ألوووو [الأرشيف] - منتديات ودمدني

ود المطامير

20-02-2011, 11:57 AM

_ ألو
_ ألو ، السلام عليكم
_ وعليكم السلام ، منو معاى ؟
_ معاك أحمد منصور من قناة الجزيره
_ منووو ؟ يا حولااااا ، داير منو شنو يا زول ؟
_ يا أخى مالك إتخضيت كدا ؟
_ يا زول هووووى لا أتخضا ولا أتخجا ، أنا ود المطامير وما أظنك دايرنى أنا
_ يا أخى أنا عارفك إنت منو وعاوز أعمل معاك مقابله
_ شنووووو ؟ يا زول هوووو ، أنا زول تعبان ورمتالى سااااااى وحات الله
_ ما مشكله بس إنت حدد المواعيد اللى بتنفع معاك
_ يا زول إنت طلعت لى من وين ؟ ياخى فك شوطى ياخى
_ يا ود المطامير إنت مالك خايف كدا ؟
_ هييييييييي عاين دا ، كيفن ما بخاف ؟ على الطلاق إنتو اللى بتتلحوهو بتجيبو خبرو ضِحا
_ قصدك شنو يعنى ؟
_ ما هو إنتو لميتو فى بن على ركبتوهو التونسيه ومجان كمان
ولميتو فى مبارك حرّم هداك تراهو بقى عاطل
_ يا أخى قول كلام غير دا
_ كلام غير دا ؟ دا إنتو ناس قناة الجزيره بقيتو بتجيبو الهوا وهسى بقيتو تضقلوا بتلاته تلاته
( ليبا .. البحرين ... اليمن )
_ يا ود المطامير الكلام دا ما صاح
_ يا أحمد منصور ياخ أنا زول رمتاااااالى ساااااى ، كدى شوف الجندى المجهول دا
وسيم ومشرف كمان ولأ أقول ليك ؟ شوف عم محجوب ;)
_ طيب بعد ما ننتهى منك بنمشى ليهم
_ لا عليك الله ، كدى أنتهو من ليبيا أول شئ
_ يعنى مافى طريقه للمقابله ؟
_ مقابله ؟ هى هسى مكالمتك دى بس الله يستر يوم الخميس لما أمشى البيت
ما ألقى ناس أم عمرو وعمرو وأخوانو مستنينى فى الشارع بالمظاهرات .

نزار احمد كوارتي

20-02-2011, 08:13 PM

هع هع هع هع

ود المطامير

20-02-2011, 08:35 PM

هع هع هع هع;););););)

الجندي المجهول

20-02-2011, 08:55 PM

Hpl]مع احمد منصور ومع الجزيرة ( يا مطاميروووووووو) عقبال جزيرتك

تخريمة : والله الجزيرة دي بقت قناة تستطيع ان تغير اي نظام ( في اسبوع بس) الفكي بتاعهم كارب خلاص .....

معه اللفة : الناس ديتكون عاوزة تحرر جزيرتك مع اني عارف انها اصلا (محررة) بالمناسبة انا ناسي لي حرف

ود المطامير

20-02-2011, 09:01 PM

Hpl]مع احمد منصور ومع الجزيرة ( يا مطاميروووووووو) عقبال جزيرتك

تخريمة : والله الجزيرة دي بقت قناة تستطيع ان تغير اي نظام ( في اسبوع بس) الفكي بتاعهم كارب خلاص .....

معه اللفة : الناس ديتكون عاوزة تحرر جزيرتك مع اني عارف انها اصلا (محررة) بالمناسبة انا ناسي لي حرف
هع هع هع

قلت لى جزيرتى محرره ؟ هع هع هع

الفكى بتاع قناة الجزيره يكون ود الطاهر يا ربى ؟

الحرف الناسيهو ( ى ) ;)

ابو لوزة

20-02-2011, 09:02 PM

Hpl]مع احمد منصور ومع الجزيرة ( يا مطاميروووووووو) عقبال جزيرتك

تخريمة : والله الجزيرة دي بقت قناة تستطيع ان تغير اي نظام ( في اسبوع بس) الفكي بتاعهم كارب خلاص .....

معه اللفة : الناس ديتكون عاوزة تحرر جزيرتك مع اني عارف انها اصلا (محررة) بالمناسبة انا ناسي لي حرف

الفكي بتاعهم ده مالوا ما بيعرف السودان غبيان منو
وريهو دربو ما ما بيعرف لو

mahagoub

20-02-2011, 09:03 PM

احمد ود منصور ده ما زنقتو فى خانة اليك
ويا الجندى انت ما ناسى حرف بس
انت لاصق حرف
مستعجل وملبوخ مالك ؟؟
ولا عشان مطره قال ليك وسيم

mahagoub

20-02-2011, 09:04 PM

;););););)

مطره ونزار
انت اضحك لى وانا بضحك ليك

ود المطامير

20-02-2011, 09:09 PM

الفكي بتاعهم ده مالوا ما بيعرف السودان غبيان منو
وريهو دربو ما ما بيعرف لو
الفكى بتاعهم عاوز شوية فرفره وهو بتم الباقى يا الحبيب

ود المطامير

20-02-2011, 09:12 PM

احمد ود منصور ده ما زنقتو فى خانة اليك
ويا الجندى انت ما ناسى حرف بس
انت لاصق حرف
مستعجل وملبوخ مالك ؟؟
ولا عشان مطره قال ليك وسيم
يا عمك
مشتااااقين وحاتك

أنا أديت رقمك لأحمد منصور ;)

ود المطامير

20-02-2011, 09:13 PM

مطره ونزار
انت اضحك لى وانا بضحك ليك
;);););););)
هع هع هع هع

ابو لوزة

20-02-2011, 09:24 PM

الفكى بتاعهم عاوز شوية فرفره وهو بتم الباقى يا الحبيب

المشلكة ديل البخليهم يفرفرو شنو
انت خلي الفكي ده يفرفر ليهم وهم بيتموا الباقي

نزار احمد كوارتي

20-02-2011, 10:23 PM

Hpl]مع احمد منصور ومع الجزيرة ( يا مطاميروووووووو) عقبال جزيرتك

تخريمة : والله الجزيرة دي بقت قناة تستطيع ان تغير اي نظام ( في اسبوع بس) الفكي بتاعهم كارب خلاص .....

معه اللفة : الناس ديتكون عاوزة تحرر جزيرتك مع اني عارف انها اصلا (محررة) بالمناسبة انا ناسي لي حرف

كدي راجع كويس يا فرده إنت ناسي ليك حرف ولا فاطي ليك سطر أدييييييل كده

نزار احمد كوارتي

20-02-2011, 10:26 PM

مطره ونزار
انت اضحك لى وانا بضحك ليك

بي الحاصل بي والحاصل بيييييييييييييييييييييييييهو
تررم تمتم ترم ترم ترررم تم ترم

ود المطامير

20-02-2011, 10:34 PM

المشلكة ديل البخليهم يفرفرو شنو
انت خلي الفكي ده يفرفر ليهم وهم بيتموا الباقي
هع هع هع هع
صدقت والله

لكن إنت ما سمعت الجان السودانى قال شنو ؟
قال ليهو ، الحكومه تقلب ؟ الجان قال ليهو قلت لى الكبرى من وين لوين ؟ ;)

نزار احمد كوارتي

20-02-2011, 10:39 PM

المشلكة ديل البخليهم يفرفرو شنو
انت خلي الفكي ده يفرفر ليهم وهم بيتموا الباقي

حيلتو عدمانه الفرفره وروحو جات عند الغرغره

ود المطامير

20-02-2011, 10:40 PM

بي الحاصل بي والحاصل بيييييييييييييييييييييييييهو
تررم تمتم ترم ترم ترررم تم ترم
يا فرده
ما تكلمو ياخ

ود المطامير

20-02-2011, 11:00 PM

_ ألو
_ ألووو ، القذافى كيف حالك ؟
_ تمام التمام
_ تمام التمام كيف وطيارتك دوروها عشان المكنه تسخن ؟
_ إنت منو ؟
_ أنا فاعل خير ياخ
_ خير ؟ هو فضل فيها خير ؟
_ أى والله كلامك صاح ، ما هو إنت وأولادك واللى حولينك تلهطو 42 سنه
_ أعمل حسابك وأكان راجل ورينى إنت منو ؟
_ أنا زول كان بريدك شديد لكن من إنت إنقلبت 24 درجه ولحست شعاراتك جت
وفكفكت المفاعل النووى ورسلتو على نفقتك لأمريكا ودفعت تعويضات الطياره
طوالى أنا شميتك
_ زول ؟ يعنى خليت البشير وجيت تتلحنى أنا ؟
_ البشير زول رقاص خلاص ، وحات الله الساعه اللى يعمل ليك كدا وكدا وكدا
يرقّص ليك الشعب السودانى جت
_ يا زول فارقنى كدا كدا
_ دقيقه يا معمر ياخ
_ أهااا داير شنو تانى ؟
_ والله ما ح يعجبنى ليك
_ هو شنو اللى ما ح يعجبك لى ؟
_ كونك تجى التالت ، هو يعنى بن على وسى حسنى أشطر منك ؟
_ ...........
_ ألو ، ألو ، ألو

ود المطامير

20-02-2011, 11:38 PM

_ ألو
_ الو ، مرحب يا ( هناى )
_ بقول ليك
_ أى
_ الحكايه بقت ما مطمنه والله
_ حكاية شنو ؟
_ الماشه بالدور دى ياخ
_ لا ما تخاف ، ناسنا ماكلين وشاربين ولابسين وراكبين عربات كمان
_ يعنى أطمن ؟
_ أى أطمن ، ولو داير تتأكد بكره نعمل ليك لقاء جماهيرى
وبعد خطابك بس الفنان يقول الكنداكه سيدى سيدى الكنداكه وإنت تديها
عرضه عرضتين براك ح تشوفهم بدقو فى الكاروشه بالطريقه الصاح
_ ما هو الخوف من البدقو الكاروشه ديل
_ كيف يعنى ؟
_ ما هم ديل بحبو التغير وأنا خايف تكون عرضتى بقت ممله ياخ
_ يا زول ما تخاف منهم
_ كيفن ما أخاف منهم ؟ دا نميرى الله يرحمو كان بخوفهم بعصايه قالو فيها سحر
قامو ربطو حجبات وقامو عليهو ، ديل خرتمية مليون سياسى
_ مالك داير تخوفنى ؟ أهااا نعمل شنو ؟
_ إنت خليك متابع النشره الجويه ، لو سمعت الهوا جائ من جيهة ليبيا علينا أعمل لى مسكول
_ إن شاء الله
_ مع السلامه
_ مع السلامه

نزار احمد كوارتي

21-02-2011, 01:38 AM

طيب
إممممممم
لو جاك الهوا من كل الإتجاهات
أين تخفي رأسك يا أبو مركوب وعصايا

بحيرى

21-02-2011, 02:39 AM

الفكى بتاعهم عاوز شوية فرفره وهو بتم الباقى يا الحبيب

سجم خشمكم !!!
الفكى فى السجن !!
الجماعه ديل مفتحييييين !!

mahagoub

21-02-2011, 03:28 AM

يا عمك
مشتااااقين وحاتك

أنا أديت رقمك لأحمد منصور ;)

انت مالك عاوز تجيب لينا الهوا
هسع يقولوا لى سفيت كم من خزينة الدوله

mahagoub

21-02-2011, 03:34 AM

بن على وحسنى والليبى والسودانى
واليمنى والاردنى والجزائرى
اخوه بالرضاعه
زى التيمان كان دقوا ده يبكى داك
ودقى يا مزيقة حسب الله

نزار احمد كوارتي

21-02-2011, 03:42 AM

سجم خشمكم !!!
الفكى فى السجن !!
الجماعه ديل مفتحييييين !!

ههههههههههههههههههههه
حلوه وجميله وملعوبه

mahagoub

21-02-2011, 03:46 AM

ودالمطاريش ما تعمل لى الو
عملتها لليبى فرتق من الخوف ما عارفنه وين
عقبال للرقاص

محب

21-02-2011, 04:55 AM

الوووووووو الوووووو
ود المطامير ياخوي ابقا مارق
ناس أم عمرو وعمرو وأخوانو مستنينك فى الشارع بالمظاهرات .
تاني خليك مع احمد منصور

ود المطامير

21-02-2011, 06:09 AM

طيب
إممممممم
لو جاك الهوا من كل الإتجاهات
أين تخفي رأسك يا أبو مركوب وعصايا
بجى بندسى عندك ;)

ود المطامير

21-02-2011, 06:16 AM

سجم خشمكم !!!
الفكى فى السجن !!
الجماعه ديل مفتحييييين !!
يا فرده
هو فى فكى بدخل السجن ؟
وحتى لو دخلوهو السجن عاااادى بطلع بفرق السيخ ;)

ود المطامير

21-02-2011, 06:17 AM

انت مالك عاوز تجيب لينا الهوا
هسع يقولوا لى سفيت كم من خزينة الدوله
أكان قالو ليك كدا
قول ليهم أنا لقيتها مسفوفه

ود المطامير

21-02-2011, 06:20 AM

ودالمطاريش ما تعمل لى الو
عملتها لليبى فرتق من الخوف ما عارفنه وين
عقبال للرقاص
هع هع هع هع

يبرى ويستبرى ، مكلنا ومشربنا ومغطينا
وعلم أولادنا وشال الضرايب وعمل الكبارى والسدود
والموبايلات رقدت هبطرش وطلع البترول وجوعليه منو سااااى أداهو جت للجنوب
والجنوب ذاتو قال ما دايرنو لأنو تريلا حاميانا المشى

ود المطامير

21-02-2011, 06:22 AM

الوووووووو الوووووو
ود المطامير ياخوي ابقا مارق
ناس أم عمرو وعمرو وأخوانو مستنينك فى الشارع بالمظاهرات .
تاني خليك مع احمد منصور
حبيبنا
مشتاااااقين والله

أمرق وين ؟ دا أنا أول شئ لازم أكشف كوييييس ;)

المسافر

21-02-2011, 11:10 AM

هسه أنا لغيت قناة الجزيرة من تلفزيوني،
خايف يخربو لي علاقتي مع الجيران

ابو عبد الرحمن

21-02-2011, 09:09 PM

_ ألو
_ ألو ، السلام عليكم
_ وعليكم السلام ، منو معاى ؟
_ معاك أحمد منصور من قناة الجزيره
_ منووو ؟ يا حولااااا ، داير منو شنو يا زول ؟
_ يا أخى مالك إتخضيت كدا ؟
_ يا زول هووووى لا أتخضا ولا أتخجا ، أنا ود المطامير وما أظنك دايرنى أنا
_ يا أخى أنا عارفك إنت منو وعاوز أعمل معاك مقابله
_ شنووووو ؟ يا زول هوووو ، أنا زول تعبان ورمتالى سااااااى وحات الله
_ ما مشكله بس إنت حدد المواعيد اللى بتنفع معاك
_ يا زول إنت طلعت لى من وين ؟ ياخى فك شوطى ياخى
_ يا ود المطامير إنت مالك خايف كدا ؟
_ هييييييييي عاين دا ، كيفن ما بخاف ؟ على الطلاق إنتو اللى بتتلحوهو بتجيبو خبرو ضِحا
_ قصدك شنو يعنى ؟
_ ما هو إنتو لميتو فى بن على ركبتوهو التونسيه ومجان كمان
ولميتو فى مبارك حرّم هداك تراهو بقى عاطل
_ يا أخى قول كلام غير دا
_ كلام غير دا ؟ دا إنتو ناس قناة الجزيره بقيتو بتجيبو الهوا وهسى بقيتو تضقلوا بتلاته تلاته
( ليبا .. البحرين ... اليمن )
_ يا ود المطامير الكلام دا ما صاح
_ يا أحمد منصور ياخ أنا زول رمتاااااالى ساااااى ، كدى شوف الجندى المجهول دا
وسيم ومشرف كمان ولأ أقول ليك ؟ شوف عم محجوب ;)
_ طيب بعد ما ننتهى منك بنمشى ليهم
_ لا عليك الله ، كدى أنتهو من ليبيا أول شئ
_ يعنى مافى طريقه للمقابله ؟
_ مقابله ؟ هى هسى مكالمتك دى بس الله يستر يوم الخميس لما أمشى البيت
ما ألقى ناس أم عمرو وعمرو وأخوانو مستنينى فى الشارع بالمظاهرات .
مقطع درامي يدل على عمق عميق . وفهم شامل لما يدور على الساحة
السياسية في شكل حوار درامي رائع مع كاتبه ود المطامير والصحفي المثير
للجدل أحمد منصور ... صراحة استمتعت كثيراً بهذا النص وأخذت منه دروس
وعبر . أولها النوايا الحقيقية للقناة الجزيرة . فليس كل يا يلمع ذهباَ .وقد رايتم
بأم أعينكم ما حدث من تحت الكواليس في القناة من التحرش الكبير لخمسة مذيعات
في القناة الاخبارية . وكلهم الآن قدمن استقالتهن ..واليكم بعض ما جاء في الصحف
(( بعد قدمت إحدي المزيعات إقترب منها أيمن جاب الله . بلاش تتعبي إعصاب الناس
كده الرجالة هتقعد تبحلق فيكي وهتطلق نسوانها الليلة .طبعا الكلام بالهجة المصرية )
وكذلك كبيرهم الذي علمهم السحر .. حاول مساومتها بأن أحد الاثرياء يرد قضاء ليلة معها
مقابل مبلغ خيالى ومنذ ذلك الوقت وحتي اليوم المذيعة في قطيعة معه ...................
هذا قليل من المعروف والمسكوت عنه أكيد يندي له الجبين ....
همسٍـــــــــــــــــــــــــــــــــــــة
ود المطامير جمانه نمور كيف ؟؟؟؟؟

نزار احمد كوارتي

22-02-2011, 09:26 AM

بجى بندسى عندك ;)

الليله يا الله

ود المطامير

23-02-2011, 09:24 AM

هسه أنا لغيت قناة الجزيرة من تلفزيوني،
خايف يخربو لي علاقتي مع الجيران
هو إنت عندك جيران ؟ ;););)

ود المطامير

23-02-2011, 09:26 AM

مقطع درامي يدل على عمق عميق . وفهم شامل لما يدور على الساحة
السياسية في شكل حوار درامي رائع مع كاتبه ود المطامير والصحفي المثير
للجدل أحمد منصور ... صراحة استمتعت كثيراً بهذا النص وأخذت منه دروس
وعبر . أولها النوايا الحقيقية للقناة الجزيرة . فليس كل يا يلمع ذهباَ .وقد رايتم
بأم أعينكم ما حدث من تحت الكواليس في القناة من التحرش الكبير لخمسة مذيعات
في القناة الاخبارية . وكلهم الآن قدمن استقالتهن ..واليكم بعض ما جاء في الصحف
(( بعد قدمت إحدي المزيعات إقترب منها أيمن جاب الله . بلاش تتعبي إعصاب الناس
كده الرجالة هتقعد تبحلق فيكي وهتطلق نسوانها الليلة .طبعا الكلام بالهجة المصرية )
وكذلك كبيرهم الذي علمهم السحر .. حاول مساومتها بأن أحد الاثرياء يرد قضاء ليلة معها
مقابل مبلغ خيالى ومنذ ذلك الوقت وحتي اليوم المذيعة في قطيعة معه ...................
هذا قليل من المعروف والمسكوت عنه أكيد يندي له الجبين ....
همسٍـــــــــــــــــــــــــــــــــــــة
ود المطامير جمانه نمور كيف ؟؟؟؟؟
يا سلاااااام

دا الكلام
وصدقنى دى حقائق ملموسه وما أكثراليوتوبات التى تفضح الجزيره
لكن بينى وبينك الواحد بتكيف ليها ;)

قلتى جمانه نمور ؟ وحات الله أخوك ما بعرف الأسامى
لما تجى قول لى إياها دى

عزالدين

23-02-2011, 09:29 AM

الفكي بتاعهم ده مالوا ما بيعرف السودان غبيان منو
وريهو دربو ما ما بيعرف لو
قلت الكبرى دايرو من وين

ود المطامير

23-02-2011, 09:29 AM

الليله يا الله
يا فرده
أمسح شويه من صندوق رسايلك خلينا نكتب ليك رسايل
وأكان كل الرسائل غاليه عليه وديهم الورد

عاوز أكتب ليك رقم تلفونى وأقول ليك ... الووووو

mahagoub

23-02-2011, 08:21 PM

يا فرده
هو فى فكى بدخل السجن ؟
وحتى لو دخلوهو السجن عاااادى بطلع بفرق السيخ ;)

ده فكى ولا ضب

mahagoub

23-02-2011, 08:24 PM

أكان قالو ليك كدا
قول ليهم أنا لقيتها مسفوفه

فوق ولا تحت
ما تفهمنى غلط
اقصد تحت الشفه الفوق ولا التحت

ود المطامير

23-02-2011, 09:03 PM

فوق ولا تحت
ما تفهمنى غلط
اقصد تحت الشفه الفوق ولا التحت

تشنيقه يا عمك
أنا زمان كنت بكرضمها قدر كدا وبحكرها دُقار لورى بس
أها .. يقوم يجى طيب الذكر حبيبنا مدناوى الإمارات ويعزمنا عرس
وإتلمينا أنا وأبوسفروق والمسافر وزول فرده
ويازول لقيت ليك أنا براى التلوشتى متندله والجماعه صلاة النبى عليهم
سافين وما ظاهره عليهم ، قلت لنفسى ، كيفن الكلام دا ؟

أهااا .. أتاريهم الواحد منهم بدردمها بالدس تحت الطربيزه ويملكها تمام ويعملها
مطاوله ذى طوبة القبر وبعد داك يعمل فيها داير يقش نخيراتو ويقشطها فوق
ويتبتبها تمام وبعد داك يقعد يتكشم
أهااا ... أخوك قال يقلدهم دردمتها وقشطتها فوق لكن لما أضحك لقيتها ليك
ذى بعرة الغنمايه الماسكه ;)

ابو عبد الرحمن

23-02-2011, 09:29 PM

يا سلاااااام

دا الكلام
وصدقنى دى حقائق ملموسه وما أكثراليوتوبات التى تفضح الجزيره
لكن بينى وبينك الواحد بتكيف ليها ;)

قلتى جمانه نمور ؟ وحات الله أخوك ما بعرف الأسامى
لما تجى قول لى إياها دى
ياها دي يا ( مطره ) ........................
ان شاء بعد ده ترووووق .....................
http://www.youtube.com/watch?v=KvL_Gcj2ChE&NR=1

ود المطامير

23-02-2011, 11:18 PM

ياها دي يا ( مطره ) ........................
ان شاء بعد ده ترووووق .....................
http://www.youtube.com/watch?v=KvL_Gcj2ChE&NR=1
ما شاء الله تبارك الله

ربنا يهديها وتتحجب

نزار حسن محمد

23-02-2011, 11:57 PM

خبر عاجل :
ام عمرو تمهل ود المطامير نصف الساعه والا البنطون سوف يتحرك الى مالطا

نزار احمد كوارتي

25-02-2011, 12:06 PM

يا فرده
أمسح شويه من صندوق رسايلك خلينا نكتب ليك رسايل
وأكان كل الرسائل غاليه عليه وديهم الورد

عاوز أكتب ليك رقم تلفونى وأقول ليك ... الووووو

هههههههههههههههههه
حاضرين يا فرده نمسح الجِزم ونشتغل ليك أورنيش ناهيك عن صندوق الرسايل
بس عليك الله ألووووو زي الألووات الفوق دي أنا في غنيً عنها وما ناقص هوا

بالزقاق كده:-
علي فكره أنا أمر التحرك بتاعي للمنطقه الغربيه طلع وقريباً حا أبقي ليك جار

mahagoub

25-02-2011, 09:37 PM

تشنيقه يا عمك
أنا زمان كنت بكرضمها قدر كدا وبحكرها دُقار لورى بس
أها .. يقوم يجى طيب الذكر حبيبنا مدناوى الإمارات ويعزمنا عرس
وإتلمينا أنا وأبوسفروق والمسافر وزول فرده
ويازول لقيت ليك أنا براى التلوشتى متندله والجماعه صلاة النبى عليهم
سافين وما ظاهره عليهم ، قلت لنفسى ، كيفن الكلام دا ؟

أهااا .. أتاريهم الواحد منهم بدردمها بالدس تحت الطربيزه ويملكها تمام ويعملها
مطاوله ذى طوبة القبر وبعد داك يعمل فيها داير يقش نخيراتو ويقشطها فوق
ويتبتبها تمام وبعد داك يقعد يتكشم
أهااا ... أخوك قال يقلدهم دردمتها وقشطتها فوق لكن لما أضحك لقيتها ليك
ذى بعرة الغنمايه الماسكه ;)

الله يجزى محنك
فى الحفله مدردما
شيل ليك علبة سجاير من سبيل الوجاهه

mahagoub

25-02-2011, 09:40 PM

ياها دي يا ( مطره ) ........................
ان شاء بعد ده ترووووق .....................
http://www.youtube.com/watch?v=KvL_Gcj2ChE&NR=1

حافظهم كلهم
ما بتفارق التلفزيون

mahagoub

25-02-2011, 09:46 PM

خبر عاجل :
ام عمرو تمهل ود المطامير نصف الساعه والا البنطون سوف يتحرك الى مالطا

وانا بقول قاعد يتلكع
فى السوق مالو ؟؟
عايزها تزوغ فى البنطون ويقعد يتلون

mahagoub

25-02-2011, 09:48 PM

هههههههههههههههههه
حاضرين يا فرده نمسح الجِزم ونشتغل ليك أورنيش ناهيك عن صندوق الرسايل
بس عليك الله ألووووو زي الألووات الفوق دي أنا في غنيً عنها وما ناقص هوا

بالزقاق كده:-
علي فكره أنا أمر التحرك بتاعي للمنطقه الغربيه طلع وقريباً حا أبقي ليك جار

وين الغربيه ووين الجزيره
انت قايلا جزيرة الفيل

نزار احمد كوارتي

26-02-2011, 02:22 AM

وين الغربيه ووين الجزيره
انت قايلا جزيرة الفيل

ههههههههههههههه
يا عم محجوب إنت الغربيه قايله الجنب مدرسة المؤتمر ديك

mahagoub

27-02-2011, 04:50 AM

كفايه على ضحكتك دى
انت جاى من الشرقيه ولا الجنوبيه

ود المطامير

27-02-2011, 07:39 PM

_ الو
_ الو السلام عليكم
_ وعليكم السلام ، معاى منو ؟
_ معاك السفاره السودانيه
_ أهلا بيك ياخ
_ ود المطامير نحنا شايفنك كل يوم بتساهر فى سودانيز أون لاين
_ وخير إن شاء الله ؟
_ عاوزنك تقول لينا بتعمل شنو هناك ؟ وأصحابك منو ؟ وإنت مع منو فيهم ؟
_ هازول ها ، أنا بمشى ضهب سااااى
_ دا علينا نحنا ؟ نحنا متابعين كل شئ ، أعترف
_ حرّم قاعد أمشى شمارات سااااى بس
_ يعنى ما لقيت مكان تتشمشر فيهو غير هناك ؟
_ ما هو أنا لم....
_ ما هو شنو ؟ وأصلو شنو ؟ قاعد تمشى الفيس بوك ؟
_ الفيس ود منو ؟
_ الفيس بوك
_ وحات الله ولا بعرف مكانو وين ولأ بدخلو ليهو كيف ؟
_ طيب ، الجندى المجهول دا صاحبك ؟
_ أى والله هو رفارف قلبى ياخ ;)
_ هووووى يا زول ما تتكشم لى ، الجندى دا شغال نتل جد فى الحكومه
_ عليك النبى ؟
_ العُلعُله التقوم ليك فى حلقك يعنى ما عارف ؟
_ يطرشنى ؟
_ يطرشك ؟ ما دام هو صاحبك يلا ورينا ساكن وين وتلفونو كم ؟
_ منو ؟
_ الجندى المجهول
_ ياتو جندى مجهول دا ؟
_ القلت هو رفارف قلبك
_ هو معقول أنا أصاحبو ؟ دا أنا بحب البشير وخاصه لما يديها نقزه نقزتين
_ طيب ، المسافر صاحبك ؟
_ قلت لى داير تلفون الجندى ؟

mahagoub

27-02-2011, 08:27 PM

يعنى الجندى حمه خفيفه بالنسبه للمسافر

ود المطامير

27-02-2011, 10:55 PM

يعنى الجندى حمه خفبفه بالنسبه للمسافر
عفيت منك
فهمتها قبلما تطير

mahagoub

28-02-2011, 11:02 PM

عفيت منك
فهمتها قبلما تطير

اى واحد فى الاتنين لو لما فيك
يخلى ريحتك طير طير

نزار احمد كوارتي

03-03-2011, 03:01 AM

وحاة الله بوستياتكم اليومين ديل بقن يخوفن أدييييييييييييييييييييييييييييل كده
الواحد يجي يكتب يلقي أصبعو بفرفر زي ضنب السحليه المقطوع
طيرتو رحمان قلُب أصابعنا معاكم

بنت الرفاعي

03-03-2011, 05:33 AM

يعنى الجندى حمه خفبفه بالنسبه للمسافر

:d:d:d
:d:d

بنت الرفاعي

03-03-2011, 05:37 AM

ما شاء الله عليك يا أخوي،
بس ما يقابلوك.:rolleyes::cool:

نزار احمد كوارتي

04-03-2011, 02:13 AM

:d:d:d
:d:d

ههه هه هاااااااااي

لحقيه بوست أم رقبه بي غادي

بنت الرفاعي

05-03-2011, 12:29 AM

ههه هه هاااااااااي

لحقيه بوست أم رقبه بي غادي

:D:D:D
:):):)
كيف؟؟!!:rolleyes::confused:

ود المطامير

02-04-2011, 12:57 PM

_ الو
_ الو السلام عليكم
_ وعليكم السلام ، السفاره السودانيه ؟
_ نعم السفاره السودانيه
_ ياخى أنا مغترب هنى ولى 24 سنه على الطلاق
_ ما شاء الله
_ الله ما ضراك ، لكن عندى سعال آللخو
_ أتفضل
_ أولاً بالتبادى أنا جابنى أبوى هنى ولما أنا جيت أبوى كان ليهو عشرين سنه
_ طيب
_ أهااا ، وأنا قعدت معاهو كم سنه وأبوى شتت وأنا مسكت الرايه
_ طيب
_ أهااا .. سنوات أبوى القعدها وهو براهو زايد السنوات القعدناها سوا
زايد السنوات القعدتها براى لحد هسى
_ يازول إنت داير تصل لشنو ؟
_ يازول لوجمعنا السنوات دى جت بتطلع كم وأربعين صاح ؟
_ نعم صاح
_ طيب عليك الله كم وأربعين سنه ديل فى كل معامله بدفعونا رسوم بناء سفاره
ولسه ما بنيتوها صاح ؟
_ .............
_ الو .. الو ... الو

ود المطامير

02-04-2011, 12:58 PM

_ الو
_ الو ، السلام عليكم
_ وعليكم السلام ، منو معاى ؟
_ معاك عمرو موسى من مقر الجامعه العربيه
_ هع هع هع هع
_ بتضحك مالك يا ود المطامير ؟
_ قلت لى الجامعه شنو ؟
_ الجامعه العربيه
_ يا عمرو على النعمه أنا سميت ولدى الكبير عليك لما كنت وزير الخارجيه
لكن من بقيت بتاع الونسه العربيه دى شميتك
_ يا ود المطامير ما بيدى ، سى حسنى قصد يبعدنى بس
_ بالمناسبه هو كيف ؟ لو عاوز ليهو فيزا كلمنى
_ كدى خلينا فى المهم
_ أها
_ رأيك شنو فى الجامعه العربيه وما قدمته للشعوب العربيه منذ إنشائها ؟
_ على الطلاق خسارة كهربه ومويه ورواتب بس
_ كيف الكلام ؟
_ يا عمك ؟ هو خلينا من الجامعه ، دا الرؤساء لما يجتمعو عشان يحلو مشكله
بيجتمعو وبيتفرتقو ويطلعو بتلاته مشاكل جديده
_ أيوه لكن كلها كان بيعملها القذافى وهو خلاص تانى ما ح يكون معانا
_ أيوه والقمه الجايه ح تكون قمة تعارف
_ صاح والله
_ إنتا آعمرو ؟
_ نعم
_ إنتو فى الجامعه العربيه رواتبكم دى حلال ؟ والله قاعدين ذى عطالة الكشتينه
_ .........
الو .. الو .. الو

ود المطامير

02-04-2011, 01:00 PM

- الو
_ ود المطامير إزيك ؟
_ مييييييييين ؟ المهدى نقّه ؟ كيفك ياخى
_ نقّة شنو يا زول ؟
_ كيفن نقّة شنو ؟ على الطلاق أنا من قمت فى الدنيا دى
كلما أشوفك ألقاك قاعد تلولح فى الكرسى وتنق وتنق وتنق
_ يا زول دا كلام شنو ؟
_ يا المهدى ياخ أنا جدى كان مفروض يترشح فى الإنتخابات الأخيره دى
حزب أمه قبلما تفكو البيرنق ، أمى حلفت ما تديهو قالت إنتو بتاعين
كلام ساى
_ يازول إنت شارب حاجه ؟
_ أنا ؟ أنا مالى ؟ ولأ إنتو ؟ ماكنتو ماسكين الحكومه أربعه سنوات
حرّم قرن قرب يصل أبوحراز ، والحراميه بتلبو فوق الحيشان نص النهار
وصفوف البانزين والرغيف عييييييييييييك قطر نيالا بس وبرضو عاوزين تحكمونا ؟
_ أى
_ ليه ؟ هو السودان دا بس بيت المهدى والترابى والميرغنى بس ؟
_ هو يعنى إنت عاوز تلغى دورنا التاريخى كمان ؟
_ هو يعنى إنتو عاوزين تاكلو زمنكم وزمن غيركم ؟
_ يا زول هووووى ، إنت فوق ما إتلحت ناس البشير
_ أى ، لكن والله هم بشبعو وبدونا باقى الصينيه ، لكن إنتو بتلحسو الصحانه جت
_ هسى أنا لما سمعت الو حقتك فيهم قلت خلاص إنت معانا
_ يا عمك ، الفيكم عرفنها زماان
_ عرفتو شنو ؟
_ هع هع ضحكتنى والله ، عرفنا يوم الجماعه ديل جو إنتو كبيتو البيرنق بالخيول
ومرقتوها فى الحبشه صاح ؟
_ ................
_ الو . الو . الو

أحمد عمر ( MOODY )

02-04-2011, 08:31 PM

و الله العظيم .. إنت يوم تلفونك ده
بودّيك الغُتُس

ود المطامير

02-04-2011, 09:43 PM

و الله العظيم .. إنت يوم تلفونك ده
بودّيك الغُتُس
يا عمك دا فى النفاج
لو فى العام ممكن

;);););)

نزار احمد كوارتي

02-04-2011, 10:20 PM

_ الو
_ الو ، السلام عليكم
_ وعليكم السلام ، منو معاى ؟
_ معاك عمرو موسى من مقر الجامعه العربيه
_ هع هع هع هع
_ بتضحك مالك يا ود المطامير ؟

هِع هِع هِع

نحن دايرين بتاعة

_ الو
_ الو ، السلام عليكم
_ وعليكم السلام ، منو معاى ؟
_ معاك أم عمرو

الحصلت يوم الجمعة ديك

أحمد عمر ( MOODY )

02-04-2011, 10:26 PM

هِع هِع هِع

نحن دايرين بتاعة

_ الو
_ الو ، السلام عليكم
_ وعليكم السلام ، منو معاى ؟
_ معاك أم عمرو

الحصلت يوم الجمعة ديك

أنا قلت حاجة .. ؟؟
;););););)

نزار احمد كوارتي

02-04-2011, 10:49 PM

أنا قلت حاجة .. ؟؟
;););););)

يا مودي ما تِلَخْبِت نحنه في بوست تاني

ود المطامير

02-04-2011, 10:51 PM

هِع هِع هِع

نحن دايرين بتاعة

_ الو
_ الو ، السلام عليكم
_ وعليكم السلام ، منو معاى ؟
_ معاك أم عمرو

الحصلت يوم الجمعة ديك
هى أكان حصلت إنتو بتستنو لما أقولها أنا ؟

غايتو ضحكتنى

ود المطامير

06-04-2011, 09:43 AM

_ الو
_ الو ، يمه كيف حالك ؟
_ هييييييي يا ولدى إنت شديد ؟
_ أنا بخير يا يمه ، قلت ليك ؟
_ أها يا ولدى قول
_ أكان شفتو ليكم طياره حايمه فوق المطامير ما تقولو حقتنا
_ كيفن الكلام دا آجناى ؟
_ وحات الله يا يمه طيارات إسرائيل بقت تدخل السودان ذى أبوالرقيعات
_ أجئ سجمنا
_ أها ، من تشوفو طياره أضربى لأبوى وكلميهو يتلب من البكسى
_ لشنو آجناى ؟
_ عشان ما يشوفو عمتو الكبيره دى ويفتكروهو نصرالله
_ أجئ ؟
_ وبعدين الغنم أفتحو ليهن الزريبه خلوهن يتجارن شرق وغرب
_ مالك بدور تخوفنى يا ولدى ؟ حكومتنا حاميانا تب
_ تب ؟ والله أكان تب ما عارف
_ كيفن ؟
_ يمه هم ديل بعد الضربه بقولو ناس فريق قدام
قالو شافو طيارات وناس فريق ورا قالو شافو صواريخ
_ أجئ ؟ وطياراتنا مشن وين ؟
_ راقدات فى واطات الله ذى الجداد الضاربو هيم
_ ومالم ما فكوهن وراهن ؟
_ يمه ، ديل لما سمعو الخبر هن مرقن فى سقط لقط
_ سمعوهو من قناة الجزيره ؟
_ التقول علي ، ، يمه قلت ليك ؟
_ أها يا عشاى
_ الشهر دا برسل ليكم المصاريف ناقصه عشان المدارس فتحت عندنا رأيك شنو ؟
_ ................
_ الو ... الو ... الو

ام ساره

06-04-2011, 01:11 PM

صراحة السبب الدخلني المنتدي دا كتابات عم محجوب والمسافر ود المطامير مع الاعتزار للبقية كتاباتهم اكتر من رائعة وفي نفس الوقت تموت من الضحك في زمن قلت فية الابتسامة لا عدمناكم وانتو نوار النفاج وانشالله نوركم دائم يارب ...

ود المطامير

06-04-2011, 07:02 PM

صراحة السبب الدخلني المنتدي دا كتابات عم محجوب والمسافر ود المطامير مع الاعتزار للبقية كتاباتهم اكتر من رائعة وفي نفس الوقت تموت من الضحك في زمن قلت فية الابتسامة لا عدمناكم وانتو نوار النفاج وانشالله نوركم دائم يارب ...
أم ساره

شرفتى المنتدى ونورتيه والله

والمنتدى منور بحروفك

يديك العافيه ومشكوره جدا جدا

ود المطامير

28-05-2011, 07:55 PM

_ الو
_ السلااام عليكم
_ وعليكم السلام
_ القصر الجمهورى ؟
_ نعم القصر الجمهورى
_ حولنى للبشير عليك الله
_ قول حولنى للسيد رئيس الجمهوريه
_ هى لكن نحنا زمان ما علمونا كدا
_ علموكم كيف يعنى ؟
_ علمونا جمهوريه طوالى تجى بعدها ديمقراطيه
_ وهسى يعنى الحكومه دى ما ديموقراطيه ؟
- هع هع ديموقراطيه بالحيل هع هع هع
_ وبتضحك مالك ؟
_ عشان أنا نسيت الإنتخابات الأخيره ، ما هو قبل الإنتخابات بنعرض وهسى بنعرض
_ قصدك شنو يعنى ؟
_ لا لا ، كدى حولنى ليهو
_ نقول ليهو منو ؟
_ قول ليهو زول نصيحه
_ منو ؟
_ زول نصيحه ياخ
_ إنتا داير تنصح الرئيس ؟
_ اى
_ وإنتا منو سيادتك ؟ وتطلع شنو ؟
_ رمتالى ساى والله
_ يازول أمشى ، أمشى
_ يازول كيفن أمشى ؟ أنا لازم أخلص ضميرى ياخ
_ وعاوز تنصحو تقول ليهو شنو ؟
_ دا كلام ليهو هو بس
_ خلاص دقيقه
_ طيب
_ أتفضل معاك الريس
_ البشير كيفك ياخ ؟
_ الحمد لله
_ البشير أنا من رعاياك وما بتعرفنى
_ مرحب حبابك
_ وعاوز أنصحك لوجه الله تعالى
_ أتفضل
_ إنتا إسمك عمر صاح
_ أيوه نعم
_ نعم الله عليك ، وعمر دا على إسم الفاروق عمر أمير المؤمنين صاح ؟
_ أيوه نعم
_ نعم الله عليك ، وهو كان أمير المؤمنين وهسى إنتا ولى أمر السودان جت صاح
_ بالحيل صاح
_ طيب ، سمعت بقصة سيدنا عمر والمرأه وشفعاها الجيعانين والكانت بتحرك العصا فى القدر لحد ما يغلبهم النوم وينومو
_ اى بالحيل
_ أهاا .. سيدنا عمر عمل ليها شنو ؟
_ جاها وسألها ولما عرف الحاصل مشى بيت مال المسلمين وحمل على ظهره الشريف جوال دقيق وعسل وسمن
وقعد يصنع ليهم الطعام وما فارقهم إلا لما شبعو
_ عليك نور ، تمام التمام يلا نشوف الفيديو دا سوا
_ طيب شغلو

http://www.youtube.com/v/OlCWgFUVBig

_ أها يا البشير شفت الفيديو ؟
_ ...............................
_ الو .... الو ... الو

خالد علونى

28-05-2011, 09:28 PM

وحاة الله بوستياتكم اليومين ديل بقن يخوفن أدييييييييييييييييييييييييييييل كده
الواحد يجي يكتب يلقي أصبعو بفرفر زي ضنب السحليه المقطوع
طيرتو رحمان قلُب أصابعنا معاكم

شكيت محنك يا نزار

mahagoub

04-06-2011, 10:18 PM

صراحة السبب الدخلني المنتدي دا كتابات عم محجوب والمسافر ود المطامير مع الاعتزار للبقية كتاباتهم اكتر من رائعة وفي نفس الوقت تموت من الضحك في زمن قلت فية الابتسامة لا عدمناكم وانتو نوار النفاج وانشالله نوركم دائم يارب ...

كدى جرى البمبر داك وتعالى اقعدى
انحنا ما شايلين حاجه معانا غير دعوتكم

ود المطامير

20-06-2011, 02:10 PM

_ الو
_ الو ، حاج ملود ، إنتا نايم ؟
_ لا حولا ولا قوة إلا بالله
_ يا زول مالك ؟
_ مالى كيفن يا ود المطامير ؟ مصحينى واحده بالليل وتقول لى مالك ؟
_ اااى ، ياخ ما عندى موضوع ضرورى ياخ
_ الله يستر ، أهااا ... خير
_ خير تب ، عوض صاموله عاوز يطلق مرتو
_ أمسينا وأمسى المك لله ، والله أنا كنت حاسس ح تجيب ضقلها يكركب
_ يا حاج ملود ، صحصح معاى عليك الله ، ما أنا الجبت ضقلها يكركب هى الجابتو لنفسها
_ كيفن يعنى ؟
_ والله يا حاج ملود ، صاموله قال قبضها قاعده فى الفيس ود البوك مع الشباب
_ آاع ؟ الفيس ود منو ؟ ودا بيتم وين ؟
_ بيت شنو ياخ ؟ تبيت فى السهله
_ عاد كيفن ؟
- دا برنامج فى النت بتلمو فيهو الناس جت عليهم
_ أهااا .. هو وهى شن خبرهم بالداهى دا ؟
_ هو كان قاعد مع صاحبو وصاحبو كان قاعد فى الفيس قامت جات صورة واحده
هو طوالى نطّ فووووق وقال طلّق دى الرساله مرتو
_ أهااا ... وبعدين ؟
_ وبعدين صاحبو قال ليهو ياخ رسالة شنو ؟ هو إنتو فى قريتكم كهربه مافى تقول لى دى مرتك ؟
_ ها ها ها ها ... وبعدين ؟
_ وبعدين مرتى ما مرتك مرتى ما مرتك والشكله دورت
_ التقطع ركبيهم ... وبعدين ؟
_ بعدين .. بُنيه من دا وشلوت من دا لما جات الشرطه
_ الخراااااابل
_ أهااا .. ود صاموله حالف يطلق الرساله
_ أهااا ... والرساله هى صُح كانت قاعده مع الجنيات ديل فى الداهى دا ؟
_ ياخ تقعد مكسر ، ديك كانت صورة واحده فنانه قديمه والصوره أسود وأبيض
وهو من شاف الشلوخ قال طلّق دى رسالتى
_ ها ها ها ها ... أهااا ... والراى شنو هسع ؟
_ ما عشان كدا ضربت ليك تقوم بكره من النجمه تركب تجينا
_ خير تب آجانا
_ إنتا آحاج ملود ؟
_ أيّا
_ بخيته مرتك مشلخه ؟
_ ........................
_ الو .... الو ... الو

ود المطامير

20-06-2011, 02:44 PM

_الو
_ الو ، أبوداوود
_ مرحب
_ يا حليلك يا أبوداوود، بعدك الساحه بقت خارم بارم
_ كيفن الكلام دا ؟
_ على النعمه يا الحبيب جنس هشك بشك غايتو أسكت ساى
_ لكن وين ناس ودالباديه وناس حمد الريح ؟
_ يا حليلهم أكل عيش إنقطع
_ عليك النبى ؟ كيف ؟
_ أقول ليك شنو ولأ أحكى ليك شنو ؟ ظهرو فى الساحه
مليون فنان لكل ميل مربع فنان ودا قبل الإنفصال كمان
_ لا حولا
_ لا ، وكمان شنو حكمة الله كل زول غلبتو العيشه مسك مكرفون
وأضانك ما تسمع إلا .. قنبله ، دى قنبله سماحة الزول فى الطول والعلا
_ دى أغنيه دى ؟ وين ناس ترباس ؟
_ ترباس ؟ على الطلاق خلوهو كل دقيقه يرفع فى عمتو
_ والله لكن كلام ، أهاا قول لى ، والماسكين الساحه ديل بنات ولأ أولاد
_ والله يا أبوداوود ، تعاين للبنطلون والقميص تقول ولد
وتعاين للوش تقول بت
_ كيفن يعنى ؟
_ كترة مسيح وبدره وألوان قوس قزح تبهرج
_ لا حولا ولا قوه الا بالله
_ وكمان جابو تقليعات جديده
_ كيفن ؟
_ حسين ود الصادق دخل مره المسرح بونش
_ مالو ؟ كان فى مطره ؟
_ لا لا لا ، قال تقليعه جديده
_ قادر الله
_ وأخوه دخل المسرح شايلنو عتاله ، على النعمه أنا كنت داير أكسر التلفزيون
_ معقول ؟
_ أهااا وظهر واحد فى نيجيريا إسمو الشريف
_ ودا مالو كمان ؟
_ دا مشت ليهو هنايه وجات منو بلكزس ، أهااا ، كل واحده
سمحه وصفرا جرت التلفزيون لبرنامج نجوم الغد عشان سمعن قالو الهمر جايه
_ ود المطامير
_ أى آبوداوود
_ عليك الله أختانى ياخ
_ هييييى لكن ما كلمتك بزينه الزينه
_ .................
_ الو ... الو ... الو

ود المطامير

20-06-2011, 02:52 PM

_ الو
_ أهلييين سوزان
_ أوووه ود المطامير ، كيفك ؟
_ تمام ، لكن أمس كنتى مبالغه فى الحفله
_ بالجد ؟
_ رهيييييبه لكن
_ مرسى
_ دا حتى أصحابى كلهم لما شافوك شهقو
_ ها ها ها ها
_ غايتو أدرتى أعناق الجميع
_ مرسى
_ وسحبتى الجو من العروس
_ دا من زوقك ياخ
_ لا لا ، دى الحقيقه
_ يعنى عجبتك ؟
_ وعجبتى كل زول شافك
_ مرسى
_ أها قلت ليك
_ نعم يا مطاميرووو
_ عليك الله ما تغسلى وشك خليك كدا على الطول
_ .................
_ الو ..... يا هنايه ... الو

ود المطامير

20-06-2011, 02:56 PM

( المكالمات المجانيه بعد منتصف الليل )

_ الو
_ أهليييييييين سحر
_ يا هلا بيك ود المطامير
_ تصدقى من قبيل بعاين للساعه ومنتظر الساعه 12 دى ذى هلال رمضان
_ وأنا كمان
_ أها ناس البيت نامو
_ أيوه كلهم نامو
_ تمام ، اليوم صباحى إن شاء الله
_ ما عندك شغل بكره ؟
_ لا لا لا بكره أنا إجازه
_ حلو
_ حلوه إنتى
_ هه هه هه
_ الله الله ضحكه ترد الروح
_ يا روحى إنتا
_ يا عمرى إنتى
_ أحبك
_ حبينى
_ بحبك
_ أحبك
_ حبيتك
_ مت فيك
_ أمووووت ليك
_ أمووت ليك
أحبك
_ بحبك
_ حبيتينى
_ قلبى ليك
_ عيونى ليك
_ آه آه
_ يا سلاااام
_ الله الله
_ خ خ خ خ خ خ خ
_ الو ....سحر .... ألووووو

ود المطامير

20-06-2011, 03:00 PM

_ الو
_ الخطوط الجويه السودانيه ؟
_ نعم
_ ياخى مالكم ليوم الليله طياراتكم دى بتطير وبترك على كيفها ؟
_ كيف يعنى ؟
_ يعنى ذى أبوالرقيع
_ يا زول إنت بتهظر ؟
_ يا زول إنتو بتهظرو بناس وتعابه وغلابه وعوايل كمان ؟
_ وضح
_ أوضح شنو ولأ أخلى شنو ؟ على الطلاق كرهتونا السفر بالسودانيه
_
_ ياخى إنت عاوز تصل لشنو ؟
_ أصل لشنو ؟ هو إنتو قاعدين توصلونا ؟ على الطلاق لو ما مسحتو بينا البلاط
ما بتوصلونا ، قال تصل لشنو قال
_ طيب هسى عاوز شنو ؟
_ عاوز أشتكيكم ياخ
_ خلاص أعلى ما فى خيلك أركبو
_ أى ، أنا ذاتى قررت أركب طيران الإتحاد ، خلى ولى السودانيه والوطنيه
_ هو إنت عندك وطنيه ؟
_ هو إنتو خليتو لينا وطنيه ؟ نقول ليكم ودونا الوطن تقربو تودونا مستشفى المجانين
_ كيف يعنى ؟
_ تصدق بالله ؟ الشرطى العمانى فى مطار أبوظبى سمع أضانى قال .. أنا عملت شنو
فى حياتى عشان دوامى يصادف الطائره السودانيه؟
_ كيف يعنى ؟
_ عشان نحنا شعب حنين ، لو حد مسافر بكون معاهو خمسه دايرين يودعوهو
ولو عائله مسافره بكون معاهم خمسه عوايل مودعنهم والشفع يتجارو
واللى ما مسافرين عاوزين يدخلو مع المسافر مكان الميزان
وطيارتكم تتأخر والجوطه والكواريك والإحتجاج عيييييييييل خمسه ساعات
_ طيب ما الغلط منكم إنتو المسافرين ما بتتقيدو بالنظام
_ هع هع هع ، والله ضحكتنى ، نظام .. دا إنتو بتقولو تعالو الساعه 11 والقيام الساعه
واحده ونجى 11 ونقوم تانى يوم الساعه 3
_ يا زول أنا ما فاضى ليك ومع السلامه
_ دقيقه عليك الله سؤال واحد بس
_ أها
_ ما شاء الله ليكم فتره ما عندكم طياره دقت الواطه عملتو شنو ؟
_......................
_الو .... الو ..... الو

mahagoub

21-06-2011, 04:19 AM

الو الو الو
رد يا شاب
الو الو الو
ود المطامير اعتقلوه

ود المطامير

21-06-2011, 10:37 AM

الو الو الو
رد يا شاب
الو الو الو
ود المطامير اعتقلوه
;);););)

والله أجرجركم جت معاى

mahagoub

21-06-2011, 09:38 PM

بتعملا يا طه
لكن انا عندى شهود انى كنت بايت بره

ود المطامير

22-06-2011, 02:29 AM

بتعملا يا طه
لكن انا عندى شهود انى كنت بايت بره
الكنت بايت معاهم ذاتهم بجرجرهم ;)

ود المطامير

22-06-2011, 07:16 AM

_ الو
_ مطاميرووو كيفك يا فرده ؟
_ أووووووووه حبيبنا البعشوم إمورك ياخ ؟
_ تمام والله ودخلت الجامعه
_ هع هع هع هع هع
_ بتضحك مالك آزول ؟
_ لا مافى شئ ، على النعمه زمان المطامير جت فى السنه إتنين بس البخشو الجامعه
_ أيوه لكن الزمن إتغير
_ بالحيل إتغير والجامعات بقت أكتر من المطاعم الشعبيه
_ طيب كدى خلينا فى المهم
_ جيب المهم آجنا
_ سمعت قالو أبوكرنك جايى السودان وعاوزك ترسل لى معاه حاجات
_ أبشر ، عاوز شنو ؟
_ عاوز كم أدينى حقنه ومعاهم طيحنى والألون تكون مناسبه
_ آااع ؟ شنو ؟ ديل شنن ديل ؟
_ إنتا قاعد وين ياخ ؟
_ قاعد فى جزيرتى دى وحاة أمى طرزان بس
_ عليك الله يا مطاميرو أستعجل لى بيهن ياخ
_ هن شنن هن ؟
_ طيحنى وأدينى حقنه
_ إتا آلبعشوم بقيت تطشم بالنهار ؟
_ أطشم شنو ياخ ؟
_ خلاص وقع لى طيحنى وأدفرنى ديل
_ أيوااا ... أدينى حقنه يعنى فنيله كمها مع الكتف وطيحنى بنطلون ناصل
_ أع ؟ ناصل ؟ والبنطلون الناصل دا مالكم ما سميتوهو أدينى حقنة ملاريا ؟
_ ياخ أنا عارفو ليك ؟
_ وإنتا بدور تلبس ديل ؟
_ آاااى
_ وتحوم بيهن بالنهار
_ ياخى إنتا مالك ومالى ح ترسلهم ولأ يفتح الله ؟
_ برسلهم لكن بشرط ؟
_ شنو ؟
_ تلبسهم وتشق بيهن المطامير النص النص
_ ............................................
_ الو ... آلبعشوم .... الو الخراابل

آلاء عبد الرحمن

22-06-2011, 08:27 AM

_ ألو
_ ألو ، السلام عليكم
_ وعليكم السلام ، منو معاى ؟
_ معاك أحمد منصور من قناة الجزيره
_ منووو ؟ يا حولااااا ، داير منو شنو يا زول ؟
_ يا أخى مالك إتخضيت كدا ؟
_ يا زول هووووى لا أتخضا ولا أتخجا ، أنا ود المطامير وما أظنك دايرنى أنا
_ يا أخى أنا عارفك إنت منو وعاوز أعمل معاك مقابله
_ شنووووو ؟ يا زول هوووو ، أنا زول تعبان ورمتالى سااااااى وحات الله
_ ما مشكله بس إنت حدد المواعيد اللى بتنفع معاك
_ يا زول إنت طلعت لى من وين ؟ ياخى فك شوطى ياخى
_ يا ود المطامير إنت مالك خايف كدا ؟
_ هييييييييي عاين دا ، كيفن ما بخاف ؟ على الطلاق إنتو اللى بتتلحوهو بتجيبو خبرو ضِحا
_ قصدك شنو يعنى ؟
_ ما هو إنتو لميتو فى بن على ركبتوهو التونسيه ومجان كمان
ولميتو فى مبارك حرّم هداك تراهو بقى عاطل
_ يا أخى قول كلام غير دا
_ كلام غير دا ؟ دا إنتو ناس قناة الجزيره بقيتو بتجيبو الهوا وهسى بقيتو تضقلوا بتلاته تلاته
( ليبا .. البحرين ... اليمن )
_ يا ود المطامير الكلام دا ما صاح
_ يا أحمد منصور ياخ أنا زول رمتاااااالى ساااااى ، كدى شوف الجندى المجهول دا
وسيم ومشرف كمان ولأ أقول ليك ؟ شوف عم محجوب ;)
_ طيب بعد ما ننتهى منك بنمشى ليهم
_ لا عليك الله ، كدى أنتهو من ليبيا أول شئ
_ يعنى مافى طريقه للمقابله ؟
_ مقابله ؟ هى هسى مكالمتك دى بس الله يستر يوم الخميس لما أمشى البيت
ما ألقى ناس أم عمرو وعمرو وأخوانو مستنينى فى الشارع بالمظاهرات .

