المساعد الشخصي الرقمي

مشاهدة النسخة كاملة : مظلة خالده



علي النعيم محمد نور
18-12-2010, 11:27 AM
الأمم المتقدمة والراقية والحضارية (الزينا كدة ) تظل تحتفظ بتاريخها وتراثها بكل ألوانة السعيدة والحزينة . . . فتجد متاحف الحروب والمجازروالمشانق وقصور الملوك والقبور . . .وعل جنوب أفريقيا جعلت من (حراسة) مانديلا متحفا" قوميا". . .أسوق تلكم الرمية وقلبي يتقطع علي الإزالة (الطائشة) والعشوائية( لمظلة خالده). . . هذا الموقع أو المحطة التي إرتبطت في وجدان (ناس مدني) وأصبحت بوصلة تحدد بها إتجاهات المدينة ومعلما" بارزا" من معالم مدينة ودمدني . . . وأين كانت الدوافع الهندسية أو الجمالية في إطار التوسعه والسفلتة للشارع يجب ألا يكون ذلك سببا" (لإقتلاع) المظلة . . .وكان يجب مراعاة (شعور) زوي المرحومة لانها عملت كوقف لروحها . . .الإخوة بلجنة تطوير المدينة طوروا أفكارنا قبل شوارعنا و(نوازعنا) .

mahagoub
18-12-2010, 08:34 PM
فعلا مظله خالده معلم من معالم مدنى ومايو بالتحديد
منها يتم توجيهك للجهة التى ترغب فى الذهاب اليها
(قعوا راسنا)
ولا يزال الهدم مستمر

خالد أحمد الصول
19-12-2010, 02:03 AM
بمناسبة حفل تأبين المرحومة مظلة خالده أعيد هذه المشاركة المؤرخة 2/10/2006
هنا مدني ا(الحلقة الثانية)
مظلة خالدة دي قالوا عملوها لروح المرحومة خالده عباس كتلها خطيبها بالسكين في قلبها والغريبة موقع المظله تقريبا في قلب الجزء الشرقي من المدينة يعني ربطت مايوهات كلها مع بعض و ناس الحافلات قاعدين يعملوا المقصات فيها و كمان لو عايز تشتري كهربة الدفع المقدم لازم تنزل فيها و لو عايز تدفع حق الموية و ناس سوداتيل كما عملوا جنبها إجزخانة جديدة و محلات لبيع الجداد و البيض وأصلوا ما تتحير لو عايز تضرب فوله مكربة وله سمك و حتي لو كنت بتاع شيشه تلقاها جنبك ... يازول بس لو عاينت في إتجاه الجنوب تلقي مستشفي الصائم للعيون و أصلوا دة قصتوا قصة .. العارف بالله الشيخ صايم ديمة عندوا زاوية جميله جدا في هذه الناحية قام إقتطع جزء كبير جدا منها و إتبرع بها للمستشفي ... الكلام دة ما مشي الهواء .. صادف أن كان مدير مستشفي مدني الشاب القيور د. مامون ميرغني له تعظيم سلام من كل مواطني المدينة فقد إنكفي أولا علي المستشفي العتيق تحديثا و تنظيما و ترتيبا و ما كان في وآحد قايل المستشفي العجوز ده ببقي زول .. فقد أبدل د. مامون ثوبه قليلا قليلا يعني يهدم عنبر قديم ليحل محله عنبر جديد ذي الورد و إنتشرت فيه الحدائق و الكافتيرات و عملوا فيه مجمع عمليات بمستوي راقي ... نرجع لي موضوعنا لانوا موضوع مستشفي مدني ده حلقة براهو .. أها ... الفكرة تلقفها هذا الدكتور الفنان مامون ميرغني فأنشاء فيها مشتسفي الصائم للعيون و تفاني في إخلاصه و لم يكل أو يمل ولم يسعي شماعة للامكانات ... إستعان بدعم الحكومة و الولاية و الخيريين و إبتدع حكاية العون الذاتي .. يعني تدخل الاستبالية تدفع ألف .. تنحرق حرقه علي الفك الضاع بس لمان تدخل و تجد المستشفي كما هي الان أكثر رقي و في مصاف مستشفات العالم تقول أصلوا ألفي ده ما وقع واطة .... وبقت عندنا اسبتالية عيون ذي العيون .... الشارع الطالع منها لي مايو جنوب كانت كتاحتوا تعمي العيون و التراب الاحمر ده في الصيف الله لا وراكم ليهو يازول سفلتوهو لي عند ناس عبود علي طه موتروا القديم داك إرتاح من الدقداق

علي النعيم محمد نور
19-12-2010, 11:34 AM
بمناسبة حفل تأبين المرحومة مظلة خالده أعيد هذه المشاركة المؤرخة 2/10/2006
هنا مدني ا(الحلقة الثانية)
مظلة خالدة دي قالوا عملوها لروح المرحومة خالده عباس كتلها خطيبها بالسكين في قلبها والغريبة موقع المظله تقريبا في قلب الجزء الشرقي من المدينة يعني ربطت مايوهات كلها مع بعض و ناس الحافلات قاعدين يعملوا المقصات فيها و كمان لو عايز تشتري كهربة الدفع المقدم لازم تنزل فيها و لو عايز تدفع حق الموية و ناس سوداتيل كما عملوا جنبها إجزخانة جديدة و محلات لبيع الجداد و البيض وأصلوا ما تتحير لو عايز تضرب فوله مكربة وله سمك و حتي لو كنت بتاع شيشه تلقاها جنبك ... يازول بس لو عاينت في إتجاه الجنوب تلقي مستشفي الصائم للعيون و أصلوا دة قصتوا قصة .. العارف بالله الشيخ صايم ديمة عندوا زاوية جميله جدا في هذه الناحية قام إقتطع جزء كبير جدا منها و إتبرع بها للمستشفي ... الكلام دة ما مشي الهواء .. صادف أن كان مدير مستشفي مدني الشاب القيور د. مامون ميرغني له تعظيم سلام من كل مواطني المدينة فقد إنكفي أولا علي المستشفي العتيق تحديثا و تنظيما و ترتيبا و ما كان في وآحد قايل المستشفي العجوز ده ببقي زول .. فقد أبدل د. مامون ثوبه قليلا قليلا يعني يهدم عنبر قديم ليحل محله عنبر جديد ذي الورد و إنتشرت فيه الحدائق و الكافتيرات و عملوا فيه مجمع عمليات بمستوي راقي ... نرجع لي موضوعنا لانوا موضوع مستشفي مدني ده حلقة براهو .. أها ... الفكرة تلقفها هذا الدكتور الفنان مامون ميرغني فأنشاء فيها مشتسفي الصائم للعيون و تفاني في إخلاصه و لم يكل أو يمل ولم يسعي شماعة للامكانات ... إستعان بدعم الحكومة و الولاية و الخيريين و إبتدع حكاية العون الذاتي .. يعني تدخل الاستبالية تدفع ألف .. تنحرق حرقه علي الفك الضاع بس لمان تدخل و تجد المستشفي كما هي الان أكثر رقي و في مصاف مستشفات العالم تقول أصلوا ألفي ده ما وقع واطة .... وبقت عندنا اسبتالية عيون ذي العيون .... الشارع الطالع منها لي مايو جنوب كانت كتاحتوا تعمي العيون و التراب الاحمر ده في الصيف الله لا وراكم ليهو يازول سفلتوهو لي عند ناس عبود علي طه موتروا القديم داك إرتاح من الدقداق
الدكشنري . . .ود الصول .
رحم الله خالدة وألزم آلها الصبر الجميل . . . وأعاد الله هذا الموقع لمكانه لمكانته في دواخلنا .

علي النعيم محمد نور
19-12-2010, 11:36 AM
فعلا مظله خالده معلم من معالم مدنى ومايو بالتحديد
منها يتم توجيهك للجهة التى ترغب فى الذهاب اليها
(قعوا راسنا)
ولا يزال الهدم مستمر
وإن شاء الله ياحاج محجوب (يقيف) الهدم ويستمر (العرض).

محمود (أبو وضاح)
29-12-2010, 08:23 PM
بمناسبة مظلة خالدة ، مبروك جنابو سفلتة الشارع وعقبال شارع مستشفى الصايم للعيون من بداية شارع دردق الجزيرة حتى تقاطع شارع أركويت أو بقالة 0000000000 نسيت الاسم بعد ابن عمتنا (بدرالدين على عبدالرازق) .

ودسمير
08-01-2011, 08:10 PM
واكيد المظله وصاحبتها لن تمحى من الذاكره ..
ما ذمااان قلبو حى مايو الى حى النصر !!

ايمن عبد الله
08-01-2011, 09:39 PM
مهما حصل ومهما هدموا الناس ما ح تنسى ابدأ وح تجدهم لي هسة ولي بكرة وبعد بكرة بقولوا مظلة خالدة حتى وان اختفت معالمها .. وزي ما قال ود سمير ما غيروا مايو الى حي النصر هسة عليك الله في زول بقول حي النصر والله ما بنشوفها الا في الحافلات وناس الحافلات كان ما مجبورين كان كتبو (مايو السوق) لكن امكن عشان الترخيص والحكومة بكتبوا (النصر السوق) وعندنا الامثلة كثيرة كم وكم شارع غيروا اسمه لكن الناس شغالة بالقديم زي الزمن القدموا ساعة برضوا في ناس شغالة بالزمن الجميل القديم .. هسة سمعت ليك زول قريب قال ليك شارع المساح الناس كلها عارفة اسمه شارع اتجاه واحد .. ولا شارع المحطة (السكة حديد ) هسة برضوا اسمه مغير بإسم شهيد ولا حاجة زي كده المهم الناس ما ح تنسى ومظلة خالدة في قلوب جميع آل مدني شاءت البلدية والحكومة وناس التجميل ام ابو .. وانا كل ما امشي اجيب كهرباء بقول لي بتاع التاكسي مظلة خالدة ما بقول الكهرباء ولا شي تاني

هو عليك الله العملتوا الحكومة دي شوية .. خلو كل شي قبلو علي المظلات .. (ياساتر)

moh_alnour
09-01-2011, 01:26 AM
مظلة خالدة معلم بارز سيظل في ذاكر أهل ود مدني عموما ً و أهل الحي الشرقي خصوصا ً
فالإزالة ماهي إلا إزالة للمبنى فقط و لكن إزالتها من قلوب أهل ود مدني صعب جدا ً لأن ذاكرة المدناوي لا تصدأ
كما أنها إرتبطت في أذهان أهل المدينة بتلك الفتاة التي راحت ضحية الحب في ريعان شبابها



هسة سمعت ليك زول قريب قال ليك شارع المساح الناس كلها عارفة إسمه شارع إتجاه واحد

للتصحيح أخي أيمن
شارع المساح هو الشارع الواقع شرق السينما الوطنية إبتداءا ً من البنك الفرنسي
و الممتد جنوبا ً حتى باب المستشفى الشمالي ( باب الطواريء و العيادة الخارجية )

ايمن عبد الله
09-01-2011, 06:15 AM
للتصحيح أخي أيمن
شارع المساح هو الشارع الواقع شرق السينما الوطنية إبتداءا ً من البنك الفرنسي
و الممتد جنوبا ً حتى باب المستشفى الشمالي ( باب الطواريء و العيادة الخارجية )

هلا ابو يزن .. اخبارك

للتصحيح ايضاً .. الشارع الانت ذكرته ده شارع الكاشف يا خوي الكاشف .. وشارع علي المساح هو الشارع الواقع غرب السينما الوطنية وجنوباً بوديك للبرج كان داير وشمالاً بوديك البحر رأسك عديل .. انا صحبح لي خرتمية سنة ما مشيت لكن الشوارع دي محفورة حفر في الراس اللهم الا ان كان قلبوها هسة قريب ..

وخلي يجي واحد من القاعدين في مدني يصححنا الاثنين .. ود الصول تعال سريع .. ولا جنابو يا جنابو الحق ..

وكان كلامي طلع صاح فيها غرامة وفيش وتشبيه

همسة : لكن الشارعين هسة بقن اتجاه واحد شارع الكاشف. والمساح . مع اختلاف الاتجاه ..
لمسة : لكن المقصود بإتجاه واحد (سيد الاسم) هو شارع علي المساح غرب السينما الوطنية .

علي النعيم محمد نور
10-01-2011, 02:28 AM
مهما حصل ومهما هدموا الناس ما ح تنسى ابدأ وح تجدهم لي هسة ولي بكرة وبعد بكرة بقولوا مظلة خالدة حتى وان اختفت معالمها .. وزي ما قال ود سمير ما غيروا مايو الى حي النصر هسة عليك الله في زول بقول حي النصر والله ما بنشوفها الا في الحافلات وناس الحافلات كان ما مجبورين كان كتبو (مايو السوق) لكن امكن عشان الترخيص والحكومة بكتبوا (النصر السوق) وعندنا الامثلة كثيرة كم وكم شارع غيروا اسمه لكن الناس شغالة بالقديم زي الزمن القدموا ساعة برضوا في ناس شغالة بالزمن الجميل القديم .. هسة سمعت ليك زول قريب قال ليك شارع المساح الناس كلها عارفة اسمه شارع اتجاه واحد .. ولا شارع المحطة (السكة حديد ) هسة برضوا اسمه مغير بإسم شهيد ولا حاجة زي كده المهم الناس ما ح تنسى ومظلة خالدة في قلوب جميع آل مدني شاءت البلدية والحكومة وناس التجميل ام ابو .. وانا كل ما امشي اجيب كهرباء بقول لي بتاع التاكسي مظلة خالدة ما بقول الكهرباء ولا شي تاني

هو عليك الله العملتوا الحكومة دي شوية .. خلو كل شي قبلو علي المظلات .. (ياساتر)
الحبيب أيمن عبدالله . . .
وينك يارجل طولنا من( سماع )مرورك الراقي . . . وكفارة للسعودية ومبارك عليكم ناصر الجوهر . . . وخيرها في اليابان.
ولسسسسسع بنقول المحافظ بدل (المعتمد ). . .والتغير الحقيقي هو ما شكل نفسة بقوة وإقناع وليس أسماء فقط.

ايمن عبد الله
10-01-2011, 03:57 AM
الحبيب أيمن عبدالله . . .
وينك يارجل طولنا من( سماع )مرورك الراقي . . . وكفارة للسعودية ومبارك عليكم ناصر الجوهر . . . وخيرها في اليابان.
ولسسسسسع بنقول المحافظ بدل (المعتمد ). . .والتغير الحقيقي هو ما شكل نفسة بقوة وإقناع وليس أسماء فقط.

ألف شكر عمنا علي النعيم .. لكن الجماعة والله عجبنا ليهم شديد ما نحن شاميين ياخ ..

لكن ما فصلتنا انا وود النور في المشاركة رقم 10 ياتو فيهم شارع المساح ؟

MEM80
10-01-2011, 11:09 AM
مظلة خالدة مظلة خالدة مظلة خالدة
بعد ما شالوها
هل عمل السبب الذي شيلت به ؟
ام الخراب ساهل

محمود (أبو وضاح)
11-01-2011, 02:49 AM
شارع الكاشف وعلى ما أظن أيام كنا ساكنين فى ود أزرق يمتد من أمام فندق النيل مارا بشارع سنكات جبرونا ثم شارع بانت سابقا ثم شارع شندى فوق الصناعية ثم شارع السكة حديد وكان يسمى بشارع البحيرية ، ولما كانت أسرة الكاشف تسكن بحى ود أزرق على امتداد هذا الشارع سمى بشارع الكاشف .

ايمن عبد الله
11-01-2011, 03:50 AM
ده ممكن من زمن قديم خالص يا ابو وضاح .. لكن حالياً او من بداية الثمانينات حتى الان يوجد شارعين في مدني واحد امام السينما وواحد خلف السينما فأيهم اسمه شارع الكاشف هذا هو السؤال ؟

مصطفى هاتريك
13-01-2011, 12:20 AM
أستاذنا الكريم
أبو هالة
يطيب لي بعد غيابي الطويل عن المنتدى أن يكون ولوجي عبر هذه النافذة
وبعد
ليس دفاعا عن الهيئة ,, ولكن إزالة المظلة فرضتها ضروريات كثيرة .... أذكر منها سقوط عمود الكهرباء المجاور قبل فترة ليست بالبعيدة ..كما و أن المظلة تحجب فعلا الرؤية للقادم من جهة شارع النيل .. كما وأن شكل المظلة غير جميل بالمرة ولا يواكب الشكل الجديد للشارع .
أتفق معك أننا أمة لا تحفل كثيرا بتبجيل المكان ولا الزمان ولا الشخوص .... دعنا أخي الفاضل نبكي على أطلال مدني الثانوية ,, و حنتوب الثانوية والأهليتين أ و ب و لننصب صيوان كبير داخل نادي الجزيرة ......

خالدحربى
16-01-2011, 01:50 AM
لضرورة احكام ومصلحة العامة فوق مصلحة الفرد

ahmed algam
24-01-2011, 06:29 AM
حبيبنا ايمن والغالي محمد النور

شايف انكم مختلفين في الشارعين الجمب السينما

الشارع البيبداء من امانة الحكومة وماشي طوالي

مرورا ببنك فيصل الاسلامي وعمارات ابوظبي

جامع الصائم وصيدلية عمران ال البرج

دا اسموا شارع المساح ( شارع اتجاة واحد)

ايمن عبد الله
24-01-2011, 09:31 AM
يعني يا علقم .. غرب السينما الوطنية شارع المساح وشرق السينما شارع الكاشف.. صاح .. بالله كلم ابو زي يزن ده .. جنو غلاط ..التقول هلالابي .

احمد جومو
28-01-2011, 06:08 AM
يا ود الصول شارع جنوب اتسفلت 2010 كيف موتر عبود ارتاح من الدقداق من 2\10\2006 فهمني ليها

مصباحيه
26-02-2011, 09:22 PM
والله مظلة خالده كانت معلم ووصف لاى اتجاه
يعنى حسى الشارع بقى واسع ؟؟؟؟؟؟؟؟؟

خالد أحمد الصول
26-02-2011, 10:15 PM
يا ود الصول شارع جنوب اتسفلت 2010 كيف موتر عبود ارتاح من الدقداق من 2\10\2006 فهمني ليها

كانت أمنياتنا بسيطة جدا ... وكنت قاصد الشارع العرضي بتاع مظلة خالدة الي لفة شارع مايو جنوب ... تصور أسع الشارع دة إنتهي نائي يعني بي كدة يكون العمر الافتراضي لاي شارع ظلط أقل من 4 سنوات

محمود (أبو وضاح)
27-02-2011, 10:53 PM
شارع دردق الجزيرة بداية من المكى أو جزيرة الفيل مرورا بالشجرة و18 والدكان وكازبلانكا والزمالك والحى السودانى والوزارات ومحلية مدنى الكبرى ثم القبة والسوق الشعبى الى تقاطع شارع الخرطوم مدنى مدخل بيكة أو الكريبة ، أين وصل العمل المنفذ مع شركة شريان الشمال ؟؟؟؟ علما بأن الشارع بدأ العمل فيه فى ديسمبر 2010م وحسب علمى فهى مدة كافية حتى تاريخه لإنجازه كاملا !!!! إلا اللهم إذا كان التعاقد على قدر ما يتحصل من ايرادات لسداد عدد الكيلومترات التى تغطى المبلغ المدفوع ، وهذا يعنى سينتهى العمل المطلوب لكامل السفلتة فى ديسمبر 2013م .

مولانا جلال
16-03-2011, 04:05 AM
اخى على النعيم
تحياتى ,ماذكره الاخوة خلد ومصطفى هاتريك صحيح فقد جوزت الشريعه لولى الامر حق الازالة والهدم من اجل المصلحه العامةوان المظلة فى تقديرى لم تتضفى اى شكل جمالى على احياء مدنى شرق مع احترامنا للمرحومه خالده والدعاء لها

ود ابراهيم
16-03-2011, 05:57 AM
اخى على النعيم
تحياتى ,ماذكره الاخوة خلد ومصطفى هاتريك صحيح فقد جوزت الشريعه لولى الامر حق الازالة والهدم من اجل المصلحه العامةوان المظلة فى تقديرى لم تتضفى اى شكل جمالى على احياء مدنى شرق مع احترامنا للمرحومه خالده والدعاء لها
الاخ جلال مع احترامي لك اي مصلحه عامه تتحدث عنها في ازالة مظله تم وضعها كنصب لذكرة مرحومه نسأل الله لها المغفرة وان تدخل الجنة امين يا رب العالمين واي جمال اخي جلال نسأل الله ان يصلح الحال طيب لماذا لم تزال كل شي غير جميل في مدني

الزبير محمد عبدالفضيل
16-03-2011, 07:28 PM
مظلة خالدة معلم بارز سيظل في ذاكر أهل ود مدني عموما ً و أهل الحي الشرقي خصوصا

كل الطرق داخل المدينه محتاجه الي سفلته وصيانه وتوسعه حتي تكون المدينه بشكلها الجمالي بين مدن السودان والعالم

خاصه الطريق المؤدي الي السوق الشعبي شارع أكل وشرب عليه الدهر وده شارع حيوي ورئيسي ينقل جميع المسافرين الي السوق الشعبي وبمر بعدة احياء

اولا بمر من شارع المحطه والمنطقه الصناعيه وحي بانت شرق ثم حي بانت غرب ( الدوران ) ثم جبرونا وحي التلفزيون وحي البان ثم حي البستان

ثم السوق الشعبي ÷ذا الطريق من أهم الطرق في مدينة ودمدني وعليه ضغط كبير في الحركه المروريه

صداح سنهوري
02-04-2011, 04:23 AM
الموضوع وبما فيه انو القائمين على موضوع الازالة وجوه جديدة على المدينة ... وياريت ترجع المناصب الحساسة لناس مدني الأوفياء ... وليس للغرباء الذين لا يعرفون اي شي عن معالم وشخصيات المدينة العامرة ... انشاء الله تعودي شابة وجميلة يامدني ذي ما عهدناك ...

ام لانا
20-04-2011, 01:31 AM
دى اول مرة اسمع خبر انو مظلة خالدة هدوها يعنى ما صار ليها وجود ولا نقلوها لمكان تانى لو حد يوضح الحاصل شنو

ahmed algam
20-04-2011, 01:53 AM
دى اول مرة اسمع خبر انو مظلة خالدة هدوها يعنى ما صار ليها وجود ولا نقلوها لمكان تانى لو حد يوضح الحاصل شنو

الحصل انو تم ازالة مظلة خالدة نهائيا من مكانها

بيقولوا انها مضيقة الشارع بس دا كل الحصل

=========

مظلة خالدة من المعالم الاساسية بمدينة ودمدني

قدروا عليها وشالوها الله يكون في العون

ام رغد
02-05-2011, 09:12 AM
بما انها حملة تجميل وتوسعة اتمنى انها تشمل كل المدينة ما تقيف فى مظلة خالدة وبس

ايمن الطيب
02-05-2011, 04:43 PM
الأمم المتقدمة والراقية والحضارية (الزينا كدة ) تظل تحتفظ بتاريخها وتراثها بكل ألوانة السعيدة والحزينة . . . فتجد متاحف الحروب والمجازروالمشانق وقصور الملوك والقبور . . .وعل جنوب أفريقيا جعلت من (حراسة) مانديلا متحفا" قوميا". . .أسوق تلكم الرمية وقلبي يتقطع علي الإزالة (الطائشة) والعشوائية( لمظلة خالده). . . هذا الموقع أو المحطة التي إرتبطت في وجدان (ناس مدني) وأصبحت بوصلة تحدد بها إتجاهات المدينة ومعلما" بارزا" من معالم مدينة ودمدني . . . وأين كانت الدوافع الهندسية أو الجمالية في إطار التوسعه والسفلتة للشارع يجب ألا يكون ذلك سببا" (لإقتلاع) المظلة . . .وكان يجب مراعاة (شعور) زوي المرحومة لانها عملت كوقف لروحها . . .الإخوة بلجنة تطوير المدينة طوروا أفكارنا قبل شوارعنا و(نوازعنا) .

إزيك يا جنابو علي النعيم (ابوهاله)
يعني يا علي النعيم ما بترحب بي
ولا ما شفت الترحيب بتاعي ومشاركاتي

الحقيقه مشتاقين لي كتاباتك الشيقه واللاسعه

بي كلامك عن مظلة خالده ذكرتني نكتة الولد الجاء من المدرسه
قال لي امه الاستاذ ضربني علشان ما عرفت منو الحفر قناة السويس
امه قالت ليه تكون انت الحفرتها عشان كدا دقاك

!

همسه
عندي احساس انك عارف الحفر القناة منو ولي شنو!!!!!!!!!
:o:o:D:D:D:o: