المساعد الشخصي الرقمي

مشاهدة النسخة كاملة : $ادهم صبرى عبد الخالق #2#


بحيرى
16-01-2011, 02:31 AM
واحد ثقيل جداً جداً
قال لى قديتنا بى ادهم بتاعك ده

اسوى شنو انا يا جماعه
قصه عاجبانى !!!
اردت ان اواصل فيما انقطع من حديث عن عائلة ادهم صبرى عبد الخالق
وما آلت ليهم بعد موته
ولكنى اطررت الى ان اصطحب معى ما مضى من سرد لتلك الوقائع الحقيقيه
اااى حقيقيه !!
فى البدايه نسخت السرد القديم ومن بعده تمامة القصة
فلمن فاتته البدايه ها هى اولاً
بسم الله الرحمن الرحيم


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


واحد ثقيل قال لى ما بعرفو !!!
ياخى اصبر شويه (اتمهل)
مستعجل زى ابو الجندى كده

السيد / .................................................. .. المحترم
ادهم صبرى عبد الخالق
الموضوع
بالاشاره للموضوع اعلاه نرجوا من سيادتكم التكرم بإعفاء المذكور اعلاه من رسوم الحياه نسبةً للظروف المعيشية الحاده (والله العظيم هسه بقت منفرجه عدييييل كده) , وذلك إيماناً منا بدوركم المتعاظم فى تسييرامور الحياة .
وجزاكم الله خيراً
مقدم الطلب
ادهم صبرى عبد الخالق
ياخ ما تصبر
شابلى فى رقبتى زى الجزار وقت المغرب
نسيتنا الموضوع زاتو

اها يا جماعه
ادهم صبرى عبد الخالق ده مواطن شريف
بخش البيت بعد المغرب
فى ايدو كيس سلطه و10 عيشات وكيس تمباك لزوم الكيف
المتكيفلها شنو ما عارف !!
عندو 5 بنات وولد واحد وكمان الولد الحتاله واخواتو مدلعنو
يعنى الولد طلع بايظ
على العليهو
امهم ميته (ربنا ارحمها ويجعل الجنه مثواها)
البيت القاعدين فيهو
بيت اجار
فيهو اوضه بلديه وبرنده زنكى وحمام بلاعه و wc حفره (بدون مؤاخزه)
مطبخ مافيهو

الطابخلها شنو !!!
ياها السلطه دى

يا جماعه الزول ده امسكوا منى
مالك ياخى زى سيد الاجار
بتجى البيت اكتر من الاجريه

نرجع للموضوع
اها البت الكبيره روضه
شغاله ست شاى فى المنطقه الصناعيه
رزق اليوم باليوم

مالها عيبها لى
كلها عيب
ماشه على حل شعرها
يوم تجى البيت المغرب
يوم تجى بالليل يوم تبيت بره البيت

البنت التانيه
اسمها رانيا
اسم جميل
عارفنوا
لا حيله فى امر الله
اها
رانيا عمرها 25 سنه حدها الثانوى
شغاله تحويل رصيد
فى السوق العمومى
شييييييييييييييييييييييييييييييييييييييينه شنه
ما تقولوا الاسم ده معناها حلوه

الثقيل ده داير افتح خشمو
عارفو انا

اقول ليكم حاجه
كديه ازوقو واجيكم
اها
البت التالته اسمها كوثر
امتحنت شهاده سودانيه 3 مرات
احسن مره جابت 52 وقاده ماده
البت الرابعه اميمه حصلت كوثر فى القرايه
والسنه دى ممتحنه معاها للمره التانيه برضو
البت الخامسه رحمه اكبر من محمد ب سنه
الاتنين ممتحنين السنه الجايه شهاده سودانيه
محمد او حمودى
موضوعو طويل
هو لسه عمرو 17 سنه
وقايم فى حركات المراهقه جديد
تلقاهو مفلفل شعرو اليوم كلو ابرم فيهو زى فنى الساوند بظبط فى الصوت
ومبارى الاولاد الاكبر منو
شئ حفلات وشئ سينمات
المدرسه بالصباح ما بمش
وجابت ليها شراب بنقو كمان
وهو اصلو مدلع
اخر البنات

