محمد النور قاعد تحت عمود النور

[محمد عبد الله عبدالقادر]

اها يا الحبان محمد النور بعد ما سفر مرتو
الدمام للولاده وقاعد عزابي لاول مره بعد
ما اتزوج بقت تظهر عليهو حاجات غريبه

[محمد عبد الله عبدالقادر]

كل يوم خميس بنتلمه شباب جده في احد مقاهي جده ونقعد لحدي الساعه 1 ولا 2 بليل وبعد داك نتفكفك على البيوت وبما انو محمد النور اقرب واحد لي في السكن كل خميس يقول لي تعال اغشاني نمشي بعربيه واحده انا اقول ومالو على الاقل صحبه اتاريهو ود النور عشان عربيته جديدة لنج ما داير يهلكه بالمشواير الليليه دي ومعتمد على عربيتي باعتبار انها عربيه شركه والبنزين دافعاهو الشركه وما خسرانين حاجه

[مدناوية]

أهــــــــــــــــا ...

[ام رغد]

كل يوم خميس بنتلمه شباب جده في احد مقاهي جده ونقعد لحدي الساعه 1 ولا 2 بليل وبعد داك نتفكفك على البيوت وبما انو محمد النور اقرب واحد لي في السكن كل خميس يقول لي تعال اغشاني نمشي بعربيه واحده انا اقول ومالو على الاقل صحبه اتاريهو ود النور عشان عربيته جديدة لنج ما داير يهلكه بالمشواير الليليه دي ومعتمد على عربيتي باعتبار انها عربيه شركه والبنزين دافعاهو الشركه وما خسرانين حاجه

انت كدة أثبت على نفسك 4 تهم
الاولى انك بتصيع يوم الخميس للساعة واحدة
التانية انك بتسوق عربية الشركة
التالتة بتشفط البنزين الملح كمان
الرابعة لسة ما لقيتة

[محمد عبد الله عبدالقادر]

اها قومي يالشجره اقعي في عربيته الجديده الخايف عليها دي وكسري القزاز الوراء واضفقي السقف كمان . ود النور بعد الحادث ده والجري عشان التأمين والتصليح وكمان العزوبيه بتاعتز زي الطوفش كده بقى يهضرب الا عاوز يلعب ضمنه وعشان خاطره حولنا لقهوة بتاعين مصرين هناااااااك في البلد جنب ناس المميز ويقعد في الضمنه دي هترشه شديده وباعتبار انو هو الوحيد البعرف يلعب متفسح فينا ساي وانحنا بس الخرم في الخرم

[محمد عبد الله عبدالقادر]

أهــــــــــــــــا ...



اها ناس الشمارات اول الواصلين
والله الرقبه الطويله دي ما لي حنان
عندها فوائد كتيرة

جايك روقي

[محمد عبد الله عبدالقادر]

انت كدة أثبت على نفسك 4 تهم
الاولى انك بتصيع يوم الخميس للساعة واحدة
التانية انك بتسوق عربية الشركة
التالتة بتشفط البنزين الملح كمان
الرابعة لسة ما لقيتة

ام رغد هجومك كلو في الاوت
يوم الخميس في جده يوم السهر العادي ده لو ما كان يومي
كل الناس الاسر منهم والعزابه بتكون مساهرة في الحدائق والملاهي والقواهي للصباح ( صياعه جد )

عربيه الشركه ادوني ليها برضاهم وبحكم وظيفتي يعني دايرني اوقفها بعد الشغل يعني؟؟ حلات لق لق

العربيه الادوني ليها دي بتمشي براها ولا بالهواء ؟ ما الا بنزين وهو انا قاعد اكبوه وين ما في عربيتهم
وحاتك حاجه سمحه خلاص تمشي تعبي بنزين وتقول بكل قوه فل يا صديق وجيب فاتورة كمان وآخر الشهر
تمشي ترجع قروشك زي الترتيب - البغيظ انو البنزين رخيص خلاص والله ارخص من المويه

الرابعه لمن تلقيها كلميني

[ود المطامير]

يا فرده

يعنى يلمها الفيل

وتتوطاها شدره ;)

حبيبنا محمد النور

الجاتك فى مالك سامحتك

[ابو لوزة]

اها قومي يالشجره اقعي في عربيته الجديده الخايف عليها دي وكسري القزاز الوراء واضفقي السقف كمان . ود النور بعد الحادث ده والجري عشان التأمين والتصليح وكمان العزوبيه بتاعتز زي الطوفش كده بقى يهضرب الا عاوز يلعب ضمنه وعشان خاطره حولنا لقهوة بتاعين مصرين هناااااااك في البلد جنب ناس المميز ويقعد في الضمنه دي هترشه شديده وباعتبار انو هو الوحيد البعرف يلعب متفسح فينا ساي وانحنا بس الخرم في الخرم




ابو عمر براك البترص الخرم في الخرم في ناس شفاتة عديل كده قاعدين في التربيزة دي

[محمد عبد الله عبدالقادر]

وللحديث بقية.....

