*** عذراً أفتيموس ,,, لن أستمع إليك *** [الأرشيف]

العاقب مصباح

17-12-2010, 12:32 PM

عذراً على ما يُقال هى فقط وجهة نظر
يرتفع ضغطى كثيراً , لا أدرى إلى أى درجة يصل وهل يتجاوز ال 200 /180 أم لا ولكنه بالتأكيد يرتفع ,,
يرتفع حين يرى تقزمنا , حين يرى هرولتنا ناحية شئ لا يستحق ,, ناحية المدعوة ( زينة أفتيموس )
لم أستمع إلي هذه المغنية الصاعدة على كتف الرائع الكاشف وعلى أكتافنا نحن البسطاء
نعم بسطاء وسٌذج أيضاً , إن رأينا أن ثوبنا هو الأجمل حين يرتديه غيرنا ,,
ربما إحتفالاتنا بها تجاوزت المعقول واللا معقول , وهى لم تفعل شيئاً ,,
ترى كم من الفنانين السودانيين غنوا أغانى عربية , ولم يعنوا للدول التى تغنينا بها أى شئ
ترى كم من فنان سودانى غنى باغنية أجنبية وظلت حبيسة الحفلات فقط , ربما يستخدمها فى إحدى حفلات الأفراح
هل سمعتم أن (محمد الأمين ) تم الإحتفاء به لأنو غنى أغنية ( يا ناعم العود )
لم تسمعوا ولن تسمعوا , لأنهم يرون أن أغانيهم هم فقط من يجيدها وهذه حقيقة
ولكن نحن , نحن ربما ضعفاء , وناقصى ثقة فى أنفسنا
نرى تهافت الإعلام عندنا وإحتفاءه بتلك المغنية , أكثر من إحتفاءه بإبراهيم الكاشف نفسه ,,
أتسائل أحياناً , تُرى ماذا لو غنى عبد الحليم حافظ بأغنية ((بناديها ))
ماذا لو غنى جورج وسوف بأغنية(( عم عبد الرحيم ))
ماذا لو رددت فيروز (( بتقولى لا ))
كيف كنا سنتصرف , ؟؟
ربما تقتلنا الصدمة ,, أو على الأقل سنمنحهم الجنسية السودنية ووسام رئاسة الجمهوية من الطبقة الأولى ,,
رايتم إلى أى حد نحن نُصغر أنفسنا أمام الأخرين بصورة مخزية ؟؟؟
رأيتم كيف نحن ضعفاء وفاقدى ثقة أمام العرب ,؟؟؟
رأيتم كيف نحن مصابين بعقدة العرب ؟؟
صدقونى هذا هو الوقت الوحيد الذى شعرت فيه بعدم صدقية أننا عرباً ,,
إننا شعب من فاقدى الهوية ,, شعب مصاب بنقص فى جينات الإكتمال بنفسه , والإعتزاز بنفسه ,,
حاشية :- حينما سألوا هذه المغنية أفتيموز عن الذى أعجبها فى الأغنية قالت لا تعلم هى فقط أهداها لها صديق )) ولا تعليق ,,,
تًرى هل تستحق هذه الزينة كل الذى نفعله لأجلها ,,
أن نسخر إعلامنا لها ؟؟ بهذه الصورة المبالغ فيها ألا يُعد هذا مسخرة ؟؟؟

مع كل الحب لكم ,,

التيمان

17-12-2010, 04:18 PM

عجبنا الشعر الفاكي
واللون الابيض ده سااكت
يا ود اخوي نحن هنا ما منتهين يااخ
والله كلامك صح
لكن نعمل شنو
الحبش سااي عملو ليهم فرقه بنخش النفر بي عشره الف
يابه الشغله قشرات سااي

mahagoub

17-12-2010, 08:14 PM

لاننا شعب مقلد
نغنى لكل من هب ودب
وبفرحه نتناول تلك الاغانى
فعندما يغنى احد اى لحن سودانى
نفرح كأننا وصلنا للعالميه

بت أم درمان

17-12-2010, 09:20 PM

معليش يا العاقب
استمع ليها البت السورية دي
معقولة تعبت وحفظت وغنت
وتجي تقول لن استمع إليكي أفتيموس
ما صاح منك الكلام دا والله

طيب ممكن أسئلك هي الأغنية السودانية لي ما منتشرة ؟
لي ما بيعرفوها العرب ؟
حتى ولو بدرجة بسيطة ؟
مش لأننا شعب مسكين أو مغلوب على أمره
لآن الشعب السوداني قنوع جدا
راضين بان الفن السوداني يكون محصور داخل الحدود السودانية
ومستمتعين براااما بفننا المميز العاجبنا
وين شفت ليك أغنية سودانية مذاعة في اي قناة عربية ؟
وفي اي قناة شفت مسلسل سوداني بذيعيوهو والناس تابعوهو

كان علي انا لا أؤيد ان اغانينا ومسلسلاتنا
تذاع في الوقت الحالي وهي بشكلها المخجل دا
(الشكل مهم برضو انت قايل شنو )تصوير واخراج واداء
لذلك لا ضير من ان تغني افتيموس ومثيلاتها اغانينا
ويعرف الناس أن الأغنية سودانية

همـ سة : الخط واضح ولا اكبر أكتر :rolleyes:

سروية

18-12-2010, 12:06 AM

وعزراً عقبة ...

وتااني بقول ليك ...

