(الدعوة عامة )

[محمد الجزولى]

هي دعوة من شخص عزيز
نجددها ليكم هنا يا اهل النفاج
من عمدتها الي ظرفائها احبائنا
تعالو بكرة اتلمو فى الثقافي
اضحكو هنالك بي بيت شعر
فرفشو مع ظرفاء المدينه
العندو ودع يجي يرمي هنالك
والعندو دكان بلقي ليهو محل واسع يفتح فيهو
العايز يهترش والعايز يتشالق
هناك المكان فسيح وواسع
تاكو باب النفاج يوم بكره وتعالو الثقافي
وح تلقونا فاتحين ليكم الضلفتين
احتفاءا واحتفالا بي يوم العطاء والوفاء
تعالو بكره هناك وشرفونا

[مايسة]

حاااااااضرين

[محمد الجزولى]

حاااااااضرين

تسلمي اختي مايسة
وما بي تقصري والله
احترامي لك

[عبدالرحمن مدثر]

ودالجزولى ياحبوب

لاجلك نسرج خيل كل القصائد

لاجلك وحدك ياغالى

انا اكيد حاضر

بس خلينى ارتب بقجة احساسى

باقى ليك

تعمها الفوضى

وبعض فئران الملل

سمعت بقصة الفئران الغزت ايرلندا

وحل المشكلة حسن والزنبارة

لانه يمتلك صفارة غريبة اها اول صفارة فئران الحلة كلها طلعت

وماشة معاهو فى مسيرة طويلة

وداها البحر وجاء عطشان

غرقت هى

والملك مااوفى بوعدو

قال بديهو خمشة قروش كدا

اها لما انتهى من المهمة قال ليهو بديك طرادة بس

صاحبنا زعل

قام طلع من الملك ومسك صفارتو

وعمل ليهو نغمة اخرى عجيبة

خلت كل شفع الحلة يطلع وراهو

من وادى لوادى

ومن جبل لجبل

ولحدى هسة مارجعوا

[محمد الجزولى]

ودالجزولى ياحبوب

لاجلك نسرج خيل كل القصائد

لاجلك وحدك ياغالى

انا اكيد حاضر

بس خلينى ارتب بقجة احساسى

باقى ليك

تعمها الفوضى

وبعض فئران الملل


الخرباش يا جميل الدواخل
ونحن بى هنالك منتظرين طلتك
وحروفك الندية
وخاطرك الغالي
وخلي حسن بي زنبارتو يجيب شفع الحلة
وشباب الحلة
بلقي الباب مشرع
والنفوس تتطايب عشان المكان واسع

ومستقبل رهيف الخاااطر .. عجينة خميرة او فطيرة

نبحث لها عن قرقريبة .. قريبة

تجعل منها

كل الفااائدة ...!!

تحياتي يا جميل الدواخل


وليكن اليوم عيدا للحروف

[همسات]

ودالجزولي
لك التحيه واكيد حاضرين
ماتقول مطولين من الثقافي حبيبنا
بس والله كنا عاوزين نجيهو جاااهزين
وملانيييييييين لكن بكره اكيد حاضرين

[mahagoub]

يا اخوى انحنا النحو ده فى الحياه اليوميه شاردين منو
الواحد ما بصدق يجى يتنفس كل يوم فى النفاج
كان بتقبلونا بهرجلتنا وما نقوم نخرب مزاج الجماعة
ما عندنا مانع نزوركم

[محمد الجزولى]

ودالجزولي
لك التحيه واكيد حاضرين
ماتقول مطولين من الثقافي حبيبنا
بس والله كنا عاوزين نجيهو جاااهزين
وملانيييييييين لكن بكره اكيد حاضرين

يلا يلا يا همسات
راجنك هناك بى غنوة ليك ولي كل الجماعة

[محمد الجزولى]

يا اخوى انحنا النحو ده فى الحياه اليوميه شاردين منو
الواحد ما بصدق يجى يتنفس كل يوم فى النفاج
كان بتقبلونا بهرجلتنا وما نقوم نخرب مزاج الجماعة
ما عندنا مانع نزوركم

انت بس تعال يا الحبيب
وح تلقي نفسك برااااك اندحت
ياخي يزيد شرفنا بي حضورك اخي محجوب

[mahagoub]

انت بس تعال يا الحبيب
وح تلقي نفسك برااااك اندحت
ياخي يزيد شرفنا بي حضورك اخي محجوب

كدى فجو لينا شويه خلونا النحش
يا ناس ما تتدافرواالكراسى كتيره وفاضيه