كيتتنا ..........!!

[عبدالرحمن مدثر]

على وزن قصتنا

ايقاعات صاخبة

وكيتة

وكيتا على ايامنا البقت بتمشى ومابتجى

بوست ساى

لسه فكرتو ما طلعت على الحبان

وردت بجركانتا تجيب لها موية

ممكن تبقوا وقاية

للجركانة

وضد الزحف الجاى

عشان مانخدر تاااااانى



















الداير يخدر منو .... يرفع ايدو

[ود المطامير]

أنا

شلاقه منى سااااى ;)

[عبدالرحمن مدثر]

هههههههههههههههههه

ودالمطاطير

ندق النحاس ساكت


والنحاس ايقاع بتاع ساحات ولجمع كل الناس

فى حالة الفزع والنفير


النحاس ما عند كل الناس ياسيد الضحكة السمحة

عند كبارات البلد سلطان شيخ قبيلة .. شرتاى


دقينا النحاس بمقدم الوافر ضراعو ودالمطامير

كيف لا وهو من مطمورة الزمن الجميل

[عبدالرحمن مدثر]

تانى فى ايقاع عند الزغاوة اسمو

الاقدى وهو قريب من النقارة

وللاقدى شجن جميل

وايقاع حنين

اظنه يذكرنا بايام زمان

ولييييه نحن بنحن لايام زمان



وتانى الطنبور فى الشمال والشبيه لبهو فى الغرب الكردينق

وهو وتر عصب السكون ومصدر الالهام



وتانى فى النينى ودى كمنجة الزغاوة وبتكون مصنوعة من ذيل الحصان

وبتجرى باحساسك بعيييييييييييييييييد


اخر حاجة برضو عند الزغاوة الكايدا وقالوا الاسم ماخود من كيتتنا

[عبدالرحمن مدثر]

دايرين نقيل فوق سحابة اهلنا الشوايقة

لو قدرتي يوم سافرتي شوقي

وحنيني جريتو بالليل فوق ربابة

تسافري ونحن مشتاقين نشوفك

ترجع كيف خطاك ما جاتنا دابا

وحاتك انت يا املي المنور

منك جاتني في قلبي الاصابة



الحنين جريتو بالليل فوق ربابة ايقاع جميل وحنين

والليل ذاتو سروا باتع .. الحنين بالليل بيكون فى كامل اناقتو

بالنهار بضيع مع الزحمة

[ود المطامير]

وتانى الطنبور فى الشمال
___________

دا أنا أطرب له لدرجة التوهان

أغانى أخوانا وحبايبنا الشايقيه حنينه شديد

[عبدالرحمن مدثر]

ماتقولوا لى شدر العوير مخدر

دى حالة استثنائية

بكفوا بيها العين

لو دايرين نخدر لازم ندى الحنين حقو

للمكان

للحبان

ونقول للزمان

ارجع يازمان

[عبدالرحمن مدثر]

عليك الله ياودالشرفة شوف النصرى دا لما يجهجهك ويودرك

ويلعب بيك شليل ذاتو

السؤال الصعب


ليييه الناس بتتغير

الوطن

الحبيبة ذاتها بتتغير لونها ودواخلها وحتى ملابسها

الارض بتتغير بقت مابتديك زمان كانت عنوان للخدرة هسه مابتعمل ملاح خدرة ذاتو

كدى خلينى الحق الموضوع دا قبل مايبقى جادى

احكى نكتة صاحبى البرلوم

مشى جامعة الخرطوم وهو عربى جزيرة زى وزيك وزى ناس كتيرين

مقالدين الطورية .. وعرقهم فوق سرابه

اها لاقا عبير .. وعبير بقت لو نسمة

يوم واحد حباها ... واظنها حبتو .. او هى تهيوات ساى

تصدق جاء يحكى لى قال اليوم التانى ماقدر يلاقيها

قلت لييييييه

قال عشان غيرت فستانها

اتخيل لسه فى ناااااااااس دواخلها حلوة زى دى

وما بتحب التغيييييييييييييير

[بت مارنجان]

http://www.youtube.com/watch?v=R-dSyAtxBcE&p=334A12A4F60A81E8&playnext=1&index=59


بحر المودة ..
اها ياارهابي دي ليك اهداء لي الوالدة
ولي الغالي ابو مزن

[بت مارنجان]

http://www.youtube.com/watch?v=P2R5gQv47fE&feature=related

دي عشان بالطمبور ;)

[ود المطامير]

http://www.youtube.com/watch?v=R-dSyAtxBcE&p=334A12A4F60A81E8&playnext=1&index=59


بحر المودة ..
اها ياارهابي دي ليك اهداء لي الوالدة
ولي الغالي ابو مزن
مارنجو

والله منووووره

الله .. الله

فى الصميم والله وتسلمى .. تسلمى والله

الأغنيه دى بالذات قبلما أمى تجينى هنى كنت مرات كتير ما بقدر أكملها

مارنجو .. رائعه كعهدى بك دائماً رائعه .. ربنا يحفظك ويرعاك

[ود المطامير]

http://www.youtube.com/watch?v=P2R5gQv47fE&feature=related

دي عشان بالطمبور ;)
والله لو شفتى الدميعات فى عويناتى

تانى ما بتقولى على إرهابى ;)

