عمرالماحي
27-10-2010, 07:56 AM
الأمانة العامة للسودانيين الفقراء.. وكمان أغبيا ء !
• بمناسبة اليوم العالمي لدحر الفقر والقضاء عليه رأينا أن ندلي برأينا المتواضع حول هذا ( الفقر ) الذي لازمنا ولازم عدد كبير جداً من السودانيين يصل ( لخمسٍ وثلاثين ) مليون نسمة وتعداد سكان السودان ( قول أربعين مليون ) وطلِّع منهم المغتربين والمعاشيين والمتسولين والمجانين .. يعني لو في أستاذ رياضيات ( جايي مع جدول الضرب في كرتونةِ واحدةٍ ) لا يستطيع أن يحددّ عدد المروقين لانهم ينقسمون لعدة أقسام 00(مروقين )00و (مبحبحين ) .. و (متيسرين وملمعين ومنعمين ومروقين بالخارج ) . طيب أستاذ الرياضيات ده .. حيعرف عدد المروقين كم نسمة ؟ وبعدين في سؤال مهم جداً جداً تطرحه الأمانة العامة للسودانيين الفقراء يقول السؤال :( هناك عدداً مقدراً من الناس المروقين لدرجة قف .. إنتو القروش دي دايرين بيها شنو ؟ تلملموا فيها كده .. إنتو ناسين الموت .. ثم إنتو عندكم علم طبعاً بأن الزول البموت تاني مابقوم .. صاح !! بالتأكيد .. وما حصل سمعنا لينا بي زول مات تاني قام مشى وفتح دكانو ولاّ تابع تشييد الطابق السابع وكده !!
• ألذ حاجة واحد من هؤلاء الفقراء ذهب معنا للمقابر لدافنةِ واجبةِ .. كُنا نقف كلنا مع بعض نطالع في الشباب الذين يقومون بحفر القبور بودمدني في مقدمتهم ( التاج طعمية ) و ( العب ) هذا لقبه وهو رضيان بيهو .. وآخرون الله يدِّيهم الصحة والعافية ويعظم أجرهم ويطوِّل في عمرهم حتى يدفنو لينا كل الأغنياء الذين تربطهم علاقة بالثراء !!
• هذا الرجل الفقير الذي أحكي لكم عنه والله العظيم من عائلةِ (تهّز..وترِّز) لكنه كُتب عليه الفقر كما كُتب على كل المنضوين تحت لواء ألأمانة العامة للفقراء !!
• كنا نطالع في ( حفر القبر ) فأخرج الحفارين ( عظام إنسان ) أظنه مات من خمسين سنة تقريباً !! والدليل على ذلك عظامه التي أصبحت مثل ( ضُلف الكوارع ) المرمي على الشارع .. والله الكلب مايشيلو !!! سألني هذا الإنسان الفقير .. بالمناسبة أنا ما عايز أجيب سيرة إسمه .. لإعتباراتٍ كثيرةٍ في مقدمتها إنه إنسان مهندّم ومثّقف ( وقارئ ) ومطّلع وأظن وإن بعض الظن إثمٌ ( مؤتمر وطني!! ) والله أعلم !! سألني كما قلت :عن هذه العظام وقال لي (ياود النعمة ) شُفت العظام الطلّعوها من القبر ؟ قلت له نعم شفتها .. وأنا شُفتها فعلاً .. لكن عملت نايم وخايف كمان !! فقال لي بسخريته التي عُرف بها بود مدني في حدود علاقاته الإجتماعية خاصةً ( ناس الطاولة ) بنادي (......) القديم ... بديت أقرب لبعض ناس مدني شويه عن هذا ( الزول ) !!لكن الكويسة الذين سيعرفونه في حدود (سبعه نسمة) والسبعة ممكن (لو ما بيخجلو ) ينضموا جميعهم لهذه (الأمانة )00
• تعرف صاحب هذه العظام أنا أتوقع أنه كان من المروقين ثم أردف لي :والله الزول ده تلقاهو كان (ضابح كل يوم !!)
