أراضي المغتربين ( الوادي الأخضر )

[نزار احمد كوارتي]

موضوع يكتنفه الغموض؟
خايف من الندم لمن بكره يقولو لي فلان قطعتو جابت ترليون وأقعد أقول لي وليداتي عرضوها لي بي 9000 درهم وأبيت!
خايف أجازف أشتري تبقي فيني البقت في ناس مشروع سندس الزراعي بالإضافه لي إنو الموضوع ده حا يأخر موضوع زواجي كمان شهر يعني حايبقي بعد س+شهر والسين دي شكله سنيييييييين.
إستعنته بي قوقل في الموضوع ده زاد الطين بله
في منتدي من المنتديات قالو الأراضي دي بتاعة البطاحين وشهادات بحثكم دي بلوها وأشربو مويته (علي لسان القائل).
في منتدي آخر طلعوها السماء وقالو ده متنفس الخرطوم الجديد!
يدكم معانا بندور شورتكم بس بيني وبينكم كده أنا خاااااااااااااايف والخواف لمه قريشاتو.

[مايسة]

غايتو يا نزار بالغته

ياخ ما تخلينا نبل شهادة البحث ساااي ونشرب مويته -

جيب الاكيدة وورينا - مع انو مافي فايدة لو الموضوع طلع كضبة ساي - العقد بين الحكومة والمشتري يعني غشة بمزااااج ومافي طريقة قرووشك ترجع -

- خبر يمكن يطمنك شوية - قبل فترة ناس معرفة مشو اشترو هناك عن طريق سمسار طاااالعة السما عديل يمكن 15 مليون بالقديم -

[نزار احمد كوارتي]

تعرفي يا مايسا لمن إتخرجنا من الإلذاميه من معسكر حنتوب أدونا إجازه كم يوم كده وبعديها مفروض نرجع المعسكر عشان يوزعونا علي الوحدات العسكرية
قامت الإشاعات ملت ليك مدني إنو حا يرفعونا الجنوب (يرفعونا دي يعني زي الخُرفان بي ضم الخا)
يوم التوزيع إتلمينا انا وصحباني تلاته وقعدنا قدام بيتنا تحت الشجره وحبكنا الخطة قلنا نحنه نمشي الموقف ونكشف من بعيد لي بعيد لو لقينا في جيش جايي راجع
من المعسكر نركب نمشي نتوزع ونجي راجعين لو العكس نتكامل بيوتنا من ضو وقمنا مشينا علي كده
وحاتك لي نص اليوم توب أخدر ساي يطمنك ما جات مره لابساه من نسوان حنتوب ولحدي الوكت داك نحنه نقرشنا لينا كم طبق تسالي من الجوع قمنا قلنا الشغلانه دي ما مطمنه نقوم نرجع البيت
ينُطَ ليك واحد من صحباني جعلي علي السكين وحماقه جد قال إلا يمشي يا زول الله يهديك الموضوع ده مافيه أيي عواره حلف بالتقطعو إلا يمشي وشبكنا ليك لن يصيبنا إلا ما كتب الله لنا وإنتو ناس جبانين ساي وما عارف شنو وشنو
المهم نحنه بنتناقش برينسة حنتوب ملت وجات ماخده اللفه كده زولك إقوم جاري ويتشعلق في السلم بي يد واحده نظام الود جيش وكده لأنو كانت في يدو التانيه جريدة نبض الكراكتير
وحاتك يا الغاليه قراها في جوبا.

