شمارات الشمعه حصريا ...تحت عنونا بنفسجى ونفسك تجى..

[التيمان]

بسم الله الرحمن الرحيم

كما عودناكم دوما فى احدى حلقاتنا المتواصله السنويه فى شمارات الشمعه

اها الليله انحنا جينا وكيه للمابينا قبال مانجى للبنفسجى ونفسو يجى ده

خلونا نشوف ونسال سوال مهم جدا وين ياناس عمنا ود الصول والله فى الليله الظلماء يفتقد البدر

وشديد كمان لكن الخال على النعيم سد ليو تب ونس لى الجكس ولحم سلكو مع الشباب ياحليلك ياود الصول ضيعوك...


نجى لى عمنا على النعيم ...طول عمرو جلابى فى البلد دى ...خاشى ليك فى الجلوب والعمه والعكاز على الطلاق قلت النجاشى قاعد وجاب معاهو محرمتين صغار...ديل بكونو محرشين ولا جو يتفسحو؟؟؟


فى الطرب عمك هجج هجيج...فى غنيه يالله زكرنى المهم قصه حبيب فات وخلاهو وجاء رجع ليهو ..المهم زى جاى تانى عايز منى ايه عمك مافضل لى الا ادردق زكرتو ايام غريبه حت حت شركه قرب اتقالدو هو خالتو مدنية يبكو....خدورى بكى فى غنيه نور العين وخشى ليك فى حنانك الزول ده ادردق وبكى وقعدنا نحنس فيهو وخالى على النعيم وقلنا حنعمل لى شيرنق نعرس ليهو...

ابو النور لكن واقف فى الباب تب يدخل ويمرق فى الناس وضارب لى واحده انت ما جايه وماعارف شنو قالت مافى طريقه جينا هديناهو وجبنا لى بيبسى وشربو حايم اتراشق فى الصاله قدام البنات...

اسامه الرشيد...مدفون مع العده والكمبيوترات مافاضى يشوف اى شي لكن قبضتو ليكم يازول ماشى وين قال ماشى يحول رصيد الساعه 12 وفى صاله ابوزيد فى رصيد اتخيلو بى هناك لقيتو شغال باى باى وما ادونا فرصه وبتاع..

العلقم ...ماخلى لى بت ماصوره كوسو وجيبو وشوف منو الشى ده ماخل ليهو زول ما صورو ورقص رقيص وحتاهو حت وعامل صغير زينا بجوهل معانا..

الفنان دلعنا بى اغانى ...زى الزول الراكب حافله وماشى بعيد تنوم وتصحى تلقاهو لسه ماوصل..


مدنية...نسيبتى وخالتى حجزنا بى الاسود ده وماعندكم طريقه تنطو ..وقربت تقع من الكرسى ماعارف شافت منو انا قلت الادمن جاء ولا شنو...ومصعب قال ليها تعالى نعمل معاك لقاء ...لكن ورتنا بى الدهب والرسم ورينا الخنانه دى منو نرسل ليها الجكس


مصعب المزيع...كل مره الزول عزبنا تعالو نصوركم ويودينا الارشيف وانا كل يوم لامى ناس البيت تعالو شوفونا فى التلفزيون ما يجيبونى يجيبو الكفلا بس شينه مننو والله ...وال1 شى بقول لى عاين للجكس بقول لى انا عرست وانا كبرتا ونسنى ماقبضتو بشيل فى رقم ...بى قميصو البمبى ده...


خالتك امال مالك ..يازول حجزنا تب الطربيزه كلها لكن زعلانين منك ماتقولى ولا حبه شعر ..الدور ده موقفنى فى الباب والضيافه لى ياخ شينه منهم...دى العلم زاتو كان تمتعينا بى الشعر انت واسماء..

