شاي لبن "العريس"

[بت مارنجان]

سلام ياناس ازيكم
طبعا بعد مرقنا من فطور العريس وموية رمضان
وخبيز العيد وخروف العيد والهدايا اللي في النص
عيد ميلاد .. فالنتاين .. عيد عمال وراس السنة الهجرية والميلادية

ابتكرت مدينة الخرطوم "هدايا" جديدة للعريس وهي عبارة عن :
كرتونة لبن + كرتونة شاي + تورتات وجاتوهات + بسكويت +
"ادوية شاي" + شوال سكر

[بت مارنجان]

في احد البيوت العريقة بمدينة الخرطوم وقبل مغيب الشمس
تقف "حديد مباااااااااااااالغة" وتنزل منو "عصافير صغيرة :o:o"
شايلين مجموعة من الجاتوهات والكيك ..
وعدد من اطقم الشاي الصيني + مستلزماتو ..

طبعا "واضح انو اهل العروس بجيبو الحركة دي "لكن بتتم يوم "القيدومة"
يعني حنة العريس الصغيرة " ...
والمرافقين للقصة دي "جكسيات صغيرونات :o" علي حس انو الحنة الصغيرة
للشباب واصحاب العريس "

[مايسة]

دا تحت اي بند
--------
بعد الخطوبة ولا العقد
------------
والمعزوم منو لكن -
------------
غايتو الناس غلبه التسويهو بالجد

[بت مارنجان]

والله انا من وجهة نظري المتواضعة انو "قصة شاي اللبن دي أوفر من فطور العريس"
اي نعم كرتونة اللبن غاااااااااااااالية وشوال السكر غالي
لكن اهون من مستلزمات فطور العريس :o:o

وقالو ويكفينا شر القوالة "الهديدة هدية مع شاي اللبن :o:o:o

[بت مارنجان]

دا تحت اي بند
--------
بعد الخطوبة ولا العقد
------------
والمعزوم منو لكن -
------------
غايتو الناس غلبه التسويهو بالجد

يابت يوم القيدومة
يعني هسي انتي بعدين تجينا قبل يومين تسوي الجاتوهات حقت العريس
وتمشي تجيبي كرتونة اللبن وشوال السكر :o:o
وتسوقي البنات الصغار تمشو الحنة :o:o

غايتو انكربي ساااااااااااااااااااااااااي
عندك بتين + انا وميدو :o:o:o

[مايسة]

والله انا من وجهة نظري المتواضعة انو "قصة شاي اللبن دي أوفر من فطور العريس"
اي نعم كرتونة اللبن غاااااااااااااالية وشوال السكر غالي
لكن اهون من مستلزمات فطور العريس :o:o

وقالو ويكفينا شر القوالة "الهديدة هدية مع شاي اللبن :o:o:o


كدي انتي حددي كرتونة اللبن دي - الجواااها الحجم الكبير ولا الصغير
فورموست ولا نيدو ولا ولا ولا
اذا كان الواحدة الكبيرة باكتر من 60 جنية
------------في رائ يبطلو كلو احسن

[مايسة]

يابت يوم القيدومة
يعني هسي انتي بعدين تجينا قبل يومين تسوي الجاتوهات حقت العريس
وتمشي تجيبي كرتونة اللبن وشوال السكر :o:o
وتسوقي البنات الصغار تمشو الحنة :o:o

غايتو انكربي ساااااااااااااااااااااااااي
عندك بتين + انا وميدو :o:o:o


ولا بعرفكم ولا شفتكم

كدي ما قلتي لي - الشاي شنو ليبتون ولا الغزالتين

[سواااح]

مارنجو ..
بس هل هي بتلغي فطور العريس
ولا تدرج تحت اي بند ؟؟
وبعدين حتى شاي العريس ده
تكلفتو ما بسيطة بكل الاحوال

* غايتو عليكم حاجات تجنن ....

[بت مارنجان]

كدي انتي حددي كرتونة اللبن دي - الجواااها الحجم الكبير ولا الصغير
فورموست ولا نيدو ولا ولا ولا
اذا كان الواحدة الكبيرة باكتر من 60 جنية
------------في رائ يبطلو كلو احسن

طبعآ انتي وميزانتك
يعني ممكن تشتري اللبن المحلي "كابو" او اي نوع تاني
ولو عملتي فيها بوبارة اغلي لبن "انكور" العلبة بي 89 الف
وطبعا حجم العلبة بتوقف علي جيبك :o:o

[سواااح]

في احد البيوت العريقة بمدينة الخرطوم وقبل مغيب الشمس
تقف "حديد مباااااااااااااالغة" وتنزل منو "عصافير صغيرة :o:o"
شايلين مجموعة من الجاتوهات والكيك ..
وعدد من اطقم الشاي الصيني + مستلزماتو ..