عندما تصمت النسور تبدأ الببغاوااات بالثرثرة

مدنيّة

18-12-2010, 02:41 AM

عجبني جدا البوست والرأي دا منك يا العاقب
لانك زول ذوااااااق

--------
للاسف يا العاقب
دائما "حقنا" ما بيعجبنا
ماعارفة ليه!! :(

العاقب مصباح

18-12-2010, 09:09 PM

عجبنا الشعر الفاكي
واللون الابيض ده سااكت
يا ود اخوي نحن هنا ما منتهين يااخ
والله كلامك صح
لكن نعمل شنو
الحبش سااي عملو ليهم فرقه بنخش النفر بي عشره الف
يابه الشغله قشرات سااي

لكن يا التيمان الشعب كله منتهى ؟؟؟

والصورة خادعة يا صاحبى

لو غنت سورى اتكبكب ساى وما عندك اى مشكلة

بس غنانا سمح فى خشم سيدو

العاقب مصباح

18-12-2010, 09:11 PM

لاننا شعب مقلد
نغنى لكل من هب ودب
وبفرحه نتناول تلك الاغانى
فعندما يغنى احد اى لحن سودانى
نفرح كأننا وصلنا للعالميه

العالمية يا عم محجوب ما بنصلها بالطريقة دى زى ما هم بيعتقدوا

حاولو فى قناة الشروق يجيبو مزيعات عربيات عشان يحدثوا نقلة نوعية فى شنو ما عارف

وبرضو النتيجة صفر كبيييييييييير

العاقب مصباح

18-12-2010, 09:20 PM

معليش يا العاقب
استمع ليها البت السورية دي
معقولة تعبت وحفظت وغنت
وتجي تقول لن استمع إليكي أفتيموس
ما صاح منك الكلام دا والله

:rolleyes:

سلامات بت امدر
السمعو ليها كوتاااااااار اخدو نصيبهم ونصيبى
واسمعى لى معاك مرة واحدة دون تكرار :p:p

طيب ممكن أسئلك هي الأغنية السودانية لي ما منتشرة ؟
لي ما بيعرفوها العرب ؟
حتى ولو بدرجة بسيطة ؟
مش لأننا شعب مسكين أو مغلوب على أمره
لآن الشعب السوداني قنوع جدا
راضين بان الفن السوداني يكون محصور داخل الحدود السودانية
ومستمتعين براااما بفننا المميز العاجبنا
وين شفت ليك أغنية سودانية مذاعة في اي قناة عربية ؟
وفي اي قناة شفت مسلسل سوداني بذيعيوهو والناس تابعوهو

سبب عدم إستماعنا لأنو العرب ذائقتهم السمعية شبه خربة , يُعجبون بالشكل العام أو الصورة وهذا من ناحية

من ناحية أخرى عدم فهمهم لأغنيتنا وهذا غباء منهم لأنهم لم يجربوا الإستماع حتى يحكموا بعدم فهمهم

هنالك فنانين سوادنيين تغنوا بكلمات من شعراء عرب قدامى وليس من جيل اليوم

وهذا ما يكذب معتقدهم ,,

كان علي انا لا أؤيد ان اغانينا ومسلسلاتنا
تذاع في الوقت الحالي وهي بشكلها المخجل دا
(الشكل مهم برضو انت قايل شنو )تصوير واخراج واداء
لذلك لا ضير من ان تغني افتيموس ومثيلاتها اغانينا
ويعرف الناس أن الأغنية سودانية

المشكلة هنا يا بت امدر
يعنى الشكل كيف ؟؟؟ زى اغانى طه سليمان الأخيرة دى يجيب ليهو (أنثى) ترتدى ما خف وزنه وشف لونه ؟؟؟
وتقعد تتمايل فى الأغنية والموضوع يتطور ؟؟
دا ما حل يا بت امدر موضوع الشكل ,, نجيد الإستماع بدرجة مهولة نحن كشعب سودانى

[SIZE="4"]همـ سة : الخط واضح ولا اكبر أكتر[/
SIZE]

الخت لو كبرتيهو تانى تكونى ما قصرتى هههه الايام دى النظر اتحسن ياخ صغرى ساى

بحيرى

18-12-2010, 09:22 PM

هى غقدة الدونويه
لا لامين عرب لا لامين افارقه
والله شئ اغيظ
ان نكون بلا كينونه

العاقب مصباح

18-12-2010, 09:26 PM

وعزراً عقبة ...
وتااني بقول ليك ...
عندما تصمت النسور تبدأ الببغاوااات بالثرثرة

صدقتى يا سروية ,, النسور أسكتوها , ليأتو بصوت نشاذ ,,,

لك كل الإحترام

العاقب مصباح

18-12-2010, 09:31 PM

عجبني جدا البوست والرأي دا منك يا العاقب
لانك زول ذوااااااق

--------
للاسف يا العاقب
دائما "حقنا" ما بيعجبنا
ماعارفة ليه!! :(

دا شعور بالنقص فينا يا مدنية ,, بنحاول نكتمل بى أفعال زى دى ,,

لو الفنانة السودرية دى قعدت ليها شهر فى السودان كان حيكون كارثى ,, لأنها حتى هى مخلوعة ,,

