ككر النفاج يستضيف ( المسافر )

[مايسة]

نفاجين ونفاجيات


كيفنكم وعساكم مروقين - زي روقة المنقة بتاعت مارنجو

اها

الكاتب الفذ العاقب مصباح - كان زمان عمل لينا فكرة جميلة - عشان نتعرف على النفاجين طالما الواحد نص عمرو مقضيهو في حيطانو :o:D - والناس تبقى أسرة واحدة -

وكمان الاستاذ ود الطاهر (بس هسه بقى ما فاضي لينا لأنو بقى المتحدث الرسمي ومتصدر وش المدفع):o:cool:



أها قلنا نواصل في نفس الفكرة - ولكن هذه المرة في ككر

كـــكر النفــــاج

كل مرة نقعد لينا شخص ولا شخصاية ;) لمدة ثلاثة أيام
ونتعرف على الشخصية عن قرب اكثر -
وإحتمال يكون عندك حد ضايع ليهو سنين تلقاهو هنا (زي برنامج الشروق داك):cool:

أها - بعديها يقوم هو باختيار من يجلس بعده

ولا الرأي شنو -

لو في أي زيادات ولا اقتراحات - مقبولة من قبل ما تتقال -

[مايسة]

بداية كدا

بقترح الناس الماحصل اتشرفنا نعرفهم عن قرب - وشخصيتهم ليست معروفة الا من خلال التداخل في البوستات -

مرة زول - ومرة زولة :d

عايزة بس اخت اسامي (لو ما عندكم إعتراض) في الأول لحد ما الناس تتعود والحكاية تمشي بسلاسة

المسافر
أم رغد
بحيري
آلاء عبد الرحمن
أبو عبد الرحمن
همسات

الهدف انو الناس بالجد تتعرف على بعض - يعني ما عايزين نعتمد على انو بنعرف الشخصية دي عشان كدا نختارو يكون بعدينا اوكي -

[ود المطامير]

غايتو جنس شمارات

هسى أنا مسجل بإسم ود المطامير عشان الناس ما يعرفونى

أقوم أجى هنى وأفتو ؟ ;)

[مايسة]

المسافر

أي حد عايز يلفها مع الشخصية دي وينتقم الفات والهسه والجاي - يجي

اها يا المسافر

البطاقة الشخصية بالكامل - متضمنه اهم شئ الحالة النفسية وكدا

[ود المطامير]

بداية كدا

بقترح الناس الماحصل اتشرفنا نعرفهم عن قرب - وشخصيتهم ليست معروفة الا من خلال التداخل في البوستات -

مرة زول - ومرة زولة :d

عايزة بس اخت اسامي (لو ما عندكم إعتراض) في الأول لحد ما الناس تتعود والحكاية تمشي بسلاسة

ود المطامير
المسافر
أم رغد
بحيري
آلاء عبد الرحمن
أبو عبد الرحمن
همسات

الهدف انو الناس بالجد تتعرف على بعض - يعني ما عايزين نعتمد على انو بنعرف الشخصية دي عشان كدا نختارو يكون بعدينا اوكي -
دا الكلام الصاح

موافقيييييييين

[ود المطامير]

أبوالدقيق
أشهر عزابى فى المنتدى

سؤالى
مالك بقيت الغنمايه تاكل عشاك ؟

[مايسة]

غايتو جنس شمارات

هسى أنا مسجل بإسم ود المطامير عشان الناس ما يعرفونى

أقوم أجى هنى وأفتو ؟ ;)


ومالو - الا تكون عامل ليك عمله
ولا مدسي من الجماعة
ولا شغال مع المافيا

الفي النص دي - عشان تاخد راحتك وكدا وما يسألوك :cool::p

[مايسة]

يا ود جزيرة الشياطين -

ممنوع التزوير لو سمحته يعني

بنرجعك المنفى هسى :mad:

[مدنيّة]

ميسو
يعني شنو "ككر"!!!
سؤال جادي والله
اول مرة اسمع الكلمة دي

[بت أم درمان]

ميسو
يعني شنو "ككر"!!!
سؤال جادي والله
اول مرة اسمع الكلمة دي

تكون قاصدة وكر؟
انا عملتها سكر لقيتا ما جاية كلو كلو

[ودسمير]

الككر خير اللهم اجعلو خير ....
اعتقد بانه ذى 0( البمبر ) بس كبير وعنده جوانب ذى كرسى الجلوس وهو من الخشب وكان يجلس عليه سلاطين سنار ..

اتمنى ان يكون حالفنى الصواب يا مدنيه ..

[ودسمير]

والله كلام تمام يا مايسه وانا جاهز ( ومتشطف وسفنجتى نضيفه )

[حنونة.]

ميسو
يعني شنو "ككر"!!!
سؤال جادي والله
اول مرة اسمع الكلمة دي

سلام مدون وكيف صحتك ياغالية تعجبنى صراحتك اها انتفلسف ليك رغم انو الفاضل ود سمير جاوب اجابة صاح ميية المية
هو عبارة عن كرسى من الخشب مصنوع من الخشب وياخذ شكل من اشكال المثلث وكان يجلس عليه السلاطين او حاكم البلد ومن اشهرهم عمارة دنقس ملك السلطنة الزرقاء و قالوا من فوائد الجلوس على الككر رياضة المفاصل حيث أن الواحدة لحظة الغسيل تغسل الملابس ثم تقوم لتدفق الماء من الطشت ثم تعود وتجلس، ثم تقوم لتملأ الجردل ثم تعود وتجلس وهكذا عدة مرات، لذلك لم يعرفن أمهاتنا ألم المفاصل.
الم تسمعى قول الشاعر محمد أحمد سالم (حميدة) في رائعته طعم الدروس:
في الحصة عقلي أنا تاه سدر
يمة المدرس لو فكر
كان يلقا جنبك فوق ككر
في الدونكا لسع ما فطر
وماتقولى الدونكا يعنى شنو؟

[مايسة]

ميسو
يعني شنو "ككر"!!!
سؤال جادي والله
اول مرة اسمع الكلمة دي


اي اي عارفاك قادة تاريخ انتِ

قريتي مدرسة مصرية شكلك ;):p

[مايسة]

تكون قاصدة وكر؟
انا عملتها سكر لقيتا ما جاية كلو كلو


ههههههههههههههه

وحاة الله ضحكتيني ضحك

دا عيب المدارس الأفرنجية :o:cool:

[مايسة]

الككر خير اللهم اجعلو خير ....
اعتقد بانه ذى 0( البمبر ) بس كبير وعنده جوانب ذى كرسى الجلوس وهو من الخشب وكان يجلس عليه سلاطين سنار ..

اتمنى ان يكون حالفنى الصواب يا مدنيه ..


هي عارفة عشان تقول صح ولا غلط :o:p

والله كلام تمام يا مايسه وانا جاهز ( ومتشطف وسفنجتى نضيفه )


خليك بطينك ما مشكلة :o

[مايسة]

سلام مدون وكيف صحتك ياغالية تعجبنى صراحتك اها انتفلسف ليك رغم انو الفاضل ود سمير جاوب اجابة صاح ميية المية
هو عبارة عن كرسى من الخشب مصنوع من الخشب وياخذ شكل من اشكال المثلث وكان يجلس عليه السلاطين او حاكم البلد ومن اشهرهم عمارة دنقس ملك السلطنة الزرقاء و قالوا من فوائد الجلوس على الككر رياضة المفاصل حيث أن الواحدة لحظة الغسيل تغسل الملابس ثم تقوم لتدفق الماء من الطشت ثم تعود وتجلس، ثم تقوم لتملأ الجردل ثم تعود وتجلس وهكذا عدة مرات، لذلك لم يعرفن أمهاتنا ألم المفاصل.
الم تسمعى قول الشاعر محمد أحمد سالم (حميدة) في رائعته طعم الدروس:
في الحصة عقلي أنا تاه سدر
يمة المدرس لو فكر
كان يلقا جنبك فوق ككر
في الدونكا لسع ما فطر
وماتقولى الدونكا يعنى شنو؟


يديك الفي مرادك انتي يا حنونة

كيفنك ومشتاقين ياخ

اها حقو نفتح ليك فصل محو أمية لمدنية وبت أمدرمان ;):cool:

[بنت الرفاعي]

لكِ التحية أختي مايسة
وبالتوفيق في
الككر (اللهمّ زدنا علماً:o)
إن شاء الله.:)

عندي لستة مُمكن أضع ليك جزء منها؟!:rolleyes::)


بالمناسبة وين أخينا المسافر؟!
(مع أننا في آخر الشهر):rolleyes::cool:

[mahagoub]

حلونا فى المهم
اقبضوا لينا المعلم ده
الكرسى جاهز

http://i55.tinypic.com/1583tkp.jpg

النواعم ما يخافوا ده كرسيهن

http://i53.tinypic.com/zthph1.jpg

[ابو لوزة]

حلونا فى المهم
اقبضوا لينا المعلم ده
الكرسى جاهز

http://i55.tinypic.com/1583tkp.jpg

النواعم ما يخافوا ده كرسيهن

http://i53.tinypic.com/zthph1.jpg

عم محجوب كدي روق ساي هسي البنوت
ديل يقوموا يجروا ساي من الموضوع ده
هسي بالله الكرسي ده انت بتقعد عليه
عشان نقعد فية الناس اللطيفة دي

[المسافر]

اها يا المسافر

البطاقة الشخصية بالكامل - متضمنه اهم شئ الحالة النفسية وكدا


البطاقة الشخصية نسيتها في البيت

[المسافر]

أبوالدقيق
أشهر عزابى فى المنتدى
سؤالى
مالك بقيت الغنمايه تاكل عشاك ؟


أول شيء شكراً يا معجب
الغنماية بس ، الغنماية والكديسة والجدادة الفأر والنملة . . .
وأنا زاتي ما عارف مالي والله
ما شوف لينا فكي عليك الله في حلتكم

[المسافر]

ميسو
يعني شنو "ككر"!!!
سؤال جادي والله
اول مرة اسمع الكلمة دي



أحي أنا من الناس المولودين في باريس ديل

[المسافر]

لكِ التحية أختي مايسة
وبالتوفيق في
الككر (اللهمّ زدنا علماً:o)
إن شاء الله.:)

عندي لستة مُمكن أضع ليك جزء منها؟!:rolleyes::)


بالمناسبة وين أخينا المسافر؟!
(مع أننا في آخر الشهر):rolleyes::cool:























قبل كده سمعتي ليك مشرف بكون موجود في المنتدى !!!؟؟
وطيب !!!!!!!!!