طبعا "واضح انو اهل العروس بجيبو الحركة دي "لكن بتتم يوم "القيدومة"
يعني حنة العريس الصغيرة " ...
والمرافقين للقصة دي "جكسيات صغيرونات :o" علي حس انو الحنة الصغيرة
للشباب واصحاب العريس "

يعني ما ممكن العصافير دي تجي بامجاد ؟؟

[بت مارنجان]

ولا بعرفكم ولا شفتكم

كدي ما قلتي لي - الشاي شنو ليبتون ولا الغزالتين

والله يالسمحة عندك الزرافتين كمان ماتنسيهم :o:o
دي كلها تحت بند كاشاتك
والكاااااااااااش يقلل النقاش :o:o

بعدين انتي مغتربة :confused:
غايتو يالمغتربين بري منكم اسم سااااااااااااااي :p

[بت مارنجان]

مارنجو ..
بس هل هي بتلغي فطور العريس
ولا تدرج تحت اي بند ؟؟
وبعدين حتى شاي العريس ده
تكلفتو ما بسيطة بكل الاحوال

* غايتو عليكم حاجات تجنن ....

هلأ ياسوااااح
برضو علي حسب جيبك
لانو الجماعة الجابو الشاي ديل مالغو الفطور
جابوه وبي "الدفار" وجابو شاي لبن العريس :o:o
غايتو نسمع ونشوف ومامعروف حنوصل وين

[بت مارنجان]

يعني ما ممكن العصافير دي تجي بامجاد ؟؟

اقول ليك عصافير و"حديد مبالغة"
وجاتوهات وشاي لبن

تقول لي امجاد
مابالغت ياسوااااح :o:o:o

[مايسة]

والله يالسمحة عندك الزرافتين كمان ماتنسيهم :o:o
دي كلها تحت بند كاشاتك
والكاااااااااااش يقلل النقاش :o:o

بعدين انتي مغتربة :confused:
غايتو يالمغتربين بري منكم اسم سااااااااااااااي :p


بالنسبة لانكور دا ما بيدوب ياخ اخير منو كاابو
---------
عليك النبي - اذا كان دي برااها حا تكلف مبلغ وقدرو
ليهم حق ياخ الشباب ديل ما يعرسو - ويعدوها بس كلام بالتلفون بعد 12 في الليل مع الكلام المجاني دا
--------------
منو القال ليك احنا مغتربين احنا متغربين ياخ

[بت مارنجان]

انت شكلك ياسواااح عندك استثمار امجاد في السودان
وعايزها تشغلا خط شاي لبن العريس
اقلبا ليموزين يمكن تخش الخط ;)

[عبدالرحمن مدثر]

شلت همك ياود ياتنين ... ياسمين

[عبدالرحمن مدثر]

تلحيقة

الزلابية اهم شىء .. من دونها شاى اللبن بفقد بريقو ونكهتو

مفروض يضيفوا كم باكتة كدا .. وكم باكو خميره

الدقيق اسمو شنو ياربى

سمولينا

الاول

زادنا

[عبدالرحمن مدثر]

لدى تجربة قاسية مع فطور العريس

مع اخر العنقود اختنا الصغرى

بعد ماانتهينا من المهمة

ومع المجابدات

وجيبو داك ... وخلو داك

رقدت اسبوع

لا اسمع

لا ارى

لا اتكلم

انتو عارفين من يجى فطور العريس ساى

بجينى هبوط حاد

وبحتاج لدرب مخارجة






















بالجنبة

الذ حاجة زحمة النسوان الشايلاااااااااات الفطور

زى السيرة .. وبكاء الشفع زمان

لما كانت بالبصات واللوارى

هن النسوان هناك بشيلن المقابل من التعب دا كلو

اها

وشكل الجية بختلف

قدلة

وتوب النالة

[ابو لوزة]

والله نحن مساكين راحت علينا
الا نعرس تاني ولا كيف
ليش الحاجات دي ما كانت في زمنا نحن
بعد ما نعرس يطلعوا حاجات حلوة زي دي
جاتوهات وكيك وشاي لبن

[بت أم درمان]

ومن سوداننا يأتي الجديد دائما

[سواااح]

هلأ ياسوااااح
برضو علي حسب جيبك
لانو الجماعة الجابو الشاي ديل مالغو الفطور
جابوه وبي "الدفار" وجابو شاي لبن العريس :o:o
غايتو نسمع ونشوف ومامعروف حنوصل وين

يعني فطور العريس راح فيها ؟؟
لكن سمعت انو في ناس بيودوا فطور وشاي
الكلام ده صاح ؟؟

[بت أم درمان]

امبارح سورية صديقتي
قالت لي انتو السودانيين
عندكم طقوس كتيرة للزواج
تستمر لي اكثر من خمسطاااشر يوم احيانا :(
قلت ليها وانتي الصادقة تستمر لشهوووور :)
من يوم جا الزول وقالو ليهو خير
وقعدة تحسب لي
يوم شنو ويوم شنو .... الخ
لقيتا حافظة باعتبار جيرانها سودانيين وكدا :o

