المساعد الشخصي الرقمي

مشاهدة النسخة كاملة : عادات سيئة



مصطفى هاتريك
17-01-2011, 01:09 AM
بعد الفاتحة والبركة فيكم جلست مع صديقي ( إبن المرحوم ) و أخذت أفرك بيمناي مقدمة رأسي
: مالك يا زول
: والله صداع غريب تلاتة يوم ما فكه
: بلعت ليهو حاجة ؟
: آآآآي بلعت بندول
: لا لا البندول ما نافع كدي جرب الميفناك
الميفناك ده خطير جدا
: بندول شنو ؟؟ و ميفناك شنو
يصيح من خلفنا رجل في العقد السادس من عمره
: يا ولدي أمسك في القرض ... دي شقيقة ,,, أسألنا نحن والله غير القرض ما عندك حل ... مص ليك قرضتين على الريق .. أهه الكمدة بالرمدة .
يتدخل في الحوار شاب عشريني ملتحي و مقصّر
: إنت محتاج تعمل رقية ... فهذا من فعل الجن
(( جن ؟ جن شنو كمان ))
يتدخل شاب في بداية الأربعينات
: الناس ديل ما يوهموك ساي
أنا عندي قبال كده صاحبا لي إتوهم زي الوهمة دي ... رقية و شنو ما عارف ... و في النهاية طلع سبب صداعه سرطان في المخ ... ما يوهموك ساي
(( سرطان ؟؟ سرطان شنو كمان ))
: لا لا ... هدي شوية .. شوف زي ما قال ليك عمك
القرض و عسل النحل تخلطهم مع بعض و عليهم شوية زيت سمسم ولبان ضكر و شوية قرنجال...
: لكن ديل أشربهم كيف ؟؟؟
: و القال ليك أشربهم منو ؟؟؟
: أهه أعمل شنو ؟؟
: تزيين شعرك نمره إتنين و مسحه صباح و مسحه مساء أهه الكمدة بالرمدة
هسسسسسسسسسسسسسسسسسسسسسسسسسسسسسسسسسسسسسسسسسسسسسسس
يا ناس هسسسسسسسسسسسسسسسسسسسسسسسسسسسسسسسسسسسسسسسسسسسس
نظارتي إنكسرت و عدمها عامل لي صداع
قال سرطان قال
إخوتي الكرام هذا المشهد يتكرر كثيرا بيننا التنظير و الإدعاء والكلام الكتير من العيوب المزمنة في الشخصية السودانية التي أرجو أن نعمل على محاربتها .
والباب مفتوح لذكر عادات أخرى يجب محاربتها

mohd saeed magazoub
17-01-2011, 01:27 AM
فعلا اخونا مصطفى هاتريك التجمعات وخاصة بيوت الافراح والاحزان

تجد فيها الكثير من هذه الحالات وكل واحد يفتي حسب هواه

لمان يشككوك في نفسك ...وهذا قليل من كثير

وربنا يهدي الجميع ...

الفارس البنفسجي
17-01-2011, 07:34 AM
فلانة جابو ليها وسو ليها ... أنا أقل منها في شنو؟

حاج فلان اتوفى ... مشينا المقابر ... والله لا وراك المقابر ... حيث تبدأ الثرثرات والقيل والقال ومن الرجال كمان ولا يحلو هذا الحديث إلا في ذلك الزمان والمكان.

سوداني يتبختر في باب شريف وباب مكة بجدة وقاشر بي عراقي بلدي ليعكس حضارة السودان وآخر ما وصلت إليه الموضة.