أجمل وأغلى عروس كانت حتقول حفلتى لازم تكون بى أفتيموس

العاقب مصباح

18-12-2010, 09:33 PM

هى غقدة الدونويه
لا لامين عرب لا لامين افارقه
والله شئ اغيظ
ان نكون بلا كينونه

مشكلتنا إننا وقعنا فى المنتصف

كان يمكن لنا أن نكون سادة أفريقيا

ولكن لم نرضى بذلك وأتبعنا عروبتنا فقط

تغريدا

18-12-2010, 09:41 PM

عذراً على ما يُقال هى فقط وجهة نظر
يرتفع ضغطى كثيراً , لا أدرى إلى أى درجة يصل وهل يتجاوز ال 200 /180 أم لا ولكنه بالتأكيد يرتفع ,,
يرتفع حين يرى تقزمنا , حين يرى هرولتنا ناحية شئ لا يستحق ,, ناحية المدعوة ( زينة أفتيموس )
لم أستمع إلي هذه المغنية الصاعدة على كتف الرائع الكاشف وعلى أكتافنا نحن البسطاء
نعم بسطاء وسٌذج أيضاً , إن رأينا أن ثوبنا هو الأجمل حين يرتديه غيرنا ,,
ربما إحتفالاتنا بها تجاوزت المعقول واللا معقول , وهى لم تفعل شيئاً ,,
ترى كم من الفنانين السودانيين غنوا أغانى عربية , ولم يعنوا للدول التى تغنينا بها أى شئ
ترى كم من فنان سودانى غنى باغنية أجنبية وظلت حبيسة الحفلات فقط , ربما يستخدمها فى إحدى حفلات الأفراح
هل سمعتم أن (محمد الأمين ) تم الإحتفاء به لأنو غنى أغنية ( يا ناعم العود )
لم تسمعوا ولن تسمعوا , لأنهم يرون أن أغانيهم هم فقط من يجيدها وهذه حقيقة
ولكن نحن , نحن ربما ضعفاء , وناقصى ثقة فى أنفسنا
نرى تهافت الإعلام عندنا وإحتفاءه بتلك المغنية , أكثر من إحتفاءه بإبراهيم الكاشف نفسه ,,
أتسائل أحياناً , تُرى ماذا لو غنى عبد الحليم حافظ بأغنية ((بناديها ))
ماذا لو غنى جورج وسوف بأغنية(( عم عبد الرحيم ))
ماذا لو رددت فيروز (( بتقولى لا ))
كيف كنا سنتصرف , ؟؟
ربما تقتلنا الصدمة ,, أو على الأقل سنمنحهم الجنسية السودنية ووسام رئاسة الجمهوية من الطبقة الأولى ,,
رايتم إلى أى حد نحن نُصغر أنفسنا أمام الأخرين بصورة مخزية ؟؟؟
رأيتم كيف نحن ضعفاء وفاقدى ثقة أمام العرب ,؟؟؟
رأيتم كيف نحن مصابين بعقدة العرب ؟؟
صدقونى هذا هو الوقت الوحيد الذى شعرت فيه بعدم صدقية أننا عرباً ,,
إننا شعب من فاقدى الهوية ,, شعب مصاب بنقص فى جينات الإكتمال بنفسه , والإعتزاز بنفسه ,,
حاشية :- حينما سألوا هذه المغنية أفتيموز عن الذى أعجبها فى الأغنية قالت لا تعلم هى فقط أهداها لها صديق )) ولا تعليق ,,,
تًرى هل تستحق هذه الزينة كل الذى نفعله لأجلها ,,
أن نسخر إعلامنا لها ؟؟ بهذه الصورة المبالغ فيها ألا يُعد هذا مسخرة ؟؟؟

مع كل الحب لكم ,,

العاقب لك منى تحايا الود والأحترام أبصم معاك بالعشرة بس برضوا فى ناحية أيجابية كمان أنه العالم عرف أنه عندنا أبداع ومبدعين وبجيك تااااااااااااااااااانى

بت أم درمان

18-12-2010, 10:18 PM

سلامات بت امدر
السمعو ليها كوتاااااااار اخدو نصيبهم ونصيبى
واسمعى لى معاك مرة واحدة دون تكرار :p:p

سبب عدم إستماعنا لأنو العرب ذائقتهم السمعية شبه خربة , يُعجبون بالشكل العام أو الصورة وهذا من ناحية

من ناحية أخرى عدم فهمهم لأغنيتنا وهذا غباء منهم لأنهم لم يجربوا الإستماع حتى يحكموا بعدم فهمهم

هنالك فنانين سوادنيين تغنوا بكلمات من شعراء عرب قدامى وليس من جيل اليوم

وهذا ما يكذب معتقدهم ,,

المشكلة هنا يا بت امدر
يعنى الشكل كيف ؟؟؟ زى اغانى طه سليمان الأخيرة دى يجيب ليهو (أنثى) ترتدى ما خف وزنه وشف لونه ؟؟؟
وتقعد تتمايل فى الأغنية والموضوع يتطور ؟؟
دا ما حل يا بت امدر موضوع الشكل ,, نجيد الإستماع بدرجة مهولة نحن كشعب سودانى

[SIZE="4"]همـ سة : الخط واضح ولا اكبر أكتر[/
SIZE]

الخت لو كبرتيهو تانى تكونى ما قصرتى هههه الايام دى النظر اتحسن ياخ صغرى ساى

اول شي ابيت ما بسمع ليك
كل زول يسمع لي روحو :)

تاني شي العرب ذائقتهم السمعية ما خربة ولا شبه خربة زي ما بتقول
لكن هم وين لقو الفن والطرب السوداني عشان يسمعوهو ؟
ودينا ليهم وهم قالو لا ما بنسمع ؟ فرضنا عليهم ورفضو ؟
الرحابنة فيروز وردة ميادة اييييي فنان عربي
كيف انتشرت اغانيهم ؟
بالجهد والانتشار سواء من خلال المهرجانات او اقامة حفلات في الدول
او الكاستات وتوزيعها
مافي زول بمشي للمغني المغني هو البجي وبفرض نفسه

اما عدم فهم الاغنية السودانية ما بيرجع لذائقتهم
بيرجع لفرض اغنيتنا عليهم
كل شي في الدنيا تعود ونحن ما عودناهم
الاذن عموما اتعودت على المصري واللبناني والسوري
ودا الفارض نفسو عموما من زمان

اما الشكل ما عنيت به الفيديو كلب
بالعكس نحن اذا شفنا اغنية ساي في التلفزيون
كيف بتكون استديوهات زي الناس ساي مافي
الزول تلقاهو واقف يغني وعرقو ينقط

لكن في النهاية بنحب فننا وغنانا وما بناباهو

ياخي غلطت البت عشان غنت
اسمر جميل عاجبني لونو

اهدوها ليها وعجبتا وغنتا
خاصة انها قالت السلم البغنو بيهو صعب
ودا في حد ذاتو نقطة في صالحنا

ود المطامير

18-12-2010, 10:34 PM

العاقب آخوى .. مشتااااقين وحات الله

فين يا أسمر أسمر جميل

العاقب آخوى .. زينه الزينه كتر خيرها آخوى ;)

ود المطامير

18-12-2010, 10:35 PM

عجبنا الشعر الفاكي
واللون الابيض ده سااكت
يا ود اخوي نحن هنا ما منتهين يااخ
والله كلامك صح
لكن نعمل شنو
الحبش سااي عملو ليهم فرقه بنخش النفر بي عشره الف
يابه الشغله قشرات سااي
إتا يا أخوى

يوم بسحروك ليا ;)

عبدالرحمن مدثر

18-12-2010, 10:38 PM

موش دى البت بتاعت استار اكاديمى زينة الخلاطة ديك

صراحة وجودها فى السودان جمل من دواخلها ومحياها

البت صوتها جميل ياصبحى ياخ ماتكابر ساى

بس زى ماقال العقاد فى حتة كدا انو لو غنى معاها

عصام محمد نور كان وصلنا للعلالى من خلال التطريب الاصيل

نحن بسطاء (اى نعم ) لكننا نبعد عن السذاجة ياصبحى

نحن قوم نعرف (كيف نحتفى بالاخر ) وتزيد بساطتنا الاحتفاء بان

نترك له كل الاضواء وكل المسرح ..