ده ياهو الكلام الانا بقولو فيو
اسي الزول ده مابتكلم بره راسو
يا جماعة المنتدي صابتو عين الناس كلها بقت تتكام بره راسة
وهمسات دي ماعارفة مشت وين

آلاء عبد الرحمن

22-06-2011, 08:36 AM

_الو
_ الو ، أبوداوود
_ مرحب
_ يا حليلك يا أبوداوود، بعدك الساحه بقت خارم بارم
_ كيفن الكلام دا ؟
_ على النعمه يا الحبيب جنس هشك بشك غايتو أسكت ساى
_ لكن وين ناس ودالباديه وناس حمد الريح ؟
_ يا حليلهم أكل عيش إنقطع
_ عليك النبى ؟ كيف ؟
_ أقول ليك شنو ولأ أحكى ليك شنو ؟ ظهرو فى الساحه
مليون فنان لكل ميل مربع فنان ودا قبل الإنفصال كمان
_ لا حولا
_ لا ، وكمان شنو حكمة الله كل زول غلبتو العيشه مسك مكرفون
وأضانك ما تسمع إلا .. قنبله ، دى قنبله سماحة الزول فى الطول والعلا
_ دى أغنيه دى ؟ وين ناس ترباس ؟
_ ترباس ؟ على الطلاق خلوهو كل دقيقه يرفع فى عمتو
_ والله لكن كلام ، أهاا قول لى ، والماسكين الساحه ديل بنات ولأ أولاد
_ والله يا أبوداوود ، تعاين للبنطلون والقميص تقول ولد
وتعاين للوش تقول بت
_ كيفن يعنى ؟
_ كترة مسيح وبدره وألوان قوس قزح تبهرج
_ لا حولا ولا قوه الا بالله
_ وكمان جابو تقليعات جديده
_ كيفن ؟
_ حسين ود الصادق دخل مره المسرح بونش
_ مالو ؟ كان فى مطره ؟
_ لا لا لا ، قال تقليعه جديده
_ قادر الله
_ وأخوه دخل المسرح شايلنو عتاله ، على النعمه أنا كنت داير أكسر التلفزيون
_ معقول ؟
_ أهااا وظهر واحد فى نيجيريا إسمو الشريف
_ ودا مالو كمان ؟
_ دا مشت ليهو هنايه وجات منو بلكزس ، أهااا ، كل واحده
سمحه وصفرا جرت التلفزيون لبرنامج نجوم الغد عشان سمعن قالو الهمر جايه
_ ود المطامير
_ أى آبوداوود
_ عليك الله أختانى ياخ
_ هييييى لكن ما كلمتك بزينه الزينه
_ .................
_ الو ... الو ... الو

بقي فنان لكل شبر وحياتك

آلاء عبد الرحمن

22-06-2011, 08:38 AM

_ الو
_ أهلييين سوزان
_ أوووه ود المطامير ، كيفك ؟
_ تمام ، لكن أمس كنتى مبالغه فى الحفله
_ بالجد ؟
_ رهيييييبه لكن
_ مرسى
_ دا حتى أصحابى كلهم لما شافوك شهقو
_ ها ها ها ها
_ غايتو أدرتى أعناق الجميع
_ مرسى
_ وسحبتى الجو من العروس
_ دا من زوقك ياخ
_ لا لا ، دى الحقيقه
_ يعنى عجبتك ؟
_ وعجبتى كل زول شافك
_ مرسى
_ أها قلت ليك
_ نعم يا مطاميرووو
_ عليك الله ما تغسلى وشك خليك كدا على الطول
_ .................
_ الو ..... يا هنايه ... الو

وووووووووووووين ام عمرووووو ياشباااااااااااااااب

ود المطامير

22-06-2011, 08:51 AM

ده ياهو الكلام الانا بقولو فيو
اسي الزول ده مابتكلم بره راسو
يا جماعة المنتدي صابتو عين الناس كلها بقت تتكام بره راسة
وهمسات دي ماعارفة مشت وين
والعجب أبوعبدالرحمن
أكان قالو ليهو زح من الدرب
يقول ، يا نارى من القمارى ;)

ود المطامير

22-06-2011, 08:53 AM

بقي فنان لكل شبر وحياتك
وتيب ؟
لشنو تقولى على بقيت بهضرب بالنهار ؟ ;)

ود المطامير

22-06-2011, 08:55 AM

وووووووووووووين ام عمرووووو ياشباااااااااااااااب
بت أهلى قلت ليك
تعالى نعمل هدنه
دا توم وجيرى مرات بعملو هدنه وبياكلو من صحن واحد ;)

آلاء عبد الرحمن

22-06-2011, 09:12 AM

بت أهلى قلت ليك
تعالى نعمل هدنه
دا توم وجيرى مرات بعملو هدنه وبياكلو من صحن واحد ;)

هههههههههههههه
قلته كده
كدي النفكر

آلاء عبد الرحمن

22-06-2011, 09:13 AM

وتيب ؟
لشنو تقولى على بقيت بهضرب بالنهار ؟ ;)

الناس بقو فنانين
وانت قلته بقيت شيخ
اها انته ماماشي عكس الناس؟؟؟؟؟؟؟؟

ود المطامير

22-06-2011, 10:44 AM

الناس بقو فنانين
وانت قلته بقيت شيخ
اها انته ماماشي عكس الناس؟؟؟؟؟؟؟؟
تصدقى يا بت أهلى ؟

لى أكتر من سنه ما سمعت ولا أغنيه

والله فعلا أنا ماشى عكسهم والله لا مشانى معاهم

لكن المسافر ممكن يمشى لحد الشريف مادغرى ويجيب همر ويجى ;)

ود المطامير

22-06-2011, 11:18 AM

_ الو
_ يا عشاى كيفنك ؟
_ دار الحنان ؟ كيفك ومشتاااااقين والله
_ نحنا كويسين وبخير ، كيفنك إنت ووليداتك ؟
_ والله تمام التمام
_ أهااا .. صحى ما جاينا مع وليداتك ؟
_ والله يا يمه عندى تجديد إقامه وكدا يعنى ممكن أحصلهم
_ أجئ ؟ هو عارضك حق السفر تانى قام ولأ شنو ؟
_ اى والله
_ خلاص بكره من النجمه ح أمشى لشيخى
_ شيخك دا منو ؟
_ أسكت سااااى ، أريتو شيخ السرور يروب المويه
_ آااع ؟ دا منو دا ؟
_ دا شيخى ، هو محلو بعيده لكن شيخ تمام
_ يمه عليك الله إنتى لسه بتبارى الحاجات دى
_ ها جنا إنتا لسه فى مساختك دى ؟
_ عليك الله يا يمه أدعى لى إنتى براك بعد كل صلاه ووفرى حق البص والبياض
والفطور وكدا
_ ها جنا أنا ماشه ماشه وأكان ما خلاك تجى قبل أولادك تشوف
_ والله أكان سواها تانى بدل ما أرسل ليك المصاريف أكان تصرفينى إنتى
_ كيفن الكلام دا اجنا ؟
_ ما هو أكان شيخك دا جابنى قبل أولادى معناتو ح يكشونا
_ أجى ؟ أجى ؟ أجى ؟
_ مالك بقيتى تقطعى ؟
_ لا لا أكان كدا بقول ليهو جيبو بعد يجدد إقامتو طوالى ( على شرط إجازه ويرجع )
_ يا أمى أستغفرى ربك عليك الله ، كل شئ بيد الله
_ ونعم بالله يا ولدى لكن هو شيخ نجيض بالحيل
_ كيف يعنى ؟
_ عمن أول ودينا ليهو بت نفيسه عمتك ، أمانة الله إسبوع مافى عقدو عليها
_ لكن راجلها طلقها قبل العرس
_ أيّا ، لكن دى فكة العرض
_ يا أمى كلامكم دا هو العارض ذاتو
_ ها جنا أسكت ما يكسرك لى بالليل دا
_ إنتى يا يمه ؟
_ أيّا
_ أكان أبوى مشى للشيخ دا وقال ليهو داير أعرس ، بعرس ليهو
_ ...................................
_ الو .... يمه .... الو

mahagoub

22-06-2011, 08:21 PM

قال تجديد اقامه قال
انت اولادك ما بجددوا
ما تقول ليها واقع عديل
يا دوب لمينا حق تذاكر الاولاد

ود المطامير

22-06-2011, 08:52 PM

قال تجديد اقامه قال
انت اولادك ما بجددوا
ما تقول ليها واقع عديل
يا دوب لمينا حق تذاكر الاولاد
;););););)
أكان قلنا كدا البصدقك منو ؟ ;)

mahagoub

23-06-2011, 05:07 AM

;););););)
أكان قلنا كدا البصدقك منو ؟ ;)

هسع كان قلت الحقيقه
كان الكشف اتملا

مدناوية

23-06-2011, 11:49 AM

ود المطاريش ..

عندي رقم عاوزاك تتصل تعمل لي معاهو حوار ...

جاهز؟؟؟

mahagoub

24-06-2011, 08:39 PM

صراحة السبب الدخلني المنتدي دا كتابات عم محجوب والمسافر ود المطامير مع الاعتزار للبقية كتاباتهم اكتر من رائعة وفي نفس الوقت تموت من الضحك في زمن قلت فية الابتسامة لا عدمناكم وانتو نوار النفاج وانشالله نوركم دائم يارب ...

بس ما تمرقى تانى
انحنا البجينا بنديه مؤبد
كدى اشربى العصير
واقعدى واتوهطى

http://i51.tinypic.com/14m6i3k.jpg

mahagoub

24-06-2011, 08:40 PM

ود المطاريش ..

عندي رقم عاوزاك تتصل تعمل لي معاهو حوار ...

جاهز؟؟؟

مطره دق ريوس
ده كمين

ود المطامير

25-06-2011, 02:41 AM

مطره دق ريوس
ده كمين
عليك النبى

خلاص نعمل خلف دور طوااالى

ود المطامير

25-06-2011, 02:42 AM

ود المطاريش ..

عندي رقم عاوزاك تتصل تعمل لي معاهو حوار ...

جاهز؟؟؟

ابيييييييييييييييييييييييييت
عم محجوب قال لى دا كمين ;)

ود المطامير

25-06-2011, 02:56 AM

- الو
-اوووه جندينا الحبيب كيفك
- ود المطامير كيفك ياخ
- تمام والله
- الحمد لله
-يا جندينا ياخ انا خايف عليك ياخ
- من شنو يا حبيب
- من البتعمل فيهو دا ياخ
- بسم الله انا بعمل فى شنو
- ياخ متلح الحكومه دى وما خليت ليها صفحه تنوم عليها
- ما هو دا الحاصل وبعدين ما تخاف على
- لا لا انا خايف على صحتك
- مشكور يا حبيب
- لكن ابوعبدالرحمن قال لى هو لو ما عمل كدا بمر
- ياخ دا فاكه منو ساااى
- هع هع هع هع
- عجبتك
- جدا
- الجندى قلت ليك
- ااى
- ياخ انت ما تمسك الحكومه وتريحنا يا
- .........................
- الو ..... الجندى .... الو

ود المطامير

25-06-2011, 03:02 AM

- الو
- سورى النمره غلط
- دقيقه دقيقه ياخ ما غلط
- كيف ما غلط وانا طالبه رقم مريوم صاحبتى
- والله انتى جابك لى الله
- كيف يعنى
- ما هو انا قاعد فى جزيره براااى طرزان بس
- ياااااى
- ياااااى وصاموله وكويل كمان
- مين دول اصحابك
- هع هع هع هع
- ضحتك ضحكة زول شبعان
- اى والله هسى ردمت صالونة الهنود بالطريقه الصاح
- يااااى انت ظريف جدا
- مش قلت ليك النمره ما غلط
- ههههههههههههههههههههههه
- الله ضحتك ترد الروح
- مرسى
- مرسيين
- إنت جنسيتك شنو
- سودانى
- سودانى .. معليش بعتزر منك ...........
-الو .... الو ....

mahagoub

26-06-2011, 05:54 AM

- الو
- سورى النمره غلط
- دقيقه دقيقه ياخ ما غلط
- كيف ما غلط وانا طالبه رقم مريوم صاحبتى
- والله انتى جابك لى الله
- كيف يعنى
- ما هو انا قاعد فى جزيره براااى طرزان بس
- ياااااى
- ياااااى وصاموله وكويل كمان
- مين دول اصحابك
- هع هع هع هع
- ضحتك ضحكة زول شبعان
- اى والله هسى ردمت صالونة الهنود بالطريقه الصاح
- يااااى انت ظريف جدا
- مش قلت ليك النمره ما غلط
- ههههههههههههههههههههههه
- الله ضحتك ترد الروح
- مرسى
- مرسيين
- إنت جنسيتك شنو
- سودانى
- سودانى .. معليش بعتزر منك ...........
-الو .... الو ....

ها ها ها ها ها
هع هع هع هع
ههههههههههه
الله يجازى محنك
بضحك المكتب كله مستغرب
هى ما عاوزه تقول ليك اتلما يا عب

mahagoub

26-06-2011, 05:55 AM

- الو
- سورى النمره غلط
- دقيقه دقيقه ياخ ما غلط
- كيف ما غلط وانا طالبه رقم مريوم صاحبتى
- والله انتى جابك لى الله
- كيف يعنى
- ما هو انا قاعد فى جزيره براااى طرزان بس
- ياااااى
- ياااااى وصاموله وكويل كمان
- مين دول اصحابك
- هع هع هع هع
- ضحتك ضحكة زول شبعان
- اى والله هسى ردمت صالونة الهنود بالطريقه الصاح
- يااااى انت ظريف جدا
- مش قلت ليك النمره ما غلط
- ههههههههههههههههههههههه
- الله ضحتك ترد الروح
- مرسى
- مرسيين
- إنت جنسيتك شنو
- سودانى
- سودانى .. معليش بعتزر منك ...........
-الو .... الو ....

ما قلتوا نوبه
الجندى زاغ

ود المطامير

26-06-2011, 07:38 AM

ها ها ها ها ها
هع هع هع هع
ههههههههههه
الله يجازى محنك
بضحك المكتب كله مستغرب
هى ما عاوزه تقول ليك اتلما يا عب
هع هع هع هع هع

;););););)

وحاة أمى شكيت محنك إنتا سفتى قربت تقع من الضحك
;);););)

mahagoub

26-06-2011, 10:51 PM

هع هع هع هع هع

;););););)

وحاة أمى شكيت محنك إنتا سفتى قربت تقع من الضحك
;);););)

عدت والعود احمد
ما قلت طرزان
ما قلنا ليكم ما بتخلا

ود المطامير

26-06-2011, 11:24 PM

عدت والعود احمد
ما قلت طرزان
ما قلنا ليكم ما بتخلا
عدت من وين ؟
هو قالولك أنا فارقتو ؟

mohd saeed magazoub

26-06-2011, 11:39 PM

متابعين ومستمتعين

واصل بدون فواصل ...

