المساعد الشخصي الرقمي

مشاهدة النسخة كاملة : # علاج حبوبات #


بحيرى
20-01-2011, 06:20 AM
بإذن الله عز وجل
سوف نستضيف الحبوبه والام والحاجه
حواء عبد النبى جار الرسول
فى هذه العياده المجانيه
وهى من سيقوم بالرد على أسالتكم وإستفساراتكم بإذن الله عز وجل
رغم حالتها الصحيه المتدهوره
نسأل الله عز وجل أن يمد فى ايامها زخرناً لمدينتنا
وهى تنقل إلينا ثقافة علاج الحبوبات زمان
فى زمن لم يكن الطبيب محظوظ حتى على مستوى الاغنيات الشعبيه
بسم الله نبدأ
بى نظام وادب يا جماعه
الحاجه دى شويه شويه عليها !!
بحيرى
20-01-2011, 06:23 AM
معليش يا جماعه
اسئلتكم وليس اسالتكم !!
الواحد بقى إخاف من محمد النور وكده !!
همسات
20-01-2011, 08:26 AM
بحيري والله منور عديييييييل
والله البوست ده سمح تب
وقاعده عشان استفيد
mohd saeed magazoub
20-01-2011, 08:50 AM
بحيري وهمسات منورين ...

طبعا ياحبوبة الايام دي البرد جانا باولاده

زمان البرد والنزلات دي بتعملوا معاها كيف ...

عايزين شرح وافي حبوبه عشان انا شايف الناس

كلهم بقوا يرجعوا للحاجات القديمة لانه الادوية

الكتيره دي بقت الناس تخاف منها ...
همسات
20-01-2011, 09:59 AM
بحيري وهمسات منورين ...

طبعا ياحبوبة الايام دي البرد جانا باولاده

زمان البرد والنزلات دي بتعملوا معاها كيف ...

عايزين شرح وافي حبوبه عشان انا شايف الناس

كلهم بقوا يرجعوا للحاجات القديمة لانه الادوية

الكتيره دي بقت الناس تخاف منها ...









حبوبه دي ماعارفاها مشت وين
بتجي هسه ................
لكن غايتو حسب معرفتي البسيطه
لو الزول عندو نزله شديده وعندو سيلان شديد من الانف
ممكن يتبخر ليهو بي قرض ديل اهلنا ناس شندي بعملو كده
وكمان للنزله والالتهاب عليك بالليمون
فالليمون يعتبر مضاد حيوي قوي
تعصر ليك كم ليمونه في كبايه وحبه سكر بسيط كده
او تعصر ليك ليمونه معاها كم ملعقه زيت سمسم
وتشرب منو بالملعقه .............
ده حاجه بسيطه كده لحدي ماتجي حبوبتنا دي
مابعرفها مشت وين .............
mohd saeed magazoub
21-01-2011, 01:47 AM
حبوبه دي ماعارفاها مشت وين
بتجي هسه ................
لكن غايتو حسب معرفتي البسيطه
لو الزول عندو نزله شديده وعندو سيلان شديد من الانف
ممكن يتبخر ليهو بي قرض ديل اهلنا ناس شندي بعملو كده
وكمان للنزله والالتهاب عليك بالليمون
فالليمون يعتبر مضاد حيوي قوي
تعصر ليك كم ليمونه في كبايه وحبه سكر بسيط كده
او تعصر ليك ليمونه معاها كم ملعقه زيت سمسم
وتشرب منو بالملعقه .............
ده حاجه بسيطه كده لحدي ماتجي حبوبتنا دي
مابعرفها مشت وين .............


كلامك سمح اختنا همسات

اصلا حبوبه دي جنها حوامه ... بس بتجي ان شاء الله ...

لكن ليمونه ومعاها زيت سمسم دي اول مره اسمع بيها

بس رائيك شنو بالجنزبيل مع الحليب الدافي والله مبالغه
بحيرى
21-01-2011, 03:08 AM
بحيري والله منور عديييييييل
والله البوست ده سمح تب
وقاعده عشان استفيد

والله منور بوجودك
بعدين نحن البنستفيد منك
مش انتى كان عندك عيادة مجانين قبل كده ؟!!!
بحيرى
21-01-2011, 03:20 AM
بحيري وهمسات منورين ...