مصطفى هاتريك
17-01-2011, 08:16 AM
دمت بخير أخي محمد سعيد مجذوب
و دوما أشرف بمرورك الكريم

مصطفى هاتريك
17-01-2011, 08:18 AM
ضياء الدين
تسلم ..
إنتو المغتربين ولا شك تعانون أكثر

الاستاذة
23-01-2011, 10:18 AM
صدقت والله يا استاذ مصطفى هاتريك
الكل يريد ان يصبح طبيب
والكل يريد ان يصبح شيخ
والكل يريد ان يصبح ......و....و .......!!!!!!
وما اكثر العادات السيئة في مجتمعنا السوداني
وما ادراك بجلسات القهوة النسائية ايييييييييييييييييييييييييييييك

تغريدا
23-01-2011, 10:35 AM
الأخ المبدع مصطفى هاتريك تحية مسائية ندية بعيدة عن التنظير فى والله عادة لشعبنا الطيب وااااااااااجعانى شديييييييد بس بعيدة عن بيت الأفراح والمآتم العادة دى ياجماعة فى محل المواصلات العامة تشوف ليك لمة كبيييييييييييرة من الناس والله بعد المرات تعطل حركة المارة أها الناس المتلمية واقفة فى فى صمت والوجوه كلها ناحية الأرض تفتكروا فى شنو؟؟؟؟
والله تتخلع وتجى تلقى الجماعة واقفييييييييييين بمزاج يقروا فى الجرايد المعروضة للبيع؟؟؟!!

بت أم درمان
23-01-2011, 10:11 PM
ياجماعة فى محل المواصلات العامة تشوف ليك لمة كبيييييييييييرة من الناس والله بعد المرات تعطل حركة المارة أها الناس المتلمية واقفة فى فى صمت والوجوه كلها ناحية الأرض تفتكروا فى شنو؟؟؟؟
والله تتخلع وتجى تلقى الجماعة واقفييييييييييين بمزاج يقروا فى الجرايد المعروضة للبيع؟؟؟!!


ههههههه
طبعا من كلامك لما اتحمست
قلت يا ربي يكون مالم الناس واققفين
يعني بس قراءة جرائد
سبحان الله


شكرا مصطفى على الموضوع
طبعا العادات السيئة كتيرة جدا لاتحصى
وربنا يهدي الجميع

تغريدا
23-01-2011, 10:50 PM
ههههههه
طبعا من كلامك لما اتحمست
قلت يا ربي يكون مالم الناس واققفين
يعني بس قراءة جرائد
سبحان الله





أى والله يابت أم درماهو نفس الحماس الخلانى أمشى أشوف الناس دى متلميه واقفة بطريقة غريبة كده ليه سبحان الله

مصطفى هاتريك
24-01-2011, 03:23 AM
صدقت والله يا استاذ مصطفى هاتريك
الكل يريد ان يصبح طبيب
والكل يريد ان يصبح شيخ
والكل يريد ان يصبح ......و....و .......!!!!!!
وما اكثر العادات السيئة في مجتمعنا السوداني
وما ادراك بجلسات القهوة النسائية ايييييييييييييييييييييييييييييك


أهه يا أستاذه كملي
كنت واقفة في إيييييييييييييييك

مصطفى هاتريك
24-01-2011, 03:26 AM
الأخ المبدع مصطفى هاتريك تحية مسائية ندية بعيدة عن التنظير فى والله عادة لشعبنا الطيب وااااااااااجعانى شديييييييد بس بعيدة عن بيت الأفراح والمآتم العادة دى ياجماعة فى محل المواصلات العامة تشوف ليك لمة كبيييييييييييرة من الناس والله بعد المرات تعطل حركة المارة أها الناس المتلمية واقفة فى فى صمت والوجوه كلها ناحية الأرض تفتكروا فى شنو؟؟؟؟
والله تتخلع وتجى تلقى الجماعة واقفييييييييييين بمزاج يقروا فى الجرايد المعروضة للبيع؟؟؟!!



ههههههه
طبعا من كلامك لما اتحمست
قلت يا ربي يكون مالم الناس واققفين
يعني بس قراءة جرائد
سبحان الله


شكرا مصطفى على الموضوع
طبعا العادات السيئة كتيرة جدا لاتحصى
وربنا يهدي الجميع



أى والله يابت أم درماهو نفس الحماس الخلانى أمشى أشوف الناس دى متلميه واقفة بطريقة غريبة كده ليه سبحان الله



أعذروني مشيت خليتكم

البوست منور بيكم

أبوريلان
24-01-2011, 04:02 AM
التنظير الكتير ده يا مصطفي عمر هو الوصل فريقنا القومي للصفر الدولي في كل المنافسات الخارجية ،
حقيقي نحن شعب منظراتي درجة أولي .

