26 AM
بس ما ينسى العطر عشان الصورة ما تتحرق اقصد ما تتطلع شينة


هووووووي يا أبو اليا بطل حركات حركات عشان ما أقبل عليك
انا الأيامات دي براي نفيسة قايمة علي من عمايل الجماعة ديك
ياسر123
02-11-2010, 03:31 AM
هووووووي يا أبو اليا بطل حركات حركات عشان ما أقبل عليك
انا الأيامات دي براي نفيسة قايمة علي من عمايل الجماعة ديك

ياتو جماعة يا ربي
الجماعة ما كتيرين
حدد
نزار احمد كوارتي
02-11-2010, 03:45 AM
ياتو جماعة يا ربي
الجماعة ما كتيرين
حدد


شنو ياااااا عمك ماااا تفهمه وهي طايره

يعني إلا أقول ليك الجماعة ديل ببدوا بي وا ود المطامير

وما المسافر وزول كده مااااااا بقدر أقول إسمو هنا
ياسر123
02-11-2010, 04:03 AM
شنو ياااااا عمك ماااا تفهمه وهي طايره

يعني إلا أقول ليك الجماعة ديل ببدوا بي وا ود المطامير

وما المسافر وزول كده مااااااا بقدر أقول إسمو هنا

ليه ما بتقول اسمو
اصلو هوو الترابي في زمنو؟
ههههههههههه
mahagoub
02-11-2010, 06:19 AM
شنو ياااااا عمك ماااا تفهمه وهي طايره

يعني إلا أقول ليك الجماعة ديل ببدوا بي وا ود المطامير

وما المسافر وزول كده مااااااا بقدر أقول إسمو هنا

ليه خايف تقول اسمه ينقسم
ياسر123
02-11-2010, 07:53 AM
ليه خايف تقول اسمه ينقسم

لو جابو اسمو الهوا بقسمو
لو قالوا حرفو الناس بتعرفو
حمادة دا المني و سافر ما كلمني
mahagoub
02-11-2010, 07:42 PM
لو جابو اسمو الهوا بقسمو
لو قالوا حرفو الناس بتعرفو
حمادة دا المني و سافر ما كلمني
لمان انت عارف انو حماده مجهجنا مالك
isamzaki1978
02-11-2010, 08:11 PM
أم عمرو .. قصتى معاها أشبه بحكايات ألف ليله وليله

فى إجازتى التانيه للسودان من تلاته إجازات فقط خلال 24 سنه
دخلت بيت ناس حبوبتى ( الله يرحمها ) وكلهم كانو قاعدين .. حبوبتى وأمى وأخوانى وخالاتى وكان معاى أحد
الأصدقاء ، سلمت على دا ودا ودا وإتلفت كدا .. أكان أشوفها ليك
وحات الله من عيونى شافوها قلبى دا قال شحححححححححححححح وأنا قلت إنقسم على نصين
وصوت أنفاسى بقى مسموع وحالتى بقت حاله
هى وقفت علشان تسلم على وجريت كريعاتى جر ووقفت قدامها ، وأنا لا عارف هى منو ولا حصل شفتها قبل كدا ولا مديت ليها يد ولا سلمت عليها وبس قلت ليها

_ مخطوبه ؟ ولأ مرتبطه ؟ ولأ أتقدم ؟

هى الروووب وقعت فى كرسيها من الدهشه وناس البيت التقول صبت فيهم مطره
وبعد شويه أمى قالت لى ولا دا ولا داك أتقدم ساااى وأخطبها منى أنا

ومرّ الزمن ودارت أحداث الناس سموها الفلم الهندى ، وبعد سنوات من ذاك اللقاء
عقدوا لى عليها وأنا هنى ويلا رتبت إمورى للسفر وإشتريت كل حاجه بمساعدة بعض الأخوات
قامو الشرامه بتاعنى قالوا لى ، بعد كدا باقى ليك بدلة العرس
وقلت ليهم بدلة شنو ؟ بدله ؟ هووووووى أى شئ ولا لبس ناس الخرطوم دا
قالو لى إتا جنيت الزمن دا لازم بلده للعرس غايتو أقنعونى وقبل السفر بيوم مشيت محل
فى شارع حمدان وإخترت بدله تقول يا غربتى وإشتريت معاها جنيّاتها جت

وصاحب المحل سورى إختار لى كرفته لونها مناسب مع البدله وقلت ليهو
_ لو سمحت دى بالذات أدينى ليها سفرى
عاين لى كدا وقال لى سفرى يعنى شنو ؟ وقلت ليهو يعنى ظبّتها وكرّبها وأدينى ليها جااااهزه
إبتسم وقال لى تعال ، ووقف قدامى ولفّاها حولين رقبتى وبقى يخلف الطرفين مع بعض بس حبوبتى ( الله يرحمها )
تعمل فى سعف المصلايه .
دخل طرف بهنى ودخل عليها الطرف التانى بتحت وشربكك شربكك وفى النهايه زنّقها تمام
وتانى رخاها شويه وطلّعها براسى وأدانى ليها
عاينت ليها كدا لقيتها ليك ميه الميه والعقده حقتها مثلثه ودينى ولا كرفتة راغب علامه
وسافرت وجيت قريتنا وجيت بيتنا واليوم الأول كلو سلام وحمد لله على السلامه وكدا
وأخوكم طبعاً عامل حالة طوارى وحمايه مشدّده للكرفته ، علشان ما يجى زول يفرتقها
ويجهجهنى ، يعنى لو لمّ فيها زول وفرتقها ما واطاتى أصبحت
وبعدين كمان مستحيل أنا مغترب لى 13 سنه أمشى لزول وأقول ليهو عليك الله أربط لى الكرفته دى ، لا ... لا ما بتجى والله ( عليكم الله بتجى آجماعه ؟ )

تلاته أيام وأخوكم ربطة الكرفته عامله لى هوس ، وفى اليوم بفقدها مية مره
ومرات أمشى مشوار زياره لناس وبالى معاها وأقوم وأعتزر ليهم وهم يقولى لى بدرى ياخ
و أنا أقرب أقول ليهم ... معليش .. الكرفته خليتها براها .

غايتو .. همها ضعّفنى عديل كدا لحد ما جا يوم العرس ، وجات لحظة لبستها ..
طلعتها براحه .. ودخلّت راسى فيها براااااااحه برااااحه وأنا عامت العقده عشان الطرف التانى ما يتملص ، وظت جبتها ليك رقبتى وبقيت أزنّق فيها شويه شويه .. حبّه حبّه وظبطت تمام
علشان بعداك جريت نفس كبيييييييييييير وقلت الحمد لله

وقعدت ليك جمب أم عمرو فى الحفله وأنا أتكشم ومبسوط من كل النواحى
وإنكبو ليك فى الأهل والأصدقاء يباركو لينا

وقعد جمبى واحد من أعمامى الكبار ومسك الكرفته من طرفها وقال لى

_ قادر الله ، دى أبوظبى خلّتك تربط التِكّه فى الرقبه ؟ ها جنا هسى كان شاكلك زول سااااى ما بخنقك بيها

نفضّت ليك يدو هنااااك وقلت ليهو

_ عليك الله يا عم فكّها ما تقوم تفرتق لينا ربطة الوكاله وتفضحنى قدام الناس ديل .
الله يغربلك يا عروة رابط التكة فى رقبتك
ود المطامير
03-11-2010, 12:53 AM
كدي وريني ناقشتو شنو
سرك في بير ما بكلم زول
حتى المعارضة ما بكلما و لا قناة الجزيرة ما بديها الاجتماع دا
بس كلمني
مشتاااقين يا فرده

يازول والله ما خلينا شئ

جيب أضانك .. وش وش وش وش

أهاا ... خليهو بينى وبينك ;)
ود المطامير
03-11-2010, 12:54 AM
يعني الشرك .. عاملوا ليها في العشا
;);););););)

شكيت بلاويك

كتلتنى بالضحك
ود المطامير
03-11-2010, 12:58 AM
يا نزار يا أخوي كلّنا إنصدمنا
لكن نحنا تأمينّا ضد الغير
و الفاتك ... كْنتِك ليهو .. و إتخطّاهو
بتلاقيهو قدّام ... المحطّة الجاية
إتا يا فرده أصلو ما تتكم

تقول لى فى برنامج كووووره وأنا من وصلت جسر محاوى بضرب ليك

ولا رديت علينا

إتا بالليل ما بترد على التلفون مالك

ولأ آااا بقلعوهو منك ;)
ود المطامير
03-11-2010, 01:00 AM
والله يا مطاميرو شوقتنا نشوف الكرفته دي ......

كمل يا اخوي باقي ايام ونحصلك غايتو اتخلعنا واشترينا لكن الكرفته ما علمونا ليها بالغصب هنا علشان كدا شوف لي اشغل بالي بشنو تاني
الحبيب

لو لازم كرفته هسى بقت ساهل بجيبو معاها كتلوج هع هع
ود المطامير
03-11-2010, 01:04 AM
الله يغربلك يا عروة رابط التكة فى رقبتك
وتانى يا الحبيب ما تنيتها أبدا
ود المطامير
03-11-2010, 01:04 AM
شنو ياااااا عمك ماااا تفهمه وهي طايره

يعني إلا أقول ليك الجماعة ديل ببدوا بي وا ود المطامير

وما المسافر وزول كده مااااااا بقدر أقول إسمو هنا
إهى إهى إهى
ام رغد
03-11-2010, 02:08 AM
يا عمك

أنا الغنمايه بتاكل عشاى
اى غنماية القنعانة من روحة دى؟؟؟؟اوع تكون الكاروهات؟؟؟؟
طلال الصول
03-11-2010, 02:14 AM
هي لا انا قصدي مربطننا بيها في الشغل زي الغنم يازول عندي ليها اربعة خمسة ربطات .....

