*** عثمان جلالة ***

[العاقب مصباح]

ما أن تصادقه او تآخيه حتى تشعر بأنك منه أو هو منك , أو ثمة رابط قوى بينكما ,,,
عرفته كثيراً ,, تحادثنا كثيراً ,, وجمعنا هم مشترك ,,,
أحياناً تصبح الاحلام واقعاً ,,, حين تلتقى بشخص تتحدث معه لسنوات من وراء جدر إسفيرية
تؤمن بصدقية ما كان حرفاً ,, وأصبح الآن حقيقة لا جدال فيها
ربما لم يكن مخططاً لها
ولكن تأتى أجمل الأشياء دون تخطيط مسبق
لم أصدق حين هاتفته وقال لى إنه سيكون معى
ترقباً للأيام ,, للساعات للدقائق ,, وللثوانى ,, كتلك التى سبقت الإفطار ,,,
كان لقاء فى أطيب البقاع ,,
مملوءاً بالحنين ,,
الحنين الذى يمتلك منه صديقى اغلبه
حتى وهو يحن لسكين فى الضراع
أو همبتة
جميل هذا الحنين
وهذا العثمان جلالة
لدرجة تبهر من يلتقيه
ببساطته
لا تشعر غير أنك تعرفه منذ زمن طويل
وأنه واحد منك
أو أنت واحد منه
أو أنكما من شئ واحد
فله كل المحبة
ولإبنيته الجميلات ,, منه الله ومشمشة ,, ( دا كلام واحد داير يناسبك ياخ););)

[عثمان جلالة]

العاقب أخوي كتر خيرك وإنشاء الله أكون قدر الكلام السمح الـ قلتو دا ... يوم شكرك ما يجي يا حبيب :)

والله مرحب كان بيك كان بتنتظر نسبنا ... هههههههه ... "عليك النبي بعدين أناسبك أنا ولا أسوقك في كرسي متحرك أعمل ليك أشعه مقطعيه :):)"

ملحوظه : صور البنات ديل وديتن وين ؟؟؟ :p

[naz_imam]

الحبيب الشفيف العاقب ودمصباح

الكلام الجميل لا يصدر إلا من من هم جميلين الدواخل وهذا عهدنا بك دوما ... اما إذا اردت ان احزو حزوك واتكلم عن الحبيب عثمان فهو يحتاج الي الكثير من البوستات ورغم ذلك سيحدث التقصير ويكفيني ان اقول (القول في الصمت ابلغ)

[المسافر]

هذه هي كلماته ، فهي أصدق تعبير عن ما بدوخله

نحن أهل الفرحة جينا
لا المدامع وقفتنا ولا الحكايات الحزينة
لما درب الرايحة جابناجابنا في هادي المدينة
يا ولدي الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواي القلوب كضاب
ليك ضهر ولا سرجين ركاب السروج وقاع
شق يا ولدي بحر التيه بتتدردر وتتودر
ولامن يوم على تايتتا ديك ترسى
نعزك بالقبيل داخرينو ليك
الشوق بحر يا ولدي بحراً تيه
قلت ليك العليهو أدرابو لا تنغش ولا ترضابو لا تنغش
في الزمن الزمين والكي يسوهو خلاف عشان الني
عليك الدور وتصريف الليالي بدور تشيل ما شلنا من الهم
ولا من دمعة ترمي الدمعة فوق دربك
روح يابا ... وأبق قفاك لا تعاين ولا تعاين على موطاك
ولا تندم على خطوا تملي مشيتو لي قدام
وأبقى العاتي زي سنطتنا زي صبراً نلوك فوق مرو زي الزاد
لا شيتاً نزل في الجوف ولا برجع وبنزاد
وأركز للبجيبها الريح تقيف إنت ويشيلها الريح
وأبقى العاتي والدرب الوراك مسدود وشيل شيلتك
بقيت للنص .. لا حلماً بجيب البر ولا حدود
وإنبليتا أخت الرملة ما تقع البكان الهش
هي الممطـــــــورة ما بتبالــــــي من الرش؟؟؟
النعمة بتعرف عاطيها والجمرة بتحرق واطيها
بالكيلة عطانا وما لقينا فوق جمر خطانا وما لقينا
يوم الوعد ... يا حليوة فيك الدنيا ماكانت شروق
إلا الأرض متكشفة متبلمة نعمنو من خير الخريف
لافحالها شال منطرحة خضراً وفرحة دروب تتشابى لي عين الشمس
من بت حليوه النفس بيضا كذا الحليب
والروح مشحتفة في البلود الفيها ريحتك
للبعود من فزعة الغربة البساسق فوقا مواجع ولا بالحيل قريب
الروح مشحتفة في الحبيب القلب بكر الدنيا ما شافت جديدو
ولا الحـــــــــــــــــزن دقالو بـــــــــاب.....
وشفتي كيف يوم الوعد كيفنو مترامي الغمام
والقمري زغرد للبلوم والنسمة هبت مرتين
يا حليوة يوم دقيت بأرضك فأس خصيب
والتانية في يوم الوعد والأيد تسالم في الأيدين...
والأم تقالد فوق جناها تشمـــــــــو زين.....
وحليوة صاحية وحليوة ضاحية كذا النسيم
والدنيا غيم وحليوة جد جد يا ولد قول للبلد
قايل غناوي الحزن ليش
شايل مساديرك مجامر دمع ليش
ليش يا بلد والناس تريد والدنيا كل ما نريد تزيد
تملأ الأيدين فرح تهش
لو صحيح غنينا بالدمعة الحميمة
ولو دموع الفرحة ما لاقت غنانا
بكرة نرجع تاني للكلمة الرحيمة شان هنانا شان منانا
شان عيون أطفالنا ما تضوق الهزيمــــــــــــــــة

