مسـؤولي بعثـة الحـج .. صـن أيـر .. سودانيـر ... والجـريمـة المشتـركـة

[محمد حسين (المميز)]

بدون مقـدمات ..

من العنـوان يعلم الجميـع ماسيكـون في هذا البـوست من مـآســي

كالعاده وكل سنه نفس الموّال

معاناة الحاج السوداني معاناة التفويج من الولايات الى مطار الخرطوم

والبقاء بالساعات والايام بمطـار الخـرطوم

والمعاناة عند الوصول بجـدة مرورا بالفنادق المتواضعه والمخيمات الضيقه

المكتظـه بالحجاج المنعدمة الخدمات

والغيــاب التـــــــــــــــام للمسؤولين

الى قمـّــة المعـاناة وهي في رحـلة العـوده

وُعودات لاتنتهي في تاريخ السفر

افتراشات بمطار جده والمدينه وانتظار ممل بالايااااااام

منظر يتكرر سنويااااا وبصوره داائمـه من بعثة الحج السودانيه فقـــط

صنقيــر او مايسمى بصن اير حدّث ولا حرج

وسوداطير او مايسمى بسودانير غنيـّـه عن التعريف

قبل كم يوم قالو في حجاج من الابيض او نيالا على ما اعتقد

مفترض من جده او المدينه مباشره الى ولايتهم

تم رميهم بمطار الخرطوم دون اي اشعار اخر

بصرااااحــه شيء مقزز

حتى السلطـات السعـوديه تعبت وغلبها البيتعملو مع الحاج السوداني


الســؤال الى مسؤولي الحج بداية من الوزير الى اصغر نمله من الموظفين

لمتين حتتلذذو في عذاب الحاج وأوّع تجـو تتبجحـو في التلفزيون وتقولو نجحتو في حج هذا العـام:mad:

[mahagoub]

هبشت الوتر الحساس
لمشكلة الحجاج
لكن السنه دى فى مكه كانوا نازلين فى فنادق خمس نجوم
نرجوا أن تتحسن كل الاوضاع
اهلنا طيبين
يقولوا ليك كلها يومين
ومتناسين حقوقهم
وده المطمع الناس فيهم

[أبوريلان]

لمتين حتتلذذو في عذاب الحاج وأوّع تجـو تتبجحـو في التلفزيون وتقولو نجحتو في حج هذا العـام




المميز كل عام أنت والأسرة الكريمة بخير وصحة
حبيت أبشرك بأن هذه الجملة سوف تسمعها كثيراً ، وفعلاً سمعناها في التلفزيون وسوف تسمعها كل عام لو ربنا مد في أيامنا .

[ام رغد]

ده سيناريو بتكرر كل سنة مع بعض الاضافات طبعا... وفعلا هناك استغلال لطبيعة الحاج السودانى لانو بكون مركز على شعائره الدينية وفعلا الواحد فيهم بقول ليك كلها يومين ونحن جايين نتعبد...وطبعا مافى مقارنة مع المبلغ المدفوع والخدمات المقدمة... ربنا يتولانا برحمتو وقادر يفرجها من اوسع الابواب.... والموضوع ما بقيف عند الحجاج فقط فما تفعله سودانير فى موسم الاجازات كفيل بان يجعل الضغط والسكر والجلطات بكل انواعة من نصيب كل من تسول له نفسه ويحجز على متن الناقل الوطنى...