وفرق شاسع بين زينة فى استار اكاديمى

وبين زينة التى عشقنا صوتها وهى تغنى فى قاعة الصداقة

هم يؤسسون للتبرج

ونحن نقدمها ومعها متعة الحشمة والتوب الجميل

عذرا ياصبحى .. استمتعت لهذه الزينة .. فاتكيفت جدا

ماتجى نسمعها تانى من زاوية اخرى

خربشة اخيرة

فى تفاصيل فى النص كدا انا معاك فيها

ود المطامير

18-12-2010, 10:38 PM

عجبني جدا البوست والرأي دا منك يا العاقب
لانك زول ذوااااااق

--------
للاسف يا العاقب
دائما "حقنا" ما بيعجبنا
ماعارفة ليه!! :(

مدنيه

القال ليك منو حقنا ما بعجبنا

وحات الله الأغنيه دى يوم يغنيها الكاشف السودان كلو بيطرب

ويوم غنتها ... زينه .. بتطربنا نحنا الشباب هع هع

علشان كل واحد بيفتكر قاصداهو هو

النويري

18-12-2010, 10:41 PM

العاقب صباحاتك بطعم التوت يا عزيزي

تحية لكل المشاركين في هذا البوست الذي يتناول قضية هامة ليست وحدها زينة وإنما قضية فن وتاريخ وثقافة شعب بأكمله لم يتستطيع أن يوصل للعالم أو من حواليه عن نمط الحياة التي يعيشها فقط ما يعرف عن السودان قضية الجنوب ودارفور والمجازر والمشاكل العرقية والفقر والمجاعات والتخلف إلى هذه اللحظة لايعرف الكثيرون أن النيل العظيم الذي تشتهر به مصر هو يمر عن طريقنا ليصل إليها دعنا من هذا كله
العاقب دعني أختلف معك قليلاً في هذا البوست السودان إن لم يجد ترويج لفنه عن طريق تكرار هذا الفن من قبل فنانين من خارج الوطن فلن ينجح لدينا مشاكل في اللغة والنطق وفهم الأخر لنا ولدينا مشاكل في اللبس والأناقة خلينا نكون صريحين لا نستطيع مجاراة العالم ونحن نحمل كل هذه المشاكل العالم كما قلت لا يريد أن يسمع شيء سوداني في حين أنه لو أستمع إليه لوجد متعة كبيرة لن يجدها في أي فنان عربي ولا أتكلم عن طه وحمادة بت بل عن جيل العمالقة هنالك أغاني كثيرة سودانية تغنى بها محمد منير ووجدت شعبية كبيرة وعالمية وكل ما من شأنه أن يساعد في إنتشار هذا الفن السوداني الأصيل فهو مرحب به من زينة من غير زينة المهم الناس تعرف أنو في فن سوداني والحمد لله إنها غنت لقامة كبيرة ذي الكاشف ولو كانت غنت لطه والأشكال دي كانت تكون كارثة
العاقب عندي كلام كتير في الموضوع دا وبرجع ليك بي رواقة

الزونية

18-12-2010, 10:45 PM

فلتغني أفتيموس ماشاء لها مما أعجبها من غناء سوداني..
ولنستمع كل حسب منظوره ووجهة نظره وحسه السمعي .
إنما أن نقيم الدنيا ونقعدها لأن فلان أو فلانة تغنى بأغانينا
هذا شعور بالدونية وفوقيتهم...
تغني وتروح لحالها....
فقد تغنى الكثيرون من العمالقة السودانيون بأغنيات بكل اللهجات العربية

وأتقنوها وأجادوها أكثر من أصحابها
من عارهم إنتباه...؟؟؟؟
لمّ نعطي الآخرين مقاما أكبر بينما هم يقزموننا في كل المحافل
ولا يعترفون أصلا بعروبتنا....
وهذا الطيب عبد الماجد والذي أعطاها شرف ان تكون سفيرة للأغنية السودانية
ياناس بطلو إستنقاصكم لأنفسكم..

بت أم درمان

18-12-2010, 10:54 PM

بس زى ماقال العقاد فى حتة كدا انو لو غنى معاها

عصام محمد نور كان وصلنا للعلالى من خلال التطريب الاصيل

فعلا انا قلت كدا برضو
لكن ما هنا
ان اذا غنا معاها عصام محمد نور
او جمال فرفور
كانت ح تكون ابداع

مدنيّة

18-12-2010, 10:55 PM

مدنيه

القال ليك منو حقنا ما بعجبنا

عروة سلاماااات
انا واثقة انك انت بيعجبك كل ما هو سوداني
لكن كلامي عن الغالبية من السودانيين
بيعجبنا حق الغير اكتر ما بيعجبنا حقنا
وكلامي دا ما عن افتيموس تحديدا
كلامي بصورة عامة

العاقب مصباح

18-12-2010, 10:55 PM

العاقب لك منى تحايا الود والأحترام أبصم معاك بالعشرة بس برضوا فى ناحية أيجابية كمان أنه العالم عرف أنه عندنا أبداع ومبدعين وبجيك تااااااااااااااااااانى
سلامات تغريد وعساك بألف خير ياااااا رب
لم يسمع أحد عنا , حتى أنهم لا يستمعون إلى من غنت أقول هذا بكل ثقة

