200 يوم على ظهر دابه اسمها دفار

[عبدالمنعم الصديق(خدرا)]

الاخوه فى النفاج
سلام عليكم
ولكن لا ادرى من اين ابدا
ولكنها سبعه شهور قضيتها فى السودان وهى الفتره من 21..5 ..1431الى 21..12..1431
كان المؤمل ان لا ارجع ولكننى رجعت حتى بعد ان طوفت اقامتى شهر كامل
المهم الفتره كانت حافلة بكل ماهو جميل
السودان حلو ومابنفات
لكن فتناهو ومابالخاطر
حضرت احلى خريف بالسودان لكننى لم اتمكن من الزراعه التى كنت مخططا ومسافرا من اجلها
امتطيت ظهر الباخرة من جده وكانت بمعيتى دابه كوريه جميله موديل 2004 اسماها اهلها فى كوريا هونداى
ويقولون لها فى الخليج دينا اوكانتر
بينما نسميها نحن فى السودان (دفار)
المهم هى وسيلة لكسب العيش والحوامه والضهب وفيها مآرب اخرى انا مامن ناس المآرب هذه (عشان ماتفموا غلط)
رفعت الدابه وتوكلت على الله قاصدا سواكن
ونعود

[ود المطامير]

يا فرده
منتظرين بفارغ الصبرباقى حلقات مسلسل
( العوده والعوده المعاكسه )

[mahagoub]

بدايه بى دفار ما مطمنه
لكن واصل

[عبدالمنعم الصديق(خدرا)]

يا فرده
منتظرين بفارغ الصبرباقى حلقات مسلسل
( العوده والعوده المعاكسه )
عروة ياغالى
لابد من السودان وان طالت الغربه
قلنا ناخدا من اقصرا ونستقر
لكن والله بعد مافرحت انو الاقامه انتهت وانا لسه فى السودان
الا واشوف ليك التمديد مرسل بالdhl وانا معصلج ماجيت الا فى اخر يوم فى التمديد
لكن الجماعه اقنعونى باامكن ياابوزينب لسه عندك رزق فى السعوديه
انا خايف امكن تكون تربتى الجابتنى راجع
لكن ربك يلطف كلها سته شهور كما قالوا

[عبدالمنعم الصديق(خدرا)]

بدايه بى دفار ما مطمنه
لكن واصل
جوبا ياغالى
تحياتى
كويس انو انا بديت بدفار فى ناس بدو باامجاد ومشت معاهم كويس
لكن بينى بينك احسن الدفار من الهايس لكن الهايس بجيب الحمام
ودى نقطة ضعفنا نحن الرجال

[عبدالمنعم الصديق(خدرا)]

الاخوه فى النفاج
سلام عليكم
ولكن لا ادرى من اين ابدا
ولكنها سبعه شهور قضيتها فى السودان وهى الفتره من 21..5 ..1431الى 21..12..1431
كان المؤمل ان لا ارجع ولكننى رجعت حتى بعد ان طوفت اقامتى شهر كامل
المهم الفتره كانت حافلة بكل ماهو جميل
السودان حلو ومابنفات
لكن فتناهو ومابالخاطر
حضرت احلى خريف بالسودان لكننى لم اتمكن من الزراعه التى كنت مخططا ومسافرا من اجلها
امتطيت ظهر الباخرة من جده وكانت بمعيتى دابه كوريه جميله موديل 2004 اسماها اهلها فى كوريا هونداى
ويقولون لها فى الخليج دينا اوكانتر
بينما نسميها نحن فى السودان (دفار)
المهم هى وسيلة لكسب العيش والحوامه والضهب وفيها مآرب اخرى انا مامن ناس المآرب هذه (عشان ماتفموا غلط)
رفعت الدابه وتوكلت على الله قاصدا سواكن
ونعود
وفى سواكن عينك ماتشوف الا النور
اذا قالوا ليك قبل ماتجى السودان انو جمارك عربيتك تسعه مليون جهز ليك 15 مليون لانو لسه فى رسوم موانى ودعم محليه وشرطة مرور وايجار لوحات وحاجات كتيره حاتتفاجا بيها هناك
وبعد تطلع من المينا وتاجر لوحات وعشان ترخص تجارى بمبلغ مليون ونص بالقديم لازم تمشى تجيب تامين للسياره وتمشى الفحص الآلى وتمشى الدفاع المدنى تشترى طفاية حريق وتطلع كرت السلامه وتخت مثلث فى القزاز الامامى وعاكس فى الباب الخلفى وحاجات تلف الراس
والله بعد ماانتهيت من ده كلو وسلمت اللوحات الحمراء وربطت اللوحات الدايمه (الدوام لله) ماكنت مصدق وجرى على الموقف
شحنت للخرطوم ب مليون وميتين الف لكن والله مااتهنيت بيها الكمسنجى شال منى 300 الف وقال دى العموله اديتا ليهو بعد نقه وقلتا ليهو خلاس اشتت قال لى تشتت وين يافرده الاوراق امشى مكتب المحليه وضرايب سواكن عشان تطلع المنفستوووووووووووو
ناس المحليه شالو ميه بس وناس الضرايب شالو ميه وخمسين حتى ادونى منفستو
قلتا للكمسنجى خلاس اشتت قال لى لا لسه طلعت كرت التفتيش ودفتر ادارة البترول قلتا ليهو لا قال لى تشتت وين من اول تفتيش برجعوك قمت تانى مشيت ادارة البترول فى بورسودان ركبت تكسى من سواكن عشان العربيه الشحنت من بورسودان للخرطوم ناس مكافحة التهريب مابخلوها تمشى الا اتجاه الخرطوم ودفتر ب35 الف من البترول وكرت ب20 الف من المرور السريع وقلنا خلاص
لما جيت ميزان سواكن ناس المرور قطعوا لى 3 ايصالات ب90 الف وناس الهدف فى العبور شالوا منى 16 الف ونص رسوم عبور وكبيت كم سواكن للخرطوم 200 لتر ديزل ب 200 الف كمان فى رقع بترقعا فى الطريق انت وزوقك مابين الف والفين الى خمسه
أها احسبوا باقى لى كم من اول منفستو؟؟؟؟؟؟؟؟
بالله عليكم فى أحلى من كده؟؟؟؟؟