اها لمن امشي لي حتة والا شي بالي يروح ويننننننننن
ود المطامير
03-11-2010, 02:22 AM
هي لا انا قصدي مربطننا بيها في الشغل زي الغنم يازول عندي ليها اربعة خمسة ربطات .....

اها لمن امشي لي حتة والا شي بالي يروح ويننننننننن
هع هع

الحمد ليك يا رب نحنا شغلنا قبيض كدسه وفيران

هع هع
ود المطامير
03-11-2010, 02:23 AM
قبل كم يوم كدا ، كنت نائم فى أمان الله ، ونمت وأنا جيعان جوعه شديده

وحلمت ليك بلهط جنس لهط ، شئ محمر وشئ لحوم وسمك وأ نا بمضغ كدا صحانى صوت التلفون
ولقيتها أم عمرو .. وأم عمرو من تقول لى ألو .. بس تقول لى ألو طوالى صوتها يدخل بأضانى موسيقى رائعه كل الروعه ومن أضانى أول شئ بمشى قلبى ويقوم يملاهو لى ريد وحنان
بعد داك قلبى برسل فاكس لمخى فيهو عينه من صوتها ويقوم مخى يفلترو بالطريقه الصاح والله الحق فى جزء من الثانيه يقوم مخى يدينى تقرير كامل عن حالة ( أم عمرو ) الحاله الحُبّيّه .. ودى أهم شئ
والحاله الصحّيه برضو أهم شئ .. يعنى فى جزء من الثانيه بكون عرفت اللى ليها واللى عليها

إتخلعت ليك ونطيت فووووق لمّا قالت لى ألو ووصلنى التقرير بتحليل صوتها إنها حزييييييينه
حزييييييييينه حزن عمييييق ، جدعت ليك البطانيه هناك وسألتها .. مالك يا حبيبتى خير فى شنو ؟
قالت لى مافى شئ ، قلت ليها .. التقرير أهو .. إنتى فى أشد لحظات الحزن
وخنقتها عبره وسمعتها تبكى ، تترب قمت ليك من السرير وأنا أسأل فيها بجزع
وأنا عارف نفسى لما أنوم جيعان وأحل بنفسى أكدد فى العضام من أصحى طوالى بتجينى كفوه
وحتى وأنا فى حلمى القبل شويه دا عاينت للحم كدا وقلت لنفسى ما دايرو لكن فى عضم كبير ليهو كليوات غلبنى أقاومو كديتو بالطريقه الصاح وفى اللحظه اللى بطرب فيهو بطرف الصحن عشان أطلع المُخ أهووو .. ضربت لى أم عمرو
قالت لى ست البيت اللى مؤجرين منها .. إتجننت عليها عشان ولدها قطع يد البلاى ستيشن حق عمرو وولى العهد حقى ما قصر كفّتو بالطريقه الصاح ذى كفيتى للخروف داك
قامت أمو جات غايراها وقالت ليها ( تانى لو ولدكم دق ولدى شوفو ليكم بيت )

، أهااا .. قلت لأم عمرو .. طيب أنا جائ ..
وركبت الباخره وسقت سيارتى وفى الطريق شغال لست البيت وعيد وتهديد فى سرى
أصبرى لى ، تبكى لى حبيبتى ؟ والله الليله أهد ليك البيت على راسك ووصلت البيت
وشفع ست البيت من شافو سيارتى وقفت كلمو أمهم وأمهم جات طايره وأم عمرو كانن معاها جاراتها ، طوالى ست البيت دخلت فينى شمال
وقالت لى تانى لو ولدك دا دقّ ولدى إبقى شوفو ليكم بيت تانى أجروهو
عاينت ليها قوووووووى وعاينت لأم عمرو وتانى عاينت لست البيت وقلت ليها

_ على الطلاق بيتك دا الليله ما بنبيت فيهو
وقلت لأم عمرو جهزى حالك ، وهنى التقول صبّت فيهم مطره ، والإندهاش رقد هبطرش
وجاراتنا يعجبنك بالتلفونات وزعو الشمار وفى ساعه بس بيتنا إتملأ ناس
الرجال قالوا لى .. إتا إتسرعت وهنى مافى بيوت ووو ووو ووو
وساعه هم يلومو فينى قامت ست البيت تعتزر لى ( هم محتاجين لينا أكتر من حوجتنا ليهم )

وقالت لى قدام كل الناس إنت ممكن اليوم تبيتو معانا ولأ مع أى حد مع أصحابكم وكدا تكون عزيت حلفك ، تانى عاينت ليها قوووووى وصوت أم عمرو الباكى القبيل داك شغال ليك فى راسى ظنننننننننن ، وقلت ليها فى سرى ، تبكى لى حبيبة عمرى وتقولى لى معليش ؟
وتهددينى أنا ببيتك ؟ هيييييييييع أنا أبوك يا عمرو وقلت ليها