هى ربما مغنية ناشئة , لن تفيد فى شئ ,,

كل الذى فعلته كان من قبيل الصدفة

ولم تصدق هى حتى ما يجرى لها

صدقينى لا توجد أى فائدة

غير الكبكبة المحرية فينا

مع إحترامى

nehroo

18-12-2010, 11:05 PM

تسلم يا عقبة
مشكلتنا مافي غنانا ولا إبداعنا ولا في افينوس نفسها
عرفنا في السودان افينوس رغم انها مبتدئة وصغيرة
عبر الميديا فهم يعرفون كيف يسوقوا لفنهم ولبلادهم
في حين لم يعرف أقرب الأقربين عن السودان شيئاً
حتى الكثير من أهل الدول العربية القريبة يعتقدون أن
الأسود والنمور تجوب شوارع الخرطوم
ومشكلتنا إعلامنا يتولى أمره من ليس أهل لذلك
التلفزيون القومي قدم الدعوة للصغيرة أفينوس للحضور للسودان
وهو نفس التلفزيون الذي حارب كبار عمالقة الفن السوداني
حارب هذا التلفزيون العملاق محمد الأمين وحارب أبوعركي ووردي
وبقية العمالقة ووصل في بعض الأوقات لمسح أغانيهم من مكتبة التلفزيون
هو نفس التلفزيون الذي يروج لأفينوس ويستقبلها عند سلم الطائرة
التي تحمل سيادتها للخرطوم وشاهدت ذلك عبر شاشة تلفزيون السودان
إستقبال من سلم الطائرة مروراً بصالة كبار الزوار ومراسم وسيارات
يفتح لها باب السيارة أحدهم ويغلقه (كبكبة شديدة)
يوم إستقبالها شاهدتها تتحدث بأنها (مخلوعة) من الإستقبال والكبكبة
كمية من اللقاءات تمت معها خلال هذه الفترة ويوميا تشاهدها على الشاشة
والمحزن يوم وداعها سألتها إحدي مزيعات التلفزيون:
ما هو الشي الذي جزبك لتغني أغنية العملاق الكاشف
ردت: لا بس هيك .. عرضها علي صديق !!!!

ما كان أجدى يا تلفزيون السودان أن توفر هذا الجهد والمال والمساحة
لأحد عمالقة مبدعينا ليعكس وجه السودان تصاحبه فرقة موسيقية بمواصفات راقية
حتى يوم الختام عندما غنى حمد الريح كان العرض متواضعاً
والفرقة الموسيقية كانت فيها كمنجة (منشزة)
قلبي معكم عمالقة مبدعينا تلفزيوننا بدل أن يكون لكم أصبح لغيركم
ووضح لي لماذا هاجر السواد الأعظم من الفنانين للخارج
قبل يومين كانت هناك سهرة على النيل الأزرق تستضيف المبدعين
الموصلي وعلي السقيد والبلابل
فقلت لمن بجانبي الملاحظ أن جميعهم مهاجرين
وربما يحملون جوازات دول أجنبية لطول مدة هجرتهم التي أجبرتهم الظروف لها

العاقب مصباح

18-12-2010, 11:28 PM

اول شي ابيت ما بسمع ليك
كل زول يسمع لي روحو :)

تاني شي العرب ذائقتهم السمعية ما خربة ولا شبه خربة زي ما بتقول
لكن هم وين لقو الفن والطرب السوداني عشان يسمعوهو ؟
ودينا ليهم وهم قالو لا ما بنسمع ؟ فرضنا عليهم ورفضو ؟
الرحابنة فيروز وردة ميادة اييييي فنان عربي
كيف انتشرت اغانيهم ؟
بالجهد والانتشار سواء من خلال المهرجانات او اقامة حفلات في الدول
او الكاستات وتوزيعها
مافي زول بمشي للمغني المغني هو البجي وبفرض نفسه

اما عدم فهم الاغنية السودانية ما بيرجع لذائقتهم
بيرجع لفرض اغنيتنا عليهم
كل شي في الدنيا تعود ونحن ما عودناهم
الاذن عموما اتعودت على المصري واللبناني والسوري
ودا الفارض نفسو عموما من زمان

اما الشكل ما عنيت به الفيديو كلب
بالعكس نحن اذا شفنا اغنية ساي في التلفزيون
كيف بتكون استديوهات زي الناس ساي مافي
الزول تلقاهو واقف يغني وعرقو ينقط

لكن في النهاية بنحب فننا وغنانا وما بناباهو

ياخي غلطت البت عشان غنت
اسمر جميل عاجبني لونو

اهدوها ليها وعجبتا وغنتا
خاصة انها قالت السلم البغنو بيهو صعب
ودا في حد ذاتو نقطة في صالحنا

خلين امسك آخر نقطة با بت امدر

اى نقطة الفى صالحنا

معقولة نحن وصلنا لدرجة نفتش ونستجدى الناس تسمع لينا ؟؟؟

انا ضد إنتشار اغنيتنا بالصورة دى

أحسن يفضل حبيس أمزجتنا المثقفة بدل أن يتطور بالصورة دى يا بت امدر

العاقب مصباح

18-12-2010, 11:32 PM

العاقب آخوى .. مشتااااقين وحات الله

فين يا أسمر أسمر جميل

العاقب آخوى .. زينه الزينه كتر خيرها آخوى ;)

عروة مشتاقين يا زول من الزمن الجميل

يا عروة رقصة بطانة وعرضة لا تقول زينة ولا وزينة مش كدا ,,,

العاقب مصباح

18-12-2010, 11:41 PM

موش دى البت بتاعت استار اكاديمى زينة الخلاطة ديك

صراحة وجودها فى السودان جمل من دواخلها ومحياها

البت صوتها جميل ياصبحى ياخ ماتكابر ساى

بس زى ماقال العقاد فى حتة كدا انو لو غنى معاها

عصام محمد نور كان وصلنا للعلالى من خلال التطريب الاصيل

نحن بسطاء (اى نعم ) لكننا نبعد عن السذاجة ياصبحى

نحن قوم نعرف (كيف نحتفى بالاخر ) وتزيد بساطتنا الاحتفاء بان

نترك له كل الاضواء وكل المسرح ..

وفرق شاسع بين زينة فى استار اكاديمى

وبين زينة التى عشقنا صوتها وهى تغنى فى قاعة الصداقة

هم يؤسسون للتبرج

ونحن نقدمها ومعها متعة الحشمة والتوب الجميل

عذرا ياصبحى .. استمتعت لهذه الزينة .. فاتكيفت جدا

ماتجى نسمعها تانى من زاوية اخرى

خربشة اخيرة

فى تفاصيل فى النص كدا انا معاك فيها

يا خرباش نحن اى واحدة عربية ولا اجنبية بنشوف صوتها جميل

ما حصل لقينا واحدة صوتها ردئ

بنسمع اى واحدة

لو سألت ليك اى شافع ولا شافعة فنانك المفضل منو حيقول ليك فنان عربى لمن راسك يشيب وبتكون انت ما بتعرفو