[مدنيّة]

تكون قاصدة وكر؟
انا عملتها سكر لقيتا ما جاية كلو كلو

وكر عصابة ولاشنو!! ههههههههههههههههههههه
اخير انا منك يابنوتة

[مدنيّة]

الككر خير اللهم اجعلو خير ....
اعتقد بانه ذى 0( البمبر ) بس كبير وعنده جوانب ذى كرسى الجلوس وهو من الخشب وكان يجلس عليه سلاطين سنار ..

اتمنى ان يكون حالفنى الصواب يا مدنيه ..


والله يامعتز ماقصرت وشكرا ليك
لكن تصدق ماقادرة اتخيل شكله!!
انتو شفتوه يعني الككر دا !! "سؤال جادي والله"

[مدنيّة]

سلام مدون وكيف صحتك ياغالية تعجبنى صراحتك اها انتفلسف ليك رغم انو الفاضل ود سمير جاوب اجابة صاح ميية المية
هو عبارة عن كرسى من الخشب مصنوع من الخشب وياخذ شكل من اشكال المثلث وكان يجلس عليه السلاطين او حاكم البلد ومن اشهرهم عمارة دنقس ملك السلطنة الزرقاء و قالوا من فوائد الجلوس على الككر رياضة المفاصل حيث أن الواحدة لحظة الغسيل تغسل الملابس ثم تقوم لتدفق الماء من الطشت ثم تعود وتجلس، ثم تقوم لتملأ الجردل ثم تعود وتجلس وهكذا عدة مرات، لذلك لم يعرفن أمهاتنا ألم المفاصل.
الم تسمعى قول الشاعر محمد أحمد سالم (حميدة) في رائعته طعم الدروس:
في الحصة عقلي أنا تاه سدر
يمة المدرس لو فكر
كان يلقا جنبك فوق ككر
في الدونكا لسع ما فطر
وماتقولى الدونكا يعنى شنو؟

تسلمي ياحنونة والله
لكن سؤالي لمعتز برضو بساله ليك
شفتي الككر دا انتي!!

-------
تبعا ياحنونة
عايزة اسال من الحذرتيني منها
لكن خفت من شيل الحال سااااااااااااااي

--------
تسلمي لي حبيبة

[مدنيّة]

اي اي عارفاك قادة تاريخ انتِ

قريتي مدرسة مصرية شكلك ;):p

هسي في داعي للحتة الضيقة الدخلتينا فيها دي!!
ماكان ياخ تشوفي ليك كلمة خفيفة ما تحرجنا بيها قدام الامم دي!!:mad:


------
النبي فيك شفتي الككر دا!!!

[مدنيّة]

أحي أنا من الناس المولودين في باريس ديل

اها انا خليني ياخالد
انت شفت الككر دا وبتعرفه!!


--------
غايتو كتر خير معتز & حنونة
ثقفونا ياخ هههههههههههههههههههه

[المسافر]

المسافر

أي حد عايز يلفها مع الشخصية دي وينتقم الفات والهسه والجاي - يجي

اها يا المسافر

البطاقة الشخصية بالكامل - متضمنه اهم شئ الحالة النفسية وكدا



بسم الله يا فتاح يا عليم

الإسم : خالد حسن أحمد سيدأحمد هاشم
الدلع : أبو الدقيق ( عنكا )
مكان الميلاد : ود مدني حي بانت
السكن حالياً : حي دردق شرق - جنب نقطة البوليس
المراحل التعليمية : ( السلمابي الإبتدائي ، الأهلية (أ) المتوسطة ، مدني العربية الثانوية ، جامعة الجزيرة - كلية العلوم والتكنوجيا )
الحالة الإجتماعية : ما تحرجونا ياخ
العمل : وزارة الداخلية - دولة الإمارات العربية المتحدة
المراحل في المنتدى : ( عضو ، موقوف مؤقتاً ، معتقل ، مشرف )

[المسافر]

اها انا خليني ياخالد
انت شفت الككر دا وبتعرفه!!
--------
غايتو كتر خير معتز & حنونة
ثقفونا ياخ هههههههههههههههههههه


إنتي حصة التاريخ قاعدة تنومي فيها ولا شنو ؟
طبعاً بعرفها من سنة 1989 تصدقي هههههههه

[المسافر]

حلونا فى المهم
اقبضوا لينا المعلم ده
الكرسى جاهز

http://i55.tinypic.com/1583tkp.jpg

النواعم ما يخافوا ده كرسيهن

http://i53.tinypic.com/zthph1.jpg


هوي أنا ما عايز معاكم ياخ
ولا أقول لك يا عم محجوب إعتبر أسمي ( المسافرة )

[مدنيّة]

إنتي حصة التاريخ قاعدة تنومي فيها ولا شنو ؟
طبعاً بعرفها من سنة 1989 تصدقي هههههههه

اول حاجة ياخالد
انت شكلك حصة العربي كنت بتنوم فيها
لانه ككر مذكر
فمفروض تقول "بعرفه" وليس "بعرفها" او كما قال عبدالله الطيب:cool:


-------
خليني من "بتعرفها" من حصة التاريخ دي
شفته بعيونك دي!
يعني شفت ليك ككر عيانا بياناً!! هههههههههههههههههههههه

---------
هذا مع فائق الاحترام والتقدير

[المسافر]

اول حاجة ياخالد
انت شكلك حصة العربي كنت بتنوم فيها
لانه ككر مذكر
فمفروض تقول "بعرفه" وليس "بعرفها" او كما قال عبدالله الطيب:cool:

-------
خليني من "بتعرفها" من حصة التاريخ دي
شفته بعيونك دي!
يعني شفت ليك ككر عيانا بياناً!! هههههههههههههههههههههه

---------
هذا مع فائق الاحترام والتقدير


ههههههههههههههه
لكن العربي عندك . . .
وأنا كنت بنوم في كل الحصصة إلا حصة التاريخ
والمرة الجاية برسلها ليك تدققيها وبعدين بنزلها ههههههههههه
لكن الصراحة يا أختي ما شفت الككر ده ، لكن أتخيلتو ياخ . . .

___________
وأقبلوا خالص تحياتي

[مدنيّة]

ههههههههههههههه
لكن العربي عندك . . .
وأنا كنت بنوم في كل الحصصة إلا حصة التاريخ
والمرة الجاية برسلها ليك تدققيها وبعدين بنزلها ههههههههههه
لكن الصراحة يا أختي ما شفت الككر ده ، لكن أتخيلتو ياخ . . .

___________
وأقبلوا خالص تحياتي

انت هين يا خالد ياخ
ابوعبدالرحمن في لفة من لفات هذا المنتدي
قال مخاطبا لبدرالدين
"تسلمي"

تقول لي الككر وحصة التاريخ!!

لكن مسئول من الخير
هو* كان في سنة كم ياخ!!


* الضمير في "هو" راجع للككر ، ثمح!:cool:

[همسات]

بداية كدا

بقترح الناس الماحصل اتشرفنا نعرفهم عن قرب - وشخصيتهم ليست معروفة الا من خلال التداخل في البوستات -

مرة زول - ومرة زولة :d

عايزة بس اخت اسامي (لو ما عندكم إعتراض) في الأول لحد ما الناس تتعود والحكاية تمشي بسلاسة

المسافر
أم رغد
بحيري
آلاء عبد الرحمن
أبو عبد الرحمن
همسات

الهدف انو الناس بالجد تتعرف على بعض - يعني ما عايزين نعتمد على انو بنعرف الشخصية دي عشان كدا نختارو يكون بعدينا اوكي -





انا اسمي مكتوب
طيييييييييييييييب
;);););)
:cool::cool::cool::cool:

[الملكة اسماء ( ام محمد )]

[QUOTE=المسافر;585030]

أبو الدقيق ( عنكا )


[QUOTE]

يااااااااخ
بالله هو انت

التوقيع: وش مندهش :confused:

[الملكة اسماء ( ام محمد )]

انا اسمي مكتوب
طيييييييييييييييب
;);););)
:cool::cool::cool::cool:

في انتظارك.... للحول :r:

[همسات]

في انتظارك.... للحول :r:



هههههههههههههههه
هههههههههههههههه
وانا موجوده .......
وينك ياغاليه اشتقت ليك

[الملكة اسماء ( ام محمد )]

هههههههههههههههه
هههههههههههههههه
وانا موجوده .......
وينك ياغاليه اشتقت ليك
هلا حبيبة وانا برضو موجودة
لكن بجي اتاوق وامشي
خليها على الله