مصطفى هاتريك
25-01-2011, 12:07 AM
التنظير الكتير ده يا مصطفي عمر هو الوصل فريقنا القومي للصفر الدولي في كل المنافسات الخارجية ،
حقيقي نحن شعب منظراتي درجة أولي .

شاكر مرورك الكريم
أبوريلان
وياريت لو كان التنظير عن علم و دراية
لكن المسألة جايطة شديد ..............

أحمد عمر ( MOODY )
25-01-2011, 12:34 AM
الأخ المبدع مصطفى هاتريك تحية مسائية ندية بعيدة عن التنظير فى والله عادة لشعبنا الطيب وااااااااااجعانى شديييييييد بس بعيدة عن بيت الأفراح والمآتم العادة دى ياجماعة فى محل المواصلات العامة تشوف ليك لمة كبيييييييييييرة من الناس والله بعد المرات تعطل حركة المارة أها الناس المتلمية واقفة فى فى صمت والوجوه كلها ناحية الأرض تفتكروا فى شنو؟؟؟؟
والله تتخلع وتجى تلقى الجماعة واقفييييييييييين بمزاج يقروا فى الجرايد المعروضة للبيع؟؟؟!!



ههههههه
طبعا من كلامك لما اتحمست
قلت يا ربي يكون مالم الناس واققفين
يعني بس قراءة جرائد
سبحان الله


شكرا مصطفى على الموضوع
طبعا العادات السيئة كتيرة جدا لاتحصى
وربنا يهدي الجميع



أى والله يابت أم درماهو نفس الحماس الخلانى أمشى أشوف الناس دى متلميه واقفة بطريقة غريبة كده ليه سبحان الله





أها دي برضو من العادات السيئة
التِحشِّر المِتل تِحشِّركم ده

:p :p :p

أحمد عمر ( MOODY )
25-01-2011, 12:52 AM
أستاذنا الرائع .. بروعة مواضيعك

كثيرة هي العادات المتوارثة في مجتمعنا على وجه الخصوص و إن كنت لا أعرف سبباً
لتكرار عادة معينة في المجتمع مع إختلاف مستوى ثقافة أفراده و تباين درجات تعليمهم
إلاّ أنك تجد الناس فيها سواء .. رجالاً و نساء .. كباراً و صغار .. وإن إختفت عند بعضهم
غير أنها تبقى سمة و صفة غالبة


واحدة من العادات السيئة جداً عدم الإلتزام بالمواعيد
البسبب ليك إرباك لي برنامج مرتب ليهو من بدري

مصطفى هاتريك
26-01-2011, 04:05 AM
الراقي مودي

متعك الله بالعافية

ذكرتني زمان كان عندي بوست في المنتدى الثقافي بأسم كتاب الأغاني

في الطرب السوداني به باب كامل عن المواعيد في الغناء و أثبت بالشواهد

أنها جميعا مواعيد مضروبة

راجع مثلا

قبل ميعادنا بساعتين أبيتو أنا و أباني البيت

الواعيد لسه حزنانه بتنادي

أشوفك بكرة في الموعد

وعييييق

نزار حسن محمد
26-01-2011, 05:15 AM
درش يافنان
موضوع 100% وفي الصميم

مصطفى هاتريك
26-01-2011, 05:54 AM
درش يافنان
موضوع 100% وفي الصميم

يلا يا نزار إنت بالذات أدينا رأيك في دي

نازل السودان

عليك الله يا نزار الأمانات دي معاك

راجع الغربة

عليك الله يا نزار

الطلح ده .... الفسيخ ده ... الهنايه دي

فرق ميزان و أيام مخصومه من إجازتك ...

ونحن نا س ما بنعرف نعتذر و لا بنعرف

نقبل الأعذار

مصطفى هاتريك
26-01-2011, 05:57 AM
عايز أسمع حكايات

شيل معاك و جيب معاك

ايمن عبد الله
26-01-2011, 06:19 AM
مشكور مصطفى على الموضوع الثر ..