_ على الطلاق بالتلاته عفشنا ذاتو ما ببيت فى بيتك دا ، أهااا العفش برضو يمشى يبيت مع أصحابى ؟؟
mahagoub
03-11-2010, 06:47 AM
كان ده كلامك طيب قول لي مطاميرو هاك التكنتكات ديل وابقي لاقيني في محطة طريف

http://www.bh30.com/msn/rmoz/SugarwareZ-076.gif

الصوره الفوق
مالك حارق روحك
ما يكون عندك حرقان
الصوره التحت
زولك ما بقى طينه عديل
mahagoub
03-11-2010, 06:55 AM
قال بحنان
انت من ما الجرس يدق بتقع من السرير
والتلفون تمسكه ويقع كان خمسه ولا سته مرات
خلينا فى المهم بت فى اى زاويه
ود المطامير
03-11-2010, 07:36 AM
قال بحنان
انت من ما الجرس يدق بتقع من السرير
والتلفون تمسكه ويقع كان خمسه ولا سته مرات
خلينا فى المهم بت فى اى زاويه
وحياتك يا الحبيب

بيتنا فى بيتنا الجديد فى نفس اليوم

وسبحان الله كان لخير وحكمه يعلمها ربنا

تسلم يا راقى
mahagoub
03-11-2010, 08:00 AM
وحياتك يا الحبيب

بيتنا فى بيتنا الجديد فى نفس اليوم

وسبحان الله كان لخير وحكمه يعلمها ربنا

تسلم يا راقى
انت ما حلو
عشان كدى كل ما تلمسه
تلفاهو بقى حلو
وواصل مع ام عمر
ماخد راحتك
الظاهر ما قاعده تشوفك وانت بتكتب
ود المطامير
03-11-2010, 09:47 PM
اى غنماية القنعانة من روحة دى؟؟؟؟اوع تكون الكاروهات؟؟؟؟
هع هع هع
;););)
ود المطامير
03-11-2010, 09:48 PM
انت ما حلو
عشان كدى كل ما تلمسه
تلفاهو بقى حلو
وواصل مع ام عمر
ماخد راحتك
الظاهر ما قاعده تشوفك وانت بتكتب
الجاك وطّى صوتك ما تجيب لينا الهوا ياخ ;)
ود المطامير
03-11-2010, 09:49 PM
من تعلم لغة قوم آمن شرهم

وأخوكم بتكلم اللغه الهنديه بطلاقه ولا درستها ولا شئ جربنديه ساى
مره كنت ماشى أبوظبى .. 300 كيلو متر من منطقتنا ، فى الشارع أشرو لى 3 هنود
وقفت وقلت ليهم ب10 درهم النفر وافقو وركبو معاى
لما بقينا على ماشارف أبوظبى واحد قال للإتنين ما تدوهو أنا عندى خمسمية درهم بديها ليهو وبقول ليهو ما عندنا غيرها وهو أكيد ما بكون عندو فكه وح يقول لينا خلاص أمشو
أصحابو إتكيفو وقعدو يشكرو فيهو ، والله فكره تمام والله يا فرده إتا تفتيحه

ودخلنا أبوظبى ووقفت السياره فى مكان بعيد من المكان اللى هم عاوزنو
قامو قالو لى وقفت هنى ليه ؟ مكانا بعد الإشاره التانيه

إتلفت للوراى العامل فيها تفتيحه وقلت ليهو

_ شايف البنك داك ؟
قال لى أيوه وقلت ليهو باللغه الهنديه

_ أنزل وأمشى ليهو وفك الخمسميه وتعال

قال ما بكون عندو فكه قال

_________________

مره كنت جائ من دبى وراكب تاكسى بيجو
وفى الطريق مابين أبوظبى ودبى الركاب نزلو كلهم ما عدا هنديه راكبه ورا مقعد السواق
وأنا راكب بجوار السواق وهو هندى ، من بقينا برانا ظبط ليك المرايه عليها تمام وبدا يتونس معاها
وشويه شويه بقى يكب ليها فى الحنان قال ليها عيونك جاهرنى فى المرايه ، والصراحه هى ذى القمر
لما دخلنا أبوظبى قال ليها بنزل دا أول وبعدين بوديك مكان إنتى عاوزه ووافقت رغم أنو مكانها قبل مكانى بكتييير .
وصلنا مكان ما أنا عاوز نزلت وطلعّت القروش وقبلما أديها ليهو قلت ليهو باللغه الهنديه

__ قول ما شاء الله ما تسحر عيونها الجهروك فى المرايه


قال جهرونى قال

__________

سيارتى وديتها بنشرجى بتاع هنود لتغير اللساتك

وقلت ليهم عاوز تغير أربعه لساتك جدد ورفعو السياره وفكو اللساتك وغيرو اللساتك القديمه بالجديده
المفروض تتعمل ليهم ميزانيه قبل التركيب على السياره قام المعلم حقهم قال ليهم
ركبوهن ساااى دا ما ناقش حاجه
وركبوهن ونزلو السياره وقالو لى خلاص وقلت ليهم باللغه الهنديه
_ أرفعوها تانى وأعملو ميزانيه للساتك ولأ رجعو لى لساتكى القديمه