[ابو لوزة]

وللحديث بقية.....



ابو عمر وين القعاد تحت العمود

[mahagoub]

هسع الكلام ده كله وعمود النور ما ظهر فى الفلم

[محمد عبد الله عبدالقادر]

يوم الخميس نمشي يعديها لينا ضمنه بس والله محمد ابو زيد عندو موضوع داير يقولوا الا قلعنا منو الضمنه قلع مع وعد نكمل بعد ما الكلام ينتهي اها صاحبنا متين الكلام يخلص وخاتي الضمنه تحت يده ويرص ساي واي حاجه نقولها يقول تمام ميه ميه ...اها انتهيتو؟.... لمان ما ابو زيد اتحسس وقال خلاص انتهينا وتاني دور في الضمنه وبعد الساعه 2 الناس بقت يتسللوا واحد واحد وبقينا نحنا تلاته مع ود النور غلبنا نزوغ ابو زيد والمميز انا اها بعد كم قيم كده قلنا يا اخوانا عشوشه كيف خصوصاً ونحن الاربعه عزابه وفاقدين الدامات بتاعاتنا حتن ود النور رضى يقوم من الكرسي وخلانا نتخارج للعشاء ده يوم الخميس يوم الجمعه اخدت لي نومه كده المغرب اقوم القى ليك ود النور متصل علي 3 مرات قلت اكيد في حاجه ضروريه وهامه اها رجعت اتصل عليهو قال لي انا كلمته المميز وابو زيد وهم جاين علي ما عندك ضمنه في البيت تجيبها معاك وتجي ؟ قلت ليهو والله ما عندي قال لي انا هسي بشتري وحده من البقاله الجنبنا دي تعال انت بس وانا طالع من البيت قلته للضمان كده اشتري لي ضمنه برضو اشتريت الضمنه ومشيت عليهو في البيت

[mahagoub]

لا زلنا فى انتظار العمود

[moh_alnour]

لمان ما أبو زيد إتحسس و قال خلاص إنتهينا و تاني دور في الضمنة

أجي يا بري بتين أبو زيد أتحسس ، ما لتينا و عجنا و نظَّرنا و أرغدنا و أزبدنا و قلنا يوم الخميس كل واحد يجيب المعلوم :(




وبعد الساعه 2 الناس بقت يتسللوا واحد واحد و بقينا نحنا تلاتة مع ود النور غلبنا نزوغ أبو زيد والمميز

نزلت شوف يا حلاتا و أنا بحلف بي حياتا ، جن ماشات تلاتة أنا دستوري نازل في الخرطوم تلاتة
الكلام دا قولوا لي زول ما إندو هديده ، إنتو قعدتو لأنكم عزابة سااااااااااي و ناس ود الريح و الجندي المهروشين
أستأذنو من الأول عشان قالوا عايزين يحصلوا مواعيد الليت ( ياخ عفيت منهن بنات أمدرمان ديل )
لكن ناس حي الصفا ( أبو مازن و هيثم الخواض و معز مدناوي ) صمدوا شوية و قعدوا ساعات عشان يكفوا العين :rolleyes:
أما أبو عمرو اليومين دي داخل لينا بي حنك في زول بعمل لي في الشقة شنو و ما بعرف ليك شنو :p



يوم الجمعة أخدت لي نومة كده المغرب أقوم ألقى ليك ود النور متصل علي 3 مرات قلت أكيد في حاجه ضروريه
و هامة أها رجعت أتصل عليهو قال لي أنا كلمته المميز و أبو زيد وهم جاين علي

أجي يا شامة الهجامة ياخ دا المميز لاقاني في الماسنجر قال لي ما فيها ضمنة اليوم ؟ قلتا ليهو أنا ما عندي شيء عزابي و فاضي
قال لي خلاص إتصل على أبو زيد و محمد عبد الله ، قلتا ليهو خلاص تعالوا لي في البيت أو نمشي لي أبو زيد
و قد كان يا حبيب ، أها ما قلتا لي عمود النور دا قصتو شنو ؟ لأنو في السعودية دي كووووووولها
ما لاقاني عمود نور وااااااااحد لأنو توصيلات الكهرباء هنا تحت الأرض ، باص القون حلو لكن القون تسلل وااااضح :rolleyes:

[mahagoub]

ما تقول لى معنى مجاز
مستنين عمود النور

[mahagoub]

يا ود النور الجماعه الزاغو
كاشف حالهم مالك

[ابو لوزة]

أجي يا شامة الهجامة ياخ دا المميز لاقاني في الماسنجر قال لي ما فيها ضمنة اليوم ؟ قلتا ليهو أنا ما عندي شيء عزابي و فاضي
قال لي خلاص إتصل على أبو زيد و محمد عبد الله ، قلتا ليهو خلاص تعالوا لي في البيت أو نمشي لي أبو زيد
و قد كان يا حبيب ، أها ما قلتا لي عمود النور دا قصتو شنو ؟ لأنو في السعودية دي كووووووولها
ما لاقاني عمود نور وااااااااحد لأنو توصيلات الكهرباء هنا تحت الأرض ، باص القون حلو لكن القون تسلل وااااضح




ابو زي يزن انت ما قاعد تتطلع الشارع اكتر من
عمدان النور في البلد دي في شي بين كل عمود نور عمود نور

[ابو عبد الرحمن]

وسفر مرتو ،، واليوم خميس ،، وخميسك لو تبيع قميصك ؟؟
أها وتاني شنو ؟؟؟؟؟

[moh_alnour]

أبو ذي يزن إنت ما قاعد تتطلع الشارع ؟

أنا موالي للنظام عشان كدا ما قاعد أطلع الشارع :rolleyes:



أكتر من عمدان النور في البلد دي في شي بين كل عمود نور عمود نور

كلامك صاح يا هيثم مافي أكتر من أعمدة الإنارة في البلد دي
بس أنا مفتكر زولك دا قاصد الأعمدة حقتنا بتاعت الكهرباء البقعدوا فيها العطالة
عشان يشاغلوا البنات و البقعدوا فيها ناس محمد عبد الله و معتز الريح لما نسوانم يطردوهم من البيت :p
الواحد بقى فهمو تقيل ياخ يا ربي دا من شنو ؟ :rolleyes:

[ابو لوزة]

أنا موالي للنظام عشان كدا ما قاعد أطلع الشارع :rolleyes:



كلامك صاح يا هيثم مافي أكتر من أعمدة الإنارة في البلد دي
بس أنا مفتكر زولك دا قاصد الأعمدة حقتنا بتاعت الكهرباء البقعدوا فيها العطالة
عشان يشاغلوا البنات و البقعدوا فيها ناس محمد عبد الله و معتز الريح لما نسوانم يطردوهم من البيت :p
الواحد بقى فهمو تقيل ياخ يا ربي دا من شنو ؟ :rolleyes:




لو كده كلامك صاح هسي صاحبك ده
بقول عمود النور انت ما تسالوا اولادك ديل
قاعدين لين دحيين في السودان مالهم
ما طفشوا منو لانو كل ما يكرشوه يجي راجع يقول ليها ما
لقيت لي مكان امشي ليه قالوا ليه خلاص نحن نخلي ليك المكان
وسلفروا خلوه وحيد

[ام رغد]

ام رغد هجومك كلو في الاوت
يوم الخميس في جده يوم السهر العادي ده لو ما كان يومي
كل الناس الاسر منهم والعزابه بتكون مساهرة في الحدائق والملاهي والقواهي للصباح ( صياعه جد )

عربيه الشركه ادوني ليها برضاهم وبحكم وظيفتي يعني دايرني اوقفها بعد الشغل يعني؟؟ حلات لق لق

العربيه الادوني ليها دي بتمشي براها ولا بالهواء ؟ ما الا بنزين وهو انا قاعد اكبوه وين ما في عربيتهم
وحاتك حاجه سمحه خلاص تمشي تعبي بنزين وتقول بكل قوه فل يا صديق وجيب فاتورة كمان وآخر الشهر
تمشي ترجع قروشك زي الترتيب - البغيظ انو البنزين رخيص خلاص والله ارخص من المويه

الرابعه لمن تلقيها كلميني

اها وينو عامود نورك؟؟؟؟؟؟

[بحيرى]

ود النور مبروك (البلى )
معليش جات متأخره شويتين
وبعدين ياخى محمد عبد الله ذنبو شنو
انت وكت ما بتقدر على الفراق تكمل بنزين الناس
وتكسر للناس ضمنتهم !!!