امثال سودانية

[محمد عبد الله عبدالقادر]

مجمموعه من الامثال السودانية ( منقول)

الداير تهري أسكت خلي

الكلب بريد خانقو

ونست الضكير للضكير النوم اخير

عمرو الشقي مابيبقي سعيد

الجاتك في مالك سامحتك

الشقي عمرو مايبقى سعيد

عجلات الزمن مابتقبل رجوع ومابتمشي الحياة زي ما الزول اراد

الشقي يلقى العضمه في الفشفاش

الفيك بدربو والعليك اتناسى

البنكت الجحار بلقى الدبيب والفار

عايرا وأدوها سوط

ضبانة في إضان فيل

العين ما بتعلي علي الحاجب

العشر قام ليهو شوك

العترة بتصلح المشي

سهر الجداد ولا نومو

نوم الديك في الحبل

مساهر الليل قصبة

البتدورو بتفرشو ليو الدرب و الما بتدورو بتحرشو ليو الكلب

اليدو في الموية مازي اليدو في النار

ود الفار حفٌار

ال ما لقيتو في بيت امك وابوك قوللو عوك

شوكة الشقى فى العنقريب بتتلقى

[محمد عبد الله عبدالقادر]

الزعلان منك في الضلمة يحدرك

النعسان في الدلوكة بنوم

الليك ليك كان لبن عشر كبو في عينيك

مصيرك ياعيش تجي الطاحونه

ساعدو في دفن أبوه دس المحافير

الموز بجيبك يا قرد

الغالي بي غلاتو يضوقك حلاتو والرخيص بي رخصته يضوقك مغزتو

عشم ابليس في الجنة

المحرش مابكاتل

جلدا ماجلدك جر فيه الشوك

المافى الرزق تمرق من الشدق

التسوي كريت في القرض تلقها في جلدها.

الكلمة الطيبة تمرق الدابي من حفرتو.

لا تكن بين الناس قديس و في خلواتك ابليس

[ابو لوزة]

تسلم يا ابو عمر

[محمد عبد الله عبدالقادر]

كان عشقتة اعشق قمر وكان سرقتة اسرق جمل

الفقرا اتقسمو النبقة

حلم الجيعان عيش

الما شاف البحر تخلعه الترعة

النفوس كان اطايبت العنقريب بشيل مئة

القلم مابيزيل بلم

الفي يدو القلم مابكتب نفسو شقي

صديقك كان عسل ماتكملو

عريان سنه ضايق الترزى فى يوم

ابو سن بضحك على ابو سنين

كلو زول يتمطه علي قدر لحافو

سيد الرايحه بفتش خشم البقره

من دقنو و افتلو

العندو حنة يحنن ضنب جوادو

المابريدك في الضلام احدر ليك

كتر الطلة مسخت خلك الله

[معتز الريح]

أبوالقدح بعرف محل يعضي أخوهو

[محمد عبد الله عبدالقادر]

أبوالقدح بعرف محل يعضي أخوهو

قصدك ابو القدح ياتو!!؟؟؟؟

[معتز الريح]

قصدك ابو القدح ياتو!!؟؟؟؟

وفي مقولة العنكبوت ..

[الجندي المجهول]

وفي مقولة العنكبوت ..

هههههههههه

لو عاوز تاكل العتوت اقتل اول العنكبوت

لو عاوز تعيش مبسوط ما تقعد جنب الباب

[ياسر123]

البيتو من قزاز ما بجدع الناس بي الحجارة
قرداً يسليك و لا غزالاً يزوزيك
كل عفناً ليهو شمامو
الضو ما بقولو ليهو سو
إبرة المسكين شوكة
الضايق لدغ الدبيب بخاف من جر الحبل
المال تلتو و لا كتلتو
ضرب الحبيب زي اكل الزبيب
الفولة بتتملي و البقارة بتجي

[ابو لوزة]

كراع البقر جيابه

[ياسر123]

مد كراعك قدر لحافك
لا تقطع اصبعك و باقيهو فيك
مساك دربين ضهيب
ركاب سرجين وقيع
اللبرة ما بتشيل خيطين
القلب ما بشيل اتنين