ود المطامير

27-06-2011, 12:36 AM

متابعين ومستمتعين

واصل بدون فواصل ...

تسلم يا الحبيب

يعلم الله مشتاااااااااقين

mahagoub

27-06-2011, 06:31 AM

عدت من وين ؟
هو قالولك أنا فارقتو ؟

سمعنا زمن 400.000 ركعه
انتى تميتم ولا لسه

ود المطامير

27-06-2011, 09:47 AM

سمعنا زمن 400.000 ركعه
انتى تميتم ولا لسه
والله يا راحة الفؤاد
أبوعبدالرحمن أفتى لى وهو شيخى ;)

ود المطامير

27-06-2011, 05:45 PM

_الو
_ الو مرحب ، معاك ود المطامير
_ ود منو ؟
_ المطامييير وفى مقوله أخرى المتامير
_ إتشرفنا ، أيّة خدمه ؟
_ اااى والله خدمه صغيرونه كدا
_ أتفضل
_ يزيد فضلك ، أنا حسابى عندكم هنى فى البنك دا
_ أوكى
_ والأولاد مسافرين وكدا
_ أوكى
_ وعندى تلاته أولاد ونص
_ إيه يعنى ونص ؟
_ يعنى واحد جائ فى الطريق إن شاء الله
_ أوكى
_ وإنتا عارف الغلاء الحاصل وكدا
_ أوكى
_ أهااا بدور لى سلفيه
_ معليش يا ودال.. ود ال..
_ المطاميييير
_ آسف ، معليش يا ود المطامير إنتا عارف دا بنك إسلامى وما عندنا سلفيات
_ يخى طولك عرض ساعدنى ياخ
_ مستحيل ما عندنا نظام سلفيات
_ ولا عندكم أى نظام كدا ولأ كدا ؟
_ ممكن نديك مرابحه لو حبيت
_ يازول مرابحه إختلاس أى شئ حلووو
_ نعم ؟؟؟
_ لا قصدى موافق لكن مرابحه كيف يعنى ؟
_ يعنى نبيع ليك سياره ونشتريها منك
_ ما فهمت عليك يا خوى
_ يعنى فى سياره واقفه بره البنك ، نحنا نبيعها ليك مثلا ب 30 ألف
ونشتريها منك ب 25 وتدفع لينا بالأقصاد 30 ألف
_ وطيب دى ما هى السلفيه ذاتها ، لحنتوها يعنى ؟؟
_ ............................
الو ... البنك ... الو

ود المطامير

27-06-2011, 06:03 PM

_ الو
_ مرحبا حنان سكليب
_ مرحب
_ لو سمحتى أنا عاوز أحجز عندك مواعيد خلال الإسبوع دا
_ تحجز مواعيد ؟ هو قالو ليك أنا دكتورة نساء وولاده
_ يا شيخه تلدى واقفه على حيلك ، ما عارفك إنتى بتاعة نبحى
_ ينبحو فيك كلاب الحله إن شاء الله
_ ياخ خلينا فى المهم
_ المهم شنو ؟ تحجز ؟
_ اااى
_ يازول الموت بيد الله
_ ونعم بالله ونعمه بالله
_ طيب نان شنو ؟
_ ما هو أصلو ود أبورقعه خلااااص بسل فى الروح ويومين تلاته و إشت
_ وأكان ما عمل إشت ؟
_ بنديك حقك كامل
_ طيب وأنا خسرانه شنو ؟
_ عليك نووووور وأهااا ... قلت ليك ؟
_ أها تانى فى شنو ؟
_ لما تنقرضى إنتى البسكلب عليك منو ؟
_ ................................
_ الو .... سكلبه ... الو

ود المطامير

27-06-2011, 06:14 PM

_ الو
_ أم عمرو كيفك ؟
_ أهلين أبوعمرو
_ أهااا ... الوليدات مشو المدرسه ؟
_ يعنى هسى الساعه 9 ح يكونو قاعدين فى البيت ؟
_ حم حم
_ قلت شنو ؟
_ لا لا قلت ليك تمام التمام ، أهااا ... ناس السودان ضربو ليك ؟
_ اااى
_ وهم كيفهم وقالو شنو فى الموضوع ؟
_ عاوزنى أحكى ليك هسى وأنا دى قومة مع النجمه لمدارس أولادك ؟
_ حم حم
_ آااء ؟
_ لا لا قلت ليك كلامك صاح خلاص نومى
_ طيب
_ بحبك
_ أجئ ؟ إنت شارب حاجه ؟
_ .....................
_ الو .... أبوعمرو .. الو

ود المطامير

27-06-2011, 07:00 PM

_ الو
_ أهلييين حبيبتى
_ كيفاك حبيبى ؟
_ بخير عيونى ، كيفك إنتى ؟
_ بخير يا روحى
_ وكيف العيال ؟ راحو المدرسه ؟
_ راحو وبيهدوك بوساتهم كمان ؟
_ الله يحفظهم ، أهااا ... إتصلتى فى أهليك ؟
_ لكان
_ وشو أخبارهم ؟ وشو قالوا فى الموضوع ؟
_ بخير وبسلمو عليك وقالو فى الموضوع هيك وهيك وهيك
_ ربى يسلمهم
_ ويسلمك حبيبى
_ يلا حبيبتى ، أخليك تنامى إنتى صاحيه مع النجمعه علشان المدارس
_ ولو ، سماع صوتك أحلى من النوم
_ يلا باااااى ، أُموووووووووووووح
_ أُمووووووووووح

mahagoub

27-06-2011, 10:42 PM

والله يا راحة الفؤاد
أبوعبدالرحمن أفتى لى وهو شيخى ;)

كان كدى قوم ابدأ من الاول

mahagoub

27-06-2011, 10:47 PM

_ الو
_ أهلييين حبيبتى
_ كيفاك حبيبى ؟
_ بخير عيونى ، كيفك إنتى ؟
_ بخير يا روحى
_ وكيف العيال ؟ راحو المدرسه ؟
_ راحو وبيهدوك بوساتهم كمان ؟
_ الله يحفظهم ، أهااا ... إتصلتى فى أهليك ؟
_ لكان
_ وشو أخبارهم ؟ وشو قالوا فى الموضوع ؟
_ بخير وبسلمو عليك وقالو فى الموضوع هيك وهيك وهيك
_ ربى يسلمهم
_ ويسلمك حبيبى
_ يلا حبيبتى ، أخليك تنامى إنتى صاحيه مع النجمعه علشان المدارس
_ ولو ، سماع صوتك أحلى من النوم
_ يلا باااااى ، أُموووووووووووووح
_ أُمووووووووووح

انت عاوز تحطم ام عمرو
ما هى شاكماك تمام
والكلام الحلو لناس هنايه
شيل شيلتك جوالها عندى ولا ناسى
لو قحيت بسكت

آلاء عبد الرحمن

28-06-2011, 02:21 AM

انت عاوز تحطم ام عمرو
ما هى شاكماك تمام
والكلام الحلو لناس هنايه
شيل شيلتك جوالها عندى ولا ناسى
لو قحيت بسكت

انا اؤيد واثني بشده
اعزمة لينا تخش المنتدي

mahagoub

28-06-2011, 04:09 AM

انا اؤيد واثني بشده
اعزمة لينا تخش المنتدي

هى كان خشت بنقفله عديل ما بتخلى شى كله بتكسروا

ود المطامير

28-06-2011, 06:09 AM

كان كدى قوم ابدأ من الاول
عليك النبى ؟

ود المطامير

28-06-2011, 06:09 AM

انت عاوز تحطم ام عمرو
ما هى شاكماك تمام
والكلام الحلو لناس هنايه
شيل شيلتك جوالها عندى ولا ناسى
لو قحيت بسكت
قح قح قح ;)

ود المطامير

28-06-2011, 06:13 AM

انا اؤيد واثني بشده
اعزمة لينا تخش المنتدي
;););););););)

وأنا أرفض وأحتج وأدين وأشجب وأستنكر

ود المطامير

28-06-2011, 08:28 PM

_ الو
_ أهلييين سودانى
_ يا محمد كوتى جيب وجيب وجيب وجيب
_ كاش ؟
_ يكش حبوبتك ياخ ، ما على الحساب
_ لا لا حساب نهى خلاص بند ، سكّر
_ السكرى الحقنتو فى نص الراس ، إنت ما نصيح ؟
_ شو كلام رفيق ؟
_ كلام ليش حساب مافى ؟
_ إنتا مافى سيدا ، بس جيب جيب جيب وما يدفع فلوس
_ يعنى أنا داير اكل حقك
_ إنتا أكل نص دكان مال أنا ويجيب فلوس شوى
_ تاكلك الأرضه إن شاء الله ، شوف الهندى بالله ؟
_ هندى شو مشكله ؟ أنا فى حوجه مشان إنتا ولأ إنتا فى حوجه مشان أنا ؟
_ عاد يا ود الذينا ماك مالى يدك
_ شووو ؟
_ لا لا خلاص يا كوتى إنتا جيب سامان هذا والله ، على الطلاق أول الشهر أنا إجيب فلوس
_ إنتا كم مره والله والله وعلى التلاق ؟
_ إنعل جد أهلك ، ، ذاتى ما داير
.....................................
_ ألو ... سودانى ... الو ... ود المتامير

بورتبيل

29-06-2011, 01:16 AM

الووووووووووووووووووووووووووووو

جيب معاك حجااار

عايزين نفلق الناس دي كلها

ود المطامير .. اقفل الخط - برجع ليك بعد شوية

abomazeen

01-07-2011, 10:08 PM

الووووووووووووووووووووووووووووو

جيب معاك حجااار

عايزين نفلق الناس دي كلها

ود المطامير .. اقفل الخط - برجع ليك بعد شوية

الووووووووووووو ... متاميرو
ياخ قبل الحجااار ... جيبو باقة وردة
بمناسبة عودة الحبيب بورتو الجميل

mahagoub

02-07-2011, 08:27 PM

حتى الهندى ما عتقته
وادينت منه

ود المطامير

11-07-2011, 08:30 PM

حتى الهندى ما عتقته
وادينت منه
;););););)

ود المطامير

11-07-2011, 08:31 PM

( سيدي الرئيس لمرة واحدة في حياتك اُجبُن وخَفْ ليس على حياتك وإنما على بلادك وأمِّك الحنون وأنت تعلم ما يحدث لها إن أصابك مكروه!! )

______________________

_ الو

_ مرحبتين يا خالو

_ مرحب حباب ود أختى

_ لكن يا خالو ما خجلتنى بالكلام الفوق دا

_ كيف يعنى خجلتك ؟

- وحاة أمى المنتديات جت شغاله لى

_ قالو شنو ؟

_ قالو على تامر صلاح الدين

_ شنوو ؟

_ دا حتى واحد فى المنتديات قال لى لو ضربت لأمك تلفون

خليها تجيب لينا كلزونى

_ عليك النبى ؟

_ وحاة أمى

_ أهاا وتانى ؟

_ تانى واحد قال هو السودان مصيرو مربوط بأبونقزه بس ؟

ما هو بعض الخلفاء الراشدين ماتو وهم بصلو فى المساجد

مالو الإسلام وقف ؟

_ يا حولااااا ، وبعدين ؟

_ وبعدين أنا بشنبى ورقم واحد فى السودان وراجل مرتين

كيفن قدام الناس جت تقول لى أمك وأمك ؟

_ .............................

_ الو .... يا خالو ..... الو

صابرحسين

13-07-2011, 01:29 AM

_ الو
_ أم عمرو كيفك ؟
_ أهلين أبوعمرو
_ أهااا ... الوليدات مشو المدرسه ؟
_ يعنى هسى الساعه 9 ح يكونو قاعدين فى البيت ؟
_ حم حم
_ قلت شنو ؟
_ لا لا قلت ليك تمام التمام ، أهااا ... ناس السودان ضربو ليك ؟
_ اااى
_ وهم كيفهم وقالو شنو فى الموضوع ؟
_ عاوزنى أحكى ليك هسى وأنا دى قومة مع النجمه لمدارس أولادك ؟
_ حم حم
_ آااء ؟
_ لا لا قلت ليك كلامك صاح خلاص نومى
_ طيب
_ بحبك
_ أجئ ؟ إنت شارب حاجه ؟
_ .....................
_ الو .... أبوعمرو .. الو

هههههههههههه
ود المطامير الرجل الجميل صاحب القلم الذي يزرع الفرح دائماً ربنا لا يحرمنا من قفشاتك الجميلة المعبرة التي تحكي الواقع بشكل يسهل هضمه ، يعني زي دواء الأطفال المحلا بالمنكهات هههههه أضحكتني أضحك الله سنك يا الحبيب ......

mahagoub

13-07-2011, 08:01 AM

هوى كده تعديت الخط الاحمر
خالك خليه ينقز
ما هى ما فى راجل يستلما

ود المطامير

13-07-2011, 08:07 AM

هههههههههههه
ود المطامير الرجل الجميل صاحب القلم الذي يزرع الفرح دائماً ربنا لا يحرمنا من قفشاتك الجميلة المعبرة التي تحكي الواقع بشكل يسهل هضمه ، يعني زي دواء الأطفال المحلا بالمنكهات هههههه أضحكتني أضحك الله سنك يا الحبيب ......
الحبيب / صابر حسين
زارتنا البركه والله

وتسلم على الوسام الفاخر الذى وهبته لى
وربنا يديك العافيه يا الحبيب

ود المطامير

13-07-2011, 08:18 AM

هوى كده تعديت الخط الاحمر
خالك خليه ينقز
ما هى ما فى راجل يستلما
يعنى ماتو فى كررى ؟
تصدق الزول دا أنا بريدو لله فى الله
;)

mahagoub

14-07-2011, 07:32 AM

يعنى ماتو فى كررى ؟
تصدق الزول دا أنا بريدو لله فى الله
;)

عملت خط رجعه
كده ممكن يسامحوك للمحبه دى

آلاء عبد الرحمن

16-10-2011, 08:32 AM

ود المسامير

البوست ده نسيتو قلنا نرفعو شوية
^_^

ود المطامير

16-10-2011, 08:57 AM

ود المسامير

البوست ده نسيتو قلنا نرفعو شوية
^_^
فيك الخير والله

ما هو عمك محجوب خوفنى ياخ ;)