احمد الحاج...لابس كرفيته ومعلق بطاقه التكريم يازول تعال ادينا مويه نشرب قال لى انا سيرفس معقول اجدع البطاقه واقعد يابا ...وبى الكرفته امشى لى عمك على النعيم طوالى هدافى من امو


عكاشه....مزيع فى هارمونى ...يا جماعه الزول ده مشتهى العرس والله مرض حامد حامد شخصيا بقى هو هجج هجيج ما خلى لى مزه مارقص معاها ...عامل شعرو الزى كابتن ماجد ده


فى توب ورى نمرى غريب طبعا ...سالت ياناس النمر ده شنو قالو لى بياكلك وبكرى بعوقك ياناس دى ما مشكله دى ..تانى تحت تحت قالو مزيعه قلت يالله تعمل معاى لقاء بدل مصعب وفى قلبى قلت وقت فى مزيعين حلوين زى ديل جايبين لينا مصعب لى شنو ...

انتو ياجماعه جينا بى ورى ماشفنا بى قدام ماشفنا قاسمين الصاله بى النص والبرنامج كلو توزيع شهادات


عمر المامون جاى بى السفارى انا قايلو بتاع المراسم بتاع الكرنكى ...لكن الزول ده ضعف وانت هى الحقو عرسو لى يا ادمن دى شغلتك نطالب بى عرس جماعى وانت مسئول من الرعيه دى بقو بايرين اكتر من البنات


لكن ياجماعه سانتو والله لعاب لعب عجيييييييييييييييييب وللبفهماها بس عندهم ميادين زى الفل ونجيله اصطناعيه...

فى زول كده بس جاء شايل كمرتو وخاشى ليك فى على الله واقع فى الناس تصوير ويقول ليك شكرا مافهمنا شي شكلو بتاع جرايد يازول انحنا مطالبين ومراقبين ماتزيع


خالد هاشم..
والله الزول ده طلع رقاصا ومع الجكس جنس صور انا قلت اوباما جا ولا شنو..؟
تشوفو متصور فى الحج ورافع يدينو ماتشوفو فى الصاله جنس حت ..وجهز مشروع الدواجن..ان نجح نجح وان ما نجح اهو وبيض جداد لى بيوتنا

خالد شهلاوى

مدسى ورى الباب ملى راسو بى الشمارت لكن الزول ما انتهى والله ضعف لمن ماعرفنا الناس دى كلها ضعفت الا انا واخوى الحاصل شنو ياناس
فى بلى من ورانا وانحنا ماعارفين

تاج الاصفياء
يشيل ويزيع ويعيد تعب الناس تعب غريب زكرنى معكم المزيع نادر طه سيف الدين قناه الحقيقه للاخبار وقربت ارسل لى البنفسجى يقول معاهو وعفت الشربينى...

الكديس الاعور..
ده الز زول فى الحفله كديس فى زول قادى لى عينو مبارى الصاله كلها قدر ماتنهرو بحدر ليك انا قلت امكن جايبو بكرى يطفشنا بيهو عشان يلقى مساحتو لكن قعدنا تب

بعد كده ياجماعه نجى للبنفسجى ونفسك تجى ...
اتخيلو معاى انت سارح فى ملكوت وخلق ربنا ....وانت شايف معاى زراف فراش ماعارف اوصف بس كناريه ماشه من الطربيزه دى لى دى وسلام من بعيد هاااااى زى الفراشه من ورده لى ورده لمن تقول هاى مكيف ابوزيد بتاع الصاله بقيف..فجاءه جات قدامنا كفاره...اخوى قرب يسلم بي يدو الممكسوره لمن قالت سلامتكم انحنا فاتحين خشمنا وبنقول ليها اااااا ااااااااااا ..وهى قايلانا ماسامعين لكن انحنا سامعين عايزينها تقيف وقت طويل ...بس عيبه مرقت بدرى ماعارف مستعجله لى قربنا نمرق نخلى البرنامج...لكن الطرحه البنفسجيه كانت مشكله مع الهاااااااااى يا سلام ...ياناس انا غلبنى اوصف ليكم ..ومافى زول يقول لى دى منو ...هى قاعده فى مدنى دى وفى المنتدى ده اوريكم اكون عوير تجو مختربين تعرسوها مننا..انا قلت لى اخوك يارب السنه الجايه تكون بكرى عشان نلاقيها..
هى بتجى فطور على النعيم يوم الاحد عشان نقوم نستحمها ونغسل ونمش على الخال النجاشى..