وختم حديثة بأن الدنيا دي مابتسوا خردلة ، ًتلقي المسؤولين ماسكين المايك في المناسبات الكبيرة ويواصلون في الخطابة 0
*وإنني أعدكم وعد حرٍ أبي إن قال فعل ...سنبني لكم مدرسة ثلاثة طوابق ...وسنشيّد مسبحاً للرجال والأولاد وآخر للنساء والفتيات !! وسننفذ الجسر الفلاني ..وولايتكم دي لازم تكون من أجمل ولايات البلاد 0
*والفقراء تِحت ...تِحت .. بقولوا ليهو ولاية شنو وجسور شنو ؟؟إنت كان كده ما شفت العظام الفي المقابر !!عموماً نعود لنحدثكم عن (الأمانة العامة للفقراء )...فأنا أقترح أن تكون طريقة الانضمام لهذه الأمانة كالآتي ذكره :-
*أولاً :لابد لأي إنسان فقير يرغب في الانضمام لهذه الأمانة العامة للفقراء أن يكون فقيراً جداً ويثبت بالدليل القاطع ويحلف المصحف إنهم لا يأكلون اللحم إلا ّ في عيد الضحية فقط .. يعني ما يجيني واحد إقول لّي أنا فقير لكن أول أمبارح لاقاني صديق عزيز عزمني سمك عند (حسن جاد الله ) ولاّ ( عثمان حسن جادالله ) ولاّ في ( سمكمك ) ... ولاّ بيت المشويات ... النوع ده لو كسر رقبته كش لايقبل طلبه ولا تقبل عضويته ... فالأمانة ترغب في أعضاء فقراء بالفعل لا بالقول .
* أي فقير يرغب في الانضمام للأمانة العامة للفقراء لازم نمشي معاه البيت نشوف أخوانه وبناته وزوجته إذا كان متزوج .. بالمناسبة الفرصة الكبيرة نتيحها للمتزوجين ... قلت نمشي معاهم البيت نطالع هيئة أهل البيت ولو لقينا ( بنطلون جنز ) ولاّ توب ( سادومبا ) ولاّ (إسكرت وتونِكا ) !! ولاّّ لقيناهم شادّين ليهم ( حلة بطاطس ) حتى لو سلطةّ روب فهؤلاء يرفض طلبهم نهائياً يعني ( رفض جماعي ) يعني تكونوا شادِّين ليكم ملاح بطاطس .. ولاّ سلطة روب .. ونَدّخلكم مع الفقراء في الأمانة العامة عشان تفسدوهم لينا في يوم وليلة !!
* ليست هنالك فرصة للشحادين والمتسولين للإنضمام ( للأمانة العامة للفقراء ) فهؤلاء مكانهم الطبيعي ( جمعية السودانيين المتسولين بلا حدود)!!
* إذا أراد أي فقير الإنضمام ( للأمانة ) بمفرده أو كمجموعةٍ لازم يثبتوا لينا بالدليل القاطع ( ويحلفو المصحف الشريف ) بأنهم في أغلب الأحيان يأكلون وجبةً واحدةً خاصةً عندما ترخص الطماطم في الموسم ويقع سعرها في الواطة .. ديل ممكن نستوعبهم سريعاً لأنهم حلفو بالمصحف بأن هذه حياتهم المعيشية اليومية !!
* طبعاً باللائحة مادة تمنع منعاً باتاً بإنشاء أي أمانةٍ عامةٍ بالخارج عدا إسرائيل !! ودولة عربية كلكم عارفين السودانيين فيها أحوالهم كيف !! هؤلاء نستثناهم دوناً عن الآخرين !!
