هس عمكم جا

[بدر الدين محمد]

هس عمكم جا
الجماعة البي هنا كلهم شباب
فيس بوك
بلياردو
سماعات في الاضنين

عمكم بعرف كونكان 14
ضمنا (بضم الضاء وفتح الميم)
سيجا
ام الحفر

مدمن اذاعة امدرمان برنامج حقيبة الفن يوم الجمعة الضحى
مع الجبنة بالتمر


عمكم عايز يشوف بي جاي في منو بقولوا شنو
يا ربي بقدر يقعد معاهم؟؟؟؟؟؟

[mahagoub]

بس خليه يجيب الاب توب بتاعه معاهوا
عشان ما يضايق واحد

[حنونة.]

اهلين عمو منورنا كتييييييييييييييييييييييير ياخى انشاء الله تقعد معانا طواااااااااااااااااااااالى
اها بشرب معاك الجبنة مع التمر والبخور ولو عايز تحكى لينا عن حقيبة الفن جاهزين ومستعمعين زمان فى المدارس كانت بتدرس حصة الفنون الجميلة
وكانت تكتشف بها المواهب اسع الناس تعمل شنو فى عصر السرعة والكلفتة ده

[ود المطامير]

هااااا جنا جيب الخروف وتعال أتكيهو قدام عمك دا

مرحب حباب الزول الطيب وسمح
دا النفاج جاهو الخير وناس الخير

قرب تعال على العنقريب دا
من زماااان منتظرين جيتك

هلا هلا أمانه بعد دا النفاج ح يقول للعام إنت مع شنو كمان ؟ ;)

[أحمد عمر ( MOODY )]

أستاذنا الفنان المرهف
لإنْ لم نلتقيك يوماً .. وقد صافحت أعيننا إبداع لوحاتك
فيكفينا شرفاً أن على نرى على جدار النفاج
رسم إسمك .. و نقش كلماتك

[أحمد عمر ( MOODY )]

هلا هلا أمانه بعد دا النفاج ح يقول للعام إنت مع شنو كمان ؟ ;)


هااا جنا هااا
ده زي الزول المخاوي و جرّ جوكر
كان جدعت ليهو كرت تلفون بجُرّك

[بنت الرفاعي]

هس عمكم جا
الجماعة البي هنا كلهم شباب
فيس بوك
بلياردو
سماعات في الاضنين

عمكم بعرف كونكان 14
ضمنا (بضم الضاء وفتح الميم)
سيجا
ام الحفر

مدمن اذاعة امدرمان برنامج حقيبة الفن يوم الجمعة الضحى
مع الجبنة بالتمر


عمكم عايز يشوف بي جاي في منو بقولوا شنو
يا ربي بقدر يقعد معاهم؟؟؟؟؟؟




أهلاً بك يا عمنا وحبابك في دارك. :)

[مايسة]

هس عمكم جا
الجماعة البي هنا كلهم شباب
فيس بوك
بلياردو
سماعات في الاضنين

عمكم بعرف كونكان 14
ضمنا (بضم الضاء وفتح الميم)
سيجا
ام الحفر

مدمن اذاعة امدرمان برنامج حقيبة الفن يوم الجمعة الضحى
مع الجبنة بالتمر


عمكم عايز يشوف بي جاي في منو بقولوا شنو
يا ربي بقدر يقعد معاهم؟؟؟؟؟؟




يا سلالالالام

يا الف مليون مرحب بناس الفن

احنا نقوم نجهز ليك اي شئ -
قهوة - بخور - راديو -

اي شئ يخطر على بالك -

منور النفاج والله

تخريمة : بس نصيحة - ما تستغرب من البقولو والبرسمو الجماعة ديل - اصلا مرات كدا بطلعو برا اللوحة وبخرمجو الالوان وبخلوها غير متجانسة نهائيا -

[بدر الدين محمد]

والله يا اولادناواحبابنا واخوانا ما قصرتو ... ياكم من مدني .. وياكم اهلها

اولان بالتبادي خروف ود المطامير دا فرحنا تب
واهم حاجة ابدمام يتشوي بالجمر ومع الليمون والبصل الابيض

وزولة الواجب مايسة بالبخور والجبنة والراديو وهنا امدرمان يعني كدي اخجلت تواضعنا

وجاييكم واحد واحد

[بدر الدين محمد]

بس خليه يجيب الاب توب بتاعه معاهوا
عشان ما يضايق واحد

والله يا عم محجوب الجماعة ديل ما قصروا انزل في البوست تحت تلقى الخرفان والجبنة والشاي المنعنع
كنا خايفين ساي .. ترانا انا وانت جيل الخمسنات ديل لسع عندنا شعبية

[بدر الدين محمد]

اهلين عمو منورنا كتييييييييييييييييييييييير ياخى انشاء الله تقعد معانا طواااااااااااااااااااااالى
اها بشرب معاك الجبنة مع التمر والبخور ولو عايز تحكى لينا عن حقيبة الفن جاهزين ومستعمعين زمان فى المدارس كانت بتدرس حصة الفنون الجميلة
وكانت تكتشف بها المواهب اسع الناس تعمل شنو فى عصر السرعة والكلفتة ده

شكرا حنونة على الحفاوة ..
وقهوة اجدادكم القدماء ناس محجوب وبدر الدين اولا يجيبو بنها الحبشي وينضفو ويدقو بالفندق ويقلو بالقلاية ويكبو في الشرقرق وبعد داك يقدموه في الجبنة بالليفة والوقاية

