ليت كل اطفال السودان قبس

[ام قبس]

عاوزة احكي ليكم عن عمليه قبس .
هي طبعا عمليه كقصه ممكن تعدي ما في ملايين بيعملوا عمليات في اليوم الواحد وفي كل العالم ، بس لكن الاختلاف بيكون في وقع العمليه وعلي قوله اخونا عبد المنعم (( بالمناسبه الزول دا مشي ويين :confused:)) علي قولوه المترجم الخاص عند كل زول بيختلف , بس والله انا مترجمي دا عذبته ليك في عمره يترجمها لي كدي اقول ليه لا ما المقصود كدي يرجعها لي لي فرق التوقيت والمكان اغالطه ليك ابدا الاحساس ياهو الاحساس ، والاحساس بي كل الناس .
تبداء بي قبل يوم من العمليه ،جبت قبس ختيتها ( ياقبوسه انت بكرة عندك عمليه ، عمليه شنو ياماما ،عمليه حيشيلوا ليك اللوز عشان بوجعوك كل مرة ومبتقدري تاكلي ايس كريم ويعني شنو عمليه . يعني شنو يعني شنو يعني الدكتور يدخلك الغرفه بتاعه العمليه ويشيل اللوز لانها بايظه ويرميها ويغسل ليك حلقك بالمطهر وخلاص ، طيب ممكن توريني ليها اوريك شنو يابتي ، وريني العمليه ، كيف يعني :( قومي افتحي النت وريني العمليه بتكون كيف :cool:والله هذا مانطقت به ، قبوسه ذي عملتك دي ما اظن في في النت ( كذبه بيضاء ) ونسيتها النقاش وانتشغلت باللعب لحدي مانامت وانا بعدها عصبيه وتوتر وضبان وشي ماسلم مني ( اسألوا نهرو :p)
من الحاجات العجيبه دخلت الصفحه بتاعه ايدينا لي مدني ورشيت ليك نهرو وخالد ابو قرجه بي رسالتين (( انتوا ويين وخالين الصفحه ومابعرف انتو اداريين وباقي ثلاثه شهور )) هرجله شديده (( ماهببوه لي الاتنيين :mad:)) رجعت زلزلته ليك عوض الكريم مشيتوا اشتريتوا مابعرف شنو (( رسل لي رساله ذي التلج القاعده فيه دا (بطلي قلق نقطه انتهي).
لقيت مافي طريقه ابو قبس يازوله خلاص نومي بكرة راجياك وقفه طويله . ادخل امرق امرق ادخل احضر في الشنطه ياربي حتحتاج شنو اخت شنو نسيت شنو
تقولوا لي غربه برضه :mad:.
ساهرتا بي ابو قبس لي تلاته صباحا وظبط المنبهه علي خمسه ونص يعني ساعتين ونص بس .
نمت قمت بدل خمسه ونص خمسه اتوضيت صليت حضرت الشاي الساعه سته صحيت الاولاد وابوهم جهزنا وقعدنا ننتظر مواعيد الباص ( ركزوا معاي علي مواعيد الباص دي )) ماتاكسي بااااااااااااااااااااااااااااااص .
الباص مواعيده 7و59 دقيقه ومواعيدنا في المستشفي 8و45 والباص بياخد عشرة لي 12 دقيقه لحدي المستشفي.
وابو قبس جنب الباب والاولاد معاه قلت ليه انزل وانا اقفل البيت واجي، نزل وانا دخلت علي صفحه ايدينا لي مدني قريت كل الدعوات لي قبوسه فتحت ودمدني دوت كوم ومدني نت قريت كل المشاركات قفلت الجهاز وطلعت .:rolleyes:
ركبنا الباص ( لمان تكون ماشي لي اي مواعيد رسميه او مستشفي مابتدفع حق تذكره حتي لو عندك الكرت بتاع الباص بتوري السواق وره المواعيد الانت ماشي ليها وبديك تذكره فيها مده ساعه تقدر تركب بيها لو جيت في نفس الساعه .( تقول لي وقف الحافله دي ياسواق اونزل يازول ) ميدو في عربيته وقبس طبعا ماعندها اي شيء ماشه بي رجليها معاي.
وصلنا ونزلنا ودخلنا المستشفي قبل ربع ساعه من الزمن دخلونا القسم الخاص بالانف والاذن والحنجرة .صاله مع الاستقبال مجهزة نظيفه وملانه العاب اطفال وورق والوان ومكعبات وقصص ومجلات لاطفال والكبار .
قعدت قبس واخوها يلعبوا وانا قعدت اشكي هواجسي لابو قبس .ونادوا علي اسم قبس وقطعوا حبل نقتي وريحوا ابو قبس مني (الممرضه قالت حندخل الغرفه المجاورة لغرفه العمليات وقبلها لغرفه تبديل الملابس وتجي الام فقط)
جلس ابو قبس مع ميدو ودخلت انا وقبس لي جناح كبييييييييييييييييير اول غرفه دخلتنا ليها قالت لي غيري لي قبس ملابسها وانتي البسي روب وطاقيه وبلاستيك في رجليك قلنا حاضر قالت في كميه من الدواليب اخدي واحد وختي فيه الجكت بتاعك وملابس قبس وشنطتك وماتجي داخله بي اي شيء للغرفه التانيه قلنا اوكي غيرت لي قبس ولبست الدروع بتاعتي وركبت الاكياس في رجلي ومشيت اكشكش ذي ابرة (( بتعرفه ابره بتاع 114 طيب ذي ابو شوشه بتاع ود ازرق )) المهم في صور ماعارفه انزلها كيف بعدين نحلها.
قعدنا في غرفه للاطفال البنتظروا العمليات وبرضه فيها كل شيء بيخص الاطفال علي اساس ينسوهم وهي قبس جايبه خبر شيء عشان تنساه .
راسي وجعني بجيكم بكرة ذي الوقت دا.

