حفلات متجولة!!!

[بنت الرفاعي]

درج بعض سائقي الركشات على إعلاء أصوات مسجلات الركشات أثناء القيادة في الطرقات،
لدرجة أن بعض منهم يجبرونك على الإستماع
لأغانيهم من على بعد بضع مئات من الأمتار وبكل وضوح، حتى أنها تغطي على أصوات محركات الركشات،
حتى تظن أن هناك حفلة مقامة بالقرب منك!!!




‏

[بنت الرفاعي]

هل يعقل ذلك التصرف من شباب عاقل،
ويرى فيه جيل اليوم البناء؟!

‏





‏‎‎

[بحيرى]

والله لقد صدقتى
الواحد زى الراكب جوه حفله
وتلقى الناس كلها بتعاين ليك زى الانت مشغل المسجل
انا مرات برجع لى وره فى الرقشه عشان الناس ما تشوفنى
طبعاً نظام الود بركب رقشات وكده !!!!

[بنت الرفاعي]

والمؤسف في الأمر أن تلك الأغاني معظمها غير صالح للإستماع!!!

ولكنهم لا يكترثون لمن حولهم من المشاة وحتى الركاب، الذين قد يستطيع بعضهم الطلب من السائق إخفاض الصوت أو حتى إغلاقه!!!


وهناك بعض منهم قد يمرون بمكان به عزاء دون أن يعلموا،
فلا ينتبهون بأنهم لم يراعوا لمشاعر أهل الميت!!!
وقد يمرون بجانب المقابر،
وبدلا من الدعاء للأموات،
يشق هدوء المقابر صوت الأغاني والموسيقى،
إلا من رحم ربي!

وبعضهم لا يراعون للأذانات والصلاة،
فتسمع المؤذن يؤذن وفي نفس الوقت تمر بجانبك ركشة ذات مسجل صوته مرتفع، أو حتى وأنت جالس في البيت،
فتسمع صوت أغنية وأذان في نفس الوقت!!!







‏‎‎

[بنت الرفاعي]

‏‎



نتمنى من أولئك السائقين الإنتباه لذلك،
وإن أرادوا تشغيل مسجلاتهم بصوت منخفض،
وإن لم يراعوا لأنفسهم ولأسماعهم من التلف،
فليراعوا للآخرين.
‏






‏‎‎

[محمد المأمون]

الاخت مرام ليس سائقى الركشات وحدهم فهى ثقافة شعب تحتاج لصياغة ودوزنة من جديد

[بت أم درمان]

طيب ما ممكن لما تركبي الركشة
تقولي لي السايق نقص الصوت
أو أقفل المسجل

يعني الراكب يقدر يتحكم في الموقف
لان السايق ما بهمه غير انه ياخد فلوس
ويلفت نظرما اكثر

[بت أم درمان]

هل يعقل ذلك التصرف من شباب عاقل،
ويرى فيه جيل اليوم البناء؟!

‏‎‎

لا يعقل طبعا دا في حالة ان الشباب واعي وعاقل
لكن من خلال الموقف تقدري تحكمي
بعدم المبالاة لمشاعر الاخرين
يعني شباب ندعو لهم بالهداية من الله

[مدنيّة]

مرام
كل سنة وانتي طيبة يامنقة

[عبدالرحمن مدثر]

انه عصر الربع .. والايقاع الصاخب

بالجنبة كدا للموضوع المطروق .. الموسيقى الصاخبة هى كسر لرتابة يوم طويل يقضيه

بتاع الركشة فيها .. (دا فهم سواقين طبعا )

لكن المشكلة فى انو معظم اصحاب الركشات شباب

حتى بتذكر انو فى فكرة قانون انو الركشة تقيف بعد 10 مساء لكنه لم يطبق

لفائدة الركشة طبعا بعيدا عن الحالات الشاذة والسالبة

كلام بت امدرمان واقعى فى عملية التحكم

بس المشكلة لما يكون بتاع الركشة (جارى هواء )

او جاارى الشارع

دى اساس المشاكل دى كلها

[mahagoub]

الحكومه عملت شرطة لكل شئ
ما يعملوا شرطه للذوق العام

[بنت الرفاعي]

والله لقد صدقتى
الواحد زى الراكب جوه حفله
وتلقى الناس كلها بتعاين ليك زى الانت مشغل المسجل
انا مرات برجع لى وره فى الرقشه عشان الناس ما تشوفنى
طبعاً نظام الود بركب رقشات وكده !!!!



‏

‏‎

‏ ‏
أكيد الركشات مفيدة، وبتقصر المسافات،
مع أنها بتكسل الناس، وبتزيد من نسبة السمنة،
لكن بعض سائقيها بيسيئوا الإستخدام بما لا يتناسب مع الذوق العام للمجتمع!!
وحكاية بعض الناس تعاين دي في كل مكان، علشان تعرف جوة في منو!
الهدف من الحركة دي شنو؟!



الله يهديهم ويهدينا أجمعين.




‏‎‎

[بنت الرفاعي]

الاخت مرام ليس سائقى الركشات وحدهم فهى ثقافة شعب تحتاج لصياغة ودوزنة من جديد

‏‎



ولكن من يجرؤ على فعل ذلك؟!
من يجرؤ
وكلنا لاهون من أجل أنفسنا؟!


الله يهون.



‏‎‎

[بنت الرفاعي]

طيب ما ممكن لما تركبي الركشة
تقولي لي السايق نقص الصوت
أو أقفل المسجل

يعني الراكب يقدر يتحكم في الموقف
لان السايق ما بهمه غير انه ياخد فلوس
ويلفت نظرما اكثر

‎



وهذا ما ذكرته أعلاه يا عزيزتي،
وحديثي كان بصفة عامة وإن كنت من المشاة أو حتى في البيت!
تصدقي قبل شوية وقفت حفلة جنب بيتنا،
ومع أنو التلفزيون كان مفتوح،
برضو سمعنا صوت الحفلة،
وقبلها بنصف ساعة تقريبا مرت حفلة برضو!! ‏‎:cool:‎

شكرا لك أختي :-)

‏‎
‎‏‎

[بنت الرفاعي]

لا يعقل طبعا دا في حالة ان الشباب واعي وعاقل
لكن من خلال الموقف تقدري تحكمي
بعدم المبالاة لمشاعر الاخرين
يعني شباب ندعو لهم بالهداية من الله

‎



إذا كان أغلب الشباب بهذا الفكر (مع العلم أن ذلك لا يقتصر على سائقي الركشات فقط بل جميع أنواع المركبات، خاصة أوعامة!)
فالله المستعان.

الله يهديهم ويهدينا أجمعين.

‏‎
‎‏‎

[بنت الرفاعي]

مرام
كل سنة وانتي طيبة يامنقة

‎



وأنت طيبة. :-)
شكرا لك عزيزتي. :-)




‎‏‎