طبعاً اكعب شي .. شيل معاك الطلح ده .. وشيل معاك دي لمن اقولوها ليك راسك بدوش لانه صراحة كده منظره في المطار بي شوالو المقطع المرتق مخجل جداً والاكياس البتكون مليانة ويكة وشطة وآبري ، طبعاً زمان كانت بتشكك رجال الجمارك السعوديين ولازم يفتحوها عشان يشوفو فيها شنو .. وتخيل لمن يفتح كيس الفسيخ والله محل تمشي ما تعرف .. لكن هسة عرفوها وبقت المسألة بالسير الكاشف للمحتويات بدون فتح الشنط بنتخارج ساي والفسيخ بقى معلب ومكرتن ومكيس من ناس مصنع الدويم لكن زمان والله الحالة كانت صعبة .. شديد ..

لكن كمان يا مصطفى زي مافي عادات سيئة كمان عندنا عادات سمحة ياريت نذكرها او بعضها في هذا البوست الجميل ..

ايمن عبد الله
26-01-2011, 06:22 AM
درش يافنان
موضوع 100% وفي الصميم

اها يا نيزو .. ده كل الطلعت بي .. درش يا فنان ؟ اها يلا ادلو بدلوك ورينا مواقف .. ولا هلالابي كيسك فاضي .. لا دولي ولا قاري .. صفر برضو في الحكوات .. اها لمن تجيب معاك الصعوط من مدني وانت ماشي الامارات .. ما بتخاف ؟ وهل في يوم الايام ادوك فسيخ وطلح قالوا ليك ودي لي فلان ؟ يلا خش معانا الشبكة .. ما تخاف الواقف المعز بطحة ..

أحمد عمر ( MOODY )
26-01-2011, 08:27 PM
عايز أسمع حكايات

شيل معاك و جيب معاك



غايتو كان الناس دي إدفّقت ليك هنا
تسمع و تشوف جنس قصص و حكاوي

مرّة و أنا راجع من السودان في مطار الخرطوم
الموظفة في الكاونتر قالت لي وزنك زايد
قلت ليها شوفتي الحاجات دي عندي فيها شنطة واااحدة
ما شاء الله الشباب ما قصّروا .. ما بخلوا ليك لا بنطلون لا قميص
تطير عيشتنا نحنا مع الوزن الزايد ماشّين و جايين
بعد ده .. الدايرنا يجينا

مايسة
26-01-2011, 08:55 PM
السلام عليكم وصباحكم ندى

- تجي ماشي في الشارع طاشي ليك من مكان - تقيف تسأل الجماعة -
لو عارفين خلاص بيوصفو ليك -

تجي المصيبة لو ما عارفين - اصلا ونهائيا ما بيقولو ليك ما عارفين -

واحد يقول ليك ممكن كدي تجرب الشارع داك
التاني يهبش راسو ويقول ليك ياخ الاسم دا ما غريب على ولا المكان - كدي حاول امشي كدا ولف بهناك
التالت ياخ المكان دا قالو في الحته الفلانية



ياخ من البداية ما تقولو ما عارفين وخلاص
لكن عدم قدرتنا على قول لا - ولا نعرف مشكلة كبيرة - تدخلنا في كثير من المطبات


تحياتي وتسلم على البوست

مصطفى هاتريك
27-01-2011, 04:06 AM
[QUOTE=ايمن عبد الله;569625][B]مشكور مصطفى على الموضوع الثر ..

طبعاً اكعب شي .. شيل معاك الطلح ده .. وشيل معاك دي لمن اقولوها ليك راسك بدوش لانه صراحة كده منظره في المطار بي شوالو المقطع المرتق مخجل جداً والاكياس البتكون مليانة ويكة وشطة وآبري ، طبعاً زمان كانت بتشكك رجال الجمارك السعوديين ولازم يفتحوها عشان يشوفو فيها شنو .. وتخيل لمن يفتح كيس الفسيخ والله محل تمشي ما تعرف ..


[COLOR="blue"][SIZE="6"][FONT="Arial"] واصل يا أيمن

أكيد لسه في ذكريات عن شيل و جيب

مصطفى هاتريك
27-01-2011, 04:16 AM
غايتو كان الناس دي إدفّقت ليك هنا
تسمع و تشوف جنس قصص و حكاوي

مرّة و أنا راجع من السودان في مطار الخرطوم
الموظفة في الكاونتر قالت لي وزنك زايد
قلت ليها شوفتي الحاجات دي عندي فيها شنطة واااحدة
ما شاء الله الشباب ما قصّروا .. ما بخلوا ليك لا بنطلون لا قميص
تطير عيشتنا نحنا مع الوزن الزايد ماشّين و جايين
بعد ده .. الدايرنا يجينا

بالمناسبة يا مودي

المشكله دي مشكلة كل مغترب

أنا شخصيا ما جربت الإغتراب لكن تعرضت لمثل هذه

المواقف في زياراتي بالذات لدول الخليج

شاكر تواجدك يا ابو حميد

مصطفى هاتريك
27-01-2011, 04:20 AM
[QUOTE=مايسة;569740][RIGHT][CENTER][SIZE="5"][FONT="Georgia"]السلام عليكم وصباحكم ندى



أولا سعيد بحضورك

ثانيا كلامك صاح ما عارف دي ما ساهلة

بتريحك و بتريح السائل

عثمان جلالة
27-01-2011, 08:05 AM
هاااااااتريك يا حبيب عادات سيئة بالجملة

لكن أكتر ما يغيظني هنا في الغربة ... تلقي السوداني يقدل بالعراقي بدون سديري ولابس سفنجه وناسي إنو بمثل وطن اسمو السودان

مصطفى هاتريك
28-01-2011, 02:43 AM
هاااااااتريك يا حبيب عادات سيئة بالجملة

لكن أكتر ما يغيظني هنا في الغربة ... تلقي السوداني يقدل بالعراقي بدون سديري ولابس سفنجه وناسي إنو بمثل وطن اسمو السودان

والله كمان ده منظر مؤلم خلاص

وده ذاتو الجايب عننا الفكرة السلبية

تسلم عثمان

همسات
28-01-2011, 03:30 PM
والله ياهاتريك موضوعك سمح تب
العادات السيئه كتييييره بالذات في مجتمعنا السوداني
يعني في حاجه كده زعاجاني شديد وبصراحه بتفور دمي
في المواصلات يركبو مجموعه من البنات الجامعيات
وتعال شوف يتونسو باعلي صوت مافي احترام حتي للركاب المعاهم
وضحك وخبيت باليدين والله حاجه مؤسفه و بتخجل.
بالنسبه لشيل معاك دي غايتو مواقف مضحكه ومخجله
هسي بقو حريفين الواحد مابقول مسافر الا خلاص يكون باقي ليهو يوم واحد
الناس زاتها ماتقدر تجيب ليهو حاجه ههههههههههه

بجيبكم بي رواقه احكي ليكم

مصطفى هاتريك
29-01-2011, 07:02 AM
بجيبكم بي رواقه احكي ليكم



شكرا على المشاركة يا همسات

راجيين الجية البرواقة

الاستاذة
30-01-2011, 10:00 AM
أهه يا أستاذه كملي
كنت واقفة في إيييييييييييييييك


واقفين وين ؟ أيواااا
جلسات القهوة النسائية متعددة ، جلسات للمناسبات السارة والحزينة ، في الاعراس والبكيات..
لكن الموضة الايام دي جلسات القهوة النسائية الاسبوعية الدورية ودي طبعا بتكون بين نساء الفريق الواحد وبتكون كل اسبوع والجمع عند واحدة من نساء الفريق ، وبتكون كل يوم خميس او جمعة او سبت يعني لو في واحدة شغالة او كدا .
والعيال قاعدين في اجازة وابو العيال قاعد و.........
والقعدة تجر لييييي الساعة تلاتة او اربعة ، الونسة سمحة ، وجرت ، وما حسينا بالوقت ...
وبعدها يتفرق الجمع كل الى منزلها بعد مناقشة العديد من المواضيع الهادفة (شيلة وزواج فلانة- وشكلة طلاق علانة - وذهب وبيت فرتكانة ........) يتفرق الجمع بعد تحديد المكان والزمان والشيرنق للجلسة المقبلة .
وطبعاجلسات القهوة النسائية السودانية تختلف باختلاف الطبقات الاجتماعية ولكل مميزاته واهدافه