اها لما سالتها عن طقوس العرس عندهم
قالت لي هو يوم واحد حفلة في الصالة وانتهى الموضوع :rolleyes:
حتى يوم الحنة اتلغى من زمان
لانه اساسا لا عريسهم ولا عروسهم بيتحننو :p

تقوم بت مارنجان
تجي حسي وتفتح لينا فاتحة شاي لبن العريس :mad:
دا كلام دا
مش حراااااام عليك

[مايسة]

والله نحن مساكين راحت علينا
الا نعرس تاني ولا كيف
ليش الحاجات دي ما كانت في زمنا نحن
بعد ما نعرس يطلعوا حاجات حلوة زي دي
جاتوهات وكيك وشاي لبن


اصللللللللو ما عندك مشكلة
تاني تتني طووالي - لو على الجاتوه والكيك هينة
------
بس اقدر على الشيلة وسد الماااال

[مايسة]

تقوم بت مارنجان
تجي حسي وتفتح لينا فاتحة شاي لبن العريس :mad:
دا كلام دا
مش حراااااام عليك




بت امدرمان

دي اسمها فشخرة الكدااابة

الناس حق بسكويت بركة ما عندها - تمشي للجاتوه
----------
دي طبقة معينة في السودان هي البتعمل كدا
وللاسف الشغلانة بقت جااااره حاجات تانية معاها -
--------------
والشباب المسكين داااك يعاين سااااي -
- لا قادر يتقدم لواحدة غنيانة لانو المطلوب حا يكون فوق طاقتو
- ولا قادر يعرس من توبو لانو دي كمان عايزة حاجات وحاجات - لزوووم البوبااااار
- يعني باختصاار اخير الناس ما تعرس زااااتو

[بت أم درمان]

- يعني باختصاار اخير الناس ما تعرس زااااتو

أؤيد
أؤيد
أؤيد
أؤيد
أؤيد
:rolleyes::):cool::o

[mohd saeed magazoub]

كمان جابت ليها شاي بلبن

اخير من قعاد سااااااي

وموضوع برضو

[بت مارنجان]

بت ام در ومايسة
دة كلام معرسين ومعرسات
قال اؤيد قال
اديك كدة هسي :mad::mad::mad:

[بت مارنجان]

بالنسبة لانكور دا ما بيدوب ياخ اخير منو كاابو
---------
عليك النبي - اذا كان دي برااها حا تكلف مبلغ وقدرو
ليهم حق ياخ الشباب ديل ما يعرسو - ويعدوها بس كلام بالتلفون بعد 12 في الليل مع الكلام المجاني دا
--------------
منو القال ليك احنا مغتربين احنا متغربين ياخ

هسي ياميساء كان لمو حق كروت التلفونات دي ماكانت عملت ليهم حاجة
وبعدين انتي مش قاعدة في "ابوظبط" برضو مغتربا وشغالة كمان
يعني الدراهم من جميع الجهات :o:o:o

[بت مارنجان]

شلت همك ياود ياتنين ... ياسمين

الود تنين السمين
يوم الجمعة شال شيلتو وداها
وعرسو في الضحية
ياخ تنتونة عندو مرا ماشاء الله عليها عسسسسسسسولة
وعارفة الحاصل :o:o:o

[ابو لوزة]

اصللللللللو ما عندك مشكلة
تاني تتني طووالي - لو على الجاتوه والكيك هينة
------
بس اقدر على الشيلة وسد الماااال

يا دكتورة وين تاني
وين مع الدهب الوصل جرامو مبلغ وقدرة
ولا الصالات ايجارها مصاريف عرس كاملة
ولا سد المال الشفناهو في منتدي مدي ده
وين تاني

[عبدالرحمن مدثر]

سؤال تعسفى

الزول البدبل يعنى .. بكون عندو كل الامتيازات دى

ولا بخارجوا ساى .. !!؟

للعلم ساى

عشان انا وابولوزة اخوى دا رايحة علينا حاجات كدا

زى شفع الروضة هسى .. نحن زمان كانت مافى روضة ياخ

[مايسة]

يا دكتورة وين تاني
وين مع الدهب الوصل جرامو مبلغ وقدرة
ولا الصالات ايجارها مصاريف عرس كاملة
ولا سد المال الشفناهو في منتدي مدي ده
وين تاني


يخسييييي عليك

يعني هسه بس دا الموقفك

غايتو جنس غايتو (سوري يا مدنية) :o

[مايسة]

سؤال تعسفى

الزول البدبل يعنى .. بكون عندو كل الامتيازات دى

ولا بخارجوا ساى .. !!؟

للعلم ساى

عشان انا وابولوزة اخوى دا رايحة علينا حاجات كدا

زى شفع الروضة هسى .. نحن زمان كانت مافى روضة ياخ




البديل دا شنو - انت قاصد التدبيل صح :cool:

[عبدالرحمن مدثر]

البديل دا شنو - انت قاصد التدبيل صح :cool:



بديل شنو (يافضلو واسع )

الامتحانات انتهت زمان ياخ

الكلمة دى محتاجة لنظاراااااااات .. وخصوصا لما تدقش خاطركن انتن

انا كاتبها صاح .. دبل .. يدبل .. ام دلدوم (الاخيرة من بنية واخواتها )

انت مزاجك الداخلى خلاك تزيديها موية .. اقصد نقطة




حاشية

(فضلو واسع ) .. جارتنا فى زمن اخضر .. زاهى .. ونضير

خالتنا يعنى فى الحساب

[مدنيّة]

أؤيد
أؤيد
أؤيد
أؤيد
أؤيد
:rolleyes::):cool::o

غايتو يابنوتة
اوووووووول مرة اعرفك حاقدة قدر كدا! :cool:

[مدنيّة]

يابت مارنجان
ياخ السودان ماشي في متطور ياخ :(

[مايسة]

بديل شنو (يافضلو واسع )

الامتحانات انتهت زمان ياخ

الكلمة دى محتاجة لنظارت .. وخصوصا لما تدقش خاطركن انتن




حاشية

(فضلو واسع ) .. جارتنا فى زمن اخضر .. زاهى .. ونضير

خالتنا يعنى فى الحساب


جيب لي قهوة من ناس هناااية ياخ :o


قال بديل قال - :rolleyes:

[بت أم درمان]

غايتو يـ عبدالرحمن ممكن اقول ليك
اهم الامتيازات الممكن تكون للعايز يدبل
انه يدفع دبل البدفعه البعرس لأول مرة
عشان يكون البوبار على مستوى التدبيل
والعكس صحيح :)

[ahmed algam]

http://center.jeddahbikers.com/uploads/jb12893048911.jpg (http://center.jeddahbikers.com/)







نخلي يعني ولا شنو

=========


لاحول الله يارب

=======


حالة صعبة

=======

وقالوا عايزين الشباب اعرس

[مايسة]

غايتو يابنوتة
اوووووووول مرة اعرفك حاقدة قدر كدا! :cool:



ما حاقدة ياخ

بتدي في نصايح مجاااانية

[بت أم درمان]

يابت مارنجان
ياخ السودان ماشي في متطور ياخ :(



انتي زاتك بتكوني مؤيدة
بس ما دايرة تصرحي

وبعدين بقع ليهم الكلام دا :rolleyes:

[عبدالرحمن مدثر]

جيب لي قهوة من ناس هناااية ياخ :o


قال بديل قال - :rolleyes:



هناية ماعرسوها ياااااااخ

الغريبة عملوا زغبير من مسالة شاى لبن العريس دى

انتو ياجماعة مفروض تمهدوا الطريق

لانسيابية فكرة الزواج

موش فى كل بوست تشردونا ياخ

بوست فيهو سد مال بالدولار

وواحد فطور العريس

وواحد من اين تحضر الكيتة والبوكسى

وواحده عايزه عريس

الاخير دا معقول

بدون فطور ولا زلابية ولا تورتة .. زلا جاتوه..

[عبدالرحمن مدثر]

http://center.jeddahbikers.com/uploads/jb12893048911.jpg (http://center.jeddahbikers.com/)







نخلي يعني ولا شنو

=========


لاحول الله يارب

=======


حالة صعبة

=======

وقالوا عايزين الشباب اعرس




شفتى النتيجة

دا واحد من المصدومين

نو كومنت

قال ماداير عرس عديل كدا

(ترجمة حرفية كمان )

[ahmed algam]

http://center.jeddahbikers.com/uploads/jb12893055981.gif (http://center.jeddahbikers.com/)

[مايسة]

هناية ماعرسوها ياااااااخ

الغريبة عملوا زغبير من مسالة شاى لبن العريس دى

انتو ياجماعة مفروض تمهدوا الطريق

لانسيابية فكرة الزواج

موش فى كل بوست تشردونا ياخ

بوست فيهو سد مال بالدولار

وواحد فطور العريس

وواحد من اين تحضر الكيتة والبوكسى

وواحده عايزه عريس

الاخير دا معقول

بدون فطور ولا زلابية ولا تورتة .. زلا جاتوه..


رائك شنو في بوست للمتزوجين - اقصد للراغبين بالبديل :cool:

[عبدالرحمن مدثر]

غايتو يـ عبدالرحمن ممكن اقول ليك
اهم الامتيازات الممكن تكون للعايز يدبل
انه يدفع دبل البدفعه البعرس لأول مرة
عشان يكون البوبار على مستوى التدبيل
والعكس صحيح :)



دى ممكن تكون غلوتية عشان الزول يقولها 5 مرات وتغلبوا

ويتبلبل .. ويعوم

لكن الواقع بيقول ياسعدية

انو القصة غير كدا

اديك مثل عندى جارنا (ماشاء الله .. تبارك الله ) مانسحروا

عندو 3 زوجات .. شفعوا بيعملو 3 فرق .. بالسبعات بس

انت عارفه يجيب عروسوا

الناس ذاتها ما بتجيب خبروا

الا يعزمهم للسماية

ماشة معاهو بالبركة لا دبل حاجات

تدبيل بالطريقة السهلة

اها انا قلت جارنا دايرو يبقى مثلى الاعلى

[مايسة]

