المساعد الشخصي الرقمي

مشاهدة النسخة كاملة : اغنيات وشعراء مصطفى سيد احمد



خالد حمد موسى
19-01-2005, 12:15 AM
http://www.wadmadani.com/up/pic/mustafa_main.jpg

اغنيات وشعراءمصطفي سيداحمد


1) طوبى للرجال العصافير / فيصل محمد صالح

2) لمحتك / عبد القادر الكتيابي

3) الطيور / حافظ عباس

4) يا مطر / محمد الحسن سالم حميد

5) يا ضلنا / يحي فضل الله

6) يا جمة حشا المغبون / حميد

7) عرق الجباه الشم / حميد

البت الحديقة / خطاب حسن احمد

9) طيبة / حميد

10) عم عبد الرحيم / حميد

11) زمن حظر التجول / الفرجوني

12) عجاج البحر / حسن بيومي

13) المسافة / صلاح حاج سعيد

14) قالوا مرحلة / المقبول سيد احمد المقبول

15) في عينيك عشم باكر / ؟

16) ضليت / قاسم ابو زيد

17) اسئلة / يحي فضل الله

1 غناء العزلة / الصادق الرضي

19) سمحة وسمرية / القدال

20) هردت لهاتي بالغنوات / حميد

21) معتوقة ومعتقة ومنعتقة / عاطف خيري

22) على بابك / الكتيابي

23) غربة ومطر / عبد العال السيد

24) علمي عيوني السفر / مدني النخلي

25) حاجة فيك / هاشم صديق

26) وضاحة / ازهري محمد علي

27) مشرع الحلم الفسيح / ازهي محمد علي

2 لما اتلامس بيني وبينك( انا إنسانك ) / ازهري محمد علي

29) اقتراح / عاطف خيري

30) شهيق/ عاطف خيري

31) الممشى العريض / العميـــــــري

32) الملام / هلاوي

33) سلمات عليك يا بوي انت السما وقمرو/ ؟

34) وجيدة / قريب الله محمد عبد القادر

35) نفسي قولك من زمان / صلاح حاج سعيد

36) نفسي في داخلك اعاين /د. بشرى الفاضل

37) سحابات الهموم / الدوش

3 يا خطوتك/ يحي فضل الله

39) اديني احساس بالامل / مدني النخلي

40) مريم الاخرى / شمو

41) ابيت الكلام المغتغت وفاضي وخمج / القدال

42) لا بالحزن الفينا بنرضى / تاج السر الطيب

43) واقف براك / النخلي

44) الزمن الفلاني/ نجاة عثمان

45) من جديد جيت تاني تكسر / النخلي

46) استلاب / يحي فضل الله

47) خليني اقراك مرة صاح / عاطف خيري

4 زهرة الصبار / مظفر النواب

49) يا جرح عزة هوانا / قاسم ابو زيد

50) عباد الشمس / قاسم ابو زيد

51) املنا الباقي يسرح بي أهاجر لي زمن تاني / ؟

52) بت العرب النوبية / حميد

53) عينيك وطن / صلاح حاج سعيد

54) مسافر / قاسم ابو زيد

55) أظنك عرفتي / جمال حسن سعيد

56) نشوة ريد / قاسم ابو زيد

57) بقول غنوات / القدال

5 قلت ليها / صلاح حاج سعيد

59) ايها المصلوب كالنجم / ؟

60) ليه غبتي يا قمرا / قاسم ابو زيد

61) طوريتك في الطين مرمية / عدة شعراء

62) يا جراحك / د. طلال

63) عد فات / صلاح حاج سعيد

64) اليابسة / عاطف خيري

65) والله ايام يا زمان / ؟

66) المزار / عبد العال السيد

67) في عيونك / ابوزر الغفاري

6 الرحيل في الليل / عبد الرحيم ابو زكرى

69) عشقت ابتسامتك / ؟

70) تحرمني منك / مصطفى

71) يا بت يا نيل / مصطفى سيد احمد

72) طالما ف بحرك في مي / حميد

73) قمر الزمان / صلاح حاج سعيد

74) شوك الشوق للشوف يا خي / حميد

75) شيخ تلب / القدال

76) مساماتك / يحي فضل الله

