نيران اشواقي ليك

[منى ليبيا]

بقدر الحنين الجواي ليك
بقدر اللهفة الشيلاها ليك
بعدد كل النجوم شوقي ليك
خايفة اسأل عن غيابك
يرجع صدى صوتك سكين يغتال الفرحة من جواي
تزيد معاه ساعات فراقك
ما عدت قادرة اصبر عينيه
تاهت في الدرب خطاي
ما انا بنورك بخطو في سمايا
كل ما اقول قريب لقياك
تحلف وتزيد في غيابك

ايه بتقصد يا حبيبي
ليه تزيد في دلالك
وتزيد معاه دموع عينيه
لو اقدر اصلك لثواني
المح طيف خيالك تتصبر عينيه
يمكن اقدر اصبر على غيابك
اويهدأبالي المشغول بيك
طال شديد الليل في سمايا
من غير قمرا يضوي ليا
ما انت القمر الضاوية بيه
كل مشاعري الديمة تحن ليك
لو قلت مشتاق
ملهوف لنظرة عينيك
لو مليون بحبك ما كفاية
ده العانى منه قليبي في غيابك
يسوى بحبك كم مشتاق
يسوى بحر من الاشواق
بركان نيرانه تكوي فيني كي
خفت احرق من اشواقي
او اغرق في بحر احزاني ليك
بقيت بين نارين.....
نار اشواقي ليك ونار حنين بتدور عليك
حاولت انسى واصبر على غيابك
لقيت في رحلة نسياني بتزيد اشواقي ليك
يعني ما عايز تحن تجيني يا حبيبي
تطفيء بشوفتك كل نار قايدة بيا
يما تسرع يا حبيبي
او تلقاني رمادا حرقتني الاشواق اليك

[عبدالرحمن مدثر]

منى ليبيا

منورة الثقافى بحرفك الدافى .. ونيران الاشواق

حروفك تمنح السقيا بفضل صدق الاحساس

وجدناك هنا كل الزاد .. ليته يعلم لان احساسه رماد

الغربة قد تكون لها الاثر فى ايقاع النص

او اجتهادك فى التقيد بالقافية دون الرجوع لجمال الحرف

سعداء بوجودك بيننا

وفى انتظارك حرفك الدافى بكل هذه الاشواق

[تغريد]

يا للأنثي حين تحترق بنيران العشق

تتمايل لهبا مع كل همسة حب

وتمتلئ كل المسامات بالشوق الي الحبيب

تتلهف حين تراه اكثر

لمعرفتها ان غيابه قد يأتي في أي لحظة

بوحي سيدتي بكل خفايا قلبك الرقيق هنا

وكلنا أذن صاغية

ودواخل تشد من أزرك

كوني قريبة دوما يا مني

ومنورة الثقافي

[mahagoub]

شوق وحنين وترقب
ووجع وتلاشى
انه الحب الذى اذاب قلوب العاشقين
ويا نار كونى بردا وسلاما على قلوب العاشقين

[تغريدا]

أختى العالية منى ليبيا سعيدة بأطلالتك البهية من جديد رائع ماسطر قلمك وعندما يأتى الحديث عن الشوق حتماً نجد الحب فعندما يكون الأخير حقيقياً صادقاً متبادلاً يأتى الشوق كنسمة عليلة فى يوم شديد الحرارة فيرطب النفس والوجدان ويعطيهما أنتعاش ولــــــــــــــــــ!!!!ــــــــــــــــــــــــــ ـــــــكن عندماً يكون الحب سراباً غير متبادل غير محسوس فأن الشوق المحزون يصير بركان ثائر يحرق كل مايطول دمتى بخير غاليتى