[آلاء عبد الرحمن]

^_^
الف حمد الله علي السلامة
وربنا يديك العافية انتي وهل بيتك كلهم وماتشوفي شر في واحد منهم
ومنتظرنك

[سيف الدين الامين]

@ ألف مليــون حمــداً للــه على الســـــلامـة @
قبـل ما تجيتنا نحـن بنرســل ليـك أصـدق الأمنيات الصادقة الصدوقـة ونرفع الأكف متضرعين للمولى عز وجـل أن يلبس قبس وكل الاطفــال ثوب الصحـة والعافيـة فهم الشمعـة التي تضـئ حياتنـا والبسمة التي تدخـل السـرور لنفوسـنا... مرة ثانية عداكم الشر ورفـع البــلاء عن قبس ومتعها بالصحة والعافية وادامها زهرة ندية تزين حيتاتكم

[ايمن عبد الله]

ألف حمداً لله على سلامة قبس ..

والله ما عرفت الا عبر هذا البوست ..

وألف مليون حمداً لله على سلامتها مرة اخرى ..

[ام قبس]

الاخوان الاء وسيف الدين وايمن عبد الله الله يسلمكم يارب
ويحفظكم جميعا ومن تحبون
ويا ايمن والله عارفاك مابتقصر الله يديك العافيه وماتشوف شر

[ام قبس]

نواصل امنياتي
لعبت قبس واتبسطت وصورتها بملابس العمليه وفجاءة......................
جات وحده مبتسمه جدا وقالت لي الدكتور جاهز يقابلكم دخلتنا غرفه مجاورة لغرفه العمليات قعدنا قبس برضه في الغرفه فيها العاب قعدت في الارض تلعب والدكتور بداء يشرح كيفيه العمليه وفوائدها ونسبه نجاحها :D
ومن غير مقدمات رمي لي قنبله .............................
قبس حتتعمل ليها عمليتين في نفس التخدير عشان نجنبها الحوجه لي عمليه تاني ( عمليته شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا عمليه بسيطه جدا لحميه في الانف بنفضل نزيلها ليها مرة واحده
يعني ماعندي اي خيارات بس اني اكلم ابو قبس بعد اقدر اطلع ليه او هو يدخل لي .
او كي موافقه . وقال الدكتور الممرضه الحتشرف علي انعاشها بعد العمليه حتجي تتكلم معاك شويه :confused::confused::confused::confused:
وطلع الدكتور ودخلت الممرضه وبابتسامه كبيرة برضه قعدت شاغلت قبس شويه واتونست معاها شويه وانا علي اعصابي .
اها انتي حتدخلي معاها لي غرفه العمليات وعيوني وصلت راسي انا ؟؟؟؟؟؟؟؟؟؟؟؟؟؟؟ ايوة بس انا مابقدر اشوف العمليه !!!!!! لا انت ماحتحضري العمليه بس حتكوني معاها لحدي ماتتخدر . لو كدا معليش بدخل .حنطلعها من الغرفه بعد العمليه حتشعر بي وجع بعد افوقها من البنج حنحتاجك تكوني معاها اول لحظات وحنديها مهدئي كل فترة والتانيه عشان تنوم وماتشعر بالالم .
وبعد ماشرحت كل تفاصيل عملها المتعلق بالعمليه قالت عندك اي سؤال قلت ليها العمليه حتاخد كم بالتحديد قالت حتاخد بين 20 الي 30 دقيقه عشان العمليه التانيه اوكي .
والان انا انتهيت لكن حيجيك اخصائي التخدير عشان يشرح ليك شويه ووووووووووووووووووووووووووووووووووووووووماحنخلص هي دي عمليه ولا انا حاخش كلية الطب :p:p:p
وجاني اخصائي التخدير واتكلم وشرح وقال يلا انا حادخل الان غرفه العمليات وانت جيبي قبس وتعالي .
ودخلنا انا وقبس ولقينا ثلاثه بنات صحي صحي ملائكه رحمة ابتسامه وسلام وترحيب ولطف ولبس ابيييييييييييييييييييييييييييييييييييييييييييييييي ييااااااااااااااااااااااض وبي كحلي :D
ادوني كرسي

[محمد عبد الله عبدالقادر]

الف سلامات الى قبس وانشاء الله ما تشوف شر
وحمد الله على سلامتها وربنا يحفظها ليكم

[بت الشبارقه]

ماعارفه جيت بدري والا اتاخرت علي العمليه
الف حمدلله على سلامة قبس وماتشوفوا شر انشاء الله يا ال قبس
ويديك الف عافيه يا ام قبس

[ودسمير]

جد عشت مع قصة العمليه وكان قبس ابنتى تماما والحمدلله كل شى تم على مايرام وعادت قبوسه لغرفتها رايقه ومبسوطه ..

حمدلله على السلامه ..

[عزالدين]

ربي ينعم عليها بالصحة والعافية ويحفظها ليك ويغطى عليها من كل عين
والف حمدا لله على سلامتها

[مدنيّة]

وبرضوا تقولوا لي
خلي حقدك علي المغتربين!!
بص من دفع قروش
وقسم حدادي مدادي
وعالم تجي تشرح
وعالم تمشي
وكل العوالم دي
تتبسم
وتخت الرحمن في قلب الشديد والعيان
ويجوا يشرحوا ح يعملوا شنو
وكيف
والعاب للاتفال يلعبوا بيها
وياقولك التقول داخلة كلية التب
وعملية لوز 20 دقيقة!!
ياخ احنا عملية اللوز عندنا تلتاشر ساعة
واي زول تلاقيه
يصر ليك في وشك
التقول طالباه قروش
واول حاجة يقولوها ليك
عايزين دم!!

وبرضو مااحقد عليكم يا المغتربين!!!:mad::mad::mad:

[مدنيّة]

تبعا لا يفوت علي شخصكم الغالي
اني حبيت امزح معك:cool:

-------
الف لا بأس علي قبوسة الغالية بت الغالية
وماتشوف شر نهاااااااااااائي يارب

--------
صراحة ياام قبس
لقيتك شجااااااااااااعة
وحاتك
انا التطعيم
بيدخل معاهم ابو جمال!!

[ام قبس]

عاد ياقبس باااااااااااااااااااااااااااااااااااااالغتي معاي اظن ماعجبها كلامي الكتبته عن عمليتها مشيت اجيب كبايه الشاي بعد اتبسطه اني كتبت صفحات عن العمليه ( ونسيت اعمل حفظ ) لقيتها عملت اغلاق للصفحه وفتحت برنامجها بتاع الاطفال :( وراااااااااااااااااااااااااااااااااااااااااااااااا ااااااااااااحت العمليه شمار في مرقه :mad:
اها ازعل ولا اضحك ولا اعضيها ،اها قلت ليها وانا اشد في شعري (اكسر راسي انا ولا اعمل شنو يعني ؟ ردت علي وهي مندهشه مني وبي كل بساطه يعني لو كسرتي راسك حترتاحي حترتاحي ( معي تكرار كلمه حترتاحي ) انت عارفه انت (ما اسنيل كلو كلو) وسنيل باللغه السويديه تعني طيب وبي تركيبه قبس سويدي مسودن تعني انت ماطيبه او انت مالطيفه .
انا اتفقعت بالضحك وابوها بره في الصاله سمعها وضحك ضحكه عجيبه . اضررت للاعتذار رغم زعلي علي كتابتي الشالها الهوا.
بجيكم والله يسلمكم جميعا ولي جميع المتداخليين شكري وامتناني .
مدنيه احقدي ساااااااااااااااااااااااكت يابتي ادعوا الله يكتبها ليك اغتراب في بلدي دي وبعدينك غني الدنيا ليه غربه وتلج :cool::D

[moh_alnour]

ألف حمدا ً لله على سلامة العملية يا قبوسة و إن شاء الله أخر الوعكات يا رب



ووووووووووووووووووووووو ما حنخلص هي دي عمليه ولا أنا حاخش كلية الطب

:D :o :p :D :o



و برضوا تقولوا لي خلي حقدك على المغتربين !! وبرضو ما أحقد عليكم يا المغتربين !!!:mad::mad::mad:

أحقدي ساااااااي و أنا زااااااتي عايز أحقد معاك
كُنتا قايل نفسي مغترب بس أم قبس عملت لي نفسيات بي عملية قبوسة دي

[بحيرى]

الف حمد لله على سلامة قبس
وربنا يحفظها لام قبس
الغاليه ...!!!!

[ام قبس]

الاء عبد الرحمن تسلمي من كل شر ياست البنات .
وربنا يحضرني فرحك يارب

[ام قبس]

اخي سيف الدين اشكرك جدا جدا علي كلماتك الطيبه ودعواتك
وربنا يسمع منك والصحه لي كل اطفال السودان
ويديك العافيه يارب

[ام قبس]

ايمن عبد الله وين انت ياخي ليك مده منقطع علا المانع خير
وبس ماتكون مباري ليك كورة ترفع ليك الضغط :cool:
مابتقصر يا ايمن الله يديك العافيه ويحفظ ليك اسوله وامها
وماتشوف شر

[ام قبس]

محمد عبد الله الفيك اتعرفت
يعني كان بتجينا ملي فراغ ووصلت الاسرة الكريمه وعيييييييييييييييييييييييييييييك
علي كل حنرفع فيك شكوة تسيب مشرف :rolleyes:
ربنا يحفظ عموري ومحاسن وام عموري يارب
وتسلم من كل شر
تحياتي للاسرة

[ام قبس]

ماعارفه جيت بدري والا اتاخرت علي العمليه
الف حمدلله على سلامة قبس وماتشوفوا شر انشاء الله يا ال قبس
ويديك الف عافيه يا ام قبس

لا حولا الله لكن بالغتي يانظاكا والله بالغتي منتدي حاربتيه الاميل برضه قفلتيه
ياخي عمليه قبس بقت سبب سعيد الجابك لي هنا
كيفك والبنيات والوليد وابوهم
الله يسلمك ويسلم الشبارقه زرتكم في داركم وسجلت ليك اعجابي .
في انتظار طلتك يا غاليه وماتعملي كدا تاني
شكرا كتير والله يبارك في ايامك

[ام قبس]

اخي عز الدين تسلم من كل شر واشكرك جزيل الشكر علي صادق دعواتك
ربنا يسعد ايامك

[ام قبس]

معتز سمير اشكرك علي شعورك الطيب النبيل وحقيقي حقيقي اتمنيت في اللحظه ديك كل اطفالنا يلقوا الاهتمام والعنايه والرعايه اللقتها قبس
بعيد عن اي شيء فقط لانهم اطفال
وماااااااااااااااااااااااااااااااااجمل الاطفال
الله يديك العافيه معتز

[ام قبس]

وبرضوا تقولوا لي
خلي حقدك علي المغتربين!!
بص من دفع قروش
وقسم حدادي مدادي
وعالم تجي تشرح
وعالم تمشي
وكل العوالم دي
تتبسم
وتخت الرحمن في قلب الشديد والعيان
ويجوا يشرحوا ح يعملوا شنو
وكيف
والعاب للاتفال يلعبوا بيها
وياقولك التقول داخلة كلية التب
وعملية لوز 20 دقيقة!!
ياخ احنا عملية اللوز عندنا تلتاشر ساعة
واي زول تلاقيه
يصر ليك في وشك
التقول طالباه قروش
واول حاجة يقولوها ليك
عايزين دم!!

وبرضو مااحقد عليكم يا المغتربين!!!:mad::mad::mad:






يازوله احقدي سااااااااااااااااااااااااااي معاك مليوووووووووووووووونن حق
بعدين يامدون هي لو بقت علي اللعب والشرح والابتسامه هين التقيل وراااااااااااااااااااااااااااااااا
ياعزيزة انتي لسعه ماسكه في التبرير بتاع امزح ثمح دي
ياخي بالغتي مع اني عارفه السبب لكن يامدون هنا انسييييييييييييييييييي:o
اشكرك شديد شديد علي قوله قبوسه
الله يخلي جمال واخوانه وابوهم ويحفظك ليهم .
اها زيارة كيف بتخارج ولا الا اقامه وجنسيه;):p

[ام قبس]

ود الجاك ازيك وكيف ذي يزن وامه
والوالده الغاليه ان شاء الله مرتاحه وربنا يقبل عمرتها مقدما
ود الجاك خليك متابع والله هو جنس طب الدخلوني ليه الجماعه ديل
يعني اختك خبرة سااااااااااااي بافتح مستوصف :cool:

اما بالنسبه للغربه حارة حارة بس بتختلف مقبلات الغربه من بلد لي بلد :p

الله يسلمك وقبوسه ممتنه ليكم ودعواتك ليها

[ام قبس]

اخي بحيري سلامات وكيف صحتك واخبارك
اشكرك جدا والله يسلمك يارب ماعدمنا دعواتكم وامنياتكم الطيبه

[ام قبس]

كنا واقفين وييييييييييييييييييييييين
ايوه ادوني كرسي دوار وقال لي اخصائي التخدير شيلي قبس في رجولك
ختيتها قال لي اتكلمي معاها واسأليها اسائله تكون اجابتها بي ايوه او لا
بديت اتكلم معاها ختوا ليها الكمامه بتاعه المخدر في وجهها واقل من دقيقه رفعت قبس عيونها فووووووووووق وراحت في نووووووووووووووووووووووومه وانا كنت عاوزة اروح فيها قال لي شكرا جزيلا لي مساعدتنا في عملنا:rolleyes: لقيتوا مساعدتهم دي كيف:p
طلعت من الغرفه مواصلني واحده لحدي باب الغرفه ولقيت اتنين تانيات منتظريني بره الغرفه وانفجرت بالبكاء وهم يطبطبوا علي وفي اللحظه ديك اتخيلت روحي كديسه :o بالجد بتعاملوا مع الشخص بي رقه متناهيه نفس التعامل الانا بتعامله مع قبس وميدو ويمكن ارقه:D .
ساقوني صاله قعدوني نجيب ليك شويه قهوة او شويه عصير او مويه وانا شغاله بي راسي نهي نهي نهي.
مافضل الا يقولوا لي نجيب ليك حلاوه هههههههههههههههههه
وجاء اخصائي التخدير والممرضه المشرفه علي العمليه وانا اعيييييييييييييييييييط
وجابوا ابو قبس داخل وانا اعييييييييط.
والله انا زهجت من بكاي الكتير وهم مازهجوا :)
وعيوني معلقه بس في الساعه الكبيره الفوق الحيطه وسكت بعد فضل عشر دقائق لي انتهاء العمليه ولقيت اتنين جوني يعرفوني بي نفسهم
ازيك حق الله بق الله انا لينا ودي خيتي كاترين نحن حنكون مشرفين علي راحتكم خلال اليوم الحتقضوه معانا هنا انا حاستلم من الان وحتي الساعه اتنين وبعدها حتكون معاكم كاترين لحدي ماترجعوا البيت بالسلامه .
لينا : بعد شويه حيجي موعد الغداء انتوا طبعا مسلمين ؟ ايوه ، طيب في سمك وفي خضار وقت تحبوا تتناولوا غداكم نادوا علي وانا هنا عشان راحتكم . لا شكرا انا جايبه معاي غداء ، اوكي في هنا ماكينه للقهوة والشاي وكل تبعياتهم لو حبيتي مسموح ليك في اي وقت الغرفه بتاعتكم هي الغرفه رقم 11 قبوسه مجهز ليها تلاته افلام اطفال الاميره الصغيرة ودب العسل والطفله فيفي (( طبعا افلام معروفه بالنسبه لي قبس ) هي بتحب اكتر شيء شنو ؟ بتحب الاميرة الصغيرة اوكي تلقي الافلام داخل الغرفه وبعد هي تنام ممكن انتوا تشاهدوا التلفزيون السويدي كل القنوات موجوده لديكم بس بعد تنام :rolleyes:
كل ماتفوق من المسكن الحنديه ليها تناديني عشان اجيب ليها الايس كريم بتاعها اوكي ؟
تعبت بكرة ان شاء الله نواصل
تلحيقه : الكلام دا كله والابتسامه ماااااااااااااااااافارقت وشهم البتتكلم والتانيه الساكته ومحل ماتقبل تلقي زول بيبتسم ليك سبب بلا سبب

[روبش]

الف الف الف حمد لله على سلامة قبس
وانشاء الله اجر وعافيه وزكاة جسم
اقول :: نفس الجرسه ده لاقتني وين يارب

[ام قبس]

هنا كانت العشرة دقائق انتهت وبالظبط تمت قبس ال 30 دقيقه وانفتح الباب وجات واحده وشايله قبوسه علي يديها وتابعها الدكتور والممرضه بتاعه الانعاش واخصائي التخدير (هو الاس ديل ماعندهم شغل غير قبوسه دي )
وجريت عليها انا وابوها ( ميدو نايم في عربيته ) دخلوها غرفه الانعاش واشروا لينا نقف بره وطمنتنا الكانت شايلاها انها تمام ( نسيت والله قبل تلاته دقئق من خروج قبس جاء الطبيب العمل العمليه وقال انتهت العمليه وتمت بي صورة ساهله وناجحه جدا وازلنا اللوز اللحميه وما حدث اي مضاعفات ) ومشي رجع الغرفه.
انتظرنا خارج غرفه الانعاش والباب مفتوح وانا اتاوق وهم كل شويتين وهم مشغولين بي تركيب اجهزة قياس نبض القلب واكسجين كل شويه يرفعوا راسهم ويبتسموا لينا ( علي اساس يطمنونا ومانخاف ) شويتين واشروا لينا ندخل دخلنا قالوا لي اقعدي جنبها في السرير واحضنيها لانها بعد ثواني حتفوق وماتموا كلامهم الا وقبس تصحي وتتلوا من الالم وتصرخ بي صورة رهيبه (( ماما ماما ماما وعاوزة تمسك حلقها )) ونزل دم من فمها وانفها وهي بتحرك كل جسمها وعاوزة تفك الاجهزة المركبه ليها وطرطشت الدم في كل مكان السرير ابيض وملابسها البيضاء .انا عملت شنو ختيتها في السرير وجريت اصرخ والطم ولو في تراب كان كلته في خشمي.
الدكتور جاني حاجه عاديه وهسع حتنتهي ونركب ليها مسكن بس كانت لازم تفوق وتشوفك ( عامل طبي ونفسي) وانا كانك يابو زيد ماشرحت ( اتلموا فيها اربعه ممرضات وحده ترفع والتانيه تغير الفرش والتالته تغير في الملابس والرابعه تركب في الاجهزة والمسكن وفي تلاته دقايق رجعت قبس نطيفه نايمه هادئه .الحمد لله ومشيت رجعت جنبها وابوها ماعارف يشوف بته ولا يمسكني انا.
نامت قبس وكل كم دقيقه تصحي تأن وتتململ شويه يركبوا ليها مسكن حوالي ساعه وتدريجيا بقت تفتح وتتحسن وكم كلمه وشرح ماما في وجع في حلقي ماما عاوزة مويه ، ودا كله واتنين مرابطين جنبها .
الذ شيء جهاز قياس نبضات القلب انا متابعاه ولمان قبوسه تتقلب وتحرك يدها الجهاز يصفر وانا اتجنن مالها ليه صفر وجنس تساعلات .
ساعه تقريبا وقالوا خلاص تطلعوا تمشوا غرفتكم .، اخدوها بالسرير بتاعها وتحرك الموكب للغرفه ومعاها الاتنين الممرضات لينا وكاترين وصحت قبوسه في الغرفه وبدو في السمع لي قبس والطاعه ، وقعدنا انا وابو قبس في المناقشات والمقارنات وبديناها بي الممرضات الهنا مكانتهم كبييييييييييييييييييييييييييييرة وعندنا الممرضه تعني ......................................
بجيكم راجعه في امان الله

[moh_alnour]

المهلة يضوكا البليل ولدي :p