قال ما ناقش حاجه قال

_________

مره إستلمت عاملين هنود من مكتبنا فى أبوظبى
وفى الشارع للجزيره إشتغلوا شركتنا شغل نضيف لأنهم زعلانيين وما عاوزين الجزيره
ومسكو ليك مديرنا غسلوهو غسيل
وكسرو شمال ومسكونى أنا ، واحد قال لتانى
_ رايك شنو فى مديرنا الجديد دا ؟
_ يا عمك ، دا ظاهر عليهو من النوع التجم
_ أى والله ، وح نعمل ليك فيهو عمايل لحد ما يرجعنا تانى أبوظبى

وما خلو لى صفحه أرقد عليها

وأنا سايق السياره وقطّعت كلامهم فى حنانى
وصلنا الجزيره والعمال إتلمو وعندى عامل ما بيعرف عربى وقال لى قدامهم باللغه الهنديه

_ مدير .. ديل يسكنو فى ياتو غرفه ؟

ورديت عليهو بلغه هنديه سليمه

_ ديل ما مؤدبين ، أرموهم فى الغرفه رقم تلاته الما فيها مكيف

فتحو عيونهم قدر الفنجان ومسكو فى كرعينى وهاك يا إعتزارات

قال تجم قال
mohd saeed magazoub
03-11-2010, 10:18 PM
الظاهر ما قاعده تشوفك وانت بتكتب

ود الجاك صباح الخير

والله دي بالغت فيها

***
اخونا ود المطامير مشتاقين

والله اشتقنا ليومياتك

ومبروك البيت الجديد
المسافر
03-11-2010, 10:18 PM
من تعلم لغة قوم آمن شرهم
وأخوكم بتكلم اللغه الهنديه بطلاقه ولا درستها ولا شئ جربنديه ساى
مره كنت ماشى أبوظبى .. 300 كيلو متر من منطقتنا ، فى الشارع أشرو لى 3 هنود
وقفت وقلت ليهم ب10 درهم النفر وافقو وركبو معاى
لما بقينا على ماشارف أبوظبى واحد قال للإتنين ما تدوهو أنا عندى خمسمية درهم بديها ليهو وبقول ليهو ما عندنا غيرها وهو أكيد ما بكون عندو فكه وح يقول لينا خلاص أمشو
أصحابو إتكيفو وقعدو يشكرو فيهو ، والله فكره تمام والله يا فرده إتا تفتيحه
ودخلنا أبوظبى ووقفت السياره فى مكان بعيد من المكان اللى هم عاوزنو
قامو قالو لى وقفت هنى ليه ؟ مكانا بعد الإشاره التانيه
إتلفت للوراى العامل فيها تفتيحه وقلت ليهو
_ شايف البنك داك ؟
قال لى أيوه وقلت ليهو باللغه الهنديه
_ أنزل وأمشى ليهو وفك الخمسميه وتعال
قال ما بكون عندو فكه قال
_________________
مره كنت جائ من دبى وراكب تاكسى بيجو
وفى الطريق مابين أبوظبى ودبى الركاب نزلو كلهم ما عدا هنديه راكبه ورا مقعد السواق
وأنا راكب بجوار السواق وهو هندى ، من بقينا برانا ظبط ليك المرايه عليها تمام وبدا يتونس معاها
وشويه شويه بقى يكب ليها فى الحنان قال ليها عيونك جاهرنى فى المرايه ، والصراحه هى ذى القمر
لما دخلنا أبوظبى قال ليها بنزل دا أول وبعدين بوديك مكان إنتى عاوزه ووافقت رغم أنو مكانها قبل مكانى بكتييير .
وصلنا مكان ما أنا عاوز نزلت وطلعّت القروش وقبلما أديها ليهو قلت ليهو باللغه الهنديه
__ قول ما شاء الله ما تسحر عيونها الجهروك فى المرايه
قال جهرونى قال
_______
سيارتى وديتها بنشرجى بتاع هنود لتغير اللساتك
وقلت ليهم عاوز تغير أربعه لساتك جدد ورفعو السياره وفكو اللساتك وغيرو اللساتك القديمه بالجديده
المفروض تتعمل ليهم ميزانيه قبل التركيب على السياره قام المعلم حقهم قال ليهم
ركبوهن ساااى دا ما ناقش حاجه
وركبوهن ونزلو السياره وقالو لى خلاص وقلت ليهم باللغه الهنديه
_ أرفعوها تانى وأعملو ميزانيه للساتك ولأ رجعو لى لساتكى القديمه
قال ما ناقش حاجه قال
_________
مره إستلمت عاملين هنود من مكتبنا فى أبوظبى
وفى الشارع للجزيره إشتغلوا شركتنا شغل نضيف لأنهم زعلانيين وما عاوزين الجزيره
ومسكو ليك مديرنا غسلوهو غسيل
وكسرو شمال ومسكونى أنا ، واحد قال لتانى
_ رايك شنو فى مديرنا الجديد دا ؟
_ يا عمك ، دا ظاهر عليهو من النوع التجم
_ أى والله ، وح نعمل ليك فيهو عمايل لحد ما يرجعنا تانى أبوظبى
وما خلو لى صفحه أرقد عليها
وأنا سايق السياره وقطّعت كلامهم فى حنانى
وصلنا الجزيره والعمال إتلمو وعندى عامل ما بيعرف عربى وقال لى قدامهم باللغه الهنديه
_ مدير .. ديل يسكنو فى ياتو غرفه ؟
ورديت عليهو بلغه هنديه سليمه
_ ديل ما مؤدبين ، أرموهم فى الغرفه رقم تلاته الما فيها مكيف
فتحو عيونهم قدر الفنجان ومسكو فى كرعينى وهاك يا إعتزارات
قال تجم قال