شفتى النتيجة

دا واحد من المصدومين

نو كومنت

قال ماداير عرس عديل كدا

(ترجمة حرفية كمان )


كويس انو اقتنع - قلناها من الاول ياخ

ود علقم شاااطر وبيفهما وهى طاايرة

كعب ناااس التدبيل -

[عبدالرحمن مدثر]

رائك شنو في بوست للمتزوجين - اقصد للراغبين بالبديل :cool:


البديل الناجع .. لحل مشكلة الحمام الساجع

الراغبين كتيرين خلاس البوست مابشيلوهم

لكن دايرين وصفة سحرية

فيها الامن

والتعايش السلمى ... وكدا

عشان مايكون فى تهور ..

[بحيرى]

يا بت مرنجان
انا مثلاً ما بشرب شاى ساده ولا ب لبن
وخاشى على خطوبه
اقول بشرب ولا اعمل نايم

[عبدالرحمن مدثر]

يا بت مرنجان
انا مثلاً ما بشرب شاى ساده ولا ب لبن
وخاشى على خطوبه
اقول بشرب ولا اعمل نايم



تعمل نائم يابحيرى

اياك وان تتنازل عن امتيازاتك

الشاى بنشربوا نحن ياخ

[بت مارنجان]

هسي انا ارد لي منو :confused::confused:
بالنسبة ليك ياابو مزن نطالب بأرجاع البوكس
وعايزين هايس مكيفة عشان الجاتوهات :o

[بنت الرفاعي]

‏


الحمد لله ده لسة ما معانا.


‏

[ahmed algam]

قالو الهنود مابشربو اللبن

وماياكلو لحم

نباتين يعني

-=======

نقلب علي الهنود ولا شنو

========


ارح ياشباب الهند نفر يااااااا

[محمد حسين (المميز)]

في احد البيوت العريقة بمدينة الخرطوم وقبل مغيب الشمس
تقف "حديد مباااااااااااااالغة" وتنزل منو "عصافير صغيرة :o:o"
شايلين مجموعة من الجاتوهات والكيك ..
وعدد من اطقم الشاي الصيني + مستلزماتو ..

طبعا "واضح انو اهل العروس بجيبو الحركة دي "لكن بتتم يوم "القيدومة"
يعني حنة العريس الصغيرة " ...
والمرافقين للقصة دي "جكسيات صغيرونات :o" علي حس انو الحنة الصغيرة
للشباب واصحاب العريس "




إنت يا مــارنجــووووووووو

دحيـن إنت المخليـك تقيفـي وتغـززي كيعــانك شنـو:confused::confused:

يخليـك تجينـا مصـدوومـه قـدر ده:p:p

[محمد حسين (المميز)]

قــالو العنـده قـرش محيـره

يجيـب نعـّـــام ويطيـّــره:p:p

[سوباوي]

الأخت .. بنت مارنجان أو (مارنجو) كما يحب أن ينادوك الجميع ..

قلت لي (شاي لبن العريس) إنا لله من أحوال البلاد والعباد بالضفة الأخرى ..

وبعد شويتين شاي سادة ود خالة العريس .. وقهوة منو كده الببقي للعريس ..

ألذ ما في الموضوع حكاية البراعم الصغار وفكرة التسويق المبكر ..

تهويمة :

يا سواح ياخ أمجاد شنو انت كمان ..

مؤكد تحياتي وخالص تقديري

[محمد خدوري]

سلام ياناس ازيكم
طبعا بعد مرقنا من فطور العريس وموية رمضان
وخبيز العيد وخروف العيد والهدايا اللي في النص
عيد ميلاد .. فالنتاين .. عيد عمال وراس السنة الهجرية والميلادية

ابتكرت مدينة الخرطوم "هدايا" جديدة للعريس وهي عبارة عن :
كرتونة لبن + كرتونة شاي + تورتات وجاتوهات + بسكويت +
"ادوية شاي" + شوال سكر


الأخت العزيزة بت مارنجان للأسف كلامك ده حقيقة
وأقول ليك مبالغة سمعت من بعض المصادر إنو أبو
العروس وأهلها بقوا يشيلوا هم أكتر من أهل العريس
لكن المضحك في الأمر إنو البنات البختاروهم عشان
ما يودوا الشاي ما ممكن يرجعوا فاضيين !!!!!!!
وغايتوا يا ما حنشــــــــــــــــــوف عجايب .

[بت مارنجان]

البوست الكلو شاي بي لبن دة فاقد رضا حسن
والله يارضا فاااااااااااااااااااااااقدنك عديـــــــــــــــــل :(

[بت مارنجان]

‏


الحمد لله ده لسة ما معانا.