[بت مارنجان]

اووووووووووووووووووه
المسافر ابن عمي :o:o:o

اها يافردة انا جاياك اهداءات سااااااااااااااااااااااي ;)

الفنان في مطلع الغنية بيقول :
"حبيت كم مرة ياقلبي مرة واتنين وتلاتة
شقيت كم مرة ياقلبي شقيت فيهم التلاتة


اغنية الفنانة الواعدة"قال انه فنان"
ضقت معاك ليالي سنين همي وشقايا
معاك ماضقت حلوة طوالي بتزيد شقايا
وبقولا وصوتي عالي ويقولو الناس ورايا
في ستين الف دهية ومابتنفع معايا
من غير مطرود اتفضل برا من قلبي
والله خسارة ريدك ومابتستحق حبي

وتاني
ببقي صريح معاك اقول ليك بامانة عمليتك ماظريفة وحركتك جبانة

وتاني
وانا في نومي بتقلب حرامي القلوب تلب سألتا رامي ورندا هوي قفلتو البرندا وانا داير اتعشا وأحلي بي ميرندا واخد لي سندة ورقدتا ونعستا وسرحتا عاينتا للحيطة في حرامي لي تلب




http://www.youtube.com/watch?v=NTPwKN_xW0c&feature=related

رايك شنو في الحاجة دي ؟؟؟

لمن تهدي الابيات السابقة ؟؟؟

[ابو عبد الرحمن]

انت هين يا خالد ياخ
ابوعبدالرحمن في لفة من لفات هذا المنتدي
قال مخاطبا لبدرالدين
"تسلمي"

تقول لي الككر وحصة التاريخ!!

لكن مسئول من الخير
هو* كان في سنة كم ياخ!!


* الضمير في "هو" راجع للككر ، ثمح!:cool:

لكن يا مدون صرااااحة دي بالغتي فوقها . يا بت الناس ما قلنا نقتلو
قبلوا في العام ... تجي تقوليهو هنا في النفاج .... لمكشوفين الحال
ديل ... برضوا انت عارفه ؟ وحات الله انتي السبب . لانو في بالى
ارد على السؤال بتاعك .... لكن لقيتك هههههههههههههههه مبالغة .
................ نقط نقط درجة أولي ؟؟؟ ان شاء الله المريخ يغلبوا
المرة الجاية هههههههههههههههههه

[سودانية وافتخر]

يـا سلاام ع الككر يا ميووسة فكرة جميلة والاستمرار في الفكرة اجمل كما عهدتكم داائمــا .. :)
المساافر الله يعيينك يا خووي انا حمشي اخد لي لفة وبجييك راجعة بأسإلتي وشمشرااتي خخخ

خاارج المحور: وبالمنااسبة يا جمااعة مشتااقين شدييد والله .. :)

[سودانية وافتخر]

ياا سلاام عـ (الككر) يا ميووسة فكرة جمييلة جداا والاستمراار فيها اجمل كما عهدتكـم دومـا متميزين مبدعين.. :)

المساافر اخووي الله يعيينك والله على الككر ,, اما انا حمشي اخد لي لفة وارجع لييك بأسإلتيي وشمشرااتي..خخخ

خارج المحور: بالمناسبة يا جماعة مشتاقيين شديييد والله

[مايسة]

لكِ التحية أختي مايسة
وبالتوفيق في
الككر (اللهمّ زدنا علماً:o)
إن شاء الله.:)

عندي لستة مُمكن أضع ليك جزء منها؟!:rolleyes::)


بالمناسبة وين أخينا المسافر؟!
(مع أننا في آخر الشهر):rolleyes::cool:





















سلامكو يا بتنا

ختي العايزاهو ياخ - مقبول مقدما
اها سؤالك الاخير دا سنقوم بتوجيهه للمسئول عنه نفسه :cool:

[مايسة]

شنو الإرهاب دا يا عم محجوب

اصلا الجماعة متسببين - واهو شفته نطو من الاول -

خليك مهاود معاهو واسمع كلام ابو لوزة دا -
وجيب ليهو ككر بالجد - :o

[مايسة]

هسي في داعي للحتة الضيقة الدخلتينا فيها دي!!
ماكان ياخ تشوفي ليك كلمة خفيفة ما تحرجنا بيها قدام الامم دي!!:mad:


------
النبي فيك شفتي الككر دا!!!


لو عملته كدا راح تثقفي كيف طيب
وبعدين شفتو اي في الصور بتاعت دروس ملوك سنار الادونا ليها زمان
-----------
ياخ انت غنية حمام الجك ما عرفتيها - عايزة تعرفي الككر
----------
عالم باريسية بشكل ;)

[مايسة]

انت هين يا خالد ياخ
ابوعبدالرحمن في لفة من لفات هذا المنتدي
قال مخاطبا لبدرالدين
"تسلمي"

تقول لي الككر وحصة التاريخ!!

لكن مسئول من الخير
هو* كان في سنة كم ياخ!!


* الضمير في "هو" راجع للككر ، ثمح!:cool:



غايتو الواحد اصلو ما يأمنك على سر
لقيتك بتنشري الغسيل بالطريقة الصح :o

[مايسة]

بسم الله يا فتاح يا عليم

الإسم : خالد حسن أحمد سيدأحمد هاشم
الدلع : أبو الدقيق ( عنكا )
مكان الميلاد : ود مدني حي بانت
السكن حالياً : حي دردق شرق - جنب نقطة البوليس
المراحل التعليمية : ( السلمابي الإبتدائي ، الأهلية (أ) المتوسطة ، مدني العربية الثانوية ، جامعة الجزيرة - كلية العلوم والتكنوجيا )
الحالة الإجتماعية : ما تحرجونا ياخ
العمل : وزارة الداخلية - دولة الإمارات العربية المتحدة
المراحل في المنتدى : ( عضو ، موقوف مؤقتاً ، معتقل ، مشرف )


هههههههه
مراحل المنتدى دي - ما شايف انهم لفوك فيها - انا لو منك بطلب ابقى الادمن عديل :cool:;)

اها سعال

من ماذا يخشى خالد عموما وخاصة

[مايسة]

انا اسمي مكتوب
طيييييييييييييييب
;);););)
:cool::cool::cool::cool:


دا شنو دا تهديد :pولا تشويق :o:cool:

واسماء قالت راجياك للحول - ما تقصري ليها المسافة واحكي ليها هناك ;):D

[مايسة]

يـا سلاام ع الككر يا ميووسة فكرة جميلة والاستمرار في الفكرة اجمل كما عهدتكم داائمــا .. :)
المساافر الله يعيينك يا خووي انا حمشي اخد لي لفة وبجييك راجعة بأسإلتي وشمشرااتي خخخ

خاارج المحور: وبالمنااسبة يا جمااعة مشتااقين شدييد والله .. :)


ياخ انتِ العثل - وينك مختفية كدا
يلا جيبي شماراتك وتعالي بسراع :o

[مايسة]

اووووووووووووووووووه
المسافر ابن عمي :o:o:o

اها يافردة انا جاياك اهداءات سااااااااااااااااااااااي ;)

الفنان في مطلع الغنية بيقول :
"حبيت كم مرة ياقلبي مرة واتنين وتلاتة
شقيت كم مرة ياقلبي شقيت فيهم التلاتة


اغنية الفنانة الواعدة"قال انه فنان"
ضقت معاك ليالي سنين همي وشقايا
معاك ماضقت حلوة طوالي بتزيد شقايا
وبقولا وصوتي عالي ويقولو الناس ورايا
في ستين الف دهية ومابتنفع معايا
من غير مطرود اتفضل برا من قلبي
والله خسارة ريدك ومابتستحق حبي

وتاني
ببقي صريح معاك اقول ليك بامانة عمليتك ماظريفة وحركتك جبانة

وتاني
وانا في نومي بتقلب حرامي القلوب تلب سألتا رامي ورندا هوي قفلتو البرندا وانا داير اتعشا وأحلي بي ميرندا واخد لي سندة ورقدتا ونعستا وسرحتا عاينتا للحيطة في حرامي لي تلب




http://www.youtube.com/watch?v=NTPwKN_xW0c&feature=related

رايك شنو في الحاجة دي ؟؟؟

لمن تهدي الابيات السابقة ؟؟؟


هههههههههههه
ما يطلبه النفاجون

غايتو جنس اغاني :o

[سودانية وافتخر]

اها يااخووي سؤااال دار في خاطري وانا كنت باخد لفة في نفافيجوو

مـا هـو سر عـدائـكـ الدفيـن للعنصـر النسـائـي ؟؟

[سودانية وافتخر]

ياخ انتِ العثل - وينك مختفية كدا
يلا جيبي شماراتك وتعالي بسراع :o

تسلملي حبيبتي ,, والله متوااجدة بس الفترة الفاتتت دي كنت مزحوومة شديييد وعلشااان كدا يعني

[أحمد عمر ( MOODY )]

الككر .. الككر
أها أهو ده ليهو

http://i56.tinypic.com/2ynmkpw.jpg
عليك الله يا أم جمال بطِّلي الإنصرافية بتاعتك دي


خلّينا نفضى للزول ده
أبو الدقيق .. أمانة مااااااااااا وقع راجل

[مايسة]

تسلملي حبيبتي ,, والله متوااجدة بس الفترة الفاتتت دي كنت مزحوومة شديييد وعلشااان كدا يعني


ربنا يعينك يا رب ويسهل ليك يا نونة

بس خليك قريبة :d

[مايسة]

الككر .. الككر
أها أهو ده ليهو

http://i56.tinypic.com/2ynmkpw.jpg
عليك الله يا أم جمال بطِّلي الإنصرافية بتاعتك دي


خلّينا نفضى للزول ده
أبو الدقيق .. أمانة مااااااااااا وقع راجل


ياخ الله يعافيك يا مودي

لي يومين بفتش لي في صورة ككر لناس باريس والافرنجيين ديل وما لاقية

اها البركة جبتو عشان الجماعة يتثقفو :cool:
--------------
اها بخصوص الضيف - أفحمو - ومعلوم الافحام حقك بكون كيف :)
بس براحة شوية عليهو - عشان ما يطير :cool:

[ابو عبد الرحمن]

الككر .. الككر
أها أهو ده ليهو

http://i56.tinypic.com/2ynmkpw.jpg
عليك الله يا أم جمال بطِّلي الإنصرافية بتاعتك دي


خلّينا نفضى للزول ده
أبو الدقيق .. أمانة مااااااااااا وقع راجل
عليك الله يا مودي كان سألناك صورة ( الكركر )ده لقيتها وين ؟؟
غاتو النفاج ده فيهو جنس محن ؟ ناس ملحوسه وناس مربوشه وناس
شلقانه وناس حيرانه وناس حبيبة وسهرانه وناس في حالها وناس
دايشه وناس رايحه وعمله نفسها ما رايحه وناس ما رايحه وعمله
نفسها رايحه . وناس بتاوق وتفتش لمخارجه ....... وناس سّراقه
غايتو المسااافر شكلو حا يتعب كثير ههههههههههههههه

[مدناوية]

ناولوني الككر دا .. خلوني النتكوكر فيهو ..

فترته من الحوامة ...


_______________
_____________
__________
________
_____
___
_


المسافر .. نهارك سعيد ...

[أحمد عمر ( MOODY )]

عليك الله يا مودي كان سألناك صورة ( الكركر )ده لقيتها وين ؟؟
غاتو النفاج ده فيهو جنس محن ؟ ناس ملحوسه وناس مربوشه وناس
شلقانه وناس حيرانه وناس حبيبة وسهرانه وناس في حالها وناس
دايشه وناس رايحه وعمله نفسها ما رايحه وناس ما رايحه وعمله
نفسها رايحه . وناس بتاوق وتفتش لمخارجه ....... وناس سّراقه
غايتو المسااافر شكلو حا يتعب كثير ههههههههههههههه



الككر يا أبو عبد الرحمن الككااااااااااااااااار
قال الكركر .. قال
ناس مدنية و بت أم درمان عرفناهم .. إنت مااااااااااااالك
;) ;) ;) ;) ;)

[بنت الرفاعي]

قبل كده سمعتي ليك مشرف بكون موجود في المنتدى !!!؟؟

وطيب !!!!!!!!!







غايتو غيرك اللي بتكون غالباً مافي؟!
ما سمعت!!!! :rolleyes: :cool:

[بنت الرفاعي]

سلامكو يا بتنا



ختي العايزاهو ياخ - مقبول مقدما

اها سؤالك الاخير دا سنقوم بتوجيهه للمسئول عنه نفسه :cool:




وعليكم السلام ورحمة الله وبركاته.:)

شكراً لك وتسلمي.:)

هو يعني كان موجود علشان يجاوب؟! :cool: :D

[بنت الرفاعي]

أخي المُسافر:rolleyes:(وجه جاد جداً :)):

ما هو شعورك وأنت تكاد تقترب من أواخر العقد الثالث؟!
وهل تظن أنك قد حققت ما تصبو إليه من أحلام وآمال؟
وإن لم يكن فإلى أي مدى وصلت في ذلك؟
:):):)

[ود المطامير]

[CENTER]المراحل في المنتدى : ( عضو ، موقوف مؤقتاً ، معتقل ، مشرف )
هع هع هع هع

ما شاء الله تبارك الله

شهادات السرور آبوى

هع هع هع هع

[ود المطامير]

انت هين يا خالد ياخ
ابوعبدالرحمن في لفة من لفات هذا المنتدي
قال مخاطبا لبدرالدين
"تسلمي"


عليك النبى ؟

والله يا أم جمال فيك الخير

دا عنوان بوست جاااااهز
;););)

[ود المطامير]

عليك الله يا مودي كان سألناك صورة ( الكركر )ده لقيتها وين ؟؟
غاتو النفاج ده فيهو جنس محن ؟ ناس ملحوسه وناس مربوشه وناس
شلقانه وناس حيرانه وناس حبيبة وسهرانه وناس في حالها وناس
دايشه وناس رايحه وعمله نفسها ما رايحه وناس ما رايحه وعمله
نفسها رايحه . وناس بتاوق وتفتش لمخارجه ....... وناس سّراقه
غايتو المسااافر شكلو حا يتعب كثير ههههههههههههههه
وناس من الحرامى تلب ليهم

قال لبدرالدين تسلمى

أمانه ما وقعت معاى

( مدنيه ... تسلمى والله )

[ود المطامير]

الككر يا أبو عبد الرحمن الككااااااااااااااااار
قال الكركر .. قال
ناس مدنية و بت أم درمان عرفناهم .. إنت مااااااااااااالك
;) ;) ;) ;) ;)
هع هع هع

يا حولاااااااااا

ياخى هى الجابتها مدنيه ما خلصنا منها

تقوم تردم ليهو تانى ؟ ;)

[ود المطامير]

أبوالدقيق

صِف لنا فترة وجودك فى غوانتانامو

[المسافر]

انت هين يا خالد ياخ
ابوعبدالرحمن في لفة من لفات هذا المنتدي
قال مخاطبا لبدرالدين
"تسلمي"

تقول لي الككر وحصة التاريخ!!

لكن مسئول من الخير
هو* كان في سنة كم ياخ!!

* الضمير في "هو" راجع للككر ، ثمح!:cool:



كويس بالمناسبة دي مفروض تسو لينا دورة ( بتاعت لغة عربية )
غايتو أنا بصراحة أفريقي ومتبري من العرب نهائياً

وقبل من أقول ليك كانت هي * سنة كم ، إنت أم (9) ولا أم (8)
عشان أعرف احدد بس . . .
والمضمير هي * راجعة للحصة بتاعت التاريخ . . .

[المسافر]

انا اسمي مكتوب
طيييييييييييييييب
;);););)
:cool::cool::cool::cool:



كويس
سخني بس

[المسافر]

[/color][/size][/center]



يااااااااخ
بالله هو انت
التوقيع: وش مندهش :confused:



ما عارف أقول ليك أنا ولا ما أنا
لكن بقول ليك ( على حسب الغرض من السؤال )

[المسافر]

اووووووووووووووووووه
المسافر ابن عمي :o:o:o

اها يافردة انا جاياك اهداءات سااااااااااااااااااااااي ;)


أهلين با بت عمي
الأغاني الهابطة ما عندك لكن


الفنان في مطلع الغنية بيقول :
"حبيت كم مرة ياقلبي مرة واتنين وتلاتة
شقيت كم مرة ياقلبي شقيت فيهم التلاتة


أنا بعتبر دي إهانة كبيرة ل( قلبي ) وقلبي من مطلعو للربا والتلاف ، لكن أمس إتلخبطت بشكل رهيب ( ما عرف أنا مواعد واحد الساعة أتنين ، ولا أثنين الساعة واحدة ).

اغنية الفنانة الواعدة"قال انه فنان"
ضقت معاك ليالي سنين همي وشقايا
معاك ماضقت حلوة طوالي بتزيد شقايا
وبقولا وصوتي عالي ويقولو الناس ورايا
في ستين الف دهية ومابتنفع معايا
من غير مطرود اتفضل برا من قلبي
والله خسارة ريدك ومابتستحق حبي


بالسنبة للأغنية الثانية وأنا بعتبرها أغنية ممتازة تعبر على تداخل العواطف السامية في مفرادات حياتنا اليومية وواقعنا المرير ، وهنا يأتي على بالي الأغنية الرائع ( الساعة كم ) ، بس ما عرفنا الساعة كم ( بالجديد ولا بالقديم ) .

وتاني
ببقي صريح معاك اقول ليك بامانة عمليتك ماظريفة وحركتك جبانة


والموضوع دي حاجة نسبية ، ربما هنالك بعض الشخوص يرون أن هذه العملية ليست بجبانة بل أنها ( صراحة ووضوح ) ، ولا إنتو عايزين شنو بالضبط كده ، يعني يغشو ولا كيف ؟

وتاني
وانا في نومي بتقلب حرامي القلوب تلب سألتا رامي ورندا هوي قفلتو البرندا وانا داير اتعشا وأحلي بي ميرندا واخد لي سندة ورقدتا ونعستا وسرحتا عاينتا للحيطة في حرامي لي تلب


أنا في نومي بتقلب ، ده واحد بحلم ساي ويجب أن لا نعير له أي أهتمام وننصحه بأن يتغطى كويس قبل ما ينوم .


http://www.youtube.com/watch?v=NTPwKN_xW0c&feature=related


الأيام دي هي ناقصة أخبار سواد لكن أكبر خبر سواد أنو نحن بسمع للزول ده .

رايك شنو في الحاجة دي ؟؟؟

لمن تهدي الابيات السابقة ؟؟؟


وفي الختام بطلب أيضاً أغنية ( المحروق يرروق ) وبهديها لنونو سوسو وديدي وريري وفوفو وكل الاهل بالفعج .