[الجندي المجهول]

الدقيق بمشي وبجي الطاحونة ،،،،،،،،

[تغريدا]

البتدورو بتفرشو ليو الدرب و الما بتدورو بتحرشو ليو الكلب

صراحة وقفت عندوا كتييييييييييييير لك التحية أخى محمد عبدالله عبد القادر

[ياسر123]

الغالي بي غلاتو يضوقك حلاتو
الرخيص بي رخصتو اضوقك مغصتو
السمح سمح كان صحا من النوم
الشين شين كان استحم كل يوم

[محمد عبد الله عبدالقادر]

بليلة مبشر ولا زبيحة مكشر

الفي قلبو حربص براااااهو بيرقص

الخيل تجغلب والشكر ... لـي حمـاد

السمح سمح اصلو مابينطمح كان تيربو مريق يقوم قمح

بلدا مافيها تمساح يقدل فيها الورل

السواي ما حداث

الخير على قدوم الواردين.

الصاحب القديم واصله واستديم


الصديق الصافي في وده لا تزعله ولا ترده.

الصلح بعد العداوة أطيب من الحلاوة
تاباها مملحه تاكلا قروض
تابا منتوفة تاكلها بي صوفا

[محمد عبد الله عبدالقادر]

وفي مقولة العنكبوت ..

العنكبوت ما بعضي العنكبوت بتطلع خيوط

[محمد عبد الله عبدالقادر]

هههههههههه

لو عاوز تاكل العتوت اقتل اول العنكبوت

لو عاوز تعيش مبسوط ما تقعد جنب الباب



هاهاهاهاهاهاهاااااااي

[محمد عبد الله عبدالقادر]

كل عفناً ليهو شمامو

حلوه دي
مشكور يا حبيب

[محمد عبد الله عبدالقادر]

الدقيق بمشي وبجي الطاحونة ،،،،،،،،

جندينا هنا برضو
لكن هي الطاحونه في ام درمان

[محمد عبد الله عبدالقادر]

البتدورو بتفرشو ليو الدرب و الما بتدورو بتحرشو ليو الكلب

صراحة وقفت عندوا كتييييييييييييير لك التحية أخى محمد عبدالله عبد القادر

وبرضو
المابتدرو تنجط ليهو البليله في جضومو

[محمد عبد الله عبدالقادر]

الجن بيداوى كعب الأندراوة

الحبل بنقطع مكان ريقيق

الحسنه في المنعول ذى الشره فى القندول

مشينا لي مكه تغنينا قلعت طواقينا

البدورك بستناك في الظلط والما بدورك بوصف ليك غلط

الما تشيلو الخمسة يصبح و يمسا

الباب البيجيب الريح سدو واستريح

الفي بطنة حرقص براهو بيرقص

[ياسر123]

بلاقيك في فرقة بلحسك المرقة
ابو الجعران في عين أمو جوهرة
القلب كان اباك الوش بديك بيان
ناس في الفشفاش تلقى العضم
ناس تاكل ما تلقى عضم

[محمد عبد الله عبدالقادر]

القلبه على حبيبه يدور عليه ويجيبه

دار ابوك ان خربت شىلك منها شليه

الطول طول النخله والعقل عقل السخله

الزارعه الله فى الحجر بتقوم

البحر بكضب الغطاس

الوساع بى حق الناس ضيق

لالوب بلدنا ولا تمر الناس

وطني ولا ملي بطني

مشاي دربين ضهيب وركاب سرجين وقيع

الجمل ما بشوف عوجة رقبتو

البنكت الجحار بلقى الدبيب والفار

[ابن المدينة]

البباري الجداد ( الدجاج) بوديهو الكوشه

[معتز الريح]

سماحة جمل الطين ..