‏

بجيكم قريب يامرمر بس خليك راخيا اضانك :o

[بت مارنجان]

إنت يا مــارنجــووووووووو

دحيـن إنت المخليـك تقيفـي وتغـززي كيعــانك شنـو:confused::confused:

يخليـك تجينـا مصـدوومـه قـدر ده:p:p



انت يالمميز نحنا كما ضقنا كمان مانشوف
اديك كدة :o:o:o
صدمة عدوك وحاتك :o

[بت مارنجان]

قالو الهنود مابشربو اللبن

وماياكلو لحم

نباتين يعني

-=======

نقلب علي الهنود ولا شنو

========


ارح ياشباب الهند نفر يااااااا

ههههههههههههههههه
زكرتني واحد كان معانا في المنتدي كان في الهند
ياسلام ياحليلو هسي بيكون عرس هندية :o:o:o

انت يااحمد هسي انا "عاقدة" عليك الامل وقلت انت البتضوقنا الشغل دة
ونتفرج فيه ياخ
تمرقها لينا في الهند :o:o:o

[بت مارنجان]

الأخت .. بنت مارنجان أو (مارنجو) كما يحب أن ينادوك الجميع ..

قلت لي (شاي لبن العريس) إنا لله من أحوال البلاد والعباد بالضفة الأخرى ..

وبعد شويتين شاي سادة ود خالة العريس .. وقهوة منو كده الببقي للعريس ..

ألذ ما في الموضوع حكاية البراعم الصغار وفكرة التسويق المبكر ..

تهويمة :

يا سواح ياخ أمجاد شنو انت كمان ..

مؤكد تحياتي وخالص تقديري

ههههههههههههههه
الاخ الغالي سوباوي والله الخرطوم دي فيها حاجات
والله ماتعرف زاتو الناس دي بتجيب القروش من وين
والله حاجات بالملايين وصالات بالملالاين
يعني البت لو عايزة تتزوج بمفهوم الموضة الشغالة
والله مية مليون ماتكفيها صالة ساي بي 37 مليون
غايتو العرسو بختهم والماعرسو الترابة عليهم :(:(:(

[بت مارنجان]

الأخت العزيزة بت مارنجان للأسف كلامك ده حقيقة
وأقول ليك مبالغة سمعت من بعض المصادر إنو أبو
العروس وأهلها بقوا يشيلوا هم أكتر من أهل العريس
لكن المضحك في الأمر إنو البنات البختاروهم عشان
ما يودوا الشاي ما ممكن يرجعوا فاضيين !!!!!!!
وغايتوا يا ما حنشــــــــــــــــــوف عجايب .

اها اذيدك اخي خدوري
نسوان الفطور ديل لمن يجيبن الفطور لأهل العريس
لازمن وحتمآ ام العروس تجي شايلا ليهم هدايا
اها والغالب هنا "خااااااااتم دهب" ولاحظ انو نسوان الفطور بجو
6لغاية 10 نسوان :(:(

انا بس نفسي اعرف القروش دي بجيبوها من ويييييييييييييييييين ؟؟؟؟

[ام رغد]

اها اذيدك اخي خدوري
نسوان الفطور ديل لمن يجيبن الفطور لأهل العريس
لازمن وحتمآ ام العروس تجي شايلا ليهم هدايا
اها والغالب هنا "خااااااااتم دهب" ولاحظ انو نسوان الفطور بجو
6لغاية 10 نسوان :(:(

انا بس نفسي اعرف القروش دي بجيبوها من ويييييييييييييييييين ؟؟؟؟

ابو العروس يبقن عليه ميتة وخراب ديار

[ود المطامير]

والله أكان كدا

نحنا زمان كاوشونا ساااى

أنا ح أطالب أم عمرو بحقوقى كامله وبأثر رجعى

إن شاء الله كباية شاى لبن ولو تعملها لى نص النهار

[محمد عبد الله عبدالقادر]

ههههههههههههههه
الاخ الغالي سوباوي والله الخرطوم دي فيها حاجات
والله ماتعرف زاتو الناس دي بتجيب القروش من وين
والله حاجات بالملايين وصالات بالملالاين
يعني البت لو عايزة تتزوج بمفهوم الموضة الشغالة
والله مية مليون ماتكفيها صالة ساي بي 37 مليون
غايتو العرسو بختهم والماعرسو الترابة عليهم :(:(:(

الحمد لله انا برررررررره

[بت أم درمان]