[المسافر]

هههههههه
مراحل المنتدى دي - ما شايف انهم لفوك فيها - انا لو منك بطلب ابقى الادمن عديل :cool:;)
اها سعال
من ماذا يخشى خالد عموما وخاصة


لفوني فيها لفة شديدة والله ،
لكنني صابر وصبري في المنتدى أقوى سلاح ههههههههههههه

وخوفي من باكر ويا ريت يأتي بلا هم

[الملكة اسماء ( ام محمد )]

[/color][/size]


ما عارف أقول ليك أنا ولا ما أنا
لكن بقول ليك ( على حسب الغرض من السؤال )[/CENTER]

يعني لو الغرض من السؤال تهمة بالسرقة فانت ماانت
ولو لانك زول مشهور بحاجات جميلة وحلوة فانت انت ;)
خلاص انت انت
وكان ماانت انا ماابقى انا

[المسافر]

اها يااخووي سؤااال دار في خاطري وانا كنت باخد لفة في نفافيجوو

مـا هـو سر عـدائـكـ الدفيـن للعنصـر النسـائـي ؟؟



ههههههههههههههههه
عداء أديل كده ، لا ياخ ما تفهميني صاح !!!!! غلط قصدي
أنا بس بحاول أختهم في علبهم وواقعهم بس ، كان مفروض
ألقى منهم دعم ، لكن هم فهموني غلط زيك كده
وفي الواقع ( المزز ) ديل ملح الحياة وشطتها في نفس الوقت

[المسافر]

الككر .. الككر
أها أهو ده ليهو

http://i56.tinypic.com/2ynmkpw.jpg
عليك الله يا أم جمال بطِّلي الإنصرافية بتاعتك دي
خلّينا نفضى للزول ده
أبو الدقيق .. أمانة مااااااااااا وقع راجل


إنصرافية يعني شنو ؟
وقعها لينا عشان هي تفهم ونحن نضحك
قصدي عشان هي تفهم ونحن نفهم ياخ ما تخلينا نضربك ساي

[المسافر]

عليك الله يا مودي كان سألناك صورة ( الكركر )ده لقيتها وين ؟؟
غاتو النفاج ده فيهو جنس محن ؟ ناس ملحوسه وناس مربوشه وناس
شلقانه وناس حيرانه وناس حبيبة وسهرانه وناس في حالها وناس
دايشه وناس رايحه وعمله نفسها ما رايحه وناس ما رايحه وعمله
نفسها رايحه . وناس بتاوق وتفتش لمخارجه ....... وناس سّراقه
غايتو المسااافر شكلو حا يتعب كثير ههههههههههههههه



ما هو ده فائدة ككر ماسة ده أنو مدته (3) ايام فقط
يعني لما مودي يفكر في سؤال يكونو أفرجوا عني

[المسافر]

ناولوني الككر دا .. خلوني النتكوكر فيهو ..
فترته من الحوامة ...
_______________
_____________
__________
________
_____
___
_
المسافر .. نهارك سعيد ...



نهارك أسعد يا أختي
وإنت جاية من وين تعبانة كده
مش أنا حذرت تتمشي تتحاومي في المنتدى
قبل ما تجي النفاج ، ياخ ده بيتكم كم مرة
اشرح ليك ياخ .

[المسافر]

غايتو غيرك اللي بتكون غالباً مافي؟!
ما سمعت!!!! :rolleyes: :cool:









بصراحة كده أنا الإشراف ده ماخدو ( هواية )
عشان كده ما بغش بالساهل ، بس يحولني إلى
( معترف ) ويدفعوا لي بتلقيني طوالي هنا .

[المسافر]

أخي المُسافر:rolleyes:(وجه جاد جداً :)):

ما هو شعورك وأنت تكاد تقترب من أواخر العقد الثالث؟!
وهل تظن أنك قد حققت ما تصبو إليه من أحلام وآمال؟
وإن لم يكن فإلى أي مدى وصلت في ذلك؟
:):):)











ليه ذكرتيني ياخ أنا كنت ناسي والله أني على في العقد الكتير ده
وبعدين السؤال ده كبير وخارج المقرر خالص . . .

وعلى العموم بكل تأكيد صعب جداً أن يرضى الإنسان
بما هو حاله ولكن الحمد لله راضي إلى حدٍ بما وساعي
إلى الرضا من جميع النواحي .

[المسافر]

هع هع هع هع
ما شاء الله تبارك الله
شهادات السرور آبوى
هع هع هع هع



شهادات تشرف ، وأحسن من شهاداتك ياخ
ياخ عندك شهادة ب( إيقاف سنة كاملة ) دي
مفروض تكون صاحب المنتدى ده أديل كده .

[أحمد عمر ( MOODY )]

المِحنة .. و النظرة الحايرة الفي الصورة دي
يا ربّي من شنو ..؟

الصلعة .. أصلية ولّلا تجميع تايوان ..؟

[المسافر]

أبوالدقيق
صِف لنا فترة وجودك فى غوانتانامو



أنا برضو أوصف ليك إنت ، ياخ إنت الخير والبركة بتاع غوانتانامو
وخبرة أكتر مني . . . بس تتذكر لما جانا الآدمن ونائبه عشان يزورونا
تتذكر الحركة العملناها ؟

[المسافر]

يعني لو الغرض من السؤال تهمة بالسرقة فانت ماانت
ولو لانك زول مشهور بحاجات جميلة وحلوة فانت انت ;)
خلاص انت انت
وكان ماانت انا ماابقى انا


إتحيرتني بقيت ما عارف أنو منو؟
على العموم أنا أنا زي ما عايزاني إنت إنت

[المسافر]

المِحنة .. و النظرة الحايرة الفي الصورة دي
يا ربّي من شنو ..؟
الصلعة .. أصلية ولّلا تجميع تايوان ..؟



والله كانت الصورة دي في عصر ( الإضمحلال ) الأول في المنتدى
كانت فترة عجيبة وغريبة ، وطبعاً سبب المحنة دي هي كثيرة المشاكل طبعاً .

[بنت الرفاعي]

بصراحة كده أنا الإشراف ده ماخدو ( هواية )
عشان كده ما بغش بالساهل ، بس يحولني إلى


( معترف ) ويدفعوا لي بتلقيني طوالي هنا .





:d :d :d
:):):)

[بنت الرفاعي]

ليه ذكرتيني ياخ أنا كنت ناسي والله أني على في العقد الكتير ده

وبعدين السؤال ده كبير وخارج المقرر خالص . . .
:rolleyes:
؟؟
!!
لكن ما أدونا المُقرّر مُحدّد.:rolleyes::cool:
!!



وعلى العموم بكل تأكيد صعب جداً أن يرضى الإنسان
بما هو حاله ولكن الحمد لله راضي إلى حدٍ بما وساعي

إلى الرضا من جميع النواحي .





نتمنى لك التوفيق في كل مساعيك إن شاء الله.
:):):)

[بنت الرفاعي]

لو تسمح تقول لنا
عن بعض المواقف:
الطريفة
و
الحزينة
و
السعيدة
التي مرّت بك.
:):):)

[أحمد عمر ( MOODY )]

إنصرافية يعني شنو ؟
وقعها لينا عشان هي تفهم ونحن نضحك
قصدي عشان هي تفهم ونحن نفهم ياخ ما تخلينا نضربك ساي


إنصرافية دي معناها كما ورد في القواميس تحوير مسار البوست
وهي من المصطلحات الإشتهرت بيها عمّتك
يعني زي ( لك العتبى حتى ترضى )

[حنونة.]

فى البداية اهنئ الاخ / المسافر على جلوسه فى الككر الملوكى رغم تدرجه التمردى فى النفاج
وتانى عزماك عصير تنقوليز ياخى الناس ده موية ما ادوك ليه
اها فى الختام بسال ماهى تداعيات اختيارك للقب المسافر

[آلاء عبد الرحمن]

السلام عليكم اولا
لميت في المنتدي ده كيف
ولقب المسافر اخترتو ليه؟

[مايسة]

نظرا لكمية البشر الممكونين وصابرين وعايزين فيك يوم

قررنا نحن هيئة الككر - ان نمد لك في ايامك :p- الى آخر الاسبوع :o

عليه الخميس سيكون آخر يوم لك في الككر - :cool:
-----------
اها قصرنا معاك

[مايسة]

المِحنة .. و النظرة الحايرة الفي الصورة دي
يا ربّي من شنو ..؟

الصلعة .. أصلية ولّلا تجميع تايوان ..؟


دا شنو يا مودي الاسئلة الميتانة دي
والعجب ود الجزيرة -
ياخ جيبو اسئلة كدا تخليهو يحلم بيكم وهو نايم - :d

[ود المطامير]

دا شنو يا مودي الاسئلة الميتانة دي
والعجب ود الجزيرة -
ياخ جيبو اسئلة كدا تخليهو يحلم بيكم وهو نايم - :d
أبيييييييييييييييييييييييييييييت

هو فردتى ياخ
جيبو أبوعبدالرحمن ولأ مودى ;)

[أحمد عمر ( MOODY )]

دا شنو يا مودي الاسئلة الميتانة دي
والعجب ود الجزيرة -
ياخ جيبو اسئلة كدا تخليهو يحلم بيكم وهو نايم - :d



ما سؤال الصلعة ده نظام دردقة و كده
و هو ذاتو عمل مِنِّو رايح .. لأنو سمعنا
تحت تحت قالوا الصلعة دي من الشواكيش

[همسات]

كويس
سخني بس




كدي الله يحلك انت اول
عشان تورينا التجربه كيف معاك


بالمناسبه دي احساسك شنو وانت قاعد في الكرسي الساخن
وبردمو فيك بالاسئله كده ؟ :cool::cool:

تاني : كثيرة هي تجاربنا في الحياه
من مواقف واحزان وافراح
ماذا تعلمت من تجاربك في الحياه ؟
وهل كل تجربه لك في الحياه كانت اضافه لك ؟
اعني كل التجارب في الحياه وليس العاطفيه فقط :cool::cool:


وتاني:
ماهي الشخصيات المؤثره في حياتك ؟



:p:p:p:p
;);););)
:cool::cool:
دي معناها معليش للاسئله الكتيره
لكن نحنا حروشنا نردمك ردم صاح







ودمت بخير

[سودانية وافتخر]

ههههههههههههههههه
عداء أديل كده ، لا ياخ ما تفهميني صاح !!!!! غلط قصدي
أنا بس بحاول أختهم في علبهم وواقعهم بس ، كان مفروض
ألقى منهم دعم ، لكن هم فهموني غلط زيك كده
وفي الواقع ( المزز ) ديل ملح الحياة وشطتها في نفس الوقت

وبمــا إنـكـ طريـت الواقع مقـرون بالفتـاه السودانية فهـل في نظرك ان الفتاة السودانية في هذه الايام بالتحديد واقعية ام حالمـة بزيادة؟؟

[ام رغد]

المسافر؟؟؟؟؟ بترجع متين؟؟؟؟

[المسافر]

لو تسمح تقول لنا
عن بعض المواقف:
الطريفة
و
الحزينة
و
السعيدة
التي مرّت بك.
:):):)















موقف طريف حصل لي اليوم ، الصباح جاتني رسالة ( غزل ) عنيفة جداً من السودان بالخطأ من واحدة لزوجها ، وطبعاً أنا فهمت أنها بالغلط بعد فترة وبعد ما جهجهتني شديد جداً .

أما المواقف الحزينة فهي كثيرة وأفضل أن أحتفظ بها لنفسي ولا أتذكرها .

أم موقف سعيد فهي أيضاً كثيرة والحمدلله فاليوم تمت إخباري أنه تم إختياري كأفضل موظف في نفس اللحظة الكنت ماشي أعترض على كمية العمل الملقاه علي ، فطوالي جريت واطي .

[المسافر]

إنصرافية دي معناها كما ورد في القواميس تحوير مسار البوست
وهي من المصطلحات الإشتهرت بيها عمّتك
يعني زي ( لك العتبى حتى ترضى )



والله يا ود مودي القاموس ده أنا كنت بتمناه في أول البوست لكن نقول شنو ؟
وكان من مصطلحات عمتي مدنية ، فجد عمتي من فترة كده بقت ( غامضة ) جدا ما عارف الحاصل مالا ؟

[المسافر]

فى البداية اهنئ الاخ / المسافر على جلوسه فى الككر الملوكى رغم تدرجه التمردى فى النفاج
وتانى عزماك عصير تنقوليز ياخى الناس ده موية ما ادوك ليه
اها فى الختام بسال ماهى تداعيات اختيارك للقب المسافر


والله العظيم إنت الفيهم الوحيدة الهنتني وجابت لي ( عصير ) مهما كان نوع العصير المهم النية . . . وطبعا أنا أكتر شخص عني ألقاب وربما بكترة المواقف وخصوصا الظريفة البتمر علي وبدخل نفسي فيها ، ولقب المسافر تحديداً كان في قبل تخرجي بفترة حيث كنت بستعد للسفر ولقبني ليهو أحد الاصدقاء.

[المسافر]

السلام عليكم اولا
لميت في المنتدي ده كيف
ولقب المسافر اخترتو ليه؟




وعليكم السلام الأخت آلاء

وقصتي من المنتدى كدا كانت صدفة جدا وأنا بفتش في النت عن موقع لجامعة الجزيرة ومن ديك وعيك ومريت بجميع الأوضاع المسموح بها وغير المسموح في المنتدى . .

وبخصوص اللقب ، فكان في أيام ( التخرج ) في جامعة الجزيرة ، حيث تكون بستعد للسفر أثناء إعداد بحث التخرج ، والإسم من الوقت وهو معي ( خالد المسافر ) .

[المسافر]

نظرا لكمية البشر الممكونين وصابرين وعايزين فيك يوم
قررنا نحن هيئة الككر - ان نمد لك في ايامك :p- الى آخر الاسبوع :o
عليه الخميس سيكون آخر يوم لك في الككر - :cool:
-----------
اها قصرنا معاك



ليك يوم يا ظالم
ليه بس كدا بس كدا بس

[المسافر]

ما سؤال الصلعة ده نظام دردقة و كده
و هو ذاتو عمل مِنِّو رايح .. لأنو سمعنا
تحت تحت قالوا الصلعة دي من الشواكيش



هههههههههههههههههههه
شاكوش شنو بسوي صلعة ده ياخ
إنت قاعد وين ، هسه الشاكوش ممكن
يكون في كل يوم ياخ ، الصلعة دي نتيجة
العلم والعبقرية ، لكن بيني وبينك كده دي
نتيجة للصبر بس .

[المسافر]

أبيييييييييييييييييييييييييييييت

هو فردتى ياخ
جيبو أبوعبدالرحمن ولأ مودى ;)


والله أيام غوانتنامو طمرت فيك والله
وأنا حأقيف معاك وقفة رجل واحد
بس ما تتفاجأة بعدين .

[بت مارنجان]

موقف طريف حصل لي اليوم ، الصباح جاتني رسالة ( غزل ) عنيفة جداً من السودان بالخطأ من واحدة لزوجها ، وطبعاً أنا فهمت أنها بالغلط بعد فترة وبعد ما جهجهتني شديد جداً .

برضو انعشو ليك صباحك وكدا :o:o

أم موقف سعيد فهي أيضاً كثيرة والحمدلله فاليوم تمت إخباري أنه تم إختياري كأفضل موظف في نفس اللحظة الكنت ماشي أعترض على كمية العمل الملقاه علي ، فطوالي جريت واطي .

ناس تخاف ماتختشيش ;)
اها ان شاء الله في حافز مادي وماتقول لي اهم الادبي
لاني حقول ليك لملم عفشك وارجع ساااااااااااااااااي :mad::rolleyes:

[المسافر]

كدي الله يحلك انت اول
عشان تورينا التجربه كيف معاك


الله يحل الجميع وما تخافي بعدين بنقيف معاك
وبنسألك على حسب طلبك

بالمناسبه دي احساسك شنو وانت قاعد في الكرسي الساخن
وبردمو فيك بالاسئله كده ؟ :cool::cool:


هههههههههههه الإحساس ده خليهو مفاجأة
عشان ما تجيك صدمة حضارية


تاني : كثيرة هي تجاربنا في الحياه
من مواقف واحزان وافراح
ماذا تعلمت من تجاربك في الحياه ؟
وهل كل تجربه لك في الحياه كانت اضافه لك ؟
اعني كل التجارب في الحياه وليس العاطفيه فقط :cool::cool:


ممكن أكون إتعلمت كثير جداً في غربتي وخصوصا وأنا لم
أجلس في السودان فترة طويلة ، وفعلا تعملت تحمل المسؤولية
بمعناها الحقيقي وليس المعنى الموجود في السودان .


وتاني:
ماهي الشخصيات المؤثره في حياتك ؟


شخصية الرسول صلى الله عليهم وسلم بجد فيهم خلاص
لك مشاكلي الآنية واللاحقة ، فهو كل المعاني الجميلة . .
وكذلك شخصية والدي رحمه الله فكان له دور مؤثر في حياتي
برغم الحرية الكبيرة التي منحنا لها .


:p:p:p:p
;);););)
:cool::cool:
دي معناها معليش للاسئله الكتيره
لكن نحنا حروشنا نردمك ردم صاح



ومعليش دي أنا اشتريها من ياتو صيدلية
لكن أصبري بس ( بجي الخريف واللواري بتقيف )

ودمت بخير



مع خالص الشكر والتقدير

[المسافر]

وبمــا إنـكـ طريـت الواقع مقـرون بالفتـاه السودانية فهـل في نظرك ان الفتاة السودانية في هذه الايام بالتحديد واقعية ام حالمـة بزيادة؟؟


الفتاة السودانية أصبحت أكثر واقعية وهي بكل تأكيد عكس طبيعتها التي خلقها عليها الله سبحانه وتعالى ، واقعيتها أفقدتها الرقة والعطف والحنان أما الواقعية التي هي مندفعة إليها أصبحت ( مادية ) .

[المسافر]

المسافر؟؟؟؟؟ بترجع متين؟؟؟؟



أرجع وين يا أم رغد
أنا جيت الإمارات نهائي

[المسافر]

ناس تخاف ماتختشيش ;)
اها ان شاء الله في حافز مادي وماتقول لي اهم الادبي
لاني حقول ليك لملم عفشك وارجع ساااااااااااااااااي :mad::rolleyes:



ما هرشوني يا بت عمي لكن كتلو لي قلبي ياخ
الجائزة لسه ما عرفتها يوم 15 إبريل إن شاء الله
بس يدوني ليها بوريك طوالي .