أخو مالانا ( ود المتامير برامبيل كوتي )
نفرات في معلوم قرقر مال نفرات تاني
واجد في فايدة . .
mohd saeed magazoub
03-11-2010, 10:26 PM
حبيبنا حتى الهنود ماسلمو منك

والله من تعلم لغة قوم امن شرهم
طلال الصول
03-11-2010, 10:47 PM
قبلت على الهنود كمان
عندي حكايه زي بتاعتك دي لكن بالفلبيني اتعلمت اللغة الفلبينية برضو جربندية ساي من الشغل مرة سافرت الفلبين علشان اجيب عمال قاعد في المكتب كدا مع صاحبة مكتب الاستقدام ولا ورتها ليك بعرف كلامهم كل ما يجي واحد للمقابلة تقول ليو اسمع الناس ديل ما فاهمين حاجة اي شي قول بعرف وبعدين اتعلم هناك الماشيين كلهم زيك كدا . بازول وانا اتدفس ليهم ساي
بعدخلصت قبلت ليك عليها وقلت ليها بي لغتهم اسمعي هناالجبتيهم ديل علشان اتعلموا شوفي ليهم مدرسة يالله فتشي لي ناس جداد
يازول عمتك قعدة تترجف وهاك يا اعتزارت ما بطير منهم الصفقة .

وفعلا من علم لغة قوم امن شرهم
نزار احمد كوارتي
03-11-2010, 11:23 PM
إتا يا فرده أصلو ما تتكم

تقول لى فى برنامج كووووره وأنا من وصلت جسر محاوى بضرب ليك

ولا رديت علينا

إتا بالليل ما بترد على التلفون مالك

ولأ آااا بقلعوهو منك ;)



أول حاجه يا معلم مافي داعي للأسئلة التعسفية دي

مودي ده راجل حبيبنا لكن بس ده عيبو الوحيد

والله بيني وبينك هو بكون داااااااير الكوره

لكن بكون حموهو قالو ليو أوعك تطلع تلعب بره في الشارع

كدي خليني منو إنته في نفس اليوم داك لمن إتصلته عليك بالليل

وشبكتني تلفوني ده فيو فايروس. كان بفصل براو ولا كنته بتفصلو لمن

يتخيل ليك في صوت كرعين جايه علي الأوضة

بالزقاق كده:-

الواحد بقي ما عارف زاتو يتكلم معاكم إلا يحشر التلفون جوه أضانو عشان يسمع
نزار احمد كوارتي
03-11-2010, 11:31 PM
الصوره الفوق
مالك حارق روحك
ما يكون عندك حرقان
الصوره التحت
زولك ما بقى طينه عديل

ما حرقته روحي لكن القاعد بي يميني محظوظ شديد والكيشه ورق

الصوره التحت:-

بيني وبينك كده إنشالله ما تنفعو قام بيها براو كده (الموية الصاقطة دي).
نزار احمد كوارتي
03-11-2010, 11:51 PM
أخو مالانا ( ود المتامير برامبيل كوتي )
نفرات في معلوم قرقر مال نفرات تاني
واجد في فايدة . .

المسافر خان شخصياً

كي ساهي باي ساب أبكا هي تيقا

كا بولتا هي, كزر يي شارقه آييقا؟

إنته لاذم سوي كول مال أنا في شان سوي ترتيب سوا سوا
أوكي صديق؟ يلا أنا يسوي إنتظار في شان كول مال إنته
تغريدا
04-11-2010, 02:01 AM
من تعلم لغة قوم آمن شرهم

وأخوكم بتكلم اللغه الهنديه بطلاقه ولا درستها ولا شئ جربنديه ساى
مره كنت ماشى أبوظبى .. 300 كيلو متر من منطقتنا ، فى الشارع أشرو لى 3 هنود
وقفت وقلت ليهم ب10 درهم النفر وافقو وركبو معاى
لما بقينا على ماشارف أبوظبى واحد قال للإتنين ما تدوهو أنا عندى خمسمية درهم بديها ليهو وبقول ليهو ما عندنا غيرها وهو أكيد ما بكون عندو فكه وح يقول لينا خلاص أمشو
أصحابو إتكيفو وقعدو يشكرو فيهو ، والله فكره تمام والله يا فرده إتا تفتيحه

