ممكن (ناطق رسمى ) شدة يوم يومين كده

[عبدالرحمن مدثر]

الواحد لو داير يبقى ناطق رسمى عن احساسو

يقوم يتقدم الصفوف .. والدفوف

ولا يبالى بصف الرغيف

ويتمططط لاعند عند الشوووف

زرقاء اليمامة بثوب عصرى

ويقعد هو واحساسو فى جلسة تشاورية

لاصدار بيان مشترك لتحديد الحالة الراهنة

[صلاح ودالطاهر]

ابوها مالك مجهجه نفسك تبادل كل سنه وانت طيب اها شديتك انداح

[عبدالرحمن مدثر]

ودالطاهر عمدتنا .. طبعا انت فى بالى

وقصتى مع النفاج بوست قريب من اندياحاتى

انت عارف

انت ارتبطت عندنا بالضحكة

بالدخلة الحلوة

بالتعليق الاجمل

بالمشاركة المتواصلة والحضور الانيق

انت وووين صورتك الزمان ديك

وذكرتنى نكاتك السمحة دييييييك

زمن الخيال الواسع (الخيال بس)

والنكات المحتاجة لوقفة وتامل

زى نكتة المره القالت لراجلها

انت تعاملك معاى بقى زى الزفت

فقال ليها بمناسبة الزفت (وووين امك )

جايييييك ياعمدة

[عثمان جلالة]

ههههههههههههه ناطق رسمي "مستعمل" ينفع :):o;)

يا عمك .. عندنا خبره في النطوق ... لكن الشده دي يخربنا :rolleyes::):)

تلحييييييييييييييييييييييييييييييييييقه

قالوا علوق الشده .. مو نااااااااااااااافع :):):) ههههههههههه

[مدناوية]

عبدالرحمن مدثر ..

صاحب البوستات القريبة للروح ..

المريحة للنفس ..

فيها ما فيها من الإندياح ..

واصل يا سعادة الناطق الرسمي عن أحاسيسك ..

[ود المطامير]

الحبيب

عمدتنا سابقاً وبتاع النقّه حالياً أداك ليها شدّه كم يوم

أهااا يا خوى كنكش تمام وما تبقى ذى سوار الدهب

[عبدالرحمن مدثر]

ههههههههههههه

جلالة دى لمة حلوة تستنطق الصخر

نستنطق الصخر حتى = يلين طوعاً وقسرا

و نكسوا القفر عشباً = فلا يرى ثم قفرا

ونزرع الخصب عشقاً = لو لم ننل منه قدرا

فغيرنا قد جناه = ولم نجد منه شكرا

به استمال قلوباً = ونحن أولى وأحرى

هذا قصيدي أعيا = من ليس بالشعر أدرى


رايك شنو عليك فى الاستنطاق دا .. دا بوست ناطق بكل لغات الاستنطاق

كيف لا وفيه ناطق معااااااااش .. وناطق ناطق يستشرف عام جديد

ومنتدى بالق جديد ..

انت الناطق الرسمى وحسب معلوماتى الشوية موش هو البكون فى وش المدفع

ولا لمن تحصل حاجة كدا مهمة يوزع الشربات والحلاوة للناس

ويقول تيست ون .. تو ثرى

ولما الشارع يبقى زقاق والزقاق فيه كلاب بتنبح هو برضو بجى

ويعمل تنوير للحالة العامة ويخم الناس بكم كلكة كدا من الكلمات الكباااااااار



بالجنبة

من زمان داير اسعل زول انت زمان يونس محمود بتاع الجيش داك كان ناطق رسمى

ولا بنجر سااااااااااااى .. بتاع ايها الشعب السودانى البطل

بطل بتاع مزن بتى كلو قرمشة


كل سنة وانت طيب ياعمك انت والاسرة الكريمة

[عبدالرحمن مدثر]

مدناوية

قبل الاندياح النفاج بكون احلى طبعا بروحك المرحة .. وشلاقة المسافر

التى ستقل شوية .. ويبطل المرافسة الى حين اشعار آخر

كدى النحكى ليكم حبة حبة

بعد يوم طوييييييييل دا اليوم المنو بتجى ناطة السنة الجديدة 2011

بعد المغيرب كدا جهزت احساسى .. وقلت امشى اروس برره البيت

تمشى وين ياعبده

انا صراحة بحب البت الاسمها نانسى عجاج وصوتها الدافى

والايام دى شتوية .. وبتم الناقصة لما تكون هى مع المستحيل وردى


ياسلام ترويسة على الطريقة الصاح

ترويسة شراكة جديدة من الاحساس

[عبدالرحمن مدثر]

دى ياودالشرفة .. وشرفة الضحكة الندية


هع .. هع .. هع

دى بقت ماركة مسجلة صاح

بقت الناطق الرسمى ليك

انت من الذين لايضحكون كثيرا واذا ضحكوا يستمتعو بالضحكة

مابفكوها سااااااااى

بتجى طالعة بتقسيمة

ابقى حاضر


جااااااااااءنا البيان التالى

[mahagoub]

اقول ليك من الآخر كده
شد واركب

[محمد الواثق]

ودالطاهر عمدتنا .. طبعا انت فى بالى

وقصتى مع النفاج بوست قريب من اندياحاتى

انت عارف

انت ارتبطت عندنا بالضحكة

بالدخلة الحلوة

بالتعليق الاجمل

بالمشاركة المتواصلة والحضور الانيق

انت وووين صورتك الزمان ديك

وذكرتنى نكاتك السمحة دييييييك

زمن الخيال الواسع (الخيال بس)

والنكات المحتاجة لوقفة وتامل

زى نكتة المره القالت لراجلها

انت تعاملك معاى بقى زى الزفت

فقال ليها بمناسبة الزفت (وووين امك )

جايييييك ياعمدة


هههههههههههه
عبد الرحمن مدثر
كل عام وانت بخير
وانت كذلك عمنا ود الطاهرر