مستر دقشة
30-10-2010, 12:58 PM
واحده من ألأحباب الكرام الله أطراها بالخير رسلت لى رساله وقالت كان جاتنى حاجة ماسحرتنى هى
علييييك الله اسحريني
وهو انا لاقي يسحروني مش اخير من الكتابه
الزي جري الكلب في اللوبه دي وحقوق الطبع محفوظه للقائل
رغم اني لي الليله متمني اشوف الكلب بجري في اللوبه كيف
كمان بتذكر واحد صاحبنا زمان عامل فيها ناقد فني وهو نحنا السودانيين
ديل ناس شبك كل حاجه نحنا بنعرفا
مرات تقول تحاول تنظر للناس دي عن ولاده القمله
يقوموا يقولو ليك لما تجيب تيمان ولا فرادي - صحي القمل بلد ولا بفقع
الله يحرسنا الجاب القمل شنو
نرجع لي صاحبنا وكنا في حفله والاورغن بسوي في عمايل
تحير والفنان سايق في بلد تاني اظنو دستر ولا حاجه كده المهم
صاحبنا داك قبل جاي قبل جاي واكانت ( كتاوت قلبو) ما جات الحفله
قعد ينظر لينا وانه الفنان ده غناهو زي ( الجكه في الطين )
ورغم اني حظيت بكم زيارة في ولاية الطين العظمى ولاية سنار
فتره من الزمن لكني اصلاً ما شفت لي جكه في الطين
لكن الفنان اكان عااااضي وده برضو تعبير بالجد قدر ما حاولتا ارجعوا
لي اصل غلبني
ياخي وانا مالي
وواحد الله يهديهو
ذكرني بي قصة المغترب الرسل لي امو
قال ليها الكفيل ادهو اجازه صغيرونه
ولو عاوزه تفرح بي ولده تجيب ليهو البنات السمحات في المطار -وكت مافي-
والحاجه ما كضبت ملت ليهو حافله وعلى المطار طوالي
وصاحبك من المطار اختار ويوم العرس وهو قاعد في في الكوشه
جات واحده مبااااالغه عشان تبارك ليهو من خفتو
قام ساله انتي
لييييه ما جيتي المطار
مدخل للخروج :
ليييه ماعارف انو بجيني احساس انه المغتربين البجو
عشان يعرسو بي سرعه ويكونوا ما محددين اهدافهم
حلوه اهدافهم دي
تعرفوا بكونوا عاملين زي المستجدين
المهم واحده سمحه ومقشره
اللهم اجعله خير انا مالي وعرس المغتربين
ياناس انا قلت بالجد قافله معاي
علييييك الله اسحريني
وهو انا لاقي يسحروني مش اخير من الكتابه
الزي جري الكلب في اللوبه دي وحقوق الطبع محفوظه للقائل
رغم اني لي الليله متمني اشوف الكلب بجري في اللوبه كيف
كمان بتذكر واحد صاحبنا زمان عامل فيها ناقد فني وهو نحنا السودانيين
ديل ناس شبك كل حاجه نحنا بنعرفا
مرات تقول تحاول تنظر للناس دي عن ولاده القمله
يقوموا يقولو ليك لما تجيب تيمان ولا فرادي - صحي القمل بلد ولا بفقع
الله يحرسنا الجاب القمل شنو
نرجع لي صاحبنا وكنا في حفله والاورغن بسوي في عمايل
تحير والفنان سايق في بلد تاني اظنو دستر ولا حاجه كده المهم
صاحبنا داك قبل جاي قبل جاي واكانت ( كتاوت قلبو) ما جات الحفله
قعد ينظر لينا وانه الفنان ده غناهو زي ( الجكه في الطين )
ورغم اني حظيت بكم زيارة في ولاية الطين العظمى ولاية سنار
فتره من الزمن لكني اصلاً ما شفت لي جكه في الطين
لكن الفنان اكان عااااضي وده برضو تعبير بالجد قدر ما حاولتا ارجعوا
لي اصل غلبني
ياخي وانا مالي
وواحد الله يهديهو
ذكرني بي قصة المغترب الرسل لي امو
قال ليها الكفيل ادهو اجازه صغيرونه
ولو عاوزه تفرح بي ولده تجيب ليهو البنات السمحات في المطار -وكت مافي-
والحاجه ما كضبت ملت ليهو حافله وعلى المطار طوالي
وصاحبك من المطار اختار ويوم العرس وهو قاعد في في الكوشه
جات واحده مبااااالغه عشان تبارك ليهو من خفتو
قام ساله انتي
لييييه ما جيتي المطار
مدخل للخروج :
ليييه ماعارف انو بجيني احساس انه المغتربين البجو
عشان يعرسو بي سرعه ويكونوا ما محددين اهدافهم
حلوه اهدافهم دي
تعرفوا بكونوا عاملين زي المستجدين
المهم واحده سمحه ومقشره
اللهم اجعله خير انا مالي وعرس المغتربين
ياناس انا قلت بالجد قافله معاي