77) جلبت ليك من بلاد الله البعيدة / خطاب حسن احمد

7 حبالنا الجوة ما تخنت / يحى فضل الله

79) إدفقي / قاسم ابو زيد

80) القاكي وين / قاسم ابو زيد

81) رجعلك قليبي المهضلم / القدال

82) جمعنا قدر / ؟

83) زمنا بروح وزمنا بجي / ؟

84) باكر ضواي / حميد

85) معاك كنت / مدني النخلي

86) رعشة الشوق / محجوب الحاج

87) كيف أنساك / محمد مريخا

8 مت في قلبي / د. عبد القيوم ومصطفى سيد احمد

89) يا سر مكتوم / ؟

90) أخوان الإنسانية /محمد المهدي عبد الوهاب

91) قولي الكلمة / قاسم ابو زيد

92) صابرين / القدال

93) الحزن النبيل / صلاح حاج سعيد

94) إذا عادت بنا الأيام / عوض مالك

95) ماني غرقان في التمني /محمد المهدي عبد الوهاب

96) بالبل الدوح / ؟

97) حتى الفصول صابا الجفاف / عدة شعرا

9 ولمانديلا اغني / ؟

99) مابان عليك سفر العمر / ؟

100) باكر ضواي / حميد


تعرف انا حاضيف ليك حاجة حلوبس انت افتح الرابط دة اوتلقاهو كلوالقصيدة مع الشاااعر

http://www.geocities.com/sudanesemustafa/watan.html

أبوبكرحامد
19-01-2005, 03:49 AM
لأخ خالد ........................................

شكراً لهذا المجهود المقدر .

الدعوات للراحل مصطفى بالرحمة والمغفرة بقدر ماأسعدنا وأزيد.

كل سنة ونت طيب

ود الماذون

خالد حمد موسى
19-01-2005, 04:33 AM
مشكور اخي ابوبكر علي الطلة البهية

وكل عاااام وانت بالف خير

مشكوراديك الف عااافية...

خالد حمد موسى
24-01-2005, 08:13 AM
http://www.wadmadani.com/up/pic/nakhli.jpg

كــلمــــــــــات /الشـــــــــاعــــــــــــر/مـــــــــــــــــدنـــــي النخـــــــــــــلي

أملـــــــــــــــــــنا الـــــــــباقــــــــــي


غنــــــــــاء/الاســـــــــــتاز/مــــصـطـفـي ســـــــيداحمــــــــد

أملنا الباقى يسرح بى


وأسافر لى زمن تانى

تبقى الدنيا فى عينى

هجعة خطوة .. فى سكة فرح مفقود

ورحلة موجة فى بحر الأسى .. الممدود

ورجعة غنوة من درب الضنى المهدود

.. وأفتش ليك

*******

وأفتش ليك حنانى معاى

أمانى تصارع المكتوب

عشانك لا مسافة تطول

ولا بتصعب معاكى .. دروب

وقلبى عليك

وعلى الوعد الحزين .. مصلوب

وراجع ليك

*******

وأفتش ليك

أجوب الدنيا .. وأرجع ليك

أجيك فارساً يشق صمت المتاهة .. الطال

يواعدك بى حكاوى الشوق

وبى شمساً .. وراها منال

وبى فرحاً يغرد .. فى سماك ألحان

ويجيب البهجة للأطفال

خالد حمد موسى
28-01-2005, 08:48 AM
http://www.wadmadani.com/up/pic/salah.jpg

الشاعر/صلاح حاج سعيد

سطوة محاسنك


كان نفسى أقولك من زمان

بى الكاتمو فى سرى .. ومكتـّم فى حشاى

مدسوس سنين

بى الشايلو فى عيني معزّة

وفى القلب

ريداً يخاف الغربة والشوق .. والحنين

زاملنى زى خاطر الفرح

وكتين يقاسم الهم .. عزا

وكتين مدامعى تكون جِـزا

وتفتح مباهج الليل .. ظنون

**************

كان نفسى أقولِّـك من زمان

سطوة محاسنك عندى ما كسرة ..جفون

وكت العيون تعبرنى زى خاطر المسا

سطوة محاسنك ما الرخام .. الفى الحرير

وكت الثغير يفجعنى

بى حرفاً .. قِـسـا

سطوة محاسنك عندى وكتين كبريائك ينهزم ..