دى ممكن تكون غلوتية عشان الزول يقولها 5 مرات وتغلبوا

ويتبلبل .. ويعوم

لكن الواقع بيقول ياسعدية

انو القصة غير كدا

اديك مثل عندى جارنا (ماشاء الله .. تبارك الله ) مانسحروا

عندو 3 زوجات .. شفعوا بيعملو 3 فرق .. بالسبعات بس

انت عارفه يجيب عروسوا

الناس ذاتها ما بتجيب خبروا

الا يعزمهم للسماية

ماشة معاهو بالبركة لا دبل حاجات

تدبيل بالطريقة السهلة

اها انا قلت جارنا دايرو يبقى مثلى الاعلى



جاركم ماشي بالحديث البقول
واستعينو على قضاء حوائجكم في الكتمان

وبما انك دايرو يبقى مثلك الاعلى
اتونس معاهو وجرجرو عشان تعرف الطريقة بتاعتو

[ام رغد]

والله مافى شعب بدلع العريس زى الشعب السودانى.... فطور وشنطة وختمت بالشاى ..... والجاى احلى انشاالله

[ياسر123]

دا تحت اي بند
--------
بعد الخطوبة ولا العقد
------------
والمعزوم منو لكن -
------------
غايتو الناس غلبه التسويهو بالجد

تحت بند إدفع يا عريس
بس الباقي ليهو يقول الروووووووووووووب

[ياسر123]

والله مافى شعب بدلع العريس زى الشعب السودانى.... فطور وشنطة وختمت بالشاى ..... والجاى احلى انشاالله

هوي يا ام رغد منو البدفع ؟
دا كلو من جيب العريس
و العريس ما باقي ليهو إلأ يقول انا ما دااااااااااير عرس

[ام رغد]

هوي يا ام رغد منو البدفع ؟
دا كلو من جيب العريس
و العريس ما باقي ليهو إلأ يقول انا ما دااااااااااير عرس
اى عريس؟؟؟؟ والله كلو من جيب ابو العروس ينفضوه لما يلعن اليوم الجاب فيه بنت

[mahagoub]

شاى ولبن وجاتو وبسكويت
وجكس عشان يفتحوا نفسه للشاى
وفطور عريس وشيلة عريس
وقيدومه وسد مال وشيلة اكل
وحاجات تانيه حاميانى
ده كله من وين؟؟
الشباب بقوا يسمعوا ويشوفوا
باقى ليك فى زول تانى بقول داير اعرس؟؟
دى مغترب ما بقدر عليها
مفروض الشباب والشابات
يعملوا منظمه وطنيه للزواج المجانى

[ابوحمودى]

[quote=بت مارنجان;546451]سلام ياناس ازيكم
طبعا بعد مرقنا من فطور العريس وموية رمضان
وخبيز العيد وخروف العيد والهدايا اللي في النص
عيد ميلاد .. فالنتاين .. عيد عمال وراس السنة الهجرية والميلادية

ابتكرت مدينة الخرطوم "هدايا" جديدة للعريس وهي عبارة عن :
كرتونة لبن + كرتونة شاي + تورتات وجاتوهات + بسكويت +
"ادوية شاي" + شوال سكر [/quoteاها يا بت مارنجان الكلام دا بينطبق على راجل المراة

[mahagoub]

[quote=بت مارنجان;546451]سلام ياناس ازيكم
طبعا بعد مرقنا من فطور العريس وموية رمضان
وخبيز العيد وخروف العيد والهدايا اللي في النص
عيد ميلاد .. فالنتاين .. عيد عمال وراس السنة الهجرية والميلادية

ابتكرت مدينة الخرطوم "هدايا" جديدة للعريس وهي عبارة عن :
كرتونة لبن + كرتونة شاي + تورتات وجاتوهات + بسكويت +
"ادوية شاي" + شوال سكر [/quoteاها يا بت مارنجان الكلام دا بينطبق على راجل المراة

راجل المرا ده فى خانة قدر ظروفك

[ام رغد]

مفروض راجل المرا ده يكون فى خانة الاستثناءات ..... كفاية عليه الشيلة والدهب من جانب
واساليب التعذيب المختلفة المنتظراهو من المرة الاولى من جانب تانى.....

[محمد حسين (المميز)]

إن شاء الله كباية شاى لبن ولو تعملها لى نص النهار




:rolleyes::rolleyes::rolleyes:


ياااااااااربي الكبـايه دي لاقتني وين قبـل كـده:p:p:p

[moh_alnour]