عمكم ادهم صبرى عبد الخالق ده حكايتو حكايه والله
هسه دى عيشه دى
ادهم زول خضرجى
فارش طماطم مره عجور مره ليمون
على حسب الموسم
ما عندو محل معين
كل مره ناس البلديه فى السوق قابضنوا فى كشه
والحمد لله الامور ماشه
اها
وبرغم كل هذه الظروف والمعطيات البسيطه
كان عمكم ادهم صبرى يشابه رجل المستحيل تماماً
بيد ان ادهم صبرى كان يصارع من اجل البقاء والحفاظ على النسل من الانقراض
هسه ده نسل احافظوا عليهوا
محمد الحسن سالم حميد قال :
يا مبتعد دقسه
الدنيا ومضه وتفوت
والعمر زى نور البرق احرق قبل ما انحرق
واقفين طوابير شان نموت

ادهم عبد الخالق كان يدخل ويخرج من مازق الى مازق
كان حاله لا يسر كافر حتى
ولكن
اها
فى يوم من الايام
البت الكبيره روضه ما جات البيت
اليوم التانى برضو ما جات البيت
عمكم ادهم شفق
مشى المنطقه يسال عليها
قالوا ليهو البت دى ليها يومين ما جات الشغل
وهنا
توقف ادهم عن الشك فى عدت اشياء كان يحتمل تواجدها فيها
وانصب تفكيره فى كيفية الوصول الى قسم الشرطه
هى اصلاً مرات بتغيب عن البيت يوم واحد
بحجة انها بايته مع صاحبتها
وكانت تستقل بساطة تفكير والدها ادهم عبد الخالق
وحسن نيته
ولكن الامر تطور هذه المره
فغيابها طال بعض الشئ

كانت الحياه تنساب فى روتينها المعهود عند باقى الاخوات
اى كانهم لا يكترثون لغياب اختهم البكر روضه
ماعدا الاخ حمودى
فهو افتقدها
لا لشئ سوى انها كانت تمنحه بعض القروش
وهو فى اشد الحوجة للمال الان
هى كانت تمنحه المال لكى يقض الطرف عن تصرفاتها بحكم انه رجل او سيصبح رجلاً لاحقاً
يعنى تقتل قلبه بالمال


اها
ما ان وصل ادهم عبد الخالق الى فناء قسم الشرطه
حتى وجد الناس متجمهره
يشاهدوا جلد عدد من الناس
منهم من اتهم بجريمة السكر او الزنا
ولكن ما أن تخلخل بين الناس حتى سمع صوت بكاء وصراخ بنت
وبمجرد ان اصبح فى الصف الامامى حتى شاهد بام عينيه بنته روضه وهى تجلد بسياط العنج
فاظلمت الدنيا امامه حتى سقط ارضاً

واحد ثقيل قال لى مات عشان انا داير امشى افطر

ياخ الناس فى شنو وانت ماشى تفطر
هسه دى مواعيد فطور
وعمكم ادهم عبد الخالق فى غرفة الانعاش يفارق الحياه
بعد ان تلاشت كل اماله البسيطه فى العيش ليرى ابنائه ياكلون من عرق جبينه
وايضاً تلاشت ثقته التى كان ينوم على قفاها تجاه ابنائه

كانت ونسة الحى الذى يسكن فيه ادهم عبد الخالق هى سيرة بنته روضه ست الشاى
وترتبت على اثر ذلك اشياء كثر
كان الجميع ينظر الى هذه الاسره نظرةً فيها الكثير من القسوه
اذدات هذه الكلمات الجارحه خاصةً بعد سماع خبر موت عمكم ادهم صبرى عبد الخالق
وذلك بعد مكوثه يومين كاملين فى قيبوبه فاقداً الوعى