لى طيبتى .. بى لفظة حنان

وكتين مشاعرك .. تنسجم فى عمرى

تنفح قلبى بى رعشة أمان

سطوة محاسنك عندى

وكتين شوقى يصبح فى هواك

ليل عزّة

ما بتعرف هوان

***************

كان نفسى أقولك من زمان

عينيك وحاتك غربتى .. وأهلى

وبلادى الفيها ضايع لى زمن

عينيك وحاتك شوقى لى زولاً ولوف

من بعدو ساب عينى .. سهن

وانا كنت داير من زمان

أشرح حكايتى معاك ألف

أحكيك .. وأزيد القول .. إلِفْ

وأتمنى لو قلبك عرف

كان من زمان

من قبل ما فى قلبى يتحكـّر

زمان الغربة فى جرح الأسى

من قبل ما حرف الحقيقة الحلوة

.. يتبدل عسى

ويصبح أمانى كسيرة

.. فى خاطر الحنان

خالد حمد موسى
31-01-2005, 08:17 PM
http://www.wadmadani.com/up/pic/gasim.jpg

الشاعر/قاسم ابوزيد

علمينى الإحتمال
* * * *
علمينى الإحتمال

وكيف أجاوب عن هواك

لما يغلبنى السؤال

لما يتأرجح منانا بين مظنة وإحتمال

ما بحسِّـك دونك .. إنتى

ما الحقايق .. ما الظلال

والحرِف بِعرِفْ مداهو

حتى لو جفّ الخيال

*****

علمينى الإحتمال

ونحن كيف نقدر نقاوم

فى بلد ملّ الحِوار

صرخة بتموت فى المزارع

وزيف مشتّت فى الشوارع

بين مداينّـا الكُتار

علمينى الإحتمال

ونحن كيف نقدر نقاوم

هجمة الزمن التتار

وكيف نحصِّن ومضة الأمل

البيشرِق كل مرة

وفى إنتظارى

إنتى والشوق فى المجرّة

برق خفّق من خدودك

ورعد يفتح لى دروبك

وغيث يقفّل فى شجوبك

*****

علمينى الأحتمال

ونحن كيف نقدر نجمّع لى ملامح الليلة

من عُمق المدار

علمينى الإحتمال

ونحن كيف نقدر نقاوم

فى بلد ملّيت صِفوفا

ولاّ أمشى على المزالِق

فى بلد نكرت دِفوفا

ولاّ أشيلِك وإحتِمالِك

إمّا أدّيك إحتمالى

يا أشيل منِّك ظروفك

ولاّ أرجّع ليك حروفِك

غنية تمرُق من دفوفك

برجا هجعة ليل طيوفا

*****

علمينى الإحتمال

ولاّ نتعاهد نواصِل ..

فى الظروف القاسية .. نمشى

وفرحة الأطفال نشوفا

ومضة تمحوها الظلال

ونظرة تغنيك عن سؤال

فى خيالك .. وغيم ظلالك

لمّا يتجاوب سؤالك

ترفع الأحزان ظروفا

وتنقر الأفراح دفوفا

لمّا نتقابل نحقّق

فى وجودى .. وفى وجودِك

أحلى شوفة

محمد المأمون
01-02-2005, 09:16 AM
الزول الأعز: خالد
هنا تتألق النوافذ لتحتضن البوح والحب هنا حين أعود سأنبئك كم أود مصطفى فيك كما أوده وطنا هتون بالفرح

خالد حمد موسى
02-02-2005, 09:07 AM
مشكور اخي حمادة علي الطلة البهية

اديك الف عااافية....

