ده الجنن عبد القادر [الأرشيف]

مشاهدة النسخة كاملة : ده الجنن عبد القادر

مصطفى هاتريك

18-01-2011, 09:03 AM

ده الجنن عبد القادر

وعبدا لقادر هذا مجنون باحترام ، وسيم ا لطله بهي الطلعة ،، تراه في الصيف والشتاء يرتاد شوارع المدينة مرتدياً معطفاً ثقيل صوفي النسيج رمادي يميل إلى السواد ,,,,
وينتعل حذاء بوووت عسكري شكا التقادم فقدَ من قبلٍ ودبر ، ويضع علي رأسه طربوش بني غامق تحدثك أطرافه أنهَ قد كان أحمر .
ألاحترام في جن (عبدالقادر) أنهَ لا يتحدث إلاَ نادراً ، وقد أعتاد الجلوس في (مقهى زكريا) الذي يجمع أشتاتاً مختلفة وطبقات متباينة من أبناء المدينة .
في صمت يشرب (عبدالقادر) قهوته إلا من صوت ألارتشاف وفق إيقاع محدد ، وما أن يضع كوب القهوة من يده حتى يبدأ يدندن بأغنية أو أغنيات بطريقة غريبة تشبه طريقة الكلمات المتقاطعة أفقياً ورأسياً في تداخل غريب علي شاكلة
سفري السبب لي أذاي
باريت لو ما حييتك
وما أن يكمل أغنياته المتقاطعة حتى ينطلق لا يلوي علي شئ ولا تصاحبه من علامات الجنون إلا جمعه لكل ورقه تصادفه في الطريق ولكن وفقاً لمنهجيه معينة.
.
.
وقرب بيته يبدأ في تصنيف الأوراق ثم تقسيمها إلي ثلاث مجموعات ثم يجمع الثلاث مجموعات فوق بعضها ويخرج من جيبه عود ثقاب ويبدأ في حرقها ومراقبتها حتى ترمد .
كاد حب ألاستطلاع يقتلني وأنا أسأل ما سبب جنون (عبدالقادر) فبدأت البحث الجاد حتى وجدت الإجابة عند عم عثمان العرضحالجي .
عندما بادرته بالسؤال سكت عم عثمان لفترة ثم. أصدر زفرة حزينة وقال :-
عبد القادر ده يأبني كان من أعزَ الناس وهو من أسرة (خلوصي) ألمعروفه .
كان موظفاً كبيراً .ببنك باركليز بل كان مدير لإدارةالإستثمار وكنت أنا حينها أعمل بوظيفة كاتب بنفس إلا دارة ، وقد كان رجلٌ هيبة مستقرٌ وله أسرة وله أمرأة آية في الجمال تشغل العيون وتأسر القلوب ، وقد كانت هي مصيبته متطلعة لا ترضي بواقعها تهوي أن تنافس في مظهرها حتى زوجة المدير العام .
وكان (عبدالقادر) راضخاً لها لا يرفض لها طلب وإن كان ذلك يفوق سقف إمكانياته .
:: أييييه دنيا
تأفف عم عثمان ثم أضاف
حتي جاء يومٌ مدَ فيه عبد القادر يده إلي الحرام و أختلس مبلغا كبيرا).
سألته : وهل قبض عليه ؟ ؟
: نعم ياولدي ..... ولكن لم يجدوا عليه دليل
: إذن ما المشكلة
: في أيام المحاكمة حبس عبدالقادر لمدة 15 يوم بداعي التحقيق .
: لازم كان في تعذيب (وكده) وده الجنن عبدالقادر
: لا لا ..... عبدا لقادر جنَ بعد طلع من السجن
:قصدك بسبب تأنيب الضمير والفضيحة والضغط النفسي
:لا. لا.لا
:طيب شنووووووووو ؟؟؟؟
عندما قبض على عبد القادر كان مطمئنا على سلامة موقفه القانوني,,, وكان قد خبأ المال في منزله بداخل شوال طلح
راصا ما بين كل عودين جزء من المبلغ و لاصق بينهما بغراء متين,, ورمى الشوال بجوار حفرة جماعته حتى لا يثير الشك
والريبة ,,, وعندما أطلق سراحه وجد زوجته تنتظره متجملة بدخان عشرة أيام .
ومن دربو داك طلع الطلعه الياها .
( تمت )

انور النور محمد

18-01-2011, 09:49 AM

اخي الجميل مصطفى هاتريك
وكل الجنون والمجانيين في ام المدان لهم من الروايات والحكايات ماتستحق التوثيق
شكرا جميلاً

همسه ....... والله ليهو الف حق اجن وازيد في الجن

تغريد

18-01-2011, 08:51 PM

مصطفي هاتريك

مرحبا بعوة قلمك الانيق مرة أخري

ومرحبا بعودة المرح وخفة الظل وجمال الكتابة

لكم فرحت حين وجدت أسمك يضئ الثقافي

وكانت فرحتي أكبر بتلك الأبتسامة الصباحية

همسة

بس عبد القادر دا ما لقي ليهو حتة تانية يدس فيها قروشوا دي

وحقيقة الجننوا ما هين :d:d

بت أم درمان

18-01-2011, 09:46 PM

قصة مؤثرة جدا
والله مسكين عبدالقادر
كان على الاقل يدي المرا علم

شكرا مصطفى على القصة

ياسر عمر الامين

18-01-2011, 10:55 PM

قصة جميلة,,,خفية,,,لطيفة جننت حرف الكلام وليك منى استاذى مصطفى الف سلام,,,وفى انتظار المزيد,,,خصوصا ابداعك الشعرى الفصيح.

محمد الجزولى

18-01-2011, 11:09 PM

مصطفى هاتريك

19-01-2011, 03:29 AM

اخي الجميل مصطفى هاتريك
وكل الجنون والمجانيين في ام المدان لهم من الروايات والحكايات ماتستحق التوثيق
شكرا جميلاً

همسه ....... والله ليهو الف حق اجن وازيد في الجن

شرفني كثيرا حضورك الأنيق هنا
الجميل جدا أنور

مصطفى هاتريك

19-01-2011, 03:32 AM

مصطفى هاتريك

19-01-2011, 03:38 AM

قصة مؤثرة جدا
والله مسكين عبدالقادر
كان على الاقل يدي المرا علم

شكرا مصطفى على القصة

صاحبي أمين و زميلي في جامعة أم درمان الإسلامية,, أعجب جدا ببرلومة يوم حفل إستقبال الطلاب الجدد لرابطة أبناء وادمدني ... فحاول يفتح موضوع فسألها الأخت من وين
قالت ليهو أنا من أم درمان
قال ليها سبحان الله .... أنا ذاااتي من ودكنان
ذكرني لقب بت أم درمان هذه الطرفة
مسكورة شدييييد على المرور

بدر الدين محمد

19-01-2011, 03:40 AM

دا الجنن عبد القادر (سيد الاسم)

كدي يا هاتريك نشوف قصة دا الجنن عبد القادر الحقيقية

بنت النيل من كلمات الشاعر بشير عبد الرحمن وهومن مدينة كسلا التقى بالاستاذ احمد المصطفى فى منتصف اربعينات القرن وحينها كان احمد المصطفى عابرا جمهورية مصر الى غرب افريقيا فالتقى هناك بشاعر الاغنية بشير عبد الرحمن وكان يعمل مهندسا زراعيا هناك واغنية بنت النيل هى واحده من الاغنيات القلائل التى كتبها شاعران حيث كتب بشير عبد الرحمن من مطلعها حتى المقطع الاخير( من طيب زهر الشمال نسماتوا ) اما المقطع الذى يبداء من ( احبوا واحب نوناتو/ نوناتو الفى وجناتو) فهو من كلمات الشاعر محمد احمد الشيخ المعروف بالجاغريو .
فى الزمن الماضى كان الى اي اغنية (كسرة) حيث تبدا الاغنية بايقاع بطيء نسبياً ثم تبدا فى التدرج نحو ايقاع خفيف وراقص وكل الاغنيات التى سجلت فى الزمن الماضى او الاسطوانات جاءت على هذا النسق والكسرة دائما ماتكون من كلمات نفس الشاعر او شاعر اخر كما حدث فى اغنية بنت النيل.
فى مدينة ام ضوابان كان احمد المصطفى يغنى فى اغنية بنت النيل بشكلها الاول التى كتبها بشير عبد الرحمن وفى تلك الجلسة كان الجاغريو حاضرا فكتب مقاطعا مخلدا بها تلك الجلسة وذكر فيها كل الحاضرين حيث قال :يااللابسه عفافك حله
لهجك للحنصل حل
ودحمد يازعيم الحله
من ريدو كيف ننحل
شيخ ادريس قوم نتسل
انا عقلى فارق وولى
ريدي السببلنا عله
يالصديق ياودفع الله
يالسهمك لينا مبادر
انا فكري نازل وسادر
فى الجيل مثالك نادر
دا الجنن عبد القادر
***
فقدنا الصواب ياشبابنا
يابوعبدة وين احبابنا.
كل الاسماء هذه كانت حضوراً وخلدات فى ذكرة الناس كلهم من اهالى العيلفون ووحمد هو حمد مضوي شيخ قرية الدبيبه فى ذلك الزمان وشيخ ادريس هو الطيب المحسى وهو ايضا من اهالى الدبيبة وودفع الله اسمه الحقيقى عباس دفع الله .
مقطع دا الجنن عبد القادر الذى اشتهر بين الناس حتى صار مثلا لتوصيف بعض حالات الجنون كان مقصود به شخص عبد القادر مضوي فهو كان ياتى بافعال جنونيه وغريبه من الطرب الشديد الذى ينتابه فهو كان ياكل اكواب الزجاج ويكسرها ويقوم بتسديد طعنة سكين لنفسه وفى احايين كثيرة يقوم باطلاق النار على نفسه وكان عبد القادر مضوي يسبب كثيرا من المتاعب بعد كل حفله وكان يرهق الجميع بالذهاب الى المستشفى لمعالجته من حادث ارتكبه فى حق نفسه .لذلك ظل مرتبطاً إرتباطاً وثيقاً بهذه الاغنية بل اصبح ملمحها الابرز.

منقول من منتدى العيلفون

مصطفى هاتريك

19-01-2011, 03:41 AM

قصة جميلة,,,خفية,,,لطيفة جننت حرف الكلام وليك منى استاذى مصطفى الف سلام,,,وفى انتظار المزيد,,,خصوصا ابداعك الشعرى الفصيح.

ياسر
حرفك جميل زي طلتك

مصطفى هاتريك

19-01-2011, 03:49 AM

ههههههههههه
قلت لي الزول جنو بس يحرق أوراق
لكن مرتو ما حرقت قلبو ياخي
صاحب الحرف الطاعم هاتريك
الجنون فنون .. وأخشى أن نجد الكثير يحرق أوراقه عند مدخل بابه
متابعين قلمك ياخ .. زدنا ... زدنا

محمد الجزولي
عجبني شديد تعبير الحرف الطاعم ده
يبدو أنك متميز جدا في إنتقاء التعابير والكلام
حبذا لو يكون لكل مبدع قاموس خاص ........
محمد الجزولي
هذه القصة نالت الجائزة الفضية قبل فترة قليلة
ولكن ما كتب فيها اليوم أكبر جائزة عندي

مصطفى هاتريك

19-01-2011, 03:55 AM

[quote=بدر الدين محمد;566720]دا الجنن عبد القادر (سيد الاسم)

كدي يا هاتريك نشوف قصة دا الجنن عبد القادر الحقيقية

من ريدو كيف ننحل
شيخ ادريس قوم نتسل
انا عقلى فارق وولى
ريدي السببلنا عله
يالصديق ياودفع الله
يالسهمك لينا مبادر
انا فكري نازل وسادر
فى الجيل مثالك نادر
دا الجنن عبد القادر
***
فقدنا الصواب ياشبابنا
يابوعبدة وين احبابنا.

[b] شكرا كثيرا لكريم الإضافة
أستاذي بدر الدين
بزيارتك بيتنا نور كلو زينة

مدنيّة

20-01-2011, 07:01 AM

ماعارفة هسي الاتلوم
عبدالقادر
ولا زوجته
غايتو للضمان كدا
الاتنين اتلوموا هههههههههههههههه
---------
القصة دي حقيقية يااستاذنا!!
----------
شكرا لقلمك المتميز دوما

mohd saeed magazoub

20-01-2011, 09:15 AM

يذهب الحرام من حيث أتى...

قصة جميلة ومعبرة

شكرا يارائع

بت أم درمان

20-01-2011, 09:33 PM

صاحبي أمين و زميلي في جامعة أم درمان الإسلامية,, أعجب جدا ببرلومة يوم حفل إستقبال الطلاب الجدد لرابطة أبناء وادمدني ... فحاول يفتح موضوع فسألها الأخت من وين
قالت ليهو أنا من أم درمان
قال ليها سبحان الله .... أنا ذاااتي من ودكنان
ذكرني لقب بت أم درمان هذه الطرفة
مشكورة شدييييد على المرور

شكرا مصطفى على الطرفة :)

مصطفى هاتريك

22-01-2011, 03:44 AM

ماعارفة هسي الاتلوم
عبدالقادر
ولا زوجته
غايتو للضمان كدا
الاتنين اتلوموا هههههههههههههههه
---------
القصة دي حقيقية يااستاذنا!!
----------
شكرا لقلمك المتميز دوما

أستاذتنا مدنية
شرفني كثيرا حضورك هنا
و إن شاء الله نجيكم في الثمح
القصة من نسج الخيال يعني صنع إيديا و حات عينيى

مصطفى هاتريك

22-01-2011, 03:46 AM

يذهب الحرام من حيث أتى...

قصة جميلة ومعبرة

شكرا يارائع

مشكور على المرور أبو (( سعيد ))

مصطفى هاتريك

22-01-2011, 03:47 AM

شكرا مصطفى على الطرفة :)

طلتك تشرفني دائما

اسلام فرح

25-01-2011, 12:44 AM

الله يجازيك يا مصطفى فصة جميله وممتعه اضحك الله سنك اخي شكرا على المستوى الراقي دامت عليك ابتسامتك

mahagoub

25-01-2011, 04:37 AM

هاترك بجد
ود الجنن غبدالقادر ومحجوب

مصطفى هاتريك

26-01-2011, 03:02 AM

الله يجازيك يا مصطفى فصة جميله وممتعه اضحك الله سنك اخي شكرا على المستوى الراقي دامت عليك ابتسامتك

ودام علينا إبداعك و راقي نظمك وكلامك

مصطفى هاتريك

26-01-2011, 03:03 AM

هاترك بجد
ود الجنن غبدالقادر ومحجوب

أهه
ومحجوب ذنبو شنو

تسلم يا راقي

bit madani

26-01-2011, 03:13 AM

الأخ مصطفى القصة قصة مؤثرة جدا... حفظ الله الجميع ...
ووراها حكمة بالغة ... اعجبتني طريقة سردك اللطيف و اسلوب الكتابة الرائع ... اتمنى أن نرى المزيد منهما عزيزي ...

مصطفى هاتريك

26-01-2011, 03:41 AM

الأخ مصطفى القصة قصة مؤثرة جدا... حفظ الله الجميع ...
ووراها حكمة بالغة ... اعجبتني طريقة سردك اللطيف و اسلوب الكتابة الرائع ... اتمنى أن نرى المزيد منهما عزيزي ...

بشوق كثير

و فخر كثير

أشكر جزيل كلماتك في حقي

وتتضائل قامتي تواضعا

وتسلمي بت مدني

مصطفى هاتريك

26-01-2011, 03:42 AM

الأخ مصطفى القصة قصة مؤثرة جدا... حفظ الله الجميع ...
ووراها حكمة بالغة ... اعجبتني طريقة سردك اللطيف و اسلوب الكتابة الرائع ... اتمنى أن نرى المزيد منهما عزيزي ...

] بشوق كثير

و فخر كثير

أشكر جزيل كلماتك في حقي

وتتضائل قامتي تواضعا

وتسلمي بت مدني
[/color]

mahagoub

26-01-2011, 04:10 AM

أهه
ومحجوب ذنبو شنو

تسلم يا راقي

ما هو ود خالت عبدالقادر

مصطفى هاتريك

27-01-2011, 03:12 AM

ما هو ود خالت عبدالقادر

يعني إنت قريب معتز الريح