اها الحاجات دي عندكم؟؟؟؟؟؟؟؟؟؟؟

[بدر الدين محمد]

هااااا جنا جيب الخروف وتعال أتكيهو قدام عمك دا

مرحب حباب الزول الطيب وسمح
دا النفاج جاهو الخير وناس الخير

قرب تعال على العنقريب دا
من زماااان منتظرين جيتك

هلا هلا أمانه بعد دا النفاج ح يقول للعام إنت مع شنو كمان ؟ ;)

والله من ما المسافر قال عايز يلغي المنتدى العام قلنا نشوف اهلنا الانقطعنا منهم جيناكم بي جاي ولو كنا عارفين فيها خرفان وامفتفت كان جينا من زمان ... كدي نرجع ننقل الشمار لي جلاكين المنتدى الانت عارفهم

[بدر الدين محمد]

أستاذنا الفنان المرهف
لإنْ لم نلتقيك يوماً .. وقد صافحت أعيننا إبداع لوحاتك
فيكفينا شرفاً أن على نرى على جدار النفاج
رسم إسمك .. و نقش كلماتك

الحبيب مودي دايما حفي وهاش وباش باخوانك بنجيكم بي ججاي وتعالوا لينا بي غادي

[بدر الدين محمد]

أهلاً بك يا عمنا وحبابك في دارك. :)





حباب بننا مرام وشكرا على الترحيب الحار وناسكم تب ماقصروا جروا العنقريب وجابوا القهوة ... وشامي شية ود المطامير

[بدر الدين محمد]

يا سلالالالام

يا الف مليون مرحب بناس الفن

احنا نقوم نجهز ليك اي شئ -
قهوة - بخور - راديو -

اي شئ يخطر على بالك -

منور النفاج والله

تخريمة : بس نصيحة - ما تستغرب من البقولو والبرسمو الجماعة ديل - اصلا مرات كدا بطلعو برا اللوحة وبخرمجو الالوان وبخلوها غير متجانسة نهائيا -

قهوة الضحويّة عندو
تظبط الزوق المعكر
جنزبيلها العِرقو طيب
وبنها البلحيل مشكر
زادتو القلاية قيمة
وبقّتو الدهب المجمر
الشرقرق والفناجين والوقاية
كل شي مرصوص متمر

اها يا ها دي قهوتك يا مايسة
اما الخرمجة دي في البيت عندي تيمان برقو الما بتفرقو جايطين البيت جنس جوطة فاقعين مرارة امهم

[همسات]

حبابك الف عمنا واستاذنا الفنان الراقي
نورته النفاج كلو ...........
ووجدك هنا يفرحنا .......

[نزار احمد كوارتي]

[
هس عمكم جا
الجماعة البي هنا كلهم شباب

القال ليك منو؟ ما تشيل هم في ناس مافي داعي لي زكر أساميهم متشبشبين* ساااااي بس وحاتك من سنة حفروا البحر
فيس بوك

عليك الله ده هو وقناة الجزيرة ويوم الجمعة ماااااا تجيب سيرتم اليومين ديل بتجيب لينا الهوا ساي نحنه هنا ناس نفاج ما عندنا شغله بي السياسي ومُشرفنا زاتو ما بحب السياسة هِه هه هه هه
عمكم بعرف كونكان 14
ضمنا (بضم الضاء وفتح الميم)
سيجا
ام الحفر

يا سلااااااااام ياخ زمن والله، عليك الله سلم عليهم كلهم الجماعة الطيبين ديل

مدمن اذاعة امدرمان برنامج حقيبة الفن يوم الجمعة الضحى
مع الجبنة بالتمر


والله خليتني أسرح يا فنان وإتخيل
عراقي وسروال خُفاف
وعنقريب من دون لِحاف
التَكيَه والرِجلين خِلاف
والجو تقول فوق الضِفاف
ينطقشو فُنجانين نُضاف
نغمه وغُنانا الإرتِشاف


عمكم عايز يشوف بي جاي في منو بقولوا شنو
يا ربي بقدر يقعد معاهم؟؟؟؟؟؟


إتوهط البيت بيتك وإتأكد إنو تاني لو طردوك بتقول ما ماشي
في كميه من الناس غير المؤاخزين قانونياً
بقولو في حاجات أسمع ساي بس ما تكلم زول




بالزُقاق كده:-

* قسماً بالله القصد شريف

[مايسة]

[/COLOR]اما الخرمجة دي في البيت عندي تيمان برقو الما بتفرقو جايطين البيت جنس جوطة فاقعين مرارة امهم


ربنا يحفظهم ليك وأمهم كمان :)

[مايسة]

هسه يا نزار بعد القلتو للفنان دا باقي ليك بخش تاني هنا
شكيتك غايتو :cool:

[بدر الدين محمد]

حبابك الف عمنا واستاذنا الفنان الراقي
نورته النفاج كلو ...........
ووجدك هنا يفرحنا .......



شكرا همسات النفاج اصلو منور بس نحنا المقصرين

[بدر الدين محمد]

[


بالزُقاق كده:-

* قسماً بالله القصد شريف

شكرا ابو الشبا نزار وما عارف نلاقى في ككر النفاج ولا في العنقريب الهباب في النيمة

[بدر الدين محمد]

هسه يا نزار بعد القلتو للفنان دا باقي ليك بخش تاني هنا
شكيتك غايتو :cool:
اهو يا مايسة قلبنا الكلام والزول (نزار ) قال قصدو شريف بس البت الفي الصورة الرمزية دي خطبها (الجندي المجهول)