طبعا ياحبوبة الايام دي البرد جانا باولاده

زمان البرد والنزلات دي بتعملوا معاها كيف ...

عايزين شرح وافي حبوبه عشان انا شايف الناس

كلهم بقوا يرجعوا للحاجات القديمة لانه الادوية

الكتيره دي بقت الناس تخاف منها ...






الاخ محمد سعيد
تحيه طيبه
اما عن احوال زمان والنزلات
سوف ندع الحاجه حواء عبد النبى ترد عليك رداً شافى فيه العلاج بإذن الله عز وجل
اها على لسان الحاجه
يا وليدى مُحمد ود الجدوب
اها زمانك وقتنا الجهال كان زمناً عاد هو ما زمن
النزلات دى ولا بنعرفها
وكت الزول تجيهو نزله الناس دى كلها تتلما وتمشى ليهو فى البيت
مرات اكسروا معاهو اسبوع اسبوعين
اها العلاج
دحين اماتنا كانن لمن الواحده فينا تجيها نزله
اكانوا بدوها زيت السمسم الواحد ده
تشربو شراب وامسحوا بيه الصدر اكان فى إلتهاب وكحه
واقلوا ليها الحرجل برضو شراب
واقلوا صفق الجوافه برضو شراب
واسوا الجردقه الترابيه ولا الحجريه (العطرون) قرقه كم مره فى اليوم لوجع الحلق
وناس بشربوا عسل النحل الصافى وإنقطوه فى النخرين للجيوب الانفيه
والحساسيه دى كمان بسو ليها الليمون برضو قطره فى النخرين
اها عاد اكان عندك سعال تانى انا راجياك ود المجدوب !!
بحيرى
21-01-2011, 03:30 AM
حبوبه دي ماعارفاها مشت وين
بتجي هسه ................
لكن غايتو حسب معرفتي البسيطه
لو الزول عندو نزله شديده وعندو سيلان شديد من الانف
ممكن يتبخر ليهو بي قرض ديل اهلنا ناس شندي بعملو كده
وكمان للنزله والالتهاب عليك بالليمون
فالليمون يعتبر مضاد حيوي قوي
تعصر ليك كم ليمونه في كبايه وحبه سكر بسيط كده
او تعصر ليك ليمونه معاها كم ملعقه زيت سمسم
وتشرب منو بالملعقه .............
ده حاجه بسيطه كده لحدي ماتجي حبوبتنا دي
مابعرفها مشت وين .............



هى يا هميسات بتى
كيفينك وعجبنا ليك الصفاح
بحيرى كلمنى عاد وانا صحتى زى ماشايفه راجين الكريم افتكرنا
اها يابنيتى والله كلامك كلام حبوبات تب
وعندى ذياده
طبعاً العلم اتطور يابنيتى وجانا الفكس الصينى ده ابو علبه حمراء زى الريال مدور
اها الفكس ده تجيبيهو وتسخنى ليك مويه حاااره تغلى
وتجيبى ليك فرده (توب)
اها تختى ليك حته من الفكس ده بطرف المعلقه فى المويه الحاره دى
وتقمتى نفسك بالفرده دى وتستنشقى البخار حق المويه دى بنخرينك ما بخشمك مسافه كده
وتكرريها كم مره
اها دى بتفع للإلتهاب الصدرى وتفتح النخرين وتوسع الشعب الهوائيه
وتطلع البلغم بالمؤاخذه يعنى
وتريحك جنس راحه ما بعدها راحه
وإن درتى حاجه تانى انا قاعده يابنيتى !!!
همسات
23-01-2011, 01:28 PM
كلامك سمح اختنا همسات

اصلا حبوبه دي جنها حوامه ... بس بتجي ان شاء الله ...

لكن ليمونه ومعاها زيت سمسم دي اول مره اسمع بيها

بس رائيك شنو بالجنزبيل مع الحليب الدافي والله مبالغه






هلا بيك اخوي
بصراحه انا ماجربتو لكن بجربو
بالنسبه لي زيت السمسم مع الليمون
طبعا كمية الليمون بتكون اكتر من كميه الزيت
دي عن تجربه وكويسه شديد
وكمان المسح بزيت السمسم علي الصدر برضو كويس
انت كدي جربو وشوف
باذن الله تكون بخير
همسات
23-01-2011, 01:31 PM
والله منور بوجودك
بعدين نحن البنستفيد منك
مش انتى كان عندك عيادة مجانين قبل كده ؟!!!



اي انا زاتي
لكن بحب العلاج البلدي جدا
وحبوبه دي وقعت لي في جرح
همسات
23-01-2011, 01:34 PM
هى يا هميسات بتى
كيفينك وعجبنا ليك الصفاح
بحيرى كلمنى عاد وانا صحتى زى ماشايفه راجين الكريم افتكرنا
اها يابنيتى والله كلامك كلام حبوبات تب
وعندى ذياده
طبعاً العلم اتطور يابنيتى وجانا الفكس الصينى ده ابو علبه حمراء زى الريال مدور
اها الفكس ده تجيبيهو وتسخنى ليك مويه حاااره تغلى
وتجيبى ليك فرده (توب)
اها تختى ليك حته من الفكس ده بطرف المعلقه فى المويه الحاره دى
وتقمتى نفسك بالفرده دى وتستنشقى البخار حق المويه دى بنخرينك ما بخشمك مسافه كده
وتكرريها كم مره
اها دى بتفع للإلتهاب الصدرى وتفتح النخرين وتوسع الشعب الهوائيه
وتطلع البلغم بالمؤاخذه يعنى
وتريحك جنس راحه ما بعدها راحه
وإن درتى حاجه تانى انا قاعده يابنيتى !!!




حبوبه ازيك
كيفنك ان شاءالله طيبه
الله يبارك فيك وعقبال بحيري
والله كلامك زين
وماتطولي مننا
mohd saeed magazoub
24-01-2011, 01:03 PM
الاخ محمد سعيد
تحيه طيبه
اما عن احوال زمان والنزلات
سوف ندع الحاجه حواء عبد النبى ترد عليك رداً شافى فيه العلاج بإذن الله عز وجل
اها على لسان الحاجه
يا وليدى مُحمد ود الجدوب
اها زمانك وقتنا الجهال كان زمناً عاد هو ما زمن
النزلات دى ولا بنعرفها
وكت الزول تجيهو نزله الناس دى كلها تتلما وتمشى ليهو فى البيت
مرات اكسروا معاهو اسبوع اسبوعين
اها العلاج
دحين اماتنا كانن لمن الواحده فينا تجيها نزله
اكانوا بدوها زيت السمسم الواحد ده
تشربو شراب وامسحوا بيه الصدر اكان فى إلتهاب وكحه
واقلوا ليها الحرجل برضو شراب
واقلوا صفق الجوافه برضو شراب
واسوا الجردقه الترابيه ولا الحجريه (العطرون) قرقه كم مره فى اليوم لوجع الحلق
وناس بشربوا عسل النحل الصافى وإنقطوه فى النخرين للجيوب الانفيه
والحساسيه دى كمان بسو ليها الليمون برضو قطره فى النخرين
اها عاد اكان عندك سعال تانى انا راجياك ود المجدوب !!


والله ياحبوبه كنتو بتعظمو المرض عظمة
لكن كلامك سمح اقرب عطاره بنمشي ليها
نقول ليهم دي وصية حبوبه

&&&

الاسئلة كتيره ياحبوبة
انت عارفه البنية الجديدة والله حمتنا النوم
بكى شديد تصحينا والنوم يطير من عيونا
نقوم ندخل على المنتدى ...
اها قالوا عندها مغص وديناها الدكتور
قال دي حاجة طبيعية وادانا دواء قال
عند اللزوم والله اللزوم دا زاته ماعرفناها
متين البت دي اليوم كله تبكي تتلوى الوش
دا لمان يحمر والله ماعمل ليها اي حاجة
والدواء كمل وجبناه مرة تانية وماعمل حاجة ...
اها عايزين نعرف حاجاتكم الزمان الشفع ديل
كنتو بتسوا معاهم شنو قالو لينا اليانسون لكن
لسه ماجربناه عايزين استشاره بتاعت حبوبات كده
واختنا همسات دي نجيضة كان جات برضو بتدينا فكره
الايام دي شكها عندها امتحانات في دورة علاج
الحبوبات ربنا يوفقها وينجحها عشان تفتح لينا عيادة
وتساعدك ياحبوبة
همسات
24-01-2011, 02:58 PM
واختنا همسات دي نجيضة كان جات برضو بتدينا فكره
الايام دي شكها عندها امتحانات في دورة علاج
الحبوبات ربنا يوفقها وينجحها عشان تفتح لينا عيادة
وتساعدك ياحبوبة




اخوي ودالمجذوب تحياتي
وتسلم كتير والله
اختك همسات الايام بس خليها سااااااااااااي
ومريضه جدا لكن بتحاول تدخل كل شويه
يلا يااخوي وريني بس بتك عمرها كم؟
وربنا يقدرنا ونفيدك .............
حبوبتي ازيك طولته منك
بحيرى
24-01-2011, 08:40 PM
يا ود المجدوب
اها الوليدات ديل مرضهم كتير ومسيخ
لكن الله عز وجل حافظهم
بس فى حاجه واحده ممكن اوريك ليها يا وليدى
البنيه ولا الوليد ده تشيلوهو وتمشوا لى حبوبتو كان حيه
تخليها ترفعو ليكم
الترفيع ده طبعاً بعرفوا ليهو الحبوبات
بمسكوا الشافع من لهاتو وبرفعوا لي فوق
فى حبوبات بعملوا البن المسحون
وفى حبوبات بعملوا الثوم المدقوق
اصلوا الشفع ديل بقعوا فى اليوم كم مره
وبلعبوا لعب شديد والحاجات دى كلها بتعمل ليهم حمه فى الليل
وتحميهم انوموا من الالم
وانشاء الله تانى مافى عوجه بتجيهو
بحيرى
24-01-2011, 08:42 PM
واختنا همسات دي نجيضة كان جات برضو بتدينا فكره
الايام دي شكها عندها امتحانات في دورة علاج
الحبوبات ربنا يوفقها وينجحها عشان تفتح لينا عيادة
وتساعدك ياحبوبة




اخوي ودالمجذوب تحياتي
وتسلم كتير والله
اختك همسات الايام بس خليها سااااااااااااي
ومريضه جدا لكن بتحاول تدخل كل شويه
يلا يااخوي وريني بس بتك عمرها كم؟
وربنا يقدرنا ونفيدك .............
حبوبتي ازيك طولته منك






هميسات
كفاره وسلامتك
يابنيتى دى عين
ادوها ليك ناس المنتدى ديل
كدى تعالى لى مره تانيه
النوريك العلاج !!
mohd saeed magazoub
26-01-2011, 02:35 AM
اخوي ودالمجذوب تحياتي
وتسلم كتير والله
اختك همسات الايام بس خليها سااااااااااااي
ومريضه جدا لكن بتحاول تدخل كل شويه
يلا يااخوي وريني بس بتك عمرها كم؟
وربنا يقدرنا ونفيدك .............
حبوبتي ازيك طولته منك




اختنا همسات الف سلامة عليك

وماتشوفي شر ان شاء الله

طبعا البت دي عمرها شهر ونص

لكن جربنا كل شي ومانفع قلنا نجرب

علاج الحبوبات ...
mohd saeed magazoub
26-01-2011, 02:42 AM
يا ود المجدوب






اها الوليدات ديل مرضهم كتير ومسيخ


لكن الله عز وجل حافظهم


بس فى حاجه واحده ممكن اوريك ليها يا وليدى


البنيه ولا الوليد ده تشيلوهو وتمشوا لى حبوبتو كان حيه


تخليها ترفعو ليكم


الترفيع ده طبعاً بعرفوا ليهو الحبوبات


بمسكوا الشافع من لهاتو وبرفعوا لي فوق


فى حبوبات بعملوا البن المسحون


وفى حبوبات بعملوا الثوم المدقوق


اصلوا الشفع ديل بقعوا فى اليوم كم مره


وبلعبوا لعب شديد والحاجات دى كلها بتعمل ليهم حمه فى الليل


وتحميهم انوموا من الالم


وانشاء الله تانى مافى عوجه بتجيهو





والله البنوتة دي حبوباتها قاعدات


لكن البعد والغربه ياحبوبة ...


بن مسحون


وثوم مدقوق


دا كلام شنو ياحبوبه


دا بنفع المغص كدي اتاكدي كويس


مانقوم نروح البنوته دي سااااي
بحيرى
27-01-2011, 05:56 AM
والله البنوتة دي حبوباتها قاعدات

لكن البعد والغربه ياحبوبة ...

بن مسحون

وثوم مدقوق

دا كلام شنو ياحبوبه

دا بنفع المغص كدي اتاكدي كويس

مانقوم نروح البنوته دي سااااي





ود المجدوب سلامة النظر
اقراء البوست كويس
انا بقول بعض الحبوبات بستعملوا البن ومرات الثوم فى الترفيع
وحبوبات برفعوا ساااى
وبعدين ما اى شافع برفعوه
فى سن معين بعرفوهو الحبوبات
لكن للعلم بعد الشافع ما امشى بفتره
واكون جسمو قوى
عشان كده انا قلت ليك وديها لحبوبتها
ولو ما لقيتوها ودوها لاى حبوبه بتعرف الترفيع
الحبوبات السودانيات القاعدات بره كتااااار !!!
همسات
27-01-2011, 10:07 AM
اختنا همسات الف سلامة عليك

وماتشوفي شر ان شاء الله

طبعا البت دي عمرها شهر ونص

لكن جربنا كل شي ومانفع قلنا نجرب

علاج الحبوبات ...







اخي ودالمجذوب مساك الله بالخير
في العمر ده ولحدي تلاته شهور
ده شي عادي وبحصل للرضع
لحدي الشهر الرابع من العمر وده لايعني انو بتك مريضه
ابدا هي سليمه طالما انو الرضاعه والنمو طبيعي
المغص بيحصل نتيجه للغازات
البتدخل اثناء الرضاعه وهي الهواء
كما انو في الفتره دي ينمو الجهاز الهضمي للطفل
مماتنتج عنه هذه التقلصات لضبط حركه الامعاء
شوف ياسيدي في كم طريقه للعلاج
وبصراحه كلها لتخفيف المغص بس
1. في البدايه اكل الام مهم جدا يعني
امها لازم تخفف من المشروبات الغازيه
والبقوليات والبصل ولبن البقر و الفلافل
والفاصوليا الفول والحمص والفلافل
والشوكولا.....................
2. لازم اثناء الرضاعه الام تدي فرصه للطفل للتجشؤ
وفي نهايتها ايضا ..............
3. ممكن ترقد البت علي بطنها وتربت علي ظهرها بلطف .
4. في الحلات المستعصيه يغلي زيت دافي ويتم تمسيد البطن
بالضغط الخفيف وببساطه ولطف علي البطن اثناء اوقات المغص.
5. برضو ممكن تخت البت في حوض من الماء الدافي
وتدلك بطنها بلطف لمدة ربع ساعه.
6. الطفل ممكن يستجيب للاصوات الايقاعيه.
7. هز السرير بلطف .
8. رفع الطفل بين الكتفين وراسه لااعلي.
9. يمكن رفع الرجلين لحد البطن بلطف وتنزيلهما عده مرات
كما الرياضه بصوره بسيطه حتي تساعد الرضيع في اخراج هذه الغازات.
10.اثناء المغص تركه يتحرك بحريه لان حركته تساعده في اخراج هذه الغازات
11. في حال ارتفاع درجه الحراره والاسهال ورفض الطفل للرضاعه يجب الذهاب للطبيب
فقد تكون هناك اسباب اخري للمغص .
mohd saeed magazoub
27-01-2011, 11:28 AM
ود المجدوب سلامة النظر
اقراء البوست كويس
انا بقول بعض الحبوبات بستعملوا البن ومرات الثوم فى الترفيع
وحبوبات برفعوا ساااى
وبعدين ما اى شافع برفعوه
فى سن معين بعرفوهو الحبوبات
لكن للعلم بعد الشافع ما امشى بفتره
واكون جسمو قوى
عشان كده انا قلت ليك وديها لحبوبتها
ولو ما لقيتوها ودوها لاى حبوبه بتعرف الترفيع
الحبوبات السودانيات القاعدات بره كتااااار !!!

كلامك صحيح شكله الترفيع ده حاجة مهمه وكتير من الناس

مابتعرفوا يمكن دي مرحله ماحصلناها لكن اخدنا فكره

وجزاك الله وعلاج الحبوبات مافي غنى عنه

بصراحه بوستيك سمح وحانستفيد منه ...
mohd saeed magazoub
27-01-2011, 11:40 AM
اخي ودالمجذوب مساك الله بالخير
في العمر ده ولحدي تلاته شهور
ده شي عادي وبحصل للرضع
لحدي الشهر الرابع من العمر وده لايعني انو بتك مريضه
ابدا هي سليمه طالما انو الرضاعه والنمو طبيعي
المغص بيحصل نتيجه للغازات
البتدخل اثناء الرضاعه وهي الهواء
كما انو في الفتره دي ينمو الجهاز الهضمي للطفل
مماتنتج عنه هذه التقلصات لضبط حركه الامعاء
شوف ياسيدي في كم طريقه للعلاج
وبصراحه كلها لتخفيف المغص بس
1. في البدايه اكل الام مهم جدا يعني
امها لازم تخفف من المشروبات الغازيه
والبقوليات والبصل ولبن البقر و الفلافل
والفاصوليا الفول والحمص والفلافل
والشوكولا.....................
2. لازم اثناء الرضاعه الام تدي فرصه للطفل للتجشؤ
وفي نهايتها ايضا ..............
3. ممكن ترقد البت علي بطنها وتربت علي ظهرها بلطف .
4. في الحلات المستعصيه يغلي زيت دافي ويتم تمسيد البطن
بالضغط الخفيف وببساطه ولطف علي البطن اثناء اوقات المغص.
5. برضو ممكن تخت البت في حوض من الماء الدافي
وتدلك بطنها بلطف لمدة ربع ساعه.
6. الطفل ممكن يستجيب للاصوات الايقاعيه.
7. هز السرير بلطف .
8. رفع الطفل بين الكتفين وراسه لااعلي.
9. يمكن رفع الرجلين لحد البطن بلطف وتنزيلهما عده مرات
كما الرياضه بصوره بسيطه حتي تساعد الرضيع في اخراج هذه الغازات.
10.اثناء المغص تركه يتحرك بحريه لان حركته تساعده في اخراج هذه الغازات
11. في حال ارتفاع درجه الحراره والاسهال ورفض الطفل للرضاعه يجب الذهاب للطبيب
فقد تكون هناك اسباب اخري للمغص .



والله ياهمسات كلامك لايقدر بثمن

وربنا يديك العافية نفس كلام الطبيب

قال حاجة طبيعية لكن بس الواحد بشوف

المغص دا والبكى والسهر بصراحه بخاف

عليها ويقول يمكن عندها حاجة

لكن الحمد لله بس مافي غير الصبر

والله عاجزين عن الشكر كفيتي ووفيت

وان شاء الله بنستفيد من نصايحك دي

وبنطبقها ان شاء الله ...
همسات
02-02-2011, 05:08 PM
والله ياهمسات كلامك لايقدر بثمن

وربنا يديك العافية نفس كلام الطبيب

قال حاجة طبيعية لكن بس الواحد بشوف

المغص دا والبكى والسهر بصراحه بخاف

عليها ويقول يمكن عندها حاجة

لكن الحمد لله بس مافي غير الصبر

والله عاجزين عن الشكر كفيتي ووفيت

وان شاء الله بنستفيد من نصايحك دي

وبنطبقها ان شاء الله ...







