عيني عليك بارده يا المريخ

[روبش]

حقيقة مستوى غاية في الابداع ،، ترابط وانسجام وتفاهم بين اللاعبين .. تناقل بصورة جميله من مرحله لاخرى .. وتفاهم بصورة غاية في الابداع بين اللاعبين .. تمريرات مدقنه ومحسنة .. وتهديف بصورة مدروسة وقف الحظ عابس له في كثير من المحاولات..
لعب المريخ بالامس واحدة من اروع مبارياتها ، وقد اعاد بالامس ذكريات مريخ سامي عزالدين (الله يرحمه) وجمال ابوعنجه وعيسى صباح الخيرن فقد عمل كل شيء في هذه الكرة ..
العجب لاعب يغيب ويأتي بالجديد .. ويمتعك بفنه وابداعه .. احرز هدفاً لا يحرزه إلا العجب .. دخوله غير شكل المريخ كثيرا عما كان عليه ... ضغط وقوة وتهديف وعكسيات متقنه ..

اقول ::: عيني بارده عليكم يا المريخ

[ابووضاح]

مبروك للسودان اولاً ثم المريخ

[moh_alnour]

عيني باردة عليك يا روبش
الكلام دا من الراس و لا من الكراس ؟
الكلام دا من جوووووووووووووووووووة قلبك ؟

[ابراهيم عطية بابكر]

مبروك للزعيم ونرجو له التوفيق بالنصر المؤذر دائما

[خالد عباس (أبوعمرو)]

اقول ::: عيني بارده عليكم يا المريخ[/quote]



نعم ..

المريخ ابدع

وقدم مدرسة ،،،


*** حلوة العبارة ،،،، مع انها باللون الأزرق :D

[ايمن عبد الله]

الله يبارك فيك يا روبش ..

عقبال الهلال .. اليوم ..

[مدنيّة]

[SIZE="7"]اقول ::: عيني بارده عليكم يا المريخ


دقيقة النقرأ الاخلاص والمعوذتين وارجع ليك

[ZANOON]

حقيقة مستوى غاية في الابداع ،، ترابط وانسجام وتفاهم بين اللاعبين .. تناقل بصورة جميله من مرحله لاخرى .. وتفاهم بصورة غاية في الابداع بين اللاعبين .. تمريرات مدقنه ومحسنة .. وتهديف بصورة مدروسة وقف الحظ عابس له في كثير من المحاولات..
لعب المريخ بالامس واحدة من اروع مبارياتها ، وقد اعاد بالامس ذكريات مريخ سامي عزالدين (الله يرحمه) وجمال ابوعنجه وعيسى صباح الخيرن فقد عمل كل شيء في هذه الكرة ..
العجب لاعب يغيب ويأتي بالجديد .. ويمتعك بفنه وابداعه .. احرز هدفاً لا يحرزه إلا العجب .. دخوله غير شكل المريخ كثيرا عما كان عليه ... ضغط وقوة وتهديف وعكسيات متقنه ..

اقول ::: عيني بارده عليكم يا المريخ

المروبش الغالي
اذا كان القائد فيصل العجب اتئ بالعجب ونال وسام الاعجاب
فروبشنا الغالي يستاهل وسام الاحترام وكابتن المنتدي الرياضي
(ماعمر اخلاق سااااااااااااااااااااااااااااااااااي)
اقول علي قولك: عقبال الهلال اليوم

[عوض صقير]

المريخ أصبح يلعب بنكهة الكرة المصرية

والفضل فى ذلك يرجع للمدرب القدير الكابتن / حسام البدرى

وطبعاً الكرة المصرية بتعتمد على اللياقة والمريخ بفضل البدرى أصبح فى قمة لياقته

الكابتن / حسام البدرى قمة فى الإنضباط والتكتيك ولديه الكثير ليقدمه للمريخ

وإن شاء الله القادم أفضل ...

[ZANOON]

دقيقة النقرأ الاخلاص والمعوذتين وارجع ليك

دي بالغتي فيها عدييييييييييييييييييييييييل

[روبش]

مبروك للسودان اولاً ثم المريخ

ايدك العافيه يا ابووضاح على المرور

[روبش]

عيني باردة عليك يا روبش
الكلام دا من الراس و لا من الكراس ؟
الكلام دا من جوووووووووووووووووووة قلبك ؟

اقول :: من جوه القلب انت قايلني من الجزيرة

[روبش]

مبروك للزعيم ونرجو له التوفيق بالنصر المؤذر دائما

اديك العافيه يا ابراهيم على المرور

[روبش]

اقول ::: عيني بارده عليكم يا المريخ



نعم ..

المريخ ابدع

وقدم مدرسة ،،،


*** حلوة العبارة ،،،، مع انها باللون الأزرق :d[/quote]

اقول :: ما لازم تكون بالازرق عشان تعكس مدى الوطنية

[روبش]

الله يبارك فيك يا روبش ..

عقبال الهلال .. اليوم ..

تسلم يا الحبيب ودعواتك
اقول :: اوعك من العمره

[روبش]

دقيقة النقرأ الاخلاص والمعوذتين وارجع ليك

اقول :: أكيد ما مصدقه

[روبش]

المروبش الغالي
اذا كان القائد فيصل العجب اتئ بالعجب ونال وسام الاعجاب
فروبشنا الغالي يستاهل وسام الاحترام وكابتن المنتدي الرياضي
(ماعمر اخلاق سااااااااااااااااااااااااااااااااااي)
اقول علي قولك: عقبال الهلال اليوم

تسلم يا حبيب ودعواتك لنا بنصر يوازي نصركم
اقول :: ابعدوا مني عمتي اليوم ده

[روبش]

المريخ أصبح يلعب بنكهة الكرة المصرية

والفضل فى ذلك يرجع للمدرب القدير الكابتن / حسام البدرى

وطبعاً الكرة المصرية بتعتمد على اللياقة والمريخ بفضل البدرى أصبح فى قمة لياقته

الكابتن / حسام البدرى قمة فى الإنضباط والتكتيك ولديه الكثير ليقدمه للمريخ

وإن شاء الله القادم أفضل ...

العزيز والحبيب
اديك العافيه على المرور
حقيقة المريخ اصبح يلعب بنكهة غريبة جدا
اقول :: نتمنى التواصل ومزيدا من الابداع خارجيا

[روبش]

دي بالغتي فيها عدييييييييييييييييييييييييل

اقول :: خلونا كده كويسيين

[مدنيّة]

دي بالغتي فيها عدييييييييييييييييييييييييل

العالم دي مامضمونة ياذنون ياخ
ماتسمع من جوة القلب وجوة البنكرياس وتصدق:cool:

[مدنيّة]

اقول :: أكيد ما مصدقه

الصراحة ما مصدقة انك منزل البوست دا!!

-----
اقول : تكون مهكر!!:cool:

[روبش]

الصراحة ما مصدقة انك منزل البوست دا!!

-----
اقول : تكون مهكر!!:cool:



اقول :: لازم يبقى عندنا مسؤولية اتجاه الوطن ولا ما كده

[مدنيّة]

اقول :: لازم يبقى عندنا مسؤولية اتجاه الوطن ولا ما كده

مااتعرفت عليك ياوربش ياخ
لكن سميناها رضينا

[همسة شوق]

مبرووووووووووووووووك الانتصار لأخوان العجب
والله بتمنى الزمن يرجع والعجب يكون عمرو 18 سنة عشان نتمتع بالكورة

[ZANOON]

تسلم يا حبيب ودعواتك لنا بنصر يوازي نصركم
اقول :: ابعدوا مني عمتي اليوم ده

دعوات الملاييييييييييين بانتصار باهر وعريض
لكن عمتي دي كان زحت منكم الرماد كال حماد

[ZANOON]

مبرووووووووووووووووك الانتصار لأخوان العجب
والله بتمنى الزمن يرجع والعجب يكون عمرو 18 سنة عشان نتمتع بالكورة

العجب لاعب بمواصفات خاصه مشُبع بالابداع
يمتلك موهبه حباها بها المولي في تطويع الكره ليفعل بها مايشاء وكيف يشاء
روح القياده التي يمتلكها تختلف عن الكثيرين ممن يحملون شارات القياده فهو الاخ والصديق المحترم
لن ياتي للمريخ لاعبا بموهبه واحترام العجب بالرغم من ان حواء المريخ ولود
عفوا فيصل فلست ممن يستحقون الكتابه عنك
فالادباء والشعراء هم الذين يملكون الفطره للكتابه عنك

[مرتضى التوم]

والله حقيقى مستوى المريخ فى مباراة الامس كان اكثر من رائع ومن فترة طويلة ما شاهدنا المريخ بهذة الروعة بالتوفيق فى مقبل المباريات انشاء الله وعقبال ما نشوف الحال انصلح فى الهلال .
العجب لاعب مهوول الامكانيات سبق وقلت لو كان عائش خارج السودان لكان الان ينافس دروقبا واديبايور وايتو بل ويتفوق عليهم .

[أحمد عمر ( MOODY )]

مبروك للصفوة اللعب قبل النتيجة
وعقبال الهلال اليوم .. و مزيداً من التألق والإنتصارات















ما قلت ليكم هلالاب المنتدى ده ( صفوة )
التحية لأسامة روبش و مجاهد زيكو و مرتضى التوم
و أبو وضّاح و العاقب مصباح و مصطفى هاتريك
وكل هلالاب المنتدى و المتأهلبين

[ايمن عبد الله]

عليك الله يا مودي صفوة شنو موتورات المنتدى ديل .. ما تشوف الكلام الكاتبو روبش ده روبش خايف سااااي من الضغط والسكري ولانه لقى نفسه بقى اقلية في المنتدى فحب انه يعمل الشويتين بتوعو دول وبس لكن نحن عارفين الموتورات ديل ولو داير تعرف خلي المريخ اتغلب وتعال شوف ناس (همس الشوق المجاهد) واسامة الروبش بعملو شنو لكن بيني وبينك ناس مرتضى وهاتريك (مازي باقي الموتورات) وناس العاقب ديل طولو ما جونا بي هنا ..

الصفوة صفوة كمان دايرين تقتبسو مننا اللقب ولا شنو ؟
خلينا ليكم لقب الوصيف كمان جايين تجابدوا في الصفوة !!

[ابووضاح]

عليك الله يا مودي صفوة شنو موتورات المنتدى ديل .. ما تشوف الكلام الكاتبو روبش ده روبش خايف سااااي من الضغط والسكري ولانه لقى نفسه بقى اقلية في المنتدى فحب انه يعمل الشويتين بتوعو دول وبس لكن نحن عارفين الموتورات ديل ولو داير تعرف خلي المريخ اتغلب وتعال شوف ناس (همس الشوق المجاهد) واسامة الروبش بعملو شنو لكن بيني وبينك ناس مرتضى وهاتريك (مازي باقي الموتورات) وناس العاقب ديل طولو ما جونا بي هنا ..

الصفوة صفوة كمان دايرين تقتبسو مننا اللقب ولا شنو ؟
خلينا ليكم لقب الوصيف كمان جايين تجابدوا في الصفوة !! اقول : كما قال روبش امش اعمل عمرة وتعال