التيمان
01-01-2011, 03:11 PM
بسم الله الرحمن الرحيم
مدخل :
منتديات ودمدنى العريقه اثبتت وجودها فى السنين المضت وكانت نجمه تضيىء فى سماء الانترنت وقوقل وجمعت الالاف من الناس فى داخل ست المداين وخارجها حتى اصبحت شى محسوس وليس على الانترنت فقط.. وكل التحيه لكل القايمين على هذا الصرح الشامخ ابدا .
نخش توششك:
ابت نفسى الا ان اشارككم ايقاد شمعتى السبعه فى منتديات ودمدنى وعضويتى مره كان كلامنا سمح وجميل ومره كان كلامنا كعب وبزعل ومره كان بضحك ومره كان شنو ماعارف ومره كان برى ساكت فى الفاضى ..
عشان كده حبينا نعتزر لى اى زول زعلناهو فى المنتدى ده ويعفى لى اخوانو الصغار ...
زكريات جميله:
اول موضوع كنت زول اربعه ساكت ونيو وعربى كده يازول فرحان فرحه سجلت هنا وكتبت فى العام يا جماعه نحنا التيمان وجيناكم بس تانى ماكتبت اى شى ..جاتنى ليك مزه عسل كان اسمها سالى قالت لى نورتو وكلام جميل ياخ على شلاقتنا وسامع جكس النت وبتاع رديت ليها فى العام فى الموضوع تسلمى ياعسل وممكن نتعرف عليك وجنس خفه كبيت الورق كلو انا فى الواطه وهى كانت عسل انتو تيمان جد وبتاع اليوم داك مانومنا جننا جكس من زمان جانا ليك عمك ابو المهتدى ..
ده شنو ياناس اتو اتفضحتو وكلام زى ده فى الخاص ماهنا ووورانا حنك الرسايل واول رساله كانت لى سالى طبعا..وكان حنك كده
خشينا شويه كده ادردحنا شويه لقينا ضالتنا الا وهو قسم الالعاب نزلنا مواضيعنا وجابت حقها شى القمله فى راس منو وشى نمره خمسه اسجن فلان ومعزم عشاء نمره سبعه اعزم فلانه... وطبعا محمد النور كان اول كبكابه هناك تعالى يا هنايه عازمك والقمله فى راس التوم ماتعزمنى اانا ياخ ..انور ابوالنور طوالى ساججنى فى اللعبه ويمرق فى شازروان وكانت ايام حلوه ياخ لمن بى هناك الناس كان بتكون للصباح قاعده ..
جريده شمارات المنتدى:
كان فى جريده اسبوعيه تعبنا فيها تعب كان الكاتب شبارقه الله يديهو العافيه وكانت من اجمل المواضيع فى المنتدى كان منفس لى ناس كتير وشمارات نيو وكلها طبعا عن سالى كانت مكسرا من الادمن لى عضو نيو ..
اول اللقاءات
الادمن : فى الجامعه انا حايم جانى ليك زول دولاب قال لى انت عامل سمين براك يا الله نفطر ونجى نشاكل ولا ماحنقدر على بعد شويه فصل معانا انا الادمن وبتاع حليل ايام الادمن زمان متوفر بى كثره يعنى لو كان عايز اشرراف سنده سمك كان موضوعك انتهى .. االمهم قعد معاانا ومشينا على السمك فى الكافتريا وحبسنا بى كبايه شاى ومتعنا ليك بى الجكس لمن انبسط قرب يجى كلو يوم لكن خجل مننا ساى وياريت نشوفك تانى
عمك ودالصول...بكرى دى اتش ال ...مصعب مساء الخير..بس خاينانى الزاكره
المهم اتلاقينا فى بيت ناس بكرى ده فى بانت كان يوم هلس غريب وجنس ضغن شى فواكه وشى شاى لبن وشى اش وشى بشى حاجات كوووووووول وكان ونسه وضحك وحركات فل ايام ياريت ترجع
اول شمعه مشيناها المركز الثقافى الاصفر الجننا
كان ناس اسامه الرشيد ومدنيه منوره ومصعب 24 واسماء الشريف عمك على النعيم واول مره نلاقى تغريد وعمر الماحى ونزار السر والمميز تقريبا فى ناس كتار كده وعمك بتاع الثقافى ناسى اسممو راجل فاضل كده
كان برنامج جميل والناس ملمومه والناس بتتعارف وريده لى بعض ماشاء الله بس
التيمان مفصولين فى غوانتانامو:
ايام الشقاوه قبلنا على الاداره دى قبيلت عدوك انا واوبو رجاء وودالمطاريد وراسكل وابورانيا وكبك طبعا كبك غيرو اسمو لى ممحمد مصطفى قالو لى بنديك مشرف لى هسي مافى زول عبرو يازول ماخلينا شى لى الاداره الاعضاء فى شنو ماعارف جنس شكل هو لمن عيونو لينا نادورجيه للمنتدى اى موضوع يتحزف فورا بقينا نساهر لى 4 صباحا عشان نكتب نلقى خاتين زول فى البرد ده مساهر لينا فى النهايه قالو يلا بلا تيمان بلا بطيخ شيل بره طردونا ليك زله الكلب
واخونا نزار حسن ماقصر رجعنا ياخ المنتدى لكن بقى حام ورانا بى سفرقو ده
تخريمه : ده تهديد للمشرفين الجدد
اعضاء نفتقدهم:
طبعا الذ حاجه فى زول كان اسمو سامبا انا بعلم فيهو كيف يتعامل مع المنتدى اخدت لى شهر زوقه كده القى مشرف عام جاتنى حمى يومين
وفقد شديد عمناا ابو المهتدى زعمنا 114 وسوار الياسمين و رييم ونور العيون وسالى وشازروان وابو رجاء وابورانيا ومين ومين سلسله تستمر
وكان فى جكس رهيييييييييييييييييييييييب مامتزكرو كلو طبعا ياريت يرجع ياحى يملنا علينا الكون تانى من جديد فرحه والعاب والجكس كان ملموم كلو فى الالعاب ماترجعو لينا ياخى ..
زكره فى قسم النواعم:
كان فى قسم زمان اسمو نواعم المنتدى خاص للجكس وكلو رجال انحنا فارقنا شغلتنا وبقينا هنا وكان الذ حاجه بوست قدر طروفك وجنس خلطات وحاجات الجكس لونو فتح فى المنتدى ... ايام ياخ
خاتمه:
انا بتمنى نكون معامكم لى 209020 زاتو ياخ انتو احلى ناس فى حياتنا وبعتزر تانى لى اى زول زعلان مننا فى حاجه بى قصد او دون قصد ..ياريت ايام زمان تعود وياريت الناس تتعامل بى اريحيه زمان وبراه زمان يعنى انا لو ماللقيت ابوالمهتدى وسالى فى وشى ورحبو بى كده كان زمان خليت المنتدى لكن رحبو بى وورونا الصح شنو وفردونا وبى المناسبه احلى يوم فى حياتنا كان شرفنا فيهو ابو المهتدى فى بيتنا وبعاين لينا بى استغراب ديل انتو ياعيال البتلعبو فى المنتدى ونبزنا غايتو لكن كنا فرحانين وقعد معانا وكان يوم فل
ونحياتى ليكم وكل عام ونحنا معاكم وكل عام انحنا فى حب وتزايد وتسامح
مع تحياتنا ليكم
التيمان
http://files.mothhelah.com/img/oj126955.jpg
مدخل :
منتديات ودمدنى العريقه اثبتت وجودها فى السنين المضت وكانت نجمه تضيىء فى سماء الانترنت وقوقل وجمعت الالاف من الناس فى داخل ست المداين وخارجها حتى اصبحت شى محسوس وليس على الانترنت فقط.. وكل التحيه لكل القايمين على هذا الصرح الشامخ ابدا .
نخش توششك:
ابت نفسى الا ان اشارككم ايقاد شمعتى السبعه فى منتديات ودمدنى وعضويتى مره كان كلامنا سمح وجميل ومره كان كلامنا كعب وبزعل ومره كان بضحك ومره كان شنو ماعارف ومره كان برى ساكت فى الفاضى ..
عشان كده حبينا نعتزر لى اى زول زعلناهو فى المنتدى ده ويعفى لى اخوانو الصغار ...
زكريات جميله:
اول موضوع كنت زول اربعه ساكت ونيو وعربى كده يازول فرحان فرحه سجلت هنا وكتبت فى العام يا جماعه نحنا التيمان وجيناكم بس تانى ماكتبت اى شى ..جاتنى ليك مزه عسل كان اسمها سالى قالت لى نورتو وكلام جميل ياخ على شلاقتنا وسامع جكس النت وبتاع رديت ليها فى العام فى الموضوع تسلمى ياعسل وممكن نتعرف عليك وجنس خفه كبيت الورق كلو انا فى الواطه وهى كانت عسل انتو تيمان جد وبتاع اليوم داك مانومنا جننا جكس من زمان جانا ليك عمك ابو المهتدى ..
ده شنو ياناس اتو اتفضحتو وكلام زى ده فى الخاص ماهنا ووورانا حنك الرسايل واول رساله كانت لى سالى طبعا..وكان حنك كده
خشينا شويه كده ادردحنا شويه لقينا ضالتنا الا وهو قسم الالعاب نزلنا مواضيعنا وجابت حقها شى القمله فى راس منو وشى نمره خمسه اسجن فلان ومعزم عشاء نمره سبعه اعزم فلانه... وطبعا محمد النور كان اول كبكابه هناك تعالى يا هنايه عازمك والقمله فى راس التوم ماتعزمنى اانا ياخ ..انور ابوالنور طوالى ساججنى فى اللعبه ويمرق فى شازروان وكانت ايام حلوه ياخ لمن بى هناك الناس كان بتكون للصباح قاعده ..
جريده شمارات المنتدى:
كان فى جريده اسبوعيه تعبنا فيها تعب كان الكاتب شبارقه الله يديهو العافيه وكانت من اجمل المواضيع فى المنتدى كان منفس لى ناس كتير وشمارات نيو وكلها طبعا عن سالى كانت مكسرا من الادمن لى عضو نيو ..
اول اللقاءات
الادمن : فى الجامعه انا حايم جانى ليك زول دولاب قال لى انت عامل سمين براك يا الله نفطر ونجى نشاكل ولا ماحنقدر على بعد شويه فصل معانا انا الادمن وبتاع حليل ايام الادمن زمان متوفر بى كثره يعنى لو كان عايز اشرراف سنده سمك كان موضوعك انتهى .. االمهم قعد معاانا ومشينا على السمك فى الكافتريا وحبسنا بى كبايه شاى ومتعنا ليك بى الجكس لمن انبسط قرب يجى كلو يوم لكن خجل مننا ساى وياريت نشوفك تانى
عمك ودالصول...بكرى دى اتش ال ...مصعب مساء الخير..بس خاينانى الزاكره
المهم اتلاقينا فى بيت ناس بكرى ده فى بانت كان يوم هلس غريب وجنس ضغن شى فواكه وشى شاى لبن وشى اش وشى بشى حاجات كوووووووول وكان ونسه وضحك وحركات فل ايام ياريت ترجع
اول شمعه مشيناها المركز الثقافى الاصفر الجننا
كان ناس اسامه الرشيد ومدنيه منوره ومصعب 24 واسماء الشريف عمك على النعيم واول مره نلاقى تغريد وعمر الماحى ونزار السر والمميز تقريبا فى ناس كتار كده وعمك بتاع الثقافى ناسى اسممو راجل فاضل كده
كان برنامج جميل والناس ملمومه والناس بتتعارف وريده لى بعض ماشاء الله بس
التيمان مفصولين فى غوانتانامو:
ايام الشقاوه قبلنا على الاداره دى قبيلت عدوك انا واوبو رجاء وودالمطاريد وراسكل وابورانيا وكبك طبعا كبك غيرو اسمو لى ممحمد مصطفى قالو لى بنديك مشرف لى هسي مافى زول عبرو يازول ماخلينا شى لى الاداره الاعضاء فى شنو ماعارف جنس شكل هو لمن عيونو لينا نادورجيه للمنتدى اى موضوع يتحزف فورا بقينا نساهر لى 4 صباحا عشان نكتب نلقى خاتين زول فى البرد ده مساهر لينا فى النهايه قالو يلا بلا تيمان بلا بطيخ شيل بره طردونا ليك زله الكلب
واخونا نزار حسن ماقصر رجعنا ياخ المنتدى لكن بقى حام ورانا بى سفرقو ده
تخريمه : ده تهديد للمشرفين الجدد
اعضاء نفتقدهم:
طبعا الذ حاجه فى زول كان اسمو سامبا انا بعلم فيهو كيف يتعامل مع المنتدى اخدت لى شهر زوقه كده القى مشرف عام جاتنى حمى يومين
وفقد شديد عمناا ابو المهتدى زعمنا 114 وسوار الياسمين و رييم ونور العيون وسالى وشازروان وابو رجاء وابورانيا ومين ومين سلسله تستمر
وكان فى جكس رهيييييييييييييييييييييييب مامتزكرو كلو طبعا ياريت يرجع ياحى يملنا علينا الكون تانى من جديد فرحه والعاب والجكس كان ملموم كلو فى الالعاب ماترجعو لينا ياخى ..
زكره فى قسم النواعم:
كان فى قسم زمان اسمو نواعم المنتدى خاص للجكس وكلو رجال انحنا فارقنا شغلتنا وبقينا هنا وكان الذ حاجه بوست قدر طروفك وجنس خلطات وحاجات الجكس لونو فتح فى المنتدى ... ايام ياخ
خاتمه:
انا بتمنى نكون معامكم لى 209020 زاتو ياخ انتو احلى ناس فى حياتنا وبعتزر تانى لى اى زول زعلان مننا فى حاجه بى قصد او دون قصد ..ياريت ايام زمان تعود وياريت الناس تتعامل بى اريحيه زمان وبراه زمان يعنى انا لو ماللقيت ابوالمهتدى وسالى فى وشى ورحبو بى كده كان زمان خليت المنتدى لكن رحبو بى وورونا الصح شنو وفردونا وبى المناسبه احلى يوم فى حياتنا كان شرفنا فيهو ابو المهتدى فى بيتنا وبعاين لينا بى استغراب ديل انتو ياعيال البتلعبو فى المنتدى ونبزنا غايتو لكن كنا فرحانين وقعد معانا وكان يوم فل
ونحياتى ليكم وكل عام ونحنا معاكم وكل عام انحنا فى حب وتزايد وتسامح
مع تحياتنا ليكم
التيمان
http://files.mothhelah.com/img/oj126955.jpg