* كما هناك مادة باللائحة تقول : للفقراء الذين يسكنون الفيافي البعيدة .. مثلاً من كسلا وإنت ماشي لغاية دورديب ... أو بِقرى الجزيرة النائية ... أو شمال أم درمان .. أو بغرب البلاد .. يسمح لهم بتكوين فرع للأمانة هناك بشرط أن يكتبون على لوحة مقرهم ( الأمانة العامة للسودانيين الفقراء وعايشين كمان في الخلاء ) .
* الفقير إلى الله يمشي يواصل في أكل الفتّة مع شيخه ولايعتّب على مقر الأمانة بتاتاً وإلاّ سنتخذ ضده إجراءات قانونية !!
* هناك مادة باللائحة تمنع الأعضاء من إصطحاب أي واحد عنده أمل في الدنيا لدار ( الأمانة العامة للفقراء ) وإذا حدث ذلك يفصل نهائياً من الأمانة العانة للسودانيين الفقراء ولايحق له الإنضمام لأي أمانةٍ ثانيةٍ مهما كان عذره .. تجيب ليك واحد بيأكل وجبتين في اليوم تدّخِلو لدار الفقراء بلا حدود .. والله فالح !!.
* أي فقراء هدّهم الفقر ويئسوا من الحياة وشرعوا في الانتحار فلا بد لهم من الرجوع للأمين العام ليساعدهم بإنتحارٍ جماعيٍ بطريقةٍ محترمةٍ حتى لايتعذبوا أثناء الإنتحار ( يعني إدّوكم حقن سامةً وقاتلةً لتموتوا بهدوء !! ) .
واحد من الفقراء قال للأمين العام ياسعادتك نحن الفقراء عندنا في هذه الحياة الدنيا أمل ؟ قال ليهو محتمل ... يا فقراء السودان الجوعى نسأل الله لكم الفردوس الأعلى تعويضاً لكم ولصبركم الذي فاق صبر مُلاك مشروع الجزيرة ... عليكم الله يا ملاك أراضى مشروع الجزيرة أحسن يعوضوكم عن أراضيكم بفلوس ولاّ يعوضكم ربنا بالفردوس ؟
بقلم الوجيه الصحفي ابن مدني
ياسر ودالنعمه0918140837
• بمناسبة اليوم العالمي لدحر الفقر والقضاء عليه رأينا أن ندلي برأينا المتواضع حول هذا ( الفقر ) الذي لازمنا ولازم عدد كبير جداً من السودانيين يصل ( لخمسٍ وثلاثين ) مليون نسمة وتعداد سكان السودان ( قول أربعين مليون ) وطلِّع منهم المغتربين والمعاشيين والمتسولين والمجانين .. يعني لو في أستاذ رياضيات ( جايي مع جدول الضرب في كرتونةِ واحدةٍ ) لا يستطيع أن يحددّ عدد المروقين لانهم ينقسمون لعدة أقسام 00(مروقين )00و (مبحبحين ) .. و (متيسرين وملمعين ومنعمين ومروقين بالخارج ) . طيب أستاذ الرياضيات ده .. حيعرف عدد المروقين كم نسمة ؟ وبعدين في سؤال مهم جداً جداً تطرحه الأمانة العامة للسودانيين الفقراء يقول السؤال :( هناك عدداً مقدراً من الناس المروقين لدرجة قف .. إنتو القروش دي دايرين بيها شنو ؟ تلملموا فيها كده .. إنتو ناسين الموت .. ثم إنتو عندكم علم طبعاً بأن الزول البموت تاني مابقوم .. صاح !! بالتأكيد .. وما حصل سمعنا لينا بي زول مات تاني قام مشى وفتح دكانو ولاّ تابع تشييد الطابق السابع وكده !!
• ألذ حاجة واحد من هؤلاء الفقراء ذهب معنا للمقابر لدافنةِ واجبةِ .. كُنا نقف كلنا مع بعض نطالع في الشباب الذين يقومون بحفر القبور بودمدني في مقدمتهم ( التاج طعمية ) و ( العب ) هذا لقبه وهو رضيان بيهو .. وآخرون الله يدِّيهم الصحة والعافية ويعظم أجرهم ويطوِّل في عمرهم حتى يدفنو لينا كل الأغنياء الذين تربطهم علاقة بالثراء !!
