المساعد الشخصي الرقمي

مشاهدة النسخة كاملة : كيف أنساك



mohab
25-01-2005, 10:47 PM
كيف أنساك

كيف انساك وانت الجرح

النازف منو خريف العتة

خريف المحل الما بتدارك

نجم الطالع شيل وختّة

رحل الديرة وهج وديرة

فرع الحنة النور حتة

جرحك نيلة وسيرة طويلة

وشافى البلسم ابى يتختة

***************

سبر العاشق كتر الليمة

ولم الشمل الروح شتة

سبر الروح الكلمة الزينة

ونفساً طيب مالى الجتة

غلب الراوى تملى حكاوى

غلباً زى ما اتعودت

آهة حزينة وأنة دفينة

تخفف عنى لماماً حتى

*************

كيف انساكِ وليل الشارع

رمى ستايرو وقفل الحتة

برج التالى إنشر بدالى

وحوش ليك ايامى الستة

يوم الليلة يمر بى صبرو

احلام باكر كيف تـتأتى

يامغلوبة وغالبة زمانك

كيف أنساك محال البتة


الاستاذ:محمد مريخة

aborawan
26-01-2005, 02:32 AM
مشكور اخوي مهاب

أبوبكرحامد
26-01-2005, 05:46 AM
شكراً مهاب ....... وكل سنة وانت طيب.

مع مودتى

ود الماذون

نيازى كشك
27-01-2005, 09:48 AM
الابداع ياتى من اهل الابداع