دى الزيادة البتعجب

[ودسمير]

زيادة الاسعار التى طوقتنا بطوق من الحديد الحامى شملت ايضا زيادة المشروبات الغازيه وجد فرحت جدا لهذه الزياده لان المشروبات الغازيه تضر جدا بصحة الانسان والكل على علم بذلك خاصة الكولا والبيبسى .
على القائمين على امر شعب وطننا الحبيب ان يدعمو السلع الاساسيه ولو دايرين الزيادة يشوفو الكماليات مثل السجاير والتمباك والمشروبات الغازيه وماشابه ذلك .

وحتما سنلتقى

[التيمان]

ماتهبشو التمباك والسيجاير والجبنات

الجبنات هبشوها الف ونص الكبايه

[بحيرى]

يا زول
انت ما قريت علم اللا فقاريات
ولا شفت مسلسل النوه
ولا سمعت ببرنامج لسان العرب
ولا ركبت مواصلات العربى
ولا عمت فى البحر جمب الكشافه
ولا اكلت من كشك
وما طيب ياخ
مالك ومال التمباك
هسه عبد الحق ده اقول شنو علينا
الزول ده ممكن افتح بلاغ فى المنتدى
واجيبوا التيمان شهود عيان
حقوا تقدم طلب قبول عزر
لدى السلطات المختصه فى مجلس الشيوخ الامريكى
علشان احولوك لجمعية مستخدمين التمباك فى بناء القدرات الوطنيه
انت فاهم حاجه
طيب ما تقول لى اقيف !!!

[مدنيّة]

ماتهبشو التمباك والسيجاير والجبنات


غايتو الله يديكم العافية
ههههههههههههههههههه

----------
والله يامعتز ماعايزين زيادة لاي حاجة
الناس الفيها مكفيها والله
يبقي عليهم هم وزيادة اسعار!!

--------
شكرا معتز

[mahagoub]

دى كلها تخبطات
هو المواطن ده تطير عيشته يلحما بى جاى
تنقد بجاى ما ملاحق على العندو
جايبين ليه زيادات من وين يغطيها

[الجندي المجهول]

مزيد من النجاح في افقار الشعب السوداني
ليس من الاكل فحسب بل حتى من الحرية !!!

الحمد لله هوا الله دا ما بقرووش

تخريمة : شئ مؤسف والله ان يكون المسؤول غافل عن حقيقة ان هنالك (موت وحساب)

من اعماق قلبي : اتمنى ان يحفظ الله السودان وشعبه من كل الفتن ما ظهر منها وما بطن ،،،،