بقينا مدمنين علي المنتدي وناسه ..

[ريمون]

بقينا نقوم من الصباح نكلفت شغلنا سرعه سرعه ونمشي طوالي عليهو .. نشوف المواضيع الجديدة ونعلق هنا وهنا وبعدين نمشي نضحك شوية وبعداك نتجرس شويه و... واها علي كده لحدي ما نوصل النفاج .. وما أدراك ما النفاج .. تحس وانت داخل عليه زي الداخل ليك فسحه كبيره والناس فيها اكوام اكوام .. ده يقابض بي جاي ودي بي جاي وبعد شويه الكوم ده يخش في الكوم ده .. اها نتفرج شويه ونحاول ندخل معاهم لكن نلاوذ حبه .. ياربي بنقدر علي جنس اللسانات الطوال ديل ؟؟ غايتو مرات نجازف ومرات نطلع ساي .. وفي الآآآآخر كده نمر علي الثقافي .. المتعة الجد .. ونطلع منو .. نشتغل شويه وتاني بالنا يمشي عليهو .. نرجع تاني نفتح وندخل عليهو .. و .. و .. يا ناس المنتدي القدام الموضوع ده حيستمر لمتين كده ؟؟؟

[ودسمير]

المشكله لو مشيتى مكان ما فيهو (نت) اكيد الادمان ح يعمل شغل وراسك ح يودى ويجيب ... ووقتها لا بنفع (بندول ) ولا كباية شاى ...

اتمنى من كل احباب المنتدى يكونوا مدمنيين ... وما مشكله لان الطب النفسى اتطور جدا ..

مشكوره ريمون ..

[مدنيّة]

احلي ادمان ياريمو ):

[moh_alnour]

دائما ً ما أقول بأن المنتدى كان لي متنفس في الغربة
و أعضاء المنتدى بجدة أصبحوا لي و لزوجتي من أقرب الأقربين
و رغم المشغوليات بعد الزواج إلا أن المنتدى هو مزارنا اليومي

[ahmed algam]

تصدقي ياريمون مابراك المدمنة

علي المنتدي

بالجد احلي منتدي واحلي صحبة

هم اعضاء المنتدي

[مصطفى هاتريك]

أما أنا فما عدت كثير التواجد في المنتدى

بل أصبح المنتدى دائم التواجد فيني..........

بالعربي الفصيح كده المنتدى معايا معايا في صحوتي أو حتى في

عز المنام .. يا ريمون ياخ ده عشق كبير.. عارفة نحن أمه نحن دوله

نحن أسرة .. نحن قبيلة ..

[بت أم درمان]

تصدقوا
نفس
الاحساسات
والشعورات

بس يا ريمون خلي بالك
البوست حقك دا حا يكون شاهد عليك
يعني اي زوغة كدا ولاكدا :rolleyes:
طوااااالي نقوم نجيبو نختو ليك :)
شاهد اثبات

[ابوالنور]

لسة ده انت شوفت شوفتي حاجة

[ريمون]

ما طمنتوني ابدا .. يعني دي حاله لا فكاك منها .. بس غايتو الموت مع الجماعه عرس .. مادام كلكم كده مافي مشكله ..

[ايمن عبد الله]

لا فكاك ..






قدر ما تمشي وتغيب بتجي راجع تاني .. الادمان خش الدم والعروق ..

سيك سيك معلق فيك ..


الواحد يفوت ناس ود المطامير وروبش ديل يمشي وين الا القبر بس يفكهم مننا

[أحمد عمر ( MOODY )]

بقينا نقوم من الصباح نكلفت شغلنا سرعه سرعه ونمشي طوالي عليهو .. نشوف المواضيع الجديدة ونعلق هنا وهنا وبعدين نمشي نضحك شوية وبعداك نتجرس شويه و... واها علي كده لحدي ما نوصل النفاج .. وما أدراك ما النفاج .. تحس وانت داخل عليه زي الداخل ليك فسحه كبيره والناس فيها اكوام اكوام .. ده يقابض بي جاي ودي بي جاي وبعد شويه الكوم ده يخش في الكوم ده .. اها نتفرج شويه ونحاول ندخل معاهم لكن نلاوذ حبه .. ياربي بنقدر علي جنس اللسانات الطوال ديل ؟؟ غايتو مرات نجازف ومرات نطلع ساي .. وفي الآآآآخر كده نمر علي الثقافي .. المتعة الجد .. ونطلع منو .. نشتغل شويه وتاني بالنا يمشي عليهو .. نرجع تاني نفتح وندخل عليهو .. و .. و .. يا ناس المنتدي القدام الموضوع ده حيستمر لمتين كده ؟؟؟



ما حا تقدري تعرفي .. أيّ حاجة

[الملكة اسماء ( ام محمد )]

بقينا نقوم من الصباح نكلفت شغلنا سرعه سرعه

. اها نتفرج شويه ونحاول ندخل معاهم لكن نلاوذ حبه .. ياربي بنقدر علي جنس اللسانات الطوال ديل ؟؟ غايتو مرات نجازف ومرات نطلع ساي ..



غايتو انا الاطوار دي كلها مريت بيها لحد مااتضحت لي معالم كوني اصبحت فردا من هذه الاسرة

ريمون
ماننحرم طلتك ان شاء الله

[الملكة اسماء ( ام محمد )]

لسة ده انت شوفت شوفتي حاجة
ارسى ليك على بر يا صديق مال انا ياااااخي

[آلاء عبد الرحمن]

والله حالنا كلنا
والمنتدي بقي بيتنا وفيو اهلنا واصحابنا^_^

[بت أم درمان]

لسة ده انت شوفت شوفتي حاجة

خليك مع المظللة بالاحمر دي

[ابوالنور]

اهو بت امدر رستنا يا اسماء الله يديها العافية

[ahmed algam]

لسة ده انت شوفت شوفتي حاجة


معقولة بث ياالو النور

ريمون دي ماكانت قاعدة معاك في جلسة واحده يوم الخميس

بدار الاطباء

[ايمن عبد الله]

معقولة بث ياالو النور

ريمون دي ماكانت قاعدة معاك في جلسة واحده يوم الخميس

بدار الاطباء


الكبر كعب يا علقم ..

هو فاضي من الخواجات !!


ولاتكون كانت يوم الخميس داك (متنكرة ريمون)

[ريمون]

الغريبة لابسة توب .. الظاهر كان مركز في حتت تانية .. المرة الجاية بنركز معاك كلنا نشوف بالك بتختتوا وين يا ابو النور ..

[ريمون]

شكرا يا جماعة علي المرور وشكرا علي الأحساس الجميل باللمه .. الأنتماء والهوية وكل المعاني الجميله .. لما قلت مره بريدكم كلكم كنت جاده .. ولسه بقولها ..

[ود المطامير]

واها علي كده لحدي ما نوصل النفاج .. وما أدراك ما النفاج .. تحس وانت داخل عليه زي الداخل ليك فسحه كبيره والناس فيها اكوام اكوام .. ده يقابض بي جاي ودي بي جاي وبعد شويه الكوم ده يخش في الكوم ده .. اها نتفرج شويه ونحاول ندخل معاهم لكن نلاوذ حبه .. ياربي بنقدر علي جنس اللسانات الطوال ديل ؟؟ غايتو مرات نجازف ومرات نطلع ساي
ريمون
يسعدنا كونك أفردتى للنفاج مساحه كبيره وجميله
ويسعدنا أكتر تواجدك بالنفاج أكتر وأكتر

ولا تلاوزى ولا حاجه طوالى خشى فيهم توش
هم والله ناس سمحين وطيبين خلاص وعلى نياتهم والغنمايه بتاكل عشاهم;)

[ريمون]

والغنمايه بتاكل عشاهم;)

كدي انت بس ما تبالغ ..

[ريمون]

نعيش زمانا لا مكان لنا فيه .. ونتمرد .. نسرق لحظتنا هنا في هذا المنتدي .. دمتم لنا ..

[ابوالنور]

معقولة بث ياالو النور

ريمون دي ماكانت قاعدة معاك في جلسة واحده يوم الخميس

بدار الاطباء
انا هو لحقت قعدت يا احمد

[ابوالنور]

الكبر كعب يا علقم ..

هو فاضي من الخواجات !!


ولاتكون كانت يوم الخميس داك (متنكرة ريمون)

هي لكن الكمندان بخلينا نركز يا ايمن اخوي

[ابوالنور]

الغريبة لابسة توب .. الظاهر كان مركز في حتت تانية .. المرة الجاية بنركز معاك كلنا نشوف بالك بتختتوا وين يا ابو النور ..
لا لا ياخ اصلو ما بصدق هو بلاهي دي انتي الكنتي لابسة التوب دي
اها نسيت اسألك التوب كان لونو شنو
انا غايتو كنت بفتش لي في توب اصفر ما لقيتو ؟

[mohd saeed magazoub]

تعرفي يا اختنا ريمون كثير من الاحيان الواحد بيجي الصباح

يدخل المنتدى بي لهفة ومرات بكون بعيد عن المنتدى

وبتذكر في بعض التعليقات وتلقيه يضحك اويبتسم براااه

لمان المعاك يقولوا ليك بتضحك مالك والله حصلت لي كثير

لكن ماكنت عارف إنه ده الادمان ...

كان كده الادمان ده شعور رهيب ;)


12957


12955


12954

[ريمون]

كمان جابت ليها حاجات غريبه كده .. بقينا زي الشفع البجروا يوصلو الشمارات ديلك .. متين نمشي علي المنتدي ونحكي .. ونسمع ونرد .. ولو شوفتوا اخر التقاليع .. عدييييل كده
زي الحبيب لما يشتاق لحبيبتو..

[ايمن عبد الله]

هي لكن الكمندان بخلينا نركز يا ايمن اخوي

الكمندان ولا الكبر يا ابو النور .. إعترف ..

[ريمون]

عارفين يا جماعة .. حاصله لي بعض الظروف الأسريه ملخبطه زمني شديد .. ما قادره اشارك بي مزاج اصلو .. لكن الصباح لازم ادي المنتدي طله واحاول امر علي اكبر عدد من البوستات البسمح بيها الزمن .. واقوم اواصل البعمل فيهو وبالمساء قبل ما انوم ولو كانت الساعة بعد 12 لازم افتح ادي طله .. غايتو ربنا يهون ونرجع ناخد راحتنا

[ريمون]

وبعد عمر نعود ..
ولا زال المنتدي العشق والادمان ..