ففي حاجة تاني واجعاني شوية
لما تكون عيان وعندك حمى وتمشي لوحدة صحية او مركز صحي
وتكون منتظرالدكتور او فني المعمل ، وانت ماقادر وتسأل الجماعة ديل وين ؟ اقولوا ليك بفطروا ، يعني لو ضابحين كانو ....

بدر الدين احمد الطائف
30-01-2011, 09:49 PM
بعد الفاتحة والبركة فيكم جلست مع صديقي ( إبن المرحوم ) و أخذت أفرك بيمناي مقدمة رأسي
: مالك يا زول
: والله صداع غريب تلاتة يوم ما فكه
: بلعت ليهو حاجة ؟
: آآآآي بلعت بندول
: لا لا البندول ما نافع كدي جرب الميفناك
الميفناك ده خطير جدا
: بندول شنو ؟؟ و ميفناك شنو
يصيح من خلفنا رجل في العقد السادس من عمره
: يا ولدي أمسك في القرض ... دي شقيقة ,,, أسألنا نحن والله غير القرض ما عندك حل ... مص ليك قرضتين على الريق .. أهه الكمدة بالرمدة .
يتدخل في الحوار شاب عشريني ملتحي و مقصّر
: إنت محتاج تعمل رقية ... فهذا من فعل الجن
(( جن ؟ جن شنو كمان ))
يتدخل شاب في بداية الأربعينات
: الناس ديل ما يوهموك ساي
أنا عندي قبال كده صاحبا لي إتوهم زي الوهمة دي ... رقية و شنو ما عارف ... و في النهاية طلع سبب صداعه سرطان في المخ ... ما يوهموك ساي
(( سرطان ؟؟ سرطان شنو كمان ))
: لا لا ... هدي شوية .. شوف زي ما قال ليك عمك
القرض و عسل النحل تخلطهم مع بعض و عليهم شوية زيت سمسم ولبان ضكر و شوية قرنجال...
: لكن ديل أشربهم كيف ؟؟؟
: و القال ليك أشربهم منو ؟؟؟
: أهه أعمل شنو ؟؟
: تزيين شعرك نمره إتنين و مسحه صباح و مسحه مساء أهه الكمدة بالرمدة
هسسسسسسسسسسسسسسسسسسسسسسسسسسسسسسسسسسسسسسسسسسسسسسس
يا ناس هسسسسسسسسسسسسسسسسسسسسسسسسسسسسسسسسسسسسسسسسسسسس
نظارتي إنكسرت و عدمها عامل لي صداع
قال سرطان قال
إخوتي الكرام هذا المشهد يتكرر كثيرا بيننا التنظير و الإدعاء والكلام الكتير من العيوب المزمنة في الشخصية السودانية التي أرجو أن نعمل على محاربتها .
والباب مفتوح لذكر عادات أخرى يجب محاربتها

مصطفى سلام
والله ياهو حالنا وياهو ديل نحن السودانيين
وجرب افتح موضوع فى فى الذرة بتلقى الناس عندها حكاوى وحكاوى
تسلم

مصطفى هاتريك
31-01-2011, 08:19 AM
[QUOTE=الاستاذة;570892]و[SIZE="4"]اقفين وين ؟ أيواااا
جلسات القهوة النسائية متعددة ، جلسات للمناسبات السارة والحزينة ، في الاعراس والبكيات..
لكن الموضة الايام دي جلسات القهوة النسائية الاسبوعية الدورية ودي طبعا بتكون بين نساء الفريق الواحد
[COLOR="blue"]
معقول يا أستاذة

معقول في كلام زي ده

والله ما غلطانات غلطانين رجالهم والله

مصطفى هاتريك
31-01-2011, 08:22 AM
أخي بدر الدين

شاكر جدا مرورك

وزي ما قلت أياهو حالنا