ود المطامير

16-10-2011, 09:01 AM

هوى كده تعديت الخط الاحمر
خالك خليه ينقز
ما هى ما فى راجل يستلما
يا عمك
لو نحنا إتخطينا الخط الأحمر هم فاتوهو بهناااااك

تصدق يا فرده ؟
أنا المفروض ما أتكلم علشان 25 سنه مشيت تلات مرات بس
وآخرها قبل 13 سنه يعنى قبل يومين بس عرفت وزير خارجيتنا إسمو منو

لكن بالجد ، على قول ود الصول الأحباب عملوها شييييييييييييييييييييييييييييينه

آلاء عبد الرحمن

16-10-2011, 09:02 AM

فيك الخير والله

ما هو عمك محجوب خوفنى ياخ ;)

:) :)
:)
هو وين ماظاهر اليومين دي

ود المطامير

16-10-2011, 09:06 AM

وزير الخارجيه يزور الأمير الوليد بن طلال
http://www.neilshare.com/2011-10/z9d88325.jpg (http://www.p99p.com/)

ود المطامير

16-10-2011, 09:07 AM

_ الو
_ وزيرنا كيفنك ياخ ؟
_ بخير والله معاى منو ؟
_ مطاميرو
_ أهلا بيك
_ أهلا بيك إنتا ، قالو لى ركبت الطياره وفرررر مرقتها فى السعوديه
_ اى والله مشيت أنا والوفد المرافق لى قابلنا الوليد بن طلال
_ حظكم والله ، أها العضّه كانت كيف ؟
_ يا زول هى عضّة نُصاح ؟ حرّم الخرفان دى محشيه رز ومحشيه جداد وكان شفتا ال...
_ يا عمّك
_ أها
_ أنا قصدى العضّه الكبيره الركبتو ليها الطياره ياخ
_ هه هه هه .. والله يا مطاميرو إنت ترب مسخه
_ أها
_ يا زول كتلنا ليك قلبو بالطريقه الصاح
_ هيييييييييييييييييع ، عفيت منكم والله ، أها
_ وبعدين قلنا ليهو السودان فى حوجه لدعمك وخاصه بعد إنفصال الجنوب
_ أها
_ وطرحنا ليهو عدة مشاريع يمكن يستثمرها
_ أها وبعتو ليهو ياتو فِجّه
_ آااع ؟
_ لا قصدى يعنى شقيتو ليهو ياتو طرف من الخريطه المشرتمه دى ؟
_ شنو ؟
_ طيب خلاص دا غداء العمل الرسمى
_ أها
_ أها فى العشاء الخاص غمت ليكم كم ؟
_ ...............................
_ الو ... وزيرنا ... الووو

ود المطامير

16-10-2011, 09:08 AM

_ الو
_ هاجنا الخراااابل
_ مالك يا أبوى خاشى فينى بنمره خمسه كدا ؟
_ ما أنا من قبيل بناغم ليك
_ وين دا ؟
_ قبل شويه جريت ليك سلك طويل ولحقتو بنسكولين
_ هع هع هع ، مسكولين يا أبوى ما نسكولين
_ مسكول ولأ دركسون المهم
_ أها
_ طبعا يا فرده إنتا عارف الضحيه قربت
_ وخير إن شاء الله ؟
_ خير ؟ وإنتا كلما أضرب ليك وقبال أفتح خشمى تقعد تجقلب لى
المره دايره تلد وإقامة الوليدات عاوزه تجديد وملكية العربيه منتهيه
_ ما دى الحقيقه يا أبوى
_ هووووى يا ترب المسخه ما تاكلنى حنك
_ يا أبوى أمى وما عندها شريعه مع اللحم وإنتا سن واحده فى خشمك مافى
فاااضى مفحضه بس عاوز بالخروف شنو ؟
_ يازول إن شاء الله أنشفو وأدقو وأسفو إنتا مالك ؟
_ هع هع هع هع هع
_ هه هه هه هه
_ والله يا أبوى إنتا حربى خلاص ، خلاص حق الخروف وزياده يصلك تب
_ وأنا عافى منك ورضيان عليك
_ الله يخليك لى
_ ويخليك لى ، سلام
_ سلام

ود المطامير

16-10-2011, 09:09 AM

_ الوو
_ هيييييي يا عشاى كيفنك ؟
_ بخييير والله يا ست الحبايب
_ وكيف وليداتك ؟
_ تمااام والحمد ليك يا الله
_ الحمد لله ، أها .. هسى سمعت أبوك كان بتكلم معاك
_ اى
_ والله يا ولدى ولا تضايق نفسك نحنا إمورنا طيبه والحمد لله
_ إنتو الخير والبركه وأنا ووليداتى ليكم
_ تسلم .. تسلم ، علا نحنا مقدرين ظروفك وإنتا ما مقصر معانا تب
_ الله يخليك لى يا أمى وأبشرك كل الإمور طيبه وسمحه
_ الحمد ليك يا رب
_ أنا بس بحب أكاوى أبوى
_ هه هه هه ، الله يسعدكم دنيا واخره
_ ويديك العافيه يا ست الحبايب
_ ويعافيك ، سلام
_ سلام

ود المطامير

16-10-2011, 09:20 AM

يا عم محجوب رقم تلفونك كم ؟

ود المطامير

16-10-2011, 09:32 AM

_ الو
_ القذافى الخرابل
_ جنا المطامير الجن الكلكى
_ ها زول وحات الله التاريخ يعيد نفسو
_ وين دا ؟ وتاريخ منو ؟
_ تاريخ صدام ومعاك إنتا
_ أنا ؟ أنا عمر المختار ، أنا وجع الضرس
_ يا زول إنت بقيت جعجاع ساى
_ جع جاع ؟ نحن ح نطخهم ، النار ، ح نولعها
_ والله يا حليلك يا اللى كنت تهز وترز فى القمم العربيه
_ عرب ؟ ديل فيران ، ديل محششين
_ المحششين منو ؟ هم ولأ إنتا ؟
_ هم
_ يا الكضووووووووووب
_ أنا مناضل ، أنا الثوره ، أنا الكتاب الأخضر
_ يا زول إنتا طلعت خيال ماته بس
_ نحنا ح نطخوك ونكتلوك
_ كضااااااااااااب ، إنتا بعد ما كنت متجدع ومن خيمه لخيمه وحولينك السمحات هسى مندسى فى جحر
_ ليبيا الثوره ، ليبيا حره
_ والله زنقه زنقه بقت عليك والجماعه يفتشو ليك زنقه زنقه
_ .........................
_ الو ... الباترا ... الو

ود المطامير

16-10-2011, 09:38 AM

_ الو
_ أمى كيفك ؟
_ هيييييييييي ، كيفنك يا عشاى ؟
_ عشاى ؟ إنتى يمه بقيتى ذى الكديسه البتاكل شفعها ؟
_ هه هه هه .. عاد آلممسوخ ما بسألك
_ أمى
_ أها
_ من يوم الليله صنقعو فى السما سااااااى
_ أجى ؟
_ وأكان شفتو ليكم حاجات مولعه جايه عليكم ما تقولو ديل ناس أبولمه
_ أجى ؟ فى شنو ؟
_ قالو فى قمر صناعى مدتو إنتهت
_ أهاااا ؟
_ وقالو 90 % ح يقع فى السودان
_ أجى ؟ كر علينا
_ وكلمى أبوى يقعد بره الدكان
_ سمح
_ وكلمى خالد أخوى يقطع شهر العسل ويرجع الشرفه
_ أجى ؟ ما تخلى أخوك فى عسلو
_ وأكان القمر دا وقع فى الفندق نقول يا منو ؟
_ ووووب على وكررررر على
_ اااى فى الشرفه السهله وااااسعه ممكن تتجارو شرق وغرب
_ ووووب وووووب ووووب
_ يا أمى أسمعينى وخلى ووووب ووووب دى أنا ما عندى رصيد كتير
_ أها
_ قالو محل بقع دا بيعمل حفره قدر الحفير
_ يا حولااااا ، وناس الحكومه ما يتلقوهو
_ هع هع هع هع
_ مالك بتضحك لى ؟
_ يتلقو منو يا يمه ؟
_ القمر الجايى ضهب دا
_ ومنو اللى قال ليك جايى ضهب ؟
_ أجى ؟ حيرتنى آجنا
_ ناس الحكومه ما بقدرو يتلقوه ، ديل لما يقع أوررردلووووب عشان يعرفو محلو
_ كرررررر علينا
_ وتانى شئ القمر دا الأمريكان قطع شك مبرمجنو يقع وين ؟
_ كيفن عاد ؟
_ اااى ، هم عارفين لما يقع فى السودان بكبو لجماعتنا الدولارات
_ يعنى تعويضات للأضرار والناس المساكين ؟
_ والله يا أمى إنتى طيبه خلاص
_ كيفن ؟
_ هم بخمو الدولارات ليهم وبيمشو للمصابين ورفعة عصايه + تهليل + تكبير وبس
_ أجى ؟
_ وبعد داك يدعو الله أى قمر صناعى طاشى يجى طاقى فى السودان
_ وووووب علينا ووووووووووووووووووووووب
_ كلمى ناس الفريق
_ سمح وقلت ليك ، رسل المصا.....
_ يمه قالو الموبايل بجذب القمر دا ذى الرعده
_ ..........................
_ هع هع هع ... الو .... يمه ... الو

ود المطامير

16-10-2011, 09:40 AM

_ الو
_ هييييييييييييييييع ، تمساح الدميره
_ منو معاى لو سمحت ؟
_ مطاميرو
_ يحلنا الحلا بله
_ مالك آزول ؟
_ اللداك رقمى منو ؟
_ عم محجوب
_ اللى يصبر لى
_ قلت ليك
_ أها
_ والله برافو عليك فى هندسة مقاطعة اللحمه
_ ها ها ها ، عجبتك ؟
_ وبالطريقه الصاح
_ قلنا نساعد المواطنين ياخ
_ دا على أنا يا سعادة الوزير ؟
_ قصدك شنو ؟
_ تساعدوا المواطنين ولأ تغنو من جوعهم ؟
_ كيف ؟ ما فاهم
_ ما فاهم ؟ والله أكان ما فاهم ما عارف ؟
_ وضّح
_ إنتو حركتو مقاطعة اللحمه من تحت تحت
_ وبعدين ؟
_ وبعدين الشعب المسكين يقاطع اللحمه وسعر الخرفان ينزل
والحمد لله سعرها ما نزل كييييتن عليكم
_ وبعدين ؟
_ وبعدين تماسيحكم يشتروها بتراب الواطه ويصدروها
_ يا ود المطامير الكلام دا بدينك
_ طيب أسألك سؤال
_ أسأل
_ إنتا مقاطع اللحمه ؟
_ أيوه ، أنا وزير لكن مقاطع اللحمه كمواطن عادى
_ قول على الطلاق أنا مقاطع اللحمه
_ ....................
_ الو ... أحيييييي أنا ... الو

ود المطامير

16-10-2011, 09:41 AM

_ الو
_ التايه
_ حباب كلتوم
_ بدور أقولك سر
_ أها
_ أبوالوليدات ضبح خروف
_ واااااااااى لكن ، إنتو ما مقاطعين اللحمه ؟
_ نحنا مقاطعين الليلت السوق ودا خروفنا برانا
_ وووووب على لكن
_ عليك الله ما توووبى سااااى أكان عاوزين تعالو نبيع ليكم
_ والكيلو بكم ؟
_ 50 ألف
_ الكتراااابل
_ الكترااابل الكتراااابل إنتى قايله راجلك بجيب ليكم العدس لشنو ؟
_ لشنو ؟
_ عاجباهو دعايتو ولأ كمان ما شفتيها ؟
_ برى فيها شنو ؟
_ أمانة الله فيها مره أنا وإنتى أكان خلطونا فى خلاطه من نجيب ربع حلاتها
_ عليك النبى ؟
_ أيّا
_ خلاص رسلى لى ربع كيلو والعدس دا بدشرو ليهو
_ طيب
_ لكن يا كلتوم ؟
_ أها
_ ياتو خروف الضبحتوهو دا ؟ نعلو العضاهو الكلب أول أمس ؟
_ ......................................
_ الو .... كلتوم ... الوووو

ود المطامير

16-10-2011, 09:43 AM

_ الو
_ محومد الخرااابل ، مالك ما بترد على التلفون ؟
_ ياخ كانت معاى واحده سعوديه كنت بكرب ليها فى عمل
_ وررروووك
_ مالك آزول ؟
_ يا زول لملم العده جت وما تخلى لا شنب جراده ولا ضنب نمله وأحرقهم
_ أحرق راس مالى ؟ كيفن الكلام دا ؟ وهو فى شنو ؟
_ يا زول إنتا ما سمعت الخبر ؟
_ خبر شنو من الصباح ؟
_ قالو ليك واحد زميل قبضوهو وحكمو عليهو بالإعدام
_ اااع ؟ إعدام ؟ وجزوهو ؟
_ جزوهو ساى ؟ على الطلاق الراس إدردق ذى كورة الشراب
_ يا النبى نوح
_ أهااا ، أحرق أى حاجه وجز الدقينه
_ الرسول عليك يا أبوكرنك الكلام دا صاح ولأ بدور تسرق منى زباينى ؟
_ طلّق صاح
_ الخراااابل
_ أنا غايتو كلمتك وإنت مخير
_ طيب إنتا الزبونه أم 10 ألف ريال المواعدها بكره ح تمشى ليها ولأ ح تفكها عكس الهوا ؟
_ .......................
_ الو ... أبكرنك ... الووو

ود المطامير

16-10-2011, 09:51 AM

_ الو
_ الحبيب كيفنك عاد ؟
_ بخير ويسرك الحال تب
_ ؟
_ مالك مستغرب كدا ؟
_ ما يوم داك وكت ضربت ليك لقيت وشّك يلعن قفاك
_ هييي لكن أخوك قنع من الدنيا خلااااص وبقيت زول آخره تب
_ والله أحسن خبر
_ ااى ، لقيت الدنيا مافيها خير وقدر الخير اللى فيها ما طايلنو
_ سبحان الله
_ وقلت يا الحبيب وكت الدنيا ما لاقينها أخير لى أبقى زول آخره ساااى
_ كلام سمح بالحيل
_ أها قمت حفحفت ليك شنبى وظبطت ليك دقينتى وسويت لى سبحه
_ حلووو
_ وبقيت بس مصاقر مصلايتى طول اليوم
_ سبحان الذى يهدى من يشاء
_ أهاا .. يقومو ناس الفريق يسألو أمى عن التغيير دا وقالت ليهم جاتو ليلة القدر
_ وبعدين ؟
_ وبعدين تعال شوف الصفوف حدادى مدادى
_ صفوف شنو كمان ؟
_ ناس الزواره
_ شنو ؟ يزورو فيك إنتا ؟
_ هيييييييييييع أنا أخوك إت ، والبياض راقد هبطرش
_ يا زول خاف حساب الله
_ ونعم بالله ورزق وشغلانه جاتنى براااها
_ لا حولا ، دى تجاره بإسم الدين
_ يا زول إنتا قايلنى أنا فتحت فرع لناس هى لله هى لله ولأ شنو ؟
_ سبحان الله
_ إنتا يا مطاميرو ؟
_ أها
_ كدى أقيف النعزم ليك كان عارضك ينفك وتجينا إجازه
_ .........................
_ الو .... مطاميرو ... الووو

