المساعد الشخصي الرقمي

مشاهدة النسخة كاملة : حدث في مثل هذا اليوم



المسافر
26-02-2011, 08:46 PM
حدث في مثل هذا اليوم سنة ألفين وحاجة كده

تم أتهام عضو في المنتدى بأن قام بمعاكسة فتاة زميلة له زوراً وبهتانا ، وطبعاً لسوء الإدارة والإشراف في ذلك الوقت وما كانت تحمله من ضغائن وخبث وسوء نية مبيتة وغريبة إتجاه الأعضاء ، تم التشهير بالموضوع ومداولته بخبث مبالغ فيه حسب ما نوياهم ، وعند مطالبة الفتاة بالإثبات ، تبين أنها لا توجد ما بثبت المعاكسة هذه إلا حاجة في نفس يعقوب ( نفشناها فيما بعد ) ، ولكنهم أصروا على التشهير ولم يتم إيضاح الأمر للأعضاء ، ولكن إرادة السماء شاءت أن تبعثرهم وتشتت شملهم وتشغلهم في أنفسهم .


( فاصل ونواصل )

حدث في مثل هذا اليوم سنة ألفين وحاجتين كده

قام أحد أعضاء بالرد إحدى العضوات في موضوع في النفاج وكان الرد في لب الموضوع ، ولكن ولنفس الأسباب المذكورة أعلاه من ضغائن وسوء نية مبيتة وغريبة ولا معنى لها إلا حقد ، تم حذف تلك المشاركة وترك الموضوع في ظاهرة غريبة وعجيبة .



وإلى اللقاء في الحلقة القادمة

mahagoub
26-02-2011, 09:59 PM
ده كلام فى الهقايص
وانا هايص واخويا لايص

صلاح ودالطاهر
26-02-2011, 11:40 PM
المسافرلكس ده شنو النكيت ده

المسافر
27-02-2011, 12:13 AM
ده كلام فى الهقايص
وانا هايص واخويا لايص



شوية مقصة بس

المسافر
27-02-2011, 12:14 AM
المسافرلكس ده شنو النكيت ده



أخونا صلاح
الذكريات صادقة ونبيلة مهما تجافينا بنقول حليلا

بحيرى
27-02-2011, 01:16 AM
شوية مقصة بس


يا المسافر
عليك الله دخلنا فى الصوره
وبطل حركات الشحتفه دى ....
والمقصه الكاتلاك دى شكلك داخل فى الموضوع من الباب الكبير !!
علشان ما تخلينا نقعد نفكر ونشرع ونمشى بعيد ونسرح
وضح لينا الشغلانه !!!

بت أم درمان
27-02-2011, 01:27 AM
بالله هي دي كانت اسباب
اخذكم الى المنفى العجيب
غوانتنامو

يا حرااااام
مغبون يا مسكين

ارح نطلع مظاهرات
اصلها بقت موضة الايام دي
وننادي الجزيرة تمسك التغطية
اصلا انا نفسي في مظاهرات لي مدة
ونفسي اهتف واكسر حاجز الصمت الرهيب

بت أم درمان
27-02-2011, 01:28 AM
أخونا صلاح
الذكريات صادقة ونبيلة مهما تجافينا بنقول حليلا

دائما الذكريات الحزينة تكون مؤلمة
لالتصاقها بذاكرة قوية

انسى يا زول احسن

المسافر
27-02-2011, 12:08 PM
يا المسافر
عليك الله دخلنا فى الصوره
وبطل حركات الشحتفه دى ....
والمقصه الكاتلاك دى شكلك داخل فى الموضوع من الباب الكبير !!
علشان ما تخلينا نقعد نفكر ونشرع ونمشى بعيد ونسرح
وضح لينا الشغلانه !!!


بحيرى أخوي
دي ذكريات حصلت زمان في المنتدى
لواحد أخونا كده ، وهسه عايز ينتقم ههههه
بس ما محصل فرصة ، ممكن تساعدوه ؟

المسافر
27-02-2011, 12:11 PM
بالله هي دي كانت اسباب
اخذكم الى المنفى العجيب
غوانتنامو

يا حرااااام
مغبون يا مسكين

ارح نطلع مظاهرات
اصلها بقت موضة الايام دي
وننادي الجزيرة تمسك التغطية
اصلا انا نفسي في مظاهرات لي مدة
ونفسي اهتف واكسر حاجز الصمت الرهيب


أهتفي على كيفيك يا أختي بس ما في
قناة الجزيرة . . . ممكن في مولدي أفلام

وده من الموضوع الوداني غواتناموا
لأنو ما في أي إثبات ، لكن الوداني حاجة
تانية ما بقدر اقولها ياخ .

المسافر
27-02-2011, 12:13 PM
دائما الذكريات الحزينة تكون مؤلمة
لالتصاقها بذاكرة قوية

انسى يا زول احسن



ههههههههههههههههههههههه
أنا وافقت بالإشراف ده عشانهم
بس مما بقيت مشرف ما في زول تاني
دخل المنتدى خالص هههههههههههه
ممكن تدردقيهم لي عليك الله !

ود المطامير
27-02-2011, 07:11 PM
مسافر مشاكل يتحدث

أبوالدقيق يحوم حول نور الرتينه

حليمه عادت لعادتها القديمه

إذا أنتم موعودين بفلم .. ود غوانتانامو على صفيح ساخت

الرجاء عدم تغير الموجه

مع مسافر محن مش هتقدر ترمش ;)

ود المطامير
27-02-2011, 07:14 PM
ههههههههههههههههههههههه
أنا وافقت بالإشراف ده عشانهم
بس مما بقيت مشرف ما في زول تاني
دخل المنتدى خالص هههههههههههه
ممكن تدردقيهم لي عليك الله !
عليكم الله دا ما ذى تصريحات سيف الإسلام القذافى ؟

والله يا مدنيه صدقتى ، طلع شبيهو صوت وصوره ;)

ود المطامير
27-02-2011, 07:16 PM
أهتفي

وده من الموضوع الوداني غواتناموا
لأنو ما في أي إثبات ، لكن الوداني حاجة
تانية ما بقدر اقولها ياخ .
إنت يا فرده ؟

كم مره ودوك غوانتانامو ؟

دا كان كل شهرين تلاته يفتحو باب السجن ويرموك لينا

هع هع هع هع