مرة زمااااان كدا ولد اخوى كان جاى من الخليج وهو عمره تقريباً عشر سنوات

قمت اتشيطنت كدا وقت اشترى لى شريط اغانى عربية واديها ليهو

اها اشتريتو لما وديتو لقيتو حافظهن كلهن

الود خلى خشمى ملح ملح

خرباش غنانا دا لو خليناهو لينا برانا مش احسن

بدل الكبكبة والجرى دا كان نتكبكب فى ابو عركى ولا ود الامين

كانوا بيطربونا لمن شمسنا تطلع

وبالنسبة للتفاصيل امسحها فى وشنا الواحد محروق ياخ

ود المطامير

18-12-2010, 11:47 PM

عروة مشتاقين يا زول من الزمن الجميل

يا عروة رقصة بطانة وعرضة لا تقول زينة ولا وزينة مش كدا ,,,
أى والله آلعاقب أخوى عرفت لى تب

العاقب مصباح

19-12-2010, 05:48 AM

العاقب صباحاتك بطعم التوت يا عزيزي

تحية لكل المشاركين في هذا البوست الذي يتناول قضية هامة ليست وحدها زينة وإنما قضية فن وتاريخ وثقافة شعب بأكمله لم يتستطيع أن يوصل للعالم أو من حواليه عن نمط الحياة التي يعيشها فقط ما يعرف عن السودان قضية الجنوب ودارفور والمجازر والمشاكل العرقية والفقر والمجاعات والتخلف إلى هذه اللحظة لايعرف الكثيرون أن النيل العظيم الذي تشتهر به مصر هو يمر عن طريقنا ليصل إليها دعنا من هذا كله
العاقب دعني أختلف معك قليلاً في هذا البوست السودان إن لم يجد ترويج لفنه عن طريق تكرار هذا الفن من قبل فنانين من خارج الوطن فلن ينجح لدينا مشاكل في اللغة والنطق وفهم الأخر لنا ولدينا مشاكل في اللبس والأناقة خلينا نكون صريحين لا نستطيع مجاراة العالم ونحن نحمل كل هذه المشاكل العالم كما قلت لا يريد أن يسمع شيء سوداني في حين أنه لو أستمع إليه لوجد متعة كبيرة لن يجدها في أي فنان عربي ولا أتكلم عن طه وحمادة بت بل عن جيل العمالقة هنالك أغاني كثيرة سودانية تغنى بها محمد منير ووجدت شعبية كبيرة وعالمية وكل ما من شأنه أن يساعد في إنتشار هذا الفن السوداني الأصيل فهو مرحب به من زينة من غير زينة المهم الناس تعرف أنو في فن سوداني والحمد لله إنها غنت لقامة كبيرة ذي الكاشف ولو كانت غنت لطه والأشكال دي كانت تكون كارثة
العاقب عندي كلام كتير في الموضوع دا وبرجع ليك بي رواقة

سلامات يا غالى وعساك بألف خير ياااااااا رب
السودان مهضوم حقه , لدرجة البؤس , ولكن هذه التصرفات لا تفيدنا فى شئ
إن كنا نتكبكب وروحنا تطلع عشان أفتيموس يبقى كل البيحصل لينا حق
قصتنا تشبه ذلك الفقير الذى ورث مبغاً كبيراً جداً أكبر من أحلامه
أحتار الناس فى الطريقة التى سيوصولون بها الخبر
لذا قرروا أن يقولو المبلغ من إبتداء من جنيه حتى يصلوا للرقم الفعلى
ولكنه مات حين وصل للآخر ولم يستفد شيئاً منه
لذا سنرضى بالجنيه الواحد , لأننا فقراء ,,
لك كل المودة والحب والإحترام صديقى الجميل

محمد حسين (المميز)

19-12-2010, 09:01 AM

ياعقبــه .. مالك على البت

عليك الله مش كتر خيرها انها جات غنت اغنيه سودانيه

بالتأكيد لن تستطيع اجادتها بما هو مطلوب ولكن يكفيها شرف المحاوله والمشاركة

فهي لاسودانيه ولا عندها علاقه بالفن السوداني وارى ان ادائها جيد جدا

عندنا فنانين سودانيين عاملين فيها كبااااااار وشباب قدام بقو يحاولو يغنو الاغاني العربيه وليتهم لم يفعلو فقد شوهو طريقة الاداء والكلمات وغيرو طعم ولون ورائحة الأغنية التي غنوها

عقبـه .. تحياتي وماتعقد البت يااخ:cool:

محمد حسين (المميز)

19-12-2010, 09:05 AM

وين شفت ليك أغنية سودانية مذاعة في اي قناة عربية ؟
rolleyes:

آي آي انا شفت وسمعت

كان في الود طه بيجيبوهو في قنوات ميلودي ومزيكا:p:p

الغريبه يابت ام در قبل اربعه ايام فاتح احدى اذاعات الـ اف ام السعوديه

اتفاجأت بإذاعة أغنيه سودانيه بررضو لطـه سليمـان

بت مارنجان

19-12-2010, 09:19 AM

غايتو الموضوع دة واجعكم وجعا :confused:
النجيب ليكم ايمان لندن وهي بتغني في اديس :confused::confused:

مايسة

19-12-2010, 09:55 PM

حلوة الشمااااااعة والله:o

عاقب : لو احنا بطلنا الانفة حقتنا دي - بنكون تمام

معتز الريح

19-12-2010, 11:52 PM

يا حبيب .. كدي أرجع البصر والسمع كرتين ..
ما كفاية انطرابها وهي بتغني ؟؟ ..

http://www.youtube.com/watch?v=KGvNKhdBUBQ&feature=player_embedded

معتز الريح

20-12-2010, 12:00 AM

زينة .. وعاجباني ..
هههههههههههههه

http://www.youtube.com/watch?v=IoXKE8UaPBk&feature=related

ود الضو

20-12-2010, 01:34 AM

اتفق معك في كل البوست بدون فرز يا عاقب
والكبكبة الكتيرة للبت دي عاملة لي طـُمام عديل ..
دي حالنا ياخ ..