استنونا فى شمارات الصور

زاويه مشاتره

مع دندق وابنق

ان لم نحببكم ما نزلناهو ليكم وليس تقليل احترام من اجل الدعابه والونسه وبوتقه الشمارت فى المنتدى ومافى زعل انشاء الله ...

[نزار السر]

بعد كده ياجماعه نجى للبنفسجى ونفسك تجى ...
اتخيلو معاى انت سارح فى ملكوت وخلق ربنا ....وانت شايف معاى زراف فراش ماعارف اوصف بس كناريه ماشه من الطربيزه دى لى دى وسلام من بعيد هاااااى زى الفراشه من ورده لى ورده لمن تقول هاى مكيف ابوزيد بتاع الصاله بقيف..فجاءه جات قدامنا كفاره...اخوى قرب يسلم بي يدو الممكسوره لمن قالت سلامتكم انحنا فاتحين خشمنا وبنقول ليها اااااا ااااااااااا ..وهى قايلانا ماسامعين انحنا سامعين عايزينها تقيف وقت طويل ...بس عيبه مرقت بدرى ماعارف مستعجله لى قربنا نمرق نخلى البرنامج...لكن الطرحه البنفسجيه كانت مشكله مع الهاااااااااى يا سلام ...ياناس انا غلبنى اوصف ليكم ..ومافى زول يقول لى دى منو ...هى قاعده فى مدنى دى وفى المنتدى ده اوريكم اكون عوير تجو مختربين تعرسوها مننا..انا قلت لى اخوك يارب السنه الجايه تكون بكرى عشان نلاقيها..
هى بتجى فطور على النعيم يوم الاحد عشان نقوم نستحمها ونغسل ونمش على الخال النجاشى[/

كدى وصف وصف دقيق فينى كده كان الواحد افهم شى عشان نقدر نساعدوك
فى العثور على رقم البيت كده
قلت لى زى الكناريه فى الطربيزه

[التيمان]

يازووووووووول امشى ده كلام كبير عليك

[نزار السر]

لا ياخى
ماتقول لى لكن لقيــــــــــــــــــتك

[مستر دقشة]

والله يا عمك مع أنى جيت متأخر شوية لا كين عملت مسح لى الصالة كلها وكان بنفسجيك المرق معاهو أتنين ده هههاااااااااااااااااااااااى ده كلامو براه

[التيمان]

يازول ده مرق بدرى وبراهو

[محمد أحمد الشيخ]

بعد كده ياجماعه نجى للبنفسجى ونفسك تجى ...
اتخيلو معاى انت سارح فى ملكوت وخلق ربنا ....وانت شايف معاى زراف فراش ماعارف اوصف بس كناريه ماشه من الطربيزه دى لى دى وسلام من بعيد هاااااى زى الفراشه من ورده لى ورده لمن تقول هاى مكيف ابوزيد بتاع الصاله بقيف..فجاءه جات قدامنا كفاره...اخوى قرب يسلم بي يدو الممكسوره لمن قالت سلامتكم انحنا فاتحين خشمنا وبنقول ليها اااااا ااااااااااا ..وهى قايلانا ماسامعين لكن انحنا سامعين عايزينها تقيف وقت طويل ...بس عيبه مرقت بدرى ماعارف مستعجله لى قربنا نمرق نخلى البرنامج...لكن الطرحه البنفسجيه كانت مشكله مع الهاااااااااى يا سلام ...ياناس انا غلبنى اوصف ليكم ..ومافى زول يقول لى دى منو ...هى قاعده فى مدنى دى وفى المنتدى ده اوريكم اكون عوير تجو مختربين تعرسوها مننا..انا قلت لى اخوك يارب السنه الجايه تكون بكرى عشان نلاقيها..
هى بتجى فطور على النعيم يوم الاحد عشان نقوم نستحمها ونغسل ونمش على الخال النجاشى..

يا التيمان يا حبيبنا ياااااخ والله شماراتك تقيله وعجيبه
لكين أقول ليك كلام أنا هنا قاعد في أبوظبي لمن شفتا الوصف بتاع البنفسج ده
عملتا أتصالاتي مع الناس الكانو موجودين في الحفله وعرفتا منهم الغزال البنفسجي ده منو
وأدوني الشمارات كلها .......
طبعا ده الكنتا خايف منو يا حبيبنا أجي واحد مغترب وأحيركم

[بنت الرفاعي]

طبعا ده الكنتا خايف منو يا حبيبنا أجي واحد مغترب وأحيركم




:D:D:D
:cool::cool:
:)

[التيمان]

hhhhhhhhhhhhhhhh

[علي النعيم محمد نور]

أهه رايكم شنو وريت ليكم (الحاجة) الصور والرقيص والكشف . . . حاااااااااره عليكم .

[سروية]

olleyes::rolleyes::rolleyes::rolleyes::rolleyes::r olleyes::rolleyes

:o:o:o:o:o:o:o:o:o:o:o:o:o:o:o:o:o

ياتيمان بالغت بوليغ شديد يااااخ .... دة حالتو الكفارة جات من غير كيس ملان ترمس

علي فكرة الكيس كان برة في الاستقبال وكداا ;););)

[راسكال]

يا التوم معقوله تسئل الناس دى وانا قاعد تعال اديك الشماره مفصله انت عارفنى بجيبى ليك من بيت الكلاوى

[ود المطامير]

يا فرده

والله عارفك خترلى

عليك االله بعد يد التوم تبقى كويسه

البتاعه المدخل فيها يدو دى عاوزها

عندى فيها رأى ;)

[okasha]

احسن ليكم يا التيمات لمو الدور وعملوا نا ئمين عشان ما نفتو فى المنتدى
اخير ليكم خلو الطابق مستور

عشان انا شماراتى مغربلة


من الاجتماعات التحضيرية


لمن نجتمع انا وبكرى فاروق وعمر الماحى وعلقم فى تربيزة التقول لاعبين ضمنة


تحزير :انا وبكرى فاروق وعمر الماحى وعلقم ابعدوا مننا عشان .....

[التيمان]

هههههههههههههه

وريتنا الشغل كلو ياعمك ولا دسيت باقى الصور ياخال

[التيمان]

سرووووووووووويه بس قولى بنفسجى ونفسك تجى

[التيمان]

عكاااشه وبكرى فاروق وعمر الماحى والعلقم


المثل ده بقول ليك ضربو الاعور فى عينو

كان عندك شي جيبو انا لسه النووى محتفظ بيهو

[التيمان]

ود المارفيد

يابا انت وين انت يابا

والله فايتك كتييييير

ابشر تب بجيبها ليك

[okasha]

عكاااشه وبكرى فاروق وعمر الماحى والعلقم


المثل ده بقول ليك ضربو الاعور فى عينو

كان عندك شي جيبو انا لسه النووى محتفظ بيهو


وزى ما بقول المثل كسير التلج عايز ليهو صبارة

وحردان السوق منو البرضيهو

والخاتى ليهو سفة تحرم عليهو الموية


عندى بوست عجيب وعبارة عن اسئلة ليست للاجابة

[التيمان]

نزلوووووووووووووو خلينا نشوف ابداعاتك انا برد ليك

[سروية]

سرووووووووووويه بس قولى بنفسجى ونفسك تجى

بنفســــــــــــــــــــــــــــــــــــــــــــــ ـــــجي

[سروية]

بنفســــــــــــــــــــــــــــــــــــجي

[التيمان]

بنفســــــــــــــــــــــــــــــــــــجي


ياريتو يجـــــــــــــــــــــــــــــــــــــــــــي

[okasha]

ياريتو يجـــــــــــــــــــــــــــــــــــــــــــي


هو ناس هناى ديل بخلوك جابو المقص وقصو ليكم

والفرط فى ......دقس ويجى غيرو يعمل مقص

[التيمان]

ياعمك نحن مقصنا شغال لي هسي مقص شجر كمااااان

[العاقب مصباح]