الخرطوم : عبد الوهاب جمعة

دوماً كان للأثرياء المقدرة الفائقة على تحويل العادات البسيطة الى مظاهر مفاخرة .. ثم ما يلبث ان يتلقفها البسطاء لتقصم ظهورهم .. كثيرة العادات السودانية المميزة التي تحض على التعاون بين الناس التي اختطفها الاغنياء واستخدموها في اظهار مدى حبهم للملذات والتفاخر في ما بينهم في سباق لا متناه في استعراض الثروة والجاه، وتدريجيا يستعيد البسطاء تلك العادات بعد ان امتلأت تفاخراً.. وما حدث لعادة فطور العريس من تعاون بسيط الي مظهر بذخى يعتبر مثالاً .. والآن فتح الاغنياء جبهة حرب جديدة في نسيج المجتمع المتهتك بالغلاء.. إنها « شاي العريس ».. «الصحافة» كانت في قلب أحد أحياء الأثرياء المترفة ترصد رحلة حافظة شاي كانت دولة بين الاغنياء منهم.
بدايات جميلة .. نهايات تعيسة
في البدء كان فطور العريس فكرة بسيطة من اهل العروس لمساعدة اهل العريس في اطعام اقاربهم الآتين من بقاع السودان المختلفة، وكانت الاسرتان متقاربتين في السكن، ولم يكن الفطور سوي «صينية» صغيرة من الطعام.. سرعان ما طورها الاثرياء الى الشكل الذي يعرفه الناس الذي وصل لحد اشتماله على عشرات الاصناف، ورحلة بعشرات السيارات الي اماكن تبعد مئات الكيلومترات، لينتهي بآخر الصرعات باهداء اهل العريس تلك السيارات التي تحمل الطعام.
زوجة أرخميدس الخرطوم.. وجدتها وجدتها
وفي لحظة من غياب العقل والفكرة تساءلت امرأة ممن عرفت بملء فراغ وقتها صائحة لما لا يكون هناك شاي للعريس؟ وسرعان ما تلقف الجميع الفكرة وطوروها الى شكلها الجديد .. عشرات من حافظات الشاي والقهوة تحمل على بكاسي تتجه الى اسرة العريس في الصباح الباكر .. وفي احد احياء الخرطوم التي تقع شرق المطار كانت المصادفة وراء رؤية العالم الواقعي للبذخ والترف في أقوى صوره
وتحت ظل شجرة في انتظار شخص مسافر الى احدى الولايات، وكان المنزل المجاور يشهد فرحا لاحظناه من كشافات الانارة وحركة الداخلين والخارجين من المنزل في الصباح الباكر .. وبعد دقائق بدأ عدد من الشباب والشابات في تحميل عربتي بوكس بعدد كبير من حافظات الشاي والقهوة .. حسنا انها عشرة، خمس عشرة، اربع وعشرون .. اصدقكم القول تبعت من العد، توجهت نحوهم بنية تقديم المساعدة وسألتهم عن ذلك، اجاب شاب وكانت آثار السهر بادية على عينيه المتورمتين: شكرا بنشيل في شاي العريس، وسريعا ما التفت قافلا ليواصل التحميل، وبعد الانتهاء خرج من المنزل ويبدو أنه المسؤول عن اعداد الشاي والقهوة، ليضع لمساته الاخيرة واعطي اشارة باصبعه دلالة على العمل الممتاز. وقال الطباخ، ونتحفظ على اسمه، لأننا لم نعرفه على طبيعة عملنا الصحفي، انه اعد لاهل العريس كل انواع الشاي من الشاي الفلت وشاي التي باق والاخضر والشاي العشبي والكشري والهندي، ويضيف اما القهوة فإنها بكافة اشكالها من القهوة الخليجية والتركية والمكاوية وقهوة الاسبرسو الايطالية والكابتشينو والموكا التي هي خليط بين الفرنسية والايطالية وخليط الكاكاو الساخن والقهوة المثلجة.. وتركته دون ان يتم حديثه لأننا لم افهم تلك الانواع، ولم تكن لدي ورقة وقلم لتسجيل اسمائها.
نهاية حكاية .. محنة لآلاف الشباب
انتهت القصة ؟ لا انها البداية، وسريعا ما تلاحقت أوانٍ وصوانٍ تحمل شتى انواع البسكويتات والتورتات والحلويات.. صاح الطباخ نحوي بنبرة من يريد استعراض مهاراته «سأريك انواعها» مضيت في حال سبيلي وكأني لم اسمع حديثه، واحدث نفسي على طريقة كتاب أناشيد المناهج التعليمية في قصة الابن مع والده عندما طلب من احضار نجم من السماء او عربة فارهة حمراء فاجاب الأب «يا بني كان النجم أقرب».

الصحافة

همسة : رأيك شنو يا ( المسافر ) نجيب ليك الشاي و القهوة ولا تنوم خفيف :p

[مايسة]

بريش - ممكن تشوف هنا :p:cool:
وعينك ما حا تشوف الا النور

اشهى الجاتوهات

http://wadmadani.com/vb/showthread.php?t=37714&highlight=

[moh_alnour]

ما شفتا البوست دا قبل كدا يا ديامية
الأن الخيار متروك لي بت أمدرمان يا ريت لو تدمجم مع بعض
ما قلتي لي يا ميسو بالحال دا ناس المسافر ديل ح يعرسوا ولا ينتظروا الحور العين :p

[مايسة]

ما شفتا البوست دا قبل كدا يا ديامية
الأن الخيار متروك لي بت أمدرمان يا ريت لو تدمجم مع بعض
ما قلتي لي يا ميسو بالحال دا ناس المسافر ديل ح يعرسوا ولا ينتظروا الحور العين :p


ههههههههههه
أحسن الحور العين - لأنو في الحالتين انا الضائع

[ahmed algam]

:confused: