بس لما بتسيبنى وتسافر

[رضا حسن محمد]

بس لما بتسيبنى وتسافر بهاتى ليك
بروح عمرى واجيك
اصلك زول مبالغة
سفرك يعنى سفر الدنيا
سفر المراكب من حلفا دغيم ومن شندى
وانت زول عجيب
محفور جواى جنس حفر
انت زول غريب
انت زول غريب

[ابوحمودى]

مسئول من الخير يا رضا اصلو المسافر دا ابوجمانه ولا شنو حاجة غريبة
المثل بقول المسافر عينه قوية انسى

[ساريه]

بس لما بتسيبنى وتسافر بهاتى ليك
بروح عمرى واجيك
اصلك زول مبالغة
سفرك يعنى سفر الدنيا
سفر المراكب من حلفا دغيم ومن شندى
وانت زول عجيب
محفور جواى جنس حفر
انت زول غريب
انت زول غريب
شكلك بتعزو شديد المسافر دا ربنا يرجعو بالسلامه ويرجع لينا كل الغائبين أو المسافرين قول آمين وقولو انتو كمان آمين يا القريتو البوست دا

[صلاح ودالطاهر]

يكون اول حرفو ميم

[صلاح ودالطاهر]

اذا كان هو دائما عجيب وغريب يس ربنا يرجعو بالسلامه لكن بجد خليهو في سرك

[رضا حسن محمد]

مسئول من الخير يا رضا اصلو المسافر دا ابوجمانه ولا شنو حاجة غريبة
المثل بقول المسافر عينه قوية انسى
كل سنة وانت طيب يا ابو حمودى
المسافر فى قامةالقمر ووهج الشموس
سافرت كل العصافير معه
وتركنى لزحف الشمس والاشباح
وتركنى وسلب القلب

[رضا حسن محمد]

شكلك بتعزو شديد المسافر دا ربنا يرجعو بالسلامه ويرجع لينا كل الغائبين أو المسافرين قول آمين وقولو انتو كمان آمين يا القريتو البوست دا
وله فى نفسى اشياء
ولى وله فى كل ناحية شهيق ورحيق
وله ابتسام الليالى وضحك الشموس
وله الحضور المحنن
سافر وترك الفواد
مسلوب يكاتل فى الزمن
وهات يا زمن
ولى وله دخول الازمنة
وتداخل التواريخ
والسفن الراسية فى الموانى
وله التهانى
وعيونو كانو فى عيونى

[رضا حسن محمد]

يكون اول حرفو ميم
ميم وين يا ابو الصلح
فى الاول ولا فى النص
وذكرتنى بنات الفلاتة البغنو
صلاح يا صلاح يا حرف الام
لماذا الخيول جهزت نفسها للانطلاق
وسيف شبابى المجرجر معاك
بالله ما تخلينى
يا مسافر الزمن الاشو
يا مسافر الحنين

[moh_alnour]

بس لما بتسيبني و تسافر

خُت في بالك إنو دنياي في مدارك
و جد لُفافة الصبر أنا دخنتها
و حتى المقاطع من غُناي طوعتها
الله الله بتقصد شنو ؟ بتقصد منو يا رضا ؟ أكيد قاصد معتز الريح :p

[رضا حسن محمد]

خُت في بالك إنو دنياي في مدارك
و جد لُفافة الصبر أنا دخنتها
و حتى المقاطع من غُناي طوعتها
الله الله بتقصد شنو ؟ بتقصد منو يا رضا ؟ أكيد قاصد معتز الريح :p

يا جمادة كل سنة وانت اجمل
بقصدد ول
قولة سلام تبقالو روح
بقصد زول مبالغة
خلانى فات
وخلا التواج
بث لما يرجع
بجرى ليهو
وبداديهو
وبشيل عمرى اديلو
زول موشح بعطر الليالى
وصلاة المغرب
وحد البوج
زول مبالغة

[تغريدا]

بس لما بتسيبنى وتسافر بهاتى ليك
بروح عمرى واجيك
اصلك زول مبالغة
سفرك يعنى سفر الدنيا
سفر المراكب من حلفا دغيم ومن شندى
وانت زول عجيب
محفور جواى جنس حفر
انت زول غريب
انت زول غريب




أخى الكريم رضا حسن محمد طالما أنت تكن له كل هذه المشاعر والأحاسيس حتى لوطال غايابه أنت حتكون مصبر بروعة جماله لأنه حتماً بيكون زول مباااااااااالغة ربنا يرده بالسلامة

[رضا حسن محمد]

أخى الكريم رضا حسن محمد طالما أنت تكن له كل هذه المشاعر والأحاسيس حتى لوطال غايابه أنت حتكون مصبر بروعة جماله لأنه حتماً بيكون زول مباااااااااالغة ربنا يرده بالسلامة

مسائك مفعم بالخيرات اختى تغريد
وللسفر فينا مشاوير
وله اتكاءات البواخر فى عز الليل
وسفرك نشوفو حلم حلم
ويمكن الاقى البشبهك
ويبشتنا السفر
وسفر العاليين
زمان كل ما اكون مسافر يغنى محمد الامين
قلنا ما ممكن تسافر

سافر وشال كل الدنيا معاهو
وزى ما قال ابو عفان
انت الدنيا
بهجتا وسرورا
بالله شوفى الدنيا كلها لمن تختصر فى زول
انت الدنيا

[مدنيّة]

بالله شوفى الدنيا كلها لمن تختصر فى زول



تبقي احلي دنيا يارضا ياخ
هنئيا ليك بدنيتك
وربنا يديمها عليك نعمة ويحفظها من الزوال

----------
كل سنة انت وكل الجميلين بالف خير

---------
منور المنتدي

[رضا حسن محمد]

تبقي احلي دنيا يارضا ياخ
هنئيا ليك بدنيتك
وربنا يديمها عليك نعمة ويحفظها من الزوال

----------
كل سنة انت وكل الجميلين بالف خير

---------
منور المنتدي



هنيئا لنا بك
سبما وانت تتركين ما تساقط من عينيك
انت امراة بقامة عثمان دقنة وعلى دينار
ويبكيك السفر كما يبكينا
وسافرى يرحل فى الليل وحده
ايها المسافر براك
شايل هم الليل والوحدة وناس كتار
يا مسافر بعيد غاب ساب الحبايب
ويا مسافر ادلى وسيب السفر يلا
نحنا شعب لا نحب السفر
وليه تسيبنى وتسافر
ما عارف قدر شنو بريدك
ولا ما عارف
ولا ما عارف

[معتز الريح]

والله يا رضا منوووووووووور ..
والمسافرين كتااااااااااااااااااار ..
وخليها جلابية فري سايز
اي زول يلبس

[رضا حسن محمد]

والله يا رضا منوووووووووور ..
والمسافرين كتااااااااااااااااااار ..
وخليها جلابية فري سايز
اي زول يلبس
حبيب الدرب والياسمسن
ود الريح الزين
هناك اناس يسافرون باحذون منا كل شى
ياخذون جمال عيننا
وما تسافط من عيون مدنية
وما اجملها
وياخذون الحنين والتسامح
والعربات الهوندا والهوندا والهونداى
والسفر بالفوتشنر جميل زى فلانة
والسفر ممحوق
ويسرق لحظاتنا الجميلة
والسفر ما حلو
وسفر السافر وخلانى عايش فى اسى
وسفرو يتهش فى الحشا
اتمنى ان يعود يا ود الريح
لا تحزنو ان سافرت السنة الجاية
وسكنت حداهو
ولا اسيبا مدنى واجى اسكن حداكا
قول لى يا حبيبى انا حيران معاك

[moh_alnour]

زول موشح بعطر الليالي ، و صلاة المغرب ، وحد البوح ، زول مبالغة

دا ما معتز الريح :p

رافتقهم السلامة جميعا ً
القطر الشالك إنت إتدشدش حتة حتة
وزي ما قال ليك ود الريح المسافرين كُتاااااار ربنا يرجعم بالسلامة
همسة : و الله العظيم يا رضا يا ود حسن سبقتني بالبوست دا

[mahagoub]

غيتو ما بعرف يا رضا الزول ده
حفر فيك جنس حفر لمان جاب المويه
قلنا ما ممكن تسافر
وربنا يلمكم

[رضا حسن محمد]

دا ما معتز الريح :p

رافتقهم السلامة جميعا ً
القطر الشالك إنت إتدشدش حتة حتة
وزي ما قال ليك ود الريح المسافرين كُتاااااار ربنا يرجعم بالسلامة
همسة : و الله العظيم يا رضا يا ود حسن سبقتني بالبوست دا

ياخ انت زول جميل جمال
لا املك الا ات احبك
كما احبك الاخرون
عندنا توارد خواطر
احى عبرك الفيل وجزيزتو
وكل ناس الجزيرة الجميليين
احى ود االريح
شفيف الدواخل والخوارج
اجمل من يبكى فى الجكس
ولا املك الا ان احبه
انه شاب بحجم الوطن
وقامة الابنوس
وصلابة السيارات اليابانية
جميل الولد المدشدش دة

[رضا حسن محمد]

غيتو ما بعرف يا رضا الزول ده
حفر فيك جنس حفر لمان جاب المويه
قلنا ما ممكن تسافر
وربنا يلمكم
ههههههههههههههههههههههههههههههههههه
شاحت ربى يا محجوب
واحد يسافر يحفر فيك حفرة يجيب بترول

[mahagoub]

ههههههههههههههههههههههههههههههههههه
شاحت ربى يا محجوب
واحد يسافر يحفر فيك حفرة يجيب بترول


وين تلقوا زى ده محجوب شحد الله
والله اداهو
الحفر ده كان زمان زمن الشباب
حفر وردم
مما عرسنا جناحنا انكسر
بقت ما فى مروة حفر

[رضا حسن محمد]

غدا نكون كما نود وتلتقى عند الغروب
كهذا قالا ابو العلا فى رائعته ولى المساء
فهل سنكون كما نود غدا
وللغروب الذى يريد ان يلتقى فيه الشاعر مع الاحبة
الغروب ينتابنى فيه شعور بالحزن والبكاء
ولقد ذكرتك والنهار مودع والقلب بين مهابة ورجاء
اتمنى ان نلتقى زى زمان
نتوسد البؤبؤ فيسبق امانينا
فى القلب انتم والشوق الخلا الجوف محروق
ولك حضور القمر والكواكب والمراكب مشرعة من شندى للمتمة قبل ان يبنو الكبرى
ولك الحضور فى القلب مشرع الحنين
احبك
بل ازيد احبك اثنتان

[medoyassin]

الحبيب رضا ..... رغم الجفاء ....
ليك شوق غطي كل مساحات الفراق.... وفراق أسال جبال الجليد من الوجود...
وقصة مابنمشي لي ناس ما بيجونا ..... ماحكوها لينا.. ومابنعرف نغنيها....ولا بندخل عرضتا...
كل عام وأنت الفرح الدافق ... زارع .. نابت... مثمر إبداع...
دُم بألف عافية وتقبل مروري....

[النويري]

رضا الزول الظريف الشفيف كل عام وأنت بألف خير لكن شكلك جايي جاهز للبوست دا وضارب ليك قهوة جميلة إنشاء الله دائماً نشوفك رغم غياب من تحب

[رضا حسن محمد]

الحبيب رضا ..... رغم الجفاء ....
ليك شوق غطي كل مساحات الفراق.... وفراق أسال جبال الجليد من الوجود...
وقصة مابنمشي لي ناس ما بيجونا ..... ماحكوها لينا.. ومابنعرف نغنيها....ولا بندخل عرضتا...
كل عام وأنت الفرح الدافق ... زارع .. نابت... مثمر إبداع...
دُم بألف عافية وتقبل مروري....

حبيب الكل ميدويس
لك الحب مشرعا من حلفا الى نمولى
ولك رزاز جبل مرة
تعال نزورو مرة الف مرة
ولك الافة والحميمية ونبذالسفر والاغتراب
ولك الدكتورة تهرشك الصباح الصباح
ولك تلهف الحسان فى مدنى وحلة حسن
ولك عطر اللافندر
ولك الكبكبة عندما تدخل امتحانات كلية الهندسة جامعة الخرتوم
يا باشمندس يا لذيذ
كل سنة وانت بالف خير

[رضا حسن محمد]

رضا الزول الظريف الشفيف كل عام وأنت بألف خير لكن شكلك جايي جاهز للبوست دا وضارب ليك قهوة جميلة إنشاء الله دائماً نشوفك رغم غياب من تحب