يااااااااا البنفسجى ,,, تجى ولا نجى فى مطار ابو ظبى ,,,

ربنا يديك العافية ياخ والله زمن الواحد ما ضحك كدا

eek::eek:

تلحيقة :- آآآآآآآآآآآآآآآآآآآآآآآآآآآآ

[التيمان]

ههههههههههههه

اخوى والله

[التيمان]

جابونا هنا

يلا لي قداااااااام

[سروية]

يناااس نحن هنااااا

[سروية]

جابونا هنا

يلا لي قداااااااام

ولا اهمك ....لي قدام لي قداام

[سروية]

يااااااااا البنفسجى ,,, تجى ولا نجى فى مطار ابو ظبى ,,,

ربنا يديك العافية ياخ والله زمن الواحد ما ضحك كدا

eek::eek:

تلحيقة :- آآآآآآآآآآآآآآآآآآآآآآآآآآآآ


والبنفسجي نور بي وجود الناس الرائعة

سلااامااات يازووول بالبنفسجي كمان

والله نورت البوست عسااك عافية وان شاء الله ماتتحرم من الضحكة زمن طويل تاني

[التيمان]

يناااس نحن هنااااا

معقوله انت هنا ونحن مافي
ياخ كان تديني مسكول بس
بمناسبه البنفسجي والنفسو يجي وين الزول ده

[التيمان]

قسم الاقتراحات


هههههههههههههههههههههههه

[نزار حسن محمد]

الله يهيدكم يا التيمان اولاد عبد الواحد ويجبر يدك يا مجتبي وتقوم بالعافيه ويفتحها عليكم دنيا واخره ويديكم مره نص مكنة وعربيه مورس)
قولووو امين ... آها يالتيمان دى دعوتكم قصرت معاكم .

[التيمان]

انا قلت عايز عربيه كليك وصيدليه

[moh_alnour]

فى توب ورا نمري غريب طبعاً سألت يا ناس النمر ده شنو قالو لي بياكلك و بكرى بعوقك يا ناس دى ما مشكله دى
تانى تحت تحت قالوا مذيعه قلت يالله تعمل معاي لقاء بدل مصعب وفي قلبي قلت وقت فى مذيعين حلوين زي ديل جايبين لينا مصعب لي شنو ؟

غايتو يا مصطفى و مجتبى مافي زول بحصلكم
ربنا يديكم العافية و اللقمة الدافية و المرا الحافية التخليكم تجروا وراها لمن تخسوا :p
ربنا يحفظكم لي شبابكم
سؤال في الخاص : البنفسجي دي سروية يا التيمان عشان الواحد يقدم أوراقو
صاح أنا سكند هاند بس إستعمال الخليج :p

[التيمان]

لالالالالالالالالالالالالا

دى ماشرويه

[moh_alnour]

سمعت أنه سيتم بث إحتفالات الشمعة الثامنة عبر الفضائية السودانية في تمام الساعة الثالثة عصرا ً
و الأن يتم بث برنامج ( بيتنا ) من تقديم المذيع و عضو المنتدى ( مصعب محمود )
هذا رابط البث المباشر للفضائية السودانية
http://www.sudantv.net/sudantv-multibit/index.html



لالالالالالالالالالالالالا ، دي ما سرويه


ياخ كلو عند العرب صابون ، أقصد كل الطرق تؤدي إلى الدرجة :p



شمارات الشمعة حصريا ً ، تحت عنون بنفسجي و نفسك تجي

تدفعوا كم يا جوز اللوز و نتوسط ليكم عند البنفسجي ؟ وش زول عرف شخصية البنفسجي :p

[التيمان]

ياحبيب

انت مش عرستا واتمليت

والله نكلم ليك المره المنتدى ده زاتو تانى ماتخشو

[okasha]

احم احم القطر فيهو مفتش

[التيمان]

هههههههههههههههههههههههههههههههههههههه

[moh_alnour]

يا حبيب إنت مش عرستا و إتمليت والله نكلم ليك المره المنتدى ده زاتو تاني ماتخشو

حبينا نساعد بس ، غايتو ناس الدنيا ديل الواحد اصلو ما يقدم ليهم مساعدة :p