بالزقاق كده:-

هسي أنا منتظر الناس يجو راجعين من النادي السوداني عشان أقرر أمشي ولا لا

[محمد الجزولى]

غايتو يا نزار نصيحه كده اشتري وانساها
وخليها للزمن
بالله عاوزين التفاصيل الكاملة لانو قالوا الجماعة ح يجو علينا يوم 7/12

[نزار احمد كوارتي]

غايتو يا نزار نصيحه كده اشتري وانساها
وخليها للزمن
بالله عاوزين التفاصيل الكاملة لانو قالوا الجماعة ح يجو علينا يوم 7/12

ود أهلنا الغالي

بيني وبينك نصيحتك عين العقل ومن باب موت الجماعه عرس
الواحد يتوكل ويعتبر نفسه قعد عاطل مدة شهر
قابلت واحد قبل شويه شايل عقدو في إيدو والشغلانه قالو ساهله شديد
إشتغلو الليله في النادي السوداني أبوظبي وحا يواصلو يوم الإتنين الجاي
لكن بجوكم بي غادي متين ما عارف والله بالزبط
غايتو ربك يسوي الفيها خير

[مدنيّة]

غايتو يانزار
لقيتك مبااااااااااااالغة في الخوف ههههههههههههههههههه

ياخ عرسك دا مأجل الزمن دا كللللللللللله ، بقي علي الشهر الزيادة!!

-------
زي ماقال ليك جزولي
اشتريها وانساها
وخليها للزمن
الخرطوم بالجد لو لقيت ارض في ااااااااااااااي حتة اشتريها وانساها
والعمران بيجيها في محلللللللللللللللللها

---------
انا ساكنة الفيحاء
قبل عشرة سنوات كنت بجي مع ابو جمال بنشوف بيتهم دا من الظلط
هسي الا تصل البيت ادددددددددددددددديل عشان تشوفه

---------
الوادي الاخضر من الفيحاء ربع ساعة
والفيحاء من سنتر الخرطوم 10 دقايق

--------
الدعاية الشغالة حاليا للوادي الاخضر
ح تجعل منها منطقة غالية
لانه شايفة بيعرضوها علي المغتربين في دول كتيرة
----------
تحذير شديد اللهجة
لو حصل اي حاجة وطلعت الارض دي كلام ساي
انا ما مسئولة ، ثمح! :cool:

[توحيد بابكر الطيب]

السلام عليكم ورحمة الله تعالى وبركاته..
امشي يازول اشتري طوالي مبروكة ..
واصلا مع خدماتها يعني كويسه وطبعا دي درجة اولي 9
وتانية بي 7 ودرجة تالته على ما اعتقد 6
ولسه الفرصه معاك بعد بكرة ان شاء الله الاثنين في النادي السوداني طوال اليوم ..

[ام رغد]

والله يا نزار ما براك الملاوذ....ابو العيال شاورنى وانا خايفة اشجعو وتحصل اى لكلكة وابو العيال يقطعنى حتت..... غايتو الفيها الخير ربك يعملة....

[بحيرى]

والله
لا بتاكل ولا بتشرب
100 ال 100
اعرش على كده

[aeljak]

السلام عليكم شباب ، لو سمحتوا مربعات الوادى الاخضر المعروضة ارقامها شنو فى الامارات ؟

[نزار احمد كوارتي]

غايتو يانزار
لقيتك مبااااااااااااالغة في الخوف ههههههههههههههههههه

ياخ عرسك دا مأجل الزمن دا كللللللللللله ، بقي علي الشهر الزيادة!!

-------
زي ماقال ليك جزولي
اشتريها وانساها
وخليها للزمن
الخرطوم بالجد لو لقيت ارض في ااااااااااااااي حتة اشتريها وانساها
والعمران بيجيها في محلللللللللللللللللها

---------
انا ساكنة الفيحاء
قبل عشرة سنوات كنت بجي مع ابو جمال بنشوف بيتهم دا من الظلط
هسي الا تصل البيت ادددددددددددددددديل عشان تشوفه

---------
الوادي الاخضر من الفيحاء ربع ساعة
والفيحاء من سنتر الخرطوم 10 دقايق

--------
الدعاية الشغالة حاليا للوادي الاخضر
ح تجعل منها منطقة غالية
لانه شايفة بيعرضوها علي المغتربين في دول كتيرة
----------
تحذير شديد اللهجة
لو حصل اي حاجة وطلعت الارض دي كلام ساي
انا ما مسئولة ، ثمح! :cool:






بت جيرانا وحتظلي بت جيرانا في الوادي الأخدر كمان

من باب لا المسافه ولا الخيال يبعدني منك يا أم جمال

بس بيني وبينك التحزير شديد اللهجه ده زكرني قصة

الثعلب السرق البطيخه وربطه في ضنبو ولمن سكوهُ ضنبو إنقطع

قام غشه الثعالب كلهم وقطع ضُنُبَتُم

بالزُقاق كده:-

أخوك ثعلب مكااااااااار في جنس الإمور الزي دي ما بدقس بي أخوي وأخوك كده
الوادي ده من إسمو غشه كبيره وبيني وبينك كده أنا قلبي أباهو

[نزار احمد كوارتي]

السلام عليكم ورحمة الله تعالى وبركاته..
امشي يازول اشتري طوالي مبروكة ..
واصلا مع خدماتها يعني كويسه وطبعا دي درجة اولي 9
وتانية بي 7 ودرجة تالته على ما اعتقد 6
ولسه الفرصه معاك بعد بكرة ان شاء الله الاثنين في النادي السوداني طوال اليوم ..



والله يا توحيد مشيت يوم الإتنين وقروشي في جيبي وورقي بارمو في يدي زي جريدة الراي العام أيام العطاله

وصلته النادي السوداني بعد تعب شديد لأنو اليوم داك صادف يوم مؤتمر الخليج والشوارع مقفله والزحمه والحوادث ما تديك الدرب

غايتو بعد تعب شديد لميت لي في باركن وجيت خاشي النادي السوداني كده كًشَّفته ليك للناس دي فايره زي حلة البليله وأسمع ليك الناس بتكلمو عن

إنو درجه أولي كملت والله العظيم ولا وقفته ولا حتي سلمته علي صحباني الكانو قاعدين جوه قبلته وشي علي الباب وقلته لي روحي وحات الله واطاتكم دي إن بقت

في المعموره ماني دايره

بالزقاق كده:-

أجمل إحساس إنك بعد تاخد ليك مية بُنيه وسُتُميتين شلوت وتحصل الشباك بتاع فُرُن جبرونا يقولو ليك العيش كمل والخَبزَه الجايه بتطلع متين زاتو ما معروف

زقاق أضيق شوية:-

كدي إتخيلو معاي الواطه في السودان كملت

[نزار احمد كوارتي]

والله يا نزار ما براك الملاوذ....ابو العيال شاورنى وانا خايفة اشجعو وتحصل اى لكلكة وابو العيال يقطعنى حتت..... غايتو الفيها الخير ربك يعملة....

وحاتك يا أم رغد انا غايتو ماااااااا بنصحك تدخلي نفسك في حته ضيقه زي دي وتحصري نفسك في الكورنر

لكن أقول ليك حاجه خليك دوبلوماسيه وحنكك سنين قولي ليه ما عشانا وعشان أولادنا عشان أولاد رغد

بالزقاق:-

غايتو انا كان في مكان أبو رغد وده حنكك معاي يا دوووووووبك تعبتي معاي

[نزار احمد كوارتي]

والله
لا بتاكل ولا بتشرب
100 ال 100
اعرش على كده

الرائع بحيري

وحات الله في نوع أراضي كده قالو أكال أكل بعد شويه يقولو ليك دايرين رسوم البتاع

ومره دايرين رسوم الهناي ومرات مرات ولا هناي ولا بتاع بس ما بتدفع ما بتبني ولا بتبيع

إنشالله قول ما تطلع من النوع ده وقول آمين

بالزقاق كده:-

حكمة الله تشتريها 500 متر تاكل وتاكل وما بتسمن تقول عندها الدودوه الشريطية