السيرة الذاتية للحضري ،،،،،

[الجندي المجهول]

مع المنتخب المصري

كأس الأمم الأفريقية لكرة القدم 1998 في بوركينا فاسو.
كأس الأمم الأفريقية لكرة القدم 2006 في مصر.
كأس الأمم الأفريقية لكرة القدم 2008 في غانا.
كأس الأمم الأفريقية لكرة القدم 2010 في أنجولا.
بطولة كرة القدم في دورة الألعاب العربية (2007)
مع النادي الأهلى المصري

دوري أبطال أفريقيا (بطولة أفريقيا للأندية أبطال الدوري) عام 2001م.
دوري أبطال أفريقيا (بطولة أفريقيا للأندية أبطال الدوري) عام 2005م.
دوري أبطال أفريقيا (بطولة أفريقيا للأندية أبطال الدوري) عام 2006م.
كأس السوبر الأفريقي 2001م.
كأس السوبر الأفريقي 2005م.
كأس السوبر الأفريقي 2006م.
المركز الثالث في كأس العالم للأندية عام 2006م في اليابان.
مع نادي سيون لكرة القدم بسويسرا

كأس سويسرا عام 2009م.
الجوائز الشخصية

أفضل حارس مرمي في دوري أبطال أفريقيا عام 2001م.
أفضل حارس مرمي في دوري أبطال أفريقيا عام 2005م.
أفضل حارس مرمي في دوري أبطال أفريقيا عام 2006م.
أفضل حارس مرمى في كأس الأمم الأفريقية عام 2006م.
أفضل حارس مرمى في كأس الأمم الأفريقية عام 2008م.
أفضل حارس مرمى في كأس الأمم الأفريقية عام 2010م.

تخريمة : عن نفسي انا والحمد لله السمح بقول عليهو سمح ،،،
بغض النظر عن محبتنا للاخوة المصريين أو عدم محبتنا لهم (البعض وليس الكل) ،،
بصراحة بعد ما وجدت تلك السيرة الذاتية الجميلة للحارس الحضري ايقنت ان هذا الشخص صاحب انجازات لا يمتلكها أي شخص عادي بس انحنا (حاسدين ساكت ) لكن غصباً عننا الزول دا عمل انجازات ما بعدها انجازات وبكل امانة وحيادية ما انجزه الحضري لوحده لم ( ولن ينجزه) أي فريق سوداني كان في الحاضر ولا في الماضي ولن اقول في المستقبل لان العلم عند الله ،،

بصراحة اي زول بيتكلم بعد كدا في الحضري من الناحية (الفنية) يعتبر مريض ( نفسياً ) ولديه احساس بالدونية ،،
اما اذا تحدث اي شخص عن مشاكله مع الاهلي والاسماعيلي فيمكن النقاش حول هذه النقطة بصورة منطقية للغاية ..

عن نفسي وراي الخاص اذا التزم الحضري وتفرغ للكورة ( بخت المريخ )

واذا عملها سفر ومشاكل ( المريخ شرب مقلب) واهدر الدولارات في الفارغ ..

هذين الامرين لا يوجد ثالث لهما .....

مع خالص الود والتحايا .....

[مدنيّة]

هسي يجوك الحاقدين امثال وربش وهمسة شوق
يقولوا ليك جيب المصدر :cool:

[الجندي المجهول]

هسي يجوك الحاقدين امثال وربش وهمسة شوق
يقولوا ليك جيب المصدر :cool:




ياخ ديل عاقلين بالذات في الحاجة المنطقية ،،،،

مصدر إلى كان بالنسبة للعزيز روبش
لكن بالنسبة لي همسة إلى اجيب ليهو شرايط 1998م لانو هو كان مغترب وانا لسه
لكن باقي امم افريقيا 2006م و 2008 م شاهدناها مع بعض لاننا كنا ساكنين مع بعض و 2010م شاهدنا جزء منها مع بعض
اها رايك شنو في المصدر دا ما قوي بالله عليك

تخريمة : في الدافوري الزول دا فردتي وهو البجيب لينا القون ( واستاذ رضا البحرس القون) عشان كدا الناس ديل حبايب معاي ياخ


ازيع ليك سر ( استاذ رضا اوقف من بها الدين ملوص ) وزيكو بعد عامل السن دا ( أحسن من طمبج + كاريكا)

[ZANOON]

باكا الحبيب
كلام زي الدهب
دايرين منك عرض برشات المعز الداخليه والخارجيه
علي وزن انجازات وكده

[ZANOON]

هسي يجوك الحاقدين امثال وربش وهمسة شوق
يقولوا ليك جيب المصدر :cool:



انا متأكد ما بقولو حاجه
الناس ديل شده مامتابعين الزعيم
بقو عارفين الاخبار اكتر مننا

[روبش]

مع المنتخب المصري

كأس الأمم الأفريقية لكرة القدم 1998 في بوركينا فاسو.
كأس الأمم الأفريقية لكرة القدم 2006 في مصر.
كأس الأمم الأفريقية لكرة القدم 2008 في غانا.
كأس الأمم الأفريقية لكرة القدم 2010 في أنجولا.
بطولة كرة القدم في دورة الألعاب العربية (2007)
مع النادي الأهلى المصري

دوري أبطال أفريقيا (بطولة أفريقيا للأندية أبطال الدوري) عام 2001م.
دوري أبطال أفريقيا (بطولة أفريقيا للأندية أبطال الدوري) عام 2005م.
دوري أبطال أفريقيا (بطولة أفريقيا للأندية أبطال الدوري) عام 2006م.
كأس السوبر الأفريقي 2001م.
كأس السوبر الأفريقي 2005م.
كأس السوبر الأفريقي 2006م.
المركز الثالث في كأس العالم للأندية عام 2006م في اليابان.
مع نادي سيون لكرة القدم بسويسرا

كأس سويسرا عام 2009م.
الجوائز الشخصية

أفضل حارس مرمي في دوري أبطال أفريقيا عام 2001م.
أفضل حارس مرمي في دوري أبطال أفريقيا عام 2005م.
أفضل حارس مرمي في دوري أبطال أفريقيا عام 2006م.
أفضل حارس مرمى في كأس الأمم الأفريقية عام 2006م.
أفضل حارس مرمى في كأس الأمم الأفريقية عام 2008م.
أفضل حارس مرمى في كأس الأمم الأفريقية عام 2010م.

تخريمة : عن نفسي انا والحمد لله السمح بقول عليهو سمح ،،،
بغض النظر عن محبتنا للاخوة المصريين أو عدم محبتنا لهم (البعض وليس الكل) ،،
بصراحة بعد ما وجدت تلك السيرة الذاتية الجميلة للحارس الحضري ايقنت ان هذا الشخص صاحب انجازات لا يمتلكها أي شخص عادي بس انحنا (حاسدين ساكت ) لكن غصباً عننا الزول دا عمل انجازات ما بعدها انجازات وبكل امانة وحيادية ما انجزه الحضري لوحده لم ( ولن ينجزه) أي فريق سوداني كان في الحاضر ولا في الماضي ولن اقول في المستقبل لان العلم عند الله ،،

بصراحة اي زول بيتكلم بعد كدا في الحضري من الناحية (الفنية) يعتبر مريض ( نفسياً ) ولديه احساس بالدونية ،،
اما اذا تحدث اي شخص عن مشاكله مع الاهلي والاسماعيلي فيمكن النقاش حول هذه النقطة بصورة منطقية للغاية ..

عن نفسي وراي الخاص اذا التزم الحضري وتفرغ للكورة ( بخت المريخ )

واذا عملها سفر ومشاكل ( المريخ شرب مقلب) واهدر الدولارات في الفارغ ..

هذين الامرين لا يوجد ثالث لهما .....

مع خالص الود والتحايا .....


العزيز الجني
لك التحايا
اكيد مافي شك في انجازات الحارس الحضري ولا يختلف عليه اثنان
ولكن السؤال الذي يفرض نفسه لماذا اختار المريخ هل ليكون معبر له ليحدد وجهته.. وهذا الاكيد
المريخ اخي الجندي دفع ما لم يدفعه الذين يرغبون في ضم الحضري .. فالحضري سدد الدين الذي عليه من بنك المريخ.. ومسألة يعمل حاجة للمريخ ما اعتقد في ظل ظروف السودان ( ملاريا وغيرها )
نحن نتمنى ان يوفق الحضري مع المريخ ويطلع مصري جدع

[روبش]

[QUOTE=مدنيّة;561804][FONT="Courier New"][SIZE="4"][COLOR="red"]هسي يجوك الحاقدين امثال وربش وهمسة شوق
يقولوا ليك جيب المصدر :cool:

اقول ::: معلومات زي ما اعتقد عايزه مصدر يا عمتي خاصة في قامة الحضري
اقول ::: بعدين تعالوا قولي لي رأيك شنو

[روبش]

باكا الحبيب
كلام زي الدهب
دايرين منك عرض برشات المعز الداخليه والخارجيه
علي وزن انجازات وكده


اقول ::: اكرم وين

[روبش]

انا متأكد ما بقولو حاجه
الناس ديل شده مامتابعين الزعيم
بقو عارفين الاخبار اكتر مننا

اقول :: عليك النبي عسع اتابع اخبار بله جابر ولا قلق ولا ابوجريشه
عيني لافراح اقعد اتابعكم انا عشان يجيني السكري والضغط

[همسة شوق]

باكا حبيبنا والله الحضرى كأنجازات مافى ولا كلمة
وانجازاتو الزمان بتتكلم عنو . ( بالمناسبة هسى عمرو كم ؟ )
لكن السؤال هنا هل بقدر فى عمرو دة انو يعمل حاجة تانية ؟ الله اعلم
الحاجة التانية وكل الناس عارفة الحضرى انو مثير للمشاكل .
واتمنى انو يكون جمال الوالى اتعلم كيف يتعامل مع عقود اللاعبين ومايكون شاطر فى الدفع بس . ( هو دافع حاجة من جيبو ؟ )
راجع ليك تانى

[همسة شوق]

هسي يجوك الحاقدين امثال وربش وهمسة شوق
يقولوا ليك جيب المصدر :cool:





نحن مادايرين مصدر دايرين شهادة الميلاد بس

[همسة شوق]

ياخ ديل عاقلين بالذات في الحاجة المنطقية ،،،،

مصدر إلى كان بالنسبة للعزيز روبش
لكن بالنسبة لي همسة إلى اجيب ليهو شرايط 1998م لانو هو كان مغترب وانا لسه
لكن باقي امم افريقيا 2006م و 2008 م شاهدناها مع بعض لاننا كنا ساكنين مع بعض و 2010م شاهدنا جزء منها مع بعض
اها رايك شنو في المصدر دا ما قوي بالله عليك

تخريمة : في الدافوري الزول دا فردتي وهو البجيب لينا القون ( واستاذ رضا البحرس القون) عشان كدا الناس ديل حبايب معاي ياخ


ازيع ليك سر ( استاذ رضا اوقف من بها الدين ملوص ) وزيكو بعد عامل السن دا ( أحسن من طمبج + كاريكا)



هههههههههههه
والله يا باكا بالغت عديل كدة
نحن الانجازات دى عارفنها لكن بعد داااااااك ؟
وعامل السن البتتكلم عنو دة وين من الحضرى ؟

[همسة شوق]

باكا الحبيب
كلام زي الدهب
دايرين منك عرض برشات المعز الداخليه والخارجيه
علي وزن انجازات وكده


وما تنسى زيد عليها بطحات سادومبا لكرومى
وكمان لما الحضرى رفع راسو لقى الكورة طالعة من الشبكة من صاروخ كرنقو وادتو فى راسو من وراء كع
وكمان لما بشة طاير فوق والمناضل رمزى منبطح على جمبتو

[همسة شوق]

انا متأكد ما بقولو حاجه
الناس ديل شده مامتابعين الزعيم
بقو عارفين الاخبار اكتر مننا




نقول شنو وهو انتوا خليتوا فيها قولان
نحن ما شغالين بيكم كتير يا وصيفاب انتوا الشغالين بى سيد البلد
وعشان ابرهن ليك الكلام دة انا بسالك اذكر لى اسماء اعضاء مجلس ادارة المريخ ؟
تلقاك عارف تلاتة بس .
مع انى متاكد انك حافظ اعضاء ادارة الهلال عن ظهر قلب

[الجندي المجهول]

باكا حبيبنا والله الحضرى كأنجازات مافى ولا كلمة
وانجازاتو الزمان بتتكلم عنو . ( بالمناسبة هسى عمرو كم ؟ )
لكن السؤال هنا هل بقدر فى عمرو دة انو يعمل حاجة تانية ؟ الله اعلم
الحاجة التانية وكل الناس عارفة الحضرى انو مثير للمشاكل .
واتمنى انو يكون جمال الوالى اتعلم كيف يتعامل مع عقود اللاعبين ومايكون شاطر فى الدفع بس . ( هو دافع حاجة من جيبو ؟ )
راجع ليك تانى

حبيبنا صباح الخير ،،،
اهو عندك العجي وهيثم مصطفى الاتنين ديل اكبر منو بي سنتين (40 سنة) وهو الان عمرو 38 ولاحظ هو (حارس مرمى) وهم لاعبي وسط وللان جاريين ..
وباعتبارك لاعب كرة (قديم) اعتقد انك اوردت هذه المشاركة من (باب المداعبة) حتى تعكنن عمتك (مدنية) باعتبار انها ليست خبرة في مجال اعمار اللاعبين ...
لكن بحمد الله اهو عرفت الان أن الحضري حارس مرمى وعمره 38 يعني اصعر من عجبكو وهيثمكو بي ( سنتين ) وبعد كدا ياخ انا شكي انهم اطبر من كدا ....
تخريمة : الحضري دي كان ما رلقيتو واقف لي منتخب مصري لي 2014م ما تديني ايديك
بالنسبة للمريخ لو استقر وبطل شكل وسفر ( مكسب طن ) بلا شك وحل مشكلة (يعاني منها المريخ ) منذ اعتزال حامد بريمة

ولو عملها سفر وجري ومشاكل ( الدولارات وقت واطة )

حبيبنا موضوع العمر (دا حنك ما لذيذ )

اهو عندك حاتم فار (زنقوووو) للان بيكتب في الشعر ( طبعا عارفني قاصد شنو)

تخريمة : عندي ليك كلام يوم الجمعة في الدافوري باذن الله ،،،، بس بدري عليك الله (عاوزين نرشهم والشمس فووووووق)

[ايمن عبد الله]

التاريخ ما عندنا فيهو كلام لكن الراجل ده حالياً ماسورة يا جندينا


وكرنقوووووووووووو قااااااااااااعد يا الجندي

[الجندي المجهول]

التاريخ ما عندنا فيهو كلام لكن الراجل ده حالياً ماسورة يا جندينا


وكرنقوووووووووووو قااااااااااااعد يا الجندي

ايمن حبيبنا ،،،
طيب وكون كرنقو يجيب قون في الحضري دا عيب

والله يا ايمن بتفكرو كيف انا ما عارف
طيب بعد القون دا الزول دا جاب مع مصر كاس افريقيا 2008 و 2010م وكاس سويسرا

مشكلتك كغيرك يا حبيبنا متأثر بالاعلام ،،
والله والله الحضري دا لو لعب بي نصر مستى ( احسن ) من جميع الحراس الموجودين الان في الاسحة ( ابتداء ) بي بهاء الدين مروص واكرم انبراشة والمعز شربكة ومش عارف ايه

طيب ماذا تقول للاهداف التي دخلت مرمى بهاء وهو مازال يحرس مرمى منتخبنا القومي بكل اسف وماذا تقول عن محمد كمال وهو ما زال موجود بالكشف وماذا تقول عن المعز زلا زال هو حارس الهلال الاول وكذلك السودان ..
وديل كلهم شاهدناهم وكذلك شاهدنا الحضر وبامانة لا توجد ادنى مقارنة ولا 10 %

ياخ الزول دا توجهات لي زملائه ساكت بدي ليك ( الخمووج ) حقنا ديل 6 صفر

نحن نتحدث بالعاطفة فقط ولا ننظر للاشياء بالمنطق
كل شي بالعاطفة

الحارس اي نعم مصري واعرف جيدا نظرتك للمصرين ومعك كثر من الاخوة
ولكن اوقولها بالفم المليان الحضري ( وقااف) شئنا ام ابينا اي نعم عمره الان 38 سنة ولا اري في ذلك غضاضة طالما انا مستواه ثابت

ولا تنسى هو حارس مرمى وانت عندك العجب وهيثم وبلعبوا في (النص) وعمرهم الاتين 40 سنة وانا متأكد الاتنين ديل برغم شعبيتهم لدى جماهير انديتهم ولو رجعتهم 15 سنة لي وراء ( ما بقدروا يحترفوا في الدوري المصري ) وانا ما قاصد بالدوري المصري اهلي زمالك اسماعلي لا

انا قاصد ناس امبي وسموحة والانتاج الحربي وطلائع الجيش

معليش امكن كلامي سخن شوية
لكن والله دي الحقيقة ،،،،، التي دائما نخاف الحديث عنها وكلامنا كله كلام مشجعين ومتعصبين ليس إلا

شئنا ام ابينا كورتنا ( حبة)

وبصراحة الحضري مستواهو زاتو اكبر من الدوري السوداني بي 50 سنة ضوئية

وقرض على كدا ////

[ايمن عبد الله]

الجندي انا بسخن في الموتورات ديل سااااي مالك معاي يااااخ

خلينا نفرح الموتورات ديل شوية طول عمرهم ناسيهم الفرح

لكن والله اقنعتني يا قنّاع

بيني وبينك الحضري هيبة حتى لو كبر انت شفت صرة وشو دي براها بتخوف المهاجمين وانصاف المهاجمين ك كاريكا وفلكس وهلمجرا


وبعدين انت بتكتب بالأزرق مالك ؟

[روبش]

الجندي انا بسخن في الموتورات ديل سااااي مالك معاي يااااخ

خلينا نفرح الموتورات ديل شوية طول عمرهم ناسيهم الفرح

لكن والله اقنعتني يا قنّاع

بيني وبينك الحضري هيبة حتى لو كبر انت شفت صرة وشو دي براها بتخوف المهاجمين وانصاف المهاجمين ك كاريكا وفلكس وهلمجرا


وبعدين انت بتكتب بالأزرق مالك ؟


اقول :: يا ابو اسيل بعد السيرة العطرة ده وطيب الله ثراه وتزكيتك نتمنى ان تشوف ليهو شغل بالمملكة
اقول :: تاني ما احلا الكتابة بالازرق

[ايمن عبد الله]

اقول :: يا ابو اسيل بعد السيرة العطرة ده وطيب الله ثراه وتزكيتك نتمنى ان تشوف ليهو شغل بالمملكة
اقول :: تاني ما احلا الكتابة بالازرق


الكتابة بالازرق قالو بتعمل عمى الوان

الكلام ده قريتو في الموقع ده اضغط هنا (http://www.facebook.com/home.php?sk=group_187127921314010&ap=1)

[ZANOON]

اقول ::: اكرم وين

نحن مع السنه الجديده2011
عصام الحضري (اكرم )المريخ بكاس موديل السنه
كاس شنو؟
بتشوفو براااك
مجرد سوال؟تتوقعو كاس شنو؟

[ZANOON]

اقول :: عليك النبي عسع اتابع اخبار بله جابر ولا قلق ولا ابوجريشه
عيني لافراح اقعد اتابعكم انا عشان يجيني السكري والضغط

كدي ياروبش بيني وبينك
لو بله وقلق بجيبو الضغط والسكري
ناس يوسف محمد وخليفه وبكري وديمبا
جابو ليك شنو؟القلب المصران
الله يمتعك بالصحه والعافيه
لكن الوقايه خير من العلاج

[ZANOON]

نحن مادايرين مصدر دايرين شهادة الميلاد بس

حبيبنا
شهاده الميلاد دايرا لشنو؟
عندو شهاده الايزو في المستوي والجوده

[ZANOON]

وما تنسى زيد عليها بطحات سادومبا لكرومى
وكمان لما الحضرى رفع راسو لقى الكورة طالعة من الشبكة من صاروخ كرنقو وادتو فى راسو من وراء كع
وكمان لما بشة طاير فوق والمناضل رمزى منبطح على جمبتو

اكرم كلمناهو مايلعب سنيه في الهلال ماسمع الكلام
واهو فضله خير المعز

[ZANOON]

نقول شنو وهو انتوا خليتوا فيها قولان
نحن ما شغالين بيكم كتير يا وصيفاب انتوا الشغالين بى سيد البلد
وعشان ابرهن ليك الكلام دة انا بسالك اذكر لى اسماء اعضاء مجلس ادارة المريخ ؟
تلقاك عارف تلاتة بس .
مع انى متاكد انك حافظ اعضاء ادارة الهلال عن ظهر قلب

1/جمال الوالي
2/جمال الوالي
3/جمال الوالي
سوالي ليك نائب ريس ناديكم منو؟

[ايمن عبد الله]

هم عندهم رئيس عشان اكون في نائب ولا ضرس .. ديل بتاعين تسييير ساااي

[روبش]

ابو اسيل قالوا الما بتلحقوا جدعوا .. واصوا في جديعكم ونحن بنواصل في الصدارة وخليكم دائما ضلنا..
اقول :: ناس قلق وبله والشغيل وغيرهم من اخوانا بتعملوا ليهم شنو ( جنسية مزدوجه ولا كتور جوبا تشيلهم )

[ايمن عبد الله]

ابو اسيل قالوا الما بتلحقوا جدعوا .. واصوا في جديعكم ونحن بنواصل في الصدارة وخليكم دائما ضلنا..
اقول :: ناس قلق وبله والشغيل وغيرهم من اخوانا بتعملوا ليهم شنو ( جنسية مزدوجه ولا كتور جوبا تشيلهم )

قلق ما جنوبي ولا الشغيل ولا بلبل يا روبش .. انت قايلهم روي قلواك وريتشارد مشاطيبكم ..

وبعدين نلحق ليكم شنو اول شي اتعادلوا معانا جيبو ليكم كاس محترم زي كاس مانديلا بعدين تعالو انضمو .. عاين ده عليك الله صفر دولي وفصاحة دولية؟ عجيب

[ZANOON]

والله انا مافي حاجه عالاني في الجماعه ديل غير الفصاحه
ياخي ديل لسانم طويل بشكل
عليك الله انا غلطان لمن قلت
انشاءالله القيامه تقوم لو كان الناس ديل مكتوب ليهم كاس

[ZANOON]

ابو اسيل قالوا الما بتلحقوا جدعوا .. واصوا في جديعكم ونحن بنواصل في الصدارة وخليكم دائما ضلنا..
اقول :: ناس قلق وبله والشغيل وغيرهم من اخوانا بتعملوا ليهم شنو ( جنسية مزدوجه ولا كتور جوبا تشيلهم )

لو ضمنت لي 10 مباريات ليكم بتحكيم نزيه
اضمن ليكم طيش الممتاز عديييييييل
صدقني تقعدو في الضل
من حيطه لي حيطه

[ZANOON]

هم عندهم رئيس عشان اكون في نائب ولا ضرس .. ديل بتاعين تسييير ساااي

ولو عملوا الجمعيه العموميه
مين البرضي يبقئ ريس لمركب غرقانه ديون
بس ما تقولو صلاح ادريس
نيالا ساااااي هدت حيلو

[روبش]

قلق ما جنوبي ولا الشغيل ولا بلبل يا روبش .. انت قايلهم روي قلواك وريتشارد مشاطيبكم ..

وبعدين نلحق ليكم شنو اول شي اتعادلوا معانا جيبو ليكم كاس محترم زي كاس مانديلا بعدين تعالو انضمو .. عاين ده عليك الله صفر دولي وفصاحة دولية؟ عجيب

ابو اسيل يكونوا شوايقه ولا جعليين
اقول :: كاس مانديلا ده تطير عيشتو الجابوه كلهم ماتوا
اقول :: عندي راي ليكم قولو كأس مراحيم مانديلا مش احسن

[روبش]

لو ضمنت لي 10 مباريات ليكم بتحكيم نزيه
اضمن ليكم طيش الممتاز عديييييييل
صدقني تقعدو في الضل
من حيطه لي حيطه

اقول يا ذنون :: من غيرنا يعطي لهذا الشعب معنى أن يعيش وينتصر
اها فصلنا ليكم الجنوب بعد ده الكشف معظمه بكونوا عندهم ازدواج في الجنسية

[روبش]

ولو عملوا الجمعيه العموميه
مين البرضي يبقئ ريس لمركب غرقانه ديون
بس ما تقولو صلاح ادريس
نيالا ساااااي هدت حيلو

اقول :: البركة في ود فداسي
اقول :: عليك النبي يا ذنون جمال الوالي ده العاجبو شنو في تحمل الشنه ده .. والله الواحد بقى يخاف على ام عياله من الوحم

[ايمن عبد الله]

ابو اسيل يكونوا شوايقه ولا جعليين
اقول :: كاس مانديلا ده تطير عيشتو الجابوه كلهم ماتوا
اقول :: عندي راي ليكم قولو كأس مراحيم مانديلا مش احسن

كلهم ماتو يا روبش ؟

كدي عاين ليهم كويس شوف الماتو كم والباقي كم ..

http://i51.tinypic.com/xehavd.jpg