المساعد الشخصي الرقمي

مشاهدة النسخة كاملة : هيثم مصطفى يقود الهلال أمام الأنغولي



روبش
27-02-2011, 12:27 AM
تسلم الاتحاد السوداني لكرة القدم خطاباً من الاتحاد الأفريقي بخصوص العقوبة على قائد المنتخب هيثم مصطفى في أعقاب نيله البطاقة الحمراء في مباراة منتخبنا أمام أنغولا في نصف نهائي بطولة المحليين، وتقرر أن تكون لمباراتين إلى جانب غرامة مالية، وحدد الخطاب مباراتي المنتخب أمام الجزائر في مباراة تحديد المركزين الثالث والرابع في بطولة الشان إلى جانب مباراة سويزيلاند في الخامس والعشرين من مارس المقبل، وسيقود هيثم الهلال أمام كالا الأنغولي في أولى مباريات الأزرق في دوري أبطال أفريقيا، خلافا لما توارد في الأخبار مؤخراً.

النويري
27-02-2011, 12:58 AM
أخبارك حلوة يا روبش الراجل دا لو أعتذل ما عارف السودان دا بمشي وين كان نجم البطولة لو لا حماقة السودانيين وكان أفضل لاعب في المباراة

روبش
27-02-2011, 01:44 AM
أخبارك حلوة يا روبش الراجل دا لو أعتذل ما عارف السودان دا بمشي وين كان نجم البطولة لو لا حماقة السودانيين وكان أفضل لاعب في المباراة

اديك العافيه اخي النويري ومرورك بسعدنا
اقدار يا حبيب

ايمن عبد الله
27-02-2011, 04:19 AM
مبروووك عليكم .. الله يهني سعيد بسعيدة ..

روبش
27-02-2011, 05:05 AM
مبروووك عليكم .. الله يهني سعيد بسعيدة ..

مبرووووووووووووووك للشعب السوداني

ايمن عبد الله
27-02-2011, 05:07 AM
مبرووووووووووووووك للشعب السوداني

والشعب السودان دخلو شنو بي زولك ده ده من شعب الموتورات :mad::mad:

روبش
27-02-2011, 05:16 AM
والشعب السودان دخلو شنو بي زولك ده ده من شعب الموتورات :mad::mad:

اقول :: رغم انتقادنا له في الاونة الاخيرة الا انه فاكهة الكرة السودانية ومسعدها

مدنيّة
27-02-2011, 08:05 AM
اقول :: رغم انتقادنا له في الاونة الاخيرة الا انه فاكهة الكرة السودانية ومسعدها

اجيب ليك اللنك بتاع البوست بتاعك داك ولا تجيبه براك!!

----------
تقوموا لينا نفسنا معاكم
وتجوا تقولوا لينا لالوب الكرة السودانية دا

ابو عبد الرحمن
27-02-2011, 10:22 AM
تسلم الاتحاد السوداني لكرة القدم خطاباً من الاتحاد الأفريقي بخصوص العقوبة على قائد المنتخب هيثم مصطفى في أعقاب نيله البطاقة الحمراء في مباراة منتخبنا أمام أنغولا في نصف نهائي بطولة المحليين، وتقرر أن تكون لمباراتين إلى جانب غرامة مالية، وحدد الخطاب مباراتي المنتخب أمام الجزائر في مباراة تحديد المركزين الثالث والرابع في بطولة الشان إلى جانب مباراة سويزيلاند في الخامس والعشرين من مارس المقبل، وسيقود هيثم الهلال أمام كالا الأنغولي في أولى مباريات الأزرق في دوري أبطال أفريقيا، خلافا لما توارد في الأخبار مؤخراً.
لا شك ان التصرف الغير أخلاقي من النجم الكبير هيثم مصطفي غير
لائق ولا حميد من كابتن كبير مثل هيثم مصطفي . فيجب ان يعاقب من الاتحاد
السوداني قبل الخارجي .. لأنه افقد المنتخب المباراة . فوجود هيثم في المنتخب
كنجم وقائد . كان مهم في ركلات الترجيح . بحكم خبرته الكبيرة ومهاراته في
تسديد ركلة الجزاء ...نقول اخطاء العظام لا تغتفر ولا تنسي , فمصلة الوطن
اهم من ان يداس عليه أو اي شي يفعل له ... فالوطن اغلي من النفس ....
ومن كثير من الاشياء ..................ودمت يا وطن عزيز وغالي ...

روبش
27-02-2011, 07:54 PM
اجيب ليك اللنك بتاع البوست بتاعك داك ولا تجيبه براك!!

----------
تقوموا لينا نفسنا معاكم
وتجوا تقولوا لينا لالوب الكرة السودانية دا

اقول ::: كل مقال وليهو كلام مافي داعي لقومة النفس ..

روبش
27-02-2011, 07:58 PM
لا شك ان التصرف الغير أخلاقي من النجم الكبير هيثم مصطفي غير
لائق ولا حميد من كابتن كبير مثل هيثم مصطفي . فيجب ان يعاقب من الاتحاد
السوداني قبل الخارجي .. لأنه افقد المنتخب المباراة . فوجود هيثم في المنتخب
كنجم وقائد . كان مهم في ركلات الترجيح . بحكم خبرته الكبيرة ومهاراته في
تسديد ركلة الجزاء ...نقول اخطاء العظام لا تغتفر ولا تنسي , فمصلة الوطن
اهم من ان يداس عليه أو اي شي يفعل له ... فالوطن اغلي من النفس ....
ومن كثير من الاشياء ..................ودمت يا وطن عزيز وغالي ...

ابوعبدالرحمن
اديك العافيه
وبلا شك اخطاء الكبار لا تغتفر وتدون وتصبح في الذاكرة ويفترض ان تكون هناك عقوبة من الاتحاد ولكن وينوا الاتحاد البعاقب
لسنا مع هيثم في تصرفاته ولكن مع موهبته التي نفتقدها في ملاعبنا وهذه هي المشكلة والتي اصبحت معادلة صعبة حتى عند معارضي هيثم
اقول :: اسأل عمتي عن المعادلة هذه

مدنيّة
27-02-2011, 11:18 PM
اقول ::: كل مقال وليهو كلام مافي داعي لقومة النفس ..

اقول : كنت فاكرة انه المبادئ لا تتجزأ

روبش
28-02-2011, 12:29 AM
اقول : كنت فاكرة انه المبادئ لا تتجزأ

اقول :: المبادئ لا تتجزأ عمتي العزيزة .. نتفق في بعض ونختلف في بعض الاخر، والحياة لابده وان يكون فيها السالب وفيها الموجب، ولابده من طرح الشيء الجميل والاتفاق عليه كأصل ثابت، وتصحيح ما قد يصحح