اتهم الجميع البنت البكر روضه على فقدان والدها
وصارت مضرب مثل

احاول منذ بداية القصه أن اختصر ما امكن من تفاصيل صغيره
ولكن اجد نفسى مرغماً على المواصله
وللقصه بقيه
بتعرفوا
عادل عبد السخى عبد الخالق
مالكم نططتوا ليى عيونكم وقعتوا لى زى يوم السبت
ما معرف اجازه ولا شغل لى هسه
ما تقالطوا سااى بتعرفوه
عادل عبد السخى عبد الخالق
ده ود اخو ادهم صبرى عبد الخالق
ما قلت ليكم بتعرفوا
قعتوا تقالطوا سااى
واحد قال لى من الاسم ظاهر
اسكت يا ثقيل
عامل لينا عبقرى يعنى
اها
عادل ده زول راجل
يعنى بالدارجى كده (زول اخو اخوان و راجل بنات)
دقه سدروا وقال داير البت الكبيره روضه
اااى الشغاله ست شاي فى المنطقه الصناعيه
والله التيمان ديل ثقيلين خلاص
مشوا ليها فى محل شغلها شربوا جبنه وما ادوها القرش
قالوا ليها بنعرف بحيرى
بحيرى عيشتو تطير
هسه فى داعى للكلام ده
نسيتونا الموضوع
اها
طبعاً عادل قال بالمره عرس وستره
اهو باقى البنات والولد اخوان روضه اقعدوا مع ناس ابوهو فى الحله
وهو شغال فى المنطقه غفير فى ورشه بالليل
وبى الصباح شغال خدرجى فى الملجه
مع المرحوم ادهم صبرى عبد الخالق الهو عمو
فعلاً مشت الامور على هذا النحو
عادل جاب روضه معاهو فى الورشه
عندهم اوضه جالوص ببيتوا فيها فى الورشه زاتها
الصباح عادل بمشى الملجه وروضه بتمشى تفتح محل الشاى فى المنطقه شغلها القديم
الساعه 3 روضه بترجع البيت
واخر اليوم المساء عادل برجع من الملجه
فى امان الله عز وجل
ومرت الايام
ومرت الايام كالخيال انسام
ورجعت حليمه لعادتها القديمه
والله
وللاسف الشديد
عادت روضه لما تركته سابقاً
وبقت ماشه على حل شعرها
واحد ثقيل قال لى يعنى هى تابت
عليكم الله الزول ده ما ثقيل شديد
يعنى انا كل مره اقعد اعيد فى الكلام
والله تزهجوا الزول فى الفطور
ااى ياخ تابت قبل كده وهسه رجعت تانى
عندك اعتراض امشى المحكمه ياخ ما تعمل لينا خوته فى راسنا
اها
وفى زات يوم
عادل من الصباح حس ليهو بى ملااريا
ولكن تحامل على نفسه ومشى للملجه
ابتغاء الرزق
اهو حال الدنيا
ولكنه عندما صلى صلاة العصر حس بتعب شديد
فقرر الذهاب الى البيت
وفى باله ان روضه ستكون فى البيت
وما خاب ظنه
فلقد وجد روضه فى البيت كما ظن
ولكن
.....
يا جماعه معليش
دخل لينا زول جديد فى القصه
عشان كده اتاخرنا عليكم
اصلو الزول ده قعد اماطلنا
ونحن نحنس لحد ما قبل اننا ندخلوا فى القصه
اصلو زول مهم شديد
والله تقول نحن فى هوليود
واحد روحو محرقاهو
قال لى
كان ما القصه سودانيه كان عملتوا شنو ؟
بالله شوف جنس ده
اعمل ليك من الصباح ارضى فى نافوخك
ياخى الزول ده عملنا معاهو عقد عديل كده
نحنا اى حاجه عندنا بى ادب
يعنى نجيب لينا زول من الشارع ولا شنو
هسه ناس كلية الاداب جامعة عين شمس اقولوا علينا شنو !!
اها
نرجع للقصه
الزول الحنسناهو ده
اسمو وهدان
ااى وهدان كوكو
وهو زول مكنيكى (صبى)
شغال فى المنطقه الصناعيه
المنطقه دى عيشتها تطير
بقينا ليها فى العزيزه
اها
وهدان ده ود شاب روحو عاجباهو
شاب وسيم وطويل ومفتل العضلات
ويومياً بجى اشرب القهوه مع روضه
اظنكم كده القصه وقعت ليكم
ولا شكلكم نايمين
ده وكت نوم ده
الناس ماتت وانتو نايمين
اصحى يا بريش !!!!
بريش ده خلوهو
هسه واحد اجى اقول ليى بريش ده منو ظ
عارفكم انتو سعالين
الواحد تقول فطموهو بى مساله فى الوراثه !!
اها
وهدان ده وقع فى غرام روضه
وروضه برضو نفس الشئ
مع العلم انها متزوجه من عادل ود عمها
وصارت هذه العلاقه الجديده مع وهدان اقوى وامتن من علاقتها مع عادل عبد السخى زوجها
وهدان كان يزوغ من الورشه بتاعت المعلم نقه (المعلم بتاع وهدان)
ويجى يشرب القهوه مع روضه
وبع الساعه 4 عصر
كان بطلع من الورشه بمشى بيت ناس روضه
طبعاً بيت ناس روضه فى المنطقه زاتها
لانو زوجها عادل غفير فى ورشه وعندو اوضه قاعد فيها هو وروضه
يعنى اقعد اعيد ليكم فى الكلام كل مره
ركزوا شيويه يا جماعه
الموضوع دخل ليه حته ضيقه شويه
وهدان كان يواعد روضه فى بيتها لممارسة الرزيله
كل يوم كان على هذا المنوال
الى ان جاء اليوم ده ....