خالد حمد موسى
04-02-2005, 04:15 AM
http://www.wadmadani.com/up/pic/azh.jpg

الشاعـــــــــر/أزهرى محمد على

وضـاحـــــة


الـصـبـاح الـبـاهـى لـونـك

وضـــاحة يـا فجــر المـشــارق ....

غـــابـة الأبـنـوس عـــيونك

يابنيّة مــــن خـــبــز الفنادق

***********

شـــيدتى فـى جــــوّاى صــوامــع لـى الـفــرح

وفـتـحــتـى فى دنياى .. مـسـارح لى المــــرح

وبــقيتى لى ســــكة وعــيون

لا قـدرت أطــولك شـــان أجــــيك

ولا قـــدرت من غــــيرك أكــــون

وأنا بــيــكــى مــالـينى الكـلام

... حــرّكت بيك عــصـــب السكون

جـــلــبت ليـك الغــــيم .. رحـــــط

طـــرّزت لـيــك النيـــل .. زفـــــاف

حرقت ليك الشوق بخور ...

وفرشت ليك الريد .. لحاف

**********

لا الســكة بيكى بتنتهى

ولا مـعــاك مــلّيت طـــــواف

ياريتنى لو أقــدر أطولك

وضّـــاحة يا فجـــــــر المشارق ....

خالد حمد موسى
05-02-2005, 09:45 AM
قلت ليها ... وكنت راجع لى عينيها

من أسى الزمن البسافر .. فى المشاوير العصيبة

من متاهات الأماسى

الفى مداها .. الحزن مضناها .. وحبيبا

بينى لا بينك .. مزار

لا محطات إنتظار

ولا مواعيدك قريبة

إنتى يا الفرح الحقيقة .. المستحيل

هدْهِدى الصبر الجميل

وأمسحى الحزن المخيِّم .. فى مدارات الرحيل

ابوقيس
25-02-2005, 10:53 PM
والله ياخالد لكن ابدااع فوق ابدااع

صراحة انت اتيت لنا باحسن واجمل مانتصور

ولك كل الشكر عزيزي ونسال الله الرحمة والمغرة

للاستاز الراحل/مصطفي سيداحمد....

تشكر ياغالي اديك الف عااافية...

خالد حمد موسى
09-04-2005, 03:03 AM
مشكورابوقيس علي المرورالكريم

لك كل الشكر عزيزي ولاعدمتك...

خالد حمد موسى
13-06-2005, 01:20 AM
وأفتش ليك حنانى معاى

أمانى تصارع المكتوب

عشانك لا مسافة تطول

ولا بتصعب معاكى .. دروب

وقلبى عليك

وعلى الوعد الحزين .. مصلوب

وراجع ليك

*******

عزت الهادي
02-09-2005, 02:07 AM
كاتب الرسالة الأصلية ابوقيس
والله ياخالد لكن ابدااع فوق ابدااع

صراحة انت اتيت لنا باحسن واجمل مانتصور

ولك كل الشكر عزيزي ونسال الله الرحمة والمغرة

للاستاز الراحل/مصطفي سيداحمد....

تشكر ياغالي اديك الف عااافية...

الوفي
02-09-2005, 10:25 PM
أشـــــــــــــــــــــــــــــــــــــــــــكرك من الأعماق على فتح هذه الساحه الجميله
اشكرك وفعلا سيكون ردي لك بالصمت والإعجاب

عبيد خالد صديق
07-09-2005, 02:27 AM
كاتب الرسالة الأصلية ابوقيس
والله ياخالد لكن ابدااع فوق ابدااع

صراحة انت اتيت لنا باحسن واجمل مانتصور

ولك كل الشكر عزيزي ونسال الله الرحمة والمغرة

للاستاز الراحل/مصطفي سيداحمد....

تشكر ياغالي اديك الف عااافية...

هشام نورالدائم
11-06-2007, 02:11 PM
تشكر يا خالد دي حاجه ما تخلص
بس في لسا درر ننتظر منك المزيد
لانو شكلك عندك مصادر تمام
يديك العافيه يا زوق

mohamed
11-06-2007, 03:03 PM
لحظة شهيق عاطف خيري
نكر صوتك صداك غالطني الزمن فيك
شهرت على الجفاف وعدك بطاقاتنا
الخريفية رجع فاضي الكلام مليان معاك
أتبرجت غيمة وشهق جواي صوت جدول
مرقت على المطر حفيان لقيتك والرزاز
مدخل وناديتك أقيفى معاى نشيل كتف
الغنا الميّل ونتخيل حلم دونك بيتحقق
وقبلك خيل دماي واقفة على شرياني
تتشهد وبرد صوتك صداك غنيتي
رشحت حلقك لي إذاعات الشجر
والمنتظر من عودة المدعو المطر
للطنابير والمسادير واللسة في رحم
القصيد والدابو حسة وفى سوق عكاظ
بين مزازات الحروف غيرت رسمك
واحتكرتك للظروف للزمان اللي جائى
واللحظة اللي فاتت منك حسه
يا واقفة بين جرح السحاب وبين
شهقة الأرض البكر ما كان دريت
كان إحتمال تغيير قوانين حركاتك
مابين حديثنا ولحظة الفعل الحقيقي
وإنتباهك إنتى للشارع البيرحع
تانى لي نقطة بدايتو وإنحيازك
إنتى للشارع البيرشح في مسام
رمل التوقع ما إتعرف قانون نهايتو
غايتو أمشى بالدرب البطابق فيه
خطوك صوت حوافرك
يا فرس كل القبيلة تلجمو و يكسر
قناعاتو ويفر يسكن مع البدو في الخلا
ما يرضى غير الريح تجادلو وتقنعو
إفترضتك لون أساسي يمنح اللوحة
إزدواجية القراية ويفتح الضوء بين
خطوط الريشة والخط الإضافي
الجائى من شبكية الزول المشاهد
وإكتشفنا الرسمك وأنا وبرضو
التوارد في الخواطر
نفس أرقام التذاكر البيها
سافرنا وشهدنا إنفجارك
في الأرض يا سمراء يا واضحة
ما غنيت يوم جيتك صدفة
قبل أبداك كان غصنك بشر
يوم ما كان إحساسك مسا
عرّج الغيمة الفيني ومطّر
لحظة طار عصفور من صدرك
ردد فينا إحساس بالإلفة
ودوزن عصب الزمن الأشتر
وقلت المارق منك
داخل جرح الوردة وراسم فوقها غناوى الطل
المارق منك رجّع للغابات العرب العاربة
وللعتمور الزنج الهاربة وادّى الكون
مفتاح الحل المارق منك شادد عصب الورقة
وحرفي وراسم في اللاوعي سكون
مواعـيد صحوه وحلمو ونومو شارّى
يقينك في صمتي سارق لحظة إنى أفكر
المارق منك مارق منك أو مت شهيد
ما تضاري وراء الدعوات ما تتلبسي
الفرح الفات بسكن فيك النغم الزائف
ويسرق حاسة شوقنا الواقفة على
رجلين جواي ،نحن الهاوية والمتطامن
من الأرض آهـ من نحلك سـاعة يرحل
ولمن يكتب فينا الحنضل ويختم عمره بفعل الشهد
قال الجدول طلوع النخلة مرور الريح واحد
لكن الريح بيعانق حقل ونحن بنطلع نخلة
وننزل ونكتب في ذاكرة الصفق الأخضر
سجنا الريح في الورق الأبيض
وجهناها ضد التمر الناعس يسقط
فـى قبعة الحارس ذي الكان بيناتا ووارث
قالت غيمه بين قوسين غيمه لئيمة
أولاد الشارع فهرس لي كل المدن
التهرس جوفك بالأسمنت قالت ريح
شوف الناس قنديل لو ما نوّر يحرق
كوخ وباقي الحلة تنور أو جبة جوخ
أو ينزل بوخ يقول لي النسمة الزائفة أقيفى
لو تتفرد ريح تتشرد ريح ريح الخوف
لو تتفرد ريح تبـدأ تفرتق ضفاير المدن
النائمة تعيد تسريحتك
يوم سمايتك شكل قامتك كيف تموتي
وتحيى تانى ويوم قيامتك هو البيدينا الثبات
يا مجلوبة في قافلة رق ما بستحمل صدرك
رصاص الظلم يا صابت رحم الفال
يا قطعت حبل الود يا كنا نبيعك يا نسرق
اخترنا النار الضلها يحرق
ضللناك إنو الدنيا بيخشها ضوء يجرح
جلد العتمة لما الليل قربان فجرك
يا بت يا نيل لو نامت قمحة على الأبيض
تتشـرد زيو زاد الأبيض في غيه
مدد رجله اليسرى ماكان الكٍسرة
جاتك من بره صفرة ومنكسرة
زوجناك الشهداء أولاد الكلب
الماتو عشان الشعب زوجناك
ما عندك ضرة زوجناك ما جاتك ضرة
ما إنشاف ما عونك في الحلة يساسق ويلقى فتات
قال الأبيض للأزرق يبقى ضد الإنتباه
ضد تواريخ التمازج البيني بينك
للبشوفك في مراهفة الخرائط
فينا من وجع المسافرين واطه ما لاقت هوية
ردَّ الأزرق مطر الحبش لوكان نبش جواك سقف
وهدّ حيلك في الدواخل وشدّ عصبك في المداخل
صوت مراكبي وجيت بتسـأل فـي القمح
وفينا من فرح المسافرين قصة الشمس القضية
يا أعشاب النيل الأبيض ما تتضارى وراء الدعوات
أقرأ تاريخك وأقاوم وأسأل جبين الفجرألقى الفجر
مطعون في القـفا هل سافرت في ذنبك المحموم
حبة غضب ما شلنا جمرك وإنطفا جوانا نارك والمطر
جائين بي الكتابة وضربة النـاس المهابة
لو هزّ نخلك بـاشبزق ما فارق النخـل السبيط
ما سـاور الطـورية شـك إنو الأرض أنثى
وبتحمل بي الحـلال مين اللي قال إنو المسافة
البينا وبين الشمس طاقـة أو ميـاه النيل
بتدخل فـي عـروق السنبلة المسقـية بي
عرق الجعانين والمسافـرين بالبطــاقة
أقرا تاريخك وأقيف جواك والزمن النضيف
جـواي مـن جواك غضب سلم مفاتيح
الســؤال جيل الشمس موكب حريـق
واقف على باب الدخول بيناتو بينات الوصول لحظة شهيق

mohamed
11-06-2007, 03:05 PM
بقول غنوات محمد طه القدال

بقول غنوات .. واقول غنوات
فى البلد البسير جنياتها لى قدام ..
بقول غنوات
وفى الولد البتل ضرعاتو فى العرضة
ويطير فى الدارة صقرية ..
ولو السمحة تلت إيد
ومدت جيد يقوم شايلاه هاشمية
يشيل شبالو وختفة ريد وفرحة عيد ..
وريدة روح وحمرة عين وإيدية
بقول غنوات .. بقول غنوات
وفى الولد البشيل مدقاقو قولة خير على القمرة
يقابل الجاية متحزم ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
و قبال حول تغيم غيمة قبلية
ترش الدارة والحدبة الصعيد الحلة
يا فرحه بتطارد الصفقة فى النسمة الصعيدية
وياجهرة نهار الليلة بدرية
رحيح جنياتنا فى
الحدبة الصعيد الحلة
يا قمحاتنا هو لبلب ...
يا سمحاتنا هو لبلب
و يا اللوز الفتق فى الوادى هو لبلب
ويا البحر الطمح مدادى هو لبلب ..
ويا حجواتنا يا دعواتنا هو لبلب
سألتك بالذى ركز الأرض معبد
وسوى الناس عليها مقام
سألتك بى حجا الأمات ودعواتنا ..
سألتك بى كبيداتن و دمعاتنا
شليل وين راح ..
يكون ضل الخريف فاتنا
وشليل وين راح
وزى برق السماك الجابها دغشية
وزى زغرودة البطن الكبارية
مرق من شامة القمرة
مهيقت بى وداعة الله
ومقدم بالعديل يبرا
تعالوا ابشروا ياجنيات
شليل ما راح .. شليل ما فات
شليل عند المسورو حرق بقالو حصاد
شليل فوق التقانت قام خدار وبلاد
شليل مشوار.. شليل مسدار
شليلنا أرضنا يا جنيات
شليل قائم نصاصي الليل
يتمتم ليلو وردية
حرازنا شليل .. شليلنا دليب
شليلنا دليل على البلدات بعد درب التبلدية
شليل ما راح .. شليل ما فات
مزارع بات على عشقين
تراب بلدو
وسماح فوق بت
مزارعية

mohamed
11-06-2007, 03:09 PM
كلمات أغنية بين الموجة والخزان مصطفى سيد أحمد - محمد الحسن سالم حميد
سنّى على النضال إيدى

سوّكى بى الهتاف .. فمّى

شوارعك لى .. دويها .. على

إذا ما آخر العلاج الكى ...

مراويدك حُمر يا أمْى

**********

هردت لهاتى بى الغنوات

وقتْ يبرد حشاك .. يا أمّى

من التعب البلا صالح ...

تفيقى .. تروقى .. تنجمّى

تسوّى مكانسك المطرة

تضوى البيت وتنجمّى

تمرقى صبوحة لى الجيران

قدح فوق إيد ... (وفْيد) ألمى

**********

يلاقوك شفّع الكتـّاب

نضاف وظراف بلا النسمى

يغنولك غناوى السـاب

وفى بيوضة مافى سراب

جبال كجمى وفيافى الكاب

تميد بى الخضرة ...منقسمى

فيافى الصّى وبيوضة ..

البراسيم فيها مفروضة

خدارا يرارى شوف عينى

على الأبواب .. طواريها وحواريها

بقت روضة

بقت تشرب من الحامداب ..

تشوفى رهاب ... بُعُد نجمى

.. بشوفو قريب قُرُب نضمى

بشوف العالم التحتانى هيلاهوب وقف ناهض

وهدّ عمايد الفوقانى ..

جوّة الجُب رمى العارض

وفى الساقوا الدمار أفراد

عريق الحب نبض قابض

متل قبض الحروف فى إسمى

وغناوينا القبيل .. رقراق

علينا تصب برد .. قارض

وأجر نمّى ...

أدوبى لهاتى بى الغنوات ..

عُقُب يبرد حشاك .. يا أمّى

....

وطنى ولا ملى بطنى

سكاتى ولا الكلام النّى

بليلتى ولا ضبايح طى

قليلتى ولا كُتُرْ سمّى

سلام يا أمّى

سلام لا هكمى .. لا دكْمى

mohamed
11-06-2007, 03:11 PM
عزه هوانا

صلاح حاج سعيد

ياجرح عزة هوانا

الساكنة فى حرف الكتابة

أصلو فى .. زمان الأسى المشدود

.. على وتر الكآبة

فى زمان الحرقة .. والخوف ..والرتابة

إنكتم نبض الأغانى

وإنبهم حس المعانى

وإنجرح خاطر المهابة


جيتنى فى الزمن الأليم

قلبى مثخن بى جراحات الهوى

عمرى ضايع فى متاهات النعيم

فى دروب الغربة .. لا تاب .. لا قِوى

كان عيونك فيهن الوصف القديم

معنى فى الحب .. إنطوى

وضاع معاك زمن الوسامة

وإختفى الفرح العلامة

لسة يا حزن الملامة

من سنين دربك .. سلامة

عاشق ابوالسيد
17-06-2007, 06:36 PM
الله يرحم ابو السيد
مشكورين اخواني
ويا ريت تكملوا ابداع الراحل
يديكم العافيه
ما نتحرم منكم

انوريكا
29-06-2007, 11:38 AM
ستظل فينا يا مصطفي لآخر نفس نلفظه إنشاء الله....

هشام السماني إبراهيم
29-06-2007, 11:52 AM
الدعوات للراحل مصطفى بالرحمة والمغفرة بقدر ماأسعدنا وأكثر