[التيمان]

هههههههههه
كان تشتر همبوبه تجيبها معاك
لو اتزنقت انفخها وطرشها
واصل من غير فواصل

[mahagoub]

ده المخوف الناس من الرجوع للسودان
كويس طلعت بحق الديزل والوجبات

[بحيرى]

والله حمد لله على السلامه
ياخى
فى واحد قبل كده عمل عمليتك دى
وصل البيت بيد العفريته بس
الدفار زاتو باعو

[صلاح ودالطاهر]

عبدالمنعم واصل خلينا نستمتع بالدفار

[عبدالمنعم الصديق(خدرا)]

327]هههههههههه
كان تشتر همبوبه تجيبها معاك
لو اتزنقت انفخها وطرشها
واصل من غير فواصل
التيمان
احييك ايها الحبيب
لكن ماقلتا لى
الهمبوبه ابرسى ولا امان؟؟؟؟
شكرا على المرور ياحبيب
الفواصل ضروريه عشان الدعايه وكده[/color]

[عبدالمنعم الصديق(خدرا)]

ده المخوف الناس من الرجوع للسودان
كويس طلعت بحق الديزل والوجبات
جوبا عليك الله ماتخاف
والله السودان بالف ومليون خير.....رغم انف......
ناس المرور
وناس الضرايب
وناس الجبايات
السودان بالف خير رغم انف كل المارقوت القاعد يمص فى دمنا
انا هسى جيت راجع عشان اشيل لى لساتك معاى
لساتك العربيه كملن فى سته شهور رغم انهن برجستون وسلك وجداد عارف ليه ؟؟؟
عشان شوارعنا سمحه ومافيها ولا حفره
عساكر الحركه اطيب ناس ومابقطعوا ايصال لاى زول
وانا لو قدرت ادبر حق اللساتك فى السودان ماكان جيت راجع تانى السعوديه
ورغم كده بلدنا احلى بلد وناسنا احسن ناس

[عبدالمنعم الصديق(خدرا)]

والله حمد لله على السلامه
ياخى
فى واحد قبل كده عمل عمليتك دى
وصل البيت بيد العفريته بس
الدفار زاتو باعو
بحيرى
التحايا والاشواق
انا لو مارجعت كنت يد العفريته زاتا مالميت فيها
ولكن رغم كل المستحيل الممكن يبقى فى القلب وامام الرآئى شى من حتى
وبكره نكون احسن ناس

[عبدالمنعم الصديق(خدرا)]

عبدالمنعم واصل خلينا نستمتع بالدفار
استاذ صلاح
والله مشتاقين عدييييل كده
اصبر لى والله تستمتع جنس متعه

[ود المطامير]

الحبيب

ياخ أنا مساهر للصباح منتظرك تكب الحلقه الجديده

هع هع

[ود المطامير]

\
انا هسى جيت راجع عشان اشيل لى لساتك معاى
لساتك العربيه كملن فى سته شهور رغم انهن برجستون وسلك وجداد عارف ليه ؟؟؟

أيوه أنا عارف

ما عشان الكلام اللى إنت قلتو شوارع وشرطة مرور وكدا لا لا

علشان إتا فراملك كتيره

من تشوف السمحه تقدل تل تدق فرامل ;)

[mahagoub]

كده يعنى الشغلانيه ما مخارجه
لو حق اللساتك ما بتطلعوا

[عبدالمنعم الصديق(خدرا)]

اخوتى النفاجه الاعزاء على قلبى
تحياتى
مشيت ابحت فى الكراتين القديمه بتاعت السنه الفاتت وطلعت بالبوست دا نفضت منو الغبار
وهسى عايز اواصل فيهو رايكم شنو؟
مشيت عديت لى سته شهور فى السعوديه
وهسى رجعت ورخصت ونفضت التراب ويالظلط جاك زول
زى ماقلت ليكم ودتنى اللساتك جبت معاى سته لساتك وبطاريتين اى سى دلكو
فحصت وامنت ورخصت
اول رحلة كانت الدمازين..............
نواصل

[mahagoub]

الدمازين دى جيتا بى وين ؟؟
تياره انت