ح اجع ليكم لاخر شئ فى القصه الفاتت
حينما رجع عادل عبد السخى الى البيت فى غير مواعيدو حينما اشتد عليه المرض
بتزكروا الكلام ده ولا ما بتزكروه لى هسه
انا ما عارفكم ماكلين شنو من الصباح
مخكم ده مالو تقيل كده
الكلام ده كان جبت زول من الشارع بفهمو
انتو قاعدين ليكم 100 يوم ما قادرين تفهموه
اها نرجع للموضوع
فى ذلك اليوم
عادل عاد الى البيت فى غير مواعيدو
ووجد روضه فى البيت كما اعتقد
ولكن ......
ولكن كان يسمع صوتاً خفيفا فيه شئ من الانين واللوعه والمتعه
انه صوت روضه ووهدان على السرير
تاكد عادل من ذلك بع ما ان نظر بفتحت الباب الصغيره التى كان يدخل من خلالها الطبله
وراى بام عينيه ما لم يكن يخطر بباله !!!
بلع عادل ريقو من الصدمه
ولكنه تماسك وتحامل على نفسه وحاول ان يتعامل مع هذه الكارثه بعقلانيه
عقلانيه دى من عقل
انتو قريتوا وين ما عارفين اى حاجه
جلس عادل لثوانى فى طرف احد العناقريب القريبه من باب القرفه
ونادى على روضه بصوت فيه شئٌ من الغلاظه
فخرجت روضه بعد مسافه وهى مرتبكه ويتصبب العرق من جميع اطرافها
ولكن عادل لم ينظر اليها وتجاهل خروجها من القرفه بهذه الحاله
ونادى مرةً اخرى - اطلع يا الجوه اطلع احسن ليك -
وبعد تكرار هذه الجمله عدة مرات وكانت روضه تقاطعه بعبارة - مافى زول جوه-
نهض عادل على رجليه
وفى تلك اللحظه خرج وهدان من القرفه مرتيكاً ايضاً يكاد ان يدخل تحت باطن الارض ...
تحدث عادل بصوت متزن وخافت
البس هدومك وامشى
كانت هذه الجمله تخاطب وهدان
الذى بدوره لم يصدق ما سمعه للتو
فخرج مسرعاً يتوارى بين اى شئ يجده امامه حتى ان خرج من فناء الورشه
ثم نظر عادل عبد السخى الى روضه
التى بدات فى البكاء
ولكنه لم يواليها اى اهتمام
جلس مرةً اخرى على حافة ذاك العنقريب
مرت بضع دقائق وهما على هذه الشاكله
وبعدها تمتم عادل بكلمات
ادينى هدومى وانتى طالق بالتلاته
,,,,,,,,
.......
...
اخذ عادل عبد السخى صبرى ملابسه وخرج
اااى خلا ليها البيت وطلع
لا اشرحوها ليكم بالعربى يعنى
تزهجوا الزول فى الحكى
طيرتوا لينا الكلام من راسنا
هسه نكتب شنو زاتو ما عارفين
الله معاكم ....
بجيكم بعد ما اظبط الراس ده
واحد ثقيل قال لى ماشى الحلاق
هسه ده اقول ليهو شنو
لكن
بجى راجع اتم ليكم باقى القصه .......
بحيرى
16-01-2011, 02:49 AM
تمامة القصه

مرت الايام والخبار منقطعة عن عادل عبد السخى وروضه
بعد الطلاق الذى وقع على الاخيره
ظن الجميع ان القصه قد انتهت
ولكن
ثمت هنالك قصه اخرى تدور كواليسها بين
روضه طليقة عادل و وهدان كوكو الصبى الذى ضبطه عادل مع زوجته
نعم
كان تلك الواقعه لم تحرك ساكناً فى دواخل روضه ولا وهدان
فبعد فترة قصيرة جداً من وقوع تلك الحادثه
تلاقى عدة مرات
فهما مغرمان ببعضهما حد الثمالة
فى كل مرة كانا يتبادلان اطراف الحديث
الى
الى ان اتفقا على الزواج
نعم
تزوجا وعاشا فى نفس المكان السابق الذى تركه عادل ل روضه
ااى الورشه القديمه يا قديم
انت مالك جنك اساله كده
تعمل للزول سعال ديكى
اها
فعلاً تمت مراسم الزواج وحضره بعض اصحاب وهدان فى المنطقه
ومرت ايام على الزواج
شهر العسل وكده يا ثقيل
ورجع بعدها وهدان الى عمله القديم فى الورشه
وعادت روضه لمواصلة عملها بيع الشاى والقهوه
وكان عندما يعود وهدان من العمل
يجد روضه فى البيت دائماً
البيت مرتب ومرشوش
وكانت الحياه جميلة لهم الاثنين
ولكن
وهدان كان يفكر بطريقة ثانية مختلفه عما تتصورونه
فقد كان يراوده الشك فى روضه
هذا الاحساس كان عند وهدان منذ ان تزوج روضه
ربما تكون تلك الحادثة قد ترسخت فى زهنه
وصار يفسر اى ارتباك تظهره روضه بالخيانة
نعم
لم يستطع وهدان وبرغم انه كان طرفاً اساسياً فى تلك الحادثه مع زوجها القديم
لم يستطع النسيان
الى
الى ان
قرر ان يتاكد بنفسه من هذه الشكوك
وليته لم يفكر هكذا
ابوالنور
16-01-2011, 04:18 AM
اكان تلونا حبة يا فرده
عاملها لينا كده زي الريكة
بتعرف الريكة ؟
ZANOON
16-01-2011, 04:52 AM
بحيري سلام
داير اقول ليك حاجه لو ماجيت الدور ده وتميت القصه مره وااااااحده
بس ود علقم اوصف لي البيت والا ما الاقيك
ياخي اقول ليك انا في المنطقه وريني الناس ديل في ورشه منو ؟
امشي اعرف الحاصل كلو
غيييييييييييييييييييييييييييييييياظ
تغريدا
16-01-2011, 06:34 AM
هى ياأدهم أقصد بحيرى والله رويحتنا دى أنسلت بركب المواصلات وبجى لأخوى زنون دا ونمشى للجماعة نسمع القصة ولا تجى بركشة سرررررررررررررعة تكمل اللوحة دى يافنان:d:d
ZANOON
16-01-2011, 09:30 AM
هى ياأدهم أقصد بحيرى والله رويحتنا دى أنسلت بركب المواصلات وبجى لأخوى زنون دا ونمشى للجماعة نسمع القصة ولا تجى بركشة سرررررررررررررعة تكمل اللوحة دى يافنان:d:d

نحن ما قصرنا متابعييين
لكن ياتغريد بصرااااحه بحيري اتلوووووم فينا
وحاشا نخليو ساي كان تماها بنديهو المعلوم
وكان نقطه نقطه ود علقم اوصف البيت وبرضو بنديهو المعلوم
بحيري واصل يارائع
moh_alnour
16-01-2011, 11:16 AM
بحيري إضافة ثرة للمنتدى
حضور و حيوية و خيال واسع ( ما بتاعت محمد موسى :p )
بس ياخ عندي بعض الملاحظات على الأخطاء الإملائية أقول ولا ح تقول على ّ ثقيل :rolleyes:
ح أقول و أمري لله
( اطررت / تستقل / يقض / اذدات / قيبوبه / تقالطوا / القرفة / زهنه )
( إضطرت / تستغل / يغُض / إزدادت / غيبوبه / تغالطوا / الغرفة / ذهنه )
أها أنا منتظر مع ذا النون و تغريد الثقيلين ديل :p و الفورة مليون يا حبيب :rolleyes:
أمشي أحلق شعرك و أفطر و أشرب القهوة مع التيمان و تعال راجع تم لينا القصة دي
ZANOON
16-01-2011, 11:25 PM
بحيري إضافة ثرة للمنتدى
حضور و حيوية و خيال واسع ( ما بتاعت محمد موسى :p )
بس ياخ عندي بعض الملاحظات على الأخطاء الإملائية أقول ولا ح تقول على ّ ثقيل :rolleyes:
ح أقول و أمري لله
( اطررت / تستقل / يقض / اذدات / قيبوبه / تقالطوا / القرفة / زهنه )
( إضطرت / تستغل / يغُض / إزدادت / غيبوبه / تغالطوا / الغرفة / ذهنه )
أها أنا منتظر مع ذا النون و تغريد الثقيلين ديل :p و الفورة مليون يا حبيب :rolleyes:
أمشي أحلق شعرك و أفطر و أشرب القهوة مع التيمان و تعال راجع تم لينا القصة دي

ود النور البحيري غيااااااااااااااااااااااااااااااااظ
يمشي يحلق شعرو ويعمل ساونه عديييل راجينو
يمشي يفطر ويجي ياخد غمده برضو راجينو
لكن اشرب قهوه مع التيمان !!!مابرجع تاني وما بتم القصه
اسأل.....و.....و.....و.....عن قهوه التيمان
بحيرى
17-01-2011, 01:00 AM
اكان تلونا حبة يا فرده
عاملها لينا كده زي الريكة
بتعرف الريكة ؟

ابو النور
الظاهر النظاره بتاعتك قدمت ولا ما لابسها
ولا بقيت تجلي وده طبعاً من الكبر
ما تزعل المره الجايه ح الونها واعمل ليها عواكس كمان
هو الكلام بقروش !!!
بحيرى
17-01-2011, 01:06 AM
بحيري سلام
داير اقول ليك حاجه لو ماجيت الدور ده وتميت القصه مره وااااااحده
بس ود علقم اوصف لي البيت والا ما الاقيك
ياخي اقول ليك انا في المنطقه وريني الناس ديل في ورشه منو ؟
امشي اعرف الحاصل كلو
غيييييييييييييييييييييييييييييييياظ

حبيبنا زنون
ولا تزعل
ولا تمشى لاحمد علقم
انا بوصف ليك طال ما انت فى المنطقه
بتعرف المنطقه كويس ؟
طيب
بتعرف المنطقه الشرقيه جده السعوديه ؟
طيب
تمشى دقرى
اول ما تلف شمالك بتلقى ليك لورى سفنجه واقف
مكتوب عليه حصاد الغربه
خليهو
تمشى دقرى وتلف شمال فى يمين وتطلع بالواحد
بتلقى ليك شجره نيم ناصيه تحتها ست شاى
خليها
بعد الشجره بتلقى ليك طبلية سجائر ماسكها جنوبى
بعدها فى دكان بفتح على تلاته شوارع
خليهم
انت ما معاى ولا شنو ؟
اقول ليك حاجه
شكلك ما ح تفهمنى
خلينى اتم ليك براااى !!!
بحيرى
17-01-2011, 01:09 AM
هى ياأدهم أقصد بحيرى والله رويحتنا دى أنسلت بركب المواصلات وبجى لأخوى زنون دا ونمشى للجماعة نسمع القصة ولا تجى بركشة سرررررررررررررعة تكمل اللوحة دى يافنان:d:d


تغريد كيفنك
سلامت رويحتك العزيزه
دحين لو باريتى زنون ده باقى رويحتك دى ح تكمل صحى !!!
احسن اصبرى لحدى ما اتم ليك باقى القصه !!
بحيرى
17-01-2011, 01:15 AM
بحيري إضافة ثرة للمنتدى
حضور و حيوية و خيال واسع ( ما بتاعت محمد موسى :p )
بس ياخ عندي بعض الملاحظات على الأخطاء الإملائية أقول ولا ح تقول على ّ ثقيل :rolleyes:
ح أقول و أمري لله
( اطررت / تستقل / يقض / اذدات / قيبوبه / تقالطوا / القرفة / زهنه )
( إضطرت / تستغل / يغُض / إزدادت / غيبوبه / تغالطوا / الغرفة / ذهنه )
أها أنا منتظر مع ذا النون و تغريد الثقيلين ديل :p و الفورة مليون يا حبيب :rolleyes:
أمشي أحلق شعرك و أفطر و أشرب القهوة مع التيمان و تعال راجع تم لينا القصة دي


الاخ محمد
تحياتنا يا حبيبنا
لا اجد مبرر لكتابتى بعض الكلمات المغلوطه املائياً
سوى اننى لا اجيدها
هى لغتى ولغة دينى ولكن للاسف تعبان شديد معاها
ممكن اكون بنطقها صاح
لكن ما بعرف اكتبها
ممكن تقول على جاهل وديع وكده
لك ولجميع رواد المنتى العتبى حتى ترضوا منى
على امل ان لا اكون قد كتبت الرد ايضاً غلط !!!
ابوالنور
17-01-2011, 01:15 AM
بحيري إضافة ثرة للمنتدى

حضور و حيوية و خيال واسع ( ما بتاعت محمد موسى :p )




شكرا جزيلا :p
بحيرى
17-01-2011, 11:41 PM
كن واقفين وين نحن !!
السنه كلها واقفين زى اللوارى
اجى الخريف اقولوا الطين
اجى الصيف اقولوا معطلين
اجى الشتاء اقولوا بردانين
زولكم الثقيل قال لى معناهو بشتغلوا فى الربيع
الربيع لا النهضه
انت يا زول حصل شفت ليك ربيع فى البلد دى !!
تطير للزول الجبنه من راسو
الله لا جاب عقابك !!
مخك زى مخ وهدان
ضيق جنس ضيق
شكلكم دايرين تسألونى وهدان هسه ذنبو شنو ؟
وهدان كان فى شك من امره كما سردت لكم انفاً
فقد قرر ان يتاكد من شكوكه فى زوجته روضه بالذهاب الى البيت فى غير المواعيد المعتاده
وليته لم يذهب
هنا التفاصيل تتشابه الى حدٍ ما مع تلك التفاصيل التى قد سردناها مع عادل عبد السخى
بيد ان عادل لم يشك مرةً واحده فى روضه زوجته السابقه
الا ان الظروف اوقعته صدفةً ليكتشف خيانة زوجته له مع وهدان زوجها الحالى
ولكن وهدان اختلف عن عادل
فوهدان كما ذكرنا ظل يراوده الشك منذ ان تزوج روضه
وذلك لانه كان يدرى انها خانت زوجها الاول معه شخصياً
لذا ما المانع فى ان تخونه هو مع شخص اخر !!
كان هذا السوال يكاد ان يجن بعقل وهدان
فما بُنى على خطاء فهو خطاء
اها
وهدان عزم الامر على ان يداهم البيت فى حين قره
وكانت هنا المفاجاة
نفس سناريو قصة عادل القديمه
مع اختلاف الادوار والشخصيات
هنالك كان عادل هو الضحيه
ولكن هنا كان وهدان هو الضحية
اظلم الكون فى وجه وهدان فى تلك اللحظه
وهو يسمع ذلك الانين الذى سمعه من قبل وهو مع زوجته
هى لحظات حرجه يكاد المرء ان يموت دون ان يشاهد هذا المنظر المحبط
انها صدمة الخيانة
واى خيانه
انها لعمرى لاعظم الخيانات
كيف وهى تاتى من اقرب الناس اليك
بل من زوجتك او زوجك
الذى يكاد ان يكون قطعةً واحده منك
هو من يحفظ سرك ويصون عرضك
تلخبطت الامور على وهدان
وتشابه عليه البقر
ولم يدرى بنفسه
نعم لم يدرى بنفسه الا وهو فى السجن
يا ثقيل عارفك داير تقول شنو !!
اااى نطيت ليك من الحته دى عارف !
دايماً مستعجل ذى سيد الايجار
اجيك من يوم 10 اقول ليك اجار البيت
تقول البيت ده بطير
تطير عيشتك
طيرتا لينا باقى الكلام
الله لا يريحك
اها
وهدان لم يستطع صبراً
كيف وهو فى هذا الوضع الذى لا يحسد عليه
لم يدرى وهدان الا وان يحمل فى يده معول مدبب الطرف
لحظات من هذا وسالت الدماء
نعم فقد هوى وهدان بهذا المعول على راس الرجل الذى كان مع زوجته
ضربةً واحده لم تكن هنالك سواها
اودت بحياة هذا الرجل
ووضعت نهاية لحياته
وبئس الميته وانت فى هذا الوضع
صرخت روضه صرخةً مدويه
تدافع على اثرها السكان المجاورين
ووصلت الشرطه
طبعاً الشرطه بتجى فى الاخر
ذى البوليس الهندى
بجى نهاية القيم
وانا ذاتى بجى نهاية القيم
انى بنجو مع العفش !!!
بت أم درمان
17-01-2011, 11:59 PM
انت القصة الأولى تميتها؟ :confused:
عشان تجي تبدأ لينا قصة ثانية؟ :confused:

طيب رأيك شنو تشيل عفشك ( موضوعك )
توديهو لينا بهناك

غايتو ود النور لو عندو صلاحية
ما كان خلاك دقيقة هنا
الله اعلم كان وداك وين :rolleyes:

جدجد: انا ما قريت القصة ... ولا حا اقراها ... الا بعد اسمع بيك كتبت النهاية
moh_alnour
18-01-2011, 12:41 AM
و أنا زاتي بجي نهاية القيم أني بنجو مع العفش !!!

العفش داخل المنتدى على مسئولية كاتبه و عفشك دا لو جائي بي سواكن معناها إنتظارنا ح يطول
على العموم يا بحيري زي ما قلتا ليك الفورة مليون ، عفشك دا كان حال عليهو الحول نحن منتظرين
بحيرى
18-01-2011, 03:43 AM
انت القصة الأولى تميتها؟ :confused:
عشان تجي تبدأ لينا قصة ثانية؟ :confused:

طيب رأيك شنو تشيل عفشك ( موضوعك )
توديهو لينا بهناك

غايتو ود النور لو عندو صلاحية
ما كان خلاك دقيقة هنا
الله اعلم كان وداك وين :rolleyes:

جدجد: انا ما قريت القصة ... ولا حا اقراها ... الا بعد اسمع بيك كتبت النهاية

ازيك يا بنوته
ليك وحشه
من ما بقيتى مشرف الثقافى وكده
الثقافه شكلها مقطعاك
بعدين دى تمامة القصه ذاته
انتى شكلك ما كنتى متابعه كويس
عليه قررنا نحن سحب الثقه منك
وتانى المنتدى العام ده لو غرق ما عندك بيهو شغله
يا بياعه !!!
moh_alnour
18-01-2011, 09:19 PM
غايتو ود النور لو عندو صلاحية ما كان خلاك دقيقة هنا الله أعلم كان وداك وين :rolleyes:

من ناحية عندي صلاحية فعندي صلاحية لأنو الضُباط التلاتة عندهم صلاحيات في كل الأقسام
فأنا كُنتا عايز أوديهو للتيمان عشان يشرب معاهم القهوة بس أبى قال لي للتيمان ديل كفاوي ياخ :p
قولتا ليهو خلاص أوديك أمدرمان إتكيف لمن ضرسو الرابع ظهر :p
التيمان
18-01-2011, 11:09 PM
فى النهاية بسالك سوال واحد بس

وماااااااااااات؟؟



تخريمه:
قهوه التيمان دى حنكا شنو ياقصه ما اتكسر الحنك انت بعد كده عملت ليك حكومه وبالوى مافى داعى نبلغ عنك
ZANOON
19-01-2011, 09:52 AM
قهوه التيمان دى حنكا شنو

والله يالتيمان انتو ماعارفين الحنك
شكلكم اتغدرتوا يارجاله
بحيرى
20-01-2011, 05:55 AM
من ناحية عندي صلاحية فعندي صلاحية لأنو الضُباط التلاتة عندهم صلاحيات في كل الأقسام
فأنا كُنتا عايز أوديهو للتيمان عشان يشرب معاهم القهوة بس أبى قال لي للتيمان ديل كفاوي ياخ :p
قولتا ليهو خلاص أوديك أمدرمان إتكيف لمن ضرسو الرابع ظهر :p

شفيق يا راجل !!!
ام درمان دى جمب دردق ولا شنو يا جماعه ؟
اسمعنا واطرشنا
وإكفينا شر البهيته !!
بحيرى
20-01-2011, 05:57 AM
فى النهاية بسالك سوال واحد بس

وماااااااااااات؟؟



تخريمه:
قهوه التيمان دى حنكا شنو ياقصه ما اتكسر الحنك انت بعد كده عملت ليك حكومه وبالوى مافى داعى نبلغ عنك

ابداً
ما مات
بس حمارو مات !!
بحيرى
20-01-2011, 05:59 AM
والله يالتيمان انتو ماعارفين الحنك
شكلكم اتغدرتوا يارجاله


مش كده !!
لكن هم فاضين !!
بت أم درمان
20-01-2011, 08:48 AM
ازيك يا بنوته

مرحبتين
ليك وحشة
من ما بقيتى مشرف الثقافى وكده
الثقافه شكلها مقطعاك

ابدا والله بمر على كل الاقسام الا قصتك الابت تخلص دي هي الابيتا
وناس الثقافي ناس راقيين
ومن هنا بقدم ليك دعوة تكتب لينا بهناك
لكن بشرط تبدأ وتكمل بسرعة ما زي فصتك دي :)

بعدين دى تمامة القصه ذاته

بالله طيب كنت تقول من اول ياخ
وليه النهاية في بوست منفصل يعني :)

انتى شكلك ما كنتى متابعه كويس

لا والله ما كنت متابعة لانك كنت طاشي
وما داير تجي تكمل انا اتابع على شنو :p:rolleyes:

عليه قررنا نحن سحب الثقه منك

لا ياخ ما للدرجة دي كمان
دا قرار تعسفي جدا :(

وتانى المنتدى العام ده لو غرق ما عندك بيهو شغله

الا تقفلوهو بالمفتاح غير كدا انا قااااعدة هنا :)

يا بياعه !!!



وشكرا ...... :)
بحيرى
21-01-2011, 04:35 AM
وشكرا ...... :)


مااشى يا بنوته
المره دى عديناها ليك
وما شايلين فى قلبنا حاجه عليك
بث ما تفوتينا !!