ودخلنا أبوظبى ووقفت السياره فى مكان بعيد من المكان اللى هم عاوزنو
قامو قالو لى وقفت هنى ليه ؟ مكانا بعد الإشاره التانيه

إتلفت للوراى العامل فيها تفتيحه وقلت ليهو

_ شايف البنك داك ؟
قال لى أيوه وقلت ليهو باللغه الهنديه

_ أنزل وأمشى ليهو وفك الخمسميه وتعال

قال ما بكون عندو فكه قال

_________________

مره كنت جائ من دبى وراكب تاكسى بيجو
وفى الطريق مابين أبوظبى ودبى الركاب نزلو كلهم ما عدا هنديه راكبه ورا مقعد السواق
وأنا راكب بجوار السواق وهو هندى ، من بقينا برانا ظبط ليك المرايه عليها تمام وبدا يتونس معاها
وشويه شويه بقى يكب ليها فى الحنان قال ليها عيونك جاهرنى فى المرايه ، والصراحه هى ذى القمر
لما دخلنا أبوظبى قال ليها بنزل دا أول وبعدين بوديك مكان إنتى عاوزه ووافقت رغم أنو مكانها قبل مكانى بكتييير .
وصلنا مكان ما أنا عاوز نزلت وطلعّت القروش وقبلما أديها ليهو قلت ليهو باللغه الهنديه

__ قول ما شاء الله ما تسحر عيونها الجهروك فى المرايه


قال جهرونى قال

__________

سيارتى وديتها بنشرجى بتاع هنود لتغير اللساتك

وقلت ليهم عاوز تغير أربعه لساتك جدد ورفعو السياره وفكو اللساتك وغيرو اللساتك القديمه بالجديده
المفروض تتعمل ليهم ميزانيه قبل التركيب على السياره قام المعلم حقهم قال ليهم
ركبوهن ساااى دا ما ناقش حاجه
وركبوهن ونزلو السياره وقالو لى خلاص وقلت ليهم باللغه الهنديه
_ أرفعوها تانى وأعملو ميزانيه للساتك ولأ رجعو لى لساتكى القديمه

قال ما ناقش حاجه قال

_________

مره إستلمت عاملين هنود من مكتبنا فى أبوظبى
وفى الشارع للجزيره إشتغلوا شركتنا شغل نضيف لأنهم زعلانيين وما عاوزين الجزيره
ومسكو ليك مديرنا غسلوهو غسيل
وكسرو شمال ومسكونى أنا ، واحد قال لتانى
_ رايك شنو فى مديرنا الجديد دا ؟
_ يا عمك ، دا ظاهر عليهو من النوع التجم
_ أى والله ، وح نعمل ليك فيهو عمايل لحد ما يرجعنا تانى أبوظبى

وما خلو لى صفحه أرقد عليها

وأنا سايق السياره وقطّعت كلامهم فى حنانى
وصلنا الجزيره والعمال إتلمو وعندى عامل ما بيعرف عربى وقال لى قدامهم باللغه الهنديه

_ مدير .. ديل يسكنو فى ياتو غرفه ؟

ورديت عليهو بلغه هنديه سليمه

_ ديل ما مؤدبين ، أرموهم فى الغرفه رقم تلاته الما فيها مكيف

فتحو عيونهم قدر الفنجان ومسكو فى كرعينى وهاك يا إعتزارات

قال تجم قال








شلاقة هندى على مستوى لكن لقيتك كنج كنج والله
ود المطامير
04-11-2010, 11:08 AM
ود الجاك صباح الخير

والله دي بالغت فيها

***
اخونا ود المطامير مشتاقين

والله اشتقنا ليومياتك

ومبروك البيت الجديد



حبيبنا
والله الشوق بحوووووور
ونبارك ليك فى السمح إن شاء الله

وبعدين يا الحبيب .. عمك ما ود الجاك دا هو الجاك ذاتووو ;)
ود المطامير
04-11-2010, 11:09 AM
أخو مالانا ( ود المتامير برامبيل كوتي )
نفرات في معلوم قرقر مال نفرات تاني
واجد في فايدة . .

يبرمل راسك قول آمين يا أبوالدقيق

غايتو دى كتلتنى بيها بالضحك
ود المطامير
04-11-2010, 11:11 AM
حبيبنا حتى الهنود ماسلمو منك

والله من تعلم لغة قوم امن شرهم

حبيبنا

الهنود ديل ملاعين خلاص

وأنا عشت مهاعم فتره طويله
ود المطامير
04-11-2010, 11:14 AM
قبلت على الهنود كمان
عندي حكايه زي بتاعتك دي لكن بالفلبيني اتعلمت اللغة الفلبينية برضو جربندية ساي من الشغل مرة سافرت الفلبين علشان اجيب عمال قاعد في المكتب كدا مع صاحبة مكتب الاستقدام ولا ورتها ليك بعرف كلامهم كل ما يجي واحد للمقابلة تقول ليو اسمع الناس ديل ما فاهمين حاجة اي شي قول بعرف وبعدين اتعلم هناك الماشيين كلهم زيك كدا . بازول وانا اتدفس ليهم ساي
بعدخلصت قبلت ليك عليها وقلت ليها بي لغتهم اسمعي هناالجبتيهم ديل علشان اتعلموا شوفي ليهم مدرسة يالله فتشي لي ناس جداد
يازول عمتك قعدة تترجف وهاك يا اعتزارت ما بطير منهم الصفقة .

وفعلا من علم لغة قوم امن شرهم
هع هع هع هع
;);););)

بالله بتعرف نضمى أبان عيون صغار ديل ؟

والله عفيت منك جيهتها تمام
ود المطامير
04-11-2010, 11:16 AM
أول حاجه يا معلم مافي داعي للأسئلة التعسفية دي

مودي ده راجل حبيبنا لكن بس ده عيبو الوحيد

والله بيني وبينك هو بكون داااااااير الكوره

لكن بكون حموهو قالو ليو أوعك تطلع تلعب بره في الشارع

كدي خليني منو إنته في نفس اليوم داك لمن إتصلته عليك بالليل

وشبكتني تلفوني ده فيو فايروس. كان بفصل براو ولا كنته بتفصلو لمن

يتخيل ليك في صوت كرعين جايه علي الأوضة

بالزقاق كده:-

الواحد بقي ما عارف زاتو يتكلم معاكم إلا يحشر التلفون جوه أضانو عشان يسمع
يا فرده مشتاااااقين

يا عمك زولنا دا ليهو كم يوم رافع القزاز

كدى أخطف رجلك أمشى أفقدو

وبعدين يوم إتا يسوى تلفون مشان أنا ، وكت داك حرمه بعييييييييييد ;)
ود المطامير
04-11-2010, 11:17 AM
شلاقة هندى على مستوى لكن لقيتك كنج كنج والله

شنو ليك عليك الله ؟ ;)
ياسر123
05-11-2010, 12:16 AM
مشتاااقين يا فرده

يازول والله ما خلينا شئ

جيب أضانك .. وش وش وش وش

أهاا ... خليهو بينى وبينك ;)

كتير و الله
صحتك و اخبارك؟

مشكلتي اضاني عميا و عيني طرشا
ما سمعتا وشوشتك
ود المطامير
05-11-2010, 12:51 AM
كتير و الله
صحتك و اخبارك؟

مشكلتي اضاني عميا و عيني طرشا
ما سمعتا وشوشتك
خلاص يا فرده

أدينى رقم فاكس
ياسر123
05-11-2010, 12:57 AM
خلاص يا فرده

أدينى رقم فاكس

خلي السفير يديك ليهووو
رقمي عندو
mahagoub
05-11-2010, 08:00 PM
ما حرقته روحي لكن القاعد بي يميني محظوظ شديد والكيشه ورق

الصوره التحت:-

بيني وبينك كده إنشالله ما تنفعو قام بيها براو كده (الموية الصاقطة دي).

اول مره اشوف مويه ساقطه بتحوص بالواحد
mahagoub
05-11-2010, 08:00 PM
ما حرقته روحي لكن القاعد بي يميني محظوظ شديد والكيشه ورق

الصوره التحت:-

بيني وبينك كده إنشالله ما تنفعو قام بيها براو كده (الموية الصاقطة دي).

اول مره اشوف مويه ساقطه بتحوص بالواحد
mahagoub
05-11-2010, 08:05 PM
شنو يا شامى كابور
ظبطوك ولا شنو
غيرت من ام عمرو
ما قلت ما بتلب
mahagoub
05-11-2010, 08:06 PM
خلي السفير يديك ليهووو
رقمي عندو

السفير الهندى
mahagoub
05-11-2010, 08:10 PM
ود الجاك صباح الخير

والله دي بالغت فيها

***
اخونا ود المطامير مشتاقين

والله اشتقنا ليومياتك

ومبروك البيت الجديد



نسوى ليه شنو؟؟
تقول ليه السمك بطير
يقول ليك بسير
نزار احمد كوارتي
07-11-2010, 02:49 AM
يا فرده مشتاااااقين

يا عمك زولنا دا ليهو كم يوم رافع القزاز

كدى أخطف رجلك أمشى أفقدو

وبعدين يوم إتا يسوى تلفون مشان أنا ، وكت داك حرمه بعييييييييييد ;)


أهه يا الحبيب النطمنك

انا مشيت فقدته ليك الزول ده والشي العرفتو

قالو أم عمرو بتاعتو مافيشه الأيامات ديل

وزي ما قال المثل يا أخوي

بلداَ ما فيها أُم عمرو

يقدل فيها ود عمر

بالزقاق كدة:-

ود عمر منو؟