• هذا الرجل الفقير الذي أحكي لكم عنه والله العظيم من عائلةِ (تهّز..وترِّز) لكنه كُتب عليه الفقر كما كُتب على كل المنضوين تحت لواء ألأمانة العامة للفقراء !!
• كنا نطالع في ( حفر القبر ) فأخرج الحفارين ( عظام إنسان ) أظنه مات من خمسين سنة تقريباً !! والدليل على ذلك عظامه التي أصبحت مثل ( ضُلف الكوارع ) المرمي على الشارع .. والله الكلب مايشيلو !!! سألني هذا الإنسان الفقير .. بالمناسبة أنا ما عايز أجيب سيرة إسمه .. لإعتباراتٍ كثيرةٍ في مقدمتها إنه إنسان مهندّم ومثّقف ( وقارئ ) ومطّلع وأظن وإن بعض الظن إثمٌ ( مؤتمر وطني!! ) والله أعلم !! سألني كما قلت :عن هذه العظام وقال لي (ياود النعمة ) شُفت العظام الطلّعوها من القبر ؟ قلت له نعم شفتها .. وأنا شُفتها فعلاً .. لكن عملت نايم وخايف كمان !! فقال لي بسخريته التي عُرف بها بود مدني في حدود علاقاته الإجتماعية خاصةً ( ناس الطاولة ) بنادي (......) القديم ... بديت أقرب لبعض ناس مدني شويه عن هذا ( الزول ) !!لكن الكويسة الذين سيعرفونه في حدود (سبعه نسمة) والسبعة ممكن (لو ما بيخجلو ) ينضموا جميعهم لهذه (الأمانة )00
• تعرف صاحب هذه العظام أنا أتوقع أنه كان من المروقين ثم أردف لي :والله الزول ده تلقاهو كان (ضابح كل يوم !!)
وختم حديثة بأن الدنيا دي مابتسوا خردلة ، ًتلقي المسؤولين ماسكين المايك في المناسبات الكبيرة ويواصلون في الخطابة 0
*وإنني أعدكم وعد حرٍ أبي إن قال فعل ...سنبني لكم مدرسة ثلاثة طوابق ...وسنشيّد مسبحاً للرجال والأولاد وآخر للنساء والفتيات !! وسننفذ الجسر الفلاني ..وولايتكم دي لازم تكون من أجمل ولايات البلاد 0
*والفقراء تِحت ...تِحت .. بقولوا ليهو ولاية شنو وجسور شنو ؟؟إنت كان كده ما شفت العظام الفي المقابر !!عموماً نعود لنحدثكم عن (الأمانة العامة للفقراء )...فأنا أقترح أن تكون طريقة الانضمام لهذه الأمانة كالآتي ذكره :-
*أولاً :لابد لأي إنسان فقير يرغب في الانضمام لهذه الأمانة العامة للفقراء أن يكون فقيراً جداً ويثبت بالدليل القاطع ويحلف المصحف إنهم لا يأكلون اللحم إلا ّ في عيد الضحية فقط .. يعني ما يجيني واحد إقول لّي أنا فقير لكن أول أمبارح لاقاني صديق عزيز عزمني سمك عند (حسن جاد الله ) ولاّ ( عثمان حسن جادالله ) ولاّ في ( سمكمك ) ... ولاّ بيت المشويات ... النوع ده لو كسر رقبته كش لايقبل طلبه ولا تقبل عضويته ... فالأمانة ترغب في أعضاء فقراء بالفعل لا بالقول .