ود الجعلي

20-12-2010, 02:33 AM

كيفنك يا عاقب ومشتاقين كتير

سعة عقلك ورجاحته تبهرني
ولكن في وجهة نظري الحقيقة
ان هنالك أحتقار وتهميش لنا في المعاملات اليومية وفي الاعلام احس دائما اننا مفروضين عليهم من دون الجنسيات الاخرى وتأكد انه لا ولن يحرموننا ابدا لان هنالك حواجز كثيرة بيننا وبينهم من ضمنها اللون والطبائع واللغة والثقافة
نحن والعرب لن نلتقي ابدا وتاكد حتى في الاشياء المشتركة بيننا وبينهم الاسلام الا اننا بعيدون منهم بعد السماء عن الارض
لان الاسلام يحرم السخرية وهم يسخرون منا صباح مساء بنكات عن كسلنا بمحاكاة كلامنا والفاظنا وغناوينا باسلوب حياتنا بكل شيء يضحكون علينا

بحيرى

20-12-2010, 02:34 AM

مشكلتنا إننا وقعنا فى المنتصف

كان يمكن لنا أن نكون سادة أفريقيا

ولكن لم نرضى بذلك وأتبعنا عروبتنا فقط

اخى العاقب
فى رأيى اننا تعاملنا بشئ من العنصريه
وتعالينا على لوننا
لهو شرف لنا ان نكون عرب على لسان سيدنا محمد (ص)
وديننا الحنيف لايفرق بين الاسود والابيض الا بالتقوى
ولكن كان من الاحسن لنا ان ننضم الى بنى بشرتنا
دون ان ينظر لنا بنى ديننا بشئ من الدونويه

العاقب مصباح

20-12-2010, 11:55 PM

فلتغني أفتيموس ماشاء لها مما أعجبها من غناء سوداني..
ولنستمع كل حسب منظوره ووجهة نظره وحسه السمعي .
إنما أن نقيم الدنيا ونقعدها لأن فلان أو فلانة تغنى بأغانينا
هذا شعور بالدونية وفوقيتهم...
تغني وتروح لحالها....
فقد تغنى الكثيرون من العمالقة السودانيون بأغنيات بكل اللهجات العربية

وأتقنوها وأجادوها أكثر من أصحابها
من عارهم إنتباه...؟؟؟؟
لمّ نعطي الآخرين مقاما أكبر بينما هم يقزموننا في كل المحافل
ولا يعترفون أصلا بعروبتنا....
وهذا الطيب عبد الماجد والذي أعطاها شرف ان تكون سفيرة للأغنية السودانية
ياناس بطلو إستنقاصكم لأنفسكم..

أتفق معك تماماً أستاذة زونية على جميل ما تفضلتى به من حرف يحكى واقعنا المر والمؤلم فى آن

تشكرات بعمق كبير

العاقب مصباح

20-12-2010, 11:59 PM

تسلم يا عقبة
مشكلتنا مافي غنانا ولا إبداعنا ولا في افينوس نفسها
عرفنا في السودان افينوس رغم انها مبتدئة وصغيرة
عبر الميديا فهم يعرفون كيف يسوقوا لفنهم ولبلادهم
في حين لم يعرف أقرب الأقربين عن السودان شيئاً
حتى الكثير من أهل الدول العربية القريبة يعتقدون أن
الأسود والنمور تجوب شوارع الخرطوم
ومشكلتنا إعلامنا يتولى أمره من ليس أهل لذلك
التلفزيون القومي قدم الدعوة للصغيرة أفينوس للحضور للسودان
وهو نفس التلفزيون الذي حارب كبار عمالقة الفن السوداني
حارب هذا التلفزيون العملاق محمد الأمين وحارب أبوعركي ووردي
وبقية العمالقة ووصل في بعض الأوقات لمسح أغانيهم من مكتبة التلفزيون
هو نفس التلفزيون الذي يروج لأفينوس ويستقبلها عند سلم الطائرة
التي تحمل سيادتها للخرطوم وشاهدت ذلك عبر شاشة تلفزيون السودان
إستقبال من سلم الطائرة مروراً بصالة كبار الزوار ومراسم وسيارات
يفتح لها باب السيارة أحدهم ويغلقه (كبكبة شديدة)
يوم إستقبالها شاهدتها تتحدث بأنها (مخلوعة) من الإستقبال والكبكبة
كمية من اللقاءات تمت معها خلال هذه الفترة ويوميا تشاهدها على الشاشة
والمحزن يوم وداعها سألتها إحدي مزيعات التلفزيون:
ما هو الشي الذي جزبك لتغني أغنية العملاق الكاشف
ردت: لا بس هيك .. عرضها علي صديق !!!!

ما كان أجدى يا تلفزيون السودان أن توفر هذا الجهد والمال والمساحة
لأحد عمالقة مبدعينا ليعكس وجه السودان تصاحبه فرقة موسيقية بمواصفات راقية
حتى يوم الختام عندما غنى حمد الريح كان العرض متواضعاً
والفرقة الموسيقية كانت فيها كمنجة (منشزة)
قلبي معكم عمالقة مبدعينا تلفزيوننا بدل أن يكون لكم أصبح لغيركم
ووضح لي لماذا هاجر السواد الأعظم من الفنانين للخارج
قبل يومين كانت هناك سهرة على النيل الأزرق تستضيف المبدعين
الموصلي وعلي السقيد والبلابل
فقلت لمن بجانبي الملاحظ أن جميعهم مهاجرين
وربما يحملون جوازات دول أجنبية لطول مدة هجرتهم التي أجبرتهم الظروف لها

كلام موجع يا نهرو وليته يصل لمسئولينا

ليتهم يعلمون خطأ ما قاموا به

جريرة ما ارتكبوا فى حق فنانى الوطن

فى حق مثقفيه

حتى أصبحوا غرباء عن وطنهم

يأتون للوطن ويرحلون دون الشعور بهم

ونتكبكب أمام أول فنانة بيضاء اللون من دولة عربية

ويا بلدى عليك السلام ,,,

كلامك ما بيحتاج إضافة نهرو ,,

تسلم بعمق

العاقب مصباح

21-12-2010, 05:33 AM

عروة مشتاقين يا زول من الزمن الجميل

يا عروة رقصة بطانة وعرضة لا تقول زينة ولا وزينة مش كدا ,,,
أى والله آلعاقب أخوى عرفت لى تب

يا عروة كل العصائر ما بتساوى عندنا جك آبرى ساااااااااااااااقط بعد نهار رمضانى حار

العاقب مصباح

21-12-2010, 05:37 AM

ياعقبــه .. مالك على البت

عليك الله مش كتر خيرها انها جات غنت اغنيه سودانيه

بالتأكيد لن تستطيع اجادتها بما هو مطلوب ولكن يكفيها شرف المحاوله والمشاركة

فهي لاسودانيه ولا عندها علاقه بالفن السوداني وارى ان ادائها جيد جد

عندنا فنانين سودانيين عاملين فيها كبااااااار وشباب قدام بقو يحاولو يغنو الاغاني العربيه وليتهم لم يفعلو فقد شوهو طريقة الاداء والكلمات وغيرو طعم ولون ورائحة الأغنية التي غنوها

عقبـه .. تحياتي وماتعقد البت يااخ:cool:

سلامات يا مميز وعساك بخير
انا اعتراضى على ردة فعلنا تجاهها مش على اداء الأغنية
ماش ايف بالغنا يا مميز
خوفى بكرة العروس تقول ما بترضى بى الحفلة الا تغنيها افتيموس ههههههههه

العاقب مصباح

21-12-2010, 05:40 AM

غايتو الموضوع دة واجعكم وجعا :confused:
النجيب ليكم ايمان لندن وهي بتغني في اديس :confused::confused:

كل الا دا يا بتو ,, خلى الطابق مستور ,,,:p:p

العاقب مصباح

21-12-2010, 05:41 AM

حلوة الشمااااااعة والله:o

عاقب : لو احنا بطلنا الانفة حقتنا دي - بنكون تمام

لا والله يا مايسة ما كدا ,, بس نحن بندفق مويتنا على الرهاب

العاقب مصباح

21-12-2010, 05:43 AM

يا حبيب .. كدي أرجع البصر والسمع كرتين ..
ما كفاية انطرابها وهي بتغني ؟؟ ..

يا ود الريح الحكومات غائبة ولا شنو هههههههههههه

ولسة بقول العيب ما فى صوتها العيب فى كبكبتنا نحن

عثمان جلالة

22-12-2010, 12:39 AM

تصدق يا العاقب .. أصلو الغنيه ما عجبتني وهي بتردد فيها زينه ... دائما ما تعجبني والكاشف يتغنى بها أو الأغنيه تتغنى بالكاشف

إحتمال يكون المشكلة في السمع عندي :):rolleyes:

وأتفق معك تماما في مسألة الدونيه والنظرة العربية العربية للسودانوية عموما :rolleyes::confused::o

هنالك تحول عام ومدعوم نحو عربنة السودان حالياً ... لا أثق في نجاحها

آلاف التحايا يا حبيب :):)

العاقب مصباح

22-12-2010, 05:23 AM

اتفق معك في كل البوست بدون فرز يا عاقب
والكبكبة الكتيرة للبت دي عاملة لي طـُمام عديل ..
دي حالنا ياخ ..

ليك كل التحية يا ود الضو

ومشتاقين يا راجل والله

كيفنك والحالة عموم

عساك بخير

العاقب مصباح

22-12-2010, 05:39 AM

كيفنك يا عاقب ومشتاقين كتير

سعة عقلك ورجاحته تبهرني
ولكن في وجهة نظري الحقيقة
ان هنالك أحتقار وتهميش لنا في المعاملات اليومية وفي الاعلام احس دائما اننا مفروضين عليهم من دون الجنسيات الاخرى وتأكد انه لا ولن يحرموننا ابدا لان هنالك حواجز كثيرة بيننا وبينهم من ضمنها اللون والطبائع واللغة والثقافة
نحن والعرب لن نلتقي ابدا وتاكد حتى في الاشياء المشتركة بيننا وبينهم الاسلام الا اننا بعيدون منهم بعد السماء عن الارض
لان الاسلام يحرم السخرية وهم يسخرون منا صباح مساء بنكات عن كسلنا بمحاكاة كلامنا والفاظنا وغناوينا باسلوب حياتنا بكل شيء يضحكون علينا

الحبيب ود الجعلى
سلامات يا نقى وعساك بخير
فاكر يا صديقى الكلام الجميل دا :-

(الشكر
للذين أحس بِدفئهم الآن أكثر مما مضى .... وأحلمُ ان ألتقيهم .... واُحبهم حبا" يُسر الله والناس اجمعين
وأعتذر
للذين معي في هذا المكان المُزدحِم المُقيد
وأن
أبذل ما استطع من صدقٍ وبساطة
بأحترام الآخرين وعِفتهم وان أُنفي عن نفسي
الوضاعة والسقوط )

العاقب مصباح

22-12-2010, 05:45 AM

اخى العاقب
فى رأيى اننا تعاملنا بشئ من العنصريه
وتعالينا على لوننا
لهو شرف لنا ان نكون عرب على لسان سيدنا محمد (ص)
وديننا الحنيف لايفرق بين الاسود والابيض الا بالتقوى
ولكن كان من الاحسن لنا ان ننضم الى بنى بشرتنا
دون ان ينظر لنا بنى ديننا بشئ من الدونويه

سلامات بحيرى , عساك بخير
لا نود أن نكون عنصريين , ولكن نود أن نكون فى عزة لا تعرف الإنتقاص وكرامة نحفظها للوطن أن لا تُداس
نعم عرباً نحن , وتصرفاتنا ربما فيها شئ من التشكيك
بالجرى وراء (عربية ) بسرعة قصوى تؤدى لحادث أليم
لك كل المحبة

العاقب مصباح

22-12-2010, 05:49 AM

تصدق يا العاقب .. أصلو الغنيه ما عجبتني وهي بتردد فيها زينه ... دائما ما تعجبني والكاشف يتغنى بها أو الأغنيه تتغنى بالكاشف

إحتمال يكون المشكلة في السمع عندي :):rolleyes:

وأتفق معك تماما في مسألة الدونيه والنظرة العربية العربية للسودانوية عموما :rolleyes::confused::o

هنالك تحول عام ومدعوم نحو عربنة السودان حالياً ... لا أثق في نجاحها

آلاف التحايا يا حبيب :):)

سلامات يا شيخ العرب يا همباتى

نحن غنانا دا كان ما سمعناهو من زولنا تب ما بنعرفوا ولا بنضوق ليهو طعم ,,

آن لنا أن نفتخر بأنفسنا , فهم لن يجيدو أغانينا أكثر منا ولا كلمات أغنياتهم أجمل من أغنياتنا

مشكلتنا يا جلالة العامل فيها مثقف لو سألتو من فنانو المفضل يقول ليك واحد عربى

شفت كيف

مشتاقين ياخ