[moh_alnour]

حقيقي الأخ عثمان جلالة من الذين ينطبق عليهم القول أنه من
الموطئون أكنافا ً الذين يألفون و يُألفون
متعك الله بالصحة و العافية يا أبو البنيات الزايد حِنية

[عثمان جلالة]

نزار ود الامام

المسافر

ود النور

أحبائي ... أشكركم من كل قلبي ... ووالله لقد أخجلتم تواضعي

يا أخوانا أنا والله قاعد أتعلم منكم يوماتي ... كيف يكون الزول سوداني وود بلد

وزي ما قال ود البشرى

أنا من زمنا خدو مشلخ ... وإنتو من أزماناً خدها ساده;)

إتعجبت سماحكم ... مواتر ... طبقات عاليه وكلها ساده

وكانت بينا فوارق شاسعه .. إتعارفنا ... مع إعتذاري الشديد لود البشرى للتعديل لزوم النص وشكري الخالص لكم وأملي أن أكون عند حسن ظنكم دائماً :)

[عبدالرحمن مدثر]

جلالة

زى بوست زمان .. لما اتكلمنا عن العجينة البتتمطط .. وتتمطط

عجينة واحدة متماسكة دا كان احساسنا بجلالة ..

من خلال حروفه وضعنا اطارا للوحة تزينها ابتسامته المافيشة

وصورتو البطاقية البعيدة دييييييييك

محكر فيها ... وفى قلوب كل من يتعامل معهم

ومع بهجة الكيتة كان اللقاء

مامشكلة لو كان الكيتة مصاحبة لعروسة امريكية او غيره

يكفى كيتتنا الداخلية

التقينا به فى زفة خاصة

وفرحة خاصة

ونهار ساخن

كانت حميميته كافية لتكييف داخلى واسبليت كمان

وكان جلالة

اكبر من الانطباع الاول

الزول دا اكبر من حروفو

جلالة الذى يفتقد الجميع

جلالة الذى يمنح الجميع حق الاقامة الدائمة فى دواخله

من دون تلتلة كفيل

طيبته هى الزاد والمتاع





تلحيقة اخيرة


اجمل مافى جلالة انه لحظة ان اراد ان يغادر اجتهد كثيرا ليمنح من جعلوا من قدومه كرنفال

.. يمنحهم جزء من الاحساس المتبادل .. الاحساس الصادق النضيف .. الذى لازيف فيه

اجتهد كثيرا وهو يصر على ان يصل الجميع قبل ان يغادر ..

وهذه شيمة الكبار ... الكبار فقط



كم انت كبير ياجلالة


















وكبير شديد كمان .. شيل الطاقية والصلعة بتديك الاجابة

[عثمان جلالة]

تلحيقة اخيرة



كم انت كبير ياجلالة



وكبير شديد كمان .. شيل الطاقية والصلعة بتديك الاجابة




هههههههههه .. كنت ماشي كويس يا حبيب .. خربتها بالتلحيقه دي :rolleyes::):) ... شبعنا ياااااااااخ من أول ما كان في داعي للتلحيقه .. لكن معروف يا أبو مزن سيد الكرم :);)

تعرف .. كم أنت كبير يا جلاله دي أتخليتك عصام الشوالي .. وإتخيلتني الهلال ههههههههه مش من حقي احلم يااااااااخ.