* أي فقير يرغب في الانضمام للأمانة العامة للفقراء لازم نمشي معاه البيت نشوف أخوانه وبناته وزوجته إذا كان متزوج .. بالمناسبة الفرصة الكبيرة نتيحها للمتزوجين ... قلت نمشي معاهم البيت نطالع هيئة أهل البيت ولو لقينا ( بنطلون جنز ) ولاّ توب ( سادومبا ) ولاّ (إسكرت وتونِكا ) !! ولاّّ لقيناهم شادّين ليهم ( حلة بطاطس ) حتى لو سلطةّ روب فهؤلاء يرفض طلبهم نهائياً يعني ( رفض جماعي ) يعني تكونوا شادِّين ليكم ملاح بطاطس .. ولاّ سلطة روب .. ونَدّخلكم مع الفقراء في الأمانة العامة عشان تفسدوهم لينا في يوم وليلة !!
* ليست هنالك فرصة للشحادين والمتسولين للإنضمام ( للأمانة العامة للفقراء ) فهؤلاء مكانهم الطبيعي ( جمعية السودانيين المتسولين بلا حدود)!!
* إذا أراد أي فقير الإنضمام ( للأمانة ) بمفرده أو كمجموعةٍ لازم يثبتوا لينا بالدليل القاطع ( ويحلفو المصحف الشريف ) بأنهم في أغلب الأحيان يأكلون وجبةً واحدةً خاصةً عندما ترخص الطماطم في الموسم ويقع سعرها في الواطة .. ديل ممكن نستوعبهم سريعاً لأنهم حلفو بالمصحف بأن هذه حياتهم المعيشية اليومية !!
* طبعاً باللائحة مادة تمنع منعاً باتاً بإنشاء أي أمانةٍ عامةٍ بالخارج عدا إسرائيل !! ودولة عربية كلكم عارفين السودانيين فيها أحوالهم كيف !! هؤلاء نستثناهم دوناً عن الآخرين !!
* كما هناك مادة باللائحة تقول : للفقراء الذين يسكنون الفيافي البعيدة .. مثلاً من كسلا وإنت ماشي لغاية دورديب ... أو بِقرى الجزيرة النائية ... أو شمال أم درمان .. أو بغرب البلاد .. يسمح لهم بتكوين فرع للأمانة هناك بشرط أن يكتبون على لوحة مقرهم ( الأمانة العامة للسودانيين الفقراء وعايشين كمان في الخلاء ) .
* الفقير إلى الله يمشي يواصل في أكل الفتّة مع شيخه ولايعتّب على مقر الأمانة بتاتاً وإلاّ سنتخذ ضده إجراءات قانونية !!
* هناك مادة باللائحة تمنع الأعضاء من إصطحاب أي واحد عنده أمل في الدنيا لدار ( الأمانة العامة للفقراء ) وإذا حدث ذلك يفصل نهائياً من الأمانة العانة للسودانيين الفقراء ولايحق له الإنضمام لأي أمانةٍ ثانيةٍ مهما كان عذره .. تجيب ليك واحد بيأكل وجبتين في اليوم تدّخِلو لدار الفقراء بلا حدود .. والله فالح !!.
* أي فقراء هدّهم الفقر ويئسوا من الحياة وشرعوا في الانتحار فلا بد لهم من الرجوع للأمين العام ليساعدهم بإنتحارٍ جماعيٍ بطريقةٍ محترمةٍ حتى لايتعذبوا أثناء الإنتحار ( يعني إدّوكم حقن سامةً وقاتلةً لتموتوا بهدوء !! ) .
واحد من الفقراء قال للأمين العام ياسعادتك نحن الفقراء عندنا في هذه الحياة الدنيا أمل ؟ قال ليهو محتمل ... يا فقراء السودان الجوعى نسأل الله لكم الفردوس الأعلى تعويضاً لكم ولصبركم الذي فاق صبر مُلاك مشروع الجزيرة ... عليكم الله يا ملاك أراضى مشروع الجزيرة أحسن يعوضوكم عن أراضيكم بفلوس ولاّ يعوضكم ربنا بالفردوس ؟
بقلم الوجيه الصحفي ابن مدني
ياسر ودالنعمه0918140837