[ياسر123]

الفقر ليهو حوبة
القحة و لا صمت الخشم
سيك سيك معلق فيك
تاباها مملحة تشتهيها قروض
العود لو ما فيهو شق ما بقول طق
الفيهو بخور بنشم
إيد على إيد تجدع بعيد

[عثمان جلالة]

كل شاة معلقه من عصبتها

البتجي من السما بتحملها الواطه

الضايق قرصة الدبيب .. بخاف من جر الحبل

كل فوله وليها كيالها

التسوي كريت في القرض .. تلقها في جلدا

دفن الليل .. أب كراعا بره

السمح أصلو سمح .. كان لبس الدمور سمح

الخواف ربا عيالو

ممكن اهدي؟؟

أهدي المثل الأخير .. لحبيبنا ود الريح :):):):rolleyes:

[معتز الريح]

الخواف ربا عيالو

ممكن اهدي؟؟

أهدي المثل الأخير .. لحبيبنا ود الريح :):):):rolleyes:

هههههههههههههههههههه .. كنت ماشي كويس ..
ما لقيت إلا المثل ده ..
طيب هاك مثل (مرحلي) ..
أرمي قدام .. ورا مأمن ..

[ياسر123]

هههههههههههههههههههه .. كنت ماشي كويس ..
ما لقيت إلا المثل ده ..
طيب هاك مثل (مرحلي) ..
أرمي قدام .. ورا مأمن ..

المثل دا جديد
جبتو من وين اول مرة اسمع بيهو اضاني طرشا
ههههههههههههههههههههههههههههه

[عثمان جلالة]

المثل دا جديد
جبتو من وين اول مرة اسمع بيهو اضاني طرشا
ههههههههههههههههههههههههههههه

ههههههه والله يا ياسر أخوي زي ما قال هو "مثل مرحلي" :rolleyes: .. يعلم الله ح يركبوا ليك التنوسيه :):) زي راكبنها أسي أهل المثل في رقبتهم .. ممكن أضيف ؟؟

لا بدورك ولا بحمل براك ههههههههههههه ;):):)

[معتز الريح]

المثل دا جديد
جبتو من وين اول مرة اسمع بيهو اضاني طرشا
ههههههههههههههههههههههههههههه

ههههههههههههههههههههههههه
ده يا حبيب مثل مرحلي .. ولدتو المرحلة ..
لكن في السلك ..

[معتز الريح]

ههههههه والله يا ياسر أخوي زي ما قال هو "مثل مرحلي" :rolleyes: .. يعلم الله ح يركبوا ليك التنوسيه :):) زي راكبنها أسي أهل المثل في رقبتهم .. ممكن أضيف ؟؟

لا بدورك ولا بحمل براك ههههههههههههه ;):):)

هاك ده بريحك ..
شوف العين ما كتلو غزال ..

[ياسر123]

ههههههههههههههههههههههههه
ده يا حبيب مثل مرحلي .. ولدتو المرحلة ..
لكن في السلك ..

ياتو سلك:
سلك دبلوماسي
سلك مشر
في السلك لبابكر سلك
سلك كهربائي
سلك في الضهر
سلك مشربك
سلك الجماعة

[ياسر123]

ههههههههههههههههههههههههه
ده يا حبيب مثل مرحلي .. ولدتو المرحلة ..
لكن في السلك ..
ياتو مرحلة
الابتدائية ام الثانوية

[ياسر123]

ههههههه والله يا ياسر أخوي زي ما قال هو "مثل مرحلي" :rolleyes: .. يعلم الله ح يركبوا ليك التنوسيه :):) زي راكبنها أسي أهل المثل في رقبتهم .. ممكن أضيف ؟؟

لا بدورك ولا بحمل براك ههههههههههههه ;):):)

تسلم لي حركاتك
ابوي ان شاء الله لي تسلم
وين مشى يا ربي
برضو اكيد ممرحل

[محمد عبد الله عبدالقادر]

ود الريح + جلاله

الصحن الملان شطه...خلوهو مغطى

[ياسر123]

ود الريح + جلاله

الصحن الملان شطه...خلوهو مغطى
عندكم شنو؟
فول
كمونية
ولى حاجات تانية حامياني


هاك

التسوي كريت تلقاه في جلدا