المساعد الشخصي الرقمي

مشاهدة النسخة كاملة : سؤال برىء لناس الكوره



بابكر
29-01-2005, 10:33 AM
الاخوه بالقسم الرياضى سلام مربع ..... ,,
طبعا انا ماليش فى الكوره ,, لكن عندى بعض الاسئله ارجو الاجابة عليها وهى...................................

هنالك فريقان مشهوران فى السودان وهم الهلال والمريخ هذا طبيعى ,,,\

فلماذا ناس بورسودان يسمو هلال بورسودان وناس الحصاحيصا يسمو هلال الحصاحيصا ليه مايكون فى هلال واحد ومريخ واحد وكل منطقه تسمى فريقها اسم مختلف والاسامى على قفا من يشيل


مره جاء فى ليبيا فريق الهلال الناس كلها دخلت المباراه وناس جايين من محلات بعيده ... واخيرا طلع هلال الحصاحيصا

ده كلام بالله

وهل سمعتوا بى بلد فيهو نفس اسم الفريف فى كل مدنها ؟؟؟؟؟؟؟؟؟؟؟؟؟

مارأيكم ياناس الكوره؟؟؟؟؟؟

ابراهيم
29-01-2005, 11:21 AM
اخوي بابكر ليك التحية وكل سنة وانت طيب
تعرف يا بابكر ناسك الدخلو الكورة ديل يكون ما متابعين الكورة او عشان الغربة دي بتخليك ذاتو ما تفرز بين الحصاحيصا والخرطوم على حس الهلال بس دخلو الكورة..

الهلالات في السودان كتيرة غير الهلال الكبير في هلال بورتسودان وهلال الحصاحيصا، وهلال كوستى وهلال الابيض ... وهلال الدويم وهلال دنقلا وهلال جوبا وهلال المكي وهلال اللعوتة وهلال امقد. والمريخ برضو في كتير والموردة كذلك ... دا في السودان أما الكورة العالمية برضو اديك امثلة:

في اسبانيا في: ريال مدريد ، وفي ريال بيتيس ، وريال سرقسطا، وريال سويداد ،وفي ريال مايوركا، في ريالات تانية بس ما في الدرجة الممتازة ،

وفي المانيا في : بايرن ميونيخ وفي بايرن ليفركوزن ،
وفي بروسيا دورتموند وبروسيا منشن قلاد باخ

في الدوري الفرنسي:
اولمبك مارسيليا، وفي اولمبك ليون

وفي الدوري الانجليزي في: مانشستر يونايتد ، ونيوكاسل يوناتد ، وليدز يوناتد

وفي الدوري التركي : طرابزون سبور ، دنزلي سبور .، غازي انتيب سبور ،ديار بكر سبور ، اسطنبول سبور ، وقيصرة سبور ، وانقرا سبور ، وكونيا سبور.

وفي الدوري الاسكتلندي: جلاسكو رنجرز ، جلاسكو سلتك،

يعني بتقلى كتير يا بابكر اسم مشترك للفرق في الدولة الواحدة

لك منى التحية اخي بابكر

بابكر
29-01-2005, 11:14 PM
اخى ابراهيم لك منى التحيه وشكرا لك على التوضيح

anwar12545545
30-01-2005, 03:41 AM
أخي بابكر هى المشكلة مافى الأسامي ،ولكن المشكلة الأساسية تكمن فى نوعية الفرق ،وحصاد جولاتها ،ومادام أخي بابكر إنت طرحت موضوع مهم أتمني أن نجد فى المنافسات القادمة فرق في المقدمة غير المريخ والهلال ،أتمنى أن يكون فريق جزيرة الفيل أول الممتاز .ونتمنى أن تكون هناك منافسة متكافئة بين الفرق ،ونتمنى أن تكون فرق ودمدني في مقدمة الفرق ونتمنى لفريق عووضة التوفيق في منافسات الدوري التأهيلي ،ونتمني للأهلي العودة لوضعه الطبيعي ،وأتمنى من كل قلبي أن تكون ودمدني عاصمة السودان الرياضية .
مع فائق تحياتي،،،،

تم التحرير في يوم 30.01.005 بواسطة أنور محمد