[الملكة اسماء ( ام محمد )]

خالد ...
منتصف ليل سعيد ان شاء الله
الساعة عندي هسي وحدة وربع

جاء على بالي سؤال وانا باخد في جولتي الخفافيشية المعتادة


رغم المرح والتفائل بين حروفك الحمراء دائما تشوب الصورة لدي نبرة حزن

السبب شنو؟؟



سؤال تاني :
المراءة ... شريكة العمر الجميل ماهو موقعها في حياتك ؟

[الملكة اسماء ( ام محمد )]

موقف طريف حصل لي اليوم ، الصباح جاتني رسالة ( غزل ) عنيفة جداً من السودان بالخطأ من واحدة لزوجها ، وطبعاً أنا فهمت أنها بالغلط بعد فترة وبعد ما جهجهتني شديد جداً .
.

دا موقف حزين بيني وبينك

تخريمة: بخصوص الاخت الماحافظة رقم تلفون راجلها دي ... شغال طيار مثلا؟

[مايسة]

ليه يعني خامينا كدا -

اها شوف دي - وختامه مسك - قصة طويلة جدا

احكي لينا مما ولدوك لحد ما بتكتب في اجابة السؤال دا

مرورا بأي شئ - :o:cool::p

[آلاء عبد الرحمن]

والله يامايسة اوجزتي واوفيتي ^_^

[خالد علونى]

ليه يعني خامينا كدا -

اها شوف دي - وختامه مسك - قصة طويلة جدا

احكي لينا مما ولدوك لحد ما بتكتب في اجابة السؤال دا

مرورا بأي شئ - :o:cool::p






مايسة



بي طريقتك دي بقول رجعوني غوانتاموا تاني



براها اليومين دي الأسباب راااااااااااااااااااااااااااااااااااااااقدة


باكر بقيف مع فردتوا ود المطامير وزي ما قال مودي



بتلم التعيس (ود المطامير) علي خايب الرجا (المسافر)



هوي أنا ما قلت الكلام دا



قالوا مودي



وهو ما فسر وأنا ما قصرت تميت الباقي




إنت ابو الدقيق دي حكايتا شنو؟

[ام ساره]

سؤال واحد بس بمااني جيت متاخره ماهي الاحلام التي تود ان تحققها؟

[أحمد عمر ( MOODY )]

هههههههههههههههههههه
شاكوش شنو بسوي صلعة ده ياخ
إنت قاعد وين ، هسه الشاكوش ممكن
يكون في كل يوم ياخ ، الصلعة دي نتيجة
العلم والعبقرية ، لكن بيني وبينك كده دي
نتيجة للصبر بس .




هههههههههههههههههههههههههههههه
ما هو الشاكوش في حد ذاتو ما بعمل صلعة
لكن لمّان تجي تداوي مكان الفلقة لازم تزيل الشعر

[أحمد عمر ( MOODY )]

مايسة



بي طريقتك دي بقول رجعوني غوانتاموا تاني



براها اليومين دي الأسباب راااااااااااااااااااااااااااااااااااااااقدة


باكر بقيف مع فردتوا ود المطامير وزي ما قال مودي



بتلم التعيس (ود المطامير) علي خايب الرجا (المسافر)



هوي أنا ما قلت الكلام دا



قالوا مودي



وهو ما فسر وأنا ما قصرت تميت الباقي




إنت ابو الدقيق دي حكايتا شنو؟



يا جنا إنت هسه سألوك من الكاشف أخوك
تقتبس كلام مايسة .. وتهبش أحمد عمر



علوني .. جمعة مباركة
:p:p:p:p:p

[مايسة]

علوني يا اخوي مالك قلبته على الجماعة

لكن كلامك مظبوط :cool:

[مايسة]

يا جنا إنت هسه سألوك من الكاشف أخوك
تقتبس كلام مايسة .. وتهبش أحمد عمر



علوني .. جمعة مباركة
:p:p:p:p:p


معليش هو قاصد العكس بس :p:D

[مايسة]

غدا السبت - بإذن الله

أم رغـــــــــــد

وما تخافي خليك مرتاحة بس والناس براها هى البتجيك -

واي دعم كووول أم رقبة :cool:


تخريمة : ككرك أسبوع - اوكي ;)

[المسافر]

خالد ...
منتصف ليل سعيد ان شاء الله
الساعة عندي هسي وحدة وربع

جاء على بالي سؤال وانا باخد في جولتي الخفافيشية المعتادة

رغم المرح والتفائل بين حروفك الحمراء دائما تشوب الصورة لدي نبرة حزن

السبب شنو؟؟

سؤال تاني :
المراءة ... شريكة العمر الجميل ماهو موقعها في حياتك ؟




أهلين يا أم محمد

ومساء الفل عليك

وبدون ما تحس تجد من منحك سعادة هو من تسبب ليك بتعاسة
فأحترت ( هل احفظ له تلك السعادة ، أم ألومه على ما سببه لي من تعاسة )
و( أفكاري) بين هذا وذلك ، إتلهى ( قلبي ) في وحدته وماتت كل احاسيس
جميلة كانت تملأ كل أجزائه وإنتقلت العدوى إلى افكاري وخلّفت حزن عميق
لا أعرف كيف أميته في دواخلي .

والمرأة بالنسبة لي شيء جميل بس غير مفهوم .

[المسافر]

دا موقف حزين بيني وبينك
تخريمة: بخصوص الاخت الماحافظة رقم تلفون راجلها دي ... شغال طيار مثلا؟



هههههههههههه حزين بالنسبة لغيري أو غريب ربما . .

وزوجتها حرف أسمه الاول زي حرفي عشان كده أمكن
في لحظة سرعة حصل الحصل . .

[المسافر]

ليه يعني خامينا كدا -
اها شوف دي - وختامه مسك - قصة طويلة جدا
احكي لينا مما ولدوك لحد ما بتكتب في اجابة السؤال دا
مرورا بأي شئ - :o:cool::p




زي الساعة 3 بالليل مشوا للداية ( عشة ) عشان تجي تطلعني للدينا والداية زهجت قالت هسه ده مواعيد ولادة ، وجاتي وخرجت للدينا أمكن الساعة 4 وأمكن 9 ما عرفي بس في الرنج ده ، وطلعت وكوركت ( هاو هاو هاهو ) وقطعوا الحبل السري وغسلوني بموية ومسحوني بزيت سمسم ولبسوني المرية ، وبعدها ودوني لأمي عشان ارضع وختو تحت مشمع أحمر، ونمت زي الساعة 12:25 ضهر وصحيت تاني من زحمة الناس البتجي تبارك أها بالطريقة دي أنوم وأصحى وأرضع و أسوي . . . . . في المشمع الأحمر لمدة أسبوع وجابو الخروف في اليوم السابع وضبحوه وجوا سموني ( خالد ) وأستمريت بين ( الرضاعة والنوم والبكاء وال . . . . في المشمع الأحمر ) ده كان كلو موضوعي لمدة 5 شهور ، وبعدها أدوني ( شوية موية ) وبديت أتكلم بكلمات أنا زاتي ما كنت فاهمها وبديت أصنقر بعدما ما ختوني في كرتونة والحاجة الحلوة أني كنت قاعد أضحك بس في شنو ما عارف برضو ولما وصل عمري 7 شهور بديت أحبي شوية شوية ولما وصلت 11 شهر بديت أمشي ، لكن كنت طوالي بقع ياخ ما عارف المشكلة كانت وين بالضبط كده ، ولما كملت السنة عملوا لي عيد ميلاد وأستمريت في عدم الموضوع ده لغاية 4 سنة وبعدها ودوني ( الكمبوني ) كنت بمشي الكمبوني مع ست حكمت وكانت بديني سندوتش بتاع فول وكانت الحصصة كلها عبارة عن رسم وبس وشوية إنجليزي درست (kg1) و(kg2) ولما كملت 6 سنوات ودني المدرسة بعدما اشتريو لي الرداء الازرق والقميص اللبني ، وكنت بشمي وبجي يومياً ولمدة 6 سنوات ، وبعدها مشيت المتوسط وبقيت ألبس الرداء البني والقميص البيجي ( بنج ) ، وبقيت أمشي وأجي لمدة (3) سنوات ، وبعدها ودني ( مدرسة مدني العربية ) وبقينا نلبس على مزاجنا وبرضو نمشي ونجي على مزاجنا وفي آخر السنة حصلت مشكلة بين مصر والسودان وأمتحنت للثانوي أمتحان نصو ( سوداني ) والنص التاني ( مصري) إمتحان غريب وعجيب ( اللهم يأخذ الإنقاذ دنيا وآخر ) ، وبعدها دخلت جامعة الجزيرة وكنت طالب مجتهد ومؤدب جدا وأتخرجت يوم يوم الخميس ويوم الاحد طوالي جيت الإمارات ، وإشتغلت في الوزارة وبقيت امشي الشغل وأجي في حالة مملة جداً وانتظر الاجازة بفارق الصبر الاجازة السنوية عشان أمشي أو أنتظر إجازة أهلي عشان يجوني ، وأستمر هذه الحالة المحزنة والكيئبة جداً . . . وفي يوم الجمعة الموافق 1/4/2011 أتصل بي الاخ ( مودي ) وقال لي الشباب جايني عندنا ( ود المطامير ، نزار أحمد ) ويا ريت لو تجي وفعلا ركبت العربية ومشيت ليهو وهناك ألتمينا لمة حلوة واتونسنا ونسات كتيرة وإتذكرنا أيام ( غواتنامو ) وعند الساعة 11 ونصف ودعت الجماعة وجيت راجع البيت ، وفتح اللاب توب وشغلنت النت وفتحت منتديات ودمدني ، وإنتقلت إلى قسم النفاج وفتحت بوست كركر النفاج يستضيف المسافر ورديت عليكم . .

هئ هئ هئ هئ هئ هئ هئ هئ هئ هئ هئ هئ هئ تاني ما عايز معاك

[المسافر]

مايسة
بي طريقتك دي بقول رجعوني غوانتاموا تاني
براها اليومين دي الأسباب راااااااااااااااااااااااااااااااااااااااقدة
باكر بقيف مع فردتوا ود المطامير وزي ما قال مودي
بتلم التعيس (ود المطامير) علي خايب الرجا (المسافر)
هوي أنا ما قلت الكلام دا
قالوا مودي
وهو ما فسر وأنا ما قصرت تميت الباقي
إنت ابو الدقيق دي حكايتا شنو؟


ولا بقول رجعوني أنا برااااااااااي بمشي ياخ
وما كان ده ككر ، متعب شديد والله هههههه

أبو الدقيق دي سماني ليها شباب المنتدى (بورتبيل ، ود المطامير )
وكانت نتيجة إصراري على المشاكل زي ما قالو لي طبعاً

[المسافر]

سؤال واحد بس بمااني جيت متاخره ماهي الاحلام التي تود ان تحققها؟


والله يا أم سارة إنت تجي في أي لحظة ما بينا ياخ
وبالنسبة للأحلام فهي كتيرة كتر السنين ولا حصر لها
لكنها تكاد تنحصر في الرضا من عند الله ورضا النفس
وكل من حولي ، وبعدها أجد نصفي الثاني كما أتمنى و و
و و و و و و و و و و و و و و و و و و و و و و و و بس .

[المسافر]

هههههههههههههههههههههههههههههه
ما هو الشاكوش في حد ذاتو ما بعمل صلعة
لكن لمّان تجي تداوي مكان الفلقة لازم تزيل الشعر




ده شاكوش شنو البكون في كل الرأس ده
ده أكيد شاكوش من ( المرحومة ديانا )

[أحمد عمر ( MOODY )]

زي الساعة 3 بالليل مشوا للداية ( عشة ) عشان تجي تطلعني للدينا والداية زهجت قالت هسه ده مواعيد ولادة ، وجاتي وخرجت للدينا أمكن الساعة 4 وأمكن 9 ما عرفي بس في الرنج ده ، وطلعت وكوركت ( هاو هاو هاهو ) وقطعوا الحبل السري وغسلوني بموية ومسحوني بزيت سمسم ولبسوني المرية ، وبعدها ودوني لأمي عشان ارضع وختو تحت مشمع أحمر، ونمت زي الساعة 12:25 ضهر وصحيت تاني من زحمة الناس البتجي تبارك أها بالطريقة دي أنوم وأصحى وأرضع و أسوي . . . . . في المشمع الأحمر لمدة أسبوع وجابو الخروف في اليوم السابع وضبحوه وجوا سموني ( خالد ) وأستمريت بين ( الرضاعة والنوم والبكاء وال . . . . في المشمع الأحمر ) ده كان كلو موضوعي لمدة 5 شهور ، وبعدها أدوني ( شوية موية ) وبديت أتكلم بكلمات أنا زاتي ما كنت فاهمها وبديت أصنقر بعدما ما ختوني في كرتونة والحاجة الحلوة أني كنت قاعد أضحك بس في شنو ما عارف برضو ولما وصل عمري 7 شهور بديت أحبي شوية شوية ولما وصلت 11 شهر بديت أمشي ، لكن كنت طوالي بقع ياخ ما عارف المشكلة كانت وين بالضبط كده ، ولما كملت السنة عملوا لي عيد ميلاد وأستمريت في عدم الموضوع ده لغاية 4 سنة وبعدها ودوني ( الكمبوني ) كنت بمشي الكمبوني مع ست حكمت وكانت بديني سندوتش بتاع فول وكانت الحصصة كلها عبارة عن رسم وبس وشوية إنجليزي درست (kg1) و(kg2) ولما كملت 6 سنوات ودني المدرسة بعدما اشتريو لي الرداء الازرق والقميص اللبني ، وكنت بشمي وبجي يومياً ولمدة 6 سنوات ، وبعدها مشيت المتوسط وبقيت ألبس الرداء البني والقميص البيجي ( بنج ) ، وبقيت أمشي وأجي لمدة (3) سنوات ، وبعدها ودني ( مدرسة مدني العربية ) وبقينا نلبس على مزاجنا وبرضو نمشي ونجي على مزاجنا وفي آخر السنة حصلت مشكلة بين مصر والسودان وأمتحنت للثانوي أمتحان نصو ( سوداني ) والنص التاني ( مصري) إمتحان غريب وعجيب ( اللهم يأخذ الإنقاذ دنيا وآخر ) ، وبعدها دخلت جامعة الجزيرة وكنت طالب مجتهد ومؤدب جدا وأتخرجت يوم يوم الخميس ويوم الاحد طوالي جيت الإمارات ، وإشتغلت في الوزارة وبقيت امشي الشغل وأجي في حالة مملة جداً وانتظر الاجازة بفارق الصبر الاجازة السنوية عشان أمشي أو أنتظر إجازة أهلي عشان يجوني ، وأستمر هذه الحالة المحزنة والكيئبة جداً . . . وفي يوم الجمعة الموافق 1/4/2011 أتصل بي الاخ ( مودي ) وقال لي الشباب جايني عندنا ( ود المطامير ، نزار أحمد ) ويا ريت لو تجي وفعلا ركبت العربية ومشيت ليهو وهناك ألتمينا لمة حلوة واتونسنا ونسات كتيرة وإتذكرنا أيام ( غواتنامو ) وعند الساعة 11 ونصف ودعت الجماعة وجيت راجع البيت ، وفتح اللاب توب وشغلنت النت وفتحت منتديات ودمدني ، وإنتقلت إلى قسم النفاج وفتحت بوست كركر النفاج يستضيف المسافر ورديت عليكم . .

هئ هئ هئ هئ هئ هئ هئ هئ هئ هئ هئ هئ هئ تاني ما عايز معاك



يا أخوي إنت لغاية ما طلعت كُنت شارب شاي بس
تاني مشيت وين .. ؟
:o:o:o:o:o

[مايسة]

مشكور المسافر

على هذا السرد الرائع لقصة حياتك المختصرة -
كنا نرغب في عشر صفحات على الاقل :cool::p

لكن ما مشكلة - بتتعوض -

-------------------

ختاما نشكر سعة صدرك وصبرك على من يحقدون عليك

ونجاملك في الأفراح كدا يا رب

[مايسة]

وبدون ما تحس تجد من منحك سعادة هو من تسبب ليك بتعاسة
فأحترت ( هل احفظ له تلك السعادة ، أم ألومه على ما سببه لي من تعاسة )
و( أفكاري) بين هذا وذلك ، إتلهى ( قلبي ) في وحدته وماتت كل احاسيس
جميلة كانت تملأ كل أجزائه وإنتقلت العدوى إلى افكاري وخلّفت حزن عميق
لا أعرف كيف أميته في دواخلي .

والمرأة بالنسبة لي شيء جميل بس غير مفهوم .


حقو تستقيل من النفاج وطوالي على الثقافي -
ما في واسطة يا جماعة للزول دا

[الملكة اسماء ( ام محمد )]

وبدون ما تحس تجد من منحك سعادة هو من تسبب ليك بتعاسة

ياااااااااه ( مااقسى الحب حين يفقدنا الكثير بقدر مايمنحنا)

والمرأة بالنسبة لي شيء جميل بس غير مفهوم .

محتاجة (اطلس) واظنك لن تحتار في قراءت مفاتيحه
فقط امهل نفسك بعض الوقت (وستفهمها)

[ام رغد]

غدا السبت - بإذن الله

أم رغـــــــــــد

وما تخافي خليك مرتاحة بس والناس براها هى البتجيك -

واي دعم كووول أم رقبة :cool:


تخريمة : ككرك أسبوع - اوكي ;)
الله يعلم قطعتى قلبى

[ام رغد]

أهلين يا أم محمد

ومساء الفل عليك

وبدون ما تحس تجد من منحك سعادة هو من تسبب ليك بتعاسة
فأحترت ( هل احفظ له تلك السعادة ، أم ألومه على ما سببه لي من تعاسة )
و( أفكاري) بين هذا وذلك ، إتلهى ( قلبي ) في وحدته وماتت كل احاسيس
جميلة كانت تملأ كل أجزائه وإنتقلت العدوى إلى افكاري وخلّفت حزن عميق
لا أعرف كيف أميته في دواخلي .

والمرأة بالنسبة لي شيء جميل بس غير مفهوم .
أكيد تحفظ ليه السعادة وتسامحو على الالم عشان الحياة تستمر

[بنت الرفاعي]

أهلين يا أم محمد


ومساء الفل عليك


وبدون ما تحس تجد من منحك سعادة هو من تسبب ليك بتعاسة
فأحترت ( هل احفظ له تلك السعادة ، أم ألومه على ما سببه لي من تعاسة )
و( أفكاري) بين هذا وذلك ، إتلهى ( قلبي ) في وحدته وماتت كل احاسيس
جميلة كانت تملأ كل أجزائه وإنتقلت العدوى إلى افكاري وخلّفت حزن عميق
لا أعرف كيف أميته في دواخلي .
:(:(:(
:(:(

:):)
:)



والمرأة بالنسبة لي شيء جميل بس غير مفهوم .




إذا وجدت من تفهمك من أعماقها فبالتأكيد ستفهمها،
بل وقد تحفظها غيباً.
:):):)