ود المطامير

16-10-2011, 09:53 AM

_ الو
_ ست الودع
_ حبابك يا مطاميرو يا عشاى
_ عليك الله أرمى لى الودع وشوفى لى بختى كيفنو ؟
_ هى لكن يا ولدى إنتا بختك ما خلاص عارفو
_ لا لا قصدى يعنى لما ألملم قريشاتى وأجى أعمل لى مشروع وأستقر فى السودان
_ وحات شعيراتى ديل يا ولدى دى ما دايره ليها ودع
_ كيفن ؟
_ ما هو الجو قبلك كلهم فى أقل من سنه رقدو صلطه
_ ياخ أنا ما داير كلامك أنا عاوز كلام الودع
_ نان لكن يا ولدى الودع ما بدورلو بياض
_ خلاص أكتبى رقم الفيزا كارت حقتى وأخصمى البياض
_ أها كم ؟
_ 1234567
_ طيب
_ أها شختيها
_ ايّا وشلت من رصيدك البياض
_ يلا كشكشى وأرمى
_ هووووووووب ، وجججييييييي وججيييييييييي
_ مالك شفتى شنو الخلاك تكوركى ذى حامد حريق ؟
_ ووووب على ، هداهو قدام عينى ودعه محاوطاتنها كم ودعه
_ ودا يعنى شنو ؟
_ يعنى الودعه اللى فى النص دى تحويشة عمرك
_ أها
_ والمحاوطنها ديل تماسيح السوق ومعاهم سمك صغار صغار
_ التماسيح عارفها ، السمك الصغار دا شنو ؟
_ ديل الأهل اللى بينتفو ريش المغترب سريع سريع وبعد داك يفكوهو عكس الهوا
_ لا لا لا إنتى ما كشكشتى الودع تمام عيديها تانى
_ لكن تانى بخصم حق البياض
_ أخصمى
_ هوووووووووووووب وججيييييييييييي وججيييييييييييييي
_ أهوووووووووو علينا تانى فى شنو ؟
_ هدا قدام عينى ودعه فرنبت هنااااااك وخمسه ودعات قاعدات براهن
_ يعنى شنو ؟
_ يعنى لو جيت نهائ سنه بترقد صلطه ودى الودعه اللى فرنبت دى انتا والخمسه ودعات دى أم عمرو خامه وليداتها وماشيه ناس أمها
_ إنعل أبوك .........................
_ الو ... مطاميرو ... الوووووووووو

ود المطامير

16-10-2011, 09:55 AM

_ الو
_ هلو هاو ار يو ؟
_ قادر الله ، إنقليزى عديل كدا ؟
_ وطت ار يو سي ؟
_ أنا نو إنقلش
_ أوك ون منت
_ أوك
_ هااااى
_ هاااا ين ، دا الكلام اللى بيرد الروح
_ مرسى عمو
_ أبوك فى ؟
_ بابا نعم موجود أهندا معاك
_ سعادة الوزير كيفك
_ مرحب حبابك
_ والله حبابك دى بتقولوها فى التلفون بس
_ كيف ؟
_ مكاتبكم مقفوله فى وشنا وتلفوناتكم بردن علينا الفيليبينيات
_ طيب ممكن تدخل فى الموضوع
_ ما شاء الله ، ما عندك وقت
_ لو سمحت بالله
_ طيب .. أنا عندى مشكله عاوزك تحلها لى
_ خير ؟
_ أنا زمان شلت من سيد الفرن رقيفه ونسيت ما أديتو حقها وهو مات
_ طيب وأنا مالى ؟ أمشى ديوان الإفتاء
_ لكن ما أنا ما عاوز أجى يوم القيامه شايله فى ضهرى
_ يا خ قلت ليك أمشى أسأل ديوان الإفتاء
_ يا سعادة الوزير المفروض إنتا تمشى ديون الإفتاء مش أنا
_ لشنو ؟
_ القصر اللى بنيتو دا يوم القيامه ح تشيلو فوق ضهرك كيف ؟
_ .........................
_ الو ... سعادة الوزير ... الو

ود المطامير

16-10-2011, 09:58 AM

_ الو
_ مرحب صاموله
_ يا مطاميرو إنتا لسه قاعد ؟
_ قاعد وبحضر فى فتاوى شيخ عبدالحى
_ ياخ خلاص أبقى مارق الناس جت طلعو
_ يا زول المستعجل ليها شنو ؟
_ كيفن الكلام دا ؟ البشير والوالى والوزراء خلاص إتغدو وح
يبدأ الإحتفال
_ وإنتا إتغديت ؟
_ لا
_ لشنو ؟
_ والله كابست وما لقيت غدا فى البيت
_ هع هع هع ، وماشى تنشطح فى الحر دا جيعان ؟
_ اااى
_ وتسمع الوالى الشبعان بالشيه يقول ليكم ح نعمل وح نعمل وح نعمل ؟
_ اااى
_ ولعلاع الحكومه يقول ليكم بالمكرفون تكبيييييييير وتكبرو ؟
_ اااى
_ تهليل وتهللو ؟
_ اااى
_ ودا كلو وإنتا جيعان ؟
_ اااى
_ وتانى يطلع كم واحد المنصله ويمدح البشير والحكومه بالطريقه الصاح
وإنتا لابد تحت ضُل عربيه جعان وعطشان ؟
_ اااى
_ ويطلع البشير المنصه يهز ويرز وإنتا واقف منشطح ؟
_ ااى
_ وكلما يقول كلمتين لعلاع الحكومه يشبكم تهليل وتهللو ؟
_ ااى
_ وإنتا جيعان ؟
_ ااى ياخ
_ هع هع هع هع
_ مالك بتضحك ؟
_ والله إنتو أطيب شعوب الأرض
_ كيفن ؟
_ ياخ إنتا قلت فى بيتكم ما لقيت غدا صاح ؟
طيب ، الريس ووفده إتغدو بشنو ؟
_ عييييييييييك والله خرفان جد جابوها معاهم كم عربيه
_ وتكبير وتهليل وتكبرو وتهللو ؟
_ اااى
_ وبيدوكم فضلتهم ؟
_ ما عارف والله لكن ود الرساله ماسك الصيوان وقال لى بجازف ليك طرف ضلع
_ يا خوى هووووى
_ اها
_ ما تستعجل على المشى
_ كيفن عاد ؟
_ ياخ كلام الوالى خارم بارم وكلام البشير ذاتو هبوب فى قبر
_ عليك النبى ؟
_ أيوه ، وتعال أتغدى معاى ونشرب شاى بمزاج ونمشى مع مواعيد النقزى
ناخد لينا عرضه عرضتين بالطريقه الصاح
_ قلت كدى ؟
_ أيوه
_ خلاص جايك
_ أسرع
_ مع السلامه
_ مع السلامه

ود المطامير

16-10-2011, 10:12 AM

_ الو
_ الو ، ود وزير البترول حقنا ؟
_ إنت منو ؟
_ مطاميرو
_ مطاميرو منو ؟
_ مواطن سودانى رمتالى ساااى
_ مرحب يا أخوى ، عاوز حاجه ؟
_ سلامتك والله ، لكن بس ضربت ليك عشان أقول ليك حظك
_ حظى فى شنو ؟
_ حولااااااااا ، كيفن فى شنو ؟ مادام فى بترول يعنى بقينا خليج
وما دام بقينا خليج وأبوك وزير البترول معناتو إنتا ود شيخ وإنت ذااااتك شيخ
_ ها ها ها ، مشكور والله
_ والله ضحة زول رويييييييييان ومرطب
_ نعم ؟
_ لا لا قلت ليك
_ أها
_ تلقا أبوكم جارى ليكم ماسوره من مصفاة الجيلى راس
توصل الخرطوش فى الماسوره والتنك طوالى
_ كيف ؟ كيف ؟
_ ونحنا ناسا على الطلاق مواسيرهم جايبه كُراد وأبوالضبضوب
_ ياخى إنتا عاوز شنو ؟
_ خدمه صغيرونه بس
_ أها شنو ؟
_ قول لأبوك قال ليك ود المطامير أنا عاوز نصيبى خام إن شاء الله أولع بيهو
حبوبه ونسينى
_ .......................................
_ الو ... ود البانزين ... الو

ود المطامير

16-10-2011, 11:03 AM

_ الو
_ أجى يا التايه ؟ مالك مطنشا تلفوناتى دى ؟
_ برى ، كنت بره بحلب فى الغنمايه
_ أها ، مشيتى سلمتى على الحرم ؟
_ اى
_ ولقيتيها كيف ؟ وقابلتك كيف ؟
_ برى يا يمه ، لطعونى ليك فى البرنده نص ساعه براى
حتن بعد داك جات مارقه من الغرفه وصوت كشكشة دهبها سابقها
_ أجى ؟ والسلام كان كيف ؟
_ وحاتك أنا وقفت وأخدت لى نفس عشان أقالدها بالحيل علا لكن
قلدتها لى وحات الله ذى مسكول بت المنى لو ما شفتى نور الموبايل
ما بتعرفى جاك مسكول
_ قادر الله ، هى أبوظبى دى غيرتها قدر كدا ؟
_ قدر كدا وبس ؟ نان ما شفتى الكلام
_ أها
_ شئ خليجى وشئ ذى نضمى مسلسلات السورين
_ أجى ؟ دى الحرم الكانت تجم ديك ؟
_ اى والله
_ وأكان ما كانن تلاتة شهور قعدتهن فى ولادة بتها كانت بتعمل شنو ؟
_ وحاتك كانت تسلم علينا بطرف أصابعينها
_ برى يا يمه ، الحمد لله الما عندى بت بره
_ وأنا حتى
_ أها .. وشفتيها جابت شنو ؟
_ برى ، الباب يفتحوهو ويقفلوه هوا
_ يعنى عاوزه تقولى لى عويناتك المفنقلات ديل ما لمحن شئ
كدا ولأ كدا ؟
_ غايتو هيام بتها جات قعدت معانا وشايله ليها لاي توب جديد
_ لاى شنو ؟
_ لاى توب يا ما مثقفه
_ أها والدهب الكانت لابساهو أصلى ولأ فالصو ؟
_ أجى يا الرساله ؟ شن خبرنى بيهو ؟
_ دا على أنا وحات الله إنتى من كشكشتو بتعرفيهو أصلى ولأ كشا مشا ساى
_ بينى وبينك لكن ما تكلمى سعاد عارفه خشمها هش
_ أها
_ لما مسكت يدها وسلمت عليها هزيتها مخصوص عشان أسمع الكشكشه
_ أها
_ غويشتين بس التقال والباقى جت كشا مشا
_ هه هه هه ، كنت خابراك بتجيبى خبرهن
_ هه هه هه هه
_ إنتى يا التايه ؟ أنا الضاربه ليك ولأ إنتى الضاربه لى ؟
_ أجى ؟ إنتى الضاربه لى
_ كر على منك آلشوم كملتى لى رصيدى قطيعه ساااااى أستغفر الله العظيم
_ أنا ؟ وحات الله أكان ما عرفتى الشمارات كان مرضتى
_ تمرضى مرض كلتوم الما قامت منو
_ تقومى مكسره
_ هه ههه ههه ودعتك الله
_ فى أمان الله

mahagoub

16-10-2011, 10:39 PM

ست الودع
طلعت طرنقاش
عندها رقم الحساب
تسحب حق البياض بس

نزار احمد كوارتي

16-10-2011, 10:50 PM

ست الودع
طلعت طرنقاش
عندها رقم الحساب
تسحب حق البياض بس

يا عم محجوب بتعرِف تالِتِن يعني شنو؟؟؟
كان بتعرف خصمتك بالنبي توريني!!

بري شن خبرني بي معناها
أجي يا أولاد أُمي

mahagoub

17-10-2011, 04:43 AM

يا عم محجوب بتعرِف تالِتِن يعني شنو؟؟؟
كان بتعرف خصمتك بالنبي توريني!!

بري شن خبرني بي معناها
أجي يا أولاد أُمي

ده ما عطيه

مايسة

17-10-2011, 07:39 AM

إبدااااااااااااااااااااااااع
صراحة

مايسة

17-10-2011, 07:40 AM

انت تعال النسألك
الحاجات دي بتعرفه من وين

ليك 13 سنة ما مشيت السودان دا
وبتعرف اكتر من القاعدين هناك

ود المطامير

17-10-2011, 09:08 AM

ست الودع
طلعت طرنقاش
عندها رقم الحساب
تسحب حق البياض بس
وجوالها بلاك بيرى ;)

ود المطامير

17-10-2011, 09:09 AM

يا عم محجوب بتعرِف تالِتِن يعني شنو؟؟؟
كان بتعرف خصمتك بالنبي توريني!!

بري شن خبرني بي معناها
أجي يا أولاد أُمي
;);););););)

ود المطامير

17-10-2011, 09:10 AM

ده ما عطيه
هع هع هع هع هع

ود المطامير

17-10-2011, 09:12 AM

إبدااااااااااااااااااااااااع
صراحة

مشكوره يا خالتو

ود المطامير

17-10-2011, 09:14 AM

انت تعال النسألك
الحاجات دي بتعرفه من وين

ليك 13 سنة ما مشيت السودان دا
وبتعرف اكتر من القاعدين هناك

أقسم بالله الحق
من بداية الموضع كنت خايف حد يسألنى السؤال دا
غايتو شكيت محنك

;););););););)

مايسة

18-10-2011, 07:42 AM

أقسم بالله الحق
من بداية الموضع كنت خايف حد يسألنى السؤال دا
غايتو شكيت محنك

;););););););)

اها والإجابة جاهزة ولا كيف :cool: