شعر حلو الحلقه التانيه

[ساريه]

خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!


رباعيات صلاح شاهين

[محمد الجزولى]

صلاح شاهين ( او صلاح جاهين ) كما يحلو للبعض شاعر غني للجماهير بكلماته البسيطه العذبه فكانت كلماتة تتغلغل في وجدان الشعب المصرى
حتي اطلق علية البعض شاعر الثورة
في معظم اشعارة اشار الي الصمت كمرداف للموت .. وللكلمة كمرادف للحياة
ويبقي شاهين شاعرا مميزا لدي الشعب المصرى
كتب في احدي قصائده :
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت فى ليل الشتا
لكن حاجات أكتر بترفض تموت.
لك التحية الاخت سارية
وتقبلي مرورى

[تغريدا]

تسلمى أختى سارية على النقل الطيب

[mahagoub]

موت وبؤس وشقاء
ثم يأس وتألم وتوهان
فكيف لك أن تعرف من انت
ومن ستكون
فكلنا تراب من تراب والى تراب

[ساريه]

صلاح شاهين ( او صلاح جاهين ) كما يحلو للبعض شاعر غني للجماهير بكلماته البسيطه العذبه فكانت كلماتة تتغلغل في وجدان الشعب المصرى
حتي اطلق علية البعض شاعر الثورة
في معظم اشعارة اشار الي الصمت كمرداف للموت .. وللكلمة كمرادف للحياة
ويبقي شاهين شاعرا مميزا لدي الشعب المصرى
كتب في احدي قصائده :
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت فى ليل الشتا
لكن حاجات أكتر بترفض تموت.
لك التحية الاخت سارية
وتقبلي مرورى

شكراًاخى محمد الجزولى على المرور الانيق والشاعر صلاح شاهين من القلائل الذين لن يتكررو