المساعد الشخصي الرقمي

مشاهدة النسخة كاملة : انحنا اسفين يا الشتا ارجع لينا ....؟



التيمان
20-04-2011, 05:31 AM
ارجع بى الزمن مره وازكر حكايتى معاك
ايااام بنقفل المروحه ونتمسح بى جلسرين ونقعد نتغطى بى البطاطين وننقنق الله يزاك يا البرد
كان مجوعنا وداسينا من الناس فى البيوت زى الحرووم
الواحد ينوم من المغرب ...

وين هسى ياااخ ياحليلك يا الكلس المادبنى على الطلاق تقول استاذ مثلثات والله وحشتنا تب
انحنا وين وانت وين هسي انحنا مع الحر ده ياخ لانمرق لا ناكل لانشرب ياجماعه ده كلام

تجى تقتح المكيف يقول ليك الحر مابقدر شتغل تجى الكهربا المويه تقطع ولا ابوك قال ليك فضل مترين فى العداد...جات المويه الا تعمل ليك برميل بانيو وتغطس وتقعد تغنى الحياه حلوه بس نستحما...الميه تروى العطشان وطفى نار الجرباااان...بحب اتنين سوى يا هنايا بحبهم الميه والهوى ...وانت فى عز القعده دى النسوان الماعندهن شغله ناس سلام وحباب ديل امك وين وماعارف ايه تقوم تتلوبس... شغلانه بطاله والله
لكن الموضوع ده فيهو فوايد كتيره خلاص..
اكل مافى تاكل ليك زبادى ولا طحنيه حاجه خفيفه ونفسك قافله توفير زاتو وغااز معدوم اها ناس الغاز ديل والله تانى الا يبيعو بى خمسه جنيه ...والناس البرايين وناس النقه الواحد تلقاهو لابت فى الحر ده اما ما ود كلب يا الحر ...
الناس الجنهم زيارات بلا شغله ناس نصة نهار ديل منعهم تب

كدى استحمى واجى اكمل الموضوع ده ..


http://files.mothhelah.com/img/HDa09817.jpg

يلا انا مامارق تانى من المويه نتلاقى الصف المقبل

انا التوم المشوكش الممغوص بقيت من اتنين الحر والمغتربين

مدنيّة
20-04-2011, 06:05 AM
ههههههههههههههههه
فعلا والله يا التيمان
الايام دي سخانة زي السخانة
بث الله يلزمنا الصبر

------
المغتربين ديل ما تأخذكم بهم رأفة البتة ، ثمح! ):

التيمان
21-04-2011, 03:21 AM
تعبو معانا تعب شديد والله

هم والحر