اخر الاستعدادات لاستضافة بطولة المحليين

[روبش]

نعلم ان وقع الاختيار لمدينتنا لاستضافة مجموعة من بطولة المحليين التي سوف تقام مطلع يناير القادم، والتي نعول عليها كثيرا في اعادة بناء الاستاد وتأهيله، لذا وجب علينا ان نطمئن اكثر وأن يمدنا الاخوة المتواجدين بالمدينة امثال احمد علقم وود الصول وبكري فاروق واخرون بمزيد من التفاصيل عن هذا الحدث حتى نطمئن على ان الامور تسير وفق ما هو مطلوب ..
اقول ::: الرجاء الاسراع في سرد التفاصيل من الاخوة المتواجدين بالمدينة

[أبوريلان]

الحبيب روبش
كل عام أنت والأسرة الكريمة بخير وصحة

الأستاد يطير يا أسامه وين كورتنا البنستضيف ليها قمة أفريقية في بلدنا
الإستعدادات هزيمتنا من زنزبار بـ 2/صفر دي البداية .

[روبش]

الحبيب روبش
كل عام أنت والأسرة الكريمة بخير وصحة

الأستاد يطير يا أسامه وين كورتنا البنستضيف ليها قمة أفريقية في بلدنا
الإستعدادات هزيمتنا من زنزبار بـ 2/صفر دي البداية .

العزيز ابو ريلان
الشوق مطر عديل
اخبارك واخبار العيال اتمنى ان يكونوا بخير وعافيه .. تحياتي لهم جميعا
شنو اخبارك مقطوعه الحاصل خير
اقول :: نحن عايزين نكون قدر المسؤولية وقدر التحدي
انشاء الله المسعولين في مدني يكون قدر التحدي

[النويري]

حبيبنا روبش أنت ما شفت التصاميم بتاعت أستادات قطر دي ولا شنو أستاد شنو البصلحوه في يومين بوهيه وكراسي حديد وجير قديم أقول يا روبش أنس وعيش دا كلو كوم وقصب السكر وستات الشاي كوم يا روبش نحن ما فشفاشنا واردم وساكتين ساي أنت عندكم أمل في حال الكورة في السودان والله ياروبش بالك طويل خلاص

[ربيع الدنيا]

والله ده كلو كلام واقع بس مافى مانع من الحلم بالجميل فى المستقبل والنظره التشاؤمية دى مافى ليها داعى وربنا يجعل مدينتنا اجمل المدن