سيكافا وحتمية مشاركة الهلال (المغزي السياسي) الموضوع غير رياضي !!!

[الجندي المجهول]

كتب عبدو القرشي (منتدى كووورة سودانية ) فقال : تحدثت في مقال سابق عن استخدام الرياضة كورقة سياسية في المرحلة المقبلة وخاصة بعد انفصال جنوب السودان وثورات التغيير العربية وقلت ان عودة الوالي حتمية وفوز معتصم برئاسة الاتحاد وابعاد صلاح ادريس يصب كل ذلك في هذا المنحي استعدادا لمرحلة مقبلة عصيبة يستخدم فيها المخزون البشري لاندية القمة كتسكين او تحريك حسب مقتضيات المرحلة .

*ما أن خرج المريخ من بطولة ابطال افريقيا حتى فاجأ الوالي الوسط الرياضي باستضافة المريخ لبطولة سيكافا ولكن المتتبع لمجري الاحداث ما كان يغيب عنه هذا الهدف اصلا والتخطيط له مسبقا في حالة خروج فريقي القمة أو احداهما من البطولة منعا لحدوث اي فراغ رياضي يؤدي لحراك سياسي في الاتجاه المضاد.

*سيكافا ودعوة فرق كبيرة لها لاعطائها زخما تنافسيا قويا ومشاركة الهلال بعدما صرح رئيسه بأنه لن يشارك ولكن بالطبع الضغوطات الامنية لمشاركة الهلال تكون أتت بعد ذلك وكل ذلك الهدف منه توجيه حركة الجماهير نحو اللعبة الشعبية الاولي وبالتالي الابطاء من أي حراك سياسي ثوري يشابه ذلك الذي حدث في تونس ومصر .

*سيكافا تلبس ثوبا أمنيا وتجلس تحت شجرة النيم فهل من عاشق لها ؟؟؟؟؟؟؟ِ.-------------------
تخريمة : عن نفسي اتفق معه تماماً !! لكن السؤال إلى متى ...........

[مدنيّة]

معليش ح اعلق علي استضافة المريخ لسيكافا

المرة الفاتت لما المريخ استضافها
عمل شنو!!!!!

[الجندي المجهول]

معليش ح اعلق علي استضافة المريخ لسيكافا

المرة الفاتت لما المريخ استضافها
عمل شنو!!!!!

عمتنا صباح الخير ،،،،

ما حا يعمل حاجة !!!!

اها ياريت ترجعي لي للموضوع (الاساسي) بصراحة اتمنى اعرف رايك !!!!!!!!

اعتقد انها نوع من التخدير ،،،،،،،،،

وبصراحة ما بخدرنا إلا (سهولة الحصول على لقمة العيش + مجانية التعليم + مجانية العلاج) * محاربة الفساد

لكن المريخ كان شطب ديل كلهم وجاب لاعبي فريق برشلونة ( ما اعتقد ان هذا سيحل المشكلة)

المعيشة غالية نااااااااااااااار منقد بس

الحل في الرخاء المعيشي واي حل غير كدا يعتبر ضرب من ضروب (الخيال)

ووهم كبير فاكرة انو (الكوورة ) حب كبير

[مدنيّة]

طبعا يا الجندي
سهول العيش في الحياة
مطلب اي زول
غني او فقير

--------
ماعارفة يا الجندي
حاسة التخدير دا موجه من الوالي
لينا احنا جماهير المريخ
بدل ما يقول ح نطلع بالطابق التالت
قال يستضيف سيكافا
وكله محصل كله يا الجندي

[المسافر]

معليش ح أعلق على السؤال ( إلى متى ؟ )

أي فساد لازم له نهاية وهذا كلام الله سبحانه وتعالى
ومهما أعد من ( ملشيات ، وخطط للهو الشعب وإفراغ محتواه )
لا تبتئس ولاتخزن .

تخريمة

هو الهلال ده قايل نفسو شنو ، فريق محلي ليس إلا

[ودسمير]

زكرتنى يا اخوى نكته ... الادروب امام القاضى متهم بسرقة (غنمايه ) وكل مره بحرك (العمه ) بتاعتو ، القاضى زهج قال ليهو والله يا ادروب تانى لو حركت عمتك دى ح اصادرها منك !
فقال له أدروب : انشاء الله لو صادرتها تلقى تحتها الغنمايه !!

واللبيب بالاشاره يفهم ..

[خالد 000 ابقرجة]

جندينا 000
صباحاتك ندية 000
عاوز أسألك سؤال برة الموضوع 000
حصل أيام الشقاوة اتفلقتا فلقا حاااارة وخيتوها ليك بدون بنج ؟؟؟
لو ما حصل خليني أقول ليك 000
ما بتحس بالخياطة 000

رجوعاً للموضوع 000

لو سيناريو التخدير ده صحيح خليني أقول ليهم ما تضيعوا قروشكم ساكت 000
كان جمال الوالي 000
ولا وزير الثقافة بتاع أماسي الخرطوم وأماسي أم در التي كانت أكبر تجمع شبابي أيام كانت ساحات التحرير تغلي حولنا 000

فالشعب السوداني يا جندينا مخدر ذاتياً بي فلقة كبيييرة في راسو 000
خليهم يعملوا عملياتم بدون تخدير 000

بس برضو في نفس سياق أخوي المسافر 000
تخدير الفلقة مصيرو يسكن وساعتا كل مخدرات الدنيا ما حا تفيد 000

جاييك بي موضوع طويييييل بس ما حبيت أفصل عشان برضو ما ألف ليك بي بوست سيكافايين ( من عائلة هيروين 000 كوكايين 000 وهلم جرا )

[نجيب عبدالرحيم]

كيفك يا جندي
سيكافا لعبة سياسية
لكي تصرف الشباب
عن ركوب موجة التغيير
التي يشهدها العالم العربي
تحياتي

[النويري]

والله يا جندينا ياريت لو ناسك ديل بفكروا بي نفس تفكيرك دا ياخي ديل الفهم دا زاتو ما عندهم