[ود المطامير]

عليك الله ياودالشرفة شوف النصرى دا لما يجهجهك ويودرك

ويلعب بيك شليل ذاتو

السؤال الصعب


ليييه الناس بتتغير

الوطن

الحبيبة ذاتها بتتغير لونها ودواخلها وحتى ملابسها

الارض بتتغير بقت مابتديك زمان كانت عنوان للخدرة هسه مابتعمل ملاح خدرة ذاتو

كدى خلينى الحق الموضوع دا قبل مايبقى جادى

احكى نكتة صاحبى البرلوم

مشى جامعة الخرطوم وهو عربى جزيرة زى وزيك وزى ناس كتيرين

مقالدين الطورية .. وعرقهم فوق سرابه

اها لاقا عبير .. وعبير بقت لو نسمة

يوم واحد حباها ... واظنها حبتو .. او هى تهيوات ساى

تصدق جاء يحكى لى قال اليوم التانى ماقدر يلاقيها

قلت لييييييه

قال عشان غيرت فستانها

اتخيل لسه فى ناااااااااس دواخلها حلوة زى دى

وما بتحب التغيييييييييييييير
والله يا صاحبى

أخوك ذى الحربويه

أينما أتواجد بأخذ لون المحيط ;)

[mahagoub]

عاودتنا للحنين بالتراث
والحنين لكل ربوع السودان
والتحية لك
ما عاوزا تغير لمان يطلعوا الفستان يسبع صابونات

[بنت الرفاعي]

بمناسبة الطنبور والشوايقة أهديكم من كلمات الشاعر:
خالد شقوري.


لا تنجع



يا الشايل شمسك في جواك ** خليها تبين للناس تطلع
يا النازع فرحة والدة هناك ** غير حس آهاتك ما بتسمع



******
يا الناسي اللبقة المفتوحة ** دي بلاك طوريتك ما بتقرع
المنجل في راس التمرة ** ناسيهو وأمك ما بتطلع
الكتقة وقعت والحملان في اللوبي بقت تجري وترتع
والزير ألفي بيت الضيفان حرمان لا نزّ ولا نقع



******
يا السبت عقابك وروحت وحيات عز بلدك
لا تنجع
الشتلة تقولك
لاتنجع
الواطة تقولك
لا تنجع
الحوض ألما رفعت سرابو ينادي يقولك
لا تنجع
الحبل ألما تميت وِسِّيرو يهاتي يقولك
لا تنجع
والنيل ألفي واطاتنا ترع بيقولك أزرع
و
لا تنجع



******
ماك فاكر يوم داير ترحل ** وأبوك الحاج شايلو عصا
لا حيلو وقف طقش الإبريق ** إندفق سال فوق المصلاة
قام بارى الحيطة واتوكل ** ويقوم فد مرة ومية يقع
ويقولك يا المبروك
أرجع



******
أرجع أرجع يا زول أرجع
غير أرضك عاد ما بتلقى بطاح
شن داير في بلداً والناس ما فيهن حاس وما فيها صباح؟!
الليل الويل مليان أتراح
الويل الليل مليان أتراح
بياع بيقول أفراح أفراح
زي البيقول تفاح تفاح


******
مجلوبة الفرحة ومفروشة ** من ضحك الناس دايرين أرباح
لو كان في إيدن ملك الكون ** كان لمّو عبير الزهر الفاح
كان علمو نفس الزول العاش ** في سدر الليل داير يرتاح
كان حجزوا الغيم في واطاتو ** وكان آمسكين باعوا الأرواح



******
وين تلقى الفرحة وتتهنى في داراً ضيقي ومافي براح
جم ناسا من عين العطشان تخطف ومضات البرق اللاح



******
سايب أهلك ونخلك راحل ** قول لي وين ماشي وين آ صاح؟!
الشمس النايرة أبت تطلع
النيل يا زول أصبح رحراح
الضل قصر ما غتى رويس ولداً ساكب عرق الكتاح
الواطة أبت تديك الخير
ولّا أنت عليك ما هابي رياح


******
قول لي وين ماشي ووين غاشي
ولي شن سايب بلد الصلاح؟!
النسمة إن جاتك بتجيك
ملياني عبير عند البياح
الموية إن داير تلقاها
نقاعاً وأطيب من الراح
إن درت نغيم الموج تلقى
وإن درت كمان الطير صداح



******
أرجع أرجع يا زول أرجع
الضحكة هناك من جوة الجوف
الفرحة هناك ما فيها الخوف..
الشقى أرحم في ضل النيم
وبعيد من ناساً واقفة صفوف..
جم ناس حبان تلقى المكسور ** مشيول في كتاف واحد مكفوف
الجن الأحمر فاقد الحيل في خلوة حاج الخير مكتوف
دكان الشيخ فوق الواطة ** كيمان كيمان ما فيهو رفوف



:):):)

[ابوالنور]

كُنا زَمان إتنين أحَباب



بِينا الإلفة وأجمَل ٍريد



إتَقاسمَنا حَلاوة الدُنيَا


وإتساقينا الحُب تَغرِيد
انتو صحي وين الناس
دقو الكيتة

[mahagoub]

الناس دقوا الكيته
وكبو الزوغه
قبل العيد
وجانا العيد وانت بعيد