وأهديك يا حبيب القلب .. مصطفى سيد أحمد في رائعته "زي ما تكون محلق في العواصف .. وفجأه تهبط في السكون":):)

شكركم جاب ليهو "صلعه كمااااان" ههههههههههه :mad:

[بت أم درمان]

جلالة


وكبير شديد كمان .. شيل الطاقية والصلعة بتديك الاجابة




:D:D:D
:o:o:o
;););)

[العاقب مصباح]

الحبيب الشفيف العاقب ودمصباح

الكلام الجميل لا يصدر إلا من من هم جميلين الدواخل وهذا عهدنا بك دوما ... اما إذا اردت ان احزو حزوك واتكلم عن الحبيب عثمان فهو يحتاج الي الكثير من البوستات ورغم ذلك سيحدث التقصير ويكفيني ان اقول (القول في الصمت ابلغ)\


نزار ازيك يا نقى وعساك بخير غير محدود ,,,

جلالة وطن جميل ’’ كل من تعرف عليه أحبه ,,

ولك الحب أيضاً الجميل نزار ,, لك كل الحب ,, وكن بخير

[العاقب مصباح]

هذه هي كلماته ، فهي أصدق تعبير عن ما بدوخله



المسافر خالد ,, ليك وحشات والله ,, ازيك ياخى ,, وزاى كروجر

[العاقب مصباح]

حقيقي الأخ عثمان جلالة من الذين ينطبق عليهم القول أنه من
الموطئون أكنافا ً الذين يألفون و يُألفون
متعك الله بالصحة و العافية يا أبو البنيات الزايد حِنية


متعك الله بالصحة والعافية انت يا ابو زا يزن ,, العريس الفات وخلانا كما نحن نشتى البورة لطوب الأرض

[العاقب مصباح]

وكبير شديد كمان .. شيل الطاقية والصلعة بتديك الاجابة




ياخ عندى انا ليك هدية بتحمل ستة مقاطع

وكلها صلعة

لو شفتها ما حتعرف الفرق بينه وبين جمال حسن سعيد

ازيك ياخ والصورة بعدين نجيبها ليك

والصلعة تعلن عن نفسها

بإعتبار انا بى اولادى ما فارقة معاى ;);)

[معتز الريح]

*** عثمان جلالة ***
جميل جوه وبره ..
------------
بس نقطه ضعفو السماحة ..
وما بلوموا .. دي نقطة ضعف ناس كتاااااار ..

[عثمان جلالة]

ياخ عندى انا ليك هدية بتحمل ستة مقاطع

وكلها صلعة

لو شفتها ما حتعرف الفرق بينه وبين جمال حسن سعيد

ازيك ياخ والصورة بعدين نجيبها ليك

والصلعة تعلن عن نفسها

بإعتبار انا بى اولادى ما فارقة معاى ;);)

ههههههههههه .... شكلك قريت رواية الكاتب الكبير غابريال غارسيا ماركيز "ليس لدى الكولونيل من يكاتبه" في هجمه عكسية ح تصبح .. ليس لدى الكولونيل ما يخسره :rolleyes::rolleyes::):):o

[عثمان جلالة]

جميل جوه وبره ..
------------
بس نقطه ضعفو السماحة ..
وما بلوموا .. دي نقطة ضعف ناس كتاااااار ..

شكرا يا ود الريح .. وعشان ما يفهموني غلت أكيد قاصد سماحة الاخلاق والتعامل .. والروح الطيبه .. والناس الطيبين .. الطيبون للطيبات يااااخ :rolleyes::)

[naz_imam]

جميل جوه وبره ..
------------
بس نقطه ضعفو السماحة ..
وما بلوموا .. دي نقطة ضعف ناس كتاااااار ..

حبيبي ودالريح قاصد ياتو سماحه علشان مايتلخبط علينا الاختساس ونقعد نشحد في الشرائط

[معتز الريح]

حبيبي ودالريح قاصد ياتو سماحه علشان مايتلخبط علينا الاختساس ونقعد نشحد في الشرائط

يا نزار .. كل سنة وأنت طيب ..
ياخ السماحة البتعمل الشحّه ..
والمعنى واضح ..