النويرى اللذيذ
اتمنى ان ازورك فى بيتكم فى الرياض
واشرب معاك فنجان جبنة بى شمالو
حبذا لو كان معنا الزول اللذيذ الشفيف
ود الدسيس عباس
ننظر نختو قرض
ونتسافه
وننعل ابو السفر والاغتراب
عندى نية جية قريبة لى حلتكم الرياض
دم بالف خير

[النويري]

النويرى اللذيذ
اتمنى ان ازورك فى بيتكم فى الرياض
واشرب معاك فنجان جبنة بى شمالو
حبذا لو كان معنا الزول اللذيذ الشفيف
ود الدسيس عباس
ننظر نختو قرض
ونتسافه
وننعل ابو السفر والاغتراب
عندى نية جية قريبة لى حلتكم الرياض
دم بالف خير

هو في ألذ منك والله دا يوم حيكون تاريخي دا أنا لي شرف لا يدانيه شرف كونك في بيتي مع إني أولادي في السودان وبعاني بكافة أشكال المعاناة لكن دي فرصة عشان نبرطع بي راحتنا عزابة وكده حا أحشد ليك كل الحلوين الدسيس والتجاني وأبو خالد وكل من تحب وحيكون فيها حلة جقاجق وكوارع وكشاتين للصباح وكل ما تشتهيه بس أبقى تعال وتكون ليلة من ألف ليلة وليلة أنت براك جبتو لي نفسك بعد دا كل يوم رسالة أها بتين جايي بس لازم تخطرني أنا أول لاني طبعاً سيد البلد ولا شنو يامدنية

[رضا حسن محمد]

كل وسائل المواصلات تشعرنى بالحزن
واكترها حزنا القطر
قطر ماش وعم الزين وكيل صنفور
ودموع المودعين فى المطارات
والمحولجى
والمغيرب المغيرب
والسافر قبل ايام
الله يعلم شال معاهو كل شى
والدنيا غيرو ما بتسوى شى
والحال وراك لو شفتو كيف
وبنتلاقى ونغنى الفرقة حراقة

[رضا حسن محمد]

هو في ألذ منك والله دا يوم حيكون تاريخي دا أنا لي شرف لا يدانيه شرف كونك في بيتي مع إني أولادي في السودان وبعاني بكافة أشكال المعاناة لكن دي فرصة عشان نبرطع بي راحتنا عزابة وكده حا أحشد ليك كل الحلوين الدسيس والتجاني وأبو خالد وكل من تحب وحيكون فيها حلة جقاجق وكوارع وكشاتين للصباح وكل ما تشتهيه بس أبقى تعال وتكون ليلة من ألف ليلة وليلة أنت براك جبتو لي نفسك بعد دا كل يوم رسالة أها بتين جايي بس لازم تخطرني أنا أول لاني طبعاً سيد البلد ولا شنو يامدنية
والله مبالغة
يجى زى ما بقولو الجماعة
والله نختو قرض
حتى نرى الجاموسة ناموسة
جهز الشطة

[mahagoub]

شوقتونا نحضر اللمه الحلوه دى
بس ما تنسونا بفنجان قهوه
وصحن شطه حاره
ودامت محبتكم
رضا : مستنين تفاصيل الرحله من الاستقبال حتى الوداع

[رضا حسن محمد]

شوقتونا نحضر اللمه الحلوه دى
بس ما تنسونا بفنجان قهوه
وصحن شطه حاره
ودامت محبتكم
رضا : مستنين تفاصيل الرحله من الاستقبال حتى الوداع

يا عمنا
يمكن فى الاسبوع الاول من ديسمبر
النويرى اخوى
عمك محجوب دة جهز ليهو ام فتفت

[النويري]

يا عمنا
يمكن فى الاسبوع الاول من ديسمبر
النويرى اخوى
عمك محجوب دة جهز ليهو ام فتفت

حاضرين للطيبين كل أشكال الشحتفة موجودة بس ابقو مارقين

[mahagoub]

يا عمنا
يمكن فى الاسبوع الاول من ديسمبر
النويرى اخوى
عمك محجوب دة جهز ليهو ام فتفت

هبشت نقطة الضعف
القاوت مكسرنى لكن ام فتفت
ليها وضع تانى

[mahagoub]

حاضرين للطيبين كل أشكال الشحتفة موجودة بس ابقو مارقين

انت مالكم بتشحتفوا فينا
الرياض كلها 6 ساعات من مكه

[سامية عباس]

يا مسافره على بلدنا شايلى روحى معاك هديه
ليك وللناس الغلابة برضو شايف الروح شويه
داير اوادعك كنتا واكتب فى سواد عينيك وصيه
ابقي ميه على عيونك ريدنا ابقي عليهو ميه
وقولى للوالدة الحبيبه انا جاي في عيد الضحيه
كلميلى ابوى عنك عن بنا الريد والمحبه
شيلى من بركات عيونك ادى اصحابى الاحبه
امشي يوم جمعه الضرايح زورى فيهم قبه قبه
قولى للوطن البريدو قلبي بالاحزان معبا
غربتي الطالت شقتني وكل يوم زايدانى غربه
لما ترجعى بالسلامه جيبي لى معاك نسيمه
من بلدنا وجيبى لى من طنابرتا كم نغيمه
فوق جمر راجيك تعودي تومه لى روحى اليتيمه
تاني لى قبال تسافري وتبقي فى صيف عمرى غيمة
وتبقي فى الابد المؤبد خالدة عشرتنا الحميمه
ريدة تجمع بين قلوبنا عامره بالنيه السليمه

رضا ازيك وكل سنة وانت طيب .. وربنا يرجعو ليك طيب

[بنت الرفاعي]

الله يعينك على فراق أحبتك،
ويرجعهم لك بالسلامة.


و
‏

جميل سفر الأحبة
لدار ملانة طيبة ومحنة..
والأمل برجوعهم بكرة..
بس
سفر العمر
سفرا بدون ميعاد ذهاب
والعودة ما فيها بصيص أمل..
سفرا ملان قسوة وألم..
سفرا بعيد لا فيه وصال
ولا حتى قولة سلام!




‏

[نزار حسن محمد]

الله يعينك على فراق أحبتك،
ويرجعهم لك بالسلامة.


و
‏

جميل سفر الأحبة
لدار ملانة طيبة ومحنة..
والأمل برجوعهم بكرة..
بس
سفر العمر
سفرا بدون ميعاد ذهاب
والعودة ما فيها بصيص أمل..
سفرا ملان قسوة وألم..
سفرا بعيد لا فيه وصال
ولا حتى قولة سلام!



‏

د / مرام ضربتى الوتر الحساس

[رضا حسن محمد]

حاضرين للطيبين كل أشكال الشحتفة موجودة بس ابقو مارقين
انا بحب الشطة بالدكوة
وبحب هلال الملايين
وناس المريخ الشنين
حنينا عليهم واديناهم كاس
وصراجة راجى لعاب
وين ناس جنابو ود العركى
ياخ بحبو فى الله سيدى

[رضا حسن محمد]

هبشت نقطة الضعف
القاوت مكسرنى لكن ام فتفت
ليها وضع تانى
والوضع الاولانى
ليك وحشة يا عمنا

[رضا حسن محمد]

يا مسافره على بلدنا شايلى روحى معاك هديه
ليك وللناس الغلابة برضو شايف الروح شويه
داير اوادعك كنتا واكتب فى سواد عينيك وصيه
ابقي ميه على عيونك ريدنا ابقي عليهو ميه
وقولى للوالدة الحبيبه انا جاي في عيد الضحيه
كلميلى ابوى عنك عن بنا الريد والمحبه
شيلى من بركات عيونك ادى اصحابى الاحبه
امشي يوم جمعه الضرايح زورى فيهم قبه قبه
قولى للوطن البريدو قلبي بالاحزان معبا
غربتي الطالت شقتني وكل يوم زايدانى غربه
لما ترجعى بالسلامه جيبي لى معاك نسيمه
من بلدنا وجيبى لى من طنابرتا كم نغيمه
فوق جمر راجيك تعودي تومه لى روحى اليتيمه
تاني لى قبال تسافري وتبقي فى صيف عمرى غيمة
وتبقي فى الابد المؤبد خالدة عشرتنا الحميمه
ريدة تجمع بين قلوبنا عامره بالنيه السليمه

رضا ازيك وكل سنة وانت طيب .. وربنا يرجعو ليك طيب

الاستاذة الشاعرة سامية
لك تفاوت الامنيات وتلاحقها
ولك كلام حنين يشبه طيبتك وطيبة اهلنا
ولك الحضور العسجدى فى مدنى
ومحطة السكة حديد
ولك طيبة مدنية
وخفة دم مدناوية
وجمال فطومة بت مارنجان

[رضا حسن محمد]

الله يعينك على فراق أحبتك،
ويرجعهم لك بالسلامة.


و
‏

جميل سفر الأحبة
لدار ملانة طيبة ومحنة..
والأمل برجوعهم بكرة..
بس
سفر العمر
سفرا بدون ميعاد ذهاب
والعودة ما فيها بصيص أمل..
سفرا ملان قسوة وألم..
سفرا بعيد لا فيه وصال
ولا حتى قولة سلام!




‏

الدكتورة مرام
كل الشوق ليكم وللاشراقة الفى عينيكم
جميلون كلهم ناس قطر
اتذكر اغانى الحبوبات
يا سيد العربية وحبك حمانى النوم
وناخد الاجازة نقوم
ونمشى قطر
كل التحايا والسلام

[بحيرى]

انت الزول السافر ده داير منو قروش ولا شنو ؟

[رضا حسن محمد]

انت الزول السافر ده داير منو قروش ولا شنو ؟

والله وانت الصادق هو الداير منى
الا ان علاقتى به
اكبر من القروش
علاقة فوق
لا حولا
زى ما قال ابراهيم عوض
ما بقدر ابوح

[بت مارنجان]

رضا ود حسن
والله ليك شوق الي كتاباتك البسيطة والبتدخل تووووووووووش في القلب
الله لاكسر ليك قلم "ودريبك ماينسدا " ياابو محمد ..

بالنسبة لي صحبك السافر غايتو الا تلاقيه فيس 2 فيس :o:o:o:o

[بت مارنجان]

كل
والسافر قبل ايام
الله يعلم شال معاهو كل شى
والدنيا غيرو ما بتسوى شى
والحال وراك لو شفتو كيف
وبنتلاقى ونغنى الفرقة حراقة

كدي انت متأكد انو دة السافر قبل ايام :o
هييييييييي يارضا كدي ركز سمح :o:o

[مايسة]

كر على يا رضا مورود ولا حااااجة

بقيت تهضرب كمان

خلى السافر دا يجيب ليك رقية معاهو ومحاية :o

[رضا حسن محمد]

رضا ود حسن
والله ليك شوق الي كتاباتك البسيطة والبتدخل تووووووووووش في القلب
الله لاكسر ليك قلم "ودريبك ماينسدا " ياابو محمد ..

بالنسبة لي صحبك السافر غايتو الا تلاقيه فيس 2 فيس :o:o:o:o
فطومة الطيبة
هو ما صاحبى
هى صاحبتى
ودنيتى هى وفرحتى
ومنى الفواد اذا تمنى
هى اجمل من خلق الله
هى احن خلق الله
هى الدنيا

[رضا حسن محمد]

كدي انت متأكد انو دة السافر قبل ايام :o
هييييييييي يارضا كدي ركز سمح :o:o
سافر بعد العيد
وشال معاهو العيد
خلانى عايش فى صراع
اسال الله يجيبو لى
واخجل كتير من السوال
اصلى ما بريدو براى
بريدوهو كل حلق الله معاى

[رضا حسن محمد]

كر على يا رضا مورود ولا حااااجة

بقيت تهضرب كمان

خلى السافر دا يجيب ليك رقية معاهو ومحاية :o
مياسة
او قل مايسة
محاية ما بتنفع
الا اجى واجلس حداهو
والله بريدو ريد
والله اكتر زول بريدو فى الدنيا
وسفرو اشوفو حلم حلم
والله لو فتحو قلبى يلقوهو قاعد جوة
والله انا صادق

[رضا حسن محمد]

غايب السنين الليلة مالو
غنا العصافير غلبو
طراهو زولا كان حنين
كم رضى خاطرو وطيبو
سمع قليبو كلام حنين
هدهد مشاعرو ودوبو
الناس سعيدم فى الحياة
لا ضاق فراق لا جربو

[رضا حسن محمد]

انت بى جدك تسيبنى وتسافر
الليلة تميت عشرة يوم
بتبالغ والله
كيف تتركنى لتلفت القلب
واخ من تلفت القلب
واللوعة
واذان المغرب
مافى عيشة بلاك بتبقى
مافى اى شى
مافى اى شى