المساعد الشخصي الرقمي

مشاهدة النسخة كاملة : جاتكم الكتاحة



ابورجاء
23-04-2011, 12:08 AM
الاحباب الغاليين علينا جدا جدا جدا
كلكم بدون فرز القداااااااااااااااااام والجديدين الشديدين
حبابكم كمية مضاعفة مضروبة جمكسين وفل وياسمين (الجمكسين ناسو معروفين) اما الفل والياسمين لكل الحلوين والشينين مع بعض بالتساوي :p المهم مشتاقين والله جد متأسفين للغياب وعدم السؤال عن حالكم واحوالكم لكن برضو نحن معزورين وبالحيل معصورين بقينا ابو البنيات والجري زاد والخرف خش في العضام وعصر على المصران والشوف قله لكن الشوق زاد وكميتو بقت تعمل طوحال سلامتكم من كل عين ومرض وفلس وحاجات تانية حامياني .

ملحوظة :ـ
كمية شوق زايده شوية للاحباب .ود المطامير .ونزار ود المنيرة . ورضا اخوهو . وخالد المسافر .وابو النور حرامي القلوب .ومدناوية وكل اهل النفاج القدام .الجداد يصبرو شوية
بنعمل ليهم وجع وش ..

ودوما في رعاية الله وحفظه
مع كل الود باقة ورد

رضا حسن محمد
23-04-2011, 12:11 AM
لا حولا
كل الشوق ليك
وللاشراقة الفى عينيك
وين يا زول
ياخى الشوق غلب

خالد علونى
23-04-2011, 12:18 AM
الاحباب الغاليين علينا جدا جدا جدا
كلكم بدون فرز القداااااااااااااااااام والجديدين الشديدين
حبابكم كمية مضاعفة مضروبة جمكسين وفل وياسمين (الجمكسين ناسو معروفين) اما الفل والياسمين لكل الحلوين والشينين مع بعض بالتساوي :p المهم مشتاقين والله جد متأسفين للغياب وعدم السؤال عن حالكم واحوالكم لكن برضو نحن معزورين وبالحيل معصورين بقينا ابو البنيات والجري زاد والخرف خش في العضام وعصر على المصران والشوف قله لكن الشوق زاد وكميتو بقت تعمل طوحال سلامتكم من كل عين ومرض وفلس وحاجات تانية حامياني .

ملحوظة :ـ
كمية شوق زايده شوية للاحباب .ود المطامير .ونزار ود المنيرة . ورضا اخوهو . وخالد المسافر .وابو النور حرامي القلوب .ومدناوية وكل اهل النفاج القدام .الجداد يصبرو شوية
بنعمل ليهم وجع وش ..

ودوما في رعاية الله وحفظه
مع كل الود باقة ورد


عمك يا



ونعم الكتاحة والله



تعال بي جاي دايرنك في موضوع أنا وحبيب قلبي متاميروا وباقي العقد الفريد بس أختا لينا أبو عبد الرحمن والمسافر ديل




حاجة نفسيات هسي يتجي تكسر ليك تلج



اعمل حسابك منها شديييييييييييييييييييييد

ابوالنور
23-04-2011, 12:22 AM
انا اسمي ابوالنور وجسمي نحيف جدا
من الناحية العامة من سابع دليب ريفي الحاج عبدالله
من الناحية السياسية لا توجد
مسلم سني علي مذهب
سيدنا الامام مالك
وبصافح البتصافح من النساء
و يحترم كل الاديان و الخيارات
احب كل الاكلات التي تبتدي بحرف الميم و معاها شطه
وكل المشروبات ال فيها سكر
واحب اتنفس هواء نقي
غير متزوج و رجل اعمال
كايس لي لي واحده تنقشط بدون مقدمات جوه قليبي
ومن هذا المنطلق برحب بي صديقي عمده وان شاءالله مافي انقط تاني
اها نسيت اقول ليك
شعرت جلدي عمل شحححححححححححححح

ahmed algam
23-04-2011, 12:35 AM
حمد لله علس السلام ياعمك

ابورجاء نورت منتدي النفاج

والمنتديات المجاورة كلها

ابورجاء
23-04-2011, 12:43 AM
لا حولا
كل الشوق ليك
وللاشراقة الفى عينيك
وين يا زول
ياخى الشوق غلب
الغالي الحبيب رضوية ود ام رضا
حبابك يا غالي الحروف والله شوقنا عمل مسيرة احتجاج وطلع الشارع
بس ما لاقي ليهو ميدان تحرير هههههههههه الله يبارك فيك يا جميل
والله مشغوليات الحياة غلبتنا عديييييييييييييل كده وقلنا
الروووووووووووب لكن نحمدك يا رب العيشة فل
والاشية معدن وكلو في محلو ....

ودوما في رعاية الله وحفظه ....
مع كل الود باقة ورد...

بنت الرفاعي
23-04-2011, 12:44 AM
نرحب بك مرَّة أخرى أخي أبو رجاء،
وإن شاء الله آخر الغياب.
:):):)

بنت الرفاعي
23-04-2011, 12:46 AM
انا اسمي ابوالنور وجسمي نحيف جدا
من الناحية العامة من سابع دليب ريفي الحاج عبدالله
من الناحية السياسية لا توجد
مسلم سني علي مذهب
سيدنا الامام مالك
وبصافح البتصافح من النساء
و يحترم كل الاديان و الخيارات
احب كل الاكلات التي تبتدي بحرف الميم و معاها شطه
وكل المشروبات ال فيها سكر
واحب اتنفس هواء نقي
غير متزوج و رجل اعمال
كايس لي لي واحده تنقشط بدون مقدمات جوه قليبي
ومن هذا المنطلق برحب بي صديقي عمده وان شاءالله مافي انقط تاني
اها نسيت اقول ليك
شعرت جلدي عمل شحححححححححححححح




قعدت متين تاني في الككر يا أخوي؟؟!!:rolleyes: :cool:

ابورجاء
23-04-2011, 12:56 AM
عمك يا

اهلا يا وليدي ودم وريدي

ونعم الكتاحة والله

ان شاء الله تكون لابس نظارات عشان كتاحتنا بتعمل عمايل الله لا وراك ليها
تعال بي جاي دايرنك في موضوع أنا وحبيب قلبي متاميروا وباقي العقد الفريد بس أختا لينا أبو عبد الرحمن والمسافر ديل

جيتك طب وحبيب قساي وكاسر عامودي البيجاي متاميرو خليهو لي برواقة .
ابو عبد الرحمن ده شكلو جديد علي لكن بندخلو الفورمة ما تلاوز ....
اما المسافر ابو صلعة ده خليهو ساي ده حكايتو حكاية برضو بنجيهو برواقة ...
حاجة نفسيات هسي يتجي تكسر ليك تلج

لا انا عندي لوز التلج ما بينفع معاي وكفانا الله شر النفسيات ...

اعمل حسابك منها شديييييييييييييييييييييد


بعمل حسابي جد ولا يهمك..


ودوما في رعاية الله وحفظه...
مع كل الود باقة ورد...

ابورجاء
23-04-2011, 01:03 AM
الجميل الرائع ابو النور
والله مشتاقيين بالجد متأسفين لكن مننا العذر واكيد منك القبول
راجين يا حنين ....
بعديين انا قالو ليك خاطبة جايب لي السيفي بتاعك ههههههههههه
ليك وحشه يا نور الدجى يا رايق...


ودوما في رعاية الله وحفظه...
مع كل الود باقة ورد...

ابورجاء
23-04-2011, 01:05 AM
حمد لله علس السلام ياعمك

ابورجاء نورت منتدي النفاج

والمنتديات المجاورة كلها

الغالي ابو احميد منورة بنورك ونور الاحباب
تسلم يا جميل يا رائع ....

ودوما في رعاية الله وحفظه...
مع كل الود باقة ورد...

أحمد عمر ( MOODY )
23-04-2011, 01:10 AM
تاااااااااااااااااني قام .. جانا زول
من الزمن الجميل

غايتو .. يا أبو رجاء
مااااا عارف أقول ليك شنو
لكن البعرفو أنا
ود المطامير لمّا يشوف البوست ده
تدخل فيهو جنس خلعة

ابورجاء
23-04-2011, 01:15 AM
نرحب بك مرَّة أخرى أخي أبو رجاء،
وإن شاء الله آخر الغياب.
:):):)




الغالية البنية الفنجرية moram مشكورة يا بنيتي
ومرورك اسعدني لكن في زولا بيرحبو بيهو في بيتو
انتو ورثتوني بالحياة والله شنو:confused:
والله غيبتي دي غصبا عني لكن وعد تاني نهي زندقي تم غياب
ان شاء الله ...

ودوما في رعاية الله وحفظه ...
مع كل الود باقة ورد...

مدنيّة
23-04-2011, 01:25 AM
لاحوااااااااااااااا
ابو رجاء
ادددددددددددددديل كدا!!

والله الف حمدا لله علي السلامة
ونورت المنتدي بطلتك

-------
وتاني غياب مامعانا

--------
رجاء وامها كيف بالله!

ابورجاء
23-04-2011, 01:27 AM
تاااااااااااااااااني قام .. جانا زول
من الزمن الجميل

غايتو .. يا أبو رجاء
مااااا عارف أقول ليك شنو
لكن البعرفو أنا
ود المطامير لمّا يشوف البوست ده
تدخل فيهو جنس خلعة

الغالي الحبيب أحمد عمر
تسلم يا راقي على المرور والمشاركة
وانت كلك زوق وحنية وجمال حروف ورقة مشاعر.

بعدين ود المطامير المطوفش ما تخاف عليهو ده بيخلع الخلعة زاتو
ده قبل كده طلع ليهو تمساح في الجزيرة القاعد فيها دي خلع التمساح
خلعة لحدي اسع ما طلعت منو قالو ليك التمساح لحدي اسع بيقولانا
ضب شبعان ماني تمساحا هوين شفت الخلعة كيف ;) عشان كده ما تخاف عليهو البعاتي ده.

ودوما في رعاية الله وحفظه ...
مع كل الود باقة ورد..

مايسة
23-04-2011, 01:29 AM
الف الف مليون حمد لله على السلامة أبو رجاء

سيرتك دائما سابقاك - نفس ود المتامير :)

نورت البيت من أول وجديد -

تخريمة : بس ما يلمو فيك الجماعة ويخلوك تقيف في صفهم - سمح

ابورجاء
23-04-2011, 01:34 AM
لاحوااااااااااااااا
ابو رجاء
ادددددددددددددديل كدا!!

والله الف حمدا لله علي السلامة
ونورت المنتدي بطلتك

-------
وتاني غياب مامعانا

--------
رجاء وامها كيف بالله!


الغالية العزيزة حبوبتي مدنية
ليكم وحشة لمن عملت غبار;)
لاحواااااااااااااااااااااااااااااا
ولا ادم:p;)
الله يسلمك ويعافيك والمنتدى منوربناسو وهلو واحبابو.
غايتو مسعلة الغياب دي خلوها على الله كان الله حيانا وما شال
امانتو بنواصل قولوا ان شاءالله.
ورجوية وختها وامهم كويسيييييييين وتب عوجة ما عندهم ...

ودوما في رعاية الله وحفظه..
مع كل الود باقة ورد...

ابورجاء
23-04-2011, 01:42 AM
الف الف مليون حمد لله على السلامة أبو رجاء

سيرتك دائما سابقاك - نفس ود المتامير :)

نورت البيت من أول وجديد -

تخريمة : بس ما يلمو فيك الجماعة ويخلوك تقيف في صفهم - سمح
الغالية خالتي مايسة
تسلمي ومشكورة وما قصرتي والله المنتدى منور بيكم وكل الاحباب
سيرتي سابقاني بالخير والا بالشر :confused: لانك ختيتني مع ود المتامير المطوفش في سرج واحد
ونحن فعل روح واحده في جسدين :p ومشتاق ليهو جنس شوق اسكتي ساي ...
تخريمة مع تخريمتك طوالي :ــ
الجماعة ياتم اليلمو فوقي ويضموني لصفهم ديل انا الشافو خلو انا لولميت فيهم مش المهم في صفي دا انا اسفهم سف خلي المهم في الصف;);)...

ودوما في رعاية الله وحفظه...
مع كل الود باقة ورد...

أحمد عمر ( MOODY )
23-04-2011, 02:21 AM
سيرتي سابقاني بالخير والا بالشر :confused: لانك ختيتني مع ود المتامير المطوفش في سرج واحد
ونحن فعل روح واحده في جسدين :p ومشتاق ليهو جنس شوق اسكتي ساي ...






والله يا أبو رجاء .. وما طالبني حليفة
ضربت لي ود المطامير .. أبشِّروا
قلت ليهو : أنقر الليلة جا منو في المنتدى ؟
طوّالي قال لي : أبو رجاء ؟؟
قولت آآآي
أكان وقّف العربية .. و شبكني ليك
عليك الله صحي .. عليك الله جدّ
غايتو أديهو ساعة كدي .. و بجيك ناطّي

ابورجاء
23-04-2011, 02:28 AM
غايتو أديهو ساعة كدي .. و بجيك ناطّي
الله يجازي محنك يا ود عمر;)

اليلة دي دخلتني في حته ضيقة خلاس
اسع انا انتظروا والا امشي اشوف لي اكل وليداتي
غايتوالعملته فوقي خليه ساي الله يسامحك ;)
ود المتاميرحته واحده المطوفش شخشيا والله
مشتاق ليهوشوقا ما ليهو حدود زي السودان حدودو
فاتحه زي حنفيات المستشفى ;);) غايتو لو جاء وما لقاني
النبي فيك يا ود عمر تعتذر ليهو بشوفوا بكره الصباح كان
الله مد في اجلنا ...

ودوما في رعاية الله وحفظه..
مع كل الود باقة ورد...

ابوالنور
23-04-2011, 03:40 AM
الاحباب الغاليين علينا جدا جدا جدا
كلكم بدون فرز القداااااااااااااااااام والجديدين الشديدين
حبابكم كمية مضاعفة مضروبة جمكسين وفل وياسمين (الجمكسين ناسو معروفين) اما الفل والياسمين لكل الحلوين والشينين مع بعض بالتساوي :p المهم مشتاقين والله جد متأسفين للغياب وعدم السؤال عن حالكم واحوالكم لكن برضو نحن معزورين وبالحيل معصورين بقينا ابو البنيات والجري زاد والخرف خش في العضام وعصر على المصران والشوف قله لكن الشوق زاد وكميتو بقت تعمل طوحال سلامتكم من كل عين ومرض وفلس وحاجات تانية حامياني .

ملحوظة :ـ
كمية شوق زايده شوية للاحباب .ود المطامير .ونزار ود المنيرة . ورضا اخوهو . وخالد المسافر .وابو النور حرامي القلوب .ومدناوية وكل اهل النفاج القدام .الجداد يصبرو شوية
بنعمل ليهم وجع وش ..

ودوما في رعاية الله وحفظه
مع كل الود باقة ورد
الحقي يا مايسة

بنت الرفاعي
23-04-2011, 03:50 AM
الحقي يا مايسة



:d :d :d
:):):)
:):)
:)

ود المطامير
23-04-2011, 06:31 AM
الله الله الله

الله ، لما السعاده تكون أكبر منى ، والفرحه تعصف بالقلب
وأندهش ، وأنسى تركيب الحروف وتتوه منى المعانى

ساعه ، أكتب وأمسح ، أمسح وأكتب
ساعه وأنا لا أصدق أن من يقف أمامى هو ( رفيق الدرب ) ذاك الجميل الذى
ملأ حنايا النفس حبا وأركان الفؤاد ريده

وأنا فى طريقى إلى جزيرتى إتصل فينى الحبيب أحمد عمر وبعد أنا شاغلنى كعادته سألنى
_ عارف منو الجا المنتدى اليوم ؟
طوالى حسيت ليك ذى التقول طقّتنى كهربه وحسيت بجسمى نمل ووقفت السياره
وأنا أرى شريط الذكريات الجميله يمر أمام ناظرى
وقلت له بفرح وإحساس الزول المحدثو قلبو
_ أبورجاااااااااااااااا
فضحك وقال لى أيوه
وأنا فى الباخره وراكب فيها وبدفر فيها علشان تسرع وأحضن وأضم أخى الذى لم تلده أمى ولكنه
أخى الروح بالروح والقلب بالقلب ومعا عشنا ردحا من الزمن على صفحات المنتدى وخارجه عبر الأثير
أروع الأيام
شدّنى إليه بطيبته الشديده ونفسه السمحه وقلبه الذى ينبض بحب الخير للجميع

أبورجاء ... شكيتك على شيخى نزار ود حسن
خبر عودتك خلى قلبى ينطط ذى الحمل الشبعان من قش الخريف

أبورجاء ... بالأحضااااااااااااااااااااااااااااااااان ياخ

أحمد عمر ( MOODY )
23-04-2011, 07:13 AM
الله الله الله

الله ، لما السعاده تكون أكبر منى ، والفرحه تعصف بالقلب
وأندهش ، وأنسى تركيب الحروف وتتوه منى المعانى

ساعه ، أكتب وأمسح ، أمسح وأكتب
ساعه وأنا لا أصدق أن من يقف أمامى هو ( رفيق الدرب ) ذاك الجميل الذى
ملأ حنايا النفس حبا وأركان الفؤاد ريده

وأنا فى طريقى إلى جزيرتى إتصل فينى الحبيب أحمد عمر وبعد أنا شاغلنى كعادته سألنى
_ عارف منو الجا المنتدى اليوم ؟
طوالى حسيت ليك ذى التقول طقّتنى كهربه وحسيت بجسمى نمل ووقفت السياره
وأنا أرى شريط الذكريات الجميله يمر أمام ناظرى
وقلت له بفرح وإحساس الزول المحدثو قلبو
_ أبورجاااااااااااااااا
فضحك وقال لى أيوه
وأنا فى الباخره وراكب فيها وبدفر فيها علشان تسرع وأحضن وأضم أخى الذى لم تلده أمى ولكنه
أخى الروح بالروح والقلب بالقلب ومعا عشنا ردحا من الزمن على صفحات المنتدى وخارجه عبر الأثير
أروع الأيام
شدّنى إليه بطيبته الشديده ونفسه السمحه وقلبه الذى ينبض بحب الخير للجميع

أبورجاء ... شكيتك على شيخى نزار ود حسن
خبر عودتك خلى قلبى ينطط ذى الحمل الشبعان من قش الخريف

أبورجاء ... بالأحضااااااااااااااااااااااااااااااااان ياخ



أها يااااااا .. عتود البَرَمْ

ود المطامير
23-04-2011, 07:17 AM
أها يااااااا .. عتود البَرَمْ
يااااااااى
عتود وبرم

إنت بيئه خلاص

هع هع هع

مايسة
23-04-2011, 09:41 AM
الحقي يا مايسة


ههههههههه
سمح بلحق

مايسة
23-04-2011, 09:43 AM
الغالية خالتي مايسة
تسلمي ومشكورة وما قصرتي والله المنتدى منور بيكم وكل الاحباب
سيرتي سابقاني بالخير والا بالشر :confused: لانك ختيتني مع ود المتامير المطوفش في سرج واحد
ونحن فعل روح واحده في جسدين :p ومشتاق ليهو جنس شوق اسكتي ساي ...
تخريمة مع تخريمتك طوالي :ــ
الجماعة ياتم اليلمو فوقي ويضموني لصفهم ديل انا الشافو خلو انا لولميت فيهم مش المهم في صفي دا انا اسفهم سف خلي المهم في الصف;);)...

ودوما في رعاية الله وحفظه...
مع كل الود باقة ورد...


شكيتك يا ود المتامير غايتو

خالتو دي حيرتني زي ما حيرت مرام قبل كدي فيني :o

اها يا ابورجاء - اكييييد بالخير طبعا - بس لو كان بعدته منو شوية - كان بكون بخير اكتر

وتخريمتك دي امسك فيها قوي بس

عزالدين
23-04-2011, 10:00 AM
مع كل الود باقة ورد

كم اشتقت اليك ولهذه العبارة بجد فقد ودمت وبود + باقة ورد

ود المطامير
23-04-2011, 10:05 AM
شكيتك يا ود المتامير غايتو

خالتو دي حيرتني زي ما حيرت مرام قبل كدي فيني :o


على منو ؟
شيخى نزار أبوسفروق ؟ ;)

ود المطامير
23-04-2011, 10:06 AM
كم اشتقت اليك ولهذه العبارة بجد فقد ودمت وبود + باقة ورد
والذى نفسى بيده قد صدقت يا أخا العرب

المسافر
23-04-2011, 08:33 PM
والله لما شفت إسمك قلبي قال ( شححححححححح )
أبو رجرج حبيي قلبي والله ليك وحشة بطريقة هستيرية أديل كده
وينك يا عمك ، شنو لا حس ولا أثر ولا خبر
كده حاول أدينا رنة ياخ

بحيرى
23-04-2011, 08:51 PM
مرحبتين ...ثلاته ...
الاخ العزيز ابو رجاء...
عدت ...والعود احمد ...
ونحن نشهد عودة فارس من فرسان النفاج ... والمنتدى ... ومدنى عموم ...
لكن ...
ما اظنك تغيب تاااانى ..!!

mahagoub
23-04-2011, 09:29 PM
انا اسمي ابوالنور وجسمي نحيف جدا
من الناحية العامة من سابع دليب ريفي الحاج عبدالله
من الناحية السياسية لا توجد
مسلم سني علي مذهب
سيدنا الامام مالك
وبصافح البتصافح من النساء
و يحترم كل الاديان و الخيارات
احب كل الاكلات التي تبتدي بحرف الميم و معاها شطه
وكل المشروبات ال فيها سكر
واحب اتنفس هواء نقي
غير متزوج و رجل اعمال
كايس لي لي واحده تنقشط بدون مقدمات جوه قليبي
ومن هذا المنطلق برحب بي صديقي عمده وان شاءالله مافي انقط تاني
اها نسيت اقول ليك
شعرت جلدي عمل شحححححححححححححح

ورجعت حليمه لعادتها القديمه

mahagoub
23-04-2011, 09:32 PM
والذى نفسى بيده قد صدقت يا أخا العرب

خسئت
فلقد اتى الينا بالكتاحه من بلاد الفرنجه

ابورجاء
23-04-2011, 11:45 PM
الحقي يا مايسة

الغالي ابو النور الحبيب ونوارة الحتة

اولا ما تمشي بعيد;) انت قايلو شنو انت فعلا حرامي القلوب والكلاوي
وام فتفت كمان :p;)...

مايسة دي منو التلحقك دي :confused:..

ودوما في رعاية الله وحفظه...
مع كل الود باقة ورد..

ابورجاء
23-04-2011, 11:54 PM
الله الله الله

الله ، لما السعاده تكون أكبر منى ، والفرحه تعصف بالقلب
وأندهش ، وأنسى تركيب الحروف وتتوه منى المعانى

ساعه ، أكتب وأمسح ، أمسح وأكتب
ساعه وأنا لا أصدق أن من يقف أمامى هو ( رفيق الدرب ) ذاك الجميل الذى
ملأ حنايا النفس حبا وأركان الفؤاد ريده

وأنا فى طريقى إلى جزيرتى إتصل فينى الحبيب أحمد عمر وبعد أنا شاغلنى كعادته سألنى
_ عارف منو الجا المنتدى اليوم ؟
طوالى حسيت ليك ذى التقول طقّتنى كهربه وحسيت بجسمى نمل ووقفت السياره
وأنا أرى شريط الذكريات الجميله يمر أمام ناظرى
وقلت له بفرح وإحساس الزول المحدثو قلبو
_ أبورجاااااااااااااااا
فضحك وقال لى أيوه
وأنا فى الباخره وراكب فيها وبدفر فيها علشان تسرع وأحضن وأضم أخى الذى لم تلده أمى ولكنه
أخى الروح بالروح والقلب بالقلب ومعا عشنا ردحا من الزمن على صفحات المنتدى وخارجه عبر الأثير
أروع الأيام
شدّنى إليه بطيبته الشديده ونفسه السمحه وقلبه الذى ينبض بحب الخير للجميع

أبورجاء ... شكيتك على شيخى نزار ود حسن
خبر عودتك خلى قلبى ينطط ذى الحمل الشبعان من قش الخريف

أبورجاء ... بالأحضااااااااااااااااااااااااااااااااان ياخ
الغالي نوارة قلبي ومفتاح فؤادي اخوي الذي ولدته امي الهي امك .
الجنا المطوفش حبيب الكل وكل حرف اجمل من كده انا قاصد اكتبو
ليك تصدق ال28 حرف جفلن مني وقالن ما بنقدر ...

اها بعد ده يا جماعة انا بقدر اكتب بس قولا لي اكتب كيف :confused:وسيد الحرف والنم وصل
وفي جواي اتحكر انسو بس انا تاني كتابة نهي زندقي تم ....


ودوما في رعاية الله وحفظه..
مع كل الود باقة ورد...

ابورجاء
24-04-2011, 12:03 AM
أها يااااااا .. عتود البَرَمْ

الحبيب الغالي ود عمر
النبي فيك ود المتامير المطوفش ده تقول
عليهو عتود ومبرم كمان;)

تطفيشة:ـــ
كدي يا اخوي ودعمر في زمتك شفته عتود بخوف
اسد ;););)..


ودوما في رعاية الله وحفظه....
مع كل الود باقة ورد...

ابورجاء
24-04-2011, 12:13 AM
شكيتك يا ود المتامير غايتو

خالتو دي حيرتني زي ما حيرت مرام قبل كدي فيني :o

اها يا ابورجاء - اكييييد بالخير طبعا - بس لو كان بعدته منو شوية - كان بكون بخير اكتر

وتخريمتك دي امسك فيها قوي بس

خالتي الغالية لحاقت ابو النور;););)

يديك العافية يا خالتو ... لكن ما قلتي لي ابعد من منو :confused:

تعريجة بت عم التخريمة:ـــ
وصيتك على العين والراس بمسك فيها تب ....


ودوما في رعاية الله وحفظه...
مع كل الود باقة ورد...

ابورجاء
24-04-2011, 12:17 AM
كم اشتقت اليك ولهذه العبارة بجد فقد ودمت وبود + باقة ورد

الغالي الحنين وزاد السنين عزو الجميل الرائع
تسلم يا الغالي على الشعور النبيل والعبارة الجميلة دي
وان شاء الله نكون عند حسن ظنكم بينا ...

ودوما في رعاية الله وحفظه...
مع كل الود باقة ورد...

ابورجاء
24-04-2011, 12:27 AM
والله لما شفت إسمك قلبي قال ( شححححححححح )
أبو رجرج حبيي قلبي والله ليك وحشة بطريقة هستيرية أديل كده
وينك يا عمك ، شنو لا حس ولا أثر ولا خبر
كده حاول أدينا رنة ياخ
الغالي حبيب قساي ونور الطفاية وسبب ازايا
غالي الحروف جميل المعشر حلو العبارة وجزيل
العطايا خليك مايا:p

وانا لم شفت اسمك جاني رسمك وانكشح عصب الذكرات
كششششششح واندلق شوق الحنايا وكنت داير اطير وكف ارك
جمبك واديك خبته في صنقورك ;) لكن اتذكرت الصلعة قلت
احسن اعدل الفكرة وارسل الشوق فوق جناح فره فرررررر
تطير وترك فوق روسك وتقول ليك والله بالجد مشتاااااااااقين
واصلو ما ناسين لكن بس تعب السنين والجري للرزق كايسين
خلانا جافين لكن متأكدين انكم جوه الحنايا متحكرين ومنتظرين
اكيييييييد لينا عازرين يا اجمل الحلوين ...

تعميشة :ـــ
والله يا حبه رقم ليكم ما عندي اخوك ما جاهو حرامي
ولقاهو ليك ملخوم مع كاس العالم موهوم لطش ليك
تلفونو خلاهو زي السخيلة الرايحة من امها تحوم ...
في رسالة خاصة تلقى رقمنا عليك يحوم ....

ودوما في رعاية الله وحفظه...
مع كل الود باقة ورد...

ابورجاء
24-04-2011, 12:49 AM
مرحبتين ...ثلاته ...
الاخ العزيز ابو رجاء...
عدت ...والعود احمد ...
ونحن نشهد عودة فارس من فرسان النفاج ... والمنتدى ... ومدنى عموم ...
لكن ...
ما اظنك تغيب تاااانى ..!!
الغالي الحنين الرائع روعة ودمدني الجميلة بحيري
لك الشكر اجزله والامتنان اجله والتقدير كله على مرورك
الجميل وحرفك الرائع وطيب شعورك ..
الغياب تاني الا للشديد القوي باذن واحدا احد ....

ودوما في رعاية الله وحفظه..
مع كل الود باقة ورد...

ابورجاء
24-04-2011, 12:51 AM
خسئت
فلقد اتى الينا بالكتاحه من بلاد الفرنجه

وي كأنك تقصدني انا يا ابا بلتعه

ودوما في رعاية الله وحفظه...
مع كل الود باقة ورد...

mahagoub
24-04-2011, 09:56 PM
وي كأنك تقصدني انا يا ابا بلتعه

ودوما في رعاية الله وحفظه...
مع كل الود باقة ورد...



اذاً انها الحرب
فلتهبوا يا ال قريش

ابورجاء
25-04-2011, 02:14 AM
اذاً انها الحرب
فلتهبوا يا ال قريش

الغالي الحبيب عمنا وتاج راسنا
تسلم يا الحنين ...

اذا فهي كذلك يا ابا بلتعه الله اكبر الله اكبر الله اكبر
جهزوا الجيوش وهبوا يا اخوان العرب فالعدو امامكم
والمنتدى من خلفكم اما نصر يسر واما شهادة نلقى بها الله ....

ودوما في رعاية الله وحفظه...
مع كل الود باقة ورد..

بنت الرفاعي
25-04-2011, 02:23 AM
ورجعت حليمه لعادتها القديمه





هي يعني كانت قد تغيّرت؟؟!!:rolleyes::confused::cool:

أحمد عمر ( MOODY )
25-04-2011, 03:47 AM
الحبيب الغالي ود عمر
النبي فيك ود المتامير المطوفش ده تقول
عليهو عتود ومبرم كمان;)

تطفيشة:ـــ
كدي يا اخوي ودعمر في زمتك شفته عتود بخوف
اسد ;););)..


ودوما في رعاية الله وحفظه....
مع كل الود باقة ورد...




آآآآآآآآآآآي
الأسد الكتلو جد ناس رضا ونزار
:p:p:p:p:p

ابورجاء
25-04-2011, 03:57 AM
آآآآآآآآآآآي
الأسد الكتلو جد ناس رضا ونزار
:p:p:p:p:p

الغالي الحنين ضواي القبيلة ودعمر
احيك بحرارة حتى تقول وااااااااااااااي;)
بعدين يا اخوي اسد جد ناس نيزو ورضا طلع جدعه
ساي جدهم الضبانة ما كتلها اصلو اليوم داك كان جاي
من ديم بتول ومصلح على سنجة عشرة لقى غنماية افتكرها
اسد وهاك يا لبع لمن جاب خبرها ومن ديك مسكوها ناس نيزو
نحن الجدنا كتل الاسد:p;)...

ودوما في رعاية الله وحفظه....
مع كل الود باقة ورد....