المساعد الشخصي الرقمي

مشاهدة النسخة كاملة : في شنو الدنيا مقلوبة؟؟


سنين
16-01-2005, 01:26 PM
في شنو الجوطة والحوبة
في شنو الدنيا مقلوبة
لوعايزنو بلداً جد
نقيف نبنيهو من طوبة
عشان خاطر البلد ياناس
ضروري العودة والتوبة
يصح نضحك علي الارواح
بلد دمعاتة مسكوبة ؟

سلام راجنو زي اطفال
تعد للعيد بأعجوبة
وداك في سمانا هلّ هلال
وبس خايفنو اكذوبة

جنوبين شمالين
عرب رطانة او نوبة
الابنوس يكون نخلة
التبلدياية لالوبة
وتحت سقف المحبة نعيش
سقف انشالله راكوبة
لا عايزين ايدين تدفع
ولا بنحتاج اضان تسمع
سهولنا برانا بنجوبا
بلد خيراتة مد العين
انحنا نعلي منسوبة

عشان خاطر البلد ياناس
ضروري العودة والتوبة


مع خالص التحايا,,
marwa
16-01-2005, 07:34 PM
عشان خاطر البلد ياناس
ضروري العودة والتوبة

tslam seneeeen
أبوبكرحامد
16-01-2005, 11:22 PM
شكراً سنين للكلمات والدعوات الصادقة ، كل الأمنيات أن تتحقق.

ود الماذون
aborawan
16-01-2005, 11:31 PM
عشان خاطر البلد ياناس
ضروري العودة والتوبة

وللاوطان في دم كل حر يد سلفت ودين مستحق


بلادنا حلوة راجعين ليها ودار الغربة ما بترحم
أبوريلان
17-01-2005, 05:20 AM
كاتب الرسالة الأصلية aborawan
عشان خاطر البلد ياناس
ضروري العودة والتوبة

وللاوطان في دم كل حر يد سلفت ودين مستحق


بلادنا حلوة راجعين ليها ودار الغربة ما بترحم
ضياء الدين احمد
17-01-2005, 01:16 PM
مشكور ياسنين علي القصيده المعبره البتدعو للوحده وتغيير النمط القديم
و1000 مرحب بالسلام
waheeb
17-01-2005, 09:15 PM
جنوبين شمالين

عرب رطانة او نوبة

الابنوس يكون نخلة

التبلدياية لالوب

..لك التحيه والي الامام..
سنين
18-01-2005, 02:57 AM
اخواني واحبابي

مروة ,ابوبكر حامد,ابوروان,ابو ريلان,وهيب

توقيعكم في هذا البوست المتواضع ,, يدل علي انكم من محبي السلام
وليتنا نستطيع ان نجعل هذا السلام واقعا معاشا بيننا
احساس بالحب بعيد عن الاوراق الحكومة والاتفاقيات ذات المصالح الخاصة

لكم التحية بحجم روعتكم ,, والي الامام
ابراهيم
18-01-2005, 03:44 AM
سلام راجنو زي اطفال
تعد للعيد بأعجوبة
وداك في سمانا هلّ هلال
وبس خايفنو اكذوبة

احيي فيك يا سنين رحابة ورهافة حسك

وقصيدتك لوحة فرايحية وفيها احاسيس وموضوعية

ودعوات جميل بالعودة اصلو الغربة هدتنا عديييل

وبحيي فيك روحك الوطنية الطيبة

وانشاء الله السلام ما يكون اكذوبة وما يكون حبر على ورق

بنشتهى السلام دا والله


دمت يا سنين