انسانى [الأرشيف] - منتديات ودمدني

مشاهدة النسخة كاملة : انسانى

mahagoub

25-02-2011, 08:23 PM

جاي الليله ذي اول
تعيد الريده من تانى
وتعيد القصه ديك ذاته
وتلقى مكانتك جوه وجدانى
وتصحى فينى جروح من زمان طابت
وليه الليله تطرانى
وانا الشلتك فى ضلوعى حنين
وحبك ياما بكانى
وجريت جوايا فى دمى
وكنت الدم في شريانى
وعرفت معاك معنى الحب
وحبك انت احيانى
وقدر ما قلت ما اشتاق
زاد الشوق على اكتر واضنانى
كيف بالله تنسى الريده
وقليبك كيف بينسانى
وانا القاسيت فى سبيل حبك
عشان القاك وتلقانى
وغطيتك برموش العين
وشلتك جوه وجدانى
وقلت خلاص لقيته مناي
ودهر بسم وصافانى
ومشيت خليتنى للاحزان
براي اقاسى نيرانى
قول كيف ارجع ليك
تانى واجدد احزانى
انا خلاص نسيتك
حاول انت انسانى

انور النور محمد

26-02-2011, 08:09 AM

الحبيب عمنا محجوب
لونسينا الريد ما بننسي قلمك الندي العذب
تسلم كتير

mahagoub

26-02-2011, 09:53 PM

الحبيب عمنا محجوب
لونسينا الريد ما بننسي قلمك الندي العذب
تسلم كتير
تسلم ايها الفارس
يا صاحب السيف القلم

مصطفى هاتريك

27-02-2011, 01:46 AM

وقلت خلاص لقيته مناي
ودهر بسم وصافانى
ومشيت خليتنى للاحزان
براي اقاسى نيرانى

قد لا تصدق يا محجوب :

أنا بقرا في القصيده دي و جواي لحن

ودائما ما يأتي حرفك موزونا و منغم

ياسر عمر الامين

27-02-2011, 06:05 PM

أحييك استاذى محجوب على حرفك الجميل وايقاعه الموسيقى الرنان.

تغريدا

28-02-2011, 12:53 AM

الله ياعم محجوب كلمات تقراء بدموع القلب ورعشة الوجدان وسهام النسيان وأختيارموفق من مبدع فنان يسلم ذوقك