ود المطامير
09-02-2011, 01:28 AM
طبعاً مع الجو السائد اليومين ديل
وإنتقال عدوى المظاهرات من دوله لدوله أنا بقيت خواف خلاص
وخايف عدوى المظاهرات دى تدخل البيوت من كترة متابعتنا ومشاهدتنا ليها
أهااا ... أخوكم بقى كلما أدخل البيت يوم الخميس طوالى أقعد
أتكشم براااى وأوزع البسمات لأم عمرو وعمرو وأخوانو
وأسلمهم الأكياس اللى زاد وزنها وكتر عددها إتقاء شر التفكير
فى الحاله الإقتصاديه
وفى المساء طوالى بطلع ليك فى أكبر طربيزه عندنا وأهتف ليك فيهم ، يا شعبى الكريم الحبيب ، أختارو أين تريدون العشاء هذا المساء
أكان أسمع ليك صيحات الفرح والإعجاب والسرور
وفى المساء أطلعهم وأعشيهم مكان ما هم دايرين
وكدا أكون أمّنت جانب عدم التفكير فى القيام بمظاهرات
بسبب الكبت والسجن داخل شقه
وفى الصباح بعد ما نشرب الشاى أسلمهم المصاريف
مع زياده كبيره وأشوف ليك الفرح وعلامات الرضا فى وجوههم
وكدا بكون قفلت عليهم إنو ما يفكروا فى حكاية
أكل البلد برااااهو وسفّ البلد برااااهو والشعب مفلس
وبعداك إشتريت لى عربيه سمحه خلاص ومن شافوها
طارو من الفرح وفسحتهم بيها تمام وإشتريت لكل واحد منهم موبايل وكدا أمّنت جانب سهولة المواصلات والإتصالات
ولميت ليك فى أم عمرو لبستها دهب بالطريه الصاح
وضربت بيهو عصفورين بحجر ، أول شئ فرحتها تمام
وتانى شئ خزينة دولتى بقت مليااااانه والحمد لله
أى بقيت خواف وعملت كدا ، أحسن من يأتى يوم وتنتقل
عدوى المظاهرات للبيوت وتسمع الهتافات
( البيوت تريدد تبديل الرجال )
ويرمننا فى الشارع ويتزوجن غيرنا
وإنتقال عدوى المظاهرات من دوله لدوله أنا بقيت خواف خلاص
وخايف عدوى المظاهرات دى تدخل البيوت من كترة متابعتنا ومشاهدتنا ليها
أهااا ... أخوكم بقى كلما أدخل البيت يوم الخميس طوالى أقعد
أتكشم براااى وأوزع البسمات لأم عمرو وعمرو وأخوانو
وأسلمهم الأكياس اللى زاد وزنها وكتر عددها إتقاء شر التفكير
فى الحاله الإقتصاديه
وفى المساء طوالى بطلع ليك فى أكبر طربيزه عندنا وأهتف ليك فيهم ، يا شعبى الكريم الحبيب ، أختارو أين تريدون العشاء هذا المساء
أكان أسمع ليك صيحات الفرح والإعجاب والسرور
وفى المساء أطلعهم وأعشيهم مكان ما هم دايرين
وكدا أكون أمّنت جانب عدم التفكير فى القيام بمظاهرات
بسبب الكبت والسجن داخل شقه
وفى الصباح بعد ما نشرب الشاى أسلمهم المصاريف
مع زياده كبيره وأشوف ليك الفرح وعلامات الرضا فى وجوههم
وكدا بكون قفلت عليهم إنو ما يفكروا فى حكاية
أكل البلد برااااهو وسفّ البلد برااااهو والشعب مفلس
وبعداك إشتريت لى عربيه سمحه خلاص ومن شافوها
طارو من الفرح وفسحتهم بيها تمام وإشتريت لكل واحد منهم موبايل وكدا أمّنت جانب سهولة المواصلات والإتصالات
ولميت ليك فى أم عمرو لبستها دهب بالطريه الصاح
وضربت بيهو عصفورين بحجر ، أول شئ فرحتها تمام
وتانى شئ خزينة دولتى بقت مليااااانه والحمد لله
أى بقيت خواف وعملت كدا ، أحسن من يأتى يوم وتنتقل
عدوى المظاهرات للبيوت وتسمع الهتافات
( البيوت تريدد تبديل الرجال )
ويرمننا فى الشارع ويتزوجن غيرنا