بكا الاطفال مافي زول بستحملو
ودايما قلب الام بخاف
بس لازم الام تكون هاديه ومتفهمه
عشان تقدر تتعامل مع طفلها
وبعدين لو الام بقت عصبيه ومتوتره او خوفها ظهر في تصرفاتها
تنتقل العصبيه دي للطفل مباشره
ممايذيد من بكاء الطفل
بت أم درمان
07-02-2011, 12:08 AM
بوست اكثر من رائع

والله يا حبوبة وهمسات ما قصرتن

ربنا يديكم العافية
mohd saeed magazoub
07-02-2011, 04:20 AM
بوست اكثر من رائع

والله يا حبوبة وهمسات ما قصرتن

ربنا يديكم العافية

قربي بنبرك جاااااااااي اختنا بت ام درمان

الشاي في النار

12347

حبوبة دي ثقافتها عاليه

واختنا همسات برضو مامقصرة
مدنيّة
09-02-2011, 10:13 AM
تبعا انا بالنسبة لي خالتي
لو مابقت اختي الكبيرة
منورة بيتنا والله
وشكرا ليك كتير علي المجهود اللي بتبذليه معانا
وتبعا شكرا ليك برضو يابحيري


------
دا احلي بوست يابحيري "ليه ما وريتونا ليه من بدري"!!
وبعدين اقل حاجة انه العلاج البلدي دا
مافيه مضاعفات
ولا شنو ياهمسات!! ههههههههههههههههههه
بحيرى
09-02-2011, 11:53 PM
بوست اكثر من رائع

والله يا حبوبة وهمسات ما قصرتن

ربنا يديكم العافية

شكرا ليك يا بنوته
حبوبتك بتسلم عليك
وقالت ليك انشاء الله تشيلك عافيتك
وكان عندك شكيه
اها انا راجياك ما تتاخرى !!
بحيرى
09-02-2011, 11:58 PM
قربي بنبرك جاااااااااي اختنا بت ام درمان

الشاي في النار

12347

حبوبة دي ثقافتها عاليه

واختنا همسات برضو مامقصرة




ود المجدوب
والله شايك سمح بالحيل
والناس كان بتعرف فايدة الشاى بتجيك كلها
دحين الشاى ده ما علاج
ااى والله الشاى ده بشربوهو للنزلات
والتفل بتاعو بعملوا للجروح مطهر , وبعملوهو للنشره البتجى فى الاصابع مع القرض
وهسه الدكاتره قالوا
الشاى الاحمر من الصباح ما بخلى الزول اتصاب بالسرطان حمانا الله واياكم
دحين يا وليدى كتر من الشاى الاحمر ده !!
بحيرى
10-02-2011, 12:03 AM
تبعا انا بالنسبة لي خالتي
لو مابقت اختي الكبيرة
منورة بيتنا والله
وشكرا ليك كتير علي المجهود اللي بتبذليه معانا
وتبعا شكرا ليك برضو يابحيري


------
دا احلي بوست يابحيري "ليه ما وريتونا ليه من بدري"!!
وبعدين اقل حاجة انه العلاج البلدي دا
مافيه مضاعفات
ولا شنو ياهمسات!! ههههههههههههههههههه

هى يا مدينيه يا بتى
والله انتى بتى
لسه شباب انتى ماشاء الله عينى بارده
الجهله ما بندوره ليك والمراه بعرفوها بعقاها
وانتى عقلك كبير وعمرك صغير وربنا اديك طولت العمر لعيالك وابوهم
ومستنياك انا ودايره اسمع صوتك !!
رسلى لبحيرى ده ولدى بورينى !!
تغريدا
11-02-2011, 10:42 AM
ياسلااااااااااااام بوست بنكهة الأصالة وريحة الناس الكبار التحية لكل المتداخلين وخاصة حبوبة يديها العافية وبحيرى الطيب وربنا يشفى ريتان ويكبرا ويفظا ليك يامحمد وربنا يشفى كل مريض
بحيرى
11-02-2011, 11:15 AM
ياسلااااااااااااام بوست بنكهة الأصالة وريحة الناس الكبار التحية لكل المتداخلين وخاصة حبوبة يديها العافية وبحيرى الطيب وربنا يشفى ريتان ويكبرا ويفظا ليك يامحمد وربنا يشفى كل مريض


شكراً يا تغريد على المرور
والاشاده بالبوست
وانشاء الله المره الجايه